ၶၢဝ်းမႆႈၼႆႉ ၾႆးမႆႈပႃႇတူၼ်းႁၢဝ်းသၼ်လွႆလၢႆႁူတ်ႈ လၢႆတူၼ်း ႁိူၼ်းၵူၼ်းဝၢၼ်ႈၼႂ်းၸႄႈဝဵင်းသီႇပေႃႉ လင် ႞ ၺႃးၾႆးမႆႈပႃႇလၢမ်းမႆႈလႄႈ ဢမ်ႇတၼ်းလႆႈသင်။ ဝၼ်းတီႈ 16/3/2020 ယၢမ်းၵၢင်ဝၼ်းၼၼ်ႉ ၾႆးမႆႈပႃႇသေလၢမ်းမႆႈမႃးႁိူၼ်း ၸၢႆးတဵင်းမွင်ႇလႄႈ ၼၢင်းၶိၼ်ႇတၢၼ်း ဝၢၼ်ႈၼွင်ၼိဝ်ႉ ဢိူင်ႇ ၼႃးၼိဝ်ႉ ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ လင်ၼိုင်ႈ ၶူဝ်းၶွင်ႁိူၼ်းယေး ဢမ်ႇတၼ်းလႆႈသင် ပႃးၵႂႃႇၸွမ်းၾႆးမူတ်း။ ၸၢႆးဢွင်ႇ ၵူၼ်းၼႂ်းဢိူင်ႇၼႃးၼိဝ်ႉ လၢတ်ႈတီႈၽူႈတွႆႇႁွၵ်ႈဝႃႈ...

ၼႃႈလိၼ်ၶိုၵ်ႉတွၼ်းမၢႆ 4 မိူင်းလႃး ဢမ်ႇပၼ်ၶႂၢင်ႉၵူၼ်းမိူင်းၼႂ်းပိုၼ်ႉတီႈ ၸတ်းႁဵတ်းပွႆးလၢမ်းၾိင်ႈထုင်း ယႂ်ႇလူင်၊ ပေႃး ႁဵတ်းဝၢၼ်ႈၽႂ်ဝၢၼ်ႈမၼ်းတႄႉလႆႈယူႇ။ ဢိင်ၼိူဝ် လွင်းတၢင်းပဵၼ်ၶူဝ်ႊရူဝ်ႊၼႃႊၸိူဝ်ႉမႅင်း ဢၼ်လၢမ်းၽႄႈဝႆး တၢင်းမိူင်းၶႄႇၼၼ်ႉသေ တၢင်းပွတ်းၼႃႈ လိၼ် ၶိုၵ်ႉတွၼ်းမၢႆ 4 (တပ်ႉသိုၵ်းမိူင်းလႃး NDAA/ESS) ၵေႃႈ ပဵၼ်ၼႃႈလိၼ်ဢၼ်တိတ်းၸပ်းမိူင်းၶႄႇ တၢင်းသိပ်းသွင်ပၼ်း ၼႃး လႅၼ်လိၼ်တႆး - ၶႄႇ။ လုင်းၼၢၼ်ယီႈ...

ၵူၼ်းမိူင်း ပွတ်းမိူင်းၼွင် - ၵေးသီး မႆႈၸႂ် ၵူဝ်ပဵၼ်ပၢင်တိုၵ်းထႅင်ႈ ယွၼ်ႉသိုၵ်းလူင်ပွင်ၸိုင်ႈမၢၼ်ႈ တိုၵ်ႉထႅမ်ႁႅင်းသိုၵ်းမုင်ႈ ၸူးတၢင်းလွႆႁူၼ်း တီႈ RCSS/SSA ပၵ်းသဝ်းဝႆႉ။ ဝၼ်းတီႈ 15/3/2020 ၼႆႉ တပ်ႉသိုၵ်းလူင်ပွင်ၸိုင်ႈမၢၼ်ႈ ထႅမ်ႁႅင်းသိုၵ်း မုင်ႈၼႃႈၸူးတၢင်းပွတ်းလွႆႁူၼ်း ၼႂ်းၸႄႈဝဵင်း ၵေးသီး တင်းၼမ် ၵူၼ်းမိူင်းဢွၼ်ၵၼ်မႆႈၸႂ် ၵူဝ်ပဵၼ်ပၢင်တိုၵ်းၵၼ်ထႅင်ႈႁၢဝ်ႈႁႅင်း ဝႃႈၼႆ။ ၸၢႆးၸၢမ်ႇမိူင်း ၽူႈတႅၼ်းသၽႃးၸႄႈမိူင်းၶဵတ်ႇလိူၵ်ႈတင်ႈမၢႆ...

