မိူဝ်ႈၼႆႉ ဝၼ်းတီႈ 6 တႄႇယၢမ်းၵၢင်ၼႂ် 7 မူင်းၶိုင်ႈ သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ် (Jet Fighter) ပွႆႇမၢၵ်ႇသႂ်ႇ ၼႂ်းဝဵင်းၼမ်ႉတူႈ လႄႈ ဝဵင်းသီႇပေႃႉ ၼႃႈတီႈသိုၵ်းတဢၢင်းၵုမ်းၵမ်ၸူဝ်ႈၶၢဝ်း ဝၢႆးလင်ပၢင်တိုၵ်းၽႅၼ်ၵၢၼ်ယၼ်ႇသိုၵ်း 1027 ပွၵ်ႈၵမ်းသွင် ၸိုင်ႈတႆး ပွတ်းႁွင်ႇ။ ၶၢဝ်းယၢမ်းၵၢင်ၼႂ်ၸဝ်ႉ ၼႂ်းဝၼ်းဢွၵ်ႇဝႃႇ တႄႇမွၵ်ႈ 7 မူင်းၶိုင်ႈ...

မိူဝ်ႈၼႆႉဝၼ်းတီႈ 4/10/2025 ယၢမ်းၵၢင်ဝၼ်းတဵင်ႈ ႁိူဝ်းမိၼ်သိုၵ်းမၢၼ်ႈပွႆႇမၢၵ်ႇသႂ်ႇတီႈဝၢၼ်ႈၸႄႈတူၼ်ႈႁုင်း ၸႄႈဝဵင်းၼမ်ႉသၼ်ႇ ၸိုင်ႈတႆးပွတ်းႁွင်ႇ တူဝ်ႇမၢတ်ႇၵူၼ်းမိူင်း လုၵ်ႈဢွၼ်ႇ တၢႆ 2 ၵေႃႉ မၢတ်ႇၸဵပ်း 9 ၵေႃႉ။ လွင်ႈၼႆႉ ႁွင်ႈၵၢၼ်ၾၢႆႇပွင်ႇၶၢဝ်ႇ PSLF/TNLA ပိုၼ်ၽၢဝ်ႇမိူဝ်ႈယၢမ်းဝၢႆးဝၼ်းၼႆႉဝႃႈ - ပဵၼ်ႁိူဝ်းမိၼ်ၵျႅတ်ႊၾၢႆႊတႃႊ ပွႆႇမၢၵ်ႇသႅၼ်း 250 ပွၼ်ႊ 2 လုၵ်ႈ။...

မိူဝ်ႈဝႃး ဝၼ်းတီႈ 2/10/2025 ယၢမ်းၵၢင်ၶမ်ႈ 10 မူင်းပၢႆ သိုၵ်းမၢၼ်ႈယိုတ်းမိူင်း ၸႂ်ႉတိုဝ်းႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ႁိမ်းတူဝ်းၵဵၵ်ႉ ၾၢႆႇတူၵ်းဝဵင်းသီႇပေႃႉ ၸိုင်ႈတႆးပွတ်းႁွင်ႇ။ မၢၵ်ႇႁိူဝ်းမိၼ်တိုၵ်း သိုၵ်းမၢၼ်ႈယိုတ်းမိူင်းၵႂႃႇတူၵ်းတိူဝ်ႉသႂ်ႇ ႁူင်းႁႅမ်း ၵုမုတြႃႇ ၼႂ်းပွၵ်ႉၸၢမ်ၽိူၵ်ႇ ႁိမ်းႁွမ်းၼၼ်ႉ ဢမ်ႇမီးႁိူၼ်းယေး ၵူၼ်းမိူင်း ယူႇသဝ်းဝႆႉၼႆ ၵူၼ်းမိူင်းပိုၼ်ႉတီႈဝဵင်းသီႇပေႃႉ လၢတ်ႈၼႄၼင်ႇၼႆ။ “တၢင်းၼၼ်ႉဢမ်ႇမီးႁိူၼ်းၵူၼ်းယူႇဝႆႉလႄႈ ဢမ်ႇမီးၵူၼ်းတိူဝ်ႉမၢတ်ႇၸဵပ်းၸွမ်းသေၵေႃႉၼင်ႇၵဝ်ႇ။ ၼႂ်းဝဵင်းၼႆႉ...

