ဢိၼ်ႊၻီႊယိူဝ်ႊတင်းၶႄႇ ၽိတ်းၽႅၵ်ႇတုမ်ႉတိူဝ်ႉၵၼ်တီႈလႅၼ်လိၼ် ၶႅတ်ႉမီႊယိူဝ်ႊ ၼႂ်းႁွပ်ႈ 50 ပီ၊ သိုၵ်းဢိၼ်ႊၻီႊယိူဝ်ႊ လူႉတၢႆၵႂႃႇတီႈဢေႇသုတ်း 20 ၵေႃႉ။ မိူဝ်ႈၶမ်ႈၶိုၼ်းဝၼ်းတီႈ 15/06/2020 ၼၼ်ႉ သိုၵ်းဢိၼ်ႊၻီႊယိူဝ်ႊ တင်း သိုၵ်းၶႄႇ ဢၼ်ပၵ်းပႂ်ႉ ၸွမ်းလႅၼ်လိၼ်သွင်မိူင်း၊ ၸွမ်းပိုၼ်ႉတီႈသုင် ၼႂ်းၶဵတ်ႇတူၼ်းတၢပ်ႈသၼ်လွႆ ႁိမဝၼ်ႇတႃႇ (ၼႃႈဝၼ်းတူၵ်းလွႆႁိမဝၼ်ႇတႃႇ) တီႈမူႇဝၢၼ်ႈၵၼ်းလဝၢၼ်း ပိုၼ်ႉတီႈဢၵ်ႉသႆးၶျိၼ်း (Aksai...

ၾၢႆႇပၢႆးယူႇလီ RCSS လူင်းပိုၼ်ႉတီႈ ထတ်းထွင် ႁႄႉၵင်ႈ ၵုမ်ႈၵမ် တၢင်းပဵၼ် ၶူဝ်ႊဝိတ်ႉ 19 ၼႂ်းၵိင်ႇၸႄႈဝဵင်း ၵဵင်းတွင်းၼၼ်ႉ ၺႃးတပ်ႉပလိၵ်ႈမၢၼ်ႈ ပႃးလုင်းႁဵင် ႁႄႉႁၢမ်ႈ ၼိူဝ်သဵၼ်ႈတၢင်း ၼႂ်းၵႄႈ မိူင်းၼၢႆး - ၵဵင်းတွင်း ဝႃႈၼႆ။ မိူဝ်ႈၼႆႉ ဝၼ်းတီႈ 18/6/2020 ယၢမ်းၵၢင်ၼႂ် 9...

ၵူၼ်းမိူင်းတႆး ၸိူဝ်းၵႂႃႇႁဵတ်းၵၢၼ် တၢင်းမိူင်းထႆးသေ ပွၵ်ႈၶိုၼ်းမိူင်း၊ ပွၵ်ႈတၢင်း မႄႈသွတ်ႇ - မျႃႉဝတီႇ - တႃႈၵုင်ႈ သေ မႃးတၢင်းတူၼ်ႈတီး ၽႅဝ်မႃးဝဵင်းပၢင်လူင် ႁိမ်း 100 ၵေႃႉ။ ဝၼ်းတီႈ 17/6/2020 ထိုင်မိူင်းတႆး ပွတ်းၸၢၼ်း ဝဵင်းပၢင်လူင် 40 ၵေႃႉ၊ ဝၼ်းတီႈ 15...

ၵူၼ်းမိူင်းပိုၼ်ႉတီႈ ၸိူဝ်းယူႇၸွမ်းလႅၼ်လိၼ် တႆး - ထႆး (မႄႈသၢႆ - တႃႈၶီႈလဵၵ်း) ႁူပ်ႉတၢင်းယၢပ်ႇၵၢၼ်ၵႃႉၶၢႆ၊ ၵၢၼ်ၵႂႃႇမႃး ႁႃၵိၼ်လဵင်ႉတွင်ႉၸိူဝ်းၼႆႉ ႁူပ်ႉတၢင်းယၢပ်ႇ လၢႆၸိူဝ်းလၢႆလွင်ႈလႄႈ မုင်ႈမွင်း လူင်ပွင်ႈၸိုင်ႈ ထႆး/မၢၼ်ႈ ၸဵဝ်းပိုတ်ႇ ၽၵ်းတူလႅၼ်လိၼ်ၶိုၼ်း။ ၽၵ်းတူ/ ၶူဝ်လႅၼ်လိၼ်တႆး - ထႆး (မႄႈသၢႆ - တႃႈၶီႈလဵၵ်း)...

