သိုၵ်း TNLA တင်း RCSS ပဵၼ်ပၢင်တိုၵ်းၵၼ်မႃးၶၢဝ်းတၢင်းၸမ်ဝူင်ႈ၊ မိူဝ်ႈၼႆႉၵေႃႈ တိုၵ်ႉပိုတ်းယိုဝ်းၵၼ် တၢင်းၾၢႆႇႁွင်ႇ ဝဵင်းၵျွၵ်ႉမႄး ႁၢဝ်ႈႁႅင်း ။ မိူဝ်ႈၼႆႉ ဝၼ်းတီႈ 4/1/2021 ယၢမ်းၵၢင်ၼႂ် 6 မူင်း သိုၵ်း TNLA တင်း RCSS ပဵၼ် ပၢင်တိုၵ်းၵၼ်ႁၢဝ်ႈႁႅင်း ႁိမ်းဝၢၼ်ႈတေႃႉ သၢင်ႇ...

ၼေႃႇၽူႈတႅၼ်းပႃႇတီႇႁူဝ်သိူဝ် SNLD သၽႃးၸိူဝ်ႉၸၢတ်ႈ ၶဵတ်ႇလိူၵ်ႈတင်ႈမၢႆ 5 ယိုၼ်ႈလိၵ်ႈသၢၼ်ၶတ်းၸူး ၶွမ်ႊမသျိၼ်ႇပၢင်လိူၵ်ႈတင်ႈမိူင်းႁူမ်ႈတုမ်  လွင်ႈဢၼ်  ၽူႈတႅၼ်းပႃႇတီႇတဢၢင်း TNP  ဢွင်ႇပေႉလႆႈတီႈၼင်ႈၵႂႃႇၼၼ်ႉ မၼ်းပဵၼ်ယွၼ်ႉ မီးလွင်ႈ တွတ်ႈၶႅပ်းၵၢင်ၸႂ်ဢမ်ႇသိုဝ်ႈယူဝ်းပူင်ႇသႂ် မီးလွင်ႈပူၼ်ႉပႅၼ်မၢႆမီႈပၢင်လိူၵ်ႈတင်ႈ ဝႃႈၼႆ ။ ပၢင်လိူၵ်ႈတင်ႈ 2020 ဢၼ်ၸတ်းႁဵတ်းယဝ်ႉတူဝ်ႈၵႂႃႇမိူဝ်ႈဝၼ်းတီႈ 8 လိူၼ် ၼူဝ်ႊဝႅမ်ႊပိူဝ်ႊ ပူၼ်ႉမႃးၼႆႉ တီႈၶဵတ်ႇလိူၵ်ႈတင်ႈမၢႆ...

လူင်ပွင်ၸိုင်ႈမိူင်းတႆး လႆႈၵူတ်ႇထတ်းႁၢၼ်ႉတၢင်းၵိၼ်ၼႂ်းမိူင်းတႆး ဢၼ်မႅၼ်ႈၸွမ်းပိူင်ၾၢႆႇပၢႆးယူႇလီတမ်းဝၢင်းဝႆႉမီး 1000  ႁၢၼ်ႉပၢႆ ပၼ်ပိုတ်ႇၶၢႆ ႁႂ်ႈၵူၼ်းမႃးၼင်ႈၵိၼ်ၶိုၼ်းမိူၼ်ၵူႈပွၵ်ႈ တေလႆႈႁဵတ်းၸွမ်းၼင်ႇပၢႆးယူႇလီၸီႉသင်ႇဝႆႉ ဝႃႈၼႆ။ ႁၢၼ်ႉတၢင်းၶၢႆၸိူဝ်းဢၼ်ထုၵ်ႇၵူတ်ႇထတ်းဝႆႉၸိူဝ်းၼၼ်ႉ တႄႇပိုတ်ႇၶၢႆၶိုၼ်းမိူၼ်ၵဝ်ႇတင်ႈဢဝ်ဝၼ်းတီႈ 23/12/2020 မႃး။    ဢူးၼေႇလိၼ်း ၽူႈၼမ်းၼႂ်းလူင်ပွင်ၸိုင်ႈမိူင်းတႆး လၢတ်ႈဝႃႈ - “ႁၢၼ်ႉၶၢႆၶဝ်ႈၽၵ်း တၢင်းၵိၼ် ဢၼ်လႆႈ ၶႂၢင်ႉပၼ်ၵူၼ်း မႃး ၼင်ႈၵိၼ် ၼႂ်းႁၢၼ်ႉၼၼ်ႉ...

