ၸွမ်သိုၵ်းလူင် မိၼ်းဢွင်ႇလႅင်ႇ မႃးသူႇၸႂ်းဢႅဝ်ႇယဵမ်ႈ တီႈၵဵင်းတုင် ၸိုင်ႈတႆးပွတ်းဢွၵ်ႇၶူင်းသေ ႁူပ်ႉထူပ်းဢုပ်ႇဢူဝ်း လၢႆလၢႆၸုမ်း ပႃးၸဵမ်ၸုမ်းၵူၼ်းမိူင်း။ မိူဝ်ႈဝၼ်းတီႈ 10/5/2020 ယၢမ်းၵၢင်ဝၼ်း ၸွမ်ၸိၵ်းသိုၵ်းလူင် မိၼ်းဢွင်ႇလႅင်ႇႁွတ်ႈထိုင်ၵဵင်းတုင် ယူႇတီႈၵူၼ်းမိူင်း ၵဵင်းတုင်၊ ၸဝ်ႈၼႃႈတီႈ ၼႃႈလိၼ်ၶိုၵ်ႉတွၼ်းမၢႆ 4 မိူင်းလႃး (NDAA )လႄႈၸုမ်းဝႃႉ UWSA ႁူပ်ႉဢုပ်ႇၵၼ် တင်းၸွမ် သိုၵ်းလူင်...

မၢၵ်ႇတႅၵ်ႇတီႈၵဵတ်ႉ/ လၢၼ်ႇ (တိုးဂိတ်) တၢင်းၶဝ်ႈဝဵင်းမူႇၸေႊ လုၵ်ႈၼိုင်ႈ လွင်ႈၵူၼ်းမၢတ်ႇၸဵပ်းလူႉတၢႆ ဢမ်ႇမီး ဝႃႈၼႆ။ ဝၼ်းတီႈ 11/5/2020 ယၢမ်းၵၢင်ၶမ်ႈ မွၵ်ႈ 8 မူင်းၶိုင်ႈၼႆႉ မၢၵ်ႇတႅၵ်ႇတီႈၵဵတ်ႉ/ လၢၼ်ႇ (တိုးဂိတ်) တၢင်းၶဝ်ႈဝဵင်း မူႇၸေႊ ၸိုင်ႈတႆးပွတ်းႁွင်ႇ လုၵ်ႈၼိုင်ႈ။ ဢိင်ၼိူဝ်လွင်ႈမၢၵ်ႇတႅၵ်ႇၼႆႉ ပဵၼ်ၼမ်ႉမိုဝ်းၽႂ် ၸုမ်းလႂ် မႃးႁၢင်ႈၵၢင်...

သင်ႇၶႃႇတႆး လႄႈ ၸုမ်းတူင်ႉၼိုင်တူင်ႇဝူင်းၵူၼ်းတႆးလၢႆလၢႆၸုမ်းၸိူဝ်းႁွတ်ႈမိူင်းထႆး ၶွတ်ႇၽွတ်ႈၸုမ်း “ႁူမ်ႈမဵတ်ႉတႃႇ” ၸွႆႈထႅမ်ၶဝ်ႈၼမ်ႉတၢင်းၵိၼ်ပၼ် တႆးယၢၼ်မိူင်း ၸိူဝ်းတုမ်ႉတိူဝ်ႉယွၼ်ႉၶူဝ်ႊဝိတ်ႉ 19 သေ သိုပ်ႇၶွၼ်ႈႁႅင်းတႃႇသိုပ်ႇၵမ်ႉၸွႆႈၵႂႃႇထႅင်ႈဝႃႈၼႆ။ မိူဝ်ႈဝၼ်းတီႈ 10/05/2020 ၼႆႉ ၸုမ်းႁူမ်ႈမဵတ်ႉတႃႇ ၵႂႃႇ ၸွႆႈထႅမ်ၶဝ်ႈၼမ်ႉတၢင်းၵိၼ်၊ ၶူဝ်းၶွင်ႁႅင်ႈပၼ်ပီႈၼွင်ႉတႆး ၸိူဝ်းမီးယူႇၼႂ်းမိူင်းထႆး လၢႆလၢႆၸႄႈဝဵင်း/ၸႄႈတွၼ်ႈ၊ ၸိူဝ်းတုမ်ႉတိူဝ်ႉယွၼ်ႉၶူဝ်ႊဝိတ်ႉ 19  တင်းမူတ်း 450 မုင်ႉႁေႃႁိူၼ်း...

