ၸႄႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇၶူင်း ပၢင်လိူၵ်ႈတင်ႈ ပီ 2020 ၼႆႉၵေႃႈ ပႃႇတီႇတႆး ဢမ်ႇလႆႈသေတီႈၼင်ႈ။ ၸွမ်းၼင်ႇၶွမ်ႊမသျိၼ်ႊပၢင်လိူၵ်ႈတင်ႈၸႄႈဝဵင်းမိူင်းတူၼ် လႆႈဢၢၼ်ႇၶႅပ်းမႄးယဝ်ႉသေ ၽူႈတွႆႇႁွၵ်ႈလႆႈၶေႃႈ ယိုၼ်ယၼ်တီႈ ၼေႃႇၽူႈတႅၼ်းသၽႃးၸႄႈဝဵင်းဝႃႈ တီႈမိူင်းတူၼ်ၼႆႉ ပႃႇတီႇသၢင်ႇသီႈ USDP လႆႈၶႅပ်းၵၢင်ၸႂ်ၼမ်၊  လႆႈတႃႇ  3 တီႈၼင်ႈ လိူဝ်ၼၼ်ႉ ပႃႇ တီႇၸိူဝ်ႉၸၢတ်ႈဝႃႉ WNP လႆႈ...

ပၢင်လိူၵ်ႈတင်ႈ တီႇမူဝ်ႇၶရေႇသီႇ ပွၵ်ႈၵမ်း 3 ၼႂ်းမိူင်းႁူမ်ႈတုမ်ၼႆႉ ပီၼွင်ႉၵူၼ်းမိူင်းသႅၼ်ဝီ လႆႈၽူႈတႅၼ်းၼႂ်းပႃႇတီႇတႆး ထႅင်ႈ ၼိုင်ႈသိုပ်ႇၼိုင်ႈပၢၼ်။ ပႃႇတီႇၵၢၼ်မိူင်းဢၼ်ၶေႉၶဵင်ႇၼႂ်းၸႄႊဝဵင်းသႅၼ်ဝီၼႆႉမီးပႃႇတီႇ ၼူၵ်ႉယုင်း၊ ပႃႇတီႇသၢင်ႇသီႈ ၊ ပႃႇတီႇႁူဝ်သိူဝ် ပႃႇတီႇသိူဝ်ၽိူၵ်ႇ ။ ၼႂ်းၼၼ်ႉ ဢၼ်လႆႈၶႅပ်းမႄးၼမ်သုတ်းသေဢွင်ႇပေႉၵႂႃႇပဵၼ်ပႃႇတီႇႁူဝ်သိူဝ်  လႆႈတင်း 4 တီႈၼင်ႈ၊ ပဵၼ်  ၼၢင်းမွၼ်းၸိင်ႇ ၽူႈတႅၼ်းသၽႃးၸိူဝ်ႉၸၢတ်ႈ၊ ၸၢႆးၵျေႃႇမူဝ်း ၽူႈတႅၼ်း သၽႃးၵူၼ်းမိူင်း၊...

ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ ဢၼ်တိတ်းၸပ်းလႅၼ်လိၼ်တႆး -ၶႄႇ ၼၼ်ႉ ၵူၼ်းမိူင်းလိူၵ်ႈၵဵပ်းၽူႈတႅၼ်းသၽႃး ပၢင်လိူၵ်ႈတင်ႈ 2020 ၼႆႉ ပႃႇတီႇႁူဝ်သိူဝ် SNLD ဢွင်ႇပေႉလႆႈ 3 တီႈၼင်ႈ သၢင်ႇသီႈ USDP ပေႉ 1 တီႈၼင်ႈ  ။    3 တီႈၼင်ႈ ဢၼ်ပႃႇတီႇႁူဝ်သိူဝ်လႆႈတီႈမူႇၸေႊၼႆႉပဵၼ်  သၽႃးၸိူဝ်ႉၸၢတ်ႈ ၊...

ၸႄႈဝဵင်းမိူင်းယွင်း ၸိုင်ႈတႆးပွတ်းဢွၵ်ႇၶူင်း ၼႆႉ ပႃႇတီႇၼူၵ်ႉယုင်း NLD  ဢွင်ႇပေႉပၢင်လိူၵ်ႈတင်ႈ ၊လႆႈတီႈၼင်ႈၼႂ်းသၽႃးတင်း 4 တီႈ။ ဝဵင်းမိူင်းယွင်းၼႆႉ မီးပီႈၼွင်ႉတႆး ပီႈၼွင်ႉလိုဝ်ႉ ဢၶႃႇ မၢၼ်ႈ ယူႇသဝ်းႁူမ်ႈၵၼ်။ ပၢင်လိူၵ်ႈတင်ႈ 2020 ၼႆႉမီးပႃႇတီႇသၢင်ႇသီႈ ပႃႇတီႇၼူၵ်ႉယုင်း ၊ ပႃႇတီႇႁူဝ်သိူဝ်၊ ပႃႇတီႇသိူဝ်ၽိူၵ်ႇ ၸိူဝ်းပဵၼ်ပႃႇတီႇလူင် 4 ဢၼ်ယဝ်ႉ ယင်းမီးပႃႇတီႇ...

