ဢိင်ၼိူဝ် ထုၵ်ႇပူၼ်ႉပႅၼ် သုၼ်ႇလႆႈသုၼ်ႇပဵၼ်ၵူၼ်းသေ ၵူၼ်းမိူင်းၸႄႈဝဵင်းၵျွၵ်ႉမႄး ၼပ်ႉႁူဝ်မိုၼ်ႇ လုၵ်ႉႁိုၼ်ႇၼႄၵၢင်ၸႂ် သၢၼ်ၶတ်း လွင်ႈသိုၵ်းလူင်ပွင်ၸိုင်ႈမၢၼ်ႈ ဢၼ်တဵၵ်းတဵင်ပေႉၵိၼ်လူလၢႆ ၶႃႈႁႅမ်တၢႆ ၵူၼ်းမိူင်းဢၼ်ဢမ်ႇမီးတၢင်းၽိတ်းသင်ၼၼ်ႉ။ လွင်ႈၼႆႉ ပဵၼ်လၢႆးႁူဝ်မူမ်ႈပိူၼ်ႈတဵၵ်း- ႁူဝ်လဵၵ်းပိူၼ်ႈဝႄႈ သေတႃႉၵေႃႈ ယိုင်ႈတဵၵ်းယိုင်ႈမႅၼ်း ဢၼ်ဝႃႈၼၼ်ႉၵေႃႈဢမ်ႇၽိတ်း။ မိူဝ်ႈဝၼ်းတီႈ 10/07/2020 ၵူၼ်းဝၢၼ်ႈၵူၼ်းမိူင်း လၢႆဝၢၼ်ႈလၢႆဢိူင်ႇ ၼႂ်းၸႄႈဝဵင်းၵျွၵ်ႉမႄး ၼပ်ႉႁူဝ်မိုၼ်ႇ ဢွၼ်ၵၼ်ဢွၵ်ႇမႃးတူင်ႉၼိုင် ဢဝ်လၢႆးၵတ်းယဵၼ်...

ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး (SHRF) ဢွၵ်ႇၽိုၼ်တၢမ်းငဝ်းလၢႆး လွင်ႈသိုၵ်းလူင်ပွင်ၸိုင်ႈမၢၼ်ႈ  ပူၼ်ႉပႅၼ်သုၼ်ႇလႆႈၵူၼ်း ၽွင်းပိုတ်ႇၼႃႈသိုၵ်းတေႃႇ RCSS/SSA ႁိမ်းဢွင်ႈတီႈၾၢႆယေးယႂႃႇ တွၼ်ႈၼိူဝ် ၼႂ်းၸႄႈဝဵင်းၵျွၵ်ႉမႄး။ မိူဝ်ႈဝၼ်းတီႈ 09/07/2020 ယူႇတီႈ ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး (SHRF) ဢွၵ်ႇၽိုၼ်တၢမ်း ငဝ်းလၢႆး လွင်ႈသိုၵ်းလူင်ပွင်ၸိုင်ႈမၢၼ်ႈ ပေႃႉထုပ်ႉၶႃတူဝ်ၶႃၸႂ်ၵူၼ်းဝၢၼ်ႈၵူၼ်းမိူင်းလႄႈ ယိုဝ်းၵူၼ်းမိူင်းတၢႆလၢႆလၢႆ ၽွင်းပိုတ်ႇၼႃႈသိုၵ်းတိုၵ်းယိုဝ်း ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/SSA) ၼႂ်းၸႄႈဝဵင်းၵျွၵ်ႉမႄး...