ၾူၼ်လူင်လူမ်းလူင်ၽတ်ႉႁၢဝ်ႈႁႅင်း ၼႂ်းၸႄႈဝဵင်းၼမ်ႉၸၢင် လင်ၶႃးႁိူၼ်းၵူၼ်းဝၢၼ်ႈ လႆႈလူႉၵွႆတင်းၼမ်သေ ဝတ်ႉဝႃး (ၵျွင်းမုၼ်ၸဝ်ႈ) ၵေႃႈလူႉၵွႆ ၸွမ်းၵမ်ႈၽွင်ႈ ဝႃႈၼႆ။ ဝၼ်းတီႈ 10/5/2020 ယၢမ်းဝၢႆးဝၼ်း ၾူၼ်လူင်လူမ်းလူင် တူၵ်းၽတ်ႉႁၢဝ်ႈႁႅင်း ၼႂ်းဢိူင်ႇပဵင်းၸႂ် ၸႄႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း၊ လင်ၶႃႈႁိူၼ်းၵူၼ်းဝၢၼ်ႈ ၵွၵ်း ပိဝ်ၸွမ်းလူမ်း လူႉၵွႆ ဢမ်ႇယွမ်း 150 လင်ပၢႆ။ လိူဝ်သေၼၼ်ႉ...

ၸဝ်ႈသူၼ်ဢမ်ႇၸၢင်ႈၶၢႆၶဝ်ႈၵၢပ်ႇပၼ်မိူင်းၶႄႇလႄႈ တၢင်ႇထူဝ်ႈမႃးၸႅၵ်ႇ ပၼ်ပီႈၼွင်ႉၼႂ်းဝဵင်းမူႇၸေႊ ဢမ်ႇယွမ်း 50 လမ်း ဝႃႈၼႆ။ တႄႇဢဝ် ႁူဝ်လိူၼ်မေႊ 2020 ၼႆႉမႃး ၸဝ်ႈသူၼ် ပွတ်းထုင်ႉမၢဝ်း ၵမ်ႈၼမ် ဢွၼ်ၵၼ်ဢဝ်ၶဝ်ႈၶႄႇသႂ်ႇထူဝ်ႈသေ ၵႂႃႇၸႃႇၵႃႉ ၶဝ်ႈၵၢပ်ႇ ယိုၼ်ႈပၼ်ႁိူၼ်းပီႈၼွင်ႉ ဢူၺ်းၵေႃႉ ဢူၺ်းသေႈလႄႈ ၵူၼ်းမိုတ်ႈၵိုတ်းႁူႉၸၵ်းၵၼ် ၼႂ်းၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ။ ယွၼ်ႉၸဝ်ႈၼႃႈတီႈၶႄႇ...

ၼႂ်းႁူဝ်လိူၼ်မေႊၼႆႉ ၵူၼ်းဝၢၼ်ႈပၢင်တီး ၸႄႈဝဵင်းသီႇပေႃႉ တၢႆ 3 ၵေႃႉပီႈၼွင်ႉ ပဵၼ်ၼႂ်းမုင်ႉႁေႃႁိူၼ်းလဵဝ် ၵူၼ်းတူင်ႇတၢင်ႇပိုၼ်ႉတီႈပဵၼ်ဢၼ်တူၵ်းၸႂ်ၵူဝ်ႁႄ ။ ဢၼ်လႆႈလူႉတၢႆၵႂႃႇၼႂ်းဝူင်ႈလဵဝ် 3 ၵေႃႉၼၼ်ႉတႄႉ မိူဝ်ႈဝၼ်းတီႈ 6/5/2020 ယၢမ်းၵၢင်ၼႂ် 10 မူင်း ပဵၼ်ၼၢင်းယိင်းဢွၼ်ႇ ဢႃယု 10 ၶူပ်ႇ ၊ မိူဝ်ႈဝၼ်းတီႈ 10/5/2020 ယၢမ်းၵၢင်ၼႂ်...

ၵူၼ်းသိုၵ်း RCSS ပၢႆႈ တပ်ႉ ႁွတ်ႈထိုင်မိူင်းတူၼ် ၸိုင်ႈတႆးပွတ်းဢွၵ်ႇၶူင်း 9 ၵေႃႉ၊ ထုၵ်ႇတပ်ႉသိုၵ်းလူင်ပွင်ၸိုင်ႈမၢၼ်ႈ ၵုမ်းၶင်ထဵတ်ႈထၢမ်ဝႆႉ ဝႃႈၼႆ။ ၵူၼ်းမိူင်းတူၼ်လၢတ်ႈဝႃႈ မိူဝ်ႈဝၼ်းတီႈ 9/5/2020 ၼၼ်ႉ ၵေႃႉသိုၵ်းႁၢၼ် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/SSA) ပၢႆႈ တပ်ႉ ႁွတ်ႈၽႅဝ် တၢင်းမိူင်းတူၼ် ၸိုင်ႈတႆးပွတ်းဢွၵ်ႇၶူင်း။ ၵူၺ်းၵႃႈ...

ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး (SHRF) သၢၼ်ၶတ်းလွင်ႈသိုၵ်းလူင်ပွင်ၸိုင်ႈမၢၼ်ႈ တိုၵ်ႉသိုပ်ႇပူၼ်ႉပႅၼ် ၵူၼ်းမိူင်းႁၢဝ်ႈႁႅင်း ၼႂ်းၸႄႈဝဵင်းလႃႈသဵဝ်ႈလႄႈ ၸႂ်ႉၵိၼ်ႁႅင်းလၢႆ ဢိၵ်ႇ ၶႃႈႁႅမ်ၵူၼ်းမိူင်း။ မိူဝ်ႈၼႆႉ ဝၼ်းတီႈ 11/5/2020 ယူႇတီႈ ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး SHRF ဢွၵ်ႇၽိုၼ်တၢမ်းငဝ်းလၢႆးဝႃႈ ၵူၼ်းဝၢၼ်ႈ ၼႂ်းဢိူင်ႇမိူင်းၵႅတ်ႈ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ထုၵ်ႇသိုၵ်းလူင်ပွင်ၸိုင်ႈမၢၼ်ႈ ၶႃၸႂ်၊ ၶႃႈႁႅမ်ၵူၼ်းမိူင်းလႄႈ တဵၵ်းၸႂ်ႉႁႅင်းလၢႆ ၽွင်းပိုတ်ႇၼႃႈသိုၵ်းတၢင်းဢွၵ်ႇဝဵင်းလႃႈသဵဝ်ႈ၊...

ၸုမ်းပွင်ၵၢၼ်ပၢႆးပၺ်ႇၺႃႇ RCSS တီႈလွႆတႆးလႅင်း ၸတ်းႁဵတ်းပၢင်ပၼ် တၢင်းႁူႉပေႃႈမႄႈလႄႈလုၵ်ႈႁဵၼ်း ၸဝ်ႈယွတ်ႈသိုၵ်းၶဝ်ႈႁူမ်ႈမွၵ်ႇလၢတ်ႈၶေႃႈၵႂၢမ်း ပၼ်ႁႅင်းပေႃႈမႄႈလုၵ်ႈႁဵၼ်း   ။ မိူဝ်ႈဝၼ်းတီႈ 08/05/2020 တင်ႈတႄႇပွတ်းၼႂ်ယၢမ်း 09:00 မူင်းၵႂႃႇ၊ ၸုမ်းပွင်ၵၢၼ်ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး ၸတ်းႁဵတ်းပၢင်ပၼ်ၵႂၢမ်းႁူႉ တၢင်းႁူႉတၢင်းႁၼ် ၼႂ်းႁူင်းႁေႃးလူင် တီႈႁူင်းႁဵၼ်းၸၼ်ႉသုင် ငဝ်ႈၸိုင်ႈလွႆတႆးလႅင်း။ မီးၽူႈယႂ်ႇၵူၼ်းလူင် ၵူႈႁွင်ႈၵၢၼ် လႄႈ ၶူးသွၼ် လုၵ်ႈႁဵၼ်း...

ၼႂ်းလူၵ်ႈၼႆႉ ၸိုင်ႈမိူင်းဢၼ်ႁူဝ်ၵူၼ်းမိူင်းတိတ်းၸပ်းတၢင်းပဵၼ် COVID-19 ၼမ်လူင်လၢင်သေ လူႉသုမ်းတၢႆၼမ်သုတ်းလိူဝ်ပိူၼ်ႈ တၢင်ႇဝၢၼ်ႈတၢင်ႇမိူင်းၼၼ်ႉ ၸွမ်းၼင်ႇၼႂ်းသိုဝ်ႇၶၢဝ်ႇလၢႆလၢႆတီႈ ဢွၵ်ႇဝႆႉၼၼ်ႉ လႆႈႁူႉၵၼ်ဝႃႈပဵၼ်မိူင်း ဢဵၼ်ႁႅင်းလူင် ၸိုင်ႈမိူင်းဢမေႊရိၵႃႊယဝ်ႉ။ ၵွပ်ႈပိူဝ်ႈသင်လႄႈ တိတ်းၸပ်းတၢင်းပဵၼ်ၼမ်၊ သမ်ႉလူႉတၢႆၼမ်သုတ်းၼၼ်ႉ မီးလွင်ႈတၢင်းလၢႆၸိူဝ်ႉလၢႆပိူင်။ ၸိုင်ႈမိူင်းဢမေႊရိၵႃႊယၢမ်းလဵဝ်ၼႆႉ ၵူၼ်းၸပ်းတၢင်းပဵၼ်မီးယဝ်ႉ ၼိုင်ႈလၢၼ်ႉသၢမ်မိုၼ်ႇပၢႆ  ။ ၵူၼ်းလူႉတၢႆၵေႃႈမီး 80000 ပၢႆ။  ဢၼ်ယူတ်းယႃႁၢႆၶႅၼ်းယဝ်ႉမီး 230000 ပၢႆ။...

