မိူဝ်ႈဝၼ်းတီႈ 28 လိူၼ်ၵျူႊလၢႆႊ လူင်ပွင်ၸိုင်ႈတေႃႊၼႄႊလ်ထရမ်ႉ ဢိုတ်းႁပ်းပႅတ်ႈ ၵၢၼ်ႁပ်ႉသိုဝ်ႉ ႁုၼ်ႇႁၢင်ႈၶိူင်ႈၸၢၵ်ႈ AI ဢၼ်မိူင်းၶႄႇ ၸႂ်ႉတိုဝ်း ပႃႊဝႃႊဢိၼ်ႊပၢႆႊတိူဝ်ႊသ် (Power Inverters) သေ ႁဵတ်းဢွၵ်ႇဝႆႉၼၼ်ႉ ၼႆယဝ်ႉ။ ပိူဝ်ႈတႃႇၵႅတ်ႇၶႄႇၵၢၼ်လွၵ်ႇငိုတ်ႈ လွင်ႈႁူမ်ႈလူမ်ႈၸိူဝ်ႉၸၢတ်ႈၼႆသေ လူင်ပွင်ၸိုင်ႈမိူင်းဢမေႊရိၵၼ်ႊ မၵ်းတတ်း ဢိုတ်ႊႁပ်းပႅတ်ႈ ၵၢၼ်ႁပ်ႉသိုဝ်ႉ ၶိူင်ႈၸၢၵ်ႈႁုၼ်ႇႁၢင်ႈ AI ၶိုတ်း...

မိူဝ်ႈၼႆႉ ဝၼ်းတီႈ 30 လိူၼ်ၵျူႊလၢႆႊ ယၢမ်းၵၢင်ၼႂ် မွၵ်ႈ 10 မူင်းၶိုင်ႈ ၼုမ်ႇၸၢႆးၵေႃႉၼိုင်ႈ ၺႃးယိုဝ်းတၢႆၵႂႃႇ ၼႂ်းႁၢၼ်ႉလဵၼ်ႈၵဵမ်း ႁိမ်းသဵၼ်ႈတၢင်းၶွႆႈ ၾၢႆႇႁူဝ်ၼႃး (ဟိုနားလမ်းဆုံဂိမ်းဆိုင်) ပွၵ်ႉၵွင်းမူးတူင်ႈ ၸႄႈဝဵင်းမူႇၸေႊ မိူင်းတႆးပွတ်းႁွင်ႇ။ ၵူၼ်းမိူင်းၵေႃႉယူႇဝႆႉၼႂ်းဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ “ၵူၼ်းလဵၼ်ႈၵဵမ်းတေႃႇၵူၼ်းလဵၼ်ႈၵဵမ်း ႁိမ်ၵွင်ႈၼႂ်းမိုဝ်းၵူၼ်းပႂ်ႉယၢမ်းသေ ဢဝ်ၵွင်ႈယိုဝ်းၵၼ်တၢႆ ၼႂ်းသႅင်ႇၵဵမ်း။ ၽူႈမီးပုၼ်ႈၽွၼ်း ပႂ်ႉယၢမ်း...

မိူဝ်ႈဝႃး ဝၼ်းတီႈ 29 လိူၼ်ၵျူႊလၢႆႊ ၸွမ်ၽွင်းလူင် မိူင်းမလေးသျီႊယိူဝ်ႊ ပိုၼ်ၽၢဝ်ႇဢွၵ်ႇ ၼႂ်းပၢင်ႁူပ်ႉထူပ်းၵူၼ်းမိူင်းပိုၼ်ႉတီႈ ၵဵဝ်ႇလွင်ႈပၢင်လိူၵ်ႈတင်ႈၼၼ်ႉ လၢတ်ႈဝႃႈ - လူင်ပွင် ၸိုင်ႈသိုၵ်းမၢၼ်ႈ ႁပ်ႉပၢၵ်ႇ တေႁပ်ႉဢဝ်ၶိုၼ်း ၸၢဝ်းရူဝ်ႊႁိၼ်ႊၵျႃႊ ဢၼ်ပၢႆႈသေႃႉယူႇသဝ်းဝႆႉ ၼႂ်းမိူင်းမလေးသျီႊယိူဝ်ႊ တႃႇ 5000 ၵေႃႉ ၼႆယဝ်ႉ။ ၸွမ်ၽွင်းလူင် မိူင်းမလေးသျီႊယိူဝ်ႊ ဢၼ်ႊပရႃႊႁိၼ်ႊ...