သိုၵ်းလူင်ပွင်ၸိုင်ႈမၢၼ်ႈ ထႅမ်ႁႅင်းသိုၵ်းတင်းၼမ် ၼႂ်းၸႄႈဝဵင်းၵူတ်ႉၶၢႆ၊ ၵူၼ်းမိူင်းမႆႈၸႂ် ၵူဝ်ပဵၼ်ပၢင်တိုၵ်း။ ၼႂ်းဝူင်ႈဝၢင်ႈၼႆႉမႃး တပ်ႉသိုၵ်းလူင်ပွင်ၸိုင်ႈမၢၼ်ႈ ထႅမ်ႁႅမ်းသိုၵ်းတင်းၼမ် ၼႂ်းၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ။ လိူဝ်သေၼၼ်ႉ ႁွင်ႉၵူၼ်းၸၢႆး ၼႂ်းပိုၼ်ႉတီႈ ၼႄသဵၼ်ႈတႃႈသၢႆတၢင်းပၼ်ထႅင်ႈ၊ ၵဵဝ်ႇလူၺ်ႈလွင်ႈၼႆႉ ၵူၼ်းမိူင်းပိုၼ်ႉတီႈ ဢွၼ်ၵၼ်မႆႈၸႂ် ၵူဝ်ပဵၼ်ပၢင်တိုၵ်းၵူႈၶၢဝ်းယၢမ်း ၼႆယဝ်ႉ။ ၵူၼ်းပိုၼ်ႉတီႈ ၵူတ်ႉၶၢႆ ဢမ်ႇၶႂ်ႈဢွၵ်ႇၸိုဝ်ႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ လွင်ႈပၢင်တိုၵ်းတႄႉ ပႆႇပဵၼ်ၶႃႈ။...

သိုၵ်းလူင်ပွင်ၸိုင်ႈမၢၼ်ႈ ထွႆထွၼ်ႇ ဢွၵ်ႇၼႂ်းပိုၼ်ႉတီႈလႄႈ ၵူၼ်းမိူင်း ၸိူဝ်းပၢႆႈၽေးသိုဝ်း ႁူဝ်ၵူၼ်းမွၵ်ႈ 700 ပၢႆ ၸူဝ်းၵၼ်ပွၵ်ႈၶိုၼ်းႁိူၼ်းယေးၽႂ်မၼ်း ယဝ်ႉၼႆ လႆႈႁူႉၸွမ်းၶၢဝ်ႇပိုၼ်ႉတီႈၼင်ႇၼႆ။ မိူဝ်ႈၼႆႉ ဝၼ်းတီႈ 1/7/2020 ၵူၼ်းပၢႆႈၽေး ဢၼ်မႃးသွၼ်ႈဝႆႉၸွမ်း ဝတ်ႉဝႃးၽႃႇသိူဝ်ႇ မိူၼ်ၼင်ႇ တီႈဝတ်ႉပၢင်ႇလေႃႉ ႁူဝ်ၵူၼ်းမွၵ်ႈ 200 ၵေႃႉ၊ တီႈဝတ်ႉဢွင်ႇတမႃႇယူင်ႇ ၼွင်ပိင် ႁူဝ်ၵူၼ်း...

သိုၵ်းမၢၼ်ႈထႅမ်ႁႅင်းသိုၵ်း ၶဝ်ႈဢိူမ်ႈၸမ်တူင်ႉၼိုင်ဝႆႉ ႁိမ်းႁွမ်းလႅၼ်လိၼ်တႆး-ထႆးၼၼ်ႉ ႁဵတ်းႁႂ်ႈၵူၼ်းပၢႆႈၽေး ဢၼ်မီးတီႈလွႆၵေႃႇဝၼ်း မႆႈၸႂ်  ၵူဝ်ပဵၼ်ပၢင်တိုၵ်း ၼႆယဝ်ႉ။ ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး (SHRF) ဢွၵ်ႇၽိုၼ်တၢမ်းငဝ်းလၢႆး လၢတ်ႈဝႃႈ- ၼႂ်းလိူၼ်ၵျုၼ်ႊ 2020 ပူၼ်ႉမႃးၼႆႉ ယူႇတီႈတပ်ႉမတေႃႇသိုၵ်းမၢၼ်ႈ ႁူမ်ႈႁႅင်း 800 ပၢႆ ထႅမ်ႁႅင်းၶဝ်ႈပၵ်းပႂ်ႉ တူင်ႉၼိုင်ၸွမ်းတပ်ႉၶဝ် ၼႂ်းၸႄႈဝဵင်းမိူင်းသၢတ်ႇ တွၼ်ႈပွတ်းဢွၵ်ႇ၊ ၸွမ်းလႅၼ်လိၼ်တႆး-ထႆး၊...

