ပၢင်ၼႄၵၢင်ၸႂ် (နွေဉီးတော်လှန်ရေး) ၶၢဝ်းတၢင်း 40 ဝၼ်းၼႆႉ ၾၢႆႇသိုၵ်းမၢၼ်ႈ ပလိၵ်ႈမၢၼ်ႈ ဢဝ်လၢႆး ႁုၵ်ႉႁၢႆႉ ပိုတ်းယိုဝ်း ပေႃႉထုပ်ႉၶႃႈႁႅမ်လႄႈ ယၢမ်းလဵဝ်ပတ်းပိုၼ်ႉတူဝ်ႈမိူင်း မီးၵူၼ်းတၢႆ 217 ၵေႃႉ။
တႄႇဢဝ် ဝၼ်းတီႈ 1/2/2021 တေႃႇထိုင်ယၢမ်းလဵဝ် ယူႇတီႈ AAPP (ၸုမ်းပႂ်ႉတူၺ်းၸွႆႈထႅမ် ၵူၼ်းတူၵ်း ၶွၵ်ႈၵၢၼ်မိူင်း မိူင်းမၢၼ်ႈ) ပိုၼ်ၽၢဝ်ႇဝႆႉဝႃႈ ၵူၼ်းမိူင်း/ ၵူၼ်းၼုမ်ႇ ၸိူဝ်းထုၵ်ႇ သိုၵ်းမၢၼ်ႈ ပလိၵ်ႈမၢၼ်ႈ ၸႂ်ႉလၢႆး ႁုၵ်းႁၢႆႉ သေ တီႉၺွပ်း ၶႃႈႁႅမ်ၼၼ်ႉ မီးၵူၼ်းတၢႆ 217 ၵေႃႉ၊ ၵူၼ်းၺႃးတီႉ မီး 2191 ၵေႃႉ။
ၵူၼ်းမိူင်းတႆး ၸိူဝ်းၺႃးတီႉ မီးႁိမ်း 400 ၵေႃႉ၊ ပွႆႇၶိုၼ်း 319 ၵေႃႉ၊ ထုၵ်ႇၸႅင်ႈၵႂၢမ်းသေလမ်းတီႉဝႆႉ 73 ၵေႃႉ(ပၢႆႈမူၵ်းဝႆႉ)၊ ပၼ်တူတ်ႈတၢမ်ႇၶွၵ်ႈလူၺ်ႈ ၽိတ်းမၢႆမီႈ ၽေးသၽႃႇဝ၊ ၽိတ်းမၢႆမီႈ မတ်ႉတႃ ၶေႃႈ 505 ယႃႉၼႃႈတႃဝၢၼ်ႈမိူင်း ၸိူဝ်းၼႆႉ တင်းမူတ်းမီး 15 ၵေႃႉ။ ၽွင်းဢွၵ်ႇၼႄၵၢင်ၸႂ်သေ ၺႃးပေႃႉထုပ်ႉ၊ ၺႃးၵွင်ႈမၢၵ်ႇယၢင် မၢတ်ႇၸဵပ်း ၼပ်ႉႁူဝ်သိပ်းၵေႃႉ။