ပၢင်လိူၵ်ႈတင်ႈပတ်းပိုၼ်ႉတူဝ်ႈမိူင်းႁူမ်ႈတုမ် 2020 ၼႆႉ ပႃႇတီႇႁူဝ်သိူဝ် တေလိူၵ်ႈသၢင် ၼၢင်းယိင်းလႄႈ ၵူၼ်းၼုမ်ႇ ၶဝ်ႈလိူၵ်ႈတင်ႈ တႃႇ 30 ပိူဝ်ႊသႅၼ်ႊ (30%) ဝႃႈၼႆ။ ပေႃးထိုင်မႃး လိူၼ်ၼူဝ်ႊဝႅမ်ႊၿိူဝ်ႊ 2020 ၸိုင် ယူႇတီႈၶွမ်ႊမသျိၼ်ႊပၢင်လိူၵ်ႈတင်ႈမိူင်းႁူမ်ႈတုမ် တေၸတ်းႁဵတ်း ပၢင်လိူၵ်ႈတင်ႈ ၼႂ်းမိူင်းႁူမ်ႈတုမ် ပတ်းပိုၼ်ႉၼႆသေ ယူႇတီႈငဝ်ႈငုၼ်းတီႇမူဝ်ႇၶရေႇၸီႇ ၸိူဝ်ႉၶိူဝ်းတႆး (SNLD)...

ၵူၼ်းဝၢၼ်ႈ ၵႂႃႇႁဵတ်းသူၼ် ၶၢင်ႉၶမ်ၼႂ်းၵႄႈ ပၢင်တိုၵ်း တပ်ႉသိုၵ်းလူင်ပွင်ၸိုင်ႈမၢၼ်ႈတင်း တပ်ႉသိုၵ်းတဢၢင်း တီႈၵူတ်ႉၶၢႆ ပီႈၼွင်ႉၵူၼ်းႁိူၼ်းတၢင်းလင် ဢွၼ်ၵၼ်မႆႈၸႂ်။ ဝၼ်းတီႈ 16/6/2020 ယၢမ်းႁူဝ်ၶမ်ႈ သိုၵ်းလူင်ပွင်ၸိုင်ႈမၢၼ်ႈ တင်း သိုၵ်းတဢၢင်း ပဵၼ်ပၢင်တိုၵ်းၵၼ် ၵမ်းၼိုင်ႈ၊ ဝၼ်းတီႈ 17/6/2020 ယၢမ်းၵၢင်ၼႂ်ၵေႃႈ ပဵၼ်ပၢင်တိုၵ်းၵၼ်ထႅင်ႈၵမ်းၼိုင်ႈ။ ပၢင်တိုၵ်းၼႆႉ ပဵၼ်ၵၼ်ၸွမ်းႁိမ်းႁွမ်းဝၢၼ်ႈၵႃလႅင်လႄႈ ဝၢၼ်ႈၼႃးၶႅမ် ၼႂ်းၸႄႈဝဵင်းၵူတ်ႉၶၢႆ...

လူင်ပွင်ၸိုင်ႈတင်း RCSS ဢုပ်ႇဢူဝ်းၵၼ် ၼိူဝ်ဢွၼ်ႊလၢႆႊ တႃႇႁူမ်ႈသၢၼ်မိုဝ်းၵၼ် တူင်ႉၼိုင်လွင်ႈၵႅတ်ႇၶႄႁႄႉၵင်ႈ တၢင်းပဵၼ်ၶူဝ်ႊဝိတ်ႉ 19 ဢၼ်ပဵၼ်ယူႇယၢမ်းလဵဝ်ၼႆႉ ဝႃႈၼႆ။ ဝၼ်းတီႈ 16/6/2020 ယၢမ်းဝၢႆးဝၼ်း 1 မူင်း ထိုင် 2 မူင်းၶိုင်ႈၼၼ်ႉ ယူႇတီႈၶွမ်ႊမတီႊ တႃႇၵႅတ်ႇၶႄႁႄႉၵင်ႈၵုမ်းၵမ် ၶူဝ်ႊဝိတ်ႉ - 19 လူင်ပွင်ၸိုင်ႈလႄႈ ၶွင်ႇသီႇဢဝ်ၶိုၼ်းၸိုင်ႈတႆး/...