မိူဝ်ႈၼႆႉ ဝၼ်းတီႈ 30/7/2026 ၸုမ်းၵပ်းသၢၼ်လွင်ႈၼၢင်းယိင်းတႆး (Shan Women’s Action Network – SWAN) ဢွၵ်ႇၽိုၼ်လိၵ်ႈႁၢႆးငၢၼ်း ၵဵဝ်ႇၵပ်းငဝ်းလၢႆးမိူင်းတႆး။ ၼႂ်းၽိုၼ်လိၵ်ႈၼၼ်ႉ ပႃးလွင်ႈႁဵတ်းႁၢႆႉၸႃႉၼိူဝ်ယိင်းၸၢႆး တၢင်းၵႃႇမလႄႈ လွင်ႈပႅၵ်ႇပိူင်ႈ ယိင်းၸၢႆး (SGBV) ၼၼ်ႉမႃး ႁူမ်ႈသဵၼ်ႈတင်းမူတ်း မီး 172 လိူင်ႈ ။ ၸုမ်းၵပ်းသၢၼ်လွင်ႈၼၢင်းယိင်းတႆး...

ၵူၼ်းမိူင်းၸိူဝ်းယူႇၼႂ်းထုင်ႉ 105 လၵ်း ဢိူင်ႇမိူင်းယူး ၸႄႈဝဵင်းမူႇၸေႊ ႁူမ်ႈၵၼ်ဢွၵ်ႇသၢၼ်ၶတ်း တေႃႇ ၵွၼ်းဢိူင်ႇ ၸၢဝ်းၶိူဝ်းလွႆ (တဢၢင်း) မၢႆးမွင်ႇဢေး ၵဵဝ်ႇၵပ်းပၼ်ႁႃ တီႈလိၼ် ဢၼ်ၵူၼ်းမိူင်းပိုၼ်ႉတီႈ ပဵၼ်ၸဝ်ႈၶွင် (တီႈလိၼ်ၽုင်ႇ) ၼၼ်ႉ ဝႃႈၼႆ။ မိူဝ်ႈဝႃး ဝၼ်းတီႈ 29 ၵူၼ်းဝၢၼ်ႈၼမ်ႉႁွႆတႂ်ႈ၊ ၼမ်ႉႁွႆၼိူဝ်၊ မၢၼ်ႈမေႃႈ လႄႈ...

ႁၢင်လိူၼ်ၵျူႊလၢႆႊၼႆႉ သိုၵ်းမၢၼ်ႈယိုတ်းမိူင်း ၊ ပလိၵ်ႈ လႄႈ ႁွင်ႈၵၢၼ်ၽွင်းငမ်းၵူႈလွင်ႈလွင်ႈ (ထူၺ်ႇဢူၵ်ႉ) ၶဝ်ၼႂ်းဝဵင်းမိူင်းသူႈ ႁူမ်ႈၵၼ်သေ ၸွမ်းတီႉၺွပ်းဢဝ် ၼုမ်ႇၸၢႆး သႅၼ်း ဢႃႇယု ၶဝ်ႈပႃးၼႂ်းႁၢပ်ႇၵၢၼ်သိုၵ်း ယၢမ်းလဵဝ် ၵူၼ်းၸိူဝ်းၺႃးတီႉၺွပ်းၵႂႃႇၼၼ်ႉ ဢမ်ႇပႆႇလႆႈၶၢဝ်ႇငၢဝ်းသင် ၼႆယဝ်ႉ။ မိူဝ်ႈဝၼ်းတီႈ 28/7/2026 ယၢမ်းႁူဝ်ၶမ်ႈၵူၼ်းၼုမ်ႇ ၼႂ်းဝဵင်းမိူင်းသူႈ 4 ၵေႃႉ ၺႃးၸုမ်းသိုၵ်းမၢၼ်ႈယိုတ်း...

