မိူဝ်ႈၼႆႉ ဝၼ်းတီႈ 2/12/2021 ယၢမ်းၵၢင်ၼႂ်မွၵ်ႈ 3 မူင်း ၸဝ်ႈသိုၵ်း ၸူဝ်းမိူင်း ၽူႈၼင်ႈလုမ်းၵပ်းသၢၼ် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်း ၸိုင်ႈတႆး RCSS/SSA လူႉသဵင်ႈတီႈႁူင်းယႃလူင် ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း။
ၽူႈၸမ်ၸႂ်မၼ်းၸဝ်ႈ ၵူၼ်းၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ မၼ်းၸဝ်ႈလႆႈလူႉသဵင်ႈၵႂႃႇ ယွၼ်ႉတၢင်းပဵၼ် ယဵဝ်ႈဝၢၼ်လႄႈ လိူတ်ႈၶိုၼ်ႈ ၶႃႈ။ လူႉသဵင်ႈၵႂႃႇတီႈႁူင်းယႃလူင် ႁူၺ်ႈၶႃး ဝဵင်းၵဵင်းတုင်ၼႆႉၶႃႈဢေႃႈ”- ဝႃႈၼႆ။
ဢိင်ၼိူဝ် လွင်ႈၼႆႉသေ ယူႇတီႈၽူႈမီးပုၼ်ႈၽွၼ်း ၽူႈၼင်ႈလုမ်းၵပ်းသၢၼ် RCSS/SSA တီႈတႃႈၶီႈလဵၵ်း ၵႂႃႇလုမ်းလႃးပူၼ်ႉၶၢပ်ႈတူဝ် သေ တေဢဝ်လုပ်ႇမၼ်းၸဝ်ႈမႃး ၾင်တီႈငဝ်ႈၸိုင်ႈလွႆတႆးလႅင်း ၽူႈၸမ်ၸႂ် မၼ်းၸဝ်ႈ လၢတ်ႈၼႄထႅင်ႈၼင်ႇၼႆ။
လွင်ႈၼႆႉ ၸဝ်ႈသိုၵ်းလူင် ၸၢႆးငိုၼ်းၵေႃႈ တႅမ်ႈဝွၵ်ႈၶေႃးၶူမ်မွင်ၸႂ်ၸွမ်းဝႆႉ တီႈၼိူဝ် Facebook သုၼ်ႇတူဝ်မၼ်းၸဝ်ႈဝႆႉယူႇ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