ၶူဝ်ႊရီႊယိူဝ်ႊႁွင်ႇ ပွႆႇမၢၵ်ႇယႃႉသႂ်ႇတိူၵ်ႈဢုတ်ႇ လုမ်းၵပ်းသၢၼ် ၵၼ်တင်းၶူဝ်ႊရီႊယိူဝ်ႊၸၢၼ်း တီႈလႅၼ်ၶႅၼ်ႈသွင်ၸိုင်ႈမိူင်း ၊  ပိုၼ်ၽၢဝ်ႇဝႃႈ တူဝ်ႈတၼ်းတႃႇသူင်ႇႁႅင်းသိုၵ်း ၶဝ်ႈၼႂ်းၶဵတ်ႇပိုၼ်ႉတီႈႁၢမ်းႁႅၵ်းသိုၵ်း-ဝႃႈၼႆ။ ၸုမ်းသိုဝ်ႇၶၢဝ်ႇၼွၵ်ႈမိူင်း ဢၼ်တိတ်းတၢမ်ငဝ်းလၢႆး မိူင်းၶူဝ်ႊရီႊယိူဝ်ႊႁွင်ႇဝႆႉယူႇၼၼ်ႉ ဢွၵ်ႇၶၢဝ်ႇဝႃႈ-  မိူဝ်ႈဝၼ်းတီႈ 16/6/2020 ယၢမ်းဝၢႆးဝၼ်းၼၼ်ႉ ယူႇတီႈၶူဝ်ႊရီႊယိူဝ်ႊႁွင်ႇ လႆႈပွႆႇမၢၵ်ႇယႃႉလူႉလူမ်ႇၵွႆပႅတ်ႈ တိူၵ်ႈလူင်ႁွင်ႈၵၢၼ်ၾၢႆႇၵပ်းသၢၼ် ၶူဝ်ႊရီႊယိူဝ်ႊႁွင်ႇ/ၸၢၼ်း ဢၼ်ပၵ်းယူႇတီႈဝဵင်းၵႄးသွင်း ၼႂ်းၾင်ႇၶူဝ်ႊရီႊယိူဝ်ႊႁွင်ႇ တီႈႁိမ်းလႅၼ်ၶႅၼ်ႈသွင်ၸိုင်ႈမိူင်းၼၼ်ႉ ဝႃႈၼႆ။ ဢွၼ်ၼႃႈၼႆႉလၢႆဝၼ်း  ၶိမ်းယူဝ်းၸွင်း...

ထူပ်းႁၼ်တူဝ်တၢႆ ၼၢင်းယိင်း 2 ၵေႃႉ တီႈႁိမ်းဝၢၼ်ႈမၢၵ်ႇၶီႈၼူ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ဝၼ်းတီႈ 16/6/2020 ယၢမ်းၵၢင်ၼႂ် ထူပ်းႁၼ် တူဝ်တၢႆ ၼၢင်းယိင်း 2 ၵေႃႉ တီႈၼႂ်းယုမ်း ႁိမ်းၶၢင်ႈတၢင်း ဢၼ်ၵႂႃႇၸူးတီႈ ဝၢၼ်ႈမၢၵ်ႇၶီႈၼူ ဢိူင်ႇတႃႈပုင်ႇ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၶၢပ်ႈတူဝ်တၢႆ ၼၢင်းယိင်း 2...

