တီႈဝဵင်းၵူတ်ႉၶၢႆ ဢၼ်သိုၵ်းတဢၢင်း တိုၵ်းလႆႈၽွင်းငမ်းဝႆႉၼၼ်ႉဢိင်ၼိူဝ်ငဝ်းလၢႆးဢမ်ႇပေႃးၶႂ်ႈ ၼိမ်သဝ်းၶိုၼ်းႁေၵူၼ်းတူၵ်းၶွၵ်ႈတႂ်ႈသိုၵ်းတဢၢင်းၵုမ်းၼၼ်ႉ ဢွၵ်ႇပၢႆႈလွတ်ႈဝႆႉ 30 ပၢႆ ယၢမ်းလဵဝ်သိုၵ်းတဢၢင်းတိုၵ်ႉလမ်းႁႃယူႇဝႃႈၼႆ။ ၵူၼ်းတူၵ်းၶွၵ်ႈၸိူဝ်းၼႆႉ ပၢႆႈမိူဝ်ႈဝၼ်ႈတီႈ1/11/2025 ယၢမ်းၵၢင်ၶိုၼ်း။ ၵူၼ်းမိူင်းဝဵင်းၵူတ်ႉၶၢႆလၢတ်ႈဝႃႈ “ ၵူၼ်းတူၵ်းၶွၵ်ႈၸိူဝ်းၼႆႉပဵၼ်ၵူၼ်းၶွၵ်ႈယွၼ်ႉယႃႈမဝ်းၵမ်၊ လွင်ႈလၵ်ႉၸၵ်ႉၶုတ်ႈၸိူဝ်းၼႆႉ။ ၶွၵ်ႈလူင်ၵူတ်ႉၶၢႆၼႆႉယႂ်ႇ- ၵႅၼ်ႇၶႅင်ထၢၼ်ႇၼႆႉႁဵတ်းႁိုဝ်လႄႈ ဢွၵ်ႇပၢႆႈလႆႈပဵၼ် 30 ပၢႆပဵၼ်ဢၼ်လီဢၢမ်းလူင်လၢင် - ဢမ်ႇၼၼ်ၵေႃႈ သိုၵ်းတဢၢင်းလၵ်ႉပွႆႇႁိုဝ်ဢမ်ႇႁူႉ။ ၵူၺ်းၵႃႈတေႃႇထိုင်မိူဝ်ႈၼႆႉ ပလိၵ်ႈတဢၢင်းလမ်းႁႃယူႇၵေႃႈပႆႇႁၼ်တီႉလႆႈၶိုၼ်း...

ၵူၼ်းဝၢၼ်ႈၼႂ်းဢိူင်ႇၼမ်ႉၽၵ်းၵႃ ၸႄႈဝဵင်းၵူတ်ႉၶၢႆ 2 ၵေႃႉ  ၵႂႃႇၵဵပ်းလႆႈမၢၵ်ႇမႅင်းသေ ဢဝ်ပွၵ်ႈမႃးႁိူၼ်း မၢၵ်ႇတႅၵ်ႇ သႂ်ႇလူႉတၢႆထင်ႇတီႈ   - ဝႃႈၼႆ ။  ၼႂ်းဝၼ်းတီႈ 2 /11/2025  ယၢမ်းႁူဝ်ၶမ်ႈမွၵ်ႈ 5 မူင်း ၵူၼ်းမိူင်း 2 ၵေႃႉ တီႈပွၵ်ႉ 5 ထုင်ႉၼမ်ႉၽၵ်းၵႃ ၵဵပ်းလႆႈမႃး...

ၽွင်းသိုၵ်းမၢၼ်ႈထူဝ်းသိုၵ်းၶဝ်ႈၼႂ်းၸႄႈဝဵင်းဝၢၼ်ႈငႂ်ႈ (ယႂႃႇငၢၼ်ႇ) ၸိုင်ႈတႆးပွတ်းၸၢၼ်းၼၼ်ႉ ပူႇၵႄႇ လႄႈ ၵူၼ်းမိူင်း ထုၵ်ႇၵူၼ်းဢမ်ႇႁူႉၾၢႆႇၶဝ်ႈမႃး ၶႃႈႁႅမ်တၢႆ ။ ၼႂ်းဝၼ်းတီႈ 28/10/2025 မီးၸုမ်းဢမ်ႇႁူႉၾၢႆႇၶဝ်ႈၼႂ်းဝၢၼ်ႈၵျွၵ်ႉပီႉသပ်ႉ ( ကျောက်ပိဇပ် ) သေ ယိုဝ်းပူႇၵႄႇလုင်းတိၼ်ႉဝေႇ( ဦးတင့်ဝေ) ဢႃယု 40 ပီလႄႈ ၺီႇထုတ်ႉ(ညီထွဋ် ) ဢႃယု 30...