ၵူၼ်းမိူင်းမၢၼ်ႈ ၸိူဝ်းၶဝ်ႈၵႂႃႇႁဵတ်းၵၢၼ်ယူႇ ၼႂ်းမိူင်းၶႄႇ 1000 ၵေႃႉပၢႆ ၺႃးပလိၵ်ႈမိူင်းၶႄႇ တီႉၺွပ်းသေ မွပ်ႈပၼ်ၼႂ်းမိုဝ်း ၸုမ်းသိုၵ်းမိူင်းလႃး ၵူၼ်းၸၢႆးၸိူဝ်းဢႃႇယုတဵမ် မီးယူႇၼႂ်းသဵၼ်ႈမၢႆ ႁၢပ်ႇၵၢၼ်သိုၵ်းၼၼ်ႉ ထုၵ်ႇသိုပ်ႇသူင်ႇၵႂႃႇတီႈသိုၵ်းမၢၼ်ႈယိုတ်းမိူင်း ဝႃႈၼႆ။ ၵူၼ်းၺႃးတီႉၺွပ်းၼႆႉ ပဵၼ်ႁႅင်းၵၢၼ်ၸိူဝ်းဢမ်ႇထုၵ်ႇမႅၼ်ႈၸွမ်းပၵ်းပိူင်  ၸိူဝ်းမီးယူႇဝႆႉၼႂ်းမိူင်းၶႄႇ။ တႃႇ 400 ၵေႃႉ ၸိူဝ်းမီးယူႇၼႂ်းဝဵင်းၵျိၼ်ႊႁူင်ႊ ၾၢႆႇၸၢၼ်းမိူင်းၶႄႇ ႁဵတ်းၵၢၼ် ၼႂ်းသူၼ်ၶဝ်ႈၵၢပ်ႇ လႄႈ...

ဝၢႆးလင်ၸွမ်ၸိၵ်းသိုၵ်းမၢၼ်ႈယိုတ်းမိူင်း မိၼ်းဢွင်ႇလၢႆႇ ၸတ်းပၢင်လိူၵ်ႈတင်ႈယဝ်ႉတူဝ်ႈၵႂႃႇ ၼၼ်ႉ ပၢင်ၵုမ်လုမ်းသၽႃး ပွၵ်ႈၵမ်းသၢမ်ၵေႃႈ ၸတ်းပွင်ၶိုၼ်ႈမႃး ၸွမ်းၼင်ႇၵၢင်ၸႂ် ၽူႈၼမ်းသိုၵ်း ၶႂ်ႈလႆႈၶႂ်ႈပဵၼ်။ ငိုၼ်းၸႂ်ႉတိုဝ်း တႃႇၸၢႆႇတႅၼ်းၽွင်းၸိူဝ်းဢွင်ႇပေႉပၢင်လိူၵ်ႈတင်ႈ တေၶိုၼ်ႈလုမ်းသၽႃးသေ ႁဵတ်းၵၢၼ်ၵႂႃႇၸွမ်းၼင်ႇ သိုၵ်းမၢၼ်ႈယိုတ်းမိူင်း ဝၢင်းၽႅၼ်ဝႆႉၼၼ်ႉ ၼိုင်ႈလိူၼ်လႂ် တေသဵင်ႈယူႇမွၵ်ႈ 1 မိုၼ်ႇသႅၼ်ပျႃး (ၼိုင်ႈပီႊလီႊယၼ်ႊၵျၢတ်ႉ) ဝႃႈၼႆ။ သိုၵ်းမၢၼ်ႈယိုတ်းမိူင်းတဵမ်ၶၢဝ်းတၢင်း 5 ပီယဝ်ႉ ယႃႉပႅတ်ႈၸုမ်းလူင်ပွင်ၸိုင်ႈၵူၼ်းမိူင်းဢၼ်ၵဝ်ႇသေ...