တႄႇတီႈလိူၼ်ၵျႅၼ်ႊၼိဝ်ႊရီႊ 1 ဝၼ်း (2021)ၵႂႃႇၼႆႉ ၽူႈတႅၼ်း NLD ၶဝ် 3 ၵေႃႉ ဢၼ်ၻွၵ်ႊတိူဝ်ႊ ဢွင်ႇမူဝ်းၺူဝ်ႇ ၽူႈၼမ်းၼႂ်း 3 ၶဝ်ဢွၼ်ႁူဝ်ၼၼ်ႉ တေႁႃႁူပ်ႉဢုပ်ႇၸွမ်း ပႃႇတီႇပၢႆးမိူင်းၸၢဝ်းၶိူဝ်းၶဝ် ယဝ်ႉၼႆ ၸွမ်းၼင်ႇသိုဝ်ႇၶၢဝ်ႇသေ ႁဝ်းၶႃႈငိၼ်းၵၼ်မႃးယဝ်ႉ။ ၸဵမ်မိူဝ်ႈဝၢႆးလိူၵ်ႈတင်ႈ 2020 ယဝ်ႉၼၼ်ႉ ယူႇတီႈပႃႇတီႇ NLD ဢွၵ်ႇလိၵ်ႈၸူး...

ၶွမ်ႊမတီႊ ၾၢႆႇၸတ်းပၢင်ပွႆးၶၢဝ်းၵတ်း ငၢၼ်းရိုဝ်ႉၻူႊၼၢဝ် ဝဵင်းၵဵင်းမႆႇ ပိုၼ်ၽၢဝ်ႇတေၸတ်းပွႆးၶၢဝ်းၵတ်းငၢၼ်းရိုဝ်ႉၻူႊၼၢဝ် တီႈဝဵင်းၵဵင်းမႆႇ ၸွမ်းၼင်ႇယၢမ်ႈၸတ်းမႃးၵူႈပီ၊ ႁႅင်းငၢၼ်းတၢင်ႇၻၢဝ်ႉ(ႁႅင်းၵၢၼ်ယၢၼ်မိူင်း) ၸိူဝ်းတေၶဝ်ႈပွႆး တၵ်းလႆႈမီးဝႂ်ႁပ်ႉႁွင်းတီႈပေႃႈလဵင်ႉလႄႈ ဝႂ်ႁပ်ႉႁွင်းပၢႆးယူႇလီ ဝႃႈၼႆ။ ဝၼ်းတီႈ 25/12/2020 ၾၢႆႇၽွင်းငမ်းလႄႈၾၢႆႇႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ဝဵင်းၵဵင်းမႆႇ ၸိုင်ႈထႆး ဢွၵ်ႇလိၵ်ႈပိုၼ်ၽၢဝ်ႇဝႃႈတေၸတ်းပွႆးၶၢဝ်းၵတ်း (ပွႆးၶၢႆၶူဝ်းၵုၼ်ႇဢွၵ်ႇၼႂ်းပိုၼ်ႉတီႈ OTOP) ၼႂ်းဝၼ်းတီႈ 30/12/2020 တေႃႇထိုင်ဝၼ်းတီႈ 10/1/2021...

ပၢင်ၼုင်ႈသၢင်ႇမႂ်ႇ ၽွင်းၶၢဝ်းၵတ်း တီႈဝတ်ႉႁူမ်ႈယဵၼ်လွႆၸၢၵ်ႈတေႃႇ ၼွင်ၽႃ ဝဵင်းၶူဝ်လမ် ၸတ်းႁဵတ်းပဵၼ်ပွၵ်ႈၵမ်းႁႅၵ်ႈ တင်းမူတ်းမီးသင်ၶၸဝ်ႈ 100 ပၢႆ။ တႄႇဢဝ် ဝၼ်းတီႈ 12/12/2020 တေႃႇထိုင်ဝၼ်းတီႈ 12/1/2021 တီႈဝတ်ႉႁူမ်ႈ ယဵၼ် လွႆၸၢၵ်ႈတေႃႇ ၼွင်ၽႃ ဝဵင်းၶူဝ်လမ် ၸႄႈဝဵင်းၼမ်ႉၸၢင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၸတ်းႁဵတ်းပၢင်ၼုင်ႈသၢင်ႇမႂ်ႇ တႄႇဢဝ် ဢႃယု...