သိုၵ်းတဢၢင်း TNLA ပိုၼ်ၽၢဝ်ႇႁၢမ်ႈၸႂ်ႉၶိူင်ႈတီႉဢိၼ်ႊထိူဝ်ႊၼႅတ်ႉယဝ်ႉဢမ်ႇႁိုင် ၵူၼ်းမိူင်းဝဵင်းၼမ်ႉတူႈႁၢႆဝႆႉ - ၵူၼ်းၼႂ်းပွၵ်ႉတႄႉဝႃႈ ၺႃးသိုၵ်းတဢၢင်းတီႉၺွပ်းဝႃႈၼႆသေတႃႉ တေႃႇထိုင်ဝၼ်းမိူဝ်ႈၼႆႉၵပ်းသိုပ်ႇပႆႇလႆႈလႄႈ ၵႂႃႇမီးတီႈလႂ်ပႆႇလႆႈႁူႉ။ တႄႇၵၢင်လိူၼ်ဢွၵ်ႉထူဝ်ႊပိူဝ်ႊမႃး သိုၵ်းတဢၢင်း  TNLA ၶဝ်ၵူတ်ႇထတ်း ၶိူင်ႈသတႃႊလိင်ႉ ၼႂ်းၸႄႈဝဵင်းၼမ်ႉတူႈ ၵူႈပွၵ်ႉယွမ်ႇ ၵူႈဝၢၼ်ႈဢိူင်ႇ။ ထိုင်မႃးႁၢင်လိူၼ်ၼႆႉ ၸၢႆးသႅၼ်းပၢၼ်ၶၢဝ်ႉ ဢႃယုမွၵ်ႈ 60 ပီ ဢၼ်မီးၶိူင်ႈဢိၼ်ႊထိူဝ်ႊၼႅတ်ႉ သတႃႊလိင်ႉဝႆႉတီႈႁိူၼ်းၵေႃႈႁၢႆၵႂႃႇတေႃႇထိုင်မိူဝ်ႈၼႆႉ လႆႈမႃးဝူင်ႈပၢႆယဝ်ႉ...

ၵူၼ်းမိူင်းၽၵ်းၵႃႇ ဝဵင်းၾၢႆၶုၼ်ၸိုင်ႈတႆးပွတ်းၸၢၼ်း ၸိူဝ်းဢမ်ႇၸႂ်ႈၶႃႈႁၢပ်ႇၵၢၼ်ၶုၼ် ၸိူဝ်း ၼၼ်ႉ လႆႈသိုဝ်ႉၸႂ်ႉၾႆးၾႃႉ ၼိုင်ႈလိူၼ် ၼပ်ႉႁူဝ်မိုၼ်ႇပျႃး  ။ ဝဵင်းၾၢႆၶုၼ် ဢၼ်ထူပ်းၽေးပၢင်တိုၵ်းၼၼ်ႉ ဝၢႆးလင် ၸုမ်းလုၵ်ႉၽိုၼ်ႉထွႆဢွၵ်ႇဝဵင်းယဝ်ႉ သိုၵ်းမၢၼ်ႈႁူမ်ႈပျီႇတူႉၸိတ်ႉ ၶဝ်ႈပၵ်းတပ်ႉ ၼႂ်းဝၢၼ်ႈၼႂ်းဝဵင်းသေ ၸႂ်ႉၵူၼ်းပၢႆႈၽေးသိုၵ်း ၸိူဝ်းပၢႆႈသွၼ်ႈယူႇဝႆႉၸွမ်း ဝဵင်းပၢင်လွင်း ၊ ယွင်ႁူၺ်ႈ ၊ သီႇသႅင်ႇ  ဢွၼ်ၵၼ် ပွၵ်ႈယူႇႁိူၼ်း...

