ၼႂ်းဝူင်ႈၼႆႉ သိုဝ်ႇၶၢဝ်ႇၼႂ်းမိူင်းထႆး Chiang Mai News ႁၢႆးငၢၼ်းဢွၵ်ႇမႃးဝႃႈ ၸဝ်ႈၼႃႈတီႈထႆးၵူတ်ႇထတ်းတီႉၺွပ်းလႆႈ ယႃႈမဝ်းၵမ် 5 လၢၼ်ႉပၢႆ ၼႂ်းၸႄႈတွၼ်ႈၵဵင်းႁၢႆး၊ တီႉလႆႈပႃး လုၵ်ႈဢွၼ်ႇၸၢႆး တိုၵ်ႉမီးဢႃယု 14-15 ပီ လၢႆလၢႆၵေႃႉ ဝႃႈၼႆ။ ပူၼ်ႉမႃးဝၼ်းတီႈ 4/5/2026 ႁူဝ်ၶမ်ႈမွၵ်ႈ 6 မူင်း ၸဝ်ႈၼႃႈတီႈၵူတ်ႇထတ်း ဢွၼ်ႇၸၢႆးၵေႃႉၼိုင်ႈ...

ပေႃးထၢမ်ၵၼ်ဝႃႈ မိူင်းတႆးပွတ်းႁွင်ႇၸွင်ႇတိုၵ်ႉမီးတႂ်ႈၸုမ်းသိုၵ်းမၢၼ်ႈၵုမ်းၵမ်ၼႆ ၵူၼ်းၼမ်​​တေတွပ်ႇၵၼ်ဝႃႈ ဢမ်ႇမီးၼႆၵွႆး။ လွင်ႈပၢၼ်ႇပွင်ၵုမ်းၵႂၢၼ်းၼိူဝ် မိူင်းတႆးပွတ်းႁွင်ႇၼႆႉ ​​ၼေႇပျီႇ​​တေႃႇမွပ်ႈပၼ်တီႈမိူင်း ၶႄႇယဝ်ႉႁႃႉ ​​ပေႃးဝႃႈၼႆတႄႉ ​​တေပႆႇၸႂ်ႈလႆႈႁူဝ်ပၢၵ်ႇတဵမ်။ မိူင်းၶႄႇသုမ်ႇငုမ်းလူၼ်ႉလိူဝ်ၼႃႇ​​သေ ၼင်ႇႁၢင်ႈ ပဵၼ်ဝႆႉ ၽူႈၸတ်းၵၢၼ်ၸုမ်းယိပ်းၵွင်ႈၵၢင်တင်းသဵင်ႈ​​ၵေႃႈ မီးမီးယဝ်ႉ။ ယွၼ်ႉပိူဝ်ႈ တူင်ႇၵၢၼ်ဢႃႇၼႃႇပၢၼ်ႇပွင် ၶွင်ၸုမ်းသိုၵ်းလုလႅဝ် လႄႈ မိူင်းၶႄႇၶဝ်ႈငမ်ၸတ်း ၵၢၼ်ႁူမ်ႇလူမ်ႈလႅၼ်လိၼ်​​သေ ၸင်ႇထိုင်တီႈမိူင်းတႆးပွတ်းႁွင်ႇ ​​ပေႃးပဵၼ်ႁူပဵၼ်တႃၶႄႇၵႂႃႇမူတ်း၊ ပဵၼ်တိၼ်ပဵၼ်မိုဝ်းၶႄႇၵႂႃႇမူတ်းၼၼ်ႉယဝ်ႉ။ ယွၼ်ႉသင်လႄႈ ၶွင်ႇသီႇသိုၵ်းမၢၼ်ႈ...