ၵူၼ်းဝၢၼ်ႈငႅၼ်း မိူင်းၵဵင်းတုင်သွင်ၵေႃႉ ဢိၵ်ႇၵူၼ်းသိုၵ်း RCSS သွင်ၵေႃႉ ဢၼ်ထုၵ်ႇသိုၵ်းလူင်ပွင်ၸိုင်ႈ တီႉၺွပ်းၵုမ်းတူဝ်ဝႆႉမိူဝ်ႈလိူၼ်ပူၼ်ႉ လုမ်းတြႃးတတ်းသိၼ်မိူဝ်ႈၼႆႉ။ ဝၼ်းတီႈ 17/6/2020 မိူဝ်ႈၼႆႉ ဢၼ်သိုၵ်းလူင်ပွင်ၸိုင်ႈတီႉၺွပ်းၵူၼ်းဝၢၼ်ႈလႄႈ သိုၵ်း RCSS/SSA ဝႆႉၼၼ်ႉတဵမ် 28 ဝၼ်းယဝ်ႉလႄႈ လုမ်းတြႃးတေတႅပ်းတတ်း ဝႃႈၼႆ။ ၵဵဝ်ႇၵပ်းလွင်ႈၼႆႉ ၸဝ်ႈသိုၵ်း ၸူဝ်းမိူင်း ၽူႈၼင်ႈလုမ်းၵပ်းသၢၼ် RCSS တီႈၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ...

ႁူင်းႁဵၼ်းၸိူဝ်ႉၸၢတ်ႈတႆး ၼႂ်းပိုၼ်ႉတီႈ RCSS ၵုမ်းၵမ်ဝႆႉ တင်းမူတ်း 200 လင်ပၢႆၼၼ်ႉ ပီၼႆႉ တေပိုတ်ႇပူင်သွၼ် တူၵ်းလိုၼ်းလိူဝ်ၵူႈပီ ယွၼ်ႉႁၢင်ႈႁႅၼ်းၵႅတ်ႇၵင်ႈၽေးၶူဝ်ႊဝိတ်ႉ - 19 ။ ပေႃးထိုင်မႃး ၼႂ်းလိူၼ်ၵျူႊလၢႆႊ 2020 ၼႆႉ ႁူင်းႁဵၼ်းၸိူဝ်ႉၸၢတ်ႈတႆး ၼႂ်းပိုၼ်ႉတီႈၶွင် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/SSA) ၵုမ်းၵမ်ဝႆႉၼၼ်ႉ တေပိုတ်ႇပူင်သွၼ်ပၼ်လုၵ်ႈႁဵၼ်းၵႂႃႇ...

ၵႃးတၢင်ႇၵူၼ်း ပိၼ်ႈတူၵ်းႁူၺ်ႈၵိုတ်ႈ ၼႂ်းၸႄႈဝဵင်းၼွင်ၶဵဝ် မီးၵူၼ်းလူႉတၢႆထင်တီႈ 2 ၵေႃႉလႄႈ မၢတ်ႇၸဵပ်းၸွမ်း 10 ပၢႆ ဝႃႈၼႆ။ မိူဝ်ႈၼႆႉ ဝၼ်းတီႈ 17/6/2020 ယၢမ်းၵၢင်ၼႂ် မွၵ်ႈ 3 မူင်းပၢႆ ၵႃးတၢင်ႇၵူၼ်း Express ဢၼ်လုၵ်ႉတၢင်းမၵူၺ်း တေၶိုၼ်ႈမႃး တၢင်းဝဵင်းလႃႈသဵဝ်ႈၼၼ်ႉ လႆႈပဵၼ်ၽေးဢုပၢတ်ႈ(ၽေးၵိုင်ႉၵၢင်ႉ) သေ ပိၼ်ႈတူၵ်းႁူၺ်ႈၵိုတ်ႈ...

