မိူဝ်ႈၶမ်ႈဝႃးဝၼ်းတီႈ 23/07/2026 ယၢမ်းၵၢင်ၶမ်ႈမွၵ်ႈ 7 မူင်းပၢႆ ရူတ်ႉၽႃႇၺႃးလုၵ်ႈဢွၼ်ႇၸၢႆး ဢႃယု 13 ပီၵေႃႉၼိုင်ႈထိုင်တၢႆ တီႈဢိူင်ႇပႃႇၻႅတ်ႇ(ပႃႇလႅတ်ႇ) ၸႄႈဝဵင်းမိူင်း ၸႄႈတွၼ်ႈၵဵင်းမႂ်ႇ ၸိုင်ႈထႆး။ လုၵ်ႈဢွၼ်ႇၼၼ်ႉၸိုဝ်ႈ ၸၢႆးပုၼ်းၼမ်း လုင်းမိၼ်ႉ ႁိုဝ် ၸိုဝ်ႈလဵၼ်ႈႁွင်ႉ ၼွင်ႉသတိပ်း ဢႃယု 13 ပီ ယူႇၼႂ်းဢိူင်ႇပႃႇလႅတ်ႇ ႁဵၼ်းလိၵ်ႈဝႆႉတီႈႁူင်းႁဵၼ်းပႃႇလႅတ်ႇ။ ပဵၼ်လုၵ်ႈၸၢႆး...

လိူၼ်ၵျူႊလၢႆႊ ဝၼ်းတီႈ 22 ထိုင် ဝၼ်းတီႈ 25 ၼႆႉ လူင်ပွင်ၸိုင်ႈမိူင်းၶႄႇ ၸတ်းပၢင်ၵႃႉၶၢႆ ႁပ်ႉသိုဝ်ႉသႅင်ၶဵဝ် ၼႂ်းမိူင်းႁူမ်ႈတုမ် (မိူင်းမၢၼ်ႈ) ၼႂ်းသုၼ်ၵၢၼ်ပၢႆးမၢၵ်ႈမီးၶိုၵ်ႉတွၼ်းၸႄႈၵဝ်ႇ (ကျယ်‌ဂေါင်) ဝဵင်းသူၺ်ႇလီ ၸႄႈမိူင်းယုၼ်ႊၼၢၼ်ႊ မိူင်းၶႄႇ။ ၼႂ်းပၢင်ၵႃႉၶၢႆသႅင်ၶဵဝ်ၼၼ်ႉ လူင်ပွင်ၸိုင်ႈမိူင်းၶႄႇၸႄႈမိူင်းယုၼ်ႊၼၢၼ်ႊ တင်း ႁွင်ႈၵၢၼ်ၽွင်းလူင်ႁၵ်ႉသႃသိင်ႇဝႅတ်ႉလွမ်ႉ လႄႈ ၶူဝ်းႁႄႈတိုၼ်းလၢင်း တႂ်ႈဢႃႇၼႃႇလူင်ပွင်ၸိုင်ႈ ...

ၼႂ်းလိူၼ်ဢေႃးၵၢတ်ႉသ် (လိူၼ်ၼႃႈ) ၼႆႉ ၸုမ်းသိုၵ်းၶႄႇၵဝ်ႈၵၢင်ႉ (MNDAA) တင်း သိုၵ်းဝႃႉ (UWSA) မီးၽႅၼ်ၵၢၼ်တႃႇၵႂႃႇႁူပ်ႉတင်းၵေႃႇမတီႇဢုပ်ႇဢူဝ်းလွင်ႈငမ်းယဵၼ် လႄႈ ၵၢၼ်ၸိူဝ်ႉၸၢတ်ႈ (NSPNC) တႂ်ႈလူင်ပွင်ၸိုင်ႈသိုၵ်းမၢၼ်ႈ ၵုမ်းၵမ်ဝႆႉၼၼ်ႉ တီႈဝဵင်းလူင်ၼေႇပျီႇတေႃႇ ၼႆယဝ်ႉ။ ၸွမ်ၸိၵ်းသိုၵ်းမၢၼ်ႈ ဢူးမိၼ်းဢွင်ႇလၢႆႇ ၶိုၼ်ႈႁပ်ႉပဵၼ်ၸွမ်ၸိုင်ႈယဝ်ႉသေ ၸတ်းၽႅၼ်ၵၢၼ် ၶူင်းၵၢၼ် 100 ဝၼ်း -ႁႂ်ႈၵေႃႇမတီႇဢုပ်ႇဢူဝ်းလွင်ႈငမ်းယဵၼ် ႁူပ်ႉထူပ်းၸွမ်း...