ၼႂ်းၸႄႈဝဵင်းမိူင်းယႆ ၸိုင်ႈတႆးပွတ်းႁွင်ႇၵေႃႈ တီႈၼင်ႈၽူႈတႅၼ်းသၽႃး တင်း 4 တီႈၼၼ်ႉ ပႃႇတီႇႁူဝ်သိူဝ် ၶိုၼ်းသိုပ်ႇၼင်ႈတေႃႇထႅင်ႈဝႃႈၼႆ။ ပၢင်လိူၵ်ႈတင်ႈ 2020 ၼႆႉတီႈဝဵင်းမိူင်းယႆ ပႃႇတီႇႁူဝ်သိူဝ်ၶေႉၶဵင်ႇတီႈၼင်ႈတင်း 4 တီႈ။   ၽူႈတႅၼ်းသၽႃးၸိူဝ်ႉၸၢတ်ႈပဵၼ် ၼၢင်းမွၼ်းၸိင်ႇ ၊ ၽူႈတႅၼ်း သၽႃးၵူၼ်းမိူင်းပဵၼ်  ၸၢႆးသီႇႁႃႉၵျေႃႇ ၊ ၽူႈတႅၼ်းသၽႃးၸႄႈမိူင်း မၢႆ 1 ပဵၼ်...

ၸႄႈဝဵင်းမိူင်းၼၢႆး ၸိုင်ႈတႆးပွတ်းၸၢၼ်း ပႃႇတီႇႁူဝ်သိူဝ် SNLD  ဢွင်ႇပေႉပၢင်လိူၵ်ႈတင်ႈ ထႅင်ႈတင်း 4 တီႈၼင်ႈ။ ၽူႈတႅၼ်းဢၼ်ဢွင်ႇပေႉတီႈမိူင်းၼၢႆးပဵၼ် ပႃႇတီႇႁူဝ်သိူဝ် SNLD ၼၢင်းသူၺ်ႇၺုၼ်ႉ ၽူႈတႅၼ်းသၽႃးၸိူဝ်ႉၸၢတ်ႈ၊ ၸၢႆးမွၼ်းလိူၼ် ၽူႈတႅၼ်းသၽႃး ၸႄႈမိူင်း မၢႆ 1 ၊ ၸၢႆးဝိၼ်းၼၢႆႇ ၽူႈတႅၼ်းသၽႃးၸႄႈမိူင်း မၢႆ 2 လႄႈ ၸၢႆးထုၼ်းဝိၼ်း...

ၸႄႈဝဵင်းမွၵ်ႇမႆႇ ၸိုင်ႈတႆးပွတ်းၸၢၼ်း ပႃႇတီႇႁူဝ်သိူဝ် SNLD ပေႉ 1 တီႈၼင်ႈ သၢင်ႇသီႈ USDP ပေႉ 3 တီႈၼင်ႈ ဢၼ် လႆႈႁပ်ႉႁူႉသဵၼ်ႈမၢႆဝႆႉ ထိုင်ယၢမ်းလဵဝ် ယူႇတီႈၶွမ်ႊမသျိၼ်ႊၵေႃၵမ်ၵၢၼ်လိူၵ်ႈတင်ႈ ပႆႇပိုၼ်ၽၢဝ်ႇဢွၵ်ႇပဵၼ်တၢင်းၵၢၼ် ဝႃႈၼႆ။ ပၢင်လိူၵ်ႈတင်ႈပတ်းပိုၼ်ႉၸိုင်ႈမိူင်း ဝၼ်းတီႈ 8/11/2020 ၼၼ်ႉ တီႈဝဵင်းမွၵ်ႇမႆႇ  ပႃႇတီႇႁူဝ် သိူဝ်...

ၸႄႈဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်း တီႈဢၼ်မီလုမ်းၸႄႊတွၼ်ႈပၵ်းသဝ်းဝႆႉၼၼ်ႉ  ပႃႇတီႇႁူဝ်သိူဝ် SNLD ပေႉပုၼ်ႈၵိၼ်ၶၢတ်ႇ ။ ဝဵင်းလၢင်းၶိူဝ်းၼႆႉ ပဵၼ်ဝဵင်းၸႄႈတွၼ်ႈလႄႈ ၶႃႈႁၢပ်ႇၵၢၼ်ၶုၼ်ၵေႃႈၼမ်၊တပ်ႉသိုၵ်းလူင်ပွင်ၸိုင်ႈၵေႃႈပၵ်းဝႆႉ မီး 3 တပ်ႉ။ ပၢင်လိူၵ်ႈတင်ႈ 2020 ၼႆႉ တီႈဝဵင်းလၢင်းၶိူဝ်းမီးပႃႇတီႇႁူဝ်သိူဝ် ပႃႇတီႇသိူဝ်ၽိူၵ်ႇ ပႃႇတီႇ ၼူၵ်ႉယုင်း ပႃႇတီႇသၢင်ႇသီႈ  လႄႈ သုၼ်ႇလဵဝ်   ၶေႉၶဵင်ႇၵၼ်။ ယူႇတီႈၼေႃႇၽူႈတႅၼ်းယိုၼ်ယၼ်လၢတ်ႈၼေၽူႈတွႆႇႁွၵ်ႈဝႃႈ - ပႃႇတီႇႁူဝ်သိူဝ်...

ၸႄႈဝဵင်းၵျွၵ်ႉမႄး ၼႂ်းၸိုင်ႈတႆးပွတ်းႁွင်ႇ တီႈဢၼ် ၶွမ်ႊမသျိၼ်ႊပၢင်လိူၵ်ႈတင်ႈမိူင်းႁူမ်ႈတုမ် ပိုၼ်ၽၢဝ်ႇ ယုၵ်ႉလိူၵ်ႈ ဢမ်ႇၸတ်းပၢင်လိူၵ်ႈတင်ႈဝႆႉ 10 ဢိူင်ႇပၢႆၼၼ်ႉ  ပႃႇတီႇႁူဝ်သိူဝ် SNLD လႆႈၶႅပ်းမႄး လူၼ်ႉႁိုၵ်း လူၼ်ႉၾင်ႇပေႉပုၼ်ႈ ၵိၼ်ၶၢတ်ႇဝႆႉ။ ပၢင်လိူၵ်ႈတင်ႈပတ်းပိုၼ်းတူဝ်ႈမိူင်းဢၼ်ၸတ်းႁဵတ်းၵႂႃႇမိူဝ်ႈဝႃးဝၼ်းတီႈ 8/11/2020 ယၢမ်းၵၢင်ၼႂ် 6 မူင်း ထိုင် 4 မူင်းဝၢႆးႁူဝ်ၶမ်ႈၼၼ်ႉ တီႈဝဵင်းၵျွၵ်ႉမႄးမီးပႃႇတီႇၼူၵ်ႉယုင်း ပႃႇတီႇသၢင်ႇသီႈ...

ပၢင်လိူၵ်ႈတင်ႈ 08/11/2020 ၼႆႉ ၼေႃႇတႅၼ်းၽွင်း ပႃႇတီႇႁူဝ်သိူဝ် ၸႄႈဝဵင်းမိူင်းယႆ ဢွင်ႇပေႉ ပၢင်လိူၵ်ႈတင်ႈ သၽႃးၵူၼ်းမိူင်း၊ သၽႃးၸႄႈမိူင်း မၢႆ 1 တင်းမၢႆ 2 ဢိၵ်ႇသၽႃးၸိူဝ်ႉၶိူဝ်း။ ပၢင်လိူၵ်ႈတင်ႈ 2020 ဢၼ်ၸတ်းမိူဝ်ႈ 08/11/2020 ၼႆႉ ၼႂ်းၵၢၼ်ႁႃသဵင်ၶွင်ပႃႇတီႇ ႁူဝ်သိူဝ်ၼၼ်ႉ မီးၵႂၢမ်းၶႂၼ်ဝႆႉဝႃႈ “တႃႇသုၼ်ႇလႆႈထၢင်ႇႁၢင်ႈတိူဝ်းလိူဝ် ၽွမ်ႉသဵင်ပၼ်ႁႅင်းၸုမ်းႁူဝ်သိူဝ်”...

ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ပႃႇတီႇႁူဝ်သိူဝ် SNLD ပေႉပုၼ်ႈၵိၼ်ၶၢတ်ႇ  ထႅင်ႈတင်း 4 တီႈၼင်ႈ။  မိူဝ်ႈဝႃး ဝၼ်းတီႈ 8/11/2020 ယၢမ်းၵၢင်ၼႂ် 6 မူင်း ထိုင် 4 မူင်းဝၢႆးႁူဝ်ၶမ်ႈ ပႃႇတီႇႁူဝ်သိူဝ် SNLD ပေႉပုၼ်ႉၵိၼ်ၶၢတ်ႇ တင်း 4 တီႈၼင်ႈ၊ ၽူႈတႅၼ်းသၽႃးၸိူဝ်ႉၸၢတ်ႈ၊ ၵူၼ်းမိူင်း၊...