သိုၵ်းမၢၼ်ႈတမ်းၶူင်းၵၢၼ် 100 ဝၼ်း ၵဵပ်းၶွၼ်ႇၶူဝ်းၵုၼ်ႇဢၼ်လုၵ်ႉတၢင်းလႅၼ်လိၼ်ၶဝ်ႈမႃးၶၢႆၼႂ်းမိူင်း ႁဵတ်းႁႂ်ႈၵူၼ်းမိူင်းတႆး ၵူၼ်းၵႃႉၶၢႆပႃးၸဵမ်ၵူၼ်းသိုဝ်ႉၸႂ်ႉ ယၢပ်ႇၽိုတ်ႇ ၵိၼ်းၸႂ် ။ တႄႇဢဝ်ဝၼ်းတီႈ 1/5/2026 ၼႆႉၵႂႃႇ သိုၵ်းမၢၼ်ႈပိုၼ်ၽၢဝ်ႇၶိုၼ်ႈၵႃႈၶွၼ်ႇၶူဝ်းၵုၼ်ႇၼမ်းၶဝ်ႈလႄႈ ၶူဝ်းၵုၼ်ႇဢၼ်လုၵ်ႉလႅၼ်လိၼ်ထႆး လႄႈလႅၼ်လိၼ်ၶႄႇၶဝ်ႈယွမ်းမႃး ဢေႇမႃးလိူဝ်ႁႅင်း။ ယွၼ်ႉဝႃႈၵူၼ်းၵႃႉ- ၸဝ်ႈၵႃး ဢမ်ႇႁတ်းတၢင်ႇၶူဝ်းၵုၼ်ႇၶဝ်ႈမႃးၶၢႆ လၢၼ်ႇ/ၵဵၵ်ႉ သိုၵ်းမၢၼ်ႈၵဵပ်းၵႃႈၶွၼ်ႇသုင်၊ ၸဝ်ႈၵႃး ၵူၼ်းၵႃႉလႆႈၵိုတ်းလိုဝ်ႈၵၢၼ်ဝႆႉၸူဝ်ႈၶၢဝ်း။ ၵူၼ်းၶၢႆၶူဝ်းၵုၼ်ႇၵိၼ်ယမ်ႉ ဝဵင်းမိူင်းသူႈၵေႃႉၼိုင်ႈလၢတ်ႈဝႃႈ ၶူဝ်းၵုၼ်ႇဢၼ်လုၵ်ႉမိူင်းထႆးမႃး...

ပလိၵ်ႈထႆးၵဵင်းမႂ်ႇ ၵူတ်ႇထတ်းၼႂ်းဝၢၼ်ႈၼႂ်းသူၼ် တီႉႁႅင်းၵၢၼ်ဢၼ်ႁဵတ်းၵၢၼ်ထုၵ်ႇႁၢမ်ႈဝႆႉ လႄႈတီႉၵူၼ်းတၢင်ႇၸၢတ်ႈဢၼ်ႁႃၵိၼ်လဵင်ႉတွင်ႉလူၺ်ႈဢမ်ႇမီးဝႂ်ႁဵတ်းၵၢၼ် / ဝႂ်ဢၼုယၢတ်ႈၵၢၼ်ငၢၼ်း။ ၼႂ်းဝူင်ႈထိ လိူၼ်မေႊၼႆႉ ပလိၵ်ႈထႆး လႄႈ ပလိၵ်ႈၵူတ်ႇၵူၼ်းၶဝ်ႈမိူင်း မိူင်းၵဵင်းမႂ်ႇၵူတ်ႇထတ်းၼႂ်းဝၢၼ်ႈၼႂ်းဢိူင်ႇ - ဝၼ်းတီႈ 7/5/2026 တီႉလႆႈႁႅင်းၵၢၼ်ၵူၼ်းမိူင်းမၢၼ်ႈ ဢၼ်ႁဵတ်းၵၢၼ်ႁပ်ႉတွၼ်ႈၶႅၵ်ႇၼႃႈႁၢၼ်ႉတၢင်းၵိၼ် ၼႂ်းဢိူင်ႇသီၽုမ်းဝဵင်းၵဵင်းမႂ်ႇ။ ပလိၵ်ႈထႆး ၵူတ်ႇထတ်းတူၺ်းဝႂ်ႁဵတ်းၵၢၼ်ႁႅင်းၵၢၼ်ၸၢႆး ၼၼ်ႉတႅမ်ႈဝႆႉဝႃႈ “ၵမ်ႊမၵွၼ်ႊ” ႁဵတ်းၵၢၼ်ႁပ်ႉၸၢင်ႈၵူႈလွင်ႈလွင်ႈၼႆလႄႈ - ၼႄးဝႃႈမၼ်းၸၢႆးႁဵတ်းၵၢၼ်ၽိတ်းတီႈ၊ ႁဵတ်းၵၢၼ်ဢၼ်ဝႆႉပၼ်တႃႇၵူၼ်းမိူင်းပိုၼ်ႉတီႈႁဵတ်း၊...