ၾၢႆႇပၢႆးယူႇလီ ဝဵင်းတႃႈၶီႈလဵၵ်း ၵၵ်းဢဝ်တူဝ် ၸၢဝ်းၶႄႇ 2 ၵေႃႉ ဢၼ်ထုၵ်ႇထၢင်ႇဝႃႈ မီးၸိူဝ်ႉမႅင်းတၢင်းပဵၼ် Covid – 19 ဝူႁၢၼ်ႉႁိုဝ်ၶူဝ်ႊရူဝ်ႊၼႃႊ ဝႃႈၼႆ။ ၵူၼ်းၸၢဝ်းၶႄႇ 2 ၵေႃႉ ဢၼ်လုၵ်ႉတီႈမိူင်ႊၶုၼ်ႊမိင်ႊ ၸိုင်ႈမိူင်းၶႄႇမႃး သဝ်းဝႆႉတီႈႁူင်းႁႅမ်း 9 ၸၼ်ႉ ၼႂ်းတႃႈၶီႈလဵၵ်းဝႆႉ ၼၼ်ႉ မိူဝ်ႈဝၼ်းတီႈ 15/3/2020...

ႁွင်ႈၵၢၼ်ပၢႆးပၺ်ၺႃ လူင်ပွင်ၸိုင်ႈမၢၼ်ႈ ၼေႇပျီႇတေႃႇ ပိုၼ်ၽၢဝ်ႇ ၸီႉသင်ႇႁၢမ်ႈၸတ်းပၢင်သွၼ်/ ပၢင်ၾိုၵ်း ပၢင်ဢုပ်ႇၶႆႈ ယႃႇႁႂ်ႈၵူၼ်းၶွၼ်ႈၵူၼ်းၵိုၼ်း ၵူဝ်ၸပ်းတၢင်းပဵၼ်ၶူဝ်ႊရူဝ်ႊၼႃႊ Covid 19။ ဝၼ်းတီႈ 16/3/2020 ယူႇတီႈႁွင်ႈၵၢၼ် ပၢႆးပၺ်ၺႃ မိူင်းႁူမ်ႈတုမ် ဢွၵ်ႇလိၵ်ႈပိုၼ်ၽၢဝ်ႇ ႁၢမ်ႈၸတ်းႁဵတ်းပၢင်ဢုပ်ႇၶႆႈ၊ ပၢင် ၾိုၵ်းၽွၼ်ႉ၊ ပၢင်သွၼ် ၸွမ်းႁူင်းႁဵၼ်းသုၼ်ႇတူဝ်၊ လူင်ပွင်ၸိုင်ႈ ၸဵမ်ၸိူဝ်းၼႆႉ။ လိူဝ်ၼၼ်ႉ...

မိူဝ်ႈၼႆႉ ဝၼ်းတီႈ 17/3/2020 ယၢမ်းၵၢင်ၼႂ် 9 မူင်း မီးၶၢဝ်ႇဢွၵ်ႇလိုဝ်းဝႃႈ ၸဝ်ႈၼႃႈတီႈထႆး ပိၵ်ႉႁပ်းၽၵ်းတူမိူင်း ၶူဝ်လႅၼ် လိၼ်မႄႈသၢႆ - တႃႈၶီႈလဵၵ်းၼႆၼၼ်ႉ ဢမ်ႇၸႂ်ႈ/ ပဵၼ်ၶၢဝ်ႇပွမ်လိုဝ်းႁဵတ်းႁႂ်ႈ ၵူၼ်းၵႂႃႇ/မႃး ၵႃႉ/ၶၢႆ ဝူင်ႈၵၢင် သွင်မိူင်း တိုၼ်ႇ သၢၼ်ႈတူၵ်းၸႂ်ၵူၺ်း ဝႃႈၼႆ။ ဢိင်ၼိူဝ်တၢင်းပဵၼ်ၶူဝ်ႊရူဝ်ႊၼႃႊၽႄႈလၢမ်းသေ မီးၶၢဝ်ႇဝႃႈ ၸၢဝ်းၶႄႇၼပ်ႉပၢၵ်ႇၶိုင်လတ်းလႅၼ်လိၼ်/...