ထဝ်ႈယိင်း ဢႃယု 87 ပီ ဢၼ်ၸပ်းၸိူဝ်ႉမႅင်းၶူဝ်ႊဝိတ်ႉ - 19 တီႈမူႇၸေႊ ၸိုင်ႈတႆးပွတ်းႁွင်ႇၼၼ်ႉ မေႃယႃ လႆႈသူင်ႇၵူတ်ႇထတ်းတူၺ်းတၢင်းပဵၼ် မၼ်းၼၢင်း 2 ပွၵ်ႈ၊ ဢွၵ်ႇၶေႃႈတွပ်ႇမႃး ပဵၼ် Negative ဢမ်ႇထူပ်းႁၼ်ၸိူဝ်ႉမႅင်းသေ ယူႇတီႈမေႃယႃ ၶဝ်လႆႈပၼ်ၶႂၢင်ႉလူင်းႁူင်းယႃယဝ်ႉ ဝႃႈၼႆ။ မၼ်းၼၢင်းၼႆႉလႆႈလူင်းႁူင်းယႃ မိူဝ်ႈဝၼ်းတီႈ 9/5/2020 ။ ၻွၵ်ႊတိူဝ်ႊ...

ၼႂ်းၶၢဝ်းၶိဝ်းတၢင်းပဵၼ်ၶူဝ်ႊဝိတ်ႉ 19 လိူင်ႇၽႄႈမႃးၼႆႉ ၵဵဝ်ႇၵပ်းလူၺ်ႈလၢႆးဢၼ်လူင်ပွင်ၸိုင်ႈ လူလွမ်တူၺ်းထိုင်ပိူဝ်ႈတႃႇပေႃႈမႄႈၵူၼ်းမိူင်းၼၼ်ႉ ယွၼ်ႉဢမ်ႇမီးလွင်ႈၸတ်းၵၢၼ်ၽဵၼ်ႈလီ သေယဝ်ႉ ႁၼ်မီးမႃးလွင်ႈႁုၵ်းႁၢႆႉမၼ်းသွင်သၢမ်လွင်ႈ။ ၼိုင်ႈၼႆႉ-ၸႅၵ်ႇမႅင်ႇၶဝ်ႈၼမ်ႉတၢင်းၵိၼ်ပၼ်ပေႃႈမႄႈၵူၼ်းမိူင်း ဢမ်ႇမႅၼ်ႈလွၵ်းသေယဝ်ႉ ဢမ်ႇၸွမ်းပိူင်မၢႆမီႈ ၵႅတ်ႇၶႄႁႄႉၵင်ႈတၢင်းပဵၼ်သေယဝ်ႉ ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇၸွမ်း။ သွင်သမ်ႉ-ၼႂ်းဝၼ်းသွင်ဝၼ်းၼႆႉၵူၺ်း လႆႈႁၼ်လူင်ပွင်ၸိုင်ႈမိူင်းတႆး ဢိၵ်ႇပႃးၸုမ်းလၢႆလၢႆၸုမ်း မႃးၸႅၵ်ႇပၼ်ၽႅၼ်ႇတူမ်းသူပ်းပိူဝ်ႈတႃႇၵူၼ်းမိူင်း သမ်ႉႁဵတ်းႁႂ်ႈၵူၼ်းမိူင်းပဵၼ်ပုၵ်ႉပဵၼ်ဝႃ ပဵၼ်ၾုင်ပဵၼ်ၵႄလူင် ၶွၼ်ႈၵိုၼ်းၵၼ်သေယဝ်ႉ ႁဵတ်းႁႂ်ႈတုမ်ႉတိူဝ်ႉပၢႆးယူႇလီ ပိူဝ်ႈတႃႇၵူၼ်းမိူင်းလႆႈမႆႈၸႂ်ၸွမ်းထႅင်ႈ။ ၶေႃႈသၢမ်-ဢၼ်ႁၢႆႉသုတ်းၼႆႉသမ်ႉ ပိုၼ်ၽၢဝ်ႇႁႂ်ႈလူင်းႁဵတ်းမၢႆၾၢင်သိမ်ႊၶၢတ်ႉ (SIM card) ၾူၼ်ႊမိုဝ်းထိုဝ်ၶွင်ၸႂ်မၼ်း၊...

