ၵူၼ်းပၢႆႈၽေးသိုၵ်း 1500 ပၢႆ ဢၼ်မီးၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ဢမ်ႇလႆႈတင်းၵမ်ႉၸွႆႈမႃး ပီပၢႆယဝ်ႉ လူဝ်ႇတၢင်းၸွႆႈထႅမ်ႁၢဝ်ႈႁႅင်း ဝႃႈၼႆ ။ ၵူၼ်းၸွႆႈထႅမ် ၵူၼ်းပၢႆႈၽေးသိုၵ်းၼႂ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“တီႈယူႇတႄႉ လႆႈႁဵတ်း သုမ်ႉယူႇတီႈလိၼ်ဢၼ်ၵူၼ်းဝၢၼ်ႈပၼ်ဝႆႉ ၊ တႃႇၵိၼ်တႃႇယႅမ်ႉတႄႉ ယၢပ်ႇၽိုတ်ႇဝႆႉဢေႃႈ ။ ယွၼ်ႉၵူၼ်းပၢႆႈၽေးသိုၵ်းၵမ်ႈၼမ် ပဵၼ်ၵူၼ်းႁဵတ်းၵၢၼ်ႁႃၸဝ်ႉၵိၼ်ၶမ်ႈ ၊ မိူဝ်ႈလဵဝ် ၵၢၼ်ၵေႃႈ ႁႃယၢပ်ႇ...

သိုၵ်းမၢၼ်ႈ ပလိၵ်ႈမၢၼ်ႈၼႂ်းၸႄႈတွၼ်ႈလွႆလႅမ် လူင်းပိုၼ်ႉတီႈ တီႇၽဵဝ်ႈသူၼ်ယႃႈႁၢမ်း ထၢႆႇႁၢင်ႈပိုၼ်ၽၢဝ်ႇၵွၼ်ႇၼႃႈပၢင်လိူၵ်ႈတင်ႈ ဝူင်ႈၼိုင်ႈ။ ဝၼ်းတီႈ 20/12/2025 ၼႆႉ ပလိၵ်ႈမၢၼ်ႈ သိုၵ်းမၢၼ်ႈ ၵႂႃႇတီႇၽဵဝ်ႈသူၼ်ယႃႈ ၼႂ်းဢိူင်ႇသငေႃး ၸႄႈဝဵင်းႁူဝ်ပူင်း တႃႇ 21 ဢေႊၶိူဝ်ႊ၊ တၢင်းဝၢၼ်ႈတွင်ႇလေး ၸႄႈဝဵင်းပၢင်လွင်းသမ်ႉ 75 ဢေႊၶိူဝ်ႊ သေ ပိုၼ်ၽၢဝ်ႇဢွၵ်ႇမႃးဝႃႈ - ၽဵဝ်ႈသူၼ်ယႃႈၼႂ်းၸႄႈဝဵင်း...

မိူဝ်ႈဝႃးဝၼ်းတီႈ 17/12/2025 ၼႆႉ သိုၵ်းမၢၼ်ႈလႄႈပျီႇတူႉၸိတ်ႉပဢူဝ်း ထႅမ်ႁႅင်းသိုၵ်းၶဝ်ႈၼႂ်းဝၢၼ်ႈ ၸလူင်ႈတႂ်ႈ ( တောင်စလုံး ) ၸႄႈဝဵင်းပၢင်လွင်း- ၾၢႆၶုၼ်သေ ၽဝ်ႁိူၼ်းယေးၵူၼ်းဝၢၼ်ႈလူႉၵွႆထႅင်ႈ ။ တီႈဝၢၼ်ႈၸလူင်ႈတႂ်ႈဢၼ်သိုၵ်းမၢၼ်ႈၶဝ်ႈၽဝ်ၼႆႉ ၵူၼ်းဝၢၼ်ႈတႄႉ ပၢႆႈၽေးသိုၵ်းမူတ်းယဝ်ႉလႄႈ ဢမ်ႇမီးလွင်ႈတုမ်ႉတိူဝ်ႉမၢတ်ႇၸဵပ်း။ ယွၼ်ႉသိုၵ်းမၢၼ်ႈၵႆႉထႅမ်ႁႅင်းသိုၵ်းၶဝ်ႈမႃးသေ ၵႆႉၽဝ်ႁိူၼ်းယေး ၵူၼ်းဝၢၼ်ႈ ၵမ်းလင် သွင်လင်ႁဵတ်းၼႆတိၵ်းတိၵ်းလႄႈ  ႁဵတ်းႁႂ်ႈၵူၼ်းပၢႆႈၽေးသိုၵ်း ဢမ်ႇႁတ်းပွၵ်ႈၶိုၼ်း ႁိူၼ်းယေး...