မိူဝ်ႈၼႆႉ ဝၼ်းတီႈ 27 လိူၼ်ၵျူႊလၢႆႊ ၸုမ်းႁဵတ်းၵၢၼ်သုၼ်ႇလႆႈတႃႇမိူင်းႁူမ်ႈတုမ် Justic For Myanmar ဢွၵ်ႇၽိုၼ်ႁၢႆးငၢၼ်းဝႃႈ- ဢဝ်ၶွမ်ႊမၼီႊၸိူဝ်းႁဵတ်းၵၢၼ်ၵႃႉၶၢႆ ၼမ်ႉမၼ်းမဵၼ် ၸၼ်ႉလုမ်ႈၾႃႉ 11 ဢၼ် ၶဝ်ႈၼႂ်းသဵၼ်ႈမၢႆ Burma Campaign UK “သဵၼ်ႈမၢႆၸိူဝ်းႁဵတ်းၵၢၼ်မၢၵ်ႈမီးၽိတ်းမၢႆမီႈ” ၼႆယဝ်ႉ။ ၶွမ်ႊပၼီႊ 11 ဢၼ်ၼႆႉ ၵွင်ႉၵဵဝ်ႇၵၼ်တင်းသိုၵ်းမၢၼ်ႈ ဢၼ်ႁဵတ်းလွင်ႈပူၼ်ႉပႅၼ်သုၼ်ႇလႆႈၵူၼ်း...

သိုၵ်းမၢၼ်ႈလမ်းတီႉၺွပ်း ပေႃႉထုပ်ႉ ၵူၼ်းဝၢၼ်ႈၼႂ်းၸႄႈဝဵင်းဝၢၼ်ႈငႂ်ႈ ( ယႂႃႇငၢၼ်ႇ ) ၸိုင်ႈတႆးပွတ်းၸၢၼ်း ၵူၼ်းမိူင်းမႆႈၸႂ်လွင်ႈႁူမ်ႇလူမ်ႈ ဢွၼ်ၵၼ်ပၢႆႈဢွၵ်ႇဝၢၼ်ႈ  ။ ဝၼ်းတီႈ 22 လိူၼ်ၵျူႊလၢႆႊ ၼႆႉ သိုၵ်းမၢၼ်ႈတင်း တပ်ႉသိုၵ်းပူတ်းပွႆႇၵူၼ်းမိူင်းထၼူႉ DPLA ပဵၼ်ပၢင်တိုၵ်းၵၼ်တၢင်းဝၢၼ်ႈသိၼ်ႇသႃႇပျႃး (ဆင်ဆာပြား) ၼႆယဝ်ႉ ။ ဝၢႆးၼၼ်ႉ ဝၼ်းတီႈ 24 လိူၼ်ၵျူႊလၢႆႊ ထိုင်...

ၼႂ်းႁၢင်လိူၼ်ၵျူႊလၢႆႊၼႆႉ ၵူၼ်းမိူင်းၸိူဝ်းယူႇၼႂ်းဝဵင်းလႃႈသဵဝ်ႈ ၵႆႉႁူမ်ႈၵၼ်တီႉၺွပ်း ၽူႈလၵ်ႉၼႂ်းပွၵ်ႉ ၼႂ်းယွမ်ႇသေ ထၢႆႇငဝ်းႁၢင်ႈသဵင် တၢင်ႇၶိုၼ်ႈၼိူဝ်သိုဝ်ႇတူင်ႇဝူင်းၵူၼ်း ႁဵတ်း ႁႂ်ႈၵူၼ်းတင်းမိူင်းႁူႉႁၼ်ၸွမ်း လွင်ႈဝႃႈ မိူင်းလႃႈသဵဝ်ႈဢမ်ႇမီးလွင်ႈႁူမ်ႇလူမ်ႈ လွင်ႈၼႆႉၽူႈၵွၼ်းပွၵ်ႉ ႁွင်ႉၵူၼ်းမိူင်းပိုၼ်ႉတီႈႁဵတ်းပၢင်ၵုမ်သေ ႁေႉႁၢမ်ႈ ယႃႇႁႂ်ႈလႆႈထၢႆႇႁၢင်ႈတၢင်ႇ သိုဝ်ႇ ၼႆယဝ်ႉ။ ၶၢဝ်းတၢင်းလိူၼ်ၵျုၼ်ႊ မႃးထိုင် လိူၼ်ၵျူႊလၢႆႊၼႆႉ ၽူႈလၵ်ႉၸၵ်ႉၶုတ်ႈလိူင်ႇၼမ်ၼႂ်းပွၵ်ႉ 9၊...