ဝၼ်းတီႈ 30/12/2020 ၼႆႉ ၸဝ်ႈၼႃႈတီႈပလိၵ်ႈ တေဢဝ်လိူင်ႈၸွႆးတြႃး ၽူႈၸၢႆး ဢၼ်ၵၼ်ႉၸၼ်ၼၢင်းယိင်းၶဝ်ႈၵၵ်းတူဝ်တီႈၸၼ်ႉၸွမ်တူၼ်ႈတီးၼၼ်ႉဝႃႈၼႆ။ ၽူႈၶၢၼ်ပၢၵ်ႇ ပလိၵ်ႈၸႄႈမိူင်းတႆး ဝဵင်းတူၼ်ႈတီးလၢတ်ႈဝႃႈ - တိုၵ်ႉယွၼ်းတၢင်းၶႆႈၸႂ်ဝႆႉတီႈ လုမ်းပၵ်းပိူင်မၢႆမီႈၸႄႈဝဵင်းဝႆႉ။ တေၸွႆးတြႃးဢဝ်လိူင်ႈမၼ်းၼႂ်းဝၼ်းတီႈ 30/12/2020 ၼႆႉ။ယၢမ်းလဵဝ်တႄႉပႆႇၸၢင်ႈလၢတ်ႈဝႃႈ မၼ်းၸၢႆးပဵၼ်ၽႂ်ၼႆ။ ပေႃးၶၢဝ်းၶိုၼ်ႈလုမ်းတြႃးမႃးတႄႉ တေပိုၼ်ၽၢဝ်ႇလၢတ်ႈၼႆႉပဵၼ်တၢင်းၵၢၼ်ယူႇ- ဝႃႈၼႆ။ ၼၢင်းယိင်း ဢၼ်ၺႃးၵၼ်ႉၸၼ်ၼၼ်ႉတႄႉ မီးဢႃယု 33 ပီ ပဵၼ်ၵူၼ်းႁူဝ်ပူင်း။...

သင်ၶ ၵူၼ်းမိူင်း လၢႆးၶႃႈ ဢဝ်လၢႆးၵႅတ်ႇၵင်ႈၵႆယၢၼ် တၢင်းပဵၼ်ၶူဝ်ႊဝိတ်ႉ 19 သေ တၢင်ႇထီးၵွင်းမူးမၢၵ်ႇႁိၼ်ၼမ်ႉ ဢၼ်ၵေႃႇသၢင်ႈတီႈ ၵွင်းလွႆ ဝူင်ႈၵၢင် ဝၢၼ်ႈသၢင်း တၢင်း ဝၢၼ်ႈထီႇ ၼႂ်းၸႄႈဝဵင်းလၢႆးၶႃႈ။ ဝၼ်းတီႈ 22/12/2020 ယၢမ်းၵၢင်ၼႂ် 9:15 မူင်း ယူႇတီႈၸုမ်းပွင်ၵၢၼ် ၵွင်းမူးမၢၵ်ႇႁိၼ်ၼမ်ႉ ၸႄႈဝဵင်းလၢႆးၶႃႈ ၸတ်းပၢင် တၢၼ်းတၢင်ႇ...

လုမ်းတြႃး ပႃႇတီႇမႂ်ႇသုင်ၸိုင်ႈတႆး SSPP/SSA ငဝ်ႈငုၼ်း ဝဵင်းမႂ်ႇဝၢၼ်ႈႁႆး တႅပ်းတတ်းပၼ်တူတ်ႈတၢမ်ႇတၢႆ ၵူၼ်းၵေႃႉ ဢၼ် ၵၼ်ႉၸၼ်ၶႃႈတၢႆ ဢွၼ်ႇယိင်းဢႃယု 6 ၶူပ်ႇ ၼႂ်းၸႄႈဝဵင်းသီႇပေႃႉ။ ဝၼ်းတီႈ 22/12/2020 ယူႇတီႈလုမ်းတြႃးငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ပၼ်တူတ်ႈ တၢမ်ႇတၢႆ ၸၢႆးၸေႃႈ ဢႃယု 30 ပီ ၵေႃႉၵၼ်ႉၸၼ်လူလၢႆ...