ၵူၼ်းၼုမ်ႇထုင်ႉဢီႇၼၢႆး ဝဵင်းလႃႈသဵဝ်ႈ ၺႃးသိုၵ်းၵဝ်ႈၵၢင်ႉ MNDAA ၼႄးဝႃႈၵဵဝ်ႇၵွင်ႉယႃႈမဝ်းၵမ်ၼႆသေ တီႉၺွပ်းၵႂႃႇလႆႈၽၢၵ်ႇလိူၼ်သၢဝ်းဝၼ်းယဝ်ႉယင်းပႆႇပွႆႇမႃးၶိုၼ်း- ပေႃးပီႈၼွင်ႉဢမ်ႇၵႂႃႇထုတ်ႇၸိုင် တေဢဝ်ၵႂႃႇႁဵတ်းလွၼ်ႉသိုၵ်း ၵဝ်ႈၵၢင်ႉ ၼႆလႄႈ ၸိူဝ်းဢမ်ႇမီးငိုၼ်း ဢမ်ႇမီးပီႈၼွင်ႉပဵၼ်ဢၼ်မႆႈၸႂ်။ ၵူၼ်းၼုမ်ႇထုင်ႉဢီႇၼၢႆးၼႆႉ ၺႃးတီႉၺွပ်းၵႂႃႇၸဵမ်မိူဝ်ႈဝၼ်းတီႈ 21/04/2026။ ပဵၼ်ၵူၼ်းပွတ်းဝၼ်ႈ 12 လၵ်း၊ 13 လၵ်း၊ မၢၼ်ႈတွင်း(ပလွင်ႈ)၊ ဝၢၼ်ႈဢီႇၼၢႆးၸိူဝ်းၼႆႉ တင်းမူတ်း 70 ပၢႆ...

ဝၼ်းတီႈ 8/5/2026 မိူဝ်ႈၼႆႉ ဢႃႊသီႊယၼ်ႊ ၸတ်းပၢင်ၵုမ်ထူၼ်ႈၵမ်း 48 တီႈဝဵင်း သီႊပူႊ မိူင်းၾလိပ်ႉပိၼ်း၊ ႁူဝ်ၼႃႈသိုၵ်းမၢၼ်ႈယိုတ်းမိူင်းတႄႉ ပႆႇလႆႈသုၼ်ႇၶဝ်ႈႁူမ်ႈပၢင်ၵုမ်။ ယွၼ်ႉၵၢၼ်ၽဵဝ်ႈမူၺ်ႉႁဵတ်းႁၢႆႉတေႃႉ ၸုမ်းၶတ်းၶၢၼ်ႉ ဢိၵ်ႇပႃး ပၼ်ႁႃသိုၵ်းသိူဝ် ဝၢႆးလင်တပ်ႉသိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းၸိူဝ်းၼၼ်ႉသေ ဢႃႊသီႊယႅၼ်ႊ တႅပ်းတတ်းဝႆႉဝႃႈ တေဢမ်ႇပၼ်မိူင်းမၢၼ်ႈ ၶဝ်ႈႁူမ်ႈၸွမ်းပၢင်ၵုမ်လွင်ႈယႂ်ႇ။ ယွၼ်ႉၼၼ် တီႈယူႇ ႁူဝ်ၼႃႈမိူင်းႁူမ်ႈတုမ်မၢၼ်ႈၼႆႉ ဢူးႁွၵ်ႉၶၼ်ႉသုမ်း...

ဝၢႆးလင်မိၼ်းဢွင်ႇလၢႆႇ ၶိုၼ်ႈပဵၼ်ၸွမ်ၸိုင်ႈယိုတ်းမိူင်းယဝ်ႉၼႆႉ ၶႄႇလွမ်ႉႁူဝ်ႉလႅၼ်လိၼ် ၶႂၢၵ်ႈၶၢမ်ႈၶဝ်ႈမႃးတၢင်း ၾင်ႇမိူင်းႁူမ်ႈတုမ် (မိူင်းမၢၼ်ႈ) ပွတ်းတၢင်းၼႃႈတီႈသိုၵ်းၵဝ်ႈၵၢင်ႉ (MNDAA) လႄႈ ၸုမ်းသိုၵ်းဝႃႉ (UWSA) ၵုမ်းၵမ် ပၼ်ႇၵၢၼ်ၽွင်းငမ်းဝႆႉၼၼ်ႉ ဝႃႈၼႆ။ ၸုမ်းၵူၼ်းၼုမ်ႇဝႃႉ ၸိူဝ်းတူင်ႉၼိုင်ႁဵတ်းၵၢၼ်သိုဝ်ႇယူႇ ၼႂ်းပိုၼ်ႉတီႈ ၸုမ်းယိပ်းၵွင်ႈၵၢင်ႇၵုမ်းၵမ်ၼၼ်ႉ ႁၢႆးငၢၼ်းဢွၵ်ႇမႃးဝႃႈ - လႆႈႁၼ် လူင်ပွင်ၸိုင်ႈမိူင်းၶႄႇ လွမ်ႉႁူဝ်ႉၶႂၢၵ်ႈၶဝ်ႈမႃးၼႂ်းပိုၼ်ႉတီႈ ၶျိၼ်ႊသူၺ်ႇႁေႃႇ၊ ၵိဝ်ႇၵူတ်ႉ...