ပၢင်လိူၵ်ႈတင်ႈ 2020 ၼႆႉ ၸႄႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ ပူဝ်ႇမူၼ်း ႁူဝ်ၼႃႈ ၸုမ်းပီႇတုၸိတ်ႉမၢၼ်ႈပၢင်ႇ ဢၼ်ယူႇၼႂ်းပႃႇတီႇသၢင်ႇသီႈသေ ၶဝ်ႈၶေႉၶဵင်ႇပၢင်လိူၵ်ႈတင်ႈ တီႈၼင်ႈသႃးၸႄႈမိူင်းၶဵတ်ႇလိူၵ်ႈတင်ႈမၢႆ 1 ဝဵင်းတၢင်ႉယၢၼ်းၼၼ်ႉ  ဢွင်ႇပေႉလႆႈတီႈၼင်ႈလႄႈ တေလႆႈၶဝ်ႈၼႂ်းသၽႃးယဝ်ႉ။ တီႈဝဵင်းတၢင်ႉယၢၼ်းၼႆႉ  ပႃႇတီႇႁူဝ်သိူဝ် SNLD  သမ်ႉ ဢွင်ႇပေႉ 3  တီႈၼင်ႈ  ပဵၼ်တီႈၼင်ႈ ၽူႈတႅၼ်းသၽႃးၸိူဝ်ႉၸၢတ်ႈ၊ သၽႃးၵူၼ်းမိူင်း၊...

ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ပႃႇတီႇႁူမ်ႈတုမ်ၸိူဝ်ႉၸၢတ်ႈပဢူဝ်း PNO လႆႈၶႅပ်းသဵင် ပေႉပုၼ်ႈၵိၼ်ၶၢတ်ႇ တင်းဝဵင်းထႅင်ႈ ၸွမ်းၼင်ႇၶႅပ်းမႄး ဢၼ်တိုၵ်ႉဢၢၼ်ႇဝႆႉ။    မိူဝ်ႈဝႃး ဝၼ်းတီႈ 8/11/2020 ယၢမ်းၵၢင်ၼႂ် 6 မူင်း ထိုင် 4 မူင်းယၢမ်း ႁူဝ်ၶမ်ႈ ၸႄႈဝဵင်းပၢင်လွင်း ၸႄႈတွၼ်ႈတူၼ်ႈတီး ၸိုင်ႈတႆး ပွတ်းၸၢၼ်း ပႃႇတီႇႁူမ်ႈတုမ်ၸိူဝ်ႉၸၢတ်ႈပဢူဝ်း...

ပၢင်လိူၵ်ႈတင်ႈ ၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇၼႆႉ တေႃႇထိုင်ယၢမ်းလဵဝ် ၸွမ်းၼင်ႇလႆႈႁူႉႁူဝ်ၼပ်ႉၶႅပ်းၵၢင်ၸႂ်ဝႆႉၽွင်ႈၼၼ်ႉ ပႃႇတီႇၸိူဝ်ႉၸၢတ်ႈတဢၢင်း TNP လႆႈၶႅပ်းသဵင်ၼမ်လိူဝ်ဝႆႉထႅင်ႈ ဝႃႈၼႆ။ ပၢင်လိူၵ်ႈတင်ႈတီႈၸႄႈဝဵင်း ၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ၸွမ်းၼင်ႇလႆႈႁပ်ႉႁူႉမၢႆၼပ်ႉၶႅပ်းမႄး ဝႆႉတႄႉ  ပႃႇတီႇၸိူဝ်ႉၸၢတ်ႈတဢၢင်း TNP ပေႉပုၼ်ႈၵိၼ်ၶၢတ်ႇ တင်း 4 တီႈၼင်ႈ၊ တီႈၼင်ႈ ၽူႈတႅၼ်းသၽႃး ၸိူဝ်ႉ...

ၸႄႈဝဵင်းလၢႆးၶႃႈ ၸိုင်ႈတႆးပွတ်းၸၢၼ်း ပႃႇတီႇႁူဝ်သိူဝ် SNLD ဢွင်ႇပေႉလႆႈသဵင်ၼမ်သုတ်းဝႆႉ တင်းဝဵင်းထႅင်ႈ ဝႃႈၼႆ။ ပၢင်လိူၵ်ႈတင်ႈ မိူဝ်ႈဝႃး ဝၼ်းတီႈ 8/11/2020  ၼႆႉတီႈၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆး ပွတ်းၸၢၼ်း ပႃႇတီႇႁူဝ်သိူဝ် SNLD လႆႈသဵင်ၶႅပ်းမႄးၼမ် ပေႉပုၼ်ႈၵိၼ်ၶၢတ်ႇဝႆႉတင်း 4 တီႈၼင်ႈ၊ တီႈၼင်ႈ ၽူႈတႅၼ်း သၽႃး ၸိူဝ်ႉၸၢတ်ႈ၊...