တႄႇႁၢင်လိူၼ်   ၵျူႊလၢႆႊ ၼႆႉမႃး ပျီႇတူႉၸိတ်ႉ PNO လမ်းတီႉၺွပ်း ၵူၼ်းၵိၼ်ၸႂ်ႉယႃႈမဝ်းၵမ် ၼႂ်းၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ယဝ်ႉ မႂ်ၵိၼ်ငိုၼ်းၵူၺ်း  ဢမ်ႇမီးလွင်ႈပူၵ်းပၼ်သင်   ။ ယၢမ်းလဵဝ် ပျီႇတူႉၸိတ်ႉPNO လႄႇလမ်းႁႃတီႉၺွပ်း ၵူၼ်းၵိၼ်လဝ်ႈၵိၼ်ယႃႈ  ၸွမ်းတႃႈ ၸွမ်းတၢင်းလႄႈ ၶဝ်ႈတႄႇတီႉၺွပ်းပႃးၼႂ်းႁိူၼ်း တၢင်းဝၢၼ်ႈ ၼွင်ပွႆး ၊ ၼမ်ႉၵုတ်ႇ ၊...

ၵေႃႇမတီႇဢုပ်ႇဢူဝ်းလွင်ႈငမ်းယဵၼ် လႄႈ ၵၢၼ်ၽွမ်ႉႁူမ်ႈၸိူဝ်ႉၸၢတ်ႈ (NSPNC) တင်း သိုၵ်းလွႆ (တဢၢင်း) TNLA ဢုပ်ႇၵၼ် တီႈဝဵင်းၼေႇပျီႇတေႃႇ သိုၵ်းလွႆယွၼ်းတင်ႈၸႄႈမိူင်း ႁင်းၶေႃ ပၼ်ၵႂၢမ်းမၼ်ႈတီႈ သိုၵ်းမၢၼ်ႈဝႃႈ ဢမ်ႇမီးၵၢင်ၸႂ်တႃႇၽၢတ်ႇဢွၵ်ႇ မိူင်းႁူမ်ႈတုမ်လႃးလႃး - ဝႃႈၼႆ။ မိူဝ်ႈဝၼ်းတီႈ 22 လိူၼ်ၵျူႊလၢႆႊ ယၢမ်းၵၢင်ၶမ်ႈ ၽိုၼ်လိၵ်ႈမၢႆတမ်း ပၢင်ဢုပ်ႇဢူဝ်း...

ၼႂ်းဝၼ်းတီႈ 20 လိူၼ်ၵျူႊ ယၢမ်းႁူဝ်ၶမ်ႈ 6 မူင်းၼၼ်ႉ ရူတ်ႉၵႃးလုၵ်ႈၸုမ်းပျီႇတူႉၸိတ်ႉ PNO ႁေႃႈမႃးၼၼ်ႉ လႄႈရူတ်ႉၶိူင်ႈၵူၼ်းဝၢၼ်ႈ 2 ၵေႃႉၽူဝ်မေး ပဵၼ်ၽေးၵိုင်ႉၵၢင်ႉၽႃႇ ၺႃးၵၼ် ၼိူဝ်သဵၼ်ႈတၢင်း ဝၢၼ်ႈသၢမ်သႅင် လႄႈ ၵုၼ်ၵွင်းမူး ၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ၵူၼ်းၶပ်းရူတ်ႉၶိူင်ႈတၢႆထင်ႇတီႈ တူဝ်ၵေႃႉႁေႃႈၽႃႇတႄႉ ပႆႇတီႉၺွပ်းလႆႈ။ ၵေႃႉတၢႆၸိုဝ်ႈႁွင်ႉ ၸၢႆးၵီး...