တႃႇမၢႆတွင်းပွႆးၵိၼ်ၶဝ်ႈမုၼ်းလိူၼ်လႅင်းၾိင်ႈထုင်းၶႄႇၼႆသေ သိုၵ်းၵဝ်ႈၵၢင်ႉ သင်ႇၵူၼ်းမိူင်းသႅၼ်ဝီ ၸတ်းႁဵတ်းပၢင်တေႃႇလွင်း 2 တီႈ  တႃႇၶၢဝ်းတၢင်း 15 ဝၼ်း ဝႃႈၼႆ။ တႄႇလိူၼ် ဢွၵ်ႊတူဝ်ႊပိူဝ်ႊ ဝၼ်းတီႈ1 ၼႆႉမႃး တႃႇပွႆးၵိၼ်ၶဝ်ႈမုၼ်းလိူၼ်လႅင်းၼႆသေ  သိုၵ်းၵဝ်ႈၵၢင်ႉ ပၼ်ၶႂၢင်ႉၸဝ်ႈငိုၼ်းသႃး ပိုတ်ႇပၢင်တေႃႇလွင်းႁိုင်ၶၢဝ်းတၢင်း 15 ဝၼ်း  ၊ ၸတ်းတီႈၼႂ်းဝၢင်း ပွႆးလိူၼ်သီႇ ၼႂ်းပွၵ်ႉ 1...

ၵူၼ်းပၢႆႈၽေးသိုၵ်းၸိူဝ်းလုၵ်ႉဝဵင်းၼွင်ၶဵဝ် ပၢႆႈႁွတ်ႈထိုင် ၼွင်ပိင်ၵျွၵ်ႉမႄးၼၼ်ႉ ရူတ်ႉၵႃး 12 လေႃႉၶဝ်ႁၢႆ ၽွင်းသူင်ႇၵႂႃႇမႄးဝႆႉတီႈႁၢၼ်ႉမႄးရူတ်ႉၵႃး လႆႈမႃးၶၢဝ်းတၢင်း 10 ဝၼ်းပၢႆယဝ်ႉ ပႆႇႁၼ်ၶိုၼ်း။ ၽူႈၸွႆႈထႅမ်ၵူၼ်းပၢႆႈၽေးသိုၵ်းလၢတ်ႈတီႈၽူႈတွႆႇႁွၵ်ႈဝႃႈ − “ရူတ်ႉၵႃးၼႆႉ ပဵၼ်ရူတ်ႉ 12 လေႃႉ၊ ပဵၼ်ရူတ်ႉၵူၼ်းမိူင်း ဝဵင်းၼွင်ၶဵဝ် ဢၼ်ပၢႆႈၽေးမႃးသွၼ်ႈဝႆႉ ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး။ မိူဝ်ႈဝၼ်းတီႈ 6 လိူၼ်...

ၼႂ်းပီ 2025 တႄႇလိူၼ် ၵျႅၼ်ႊၼိဝ်ႊရီႊ ထူၼ်ႈၼိုင်ႈ တေႃႇထိုင် လိူၼ်သႅပ်ႊထႅမ်ႊပိူဝ်ႊ ထူၼ်ႈၵဝ်ႈ ၶၢဝ်းတၢင်း 9 လိူၼ်ၼႆႉ ယွၼ်ႉသိုၵ်းမၢၼ်ႈယိုတ်းမိူင်း ယိုဝ်းတိုၵ်းႁဵတ်းႁၢႆႉသေ ၵူၼ်းမိူင်းၼႂ်းမိူင်းႁူမ်ႈတုမ်မၢၼ်ႈပတ်းပိုၼ်ႉ လူႉတၢႆၵႂႃႇ 890 ၵေႃႉ ဝႃႈၼႆ။ သဵၼ်ႈမၢႆၸိူဝ်းၼႆႉ ၸုမ်းၸွႆႈထႅမ်ၵူၼ်းတူၵ်းၶွၵ်ႈၵၢၼ်မိူင်း AAPP ၵဵပ်းၶေႃႈမုၼ်းႁၢႆးငၢၼ်းဢွၵ်ႇဝႆႉ ၼႂ်းဝၼ်းတီႈ 1/10/2025 ၼႆႉ။ ၼႂ်းမိူင်းယၢင်းလႅင်ၼၼ်ႉ...

မိူဝ်ႈၼႆႉ ဝၼ်းတီႈ 2 /10/2025 ယၢမ်းၵၢင်ၼႂ် 7 မူင်းပၢႆ သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႅၼ်း 500   ပွင်ႊ တူၵ်းသႂ်ႇႁိူၼ်းယေး ၵူၼ်းမိူင်း ပွၵ်ႉ 8 ဝဵင်းၼမ်ႉတူႈ တီႈဢၼ်မီးၵူၼ်းပၢႆႈၽေးသိုၵ်း၊ မီးလွင်ႈမၢတ်ႇၸဵပ်းလူႉတၢႆၼမ်။ တီႈဢၼ်မၢၵ်ႇလူင်တူၵ်းသႂ်ႇၼၼ်ႉမီးၵူၼ်းမိူင်းၸိူဝ်း လုၵ်ႉတၢင်းဝဵင်းၵျွၵ်ႉမႄး ပၢႆႈၽေးပၢင်တိုၵ်း မႃးသွၼ်ႈ ယူႇသဝ်းဝႆႉၸွမ်းၸူဝ်ႈၶၢဝ်း ၊...

တႄႇႁူဝ်လိူၼ် ဢွၵ်ႊတူဝ်ႊပိူဝ်ႊၼႆႉမႃး ပလိၵ်ႈမၢၼ်ႈသိုၵ်းမၢၼ်ႈၵူတ်ႇထတ်း ဝတ်းဝႂ်လၢႆႊသိၼ်ႊ ရူတ်ႉၵႃးၶိုၼ်း ႁၢဝ်ႈႁႅင်း တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း  ။ ၼႂ်းဝၼ်းတီႈ 30/9/2025 ယၢမ်းဝၢႆးဝၼ်း 3 မူင်းပလိၵ်ႈသိုၵ်းမၢၼ်ႈၵိုင်ႉၵၢင်ႉ ၵူတ်ႇထတ်းဝတ်းဝႂ်လၢႆႊသိၼ် ၼိူဝ်သဵၼ်ႈလူင်ၵႂႃႇမႃး ၊ သဵၼ်ႈတၢင်းလဵပ်ႈဝဵင်း ၊ ပွၵ်ႉပႃႇမႆႉ( သစ်တောရပ်ကွက် )  ၊ သဵၼ်ႈတၢင်းၼႂ်း ပွၵ်ႉဝႃးပျႃး...

မိူဝ်ႈၼႆႉ ဝၼ်းတီႈ 1 လိူၼ်ဢွၵ်ႇထူဝ်ႊပိူဝ်ႊ သိုၵ်းမၢၼ်ႈ ၸတ်းသၢႆသိုၵ်း သိုပ်ႇမုင်ႈၼႃႈၶဝ်ႈလူမ်ႇတိုၵ်း သိုၵ်းတဢၢင်း (TNLA) ၸိူဝ်း တူင်ႉၼိုင်ယူႇသဝ်းဝႆႉယူႇၼႂ်းဝဵင်းၵျွၵ်ႉမႄးၼၼ်ႉသေ တင်းသွင်ၾၢႆႇပဵၼ်ပၢင်တိုၵ်းၵၼ်ဝႆႉႁၢဝ်ႈႁႅင်းလႄႈ ၵူၼ်းမိူင်းပိုၼ်ႉတီႈဢမ်ႇပႆႇ ၸၢင်ႈပွၵ်ႈယူႇၶိုၼ်းႁိူၼ်းၽႂ်မၼ်းႁႂ်ႈလွတ်ႈၽေး၊ ဢမ်ႇၸၢင်ႈႁဵတ်းၵၢၼ်ႁႃၵိၼ်လဵင်ႉတွင်ႉလီငၢမ်း၊ ၶူဝ်းၶွင်ၵိၼ်ယႅမ်ႉၵေႃႈႁႃသိုဝ်ႉ ယၢပ်ႇ ၼႆယဝ်ႉ။ ၵူၼ်းမိူင်းၼႂ်းဝဵင်းၵျွၵ်ႉမႄး လႄႈ ၸိူဝ်းယူႇၸွမ်းဝၢၼ်ႈသၢပ်ႇဝဵင်းၵျွၵ်ႉမႄး ဢွၼ်ၵၼ်လႆႈငိူင်ႉဝႄႈပၢင်တိုၵ်းသေ ၵႂႃႇယူႇသဝ်းဝႆႉ ဢွင်ႈတီႈလွတ်ႈၽေးမၢၵ်ႇၵွင်ႈ တီႈႁၢင်ႇၵႆပိုၼ်ႉတီႈပဵၼ်ပၢင်တိုၵ်းၼၼ်ႉၸူဝ်ႈၶၢဝ်းသေ...

ဝၢႆးလင် ၸုမ်းလုၵ်ႉၽိုၼ်ႉထွႆဢွၵ်ႇ  ဝဵင်းၾၢႆၶုၼ်ယဝ်ႉ သိုၵ်းမၢၼ်ႈႁူမ်ႈပျီႇတူႉၸိတ်ႉ ၶဝ်ႈပၵ်းတပ်ႉ ၼႂ်းဝၢၼ်ႈသေ ၸႂ်ႉၵူၼ်းပၢႆႈၽေးသိုၵ်း ၸိူဝ်းပၢႆႈသွၼ်ႈယူႇဝႆႉၸွမ်း ဝဵင်းပၢင်လွင်း ၊ ယွင်ႁူၺ်ႈ ၊ သီႇသႅင်ႇ  ဢွၼ်ၵၼ်ပွၵ်ႈယူႇႁိူၼ်းယေးၽႂ်မၼ်းၶိုၼ်း ။ ယၢမ်းလဵဝ် ၵူၼ်ႈပၢႆႈၽေးသိုၵ်းဢွၼ်ၵၼ်ပွၵ်ႈမိူဝ်းၶိုၼ်းႁိူၼ်းယေးၽႂ်မၼ်းယဝ်ႉသေတႃႉ  ယွၼ်ႉဢမ်ႇမီး ၸုမ်းလႂ်မႃးၽဵဝ်ႈပၼ်မၢၵ်ႇမႅင်းဢၼ်ၵိုတ်းၶင်ႉဝႆႉၽွင်းပၢင်တိုၵ်းၼၼ်ႉလႄႈ  ႁဵတ်းႁႂ်ႈၵူၼ်းပၢႆႈၽေးသိုၵ်း ပွၵ်ႈၶိုၼ်းႁိူၼ်းယေး ယဵပ်ႇၺႃးမၢၵ်ႇ  ။ ၼႂ်းဝၼ်းတီႈ 12/9/2025 ၵူၼ်းဝၢၼ်ႈၼႃးႁီး...

ၵူၼ်းႁဵတ်းၵၢၼ်ၵႃႉၶၢႆတီႈလိၼ် လႄႈ ၶႃႈႁၢပ်ႇၵၢၼ်ၶုၼ် ၼႂ်းႁွင်ႈၵၢၼ်လုမ်းၾၢႆႇၸတ်းၵၢၼ်လွင်ႈဝႂ်လိၼ် (မြေစာရင်းရုံး) တင်း ၽူႈၵုမ်းၾၢႆႇၵၢၼ်ၽွင်းငမ်း ၸိူဝ်းယူႇတႂ်ႈၸုမ်းသိုၵ်းမၢၼ်ႈၵုမ်းၵမ် ၼႂ်းဝဵင်းမူႇၸေႊ ႁူမ်ႈၵၼ် ၵႂႃႇယႃႉပႃႇထိူၼ်ႇ ထုၺ်လိၼ်လွႆ တီႈၵွင်းမူးလွႆ တိုင်ၶမ်း ပိုၼ်ႉတီႈသႃႇသၼႃႇ ဝဵင်းမူႇၸေႊ ၸိုင်ႈတႆးပွတ်းႁွင်ႇ ပဵၼ်ပႃးႁိမ်းၸမ် ၵွင်းမူးသပ်ႉပေႇၺုၸုမ်ႉမိူင်း (ၵွင်းမူး ၶူးဝႃးဝုၼ်းၸုမ်ႉ) ၼၼ်ႉလႄႈ ႁဵတ်းႁႂ်ႈၵူၼ်းမိူင်းမူႇၸေႊ ဢမ်ႇယွမ်းႁပ်ႉလႆႈ...

သိုၵ်းမၢၼ်ႈ ဢိင်ၶေႃႈဢၢင်ႈ ၵၢၼ်တီႉၺွပ်းၶူဝ်းၵုၼ်ႇၸိူဝ်းဢမ်ႇမီးမၢႆၾၢင်ပဵၼ်တၢင်းၵၢၼ်ၼၼ်ႉသေ သင်ႇဢိုတ်းလၢၼ်ႇ တီႈၶူဝ်ၶၢမ်ႈလႅၼ်လိၼ်မိူင်းယၢင်းၽိူၵ်ႇ - မိူင်းထႆး တီႈဝဵင်းမျႃႉဝတီႇလႄႈ ၵဵတ်ႉလၢၼ်ႇၽၵ်းတူၶၢမ်ႈလႅၼ်လိၼ် မိူင်းၶႄႇ - မိူင်းတႆး တီႈဝဵင်းမူႇၸေႊ ႁၢၼ်ႉတေႃႇယၢမ်းလဵဝ်ၵေႃႈ ပႆႇပိုတ်ႇပၼ်ႁႂ်ႈၵူၼ်းမိူင်းတေႃႉၶူဝ်းၵုၼ်ႇ ၶၢမ်ႈၵႂႃႇမႃးပဵၼ်တၢင်းၵၢၼ် ၼႆယဝ်ႉ။ ၸဝ်ႈၵၢၼ်ပၢႆးမၢၵ်ႈမီး ၸိူဝ်းတေႃႉၶူဝ်းၵုၼ်ႇ တၢင်းၾင်ႇမိူင်းထႆးလႄႈ မိူင်းၶႄႇ ၶဝ်ႈမႃးၼႂ်းမိူင်းႁူမ်ႈတုမ် (မိူင်းမၢၼ်ႈ) ၼႆႉ ဢမ်ႇၸၢင်ႈႁဵတ်းၵၢၼ်ၵႃႉၶၢႆလႆႈလွတ်ႈလႅဝ်း...

ယၢမ်းလဵဝ် ၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇၼႆႉ ႁွင်ႈၵၢၼ် ၾၢႆႇလိူမ်ႈလႆႇ ဢၼ်ယူႇတႂ်ႈသိုၵ်းမၢၼ်ႈ ၵုမ်းၵမ် ၸႂ်ႉႁူဝ်ၶေႃႈလၢႆဢၼ်သေ ၵဵပ်းၶွၼ်ႇၵူၼ်းမိူင်း ၸွမ်းႁၢၼ်ႉၶၢႆၵုၼ်ႇ ၸွမ်းၵၢတ်ႇႁၢဝ်ႈႁႅင်းမႃးၵူႈဝၼ်း ႁဵတ်းႁႂ်ႈၸဝ်ႈႁၢၼ်ႉၵမ်ႈၽွင်ႈ လႆႈပၼ်ငိုၼ်းၼိုင်ႈလိူၼ် ဢမ်ႇယွမ်း 4−5 မိုၼ်ႇပျႃး။ ၵူၼ်းႁဵတ်းၵၢၼ်ၵႃႉၶၢႆ ၼႂ်းဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ -“ၶွၼ်ႇယုၵ်းယၢၵ်းၼႆႉၵူၺ်းၵေႃႈ မိုၼ်ႇႁႃႈႁဵင်၊ ၶွၼ်ႇလွင်ႈႁူမ်ႇလူမ်ႈသမ်ႉ ၼိုင်ႈမိုၼ်ႇ၊ ၶွၼ်ႇႁူဝ်လိူၼ် (လစဉ်...

ယၢမ်းလဵဝ် ၵူၼ်းပၢႆႈၽေးသိုၵ်း ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ဢွၼ်ၵၼ်ပွၵ်ႈယူႇၶိုၼ်းႁိူၼ်း ယေးၽႂ်မၼ်းၵမ်ႈၽွင်ႈယဝ်ႉ ၵမ်ႈၼမ် လႆႈမႆႈၸႂ်တႃႇယူႇသဝ်းလႄႈ မၢၵ်ႇမႅင်းဢၼ်ၵိုတ်းၶင်ႉဝႆႉ ၸိူဝ်းၼႆႉ။ ၵူၼ်းပိုၼ်ႉတီႈ ဝဵင်းၼွင်ၶဵဝ် လၢတ်ႈတီႈၽူႈတွႆႇႁွၵ်ႈဝႃႈ - “တေႃႈလဵဝ် ႁဝ်းၶႃႈ တိုၵ်ႉလႆႈၵူဝ်ယူႇၶႃႈ ၶူဝ်းလဵင်းဢၼ်ဢဝ်မႃးၶိုၼ်း ၸိူဝ်းၼၼ်ႉၵေႃႈ ဢမ်ႇႁတ်းယႃႉထူင်မၼ်း။ ဢဝ်မႃး ၵွင်ဝႆႉ ၸိူင်ႉၼၼ်ၵူၺ်း။ ပႆႇတၢမ်းၸႂ်လႆႈ ဢမ်ႇႁူႉဝႃႈ...

သိုၵ်းမၢၼ်ႈယိုဝ်း သင်ၶၸဝ်ႈတူၼ်ႈၼိုင်ႈ လႄႈ 3 ၵေႃႉမႄႈလုၵ်ႈ တီႈပၢင်သဝ်းၵူၼ်းပၢႆႈၽေးသိုၵ်း တီႈႁိမ်းဝၢၼ်ႈၼႃးဢၢႆႈၶၢၼ်ႉ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ  ။   ၼႂ်းဝၼ်းတီႈ 24/9/2025 ယၢမ်းၵၢင်ဝၼ်း 11  မူင်း သိုၵ်းမၢၼ်ႈသွင်ၵေႃႉ ၶဝ်ႈဝၢၼ်ႈၼႃးဢၢႆႈၶၢၼ်ႉ ယိုဝ်းၶႃႈႁႅမ် ၵူၼ်းပၢႆႈၽေးသိုၵ်းၸိူဝ်းၼၼ်ႉ။ ၼႂ်း 3 ၵေႃႉမႄႈလုၵ်ႈၼၼ်ႉသမ်ႉ လုၵ်ႈဢွၼ်ႇယိင်း ပိူၼ်ႈ...