ၵူၼ်းပၢႆႈၽေးသိုၵ်း ႁူဝ်ၵူၼ်း 500 ပၢႆ ဢၼ်မီးတီႈၼႂ်းၸႄႈဝဵင်း ပၢင်လွင်း - ၾၢႆၶုၼ်  ၸိုင်ႈတႆးပွတ်းၸၢၼ်း လူဝ်ႇတၢင်းၸွႆႈထႅမ် ၶူဝ်း လႄႈ ယႃႈယႃ ။ ၼႂ်းလိူၼ် သႅပ်ႊထႅမ်ႊပိူဝ်ႊ ပူၼ်ႉမႃးၼႆႉ  သိုၵ်းမၢၼ်ႈႁူမ်ႈပျီႇတူႉၸိတ်ႉပဢူဝ်း ထူဝ်းသိုၵ်းၶဝ်ႈ ၼႂ်းဝၢၼ်ႈဝေႃႉယၢၼ်ႇ ဢၼ်မီးၾၢႆႇႁွင်ႇ ၾၢႆၶုၼ်ၼၼ်ႉသေ တုမ်ႉတိူဝ်ႉပဵၼ်ပၢင်တိုၵ်းၵၼ် တင်းၸုမ်းလုၵ်ႉၽိုၼ်ႉႁၢဝ်ႈႁႅင်း  ႁဵတ်းႁႂ်ႈ...

တႄႇၵၢင်လိူၼ် ဢွၵ်ႇထူဝ်ႊပိူဝ်ႊ ၼႆႉမႃးသိုၵ်းမၢၼ်ႈႁူမ်ႈ ပျီႇတူႉၸိတ်ႉပဢူဝ်းထူဝ်းသိုၵ်းၶဝ်ႈ ၼႂ်းၸႄႈ ဝဵင်းပၢင်လွင်း - ၾၢႆၶုၼ် ႁၢဝ်ႈႁႅင်း သေ ပဵၼ်ပၢင်တိုၵ်းၵၼ်တင်းၸုမ်းလုၵ်ႉၽိုၼ်ႉလႄႈႁဵတ်းႁႂ်ႈၵူၼ်းမိူင်း 4 ႁဵင်ပၢႆလႆႈငိူင်ႉပၢႆႈၽေးသိုၵ်းထႅင်ႈ ။ ၵူၼ်းၼႂ်းၸႄႈဝဵင်းၾၢႆၶုၼ်- ပၢင်လွင်း ဢွၼ်ၵၼ် ငိူင်ႉပၢႆႈၽေးသိုၵ်းၵႂႃႇယူႇ  ၼႂ်းထိူၼ်ႇၼႂ်းၶိူဝ်း ၊ လူဝ်ႇ တၢင်း ၸွႆႈထႅမ် တီႈယူႇတၼ်းသဝ်း ၶဝ်ႈၼမ်ႉတၢင်းၵိၼ်လႄႈယႃႈယႃဝႆႉ...