တီႈဝဵင်းဝၢၼ်ႈငႂ်ႈ ယႂႃႇငၢၼ်ႇ ၸိုင်ႈတႆးပွတ်းၸၢၼ်းၼၼ်ႉ ၸုမ်းဢမ်ႇႁူႉၾၢႆႇၶႃႈႁႅမ် ၼၢင်းယိင်းၵေႃႉၼိုင်ႈလႄႈ လုၵ်ႈၸုမ်းပိဝ်ႇသေႃးထီး ၵေႃႉၼိုင်ႈ ဢဝ်တူဝ်တၢႆပႅတ်ႈတူၵ်းႁိုၵ်း ဢၢႆမဵၼ်တူႇဢွၵ်ႇမႃးၵူၼ်းဝၢၼ်ႈၸင်ႇႁူႉ။ လုၵ်ႈၸုမ်းပိဝ်ႇၸေႃးထီး ဢၼ်ၺႃးၶႃႈတၢႆၼၼ်ႉပဵၼ် ၽူဝ်းသေႃႇ (ဖိုးဇော်) ဢႃယု 50 ပၢႆ ယူႇဝၢၼ်ႈတဵင်ႇၵုင်း( သိမ်ကုန်း ) ၸႄႈဝဵင်း ဝၢၼ်ႈငႂ်ႈ (ယႂႃႇငၢၼ်ႇ) ။ ၸုမ်းဢမ်ႇႁူႉၾၢႆႇ ၶႃႈႁႅမ်တၢႆသေ...

မိူဝ်ႈၼႆႉ ဝၼ်းတီႈ6/5/2026 ယၢမ်းဝၢႆးဝၼ်း ၾူၼ်လူင်လူမ်းလူင်ၵိုင်ႉၵၢင်ႉတူၵ်း ၼႂ်းဝဵင်းလႃႈသဵဝ်ႈ ႁဵတ်းႁႂ်ႈ ႁၢၼ်ႉၶၢႆၵုၼ်ႇၼႂ်းၵၢတ်ႇလူင်ၸိူဝ်းၼၼ်ႉ လူႉၵွႆ- လင်ၶႃးပိဝ် ၊ တူၼ်ႈမႆႉ လူင် လူမ်ႉတဵင်သဵၼ်ႈတၢင်းလူင် ၼႂ်းဝဵင်းလႃႈသဵဝ်ႈ။ ၵူၼ်းမိူင်းၵေႃႉယူႇဝႆႉ ၼႂ်းဝဵင်းလႃႈသဵဝ်ႈ လၢတ်ႈၼႄတီႈၽူႈတွႆႇႁွၵ်ႈဝႃႈ “ၾူၼ်လူမ်းႁႅင်းၼႃႇ။ ၶႅပ်းၾႆးသႅင်လႅတ်ႇ (သူဝ်ႇလႃႇ) ၶႅပ်းယႂ်ႇၶႅပ်းလူင် ဢၼ်တၢင်ႇဝႆႉၼိူဝ် ႁၢၼ်ႉၶၢႆၵုၼ်ႇ ၼႂ်းၵၢတ်ႇၸိူဝ်းၼၼ်ႉပိဝ်။ ၼႂ်းၵၢတ်ႇလူင်ၼႆႉယိုင်ႈၶႅၼ်းၵျၢမ်းထူၼ်ႈယဝ်ႉ။...