ၽူႈႁပ်ႉပုၼ်ႈၽွၼ်း ၼႂ်းၸုမ်းလူင်ပွင်ၸူဝ်ႈၶၢဝ်း (NUG) တီႈၵိင်ႇၽႄဝဵင်းလိူဝ်ႇ ၺႃးၸုမ်းသိုၵ်းမိူင်းလႃး (NDAA) တီႉၺွပ်းဢဝ်တူဝ်သူင်ႇပၼ် တီႈသိုၵ်းမၢၼ်ႈ ၼႆယဝ်ႉ။ မေးၼၢင်း ၽူႈႁပ်ႉပုၼ်ႈၽွၼ်း NUG တီႈဝဵင်းလိူဝ်ႇ (မၢၼ်းတလေး) ၺႃးသိုၵ်းမၢၼ်ႈၵူတ်ႇထတ်းၸႅတ်ႈထၢမ် တီႈၵဵတ်ႉလၢၼ်ႇ ၼႂ်းၸႄႈဝဵင်းၵဵင်းတုင် တီႈၼိုင်ႈယဝ်ႉသေ ဝၢႆးလင် ၼၼ်ႉ ၵေႃႉပဵၼ်ၽူဝ်မၼ်းၼၢင်း ၵူဝ်ႇဝၼ်ႇၼဢွင်ႇၵေႃႈ ၺႃးသိုၵ်းမိူင်းလႃး တီႉၺွပ်းဢဝ်တီႈမိူင်းလႃး ဝႃႈၼႆ။ ၵူၼ်းၸမ်ၸႂ်ၽူႈႁပ်ႉပုၼ်ႈၽွၼ်းၵေႃႉၺႃးတီႉၺွပ်းၵေႃႉၼိုင်ႈ...

တႄႇၼႂ်းႁၢင်လိူၼ် ၵျူႊလၢႆႊ ဝၼ်းတီႈ 20 မႃးၼႆႉ သိုၵ်းမၢၼ်ႈႁူမ်ႈ ပျီႇတူႉၸိတ်ႉပဢူဝ်း PNO ႁႅတ်ႉႁၢမ်ႈ ႁၢၼ်ႉၶၢႆလဝ်ႈ လႄႈ ၵူၼ်းၶၢႆလဝ်ႈ ၊ ပီႇယႃႇ ၼႂ်းဝၢၼ်ႈဢၼ်မီးၼႂ်းၸႄႈဝဵင်းသီႇသႅင်ႇ  လႄႈ ၼႂ်းၸႄႈဝဵင်းႁူဝ်ပူင်း ၸိုင်ႈတႆးပွတ်းၸၢၼ်း ။ သင်ၽႂ်ဢမ်ႇႁဵတ်းၸွမ်းၼႆၸိုင် တေပၼ်တူတ်ႈၶွၵ်ႈ 4 ပီလႄႈ တူတ်ႈငိုၼ်း 300...

