သၽႃးမိူင်းဢမေႊရိၵၼ်ႊလၢတ်ႈဝႃႈ ထိၵ်ႉထွၵ်ႇ (TikTok) ၼႆႉ ၸၢင်ႈပဵၼ်ၽေးတေႃႇ လွင်ႈႁူမ်ႇလူမ်ႈၸိူဝ်ႉၸၢတ်ႈ ဝၢၼ်ႈမိူင်း ၊ ပေႃးၶွမ်ႊပၼီႊ ByteDance ဢမ်ႇၶၢႆထိၵ်ႉထွၵ်ႇၼႆႉၸိုင် တေသင်ႇပိၵ်ႉထိၵ်ႉထွၵ်ႇ ၼႂ်းမိူင်းဢမေႊရိၵၼ်ႊ ဝႃႈၼႆ။
လွင်ႈၼႆႉ သၽႃးမိူင်းဢမေႊရိၵၼ်ႊ လႆႈဢုပ်ႇၵုမ်တူၵ်းလူင်း လႆႈၸႂ်ၵၼ်မိူဝ်ႈဝၼ်းသဝ် ပူၼ်ႉမႃးၼၼ်ႉသေ တူဝ်ၸွမ်ၸိုင်ႈ ၵျုဝ်ႊပႆႊတၼ်ႊ (Joe Biden) ၵေႃႈပိုၼ်ၽၢဝ်ႇဝႃႈ သင်ဝႃႈ သၽႃးတင်း 2 လႆႈၸႂ်တူၵ်းလူင်းယဝ်ႉၸိုင် တေလူင်းလၢႆးမိုဝ်းမၵ်းမၼ်ႈပၼ် တႃႇသႂ်ႇပၵ်းပိူင် ၼႂ်းပိူင်ပိုင်းလၵ်းမိူင်း ဝႃႈၼႆဝႆႉ။
လွင်ႈၼႆႉ ၶွမ်ႊပၼီႊ ထိၵ်ႉထွၵ်ႇ တုမ်ႉတွပ်ႇပိုၼ်ၽၢဝ်ႇဝႃႈ – ဢမေႊရိၵၼ်ႊ ႁၢမ်ႈလွင်ႈၵၢၼ်ပိုတ်ႇလၢတ်ႈလွတ်ႈလႅဝ်း – ဝႃႈၼႆ။
ၾၢႆႇတၢင်းဢမေႊရိၵၼ်ႊတႄႉ လႅပ်ႈတေမႆႈၸႂ်ဝႃႈ – ၵူဝ်ၶႄႇသူင်ႇမႃး ၶေႃႈမုလ်း ၵၢၼ်ၸီႉသင်ႇၸိုင် ၵူဝ်ၵူၼ်းမိူင်းဢမေႊရိၵၼ်ႊ 170 လၢၼ်ႉ လႆႈႁပ်ႉႁူႉႁၼ်ၸွမ်း ၊ ထိၵ်ႉထွၵ်ႇၼႆႉ ပဵၼ်ဢၼ်လွၵ်ႇငိုတ်ႈ လွင်ႈႁူမ်ႇလူမ်ႈ ၸိုင်ႈမိူင်းဝႆႉ ဢၼ်ၼိုင်ႈ – ဝႃႈၼႆ။
ဢၢင်ႈဢိင် – DVB