ပျီႇတူႉၸိတ်ႉပဢူဝ်း PNO/PNA တႂ်ႈသိုၵ်းမၢၼ်ႈယိုတ်းမိူင်း လၢတ်ႈဝႃႈ - ယိုတ်းၵုမ်းလႆႈၶိုၼ်း ၼႃႈတီႈ ၸုမ်းလုၵ်ႉၽိုၼ်ႉၶဝ်ၵုမ်းဝႆႉ ၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ဝႃႈၼႆ။ မိူဝ်ႈပီ 2023 လိူၼ်မၢတ်ႉၶျ် ၸုမ်းၽွမ်ႉႁူမ်ႈ သိုၵ်းယၢင်းလႅင် KNDF လႄႈ သိုၵ်းမၢၼ်ႈတင်း ပျီႇတူႉၸိတ်ႉပဢူဝ်းႁူမ်ႈၵၼ်ဝႆႉၼၼ်ႉ ပဵၼ်ပၢင်တိုၵ်းၵၼ် တၢင်းဝၢၼ်ႈ ၵေႃမႆႉသၢင်း၊ ဝၢၼ်ႈၼမ်ႉၼဵင်ႈ၊ လူင်ပႅၼ်ႈ...

လုၵ်ႈဢွၼ်ႇၸၢႆး  3 ၵေႃႉ ၵႂႃႇလဵၼ်ႈၼမ်ႉၼွင် ဢၢင်ႇယႃး (အိုင်ယား) ဢၼ်မီးတီႈၼႂ်းဝၢၼ်ႈ ဢၢင်ႇယႃး တီႈဝဵင်းဢွင်ႇပၢၼ်း(ဢုမ်ႇပဝ်း) ၸိုင်ႈတႆးပွတ်းၸၢၼ်းၼၼ်ႉ  ၸူမ်ၼမ်ႉ  2 ၵေႃႉ  တၢႆ ၵေႃႉၼိုင်ႈ၊ တၼ်းၸွႆႈလႆႈၵေႃႉၼိုင်ႈ  ။ ၼႂ်းဝၼ်းတီႈ 14/9/2025 ယၢမ်းႁူဝ်ၶမ်ႈ 4 မူင်း ၽွင်းလဵၼ်ႈၼမ်ႉယူႇၼၼ်ႉ  လုၵ်ႈဢွၼ်ႇၸၢႆး ၸူမ်ၼမ်ႉ...

လူမ်းလႅင်ႉၽတ်ႉၶဝ်ႈ  ၼွင်ႁၢႆးယႃႈလႄႈ ၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း  ႁိူၼ်းယေးလႄႈႁူင်းႁဵၼ်း လူႉၵွႆၼမ် လူဝ်ႇတင်းၸွႆႈထႅမ်ပူၵ်းပွင်ၶိုၼ်း  ။ ၼႂ်းဝၼ်းတီႈ 26/8/2025 ယၢမ်းဝၢႆးဝၼ်း 1 မူင်း ၾူၼ်တူၵ်း လူမ်းလႅင်ႉၶဝ်ႈ ဝၢၼ်ႈ လူင်ပႅၼ်ႈ ဝၢၼ်ႈမွၵ်ႇ လႄႈ ဝၢၼ်ႈဢၼ်မီးၼႂ်းဢိူင်ႇၼမ်ႉတူၵ်း ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း။ လင်ၶႃးႁိူၼ်းယေးၵူၼ်းမိူင်း ဢိၵ်ႇႁူင်းႁဵၼ်း ပိဝ်ၸွမ်းလူမ်းတင်းၼမ်။...

