ၸွမ်းၼင်ႇၾိင်ႈတႆးႁဝ်းၶႃႈမီးဝႆႉၼၼ်ႉ ပေႃးၶၢဝ်းဢွၵ်ႇဝႃႇသႃ ႁိုဝ် လိူၼ်ႁႃႈသွၼ်းၼမ်ႉႁွတ်ႈမႃးထိုင်ၼႆ ၸိူဝ်းပဵၼ် ၵူၼ်းၼုမ်ႇႁုၼ်ႈသႅၼ်း လုၵ်ႈလၢၼ် လုၵ်ႈၼွင်ႉပွင်ႈပၢႆ တေၵႂႃႇၵႃရဝၻမ်းႁူဝ် (ၵၼ်တေႃး) ပေႃႈထဝ်ႈမႄႈၵႄႇ ၶူးၿႃး ဢႃးၸၢၼ် လူၺ်ႈတၢင်းၼပ်ႉယမ် ဢၼ်ပဵၼ်ၾိင်ႈတိုဝ်းၵမ် လီငၢမ်းမႃးသိုပ်ႇသိုပ်ႇၵၼ်ၼၼ်ႉလႄႈ ထိုင်မႃးၵေႃးၸႃႇပီ 1379 ၶဝ်ႈသူႇ 1380 သင်ၶၢၼ် (သၢင်းၵျၢၼ်ႇ) 2018 ပီၼႆႉၵေႃႈ...

ၼိုင်ႈပီတီႈဢေႇသုတ်း တေလႆႈထူပ်းပီမႂ်ႇတႆး၊ ယဝ်ႉပီမႂ်ႇလုမ်ႈၾႃႉ၊ ပီမႂ်ႇၶႄႇလႄႈပီမႂ်ႇသွၼ်းၼမ်ႉ ပၼ်ႇပဵၼ်သင်ၶရယူႇၸိူင်ႉၼႆ ဢမ်ႇယဝ်ႉဢမ်ႇတူဝ်ႈ။ ပီမႂ်ႇသွၼ်းၼမ်ႉ ပဵၼ်ၾိင်ႈထုင်းႁိၼ်ႊတူႊ ၶွင်ၸၢဝ်းၵလႃး မိူင်းၸမ်ႇပူႇတီႇပႃႇ (ဢိၼ်ႊၻီႊယိူဝ်ႊ) ၸိူဝ်းၼပ်ႉယမ်ၶုၼ်သၢင်ပြၢမ်ႇမႃႇၶဝ်ဢွၼ်တၢင်း။  ဝၢႆးမႃးၸင်ႇလႆႈၽႄႈလႆၶဝ်ႈမႃးၼႂ်းမိူင်း ၾင်ႇတၢင်းဢွၵ်ႇမႄႈၼမ်ႉပၢင်ႇလၢႆႇ တိတ်းမႃးၸွမ်းၵူၼ်းၵႃႉ ၵူၼ်းၶၢႆလႄႈ ပုတ်ႉထသႃသၼႃး။ ယဝ်ႉဢဝ်ပဵၼ်မႃးပဵၼ်ၾိင်ႈထုင်းၸၢဝ်းၶိူဝ်း ဢၼ်ၼပ်ႉယမ်ပုတ်ႉထ သႃသၼႃးၶဝ် ဢဝ်ၸဵမ်ထႆး လၢဝ်း ၶမဵၼ် မၢၼ်ႈတင်းတႆးလႄႈလင်ၵႃ...

ယၢမ်းဢၼ်တႅၼ်းၽွင်းမိူင်းႁူမ်ႈတုမ် တိုၵ်ႉမၢင်ႉၸွမ်း ၵၢၼ်လိူၵ်ႈတင်ႈ ၸွမ်ၸိုင်ႈမႂ်ႇယူႇၼၼ်ႉ ႁွင်ႈၵၢၼ်ထၢၼ်ၽွင်းလူင် ၾၢႆႇမိူင်းၼွၵ်ႈ ဢွၵ်ႇလိၵ်ႈပိုၼ်ၽၢဝ်ႇ ပၼ်ၾၢင်ႉတီႈ ၸုမ်းၽွင်းတၢင်ၶဝ်ၽိုၼ်ၼိုင်ႈ။ ၼႂ်းလိၵ်ႈၼၼ်ႉဝႃႈ ၸုမ်းၸၢတ်ႈၸိုင်ႈလုမ်ႈၾႃႉ UN လႄႈၽွင်းတၢင်ၶဝ်ၵူႈမိူင်းမိူင်းၼႆႉ ၸိူဝ်းဢၼ်ၵဵဝ်ႇၵပ်း တင်းမိူင်းမၢၼ်ႈ၊ ၶဝ်ၸဝ်ႈၸိူဝ်းၼႆႉ ပေႃးတေၶဝ်ႈဢွၵ်ႇၵႂႃႇမႃး ၼႂ်းၼႃႈတီႈၸုမ်းၼွၵ်ႈမၢႆမီႈၶဝ်၊ ၶႂ်ႈမၢႆထိုင် ၸုမ်းၸၢဝ်းၶိူဝ်းၸိူဝ်းပႆႇၵိုတ်းတိုၵ်း။ ပေႃးဝႃႈတေၶဝ်ႈဢွၵ်ႇ ၼႂ်းၼႃႈတီႈၶဝ်ၼၼ်ႉလႄႈသင်၊ ဢမ်ႇၼၼ်ၵေႃႈ တေသိူၵ်ႈသမ်ႇဢုပ်ႇၵုမ်ၸွမ်းၸုမ်းၶဝ် ၸိူဝ်းၼၼ်ႉလႄႈသင်၊...

ပေႃးထိုင်ၶၢဝ်းႁႅင်ႈ/တူင်ႈပွင်ႇမႃး ၸွမ်းၼင်ႇၾိင်ႈထုင်း ၸၢဝ်းၶိူဝ်းတႆးမီးၼၼ်ႉ ၵူၼ်းမိူင်းၸိုင်ႈတႆး ပၢၼ်ပူႇမွၼ်ႇၼၢႆးယႃႈ ပၢၼ်သိုပ်ႇပၢၼ် ၼပ်ႉသွၼ်ႇပဵၼ်ၶၢဝ်းၵိၼ်ၶၢဝ်းတၢၼ်းသေ ဢဝ်လုၵ်ႈလၢၼ်ၶဝ်ႈ ႁၢပ်ႇၵိုတ်ႉၵၢၼ်သႃသၼႃ လူၺ်ႈႁဵတ်း ပွႆးသၢင်ႇလွင်း ၼုင်ႈပဵၼ်သၢင်ႇပဵၼ်ၸၢင်း။ ယၢမ်းလဵဝ် ဢိင်ၼိူဝ်ၾိင်ႈထုင်း ပွႆးသၢင်ႇလွင်းၽႄႈတိူၼ်းၵႂၢင်ႈၶႂၢင်မႃးသေ ၶႂ်ႈႁဵတ်းၸွတ်ႇတူဝ်ႈၼႂ်းၸိုင်ႈတႆး ပတ်းပိုၼ်ႉ ပွတ်းႁွင်ႇ ပွတ်းၵၢင် ပွတ်းၸၢၼ်း လႄႈ ပွတ်းဢွၵ်ႇ။ ဢိင်ၼိူဝ်ပီႈၼွင်ႉတႆးမိူင်းတႆးၶဝ်ႈႁဵတ်းၵၢၼ်မိူင်းထႆးၼမ်သေ 9-10 ပီမႃးၼႆႉ...

ၸွမ်းၼင်ႇပၢင်ၵုမ် တႅၼ်းၽွင်းမိူင်းႁူမ်ႈတုမ် ဢၼ်ၸတ်းႁဵတ်းၵႂႃႇမိူဝ်ႈဝၼ်းတီႈ 28 ၼၼ်ႉသေယဝ်ႉ ဢူးဝိၼ်းမျိၼ်ႉ ၵေႃႉပဵၼ်ၽူႈတႅၼ်းၽွင်းၵူၼ်းမိူင်း ၸႄႈဝဵင်းတႃႈမူၺ် တိူင်းတႃႈၵုင်ႈၼၼ်ႉ လႆႈထုၵ်ႇလိူၵ်ႈ ပဵၼ်ၸွမ်ၸိုင်ႈ ၵေႃႉမႃးမႂ်ႇၵေႃႉထူၼ်ႈ 10 တႃႇမိူင်းမၢၼ်ႈၼႆႉ။ ၵမ်းၼႆႉ ဢူးဝိၼ်းမျိၼ်ႉ ၶိုၼ်ႈမႃးပဵၼ်ၸွမ်ၸိုင်ႈယဝ်ႉလႄႈ ၸွင်ႇမၼ်းတေလၢၵ်ႇလၢႆးတိူဝ်းလိူဝ် ၸွမ်ၸိုင်ႈဢူးထိၼ်ႇၵျေႃႇ ဢၼ်ၵေႃႉပေႃးၵၢၼ်ၵႂႃႇၼၼ်ႉႁိုဝ်၊ ၵဵဝ်ႇလူၺ်ႈၵၢၼ်သၢင်ႈလွင်ႈငမ်းယဵၼ် ၸိူဝ်းၼႆႉမၼ်းၸဝ်ႈတေမီးၵၢင်ၸႂ်ၸိူင်ႉၼင်ႇႁိုဝ်၊ တေၶတ်းသၢင်ႈႁၢင်ႈပွင်လႆႈၵႂႃႇတွၼ်းလိူဝ်သေ ဢူးထိၼ်ႇၵျေႃႇၼႄႇ၊ ဢမ်ႇၼၼ်ၵေႃႈ...

“မိူၼ်ႁၢင်ႊသဵင်ၵွင်ႊမွင်းဢွၼ်လူမ်းဢဝ်မႃးဝၢၼ်ႁူဝႆႉ……. ပိူၼ်ႈတေဢွၼ်ၵၼ်ၸုင်မိုဝ်းသေ မိူဝ်းၶဝ်ႈပွႆးၶဝ်ႈၼႃးမႂ်ႇ ပုၼ်ႈပၢင်ႈဢၢႆႈႁႃးၽူႈပႂ်ႉၼႃးယွၵ်ႇၼူၵ်ႉတႄႉဢၢႆႈၵေႃႉဢိူၺ် လိူၼ်လမ်လၢဝ်လမ် တၢင်းမိူဝ်းၵေႃႈဢမ်ႇႁၼ်……..။ ၵူၼ်းဝၢၼ်ႈႁဵတ်းႁႆႊႁဵတ်းၼႃးဝၢၼ်ႈၼွၵ်ႈၼႃးပၢင်တႄႉ ဝၢႆးသိမ်းၶဝ်ႈသိမ်းၼမ်ႉယဝ်ႉ မိူဝ်ႈၽွင်း ၸိူင်ႉၼႆ၊ ၽွင်းလိူၼ်သၢမ်ၶၢဝ်းၵတ်းၸမ်သဵင်ႈ ၶၢဝ်းႁႅင်ႈၸမ်ၶဝ်ႈၼၼ်ႉ လႆႈဝႃႈၶၢဝ်းၵၢၼ်ဢေႇမၢင် ၼႆလႄႈ ပိူၼ်ႈဢွၼ်ၵၼ် တေသွတ်ႇၶႅၼ်ၵၼ်ၵႂႃႇဢႅဝ်ႇပွႆး ၼႆဝႃႇ။ ၽွင်းမိူဝ်ႈၶၢဝ်းယၢမ်းၸိူင်ႉၼႆ ၵၢၼ်ႁႆႈၵၢၼ်ၼႃးမၢင် ၼႆသေတႃႉ ၵူၼ်းဝၢၼ်ႈၶဝ်တႄႉ ဢမ်ႇတၼ်းတႄႉတႄႉ ၼင်ႇၵဝ်ႇ။ ပေႃးတေဢဝ်ငဝ်းလၢႆးမိူဝ်ႈၵွၼ်ႇဝႃႈၸိုင် ၶၢဝ်းၶဝ်ႈထိုင်ယွင်ထိုင်ယေးယဝ်ႉသေဢမ်ႇၵႃး ယွၼ်ႉပႆႇထိုင်ၶၢဝ်းၼႃးထႅင်ႈၵမ်းၼိုင်ႈလႄႈ...

မိူဝ်ႈလိူၼ်မၢတ်ႊၶျ် ဝၼ်းတီႈ 21 ၼႆႉ ၸွမ်ၸိုင်ႈဢူးထိၼ်ႇၵျေႃႇလႄႈ ႁူဝ်ပဝ်ႈတႅၼ်းၽွင်းၵူၼ်းမိူင်း လႆႈထွၼ်တူဝ်ဢွၵ်ႇၵႂႃႇ မိုဝ်ႉလဵဝ်ဝၼ်းလဵဝ်ၵၼ်ၼႆ ႁဵတ်းႁႂ်ႈၵူၼ်းမိူင်း ဢွၼ်ၵၼ်တိုၼ်ႇသၢၼ်ႈၵႂႃႇ။ ၾၢႆႇၼိုင်ႈတၢင်းၼိုင်ႈၵေႃႈ ဢွၼ်ၵၼ်ၶဝ်ႈၸႂ်သူၼ်ၸႂ်ၵၼ်ဝႃႈ ၵေႃႉလႂ်ၽႂ်တေၶိုၼ်ႈမႃးပဵၼ်ၸွမ်ၸိုင်ႈမႂ်ႇ၊ ၵေႃႉလႂ်ၽႂ်တေၶိုၼ်ႈမႃးပဵၼ် ႁူဝ်ပဝ်ႈတႅၼ်းၽွင်းၵူၼ်းမိူင်းၼႆၼၼ်ႉ ဢွၼ်ၶဝ်ႈၸႂ်ၵၼ်ဝႆႉ။ ၸွမ်ၸိုင်ႈဢူးထိၼ်ႇၵျေႃႇၼႆႉ ၶိုၼ်ႈပဵၼ်ၸွမ်ၸိုင်ႈမႃးမိူဝ်ႈ ပီ 2016 လိူၼ်မၢတ်ႊၶျ် 31 သေယဝ်ႉ ဢဝ်ပုၼ်ႈၽွၼ်းၸွမ်ၸိုင်ႈမႃး မီးယူႇၶၢဝ်းတၢင်း...

မိူဝ်ႈဝၼ်းတီႈ 19 လိူၼ်မၢတ်ႊၶျ် ၼႂ်းပီ 2018 ၼႆႉ ၶႃႈႁဝ်းၽူႈတႅမ်ႈလိၵ်ႈလႆႈၵႂႃႇၶဝ်ႈႁူမ်ႈပၢင်ၼႃးမုၼ်လီ တီႈဝဵင်းၸဵင်းတုင်။ ပၢင်ၼႃးမုၼ်လီၼႆႉ ပဵၼ်ပၢင်ၼႃးမုၼ်လူႇတၢၼ်းယၢတ်ႇၼမ်ႉ ၽႃႈၵင်ႈမၢၼ်ႇၵႅဝ်ႈသွၵ်ႇၼႃႈ ႁုၼ်ႇႁၢင်ႈပုတ်ႉထၽြႃးၸဝ်ႈမႁႃမုၼိ တီႈၵၢင်ၸႂ်ဝဵင်းၸဵင်းတုင်၊ ၼႂ်းမိူင်းတႆးပွတ်းဝၼ်းဢွၵ်ႇ၊ ဢၼ်ပဵၼ်တီႈၵူၼ်းဝၢၼ်ႈၵူၼ်းမိူင်း ၼႂ်းၸႄႈတွၼ်ႈၸဵင်းတုင်ပတ်းပိုၼ်ႉ ဢိၵ်ႇတင်းၼွၵ်ႈၸႄႈတွၼ်ႈ ၸိူဝ်းၼပ်ႉယမ်ၾိင်ႈပုတ်ႉထၶဝ် ယုမ်ႇယမ်ၼပ်ႉထိုဝ်ၼၼ်ႉတီႈၼိုင်ႈ ၼႂ်းၵႃႈၼႂ်းမိူင်းတႆးႁဝ်းလၢႆလၢႆတီႈ။ ၵႂႃႇႁူမ်ႈပၢင်ၼႃးမုၼ်တီႈၸဵင်းတုင်ၵမ်းၼႆႉ ၵွပ်ႈၸဝ်ႈၸူဝ်းမိူင်း ၽူႈၵွၼ်းလုမ်းၵပ်းသၢၼ်ၸုမ်း ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး...

မိူင်းၸဵင်းၸုင် မီးၾိင်ႈၶဝ်ႈၵၢတ်ႇၵဝ်ႇ။ ၵၢတ်ႇၵဝ်ႇၼႆႉ ၸတ်းႁဵတ်းပွႆးၶဝ်ႈၵၢတ်ႇၵၼ်ၼိုင်ႈပီ ၼိုင်ႈပွၵ်ႈၵူၺ်း။ ၵွပ်ႈပဵၼ်ၵၢတ်ႇၵဝ်ႇၵၢတ်ႇႁၢင်ႉလႄႈ ယႃႇပေႁႂ်ႈၵူၼ်းႁုၼ်ႈလင်ၶဝ် လိုမ်းလွင်ႈမၼ်း၊ ႁႂ်ႈၸမ်တွင်းဢွင်ႈတီႈမၼ်း ဢၼ်ယၢမ်ႈပဵၼ်ၵၢတ်ႇတီႈသိုဝ်ႉတီႈၶၢႆ၊ တီႈဢၼ်ၵူၼ်းမိူဝ်ႈၵွၼ်ႇၶဝ် ယၢမ်ႈဢဝ်ပဵၼ်တီႈသိုဝ်ႉၶၢႆ ပိူဝ်ႈတႃႇၵၢၼ်လဵင်ႉတွင်ႉလဵင်ႉၼႃႈႁိူၼ်းၽိူၼ်တၢင်ႇမႃး ၼပ်ႉပဵၼ်လၢႆပၢၵ်ႇပီမိူင်း။ ဝၢႆးလိုၼ်းမႃး ဢဝ်ယဵၼ်းပဵၼ်ၾိင်ႈထုင်းၼႂ်ႈပိုၼ်ႉတီႈဝၢၼ်ႈမိူင်း တီႈၼၼ်ႈၵႂႃႇႁဵတ်းၼႆ။ ၼႂ်းမိူင်းၸဵင်းတုင် (မိူင်း-ၼႆႉပဵၼ်ၸႄႈဝဵင်း၊ ဢမ်ႇၼၼ် ၸႄႈတွၼ်ႈမိူဝ်ႈလဵဝ်) မီးၾိင်ႈထုင်း ၶဝ်ႈၵၢတ်ႇၼိုင်ႈဝူင်ႈ (ႁႃႈဝၼ်းၶွပ်ႈ)ၼိုင်ႈပွၵ်ႈ။ ၼႂ်းမိူင်းတႆးတၢင်ႇတီႈၵေႃႈ...

ၽွင်းယၢမ်ႈတီႈတၢင်းမိူင်းတႆးပွတ်းႁွင်ႇ ၸုမ်းလွႆ TNLA လႄႈၸုမ်းတႆး RCSS ၶိုၼ်းၶဵင်ႈၶႅင် ပဵၼ်ပၢင်တိုၵ်းၵၼ်ယူႇၼႆႉ ယူႇတီႈၸုမ်းၶွမ်ႊမသျိၼ်ႊၵၢၼ်ငမ်းယဵၼ် သမ်ႉၶိုၼ်းမီးၶေႃႈၵၢဝ်ႇလၢတ်ႈမႃးဝႃႈ UWSA ၸုမ်းဝႃႉတင်းၸုမ်းမိူင်းလႃး ယွမ်းႁပ်ႉ NCA လိၵ်ႈႁူမ်ႈမၢႆၵိုတ်းတိုၵ်းတူဝ်ႈမိူင်းယဝ်ႉ ဝႃႈၼႆလႄႈ ၶၢဝ်ႇငၢဝ်းၼႆႉ ႁဵတ်းႁႂ်ႈလင်လိုဝ်းၵႂႃႇၼႂ်းၵႄႈ ၸုမ်းၸိူဝ်းၵၢၼ်မိူင်းလႄႈ လွင်ႈၵၢၼ်သၢင်ႈငမ်းယဵၼ်ၼၼ်ႉ ၵႂႃႇတႄႉတႄႉဝႃႈဝႃႈ။ ပေႃးႁဝ်းၶႃႈမႃးထတ်းသၢင်တူၺ်းၸွမ်း လွင်ႈၶေႃႈၵႂၢမ်းဢၼ်ၼႆႉ ၸွင်ႇမၼ်းတေၸႂ်ႈတႄႉႁိုဝ်၊ ပီႈၼွင်ႉဝႃႉလႄႈ ပီႈၼွင်ႉမိူင်းလႃး...

မႁႃမုင်ႉ(မိူင်းၸႄႈ) ပွႆးလိူၼ်သီႇၼႆႉ ၼႂ်းၾိင်ႈထုင်း 12 လိူၼ်တႆးႁဝ်း တိုဝ်းပဵၼ်ၾိင်ႈပွႆးၶိုၼ်ႈထၢတ်ႈ ဢမ်ႇၼၼ်ပွႆးၵွင်းမူးပွႆးဝႆႈမူးၸႃးဢုတ်ႉတိသ်ႉသၸေတီ။ ၸိူင်ႉၼင်ႇ - ပွႆးၵွင်းမူးႁူဝ်လိုင်း(ဝဵင်းၵႃလိ)၊ ပွႆးၵွင်းမူးမေႃႇၵိူဝ်( မေႃႇၵိူဝ်-မေႃႇၵေႇ-ပေႃႇၵေႇ-ပေႃႇၵဵဝ်ႇ) ဝဵင်းသီႇပေႃႉ၊ ပွႆးၵွင်းမူးသႅမ်း (မူၺ်ႇတေႃႇ) ဝဵင်းမိူင်းၵိုင်၊ ပွႆးဝႆႈထၢတ်ႈၸွမ်းသီရိဝဵင်းၵဵင်းတုင်၊ ပွႆးဝႆႈၽထၢတ်ႈလွႆတုင်းဝဵင်းမႄႈၾႃႉလူင် မိူင်းထႆး၊ လႄႈပွႆးဝႆႈၽထၢတ်ႈလူင်ဝဵင်းၸၼ်(ဝီႊယၼ်ႊၵျဵၼ်ႊ) မိူင်းလၢဝ်း ဢဝ်ၸဵမ်ၸိူဝ်းၼႆႉ။ (ၵူၼ်းတၢင်ႇၶိူဝ်းၶဝ်ၸိူဝ်းၼင်ႇၸၢဝ်းၵလႃးမိူင်းဢိၼ်ႊၻီႊယိူဝ်ႊ၊ ၸၢဝ်းမၢၼ်ႈလႄႈၸၢဝ်းပုတ်ႉထတၢင်ႇၶိူဝ်းၶဝ်မၢင်တီႈၵေႃႈ လႆႈႁၼ်တိုဝ်းၸွမ်းၾိင်ႈၼႆႉယူႇမိူၼ်ၵၼ်)။ ပွႆးထၢတ်ႈပွႆးၵွင်းမူးလိူၼ်သီႇၼႆႉ...

(ႁူပ်ႉထူပ်းတွင်ႈထၢမ် ၸဝ်ႈသိုၵ်းလူင်ၸၢႆးငိုၼ်း ၽူႈၼမ်းၼႂ်း 3 RCSS/SSA) ၼႂ်းဝူင်ႈၵၢင်ၶၢဝ်းတၢင်း 2-3 လိူၼ် ၵွၼ်ႇၼႃႈပႆႇၸတ်း ပၢင်ၵုမ်လူင်လွင်ႈငမ်းယဵၼ် ၸၼ်ႉမိူင်းႁူမ်ႈတုမ် (ပွၵ်ႈၵမ်း 4) ႁိုဝ် ပၢင်ၵုမ်လူင်ပၢင်လူင် ႁူဝ်ပၢၵ်ႇပီ 21 ၵမ်းထူၼ်ႈ 3 ၼႂ်းလိူၼ်မေႊၼႃႈၼႆႉ ၶွင်ႇသီႇဢဝ်ၶိုၼ်းၸိုင်ႈတႆး RCSS မီးယိူင်းဢၢၼ်း/လွၵ်းၸုၵ်း တေၸတ်း ND...

ပၢင်ၵုမ်လူင်လွင်ႈငမ်းယဵၼ် ၸၼ်ႉမိူင်းႁူမ်ႈတုမ် (ပွၵ်ႈၵမ်း 4) ႁိုဝ် ပၢင်ၵုမ်လူင်ပၢင်လူင် ႁူဝ်ပၢၵ်ႇပီ 21 ၵမ်းထူၼ်ႈ 3 တေၸတ်းႁဵတ်း ၼႂ်းလိူၼ်မေႊ ၸွမ်းၼင်ႇပၢင်ၵုမ် JICM ပွၵ်ႈၵမ်း 7 တႅပ်းတတ်းဝႆႉ။ လွင်ႈၼႆႉ ၸုမ်းၶၢဝ်ႇၽူႈတွႆႇႁွၵ်ႈ လႆႈတွင်ႈထၢမ်ဝႆႉ ၸဝ်ႈသိုၵ်းလူင်ၸၢႆးငိုၼ်း ၽူၼမ်းၼႂ်း 3 RCSS/SSA...

ဝၼ်းတီႈ 05/03/2018 ၶၼ်လႅၵ်ႈငိုၼ်း ၼႂ်းဝၼ်းမိူဝ်ႈၼႆႉ ငိုၼ်းထႆး 1 ဝၢတ်ႇ = 42.48 ပျႃး၊ ငိုၼ်းတေႃႊလိူဝ်ႊ(US) 1 တေႃႊလိူဝ်ႊ = 1336 ပျႃး၊ ငိုၼ်းၶႄႇ 1 ယႅၼ်ႉ = 211.49 ပျႃး (ၶၼ်လႅၵ်ႈငိုၼ်း လုမ်ႈၾႃႉ)။ ၶၢဝ်ႇမျၢၼ်ႇမႃႉဢလိၼ်း...

ၵဵင်းသၢမ်ၶႃ (ၼမ်ႉၶူင်း) မိူဝ်ႈဝၼ်းတီႈ 15 ထိုင် 18 လိူၼ်ၾႅပ်ႊပိဝ်ႊရီႊ ပီ 2018 ၼႆႉ ၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး (RCSS/SSA) လႆႈၸတ်းႁဵတ်းပၢင်ၵုမ်လူင်ႁူဝ်ႁုပ်ႈပီ ပွၵ်ႈၵမ်း 18 ပုၼ်ႈပီ 2017 တီႈပၢင် ႁူမ်ႈၶုၼ်သၢင်ႇတူၼ်ႈႁုင်း၊ ငဝ်ႈၸိုင်ႈလွႆတႆးလႅင်း လႄႈၽူႈမီးၸၼ်ႉၼႂ်းမိူင်း မႃးၶဝ်ႈႁူမ်ႈ 248 ၵေႃႉၼႆ။ ပၢင်ၵုမ်ၵမ်းၼႆႉ သႂ်ႇဝႆႉပႃးလၢႆးၵၢၼ်ထတ်းသၢင်လႄႈပၼ်တၢင်းႁၼ်ထိုင်...