ၼႂ်းလိူၼ်မၢတ်ႊၶျ်ၼႆႉ တႄႇဢဝ်ဝၼ်းတီႈ 10 ယူႇတီႈသၽႃးမိူင်းႁူမ်ႈတုမ်သေ ၶိုင်ၵၢၼ်ပိူဝ်ႈတႃႇမူၼ်ႉမႄး ပၵ်းပိူင်လၵ်းမိူင်း 2008 ၼႆႉမႃးမီးၵႂႃႇသၢမ်ဝၼ်းယဝ်ႉ။ ပၵ်းပိူင်လၵ်းမိူင်းဢၼ်ၼႆႉ ယူႇတီႈပႃႇတီႇ NLD သေယဝ်ႉ ဢွၼ်ႁူဝ်ၶိုင်သၢင်ႈမႃးပိူဝ်ႈတႃႇမူၼ်ႉမႄးၼႆႉ မီးမႃးပီပၢႆသေ မိူဝ်ႈလဵဝ်ၽေႃႇၼမ်ႉၼႄတူဝ်မၼ်း တႄႉယဝ်ႉ။ ပေႃးၼႆ ဢၼ်ၶဝ်ဢၢင်ႈမႄးၼၼ်ႉ လၢႆးၵၢၼ်မၼ်းမီးၸိူင်ႉႁိုဝ်ၵူၺ်းၵူၺ်း၊ သမ်ႉမူၼ်ႉမႄးထိုင်လႆႈ ၶၵ်ႉတွၼ်ႈလႂ်ယဝ်ႉ၊ ယွၼ်ႉသင်လႄႈမီးလွင်ႈသုတ်ႈႁူၼ်ႁိုဝ် ၶိုပ်ႈၼႃႈဢၼ်ဝႃႈၼၼ်ႉ ႁဝ်းၶႃႈယွၼ်းတေႃႉတႆႇ...

ၽူႈလူင်ႉလႅၼ်ႇပၢႆးသၢႆႈ ၸိူဝ်းၶတ်းၸႂ်ၶူၼ်ႉသွၵ်ႈႁႃ ယႃႈယႃ ႁႄႉၵင်ႈ တၢင်းပဵၼ် ၶူဝ်ႊရူဝ်ႊၼႃႊယူႇ ယၢမ်းလဵဝ်  တေတႄႇၸၢမ်းယူတ်းယႃၼႂ်းလိူၼ်တေမႃး ၊ ၵူၺ်းၵႃႈယူႇတီႈၾၢႆႇပၢႆးယူႇလီမိူင်းဢမေႊရိၵၼ်ႊတႄႉပိုၼ်ၽၢဝ်ႇဝႃႈ  တႄႇၸၢမ်းသမ်းပၼ်တူၺ်း  မိူဝ်ႈဝႃးယဝ်ႉဝႃႈၼႆ။ ၸုမ်းၶူၼ်ႉၶႂႃႉ Kaiser Permanente  ဢၼ်ပၵ်းလုမ်းတီႈဝဵင်း Seattle ၸိုင်ႈမိူင်းဢမေႊရိၵၼ်ႊ တႄႇၸၢမ်း သမ်းၶဵမ် ႁႄႉၵင်ႈတၢင်းပဵၼ်ၶူဝ်ႊရူဝ်ႊၼႃႊ တီႈၵူၼ်းယူႇလီ တႃႇ 45 ၵေႃႉ...