ၸုမ်းပလိၵ်ႈ CIB မိူင်းထႆး ပိုၼ်ၽၢဝ်ႇၵႂႃႇ မိူဝ်ႈဝႃး ဝၼ်းတီႈ 21 လိူၼ်ၵျူႊလၢႆႊၼႆႉဝႃႈ တီႉၺွပ်းလႆႈ ၵူၼ်းမိူင်းမၢၼ်ႈၵေႃႉၼိုင်ႈ ဢၼ်တေႃႉၶိူင်ႈၻရူၼ်ႊ FPV မႃးတီႈမႄႈသွတ်ႇလႅၼ်လိၼ် ထႆး - မၢၼ်ႈ လူၺ်ႈဢမ်ႇမႅၼ်ႈတၢင်းၵၢၼ်သေ တေဢၢၼ်းသူင်ႇၶဝ်ႈၵႂႃႇ ၼႂ်းမိူင်းမၢၼ်ႈၼၼ်ႉ ဝႃႈၼႆ။ ၸွမ်းၼင်ႇလႆႈၶၢဝ်ႇဝႆႉသေ ၸုမ်းပလိၵ်ႈၾၢႆႇၵူတ်ႇထတ်း CIB ၶဝ် လႆႈႁူမ်ႈၵၼ်တင်း...

ၸၢတ်ႈၸိုင်ႈလုမ်ႈၾႃႉ (UN) ၶၢတ်ႈလၢမ်းဝႃႈ ပီၵၢႆၼႆႉ ယွၼ်ႉၸုမ်းလွၵ်ႇလႅၼ်ၵိၼ်ငိုၼ်း ၼိူဝ် ဢွၼ်ႊလၢႆႊ (ၵျႃႊၽျႅၼ်ႉ)သေ ၼႂ်းပိုၼ်ႉတီႈ ဢေႊသျႃႊ - ပၸိၾိၵ်ႊ သုမ်းငိုၼ်း ဢမ်ႇယွမ်း 88 ပီႊလီႊယၼ်ႊ (8 မိုၼ်ႇ 8 ႁဵင်လၢၼ်ႉၻေႃႊလႃႊ) ဝႃႈၼႆ။ UNODC ပိုၼ်ၽၢဝ်ႇ ၼႂ်းပီ 2025...

မိူဝ်ႈဝၼ်းတီႈ 21 လိူၼ်ၵျူႊလၢႆႊယၢမ်းၵၢင်ၶိုၼ်းလိုၵ်း ႁွင်ႈၵၢၼ်ၾၢႆႇလိူမ်ႈလႆႇယႃႉပႅတ်ႈ ႁေႃသဝ်ယၢမ်းမူင်း (နာရီစင်) ဢၼ်မီးႁိမ်းၵၢတ်ႇလူင် ၼႂ်းၵၢင်ဝဵင်းဝဵင်းတူၼ်ႈတီးၼၼ်ႉသေ ႁၢင်ႈႁႅၼ်းၵေႃႇသၢင်ႈဢွင်ႈဝႆႉရူတ်ႉၵႃး တိူၵ်းလူင် 7 ၸၼ်ႉ ။ ၵူၼ်းမိူင်းၵေႃႉယူႇၼႂ်းဝဵင်းတူၼ်ႈတီးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ “ၶဝ်ဢဝ်ၸၢၵ်ႈႁႄ မႃးၵူၼ်ႇယႃႉပႅတ်ႈ ၶၢဝ်းၵၢင်ၶိုၼ်းဢဝ်။ ႁေႃသဝ်မၼ်းသမ်ႉသုင်ႇတၢၼ်ႇတၢၼ်ႇမၼ်းလႄႈ ပေႃးႁဵတ်းၵၢင်ဝၼ်းၼႆ ၵူဝ်တိူဝ်ႉၺႃးၵူၼ်း” ဝႃႈၼႆ။ ႁေႃသဝ်ယၢမ်းမူင်းၼႆႉ ၵေႃႇသၢင်ႈမႃးမိူဝ်ႈပီ 1990 သၢင်ႈၶိုၼ်ႈမႃးၽွမ်ႉၽွမ်ႉၵၼ်တင်း ၵၢတ်ႇလူင်ဝဵင်းတူၼ်ႈတီးလႄႈ...

လိူၼ်ၵျူႊလၢႆႊ ဝၼ်းတီႈ 20 ထိုင် 21 ဝၼ်းၼႆႉ ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၸိူဝ်းလူင်းလၢႆးမိုဝ်း NCA ဝႆႉ 7 ၸုမ်း တင်း ၵေႃႇမတီႇဢုပ်ႇဢူဝ်းငူပ်ႉငီႉ ၽေႃႇၼမ်ႉၼႄတူဝ် လွင်ႈငမ်းယဵၼ် လႄႈ ၵၢၼ်ၽွမ်ႉႁူမ်ႈၸိူဝ်ႉၸၢတ်ႈ (NSPNC)ၶွင်ၸုမ်းသိုၵ်းမၢၼ်ႈၼၼ်ႉ ႁူပ်ႉထူပ်းၵၼ် တီႈႁူင်းႁႅမ်း M Gallery ၼႂ်းဝဵင်းလူင်ၼေႇပျီႇတေႃႇ ။ တီႈပၢင်ႁူပ်ႉထူပ်းၼၼ်ႉ...