ၸုမ်းပလိၵ်ႈ လႄႈ သိုၵ်းမၢၼ်ႈ ၸိူဝ်းပႂ်ႉဢဝ်ႁူမ်ႇလူမ်ႈ ၸွမ်းၶူဝ် ၸွမ်းသဵၼ်ႈတၢင်း ၼႂ်းမိူင်းတႆးပွတ်းၸၢၼ်း ပွတ်းဢွၵ်ႇၼၼ်ႉ ႁေႉရူတ်ႉၵႃးတၢင်ႇၶူဝ်းၵုၼ်ႇ ရူတ်ႉၵႃးတၢင်ႇ ၵူၼ်း ဢွၵ်ႇၶၢဝ်းတၢင်းသေ ၵူတ်ႇထတ်း ထဵတ်ႈထၢမ် ယွၼ်းတူၺ်းပႃးလိၵ်ႈၵမ်ႉတၢင်းႁူင်းပလိၵ်ႈ တီႈၵူၼ်းၸိူဝ်းဢွၵ်ႇၶၢဝ်းတၢင်းၼၼ်ႉႁၢဝ်ႈႁႅင်းယူႇ ဝႃႈၼႆ။ မိူဝ်ႈႁူဝ်လိူၼ်မေႊၼႆႉ ၸုမ်းသိုၵ်းမၢၼ်ႈ ၸိူဝ်းပႂ်ႉ ႁူမ်ႇလူမ်ႈၶူဝ်လူင်ၶၢမ်ႈၼမ်ႉၶူင်း တီႈတႃႈၵေႃႈ ၵႄႈၵၢင် ဝဵင်းၵႃလိ လႄႈ...

မိူဝ်ႈၼႆႉ ဝၼ်းတီႈ 6/5/2026 ႁူဝ်ပဝ်ႈ ဢႃႊသီႊယၼ်ႊ ပိုၼ်ၽၢဝ်ႇယွၼ်းႁူပ်ႉ တေႃႇဢွင်ႇသၢၼ်းၸူႉၵျီႇ ၵေႃႉၺႃးသိုၵ်းမၢၼ်ႈယိုတ်းမိူင်းၵုမ်းၶင်ဝႆႉ ပီယၢဝ်းၶၢဝ်းႁိုင်။ သိုဝ်ႇၶၢဝ်ႇ Reuter ႁၢႆးငၢၼ်းဝႆႉဝႃႈ - ႁူဝ်ပဝ်ႈ ဢႃႊသီႊယၼ်ႊ လႄႈ ၽွင်းတၢင်ၶိုၵ်ႉတွၼ်း ဢႃႊသီႊယၼ်ႊ ဢွၵ်ႇလိၵ်ႈတိုၵ်းသူၼ်း လူင်ပွင်ၸိုင်ႈသိုၵ်း ႁႂ်ႈပၼ်တေႃႇဢွင်ႇသၢၼ်းၸူႉၵျီႇ ႁူပ်ႉၵၼ်တင်း တူဝ်တႅၼ်းၸုမ်း ဢႃႊသီႊယႅၼ်ႊၵူၺ်းဢမ်ႇၵႃး ႁႂ်ႈလႆႈႁူပ်ႉပႃး...

ႁူဝ်လိူၼ်မေႊမႃးၼႆႉ လူင်ပွင်ၸိုင်ႈသိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဢွၵ်ႇၽႅၼ်ၵၢၼ်လွင်ႈတူင်ႉၼိုင် ၸုမ်းလူင်ပွင်ၸိုင်ႈ ၼႂ်းၶၢဝ်းတၢင်း 100 ဝၼ်းယဝ်ႉ ၶႃႈႁၢပ်ႇၵၢၼ်ၶုၼ် ၼႂ်းႁွင်ႈ ၵၢၼ်လူင်ပွင်ၸိုင်ႈ တီႈဝဵင်းလႃႈသဵဝ်ႈ တႄႇလူင်းပိုၼ်ႉတီႈ တူင်ႉၼိုင်ႁဵတ်းသၢင်ႈၵၢၼ်ငၢၼ်းၵႂႃႇ မိူၼ်ၼင်ႇပႂ်ႉၵူတ်ႇထတ်း ရူတ်ႉၵႃး ၶူဝ်းၵုၼ်ႇ လႄႈ ၵဵပ်းသဵၼ်ႈမၢႆႁူဝ်ၼပ်ႉၵူၼ်း ႁဵတ်းမၢႆၾၢင်ပၼ်ၵူၼ်းၼႂ်းပိုၼ်ႉတီႈၵႂႃႇ ၼႆယဝ်ႉ။ ဝၢႆးလင်တၢင်းမိူင်းတႆးပွတ်းႁွင်ႇ ပဵၼ်ပၢင်တိုၵ်းၽႅၼ်ၵၢၼ်ယၼ်ႇသိုၵ်း 1027 ယဝ်ႉသေ ၸုမ်းသိုၵ်းမၢၼ်ႈ...

သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇတီႉၺွပ်းလႆႈ ၵူၼ်းႁဵတ်းၵၢၼ်လွၵ်ႇလႅၼ်ၵိၼ်ငိုၼ်းဢွၼ်ႊလၢႆႊ ၵျႃႊၽျႅၼ်ႉ  တီႈၼႂ်းၸႄႈဝဵင်းမိူင်းပၼ်ႇ ၸိုင်ႈတႆးပွတ်းၸၢၼ်း  ဝႃႈၼႆ ။ ၸွမ်းၼင်ႇၵူၼ်းပိုၼ်ႉတီႈပၼ်ၶၢဝ်ႇမႃးၼၼ်ႉသေ မိူဝ်ႈဝႃးဝၼ်းတီႈ 4/5/2026 ယၢမ်းၵၢင်ၼႂ် ၸုမ်းႁူမ်ႈႁွမ်း ၾၢႆႇႁူမ်ႇလူမ်ႈပိုၼ်ႉတီႈ ၵူတ်ႇထတ်းတီႉၺွပ်းလႆႈ ၵူၼ်းႁဵတ်းၵၢၼ်ဢွၼ်ႊလၢႆႊၵျႃႊၽျႅၼ်ႉ 56 ၵေႃႉ  - ပဵၼ်ၵူၼ်းမိူင်းၶႄႇ 52 ၵေႃႉ ၵူၼ်းမိူင်းမၢၼ်ႈ 4ၵေႃႉ -...

မိူဝ်ႈဝၼ်းတီႈ 4/5/2026 ယၢမ်းတၢမ်းၶမ်ႈ ၽူႈၵုမ်းတပ်ႉသိုၵ်းမိူင်းဢိၼ်ႊတီႊယိူဝ်ႊ Admiral Dinesh Kumar Tripathi ႁွင်ႉဢဝ်တင်း တူဝ်တႅၼ်းၸုမ်းတပ်ႉသိုၵ်းလႄႈ ႁိူဝ်းသၢင်း ၽေႃးၾၢႆႇတပ်ႉသိုၵ်း မိူင်းဢိၼ်ႊတီႊယိူဝ်ႊ ႁွတ်ႈၽႅဝ်တီႈ တႃႈႁိူဝ်းၼမ်ႉလိုၵ်ႉ (သီလဝါဆိပ်ကမ်း) ပိူဝ်ႈတႃႇႁူမ်ႈမိုဝ်းၵၼ်တင်း သိုၵ်းမၢၼ်ႈယိုတ်းမိူင်းသေ ၾိုၵ်းၵၢၼ်သိုၵ်းၵႂႃႇ ၼႆ ယဝ်ႉ။ ၸွမ်ၸိၵ်းသိုၵ်းမၢၼ်ႈ ၸွမ်သိုၵ်းလူင် ယႄးဝိၼ်းဢူး ၵေႃႉၵႂႃႇႁပ်ႉတွၼ်ႈသေ...

ပၢင်ၶေႉၶဵင်ႇၶူဝ်းၼုင်ႈတၢင်းဝႆ ၾိင်ႈထုင်းၸဝ်ႈၵဝ်ႇ Natoinal Costume ၼၢင်းငၢမ်း Miss Grand Myanmar 2026 ၸတ်းႁဵတ်းၵႂႃႇတီႈႁူင်းႁႅမ်း Eravati Hotel ဝဵင်းလူင်တႃႈၵုင်ႈၼၼ်ႉ ၸုမ်းၸတ်းပၢင်ပွႆး Miss Grand Myanmar 2026 ပိုၼ်ၽၢဝ်ႇပူတ်းပႅတ်ႈၼၢင်းငၢမ်း ဢၼ်တၢင်တူဝ်ဝဵင်းတႃႈၶီႈလဵၵ်းသေၶဝ်ႈၶႅင်ႇ ၼၼ်ႉၵမ်းလဵဝ်။ ပၢင်ၶေႉၶဵင်ႇၶူဝ်းၼုင်ႈတၢင်းဝႆၾိင်ႈထုင်းၼႆႉၸတ်းႁဵတ်းၼႂ်းဝၼ်းတီႈ 5/5/2026 ။ မီးၼၢင်းငၢမ်း...