ပွႆးသၢင်ႇလွင်း ဝတ်ႉ/ ၵျွင်းပၢင်ႇ လၢႆးၶႃႈ လႄႈ ဝတ်ႉဝေႇလုဝၼ်ႇ ဝဵင်းၵႃလိ ၸိူဝ်းၼႆႉ ၼႂ်းပီၼႆႉ တေဢမ်ႇၸတ်းႁဵတ်းယဝ်ႉ ယွၼ်ႉတၢင်းပဵၼ်ၸိူဝ်ႉမႅင်းၶူဝ်ႊရူဝ်ႊၼႃႊ(ၶူဝ်ႊ ဝိတ်ႊ - 19) ၽႄႈလၢမ်းၸပ်းငၢႆႈဝႆး။ ယူႇတီႈၸုမ်းပွင်ၵၢၼ် ၵျွင်းပၢင်ႇ ပွင်ႇလႅင်းထိုင် တၵ်ႉၵႃႇသတ်ႉထႃးၵူႈၵေႃႉဝႃႈ လွင်ႈၸတ်းႁဵတ်းပွႆးသၢင်ႇလွင်း တီႈၵျွင်း ပၢင်ႇ ၸႄႈဝဵင်းလၢႆးၶႃႈၼႆႉ ပီၼႆႉ တေဢမ်ႇပဵၼ်ၸတ်းႁဵတ်းယဝ်ႉ...

ၵူၼ်းဝၢၼ်ႈ ၼႂ်းၸႄႈဝဵင်းသီႇပေႃႉ သႅၼ်းဢႃယု 30 ပၢႆၵေႃႉ ႞ ၵႂႃႇလႃႈထိူၼ်ႇ တူၵ်းၶဵင်ႇလၢင်း လူႉတၢႆထင်တီႈ ဝႃႈၼႆ။ မိူဝ်ႈဝၼ်းတီႈ 12/3/2020 ၼၼ်ႉ ထူပ်းႁၼ် တူဝ်တၢႆ ၸၢႆးမိလိင်ႇ ဢႃယု 35 ပီ တီႈၼႂ်းထိူၼ်ႇ တၢင်းဢွၵ်ႇလွႆၵွမ် ယၢၼ်ၵႆ ၵၼ်တင်းဝၢၼ်ႈမၢၵ်ႇၶေႃ မွၵ်ႈ 1...

ရူတ်ႉၵႃး ၸုမ်းၸၢတ်ႈသႅင်းႁႅင်းၵၢၼ်တႆး “ၵဵင်းမႆႇ” ဢၼ်ဢၢင်ႈၵႂႃႇၵႃႈၸၢတ်ႈ တီႈပွႆးသၢင်ႇလွင်းလွႆတႆးလႅင်းၼၼ်ႉ ၵႂႃႇ ပိၼ်ႈၶႂမ်ႈၸွမ်းတၢင်းလႄႈ ဢွၼ်ႇယိင်း ဢႃယု 7 ၶူပ်ႇ ၵေႃႉၼိုင်ႈ လႆႈလူႉတၢႆ ထင်တီႈ ဝႃႈၼႆ။ ဝၼ်းတီႈ 15/3/2020 ယၢမ်းဝၢႆးဝၼ်း ရူတ်းၵႃး ၸုမ်းၸၢတ်ႈတႆး 3 လမ်း လုၵ်ႉၵဵင်းမႆႇ တေၵႂႃႇၵႃႈသႅင်းတႆး တီႈပွႆးသၢင်ႇလွင်း...

ၵၢတ်ႇၸဝ်ႈၾႃႉ(ဢမ်ႇၼၼ်) ၵၢတ်ႇၵဝ်ႇ ၸႄႈဝဵင်းၵဵင်းတုင် ဢၼ်ၵူၼ်းမိူင်းယုမ်ႇယမ် ၸတ်းႁဵတ်းမႃး ၵူႈပီၼၼ်ႉ ပီၼႆႉ ၵူၼ်းမိူင်းၶဝ်ႈႁူမ်ႈသိုဝ်ႉၸၢႆႇ ၶၢႆၶူဝ်း ဢမ်ႇပေႃးၵိုၼ်းၶွၼ်ႈမိူၼ်ၵူႈပီ။ ဝၼ်းတီႈ 16/3/2020 ပဵၼ်ဝၼ်းၵၢတ်ႇၸဝ်ႈၾႃႉ ၵူၼ်းမိူင်းၶဝ်ႈႁူမ်ႈသိုဝ်ႉၶၢႆ ၶူဝ်းၵၼ် တီႈပွၵ်ႉႁူဝ်ၵၢတ်ႇ ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း။ ၵမ်ႈၼမ် ဝၼ်းၵၢတ်ႇၸဝ်ႈၾႃႉၼႆႉ တူၵ်းမႅၼ်ႈ ဝၼ်းၵၢတ်ႇလီ ဝၼ်းဢၼ်ၸဝ်ႈၾႃႉမၵ်းမၢႆပၼ်ဝႆႉ ႞ ပီ...

