ၼႂ်းၶၢဝ်းတၢင်းယိုတ်းဢႃႇၼႃႇၸိုင်ႈမိူင်းမႃး 4 ပီပၢႆၼႆႉ ႁိူၼ်းယေးၵူၼ်းမိူင်း ၸိူဝ်းၺႃးၸုတ်ႇၽဝ်လူႉၵွႆ မီး 1 သႅၼ်ပၢႆယဝ်ႉၼႆ ၸုမ်း Data for Myanmar ၵဵပ်းၶေႃႈမုလ်ႊ ပိုၼ်ၽၢဝ်ႇဝႆႉၼင်ႇၼႆ။ ၼႂ်းဝၼ်းတီႈ 23/11/2025 ၸုမ်း Data for Myanmar ပိုၼ်ၽၢဝ်ႇဝႆႉဝႃႈ - တႄႇဢဝ်ၼႂ်းဝၼ်းတီႈ 1/5/2021 တေႃႇထိုင်...

မိူဝ်ႈလိူၼ် ၵျႅၼ်ႊၼိဝ်ႊရီႊ ပီ 1960 မီးၼၢင်းယိင်းသၢမ်ၵေႃႉ ဢၼ်ယူႇသဝ်းဝႆႉမိူင်း Dominican လႆႈၶဝ်ႈႁူမ်ႈပႃးၼႂ်းၵၢၼ်တူင်ႉၼိုင် ၵၢၼ်မိူင်းလႄႈ ၵၢၼ်လုၵ်ႉၽိုၼ်ႉသၢၼ်ၶတ်း လူင်ပွင်ၸိုင