TNLA တပ်ႉသိုၵ်းပလွင်ႈ လူင်းဢုပ်ႇၸွမ်း NSPNC တႂ်ႈမိုဝ်းသိုၵ်းမၢၼ်ႊၼႆႉ လိူဝ်ဢမ်ႇလႆႈလၢႆးၵၢၼ် လိၵ်ႈႁူမ်ႈမၢႆ ႁၢႆႊၵႅၼ်ႊ ဢၼ်မိူင်းၶႄႇငမ်ႁူဝ်ၶဝ်ငူပ်ႉၸူးၵၼ်ၼၼ်ႉၼႆ ပွင်ႇၸႂ်ၵၼ်ၵူႈ​​ၵေႃႉၵူၼ်းၵၢၼ်မိူင်းယူႇလႄႈ တိုၵ်ႉ​​တေဢဝ်သ​​လေႇဝႃႈ ပဵၼ်ၵၢၼ်လူင်းယွၼ်းမိူင်းၼႆတႄႉ ​​တေလႆႈမၢႆထိုင်ပဵၼ်ၵၢၼ်ႁဵတ်းၵႅင်ႈၵူၺ်းယဝ်ႉ။ ၵူၼ်းသုမ်းသိုၵ်းယႃႇယႃႇ ​​တေႁဵတ်းႁိုဝ်ဢဝ်မိူင်းလႆႈလႃႇ၊ ၽွင်းတိုၵ်ႉမီးဢူၺ်းလီၶႅပ်ႇၶၢင်ႈတၢႆတၢင် ပဵၼ်ပုၵ်ႉပဵၼ်ဝႃ ၼၼ်ႉ ပိုဝ်းၶူၼ်ႁွင်ႉသႅၼ်ႇမႃးယဝ်ႉလူး ​​တေတင်ႈပဵၼ်​​ၸေႊမိူင်းတဢၢင်ႉၵူၺ်းဢမ်ႇၵႃး ၸွမ်းလူၺ်ႈတၢင်းလူဝ်ႇ​​သေ ၵိုင်ႇလီတင်ႈပဵၼ်ၸိုင်ႈမိူင်းႁင်း​​ၶေႃၼိုင်ႈလုၵ်ႈ​​ၵေႃႈတေတင်ႈၼႆ ယၢမ်ႈပၢၵ်ႇဢွၵ်ႇသဵင်သူပ်းမႃးၵွၼ်ႇၼႃႇ။ ၽိူဝ်ႇႁၵ်းလင်​​တေႃႇ ၸုမ်းဢူၺ်းလီ​​ၵေႃႉၵဝ်ႇ​​ၵေႃႉမႂ်ႇတင်းလၢႆ​​သေ...

ၵၢင်ႉၵႄႇတႂ်ႈတပ်ႉသိုၵ်းမၢၼ်ႈ ဢၼ်ၸတ်းၵၢၼ်ၽွင်းငမ်းဝႆႉ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ ယၢမ်းလဵဝ်  တဵၵ်းၸႂ်ႉၵူၼ်းပၢႆႈၽေးသိုၵ်း တၢင်းမိူင်းယၢင်းလႅင် ပွၵ်ႈမိူဝ်းၶိုၼ်းႁိူၼ်းယေးတီႈယူႇၽႂ်မၼ်းဝႆႉၼႆယဝ်ႉ ။ သိုၵ်းမၢၼ်ႈလွၵ်ႇငိုတ်ႈပႃးဝႃႈ သင်ဢမ်ႇပွၵ်ႈမိူဝ်း တေယိုတ်းဢဝ်ႁိူၼ်းယေးလႄႈ တိူၵ်ႇသူၼ်လွၵ်းၼႃး ဝႃႈၼႆ။ မိူဝ်ႈႁၢင်ပီ 2023 ပူၼ်ႉမႃးၼၼ်ႉ တပ်ႉသိုၵ်းမၢၼ်ႈ တင်း ၸုမ်းႁူမ်ႈႁွမ်းသိုၵ်းယၢင်းလႅင် ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းမိူင်းယၢင်းလႅင် လႄႈ တီႈလႅၼ်လိၼ် တႆး-ယၢင်းလႅင်။ ၽွင်းၼၼ်ႉ...