သိုၵ်းမၢၼ်ႈတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် ၼိူဝ်သဵၼ်ႈတၢင်းလူင် မိူင်းႁူမ်ႈတုမ် ၼႂ်းၸႄႈဝဵင်းၵူတ်ႉၶၢႆ ၸဝ်ႈရူတ်ႉၸဝ်ႈၵႃး လႆႈၵိုတ်းယင်ႉ ဢမ်ႇၸၢင်ႈၵႂႃႇမႃးၵၼ်။ မိူဝ်ႈၼႆႉ ဝၼ်းတီႈ 29/5/2020 တႄႇဢဝ် ယၢမ်းၵၢင်ၼႂ်မွၵ်ႈ 10 မူင်း သိုၵ်းလူင်ပွင်ၸိုင်ႈမၢၼ်ႈ တင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် ၼႂ်းၵႄႈမၢၼ်ႈလွႆ - ၵူတ်ႉၶၢႆ...

တပ်ႉသိုၵ်းလူင်ပွင်ၸိုင်ႈ ႁႅၼ်းသိုၵ်းသၢမ်ငႃးၶိုၼ်ႈယိုဝ်းတပ်ႉသိုၵ်းတႆးလႅင် SNA တီႈၼႂ်းၸေႊဝဵင်း ႁူမ်ႈမၢၵ်ႇလၢင်း တိူင်းၸေႊၵႅင်း။ ပၢင်တိုၵ်းၼႆႉ ပဵၼ်မိူဝ်ႈဝၢႆးဝၼ်း 5 မူင်း ဝၼ်းမိူဝ်ႈၼႆႉ 17/4/2020 ။ ပဵၼ်ႁိမ်းဝၢၼ်ႈၶျွင်းၵျီး ၸေႊဝဵင်းႁူမ်ႈမၢၵ်ႇလၢင်း ။ ၵဵဝ်ႇၵပ်းလွင်ႈၼႆႉ ၸုမ်းၶၢဝ်ႇသဵင်တႆးလႅင်ယိုၼ်ယၼ်လၢတ်ႈဝႃႈ ပၢင်တိုၵ်းတႄႇပဵၼ်မွၵ်ႈ ဝၢႆးဝၼ်း 5 မူင်းၼႆႉ ။လႆႈႁူႉဝႃႈ ပၢင်တိုၵ်းပဵၼ် မွၵ်ႈသၢမ်တီႈ ဝႃႈၼႆ။ ၵူၼ်းမိုတ်ႈၵိုဝ်းၸမ်ၸႂ်မိုတ်ႈၵိုဝ်းတူင်ႇဝူင်းၸုမ်းသိုၵ်း...

ပွႆးတၢၼ်းၶဝ်ႈမူၼ်းႁေႃႇ ႁူတ်းၼမ်ႉလိူၼ်ႁႃႈၼႆႉ ၸိူဝ်ႉၶိူဝ်းတႆး ႁဵတ်းမႃး လၢႆပၢၵ်ႇလၢႆႁဵင် ပီၽႂ် ဢမ်ႇႁူႉလႆႈ။ ၸူဝ်ႈၵိူတ်ႇပဵၼ်ၵူၼ်းမႃး ၸဵမ် ပၢၼ်ပူႇပၢၼ်မွၼ်ႇ ပီ ဢၼ်ဢမ်ႇလႆႈ ႁူမ်ႈၵၼ်လူႇတၢၼ်း ယၢတ်ႇၼမ်ႉ ပီမႂ်ႇတၢၼ်းၶဝ်ႈမူၼ်းႁေႃႇ ႁူတ်းၼမ်ႉလိူၼ်ႁႃ ၼႆ တိုၼ်းဢမ်ႇယၢမ်ႈငိၼ်းမႃး။ ပီၼႆႉတႄႉ ယွၼ်ႉၸိူဝ်ႉမႅင်း ၶူဝ်ႊဝိတ်ႉ 19 သေ ဢမ်ႇၶႆႈ...

တပ်ႉသိုၵ်းလူင်ပွင်ၸိုင်ႈမၢၼ်ႈလႄႈ တပ်ႉသိုၵ်းတဢၢင်း ပိုတ်းယိုဝ်းၵၼ်ၼႂ်းၸေႈဝဵင်းမိူင်းမိတ်ႈလႄႈ ၵူၼ်းမိူင်းပၢႆႈၽေးသိုၵ်းမီးမွၵ်ႈ 200 ။ ပၢင်တိုၵ်းၼႆႉပဵၼ်မိူဝ်ႈဝၼ်းတီႈ 10/3/2020 တီႈႁိမ်းဝၢၼ်ႈသူၺ်ႇၺွင်ႇပိၼ်ႇ ။ တပ်ႉသိုၵ်းလူင်ပွင်ၸိုင်ႈ တႂ်ႉတပ်ႉပိဝ်ႇႁႃႇပၵ်းမိူင်းမိတ်ႈ လတ်းဝၢၼ်ႈၵႂႃႇဢမ်ႇပေႃးႁိုင် လႆႈငိၼ်းသဵင်ပၢင်တိုၵ်း လႄႈၵူၼ်းဝၢၼ်ႈတူၵ်းၸႂ်။ ယွၼ်ႉပၢင်တိုၵ်းသေ ၵူၼ်းဝၢၼ်ႈသူၺ်ႇၺွင်ႇပိၼ်ႇ ဢဵၼ်ႁႅင်းၵူၼ်းမွၵ်ႈ 200 ၼႆႉ လႆႈပၢႆႈယၢၼ်ႁိူၼ်းယေးတီႈယူႇ မႃးသွၼ်ႈယူႇဝႆႉတီႈဝတ်ႉၵျွင်းမုၼ်ၸဝ်ႈတီႈဝၢၼ်ႈလွႆသႃႇ။ တပ်ႉသိုၵ်းတဢၢင်း ထွႆထွၼ်ဢွၵ်ႇယဝ်ႉသေတႃႉ တပ်ႉသိုၵ်းလူင်ပွင်ၸိုင်ႈ တိုၵ်ႉသိုပ်ႇထႅမ်ႁႅင်းသိုၵ်းၶိုၼ်ႈယူႇၵူႈဝၼ်းလႄႈ တေႃႇထိုင်ဝၼ်းမိူဝ်ႈၼႆႉ...

ၵူၼ်းပၢႆႈၽေးသိုၵ်း တီႈႁၢမ်းငၢႆး တိုၵ်ႉၵိုတ်းထႅင်ႈယူႇ  ယင်းပႆႇပွၵ်ႈသဵင်ႈ ယွၼ်ႉငဝ်းလၢႆးၼႂ်းပိုၼ်ႉတီႈ ပႆႇၼိမ်လီ။ ဝၼ်းတီႈ 6/3/2020 ၵူၼ်းပၢႆႈၽေးသိုၵ်း ဝၢၼ်ႈၵုင်းၺွင်ႇၽႃသႃး၊ ဝၢၼ်ႈၸၢမ်ပွင်ႇလႄႈ ဝၢၼ်ႈႁူဝ်ၼွင် ႁူဝ်ၵူၼ်း 300 ပၢႆ ဢၼ်မႃးသွၼ်ႈဝႆႉတီႈဝတ်ႉလွႆၸၢၵ်ႈ တင်း ဝတ်ႈၵုင်းၸူင် ၼႂ်းဢိူင်ႇႁၢမ်းငၢႆး ၸႄႈဝဵင်းမိူင်းၵိုင်ၼၼ်ႉ ၶိုၼ်းဢွၼ်ၵၼ်ပွၵ်ႈ ႁိူၼ်းၽႂ်မၼ်းၵမ်ႈၽွင်ႈယဝ်ႉ။  ၵူၺ်းၵႃႈ တီႈဝတ်ႉလွႆၸၢၵ်ႈတႄႉ ၵိုတ်းဝႆႉ...

ၵူၼ်းမိူင်း ငိူင်ႉပၢႆႈ  ပၢင်တိုၵ်း တီႈႁၢမ်းငၢႆး ႁိမ်း 300 ၼၼ်ႉ ဢွၼ်ၵၼ်ပွၵ်ႈၶိုၼ်းႁိူၼ်းယေး ၽႂ်မၼ်းၶိုၼ်းယဝ်ႉ။ မိူဝ်ႈၼႆႉ ဝၼ်းတီႈ 1/3/2020 ယၢမ်းၵၢင်ၼႂ် ၵူၼ်းမိူင်း ဢၼ်ဢွၼ်ၵၼ်  ငိူင်ႉပၢႆႈ  ပၢင်တိုၵ်း မႃးသွၼ်ႈယူႇသဝ်းဝႆႉတီႈ ဝတ်ႉ ၵျႂင်းလွႆၸၢၵ်ႈ၊ ဝတ်ႉၵုင်း ၸူင် လႄႈ ဝတ်ႉၵွင်းမူးသၢႆး ၼႂ်းဢိူင်ႇႁၢမ်းငၢႆး...

ပၢင်ပွႆးလိူၼ်သီႇ မိူင်းၵိုင် ဢမ်ႇၵိုၼ်း ယွၼ်ႉပိူဝ်ႈပၢင်တိုၵ်း ဢၼ်ပဵၼ်ယူႇတီႈလွႆတွၼ်း ဢိူင်ႇႁၢမ်းငၢႆး   ၽူႈတႅၼ်းသၽႃး ၸႄႈဝဵင်းမိူင်းၵိုင်လၢတ်ႈ။ ပၢင်ပွႆးလိူၼ်သီႇမူၼ်း တီႈထၢတ်ႈမူၺ်ႇတေႃႇလူင် ၼႂ်းၸႄႈဝဵင်းမိူင်းၵိုင်ၼႆႉ သင်ၶၸဝ်ႈလႄႈ တၵ်ႉၵႃႇသတ်ႉထႃး တေႇၸတ်းႁဵတ်းၼႂ်းဝၼ်းလိူၼ်သီႇမႂ်ႇ 8 ၶမ်ႈ ဝၼ်းတီႈ 1/3/2020 ဝၼ်းမိူဝ်ႈၼႆႉ တေၸတ်းတေႃႇထိုင် ဝၼ်းလိူၼ်သီႇမူၼ်း။ ၵူၺ်းၵႃႈ ယွၼ်ႉပိူဝ်ႈတပ်ႉသိုၵ်းလူင်ပွင်ၸိုင်ႈမၢၼ်ႈတင်း သိုၵ်းတႆး RCSS...

RCSS/SSA  ပိုၼ်ၽၢဝ်ႇဝႃႈ ယွၼ်ႉပိူဝ်ႈသိုၵ်းလူင်ပွင်ၸိုင်ႈ ႁႅၼ်းသိုၵ်းၶိုၼ်ႈလေႃႇတိုၵ်းတပ်ႉပၢင်သဝ်းလွႆတွၼ်းလႄႈ တေၶိုၼ်းမႄးထတ်းသၢင်ၶိုၼ်း တႃႇၸတ်းပၢင်ၵုမ် ၵေႃၵမ်ၵၢၼ်တႃႇဢုပ်ႇဢူဝ်းပွင်သၢင်ႈလွင်ႈငမ်းယဵၼ် UPDJC လႄႈ ပၢင်ၵုမ် ၵေႃၵမ်ၵၢၼ် ႁူမ်ႈလူပႂ်ႉပႃးလွင်ႈငမ်းယဵၼ် JMC ၸွမ်းၼင်ႇဢၼ်ပႃးၼႂ်းၶေႃႈပိုၼ်ၽၢဝ်ႇ ဝၢႆးလင်ပၢင်ၵုမ်ၶွပ်ႈပီ ပွၵ်ႈၵမ်း 20 ၼၼ်ႉယူႇဝႃႈၼႆ။ ၵဵဝ်ႇၵပ်းပၢင်တိုၵ်းၼၼ်ႉသေ ဝၼ်းတီႈ 28/2/2020 ၼႆႉ RCSS ဢွၵ်ႇလိၵ်ႈပိုၼ်ၽၢဝ်ႇၽိုၼ်ၼိုင်ႈ ပႃးဝႆႉ...

တပ်ႉသိုၵ်းလူင်ပွင်ၸိုင်ႈမၢၼ်ႈလႄႈ TNLA ပိုတ်းယိုဝ်းၵၼ်တီႈႁိမ်းသဵၼ်ႈတင်းရူတ်ႉၵႃး ၼမ်ႉတူႈ-လႃႈသဵဝ်ႈ ၸၢၵ်ႇမၢၵ်ႇတိူဝ်ႉၺႃးၵူၼ်းမိူင်း ၵေႃႉၼိုင်ႈ လုတၢႆထင်တီႈ။ ပၢင်တိုၵ်းၼႆႉပဵၼ်မိူဝ်ႈဝၼ်းတီႈ 29/12/2019 တီႈႁိမ်း ဝၢၼ်ႈလွႆတွၵ်ႇ ၸေႈဝဵင်းလႃႈသဵဝ်ႈ။ "ပဵၼ်ၵူၼ်းၼမ်ႉတူႈၶႃႈဢေႃႈ။ ဢႃယုယင်းတိုၵ်ႉမီးမွၵ်ႈ 23 ၵူၺ်းၶႃႈ။ မၼ်းၸၢႆးႁေႃႈရူတ်ႉၵႃးတၢင်ႇႁႄႈ လုၵ်ႉတၢင်းၼမ်ႉတူႈ တေၵႂႃႇလႃႈသဵဝ်ႈ။  ၸၢၵ်ႇမၢၵ်ႇတိူဝ်ႉၺႃးဢူၵ်းမၼ်းတၢႆထင်တီႈ။ ၸုမ်းၸွႆႈထႅမ် မႃးဢဝ်တူဝ်တၢႆမၼ်းတၢင်ႇၵႃးၵႂႃႇ ယဝ်ႉၶႃႈ " -  ၼႆ...

တပ်ႉသိုၵ်းလူင်ပွင်ၸိုင်ႈလႄႈ တပ်ႉသိုၵ်းတဢၢင်း TNLA ပိုတ်းယိုဝ်းၵၼ် ဝူင်ႈၵၢင် လႃႈသဵဝ်ႈ - ၼမ်ႉတူႈ မၢၵ်ႇလူင်တူၵ်းႁိမ်းဝၢၼ်ႈၵူၼ်း လႄႈ ႁဵတ်းႁႂ်ႈၵူၼ်းပိုၼ်ႉတီႈၼပ်ႉပၢၵ်ႇပၢႆႈၽေးသိုၵ်း။ ဝၼ်းတီႈ 16/12/2019 ယၢမ်းၵၢင်ၼႂ် မၢၵ်ႇလူင်တူၵ်းႁိမ်းဝၢၼ်ႈ ၼႂ်းဢိူင်ႇဢီႇၼၢႆးလႄႈ ၵူၼ်းဝၢၼ်ႈလွႆတွၵ်ႉ၊ ဝၢၼ်ႈ ပၢင်ႁုင်း၊ 18 လၵ်း ၸိူဝ်းမီးၼႂ်းဢိူင်ႇဢီႇၼၢႆး ၸေႈဝဵင်းလႃႈသဵဝ်ႈ လႅၼ်ၶႅၼ်ႈၼမ်ႉတူႈ- လႃႈသဵဝ်ႈၼၼ်ႉ...