သိုၵ်းယၢင်းၽိူၵ်ႇ DKBA ဢွၵ်ႇၶေႃႈပူင် ၸီႉသင်ႇႁႂ်ႈၵူၼ်းႁဵတ်းၵၢၼ်ၵျႃႊၽျႅၼ်ႉ လႄႈ ႁူင်းၵၢၼ်ၵျႃႊၽျႅၼ်ႉ ၸိူဝ်းမီးယူႇၼႂ်းဝၢၼ်ႈၵျွၵ်ႉၶတ်ႉ ၾၢႆႇၸၢၼ်းဝဵင်းမျႃႉဝတီႇၼၼ်ႉ ဢွၵ်ႇၼႂ်း ပိုၼ်ႉတီႈၵႂႃႇတင်းသဵင်ႈ ႁႂ်ႈယဝ်ႉတူဝ်ႈ ႁၢင်လိူၼ်ၵျူႊလၢႆႊၼႆႉ ဝႃႈၼႆ။ ၽွင်းလူင်ပွင်ၸိုင်ႈမိူင်းဢမေႊရိၵၼ်ႊ ပၼ်ငိုၼ်းသူး ၵူၼ်းၸိူဝ်းပၼ်ၶၢဝ်ႇ လွင်ႈႁူင်းၵၢၼ်ၵျႃႊၽျႅၼ်ႉ 10 လၢၼ်ႉတေႃႊလႃႊယူႇၼၼ်ႉ ၾၢႆႇၸုမ်းသိုၵ်းယၢင်းၽိူၵ်ႇ DKBA ၵေႃႈ ဢွၵ်ႇ ၶေႃႈၸီႉသင်ႇ...

မိူဝ်ႈဝၼ်းတီႈ 21 လိူၼ်ၵျူႊလၢႆႊ တပ်ႉသိုၵ်းၸိူဝ်ႉၸၢတ်ႈယၢင်းလႅင် (KNDF) ႁုပ်ႈဢဝ်တပ်ႉၵွင်မၢႆ 8 ၸုမ်း ၾၢႆႇတႂ်ႈတပ်ႉၽႅၼ်ၵၢၼ်သိုၵ်း မၢႆ 4 မၢႆ 5 လႄႈ မၢႆ 7 မႃးႁူမ်ႈၵၼ် ၶွတ်ႇ ၽွတ်ႈပဵၼ် ၼႃႈလိၼ်သိုၵ်း...

ဝၼ်းတီႈ 20/07/2026 ၼၼ်ႉ ၵႅမ်ၽူႈၶၢၼ်ပၢၵ်ႇ လုမ်းၸွမ်ၽွင်းလူင်ၸိုင်ႈထႆး ႁူဝ်သိုၵ်းလူင်ယိင်း ၽတ်ႊတႃႊရူတ်ႊ ထွင်ႊသလူၺ်ႊၵွၼ်ႊ လၢတ်ႈဝႃႈ ယူႇတီႈႁွင်ႈၵၢၼ်ၾၢႆႇႁႅင်းၵၢၼ် လူင်ပွင်ၸိုင်ႈထႆးသေ တေပၼ်ၶၢဝ်းယၢမ်းႁႅင်းၵၢၼ်ယၢၼ်မိူင်း 3 မိူင်း မၢၼ်ႈ-လၢဝ်း- ဝႅတ်ႊၼၢမ်ႊ (ၸိူဝ်းမီးၶေႃႈမုလ်းၼႂ်းၸိုင်ႈထႆးယဝ်ႉၼၼ်ႉ) ပၼ်တေႃႇဝႂ်ႁဵတ်းၵၢၼ်ၵႂႃႇထႅင်ႈပီၼိုင်ႈ တေႃႇထိုင်ပီ 2027 သဵင်ႈ ဝႃႈၼႆ။ ၶေႃႈပိုၼ်ၽၢဝ်ႇဢၼ်ၼႆႉ ဢမ်ႇၸႂ်ႈတႃႇႁဵတ်းဝႂ်ႁဵတ်းၵၢၼ်ပၼ်ၵူၼ်းမႂ်ႇ ၵူၼ်းၸိူဝ်းပႆႇမီးၶေႃႈမုလ်းပႆႇမီးဝတ်းဝႂ်သင်။...