ႁေႃပၢင်လွင်း ဢၼ်ၵူၼ်ႇပင်းၵႂႃႇ မိူဝ်ႈၵၢင်လိူၼ်မေႊၼၼ်ႉ ယွၼ်ႉပႆႇမီးငိုၼ်းၵွင်ၵၢင်လႄႈ တေပႆႇၵေႃႇသၢင်ႈမႄးၵုမ်းလုမ်းလႃးၶိုၼ်း။ မိူဝ်ႈဝၼ်းတီႈ 19/5/2020 ယၢမ်းၵၢင်ဝၼ်း မွၵ်ႈ 11 မူင်းၶိုင်ႈၼၼ်ႉ ယွၼ်ႉၾူၼ်လူင်တူၵ်းႁႅင်း လူမ်းၽတ်ႉပဝ်ႇႁႅင်းသေ ႁေႃလူင်ၸဝ်ႈၾႃႉပၢင်လွင်း ဢၼ် မီးဢႃယုႁိုင်ၼၢၼ်း 100 ပီပၢႆယဝ်ႉၼၼ်ႉ လႆႈၵူၼ်ႇပင်းၵႂႃႇပႅတ်ႈ။ ထိုင်မႃးမိူဝ်ႈဝၼ်းတီႈ 2/6/2020 ၼႆႉ ယူႇတီႈၵူၼ်းမိူင်းလႄႈ ၵူၼ်းၼုမ်ႇပၢင်လွင်း ႁူမ်ႈၵၼ်ၵၼ်ႇတေႃး...

မိူဝ်ႈၼႆႉ 16/6/2020 ယူႇတီႈၸုမ်းတူင်ႇဝူင်းၵူၼ်းတႆး ဢွၵ်ႇၶေႃႈပိုၼ်ၽၢဝ်ႇ လွင်ႈၵူၼ်းမိူင်းတႆး ၺႃးၶႃႈႁႅမ်တၢႆပဵၼ်ၵေႃႇပဵၼ်ၵွင် တီႈတၢတ်ႇၾႃႉႁူဝ်ႈၼၼ်ႉ တိုၵ်ႉပႂ်ႉတႃႇလွင်ႈပဵၼ်ထမ်း/တြႃး-ၼႆယဝ်ႉ။ ၼႂ်းလိၵ်ႈပိုၼ်ၽၢဝ်ႇ လၢတ်ႈဝႃႈ- မိူဝ်ႈပူၼ်ႉမႃး 23 ပီ မိူဝ်ႈဝၼ်းတီႈ 16/6/1997 ၼၼ်ႉ ၵူၼ်းမိူင်း 56 ၵေႃႉ ၵူၼ်းၸၢႆး၊ ၼၢင်းယိင်းလႄႈလုၵ်ႈဢွၼ်ႇ ထုၵ်ႇသိုၵ်းမၢၼ်ႈ ၶႃႈႁႅမ်တၢႆသွင်တီႈ ၼႂ်းၸႄႈဝဵင်း ၵုၼ်ႁဵင်...

ဢွင်ႈတီႈဝႆႉၶိူင်ႈၸၢၵ်ႈ တႃႇၵူတ်းထတ်းတၢင်းပဵၼ် တီႈႁူင်းယႃလူင် ၸဝ်ႈၸၢမ်ႇထုၼ်း ဝဵင်းလူင်တူၼ်ႈတီးၼၼ်ႉ တေယဝ်ႉတူဝ်ႈ ႁၢင်လိူၼ်ၼႆႉ ဝႃႈၼႆ။ တေႃႈလဵဝ် ဢွင်ႈတီႈတႃႇတေဝႆႉၶိူင်ႈၸၢၵ်ႈ ၵူတ်ႇထတ်းတၢင်းပဵၼ်ၼႆႉ တိုၵ်ႉၵေႃႇသၢင်ႈႁဵတ်းယဝ်ႉၵႂႃႇ မွၵ်ႈ 50 % ၊ လိူၼ်ၵျုၼ်ႊ 2020 ၼႆႉသဵင်ႈ တေဢၢၼ်းႁဵတ်းႁႂ်ႈယဝ်ႉမူတ်း။ လိူဝ်သေၼၼ်ႉ ၶိူင်ႈၸၢၵ်ႈၵမ်ႈၽွင်ႈ ႁွတ်ႈၽႅဝ်ဝႆႉတီႈ ႁူင်းယႃၸဝ်ႈၸၢမ်ႇထုၼ်း ယဝ်ႉ...