လုၵ်ႈဢွၼ်ႇၸၢႆးဢႃယု 10 ၶူပ်ႇ ၸူမ်ၼမ်ႉတၢႆ တီႈသူၼ်တူၼ်ႈယၢင် ဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ။
မိူဝ်ႈဝႃး ဝၼ်းတီႈ 26/1/2026 ယၢမ်းဝၢႆးဝၼ်း 2 မူင်း လုၵ်ႈဢွၼ်ဢႃယု 10 ၶူပ်ႇ ၸူမ်ၼမ်ႉ ၽွင်းလူင်းလဵၼ်ႈၼမ်ႉၼႂ်းၼွင်ၼမ်ႉ တီႈႁိမ်းသူၼ်တူၼ်ႈယၢင် ဢၼ်မီးတီႈၼႂ်းပွၵ်ႉတႃႇယႃႇၵူင်း ဝဵင်းၼမ်ႉၶမ်း ဝႃႈၼႆ ။
ၵူၼ်းၸၢႆးပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“လုၵ်ႈဢွၼ်ႇၶဝ်ၵႂႃႇလဵၼ်ႈတီႈၼွင်ၼမ်ႉ ဢၼ်မီးတီႈၼႂ်းပွၵ်ႉတႃႇယႃႇၵုင်း တီႈႁိမ်းသူၼ်တူၼ်ႈယၢင်ၼၼ်ႉ ၊ ၼႂ်းၼၼ်ႉ လုၵ်ႈဢွၼ်ၸၢႆးၵေႃႉၼိုင်ႈၸူမ်ၼမ်ႉၵႂႃႇၼႆ ၊ ႁိုင်ၼိုင်ႈၸူဝ်ႈမူင်းၸွင်ႇ ၵူၼ်းႁိမ်းႁွမ်းၼၼ်ႉႁူႉသေၵႂႃႇၸွႆႈ ၊ ၽွင်းသူင်ႇႁူင်းယႃၵေႃႈ ဢမ်ႇမီးသၢႆၸႂ်ယဝ်ႉ”- ဝႃႈၼႆ ။
လုၵ်ႈဢွၼ်ႇၸၢႆးဢၼ်ၸူမ်ၼမ်ႉလူႉတၢႆၵႂႃႇၼၼ်ႉ ပဵၼ်လုၵ်ႈႁဵၼ်း ႁူင်းႁဵၼ်းၸၼ်ႉသူင် မၢႆ 1 ၊ ယၢမ်းလဵဝ် ၶိုၼ်ႈႁဵၼ်းဝႆႉ Grade -2 ၊ ၼႂ်းဝၼ်းၼၼ်ႉ ယူႇတီႈၸုမ်းပရႁိတဝဵင်းၼမ်ႉၶမ်း မႃးဢဝ်ၶၢပ်ႈတူဝ် မၼ်းၸၢႆးသူင်ႇႁူင်းယႃ ၼႆယဝ်ႉ။
မိူၼ်ၼင်ႇၼႆ မိူဝ်ႈ ပီ2025 ၼၼ်ႉၵေႃႈ ဝၼ်းလဵၼ်ႈၼမ်ႉသၢင်းၵျၢၼ်ႇ လုၵ်ႈဢွၼ်ႇဢႃယု 15ၶူပ်ႇ ၵေႃႉၼိုင်ႈ လူင်းလဵၼ်ႈၼမ်ႉမၢဝ်းတီႈႁၢတ်ႇႁူဝ်သၢႆးသေ ၸူမ်ၼမ်ႉႁၢႆၵႂႃႇ ႁိုင်3ဝၼ်း ၸွင်ႇႁၼ်ၶၢပ်ႈတူဝ်မၼ်းၸၢႆး – ၼႆယဝ်ႉ ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