ၸဝ်ႈသူၼ်ၸဝ်ႈၼႃးၼႂ်းဝဵင်းပၢင်လွင်းၸိုင်ႈတႆးပွတ်းၸၢၼ်း ၽုၵ်ႇၶဝ်ႈၵၢပ်ႇ- ၽွင်းယိူဝ်ႈယႃႈဢွၵ်ႇမႃးၼႂ်းၵႄႈတူၼ်ႈၶဝ်ႈၵၢပ်ႇၼၼ်ႉ သမ်ႉသိုဝ်ႉယႃႈၶႃႈယိူဝ်ႈမႃးသိတ်း ထိုင်တီႈတူၼ်ႈ ၶဝ်ႈၵၢပ်ႇၵေႃႈၼဝ်ႈတၢႆၵႂႃႇ ၼပ်ႉႁူဝ်ႁဵင်ဢေႊၶိူဝ်ႊ။ ၸဝ်ႈသူၼ် ၵူၼ်းဝဵင်းပၢင်လွင်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ပီၼႆႉ လႅၵ်ႈၸႂ်ႉယႃႈၶႃႈယိူဝ်ႈ မိၵ်ႈမႂ်ႇ ၸိုဝ်ႈမၼ်းႁွင်ႉဝႃႈ - ႁူင်းႁူင်းတွၵ်ႉ - ၼႆၼၼ်ႉ။ ဝၢႆးသိတ်းယႃႈယႃၼၼ်ႉ ယဝ်ႉ2-3 ဝၼ်းၵူၺ်း တူၼ်ႈၶဝ်ႈၵၢပ်ႇၵေႃႈ ႁဵဝ်ႇၼဝ်ႈလိူင်သေလူမ်ႉတၢႆတင်းသူၼ်တင်းသူၼ်။ ဝၢၼ်ႈႁဝ်းၶႃႈၼႆႉ ၺႃးတင်းဝၢၼ်ႈဢေႃႈၼႆႉ။...

ၼႂ်းမိူင်းတႆးပွတ်းၸၢၼ်းၼႂ်းဝၼ်းမိူဝ်ႈၼႆႉ ၶၼ်ၵုၼ်ႇၶိုၼ်ႈၵူႈဢၼ်ပႃးၸဵမ်ၶူဝ်းၵုၼ်ႇၵိၼ်ယမ်ႉလႄႈ ၶူဝ်းၵုၼ်ႇၶိူင်ႈၸႂ်ႉၼႂ်းသူၼ် ဢိၵ်ႈ တႃႇလဵင်ႉလူတူဝ်သတ်း - ႁဵတ်းႁႂ်ႈၶၼ်ၶႆႇၵႆႇၵေႃႈပုင်ႈၶိုၼ်ႈထႅင်ႈ ယၢမ်းလဵဝ်ၼိုင်ႈလုၵ်ႈ ၶိုၼ်ႈထိုင် 800 ပျႃးယဝ်ႉဝႃႈၼႆ။ ယွၼ်ႉပိူဝ်ႈသိုၵ်းမၢၼ်ႈႁၢမ်ႈဢဝ်ၶူဝ်းၵုၼ်ႇၼွၵ်ႈမိူင်းၶဝ်ႈမႃးၶၢႆၼႂ်းမိူင်းတင်ႈတႄႇႁူဝ်ပီၼႆႉမႃး ႁဵတ်းႁႂ်ႈၶူဝ်းၶွင်ၵိၼ်ယမ်ႉလႄႈၶူဝ်းၶဝ်ႈသူၼ် ႁႃယၢပ်ႇ။ ဢႃးႁၢရ် တၢင်းၵိၼ်ၵႆႇ/မူ၊ ယႃႈယႃတႃႇသတ်း ၸိူဝ်းၼႆႉႁႃသိုဝ်ႉယၢပ်ႇ ၵႃႈၶၼ်သုင်။ ဢမ်ႇလႆႈသမ်း /လဵင်ႉယႃႈယႃၵႆႇလႄႈၵႆႇၵေႃႈတၢႆၼမ်။ ၸင်ႇဝႃႈ ၼိူဝ်ႉၵႆႇ ၶႆႇၵႆႇၵေႃႈၵႃႈၶၼ်သုင် -...