ၵူၼ်းဝၢၼ်ႈတွင်ႇထဵၵ်ႈ ၵေႃႉၼိုင်ႈ ဢၼ်လႆႈပၢႆႈၽေးသိုၵ်း မိူဝ်ႈႁူဝ်လိူၼ်ဢွၵ်ႊထူဝ်ႊၿိူဝ်ႊ ပူၼ်ႉမႃးၼၼ်ႉ လႆႈလဵင်ႉလုၵ်ႈ ၵွၼ်ႇလိူၼ်ပႆႇတဵမ်၊ လုၵ်ႈတူၵ်းၽၢၵ်ႈ ယဝ်ႉၵေႃႈ မႄႈတၢၵ်ႇတၢႆၸွမ်း။ ဝၼ်းတီႈ 17/12/2020 ယၢမ်းၵၢင်ၶိုၼ်း တူၵ်းမႅၼ်ႈဝၼ်းၽတ်း ၼၢင်းယိင်းၵေႃႉၼိုင်ႈ (ၸိုဝ်ႈၼၢင်းၵေႃႇ) ပဵၼ်ၵူၼ်း ဝၢၼ်ႈ တွင်ႇထဵၵ်ႈ ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ၊ ၽွင်းသိုၵ်းမၢၼ်ႈလေႃႇတိုၵ်း တပ်ႉ RCSS/SSA ၼႂ်းၸႄႈဝဵင်းၵျွၵ်ႉမႄး...

ၽွင်းၶၢဝ်းၸိူဝ်ႉမႅင်းတၢင်းပဵၼ် ၶူဝ်ႊဝိတ်ႉ 19 လၢမ်းၽႄႈယူႇၼႆႉ ဢမ်ႇၸႂ်ႈပဵၼ်လွင်ႈႁၢႆႉလွၼ်ႉလွၼ်ႉ၊ ၾၢႆႇၼိုင်ႈ ယင်းပဵၼ်တိုဝ်ႉတၢင်းလီ တႃႇသၢင်ႈလွင်ႈၽွမ်ႉႁူမ်ႈ လွင်ႈငမ်းယဵၼ်မၼ်ႈၵိုမ်း။ လွင်ႈၼႆႉ  ၸဝ်ႈၶိုၼ်းသႂ် ၸႂ်ယဵၼ် ၽူႈၸတ်းၵၢၼ်လုမ်း PI ၾၢႆႇၵမ်ႉၸွႆႈၵၢၼ်ငမ်းယဵၼ် မိူင်းႁူမ်ႈတုမ် တွပ်ႇလၢတ်ႈဝႆႉၼင်ႇၼႆ။ ထၢမ်-ၵဵဝ်ႇၵပ်းလူၺ်ႈလွင်ႈ ၵၢၼ်ၵႄႈလိတ်ႈတၢင်းပဵၼ်ၶူဝ်ႊဝိတ်ႉၼႆႉ ဢၼ်လူင်ပွင်ၸိုင်ႈ ၶပ်းၶိုင် ႁဵတ်းသၢင်ႈယူႇမိူဝ်ႈလဵဝ်ၼႆႉ ယူႇတီႈၸဝ်ႈၶိုၼ်းသႂ် ႁၼ်ထိုင်ၸိူင်ႉႁိုဝ်ၽွင်ႈၶႃႈ?။ တွပ်ႇ-ၼိုင်ႈ-ၵႃႈပွင်ပဵၼ်လႆႈ လူင်ပွင်ၸိုင်ႈၶဝ်ၵေႃႈၶတ်းၸႂ်ယူႇ၊...

ၵၢၼ်ၶွတ်ႇၽွတ်ႈလူင်ပွင်ၸိုင်ႈ ၽွင်းငမ်းဝၢၼ်ႈမိူင်း လူၺ်ႈလွၵ်းလၢႆးပႃႇတီႇလဵဝ် မီးၾၢႆႇသၢၼ်ၶတ်းၼမ် ၵၢၼ်ငမ်းယဵၼ်ဢမ်ႇမၼ်ႈၵိုမ်း။ ၶွတ်ႇၽွတ်ႈလူၺ်ႈလၢႆးလၢႆပႃႇတီႇ ၵူႈၸၢဝ်းၶိူဝ်းလႆႈၶဝ်ႈႁူမ်ႈပႃး ၵၢၼ်ငမ်းယဵၼ်မၼ်ႈၵိုမ်း။ လွင်ႈၼႆႉ  ၸဝ်ႈၶိုၼ်းသႂ် ၸႂ်ယဵၼ် ၽူႈၸတ်းၵၢၼ်လုမ်း PI ၾၢႆႇၵမ်ႉၸွႆႈ ၵၢၼ်ငမ်းယဵၼ် မိူင်းႁူမ်ႈတုမ် တွပ်ႇလၢတ်ႈဝႆႉၼင်ႇၼႆ။ ထၢမ်-ထႅင်ႈဢမ်ႇႁိုင် လၢႆလိူၼ်တၢင်းၼႃႈၼႆႉ တေၶွတ်ႇၽွတ်ႈလူင်ပွင်ၸိုင်ႈယဝ်ႉ၊ ပေႃးဝႃႈၶွတ်ႇၽွတ်ႈ လူင်ပွင်ၸိုင်ႈ တေၶွတ်ႇၽွတ်ႈၸိူင်ႉႁိုဝ်၊ ငဝ်းလၢႆးဝၢၼ်ႈမိူင်းၼႆႉ တေလီမႃးလိူဝ်ၵဝ်ႇႁႃႉ...