ၵူၼ်းဝၢၼ်ႈ ၼႂ်းဢိူင်ႇၵိူၼ်ႇတူလူင်ဝဵင်းမွၵ်ႇမႆႇ ပဵၼ်ၶႆႈ/ဢႆ တင်းဝၢၼ်ႈ ဝၢႆးၵႂႃႇၶဝ်ႈပွႆးလိူၼ်သီႇမူၼ်း ႁႆႇၵွင် ႁဵင်သိူင်းတီႈ ထမ်ႈၸၢင်ႉ ဝဵင်းႁူဝ်ပူင်း  သေပွၵ်ႈႁိူၼ်းၶိုၼ်း။ ၸုမ်းၶွမ်ႊမတီႊ ၾၢႆႇပၢႆးယူႇလီ ပဢူဝ်း (PHWC) ဢၼ်ၵႂႃႇတူၺ်းပၼ်လွင်ႈယူႇလီၵူၼ်းဝၢၼ်ႈလၢတ်ႈဝႃႈ- “ၵူၼ်းဝၢၼ်ႈ  ၸိူဝ်းၵႂႃႇၶဝ်ႈပွႆးႁႆႇၵွင် ႁဵင်သိူင်း မိူဝ်ႈဝၼ်းလိူၼ်သီႇမူၼ်း တီႈထၢမ်ႈၸၢင်ႉႁူဝ်ပူင်း ၼၼ်ႉ ၽိူဝ်ႇၶဝ်ပွၵ်ႈၶိုၼ်းဝၢၼ်ႈ ဢွၼ်ၵၼ် ပဵၼ်ဢႆပဵၼ်ဝတ်းပဵၼ်ၼၢဝ်။တီႈဝၢၼ်ႈၼႆႉမီးလင်ႁိူၼ်း 50...

ၶၢဝ်းယၢမ်းတၢင်းပဵၼ်ၶူဝ်ႊရူဝ်ႊၼႃႊ ဢမ်ႇၼၼ် ၶူဝ်ႊဝိတ်ႉ-19 (ဝူႊႁၢၼ်) ၽႄႈၸပ်းၼမ်၊ လၢႆလၢႆမိူင်းပိုၼ်ၽၢဝ်ႇ ငဝ်းလၢႆးၶိုၵ်ႉၶၵ်ႉ ထုၵ်ႇလီၾၢင်ႉ ယႃႇပေဢွၵ်ႇတၢင်းၼွၵ်ႈ ၸိူဝ်းၼၼ်ႉ လူင်ပွင်ၸိုင်ႈမၢၼ်ႈၾၢင်ႉထိုင်ၵူၼ်းၵႃႉလႄႈ ၸဝ်ႈပၢႆးမၢၵ်ႈမီးၶဝ် ယႃႇလဵၼ်ႈၶၼ်ၵုၼ်ႇ ယႃႇႁဵတ်းႁႂ်ႈၵူၼ်းမိူင်းတူၵ်းၸႂ် ဝႃႈၼႆ။ ဢူးၸေႃႇထေး ၽူႈၶၢၼ်ပၢၵ်ႇလုမ်းၸွမ်ၸိုင်ႈ သပ်းၸႅင်ႈၶၢဝ်ႇငၢဝ်းမိူဝ်ႈဝၼ်းတီႈ 13 လိူၼ်မၢတ်ႉၶျ်ဝႃႈ  - “ႁဝ်းၶႃႈ ၶႂ်ႈပၼ်ၾၢင်ႉ ၵူၼ်းၵႃႉ၊ ၸဝ်ႈၵၢၼ်ၸဝ်ႈငၢၼ်းၶဝ်...