ယူႇတီႈၼႃႈလိၼ်ၶိုၵ်ႉတွၼ်းမၢႆ 4 မိူင်းလႃး သူင်ႇတူဝ်ႁႅင်းၵၢၼ်မိူင်းႁူမ်ႈတုမ် ပွၵ်ႈၶဝ်ႈမႃးထႅင်ႈ တၢင်းၵဵင်းတုင်ၼပ်ႉႁူဝ်ပၢၵ်ႇ၊ ဢၼ်လုၵ်ႉတၢင်းမိူင်းလၢဝ်းၶဝ်ႈမႃးၵေႃႈမီး။ ဝၼ်းတီႈ 8/5/2020 ယၢမ်းၵၢင်ၶမ်ႈ ႁႅင်းၵၢၼ်မိူင်းႁူမ်ႈတုမ် ဢၼ်လႆႈၵုမ်းတူဝ် Quarantine တီႈတၢင်းမိူင်းလႃး တဵမ် 21 ဝၼ်းယဝ်ႉၼၼ်ႉ ယူႇတီႈၽူႈမီးပုၼ်ႈၽွၼ်း ၼႃႈလိၼ်ၶိုၵ်ႉတွၼ်းမၢႆ 4 မိူင်းလႃး လႆႈမွပ်ႈပၼ် တၢင်းလူင်ပွင်ၸိုင်ႈ သူင်ႇပွၵ်ႈမႃးတၢင်းၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း...

ထဝ်ႈယိင်း ဢႃယု 87 ပီ ဢၼ်တိတ်းၸပ်းၸိူဝ်ႉမႅင်းၶူဝ်ႊဝိတ်ႉ - 19 ၵူၼ်းမူႇၸေႊၼၼ်ႉ ယူႇတီႈမေႃယႃၶဝ် လႆႈသူင်ႇၵူတ်ႇထတ်းတၢင်းပဵၼ်ထႅင်ႈ ဢွၵ်ႇမႃးၵႂၢမ်းတွပ်ႇပဵၼ် Negative ပွၵ်ႈၵမ်းသွင်။ ၶေႃႈၵူတ်ႇထတ်းၵမ်းတီႈ 2 ၼႆႉ ၶေႃႈတွပ်ႇမၼ်းဢွၵ်ႇမႃးဝၼ်းတီႈ 8/5/2020 ။ ၸၢႆးႁိၼ်လဵၵ်း ၸုမ်းၶၢဝ်ႇထုင်ႉႁူၺ်ႈလီ မူႇၸေႊ ႁၢႆးငၢၼ်းလၢတ်ႈၼႄတီႈၽူႈတွႆႇႁွၵ်ႈဝႃႈ “ ယူႇတီႈမေႃယႃ မူႇၸေႊ...

ပေႃးတၢင်းပဵၼ်ဝူႊႁၢၼ်ႊမိူင်းၶႄႇ (ၶူဝ်ႊရူဝ်ႊၼႃႊ ဢမ်ႇၼၼ် ၶူဝ်ႊဝိတ်ႉ - 19) ယဵၼ်လူင်းယဝ်ႉ ဢၢၼ်းဝႆႉ တေၸတ်းႁဵတ်း ပၢင်ၵုမ် ၵၢၼ်မိူင်းၸၼ်ႉၸိူဝ်ႉၸၢတ်ႈ (ND) တႆး တီႈဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်း ဝႃႈၼႆသေတႃႉ  တေႃႇထိုင် ယၢမ်းလဵဝ် ၼႂ်းမိူင်းႁူမ်ႈတုမ် ၵူၼ်းၸပ်းတၢင်းပဵၼ်ၶူဝ်ႊဝိတ်ႉ - 19 ၶႂ်ႈဝႃႈ မီးၵူၼ်းတိတ်းၸပ်းၸိူဝ်ႉမႅင်းၼႆႉ...