ၵူၼ်းပၢႆႈၽေးသိုၵ်း ဝၢၼ်ႈၼွင်ထဝ် ဢၼ်ပၢႆႈမႃးယူႇဝႆႉ တီႈၵျွင်းမူၺ်ႇတေႃႇ -  ဝၢၼ်ႈၽြႃးၽိူၵ်ႇ ပွၵ်ႉဢွင်ႇၶျၢၼ်းတႃႇ(အောင်ချမ်းသာ )  လႄႈ ပွၵ်ႉႁူဝ်ၶႄး ၼႂ်းဝဵင်းသီႇသႅင်ႇ ၸိုင်ႈတႆး ပွတ်း ၸၢၼ်းၼၼ်ႉ  ယၢမ်းလဵဝ် လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ် ႁၢဝ်ႈႁႅင်း ဝႆႉၼႆယဝ်ႉ ။ ၸုမ်းၸွႆႈထႅမ် ပရႁိတ ၼႂ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ႁိူၼ်းယေးထုၵ်ႇၽဝ်ဢမ်ႇမီးတီႈယူႇဢမ်ႇၸၢင်ႈပွၵ်ႈၶိုၼ်း တလဵဝ်...

ဝၢႆးလင်ပၢင်တိုၵ်းၽႅၼ်ယၼ်ႇသိုၵ်း 1027 ပွၵ်ႈၵမ်းၼိုင်ႈမႃး ၼႂ်းၶၢဝ်းတၢင်း  1 ပီပၢႆၼႆႉ တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း (TNLA) ၶဝ်ႈယိုတ်းၵုမ်းၵမ် ဝဵင်းၼမ်ႉၶမ်း တီႈလႅၼ်လိၼ် မိူင်းတႆး- မိူင်းၶႄႇ တိတ်းၸပ်းၵၼ် ၼႂ်းမိူင်းတႆးပွတ်းႁွင်ႇသေ ပၼ်ႇၵၢၼ်ၽွင်းငမ်းဝႆႉ ႁၢၼ်ႉတေႃႇထိုင်ယၢမ်းလဵဝ်။ ၼႂ်းၶၢဝ်းတၢင်း 1 ပီပၢႆ တႂ်ႈၵၢၼ်ၽွင်းငမ်းသိုၵ်းတဢၢင်းၼႆႉ ၵူၼ်းမိူင်းဝဵင်းၼမ်ႉၶမ်း ၺႃးၶႃႈႁၢပ်ႇၵၢၼ်ၼႂ်းတပ်ႉသိုၵ်းတဢၢင်း မိပ်ႇငႅၼ်း တဵၵ်းတဵင်...

ၵူၼ်းပၢႆႈၽေးသိုၵ်း ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ယဵပ်ႇၺႃးမၢၵ်ႇ ႁိမ်းဝၢၼ်ႈၼမ်ႉမင်းသေ ဢွၼ်ႇယိင်းၵေႃႉၼိုင်ႈ တၢႆထင်တီႈ ထဝ်ႈၸၢႆးၵေႃႉၼိုင်ႈ မၢတ်ႇၸဵပ်းတီႈၶႅၼ်  ။  ဝၼ်းတီႈ 25/10/2025   ဝၼ်းသဝ် ဝၢႆးဝၼ်း 1 မူင်းပၢႆ ထဝ်ႈၸၢႆးၵေႃႉၼိုင်ႈလႄႈ ဢွၼ်ႇယိင်းၵေႃႉၼိုင်ႈ ၽွင်းၵႂႃႇဢဝ်ၶူဝ်းၶွင် တီႈထဵင်ၼႂ်းႁႆႈ ႁိမ်းဝၢၼ်ႈၼမ်ႉမင်းၼၼ်ႉ ၽႃႇၺႃးမၢၵ်ႇ ဢၼ်ႁၢင်ႈၵၢင်ဝႆႉႁိမ်းတၢင်းသေ လႆႈမၢတ်ႇၸဵပ်းလူႉတၢႆ ဝႃႈၼႆ။ ၵူၼ်းၼုမ်ႇၼႂ်းပိုၼ်ႉတီႈၵေႃႉၼိုင်ႈ...