မိူင်းဢၼ်ဢမ်ႇၵတ်းယဵၼ်ၼိမ်တဵင်ႈၼႆႉ ၵူၼ်းမိူင်းဢမ်ႇၸၢင်ႈႁႃသဵၼ်ႈတၢင်းၶိုၼ်ႈယႂ်ႇ။ ၵူၼ်းမိူင်းၵွတ်းၽၢၼ် ငိုၼ်းၶမ်းၵူၺ်းဢမ်ႇၵႃး ၵွတ်းၽၢၼ်ပႃးတၢင်းႁူႉ။ လိုၼ်းလၢႆးဝၢႆးမႃးယဵၼ်းပဵၼ်မိူင်းဢၼ်တူၵ်းတႅမ်ႇသေပိူၼ်ႈ ၼႂ်းလုမ်ႈၾႃႉ။ မိူၼ်ၼင်ႇ မိူင်းတႆး ပႃးၸဵမ်လၢႆမိူင်းၼႂ်းမိူင်းႁူမ်ႈတုမ် ယၢမ်းလဵဝ် ၵူၼ်းမိူင်းသဵၼ်ႈတၢင်းတိူၵ်ႈတၼ်ဝႆႉ။ လဵၵ်ႉယႂ်ႇၼုမ်ႇထဝ်ႈ လႆႈၵူဝ်သိုၵ်းသိူဝ်။ မၢင်ၸိူဝ်းၵေႃႈ ၶမ်ယူႇၼႂ်းၵႄႈယႃႈမဝ်းၵမ်။ ၸိူဝ်းဢၼ် သူင်လဵၼ်ႈၵဵမ်းဢွၼ်ႊလၢႆႊ သလွတ်ႊၵဵမ်း Slots game သေ ၾိင်ႈယၢမ်ႈလူႉၵေႃႈ မီးတင်းၼမ်။ ပၢၼ်ဢၢႆႊထီႊ IT...

ၼမ်ႉၼွင်သွမ်ႇ ဢၼ်မီးတီႈၸႄႈဝဵင်းယႂႃႇငၢၼ်ႇၸိုင်ႈတႆးပွတ်းၸၢၼ်းၼၼ်ႉ ယွၼ်ႉပိူဝ်ႈၽႅၼ်ႇလိၼ်ဝႆသေ ဢဝ်ၼမ်ႉၶုၼ်ႇပႅတ်ႈတေႃႇထိုင်ဝၼ်းမိူဝ်ႈၼႆႉ ဢမ်ႇသႂ်ၶိုၼ်း။ တင်ႈတႄႇၽႅၼ်ႇလိၼ်ဝႆ ဝၼ်းတီႈ 28/03/2025 မႃး ၼမ်ႉၼွင် ၼမ်ႉလၼ်ႈ ၼမ်ႉပုင်ႇ ပႃးၸဵမ်ၼမ်ႉၼွင်သွမ်ႇ ၸိူဝ်းမီးၼႂ်းၸႄႈဝဵင်းယႂႃႇငၢၼ်ႇၼၼ်ႉၶုၼ်ႇဢူၼ်ပႅတ်ႈမူတ်း ၊ လႆႈ 3-4 ဝၼ်းယဝ်ႉယင်းပႆႇသႂ်ၶိုၼ်းလႄႈၵူၼ်းပိုၼ်ႉတီႈပဵၼ်ဢၼ်ၸႂ်ဢမ်ႇလီဝႃႈၼႆ။ ၵူၼ်းမိူင်းဝဵင်းယႂႃႇငၢၼ်ႇၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ-“မိူဝ်ႈၼမ်ႉထူမ်ႈပီၵၢႆၼႆႉၵေႃႈ ၼမ်ႉၼွင်သွမ်ႇၼႆႉ မၼ်းၶုၼ်ႇယူႇ။ ၵူၺ်းၵႃႈမၼ်းၶိုၼ်းသႂ်ယူႇၼႃ။ ယၢမ်းလဵဝ် မၼ်းၶုၼ်ႇယွၼ်ႉၽႅၼ်ႇလိၼ်ဝႆၼႆႉ ၸွင်ႇမၼ်းတေၶိုၼ်းသႂ်တႄႉဢမ်ႇႁူႉ။  တူၺ်းငဝ်းလၢႆးမၼ်းတႄႉၵူဝ်မၼ်းဢမ်ႇၶိုၼ်းသႂ်ၵူၺ်းယဝ်ႉၶႃႈ...

မိူဝ်ႈၼႆႉ ဝၼ်တီႈ 10/03/2025 လိူၼ်သီႇမႂ်ႇ 12 ၶမ်ႈ ၵူၼ်းမိူင်းပိုၼ်ႉတီႈလႄႈ သြႃႇတၵ်ႉၵႃႇ ႁူမ်ႈၵၼ်ၵႂႃႇ ပၢင်းဢဝ်ၽြႃး တိဢိင်ႇတ ၸဝ်ႈမိူင်းၶၢဝ်ႉ တီႈဝၢၼ်ႈႁူဝ်တူင်ႈ ၶဝ်ႈၼႂ်းဝဵင်းသႅၼ်ဝီသေ တႄႇၸတ်းပၢင်ပွႆးလိူၼ်သီႇၵႂႃႇ ၼႆယဝ်ႉ။ ၼႂ်းပွႆးလိူၼ်သီႇၼႆႉ သိုၵ်းၵဝ်ႈၵၢင်ႉ ပၼ်ၶႂၢင်ႉပိုတ်ႇပၢင်တေႃႇလွင်းသေ မီးၸဝ်ႈၼႃႈတီႈၾၢႆႇသိုၵ်းၶဝ် ဢဝ်ႁူမ်ႇလူမ်ႈဝႆႉသေဢမ်ႇၵႃး မီးပႃးႁၢၼ်ႉၶၢႆၶူဝ်းၵုၼ်ႇလႄႈ ႁၢၼ်ႉတၢင်းၵိၼ် တင်းၼမ် ၼႆယဝ်ႉ။ ၵူၼ်းပိုၼ်ႉတီႈ...

ဝၢႆးလင် သိုၵ်းၵဝ်ႈၵၢင်ႉ MNDAA ၵုမ်းလႆႈဝဵင်းသႅၼ်ဝီယဝ်ႉၼႆႉ ပၼ်ၶႂၢင်ႉပိုတ်ႇပၢင်တေႃႇလွင်းမႃး ဢမ်ႇထၢတ်ႇလႄႈ ႁဵတ်းႁႂ်ႈတၢင်းယၢမ်ႈၵူၼ်းမိူင်း လူႉမႃးၼမ်။ တႄႇဢဝ် ဝၼ်းတီႈ 16/06/2024 ၼႆႉမႃး ၸဝ်ႈငိုၼ်းသႃး ၵူၼ်းသူင်ပိုတ်ႇပၢင်တေႃႇလွင်း ဢၼ်ယူႇတႂ်ႈသိုၵ်းၵဝ်ႈၵၢင်ႉ ၵမ်းၵုမ်ၼၼ်ႉ သိုပ်ႇမိူဝ်းပိုတ်ႇပၢင်တေႃႇလွင်းထႅင်ႈ တီႈဢိူင်ႇမိူင်းပႃး ၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ ဢွင်ႈတီႈ ဢၼ်ၶဝ်ၵႂႃႇပိုတ်ႇၼၼ်ႉသမ်ႉ ၸမ်ၵၢတ်ႇ၊ ႁူင်းႁဵၼ်းၼႃႇလႄႈ...

သိုၵ်းမၢၼ်ႈ လၢမ်းလိမ်းယိုဝ်းၵွင်ႈလူင်သႂ်ႇၸွမ်းသဵၼ်ႈတႃႈသၢႆတၢင်း ၼႂ်းၸႄႈဝဵင်းပၢင်လွင်း ၵူၼ်းမိူင်း တူၵ်းၸႂ်ၵူဝ်ႁႄ ။ မိူဝ်ႈဝႃး ဝၼ်းတီႈ 18/1/2023 ထိုင် မိူဝ်ႈၼႆ့ ဝၼ်းတီႈ 19/1/2023 သိုၵ်းမၢၼ်ႈ လၢမ်းလိမ်းယိုဝ်းၵွင်ႈလူင် သႂ်ႇ ၸွမ်းသဵၼ်ႈတႃႈသၢႆတၢင်း ၼႂ်းၵႄႈဝဵင်းပၢင်လွင်း လႄႈ ၼေႇပျီႇတေႃႇ ၵူၼ်းမိူင်းၵူဝ်ႁႄ ၵူဝ်ၺႃးမၢၵ်ႇၵွင်ႈ။ ၵူၼ်းဝဵင်းပၢင်လွင်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “ မိူဝ်ႈဝႃး ၵၢင်ၼႂ်ႁေ...

သိုၵ်းမၢၼ်ႈပႂ်ႉၵဵၵ့် ၼႂ်းၵႄႈ ပၢင်လွင်း-ဢွင်ႇပၢၼ်းႁႄႉၵူတ်ႇထတ်းရူတ်ႉၵႃးၵူၼ်းမိူင်းသေ ယိုတ်းဢဝ်လၢႆ ပီႊယႃႊဢၼ်ၵူၼ်းမိူင်းၵႃႉၶၢႆၼၼ်ႉ  35 လင်း   ။ လွင်ႈၼႆႉပဵၼ်ၵႂႃႇမိူဝ်ႈႁူဝ်လိူၼ် ၵျႅၼ်ႊၼိဝ်ႊရီႊၼႆႉ။ ၵူၼ်းႁေႃႈၵႃးဢွင်ႇပၢၼ်းၵေႃ့ၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ မိူဝ်ႈဝူင်ႈပူၼ့်မႃးၼၼ့်ၼႃႇ။မၢၼ်ႈပႂ်ႉၵဵၵ်ႉ ၼွင်တယႃး(နောင်တရား) ၼၼ့်ဢေႃႈ ႁိုတ်းတၢပ်ႇပၼ်ၸဝ်ႈၵႃးသေ ဢဝ်ပီႊယႃႊ ဢၼ်ပႃးမႃးၼိူဝ်ၵႃးၼၼ့် ၵႂႃႇသဵင်ႈမူတ်းဢေႃႈ။ၵဵၵ်ႉၼႆ့ ၵႃးၽႂ်လတ်းမႃးၵေႃႈ ၸႂ့်ၸဝ်ႈၵႃးလူင်းသေ ထၢမ်တႂ်ႈထၢမ်ၼိူဝ်ဢေႃႈ။ၵိၼ်လဝ်ႈမဝ်းႁေ ၵဝ်းၵူၼ်းမိူင်း ၸိူဝ်းၵႂႃႇမႃးၼၼ့်ဢေႃႈ။ ၵူၼ်းမိူင်းၵႂႃႇတိူင်ႇလၢတ်ႈ...

ၵူၼ်းပၢႆႈၽေးသိုၵ်း တီႈဝဵင်းပၢင်လွင်း မီး 5 ႁဵင်ပၢႆ ယၢမ်းလဵဝ်ဢမ်ႇမီးၸဝ်ႈတႃႇၼတီႈၸမ်/ၵႆ မႃးၸွႆႈထႅမ်လႄႈ  လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ် ႁၢဝ်ႈႁႅင်း  ။ ယၢမ်းလဵဝ် ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉ ၼႂ်းဝဵင်းပၢင်လွင်းၼႆႉ မီးႁူဝ်ၵူၼ်း 5 ႁဵင်ပၢႆ ။ ၵမ်ႈၼမ် သွၼ်ႈယူႇဝႆႉ ၸွမ်းႁိူၼ်းယေးပီႈၼွင်ႉ ၼႂ်းပွၵ်ႉ/ ယွမ်ႇ ၸိူဝ်းၼႆႉ...