ၵၢၼ်ၽွမ်ႉႁူမ်ႈတႆး ၼႂ်းၵၢၼ်လုၵ်ႉၽိုၼ်ႉ ၵွပ်ႇၵူႈဢဝ်ၶိုၼ်းမိူင်းယူႇၼႆႉ ၼႂ်းတႆးႁဝ်းၶတ်းၸႂ်သၢင်ႈမႃး ပီယၢဝ်းၶၢဝ်းႁိုင် ပၢၼ်ၼိုင်ႈယဝ်ႉပၢၼ်ၼိုင်ႈယူႇ၊ ၵူၺ်းၵႃႈ ဢမ်ႇထိုင်တီႈဢွင်ႇမၢၼ် ပဵၼ်ၵၢၼ်ထိုင်တီႈ မႃးသေပွၵ်ႈ ၼႂ်းၶၢဝ်းတၢင်းႁိမ်း 60 ပီၼႆႉ။ ပိူဝ်ႈတႃႇသၢင်ႈလွင်ႈၽွမ်ႉႁူမ်ႈၼႂ်းတႆးၵေႃႈလီ၊ ၸၢဝ်းၶိူဝ်းၼႂ်းမိူင်းတႆးၵေႃႈလီ လိုၼ်းသုတ်းၶွတ်ႇၽွတ်ႈမႃးထႅင်ႈ ၵေႃႉပွင်ၵၢၼ်ၽွမ်ႉႁူမ်ႈၸိုင်ႈတႆး CSSU ဝႆႉ။ ယၢမ်းလဵဝ် ၵၢၼ်ၽွမ်ႉႁူမ်ႈတႆး ၶႂ်ႈႁႂ်ႈပဵၼ်ၸိူင်ႉႁိုဝ်၊ ၵိုင်ႇလီပဵၼ်ၸိူင်ႉႁိုဝ်ၼၼ်ႉ လၢႆၸဝ်ႈလၢႆၵေႃႉလၢႆၾၢႆႇ...

သိုၵ်းလူင်ပွင်ၸိုင်ႈမၢၼ်ႈ ၶိုၼ်ႈလေႃႇယိုဝ်း သိုၵ်းတႆး SSPP လႄႈ ၸုမ်းဢူၺ်းလီ တီႈဢိူင်ႇမိူင်းပေႃႈ ၸႄႈဝဵင်းမူႇၸေႊ ႁၢဝ်ႈႁႅင်း ဝႃႈၼႆ။ မိူဝ်ႈဝၼ်းတီႈ 19/12/2020 ယၢမ်းႁူဝ်ၶမ်ႈ 5:50 မူင်းၼၼ်ႉ သိုၵ်းလူင်ပွင်ၸိုင်ႈမၢၼ်ႈ တပ်ႉၶလယ 79 ပႃႈတႂ်ႈတပ်ႉမ 99 ၶိုၼ်ႈယိုဝ်း ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/SSA ဢၼ်ပၵ်းဝႆႉတီႈလွႆၵွင်းတုၺ်...

ဢိင်ၼိူဝ် သိုၵ်း TNLA တင်း RCSS ပဵၼ်ပၢင်တိုၵ်းၵၼ် တၢင်းပွတ်းၼမ်ႉတူႈၼၼ်ႉသေ ၵူၼ်းမိူင်းပိုၼ်ႉတီႈလႆႈဢွၼ်ၵၼ် ငိူင်ႉပၢႆႈၽေးသိုၵ်း တေႃႇထိုင်ယၢမ်းလဵဝ် ပႆႇၸၢင်ႈပွၵ်ႈႁိူၼ်းယေး ယွၼ်ႉငဝ်းလၢႆး ၼႂ်းပိုၼ်ႉတီႈ ပႆႇၼိမ်သဝ်း ဝႃႈၼႆ။ ဝၼ်းမိူဝ်ႈၼႆႉ 21/12/2020 ၵူၼ်းပၢႆႈၽေးသိုၵ်း တိုၵ်ႉမီးတီႈ ၵျွင်းႁွင်ႇမၢၼ်ႈၸၢမ်  လႄႈ ပၢင်ၶႅမ် 400 ပၢႆ ပႆႇၸၢင်ႈပွၵ်ႈမိူဝ်း...