ၽွင်းသိုၵ်းမၢၼ်ႈႁၢင်ႈႁႅၼ်းတႃႇႁဵတ်းပွႆးပွႆႇႁူင်းၾႆးမိၼ်လိူၼ်သိပ်းသွင် ဝဵင်းတူၼ်ႈတီးယူႇၼႆႉ တႃႇလွင်ႈႁူမ်ႇလူမ်ႈၼႆသေ ထတ်းရူတ်ႉၵႃးႁၢဝ်ႈႁႅင်း- ဢမ်ႇပၼ်ရူတ်ႉတၢင်ႇၵုၼ်ႇ ၶဝ်ႈဢွၵ်ႇဝဵင်း ၵူၼ်းမိူင်းဝဵင်းတူၼ်ႈတီးလၢတ်ႈၼင်ႇၼႆ။ သိုၵ်းမၢၼ်ႈႁၢမ်ႈဢမ်ႇပၼ်ရူတ်ႉတၢင်ႇၵုၼ်ႇ ၶဝ်ႈဢွၵ်ႇဝဵင်း၊ ဢမ်ႇပၼ်တႆႇသဵၼ်ႈတၢင်းၵၢင်ဝဵင်း ပႃးၸဵမ်သဵၼ်ႈတၢင်းလဵပ်ႈဝဵင်းၸိူဝ်းၼႆႉ တႃႇၶၢဝ်းတၢင်း 8 ဝၼ်း ၽွင်းပွႆးဝႃႈၼႆ။ ပေႃးထိုင်မႃးဝၼ်းတီႈ 29/10/2025 ၼႆႉ ႁွင်ႈၵၢၼ်ၾၢႆႇၽွင်းငမ်းဝဵင်းတႂ်ႈသိုၵ်းမၢၼ်ႈ တေၸတ်းႁဵတ်း ပွႆးႁူင်းၾႆးမိၼ်  တီႈပၢင်ႇ ဢဝေႇရႃႇ ဝဵင်းတူၼ်ႈတီး ၊ တွၼ်ႈတႃႇ...

သိုၵ်းမၢၼ်ႈသီႇပေႃႉ ထႅမ်ႁႅင်းသိုၵ်းၶိုၼ်ႈၸူးၼမ်ႉတူႈ ဢိူမ်ႈၸမ်ၶူဝ်တႃႈတေႈ ၼႂ်းၵႄႈ သီႇပေႃႉ – ၼမ်ႉတူႈ ၸိုင်ႈတႆးပွတ်းႁွင်ႇ ႁဵတ်းႁႂ်ႈၵူၼ်းမိူင်း ဝဵင်းၼမ်ႉတူႈ ဢွၼ်ၵၼ်မႆႈၸႂ်လွင်ႈႁူမ်ႇလူမ်ႈ သေ ငိူင်ႉပၢႆႈထႅင်ႈဝႃႈၼႆ ။   ၼႂ်းဝၼ်းတီႈ 21/10/ 2025 ယၢမ်းႁူဝ်ၶမ်ႈ 5 မူင်းၼၼ်ႉ သိုၵ်းမၢၼ်ႈ ၶလယ 23   ဝဵင်းသီပေႃႉ...

သိုၵ်းတဢၢင်း TNLA ၸိူဝ်းပၵ်းတပ်ႉပၢင်သဝ်း ပၼ်ႇၵၢၼ်ၽွင်းငမ်း ၼႂ်းထုင်ႉမၢၼ်ႈၸၢမ် ၸႄႈဝဵင်းၼမ်ႉတူႈဝႆႉ ဢွၵ်ႇၶေႃႈၸီႉသင်ႇ ႁႂ်ႈၵူၼ်းမိူင်း ဢိုတ်းၶိူင်ႈသတႃးလိင်ႉ (Starlink) လႆႈႁူႉၼင်ႇၼႆ။ သိုၵ်းတဢၢင်းလၢတ်ႈမိူဝ်ႈဝၼ်းတီႈ 17/10/2025 ဝႃႈ - တႄႇဝၼ်းတီႈ 18/10/2025 ၼႆႉၵႂႃႇ ၵူၼ်းမိူင်း တီႈ ထုင်ႉမၢၼ်ႈၸၢမ် တေလႆႈဢိုတ်းဝႆႉသတႃးလိင်ႉတင်းသဵင်ႈၼႆ ၼုမ်ႇၸၢႆးဢႃႇယု 35 ပီ...

