Tuesday, May 21, 2024

ၵႃးလူင် 6 လေႃႉ ၽႃႇသႂ်ႇ လုၵ်ႈဢွၼ်ႇဢႃယု 3 ၶူပ်ႇ တၢႆထင်တီႈ

Must read

ၵႃးတၢင်ႇသၢႆး 6 လေႃႉ လမ်းၼိုင်ႈ ၽႃႇသႂ်ႇ လုၵ်ႈဢွၼ်ႇဢႃယု 3 ၶူပ်ႇ တၢႆထင်တီႈ ၵေႃႉၼိုင်ႈ တီႈဝဵင်းမူႇၸေႊ။

ဝၼ်းတီႈ 07/05/2024 ယၢမ်းၵၢင်ၼႂ်မွၵ်ႈ 10 မူင်းၶိုင်ႈ ၵႃးလူင်တၢင်ႇသၢႆး 6 လေႃႉ လမ်းၼိုင်ႈ ၽႃႇသႂ်ႇ ဢွၼ်ႇၸၢႆး ဢႃယု 3 ၶူပ်ႇ လူႉတၢႆ ၼႂ်းၵႄႈသဵၼ်ႈတၢင်း ၵွင်းၼွင် – ၽူၺ်းႁုင်း ပွၵ်ႉၵွင်းၼွင် ဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး – ၶႄႇ ၼႆယဝ်ႉ။

- Subscription -
ၵႃးတၢင်ႇသၢႆး 6 လေႃႉ ၽႃႇသႂ်ႇ လုၵ်ႈဢွၼ်ႇ လူႉတၢႆ
Photo by – ၵူၼ်းပိုၼ်ႉတီႈ/ ၵႃးတၢင်ႇသၢႆး 6 လေႃႉ လမ်းၼိုင်ႈ ၽႃႇသႂ်ႇလုၵ်ႈဢွၼ်ႇ ဢႃယု 3 ၶူပ်ႇ လူႉတၢႆ

ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ – “ၵႃးလူင် 6 လေႃႉ လမ်းၼိုင်ႈ တၢင်ႇသၢႆးမႃးသေ မိူဝ်ႈၽွင်းၶိုၼ်ႈလွႆၼၼ်ႉ ႁႅင်းရူတ်ႉဢမ်ႇၶိုၼ်ႈလႆႈလႄႈ ၼႅတ်ႈလၢႆႈၵီႇယႃႇ ၵူၺ်းဢမ်ႇတၼ်းလႆႈသေ ဢဝ်ၵႃးၼႆႉ ထွႆသႂ်ႇလုၵ်ႈဢွၼ်ႇ တၢႆထင်တီႈၶႃႈဢေႃႈ”- ဝႃႈၼႆ။

လုၵ်ႈဢွၼ်ႇ ဢႃယု 3 ၶူပ်ႇၼႆႉ လုၵ်ႉတၢင်ႇတီႈသီႇလႅၼ် ၶၢႆႉမႃးၸွမ်းပေႃႈမႄႈ ဢၼ်မႃးၶၢတ်ႇယူႇဝႆႉ တီႈၼႂ်းပွၵ်ႉၵွင်းၼွင်ၼႆႉ ဝႃႈၼႆ။

ပူၼ်ႉမႃး မိူဝ်ႈဝၼ်းတီႈ 10/4/2024 ယၢမ်းႁူဝ်ၶမ်ႈ 5 မူင်း ၼၢင်းဢွင်ႇမေႇ ဢႃယုမွၵ်ႈ 50 ပီ ၺႃးၵႃးၽႃႇသႂ်ႇ တီႈႁိမ်းဝၢၼ်ႈၼွင်သႅင် လႆႈတိူဝ်ႉမၢတ်ႇၸဵပ်းႁၢဝ်ႈႁႅင်း ထိုင်တီႈလႆႈတေႃႉသူင်ႇယူတ်းယႃတူဝ် တီႈႁူင်း ယႃ သူၺ်ႇမူႇၸေႊ။

ၼႂ်းဝၼ်းတီႈ 10 ၼၼ်ႉၵူၺ်း ၼင်ႇၵဝ်ႇ ယၢမ်းၵၢင်ၼႂ်မွၵ်ႈ 8 မူင်း ၵႃးၽႃႇသႂ်ႇ ရူတ်ႉၶိူင်ႈလမ်းၼိုင်ႈ တီႈဝၢၼ်ႈပၢင်ႇၶမ်း ၸႄႈဝဵင်းမူႇၸေႊ ၽူႈယိင်း ဢႃယု 20 ပီပၢႆ ၵေႃႉၼိုင်ႈ လႆႈလူႉတၢႆထင်တီႈ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း