မိူဝ်ႈၼႆႉ ဝၼ်းတီႈ 17/10/2025 ယၢမ်းၵၢင်ၼႂ် 7 မူင်းပၢႆ သိုၵ်းမၢၼ်ႈယိုတ်းမိူင်း ပွႆႇမၢၵ်ႇသႂ်ႇ တီႈဝၢၼ်ႈႁူဝ်မိူင်း ၸႄႈဝဵင်းၼမ်ႉသၼ်ႇ လႄႈ ၼႂ်းဝဵင်းၼမ်ႉတူႈ ဢွင်ႈတီႈသိုၵ်းတဢၢင်း TNLA  ၵုမ်းၵမ် ၼႂ်းမိူင်းတႆးပွတ်းႁွင်ႇ။ ယွၼ်ႉမၢၵ်ႇသိုၵ်းႁိူဝ်းမိၼ် တူၵ်းတႅၵ်ႇသႂ်ႇၺႃးႁိမ်းႁူင်းႁဵၼ်းသွၼ်လိၵ်ႈၸၼ်ႉသုင် မၢႆ (1) (အထက-၁)  ဝဵင်းၼမ်ႉတူႈသေ မၢတ်ႇ ၸဵပ်းၵႂႃႇ 4...

မိူဝ်ႈၼႆႉ ဝၼ်းတီႈ 14/10/2025 ယၢမ်းၵၢင်ၼႂ်ၸမ် 7 မူင်း သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ် ပွႆႇမၢၵ်ႇသႂ်ႇ တီႈဝၢၼ်ႈ ဢုမ်ႇၸွၼ်ႈ(အုမ်းစွမ်)ၼႂ်းဝဵင်းၼမ်ႉသၼ်ႇ ဢွင်ႈတီႈသိုၵ်းတဢၢင်းၵုမ်းၵမ် ၼၢင်းယိင်းဢွၼ်ႇ 2 ပီႈၼွင်ႉ မၢတ်ႇၸဵပ်း လႄႈလူႉတၢႆ ႁိူၼ်းယေးၵေႃႈ လူႉၵွႆ 8 လင်ဝႃႈၼႆ။ ယိင်းသၢဝ် သွင်ၵေႃႉပီႈၼွင်ႉ ၵေႃႉပီႈဢႃႇယု 17...

သိုၵ်းၵဝ်ႈၵၢင်ႉ လႄႇလမ်းႁႃ သိုဝ်ႉလွၵ်းလိၼ် တီႈၵူၼ်းဝၢၼ်ႈ ပၢင်ၽၢတ်ႇ ဢိူင်ႇမိူင်းလီ ၸိုင်ႈတႆးပွတ်းႁွင်ႇဝႃႈၼႆ ။ တႄႇၼႂ်းႁူဝ်လိူၼ် ဢွၵ်ႊထူဝ်ႊပိူဝ်ႊ ၼႆႉမႃး သိုၵ်းၵဝ်ႈၵၢင်ႉလၢတ်ႈတီႈၵူၼ်းဝၢၼ်ႈပၢင်ၽၢတ်ႇဝႃႈ တေႁဵတ်း ႁူင်းၸၢၵ်ႈၸႅတ်ႈထွင်ႁႄႈ (သတ္တုသန့်စင်စက်ရုံ ) ၼႆသေလႄႇလမ်းႁႃ သိုဝ်ႉလွၵ်းလိၼ် တီႈၵူၼ်းဝၢၼ်ႈ ပၢင်ၽၢတ်ႇ ၼိုင်ႈဢေႊၶိူဝ်ႊ သိုၵ်းၵဝ်ႈၵၢင်ႉယွၼ်းသိုဝ်ႉ 150 သႅၼ်ပျႃး  ။ ၼၢင်းယိင်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“တႃႇႁဵတ်းႁူင်းၸၢၵ်ႈၸႅတ်ႈထွင်ႁႄႈၼႆသေ...

သိုၵ်းမၢၼ်ႈဢဝ်ႁိူဝ်းမိၼ်ပွႆႇမၢၵ်ႇ တီႈဝဵင်းမိူင်းငေႃႉ မိူင်းလူင် ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ   ၵူၼ်းမိူင်းတၢႆ 10 ပၢႆ  ၼႂ်းၼၼ်ႉ ပႃးလုၵ်ႈဢွၼ်ႇ ဢႃယု 2 ၶူပ်ႇ ။ မိူၼ်ၼႆႉ ဝၼ်းတီႈ 8/10/2025  ယၢမ်းၵၢင်ၼႂ် 11 မူင်းပၢႆၼႆႉ ႁိူဝ်းမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇၼႂ်းပွၵ်ႉတႃႈလူင် ဝဵင်းမိူင်းငေႃႉ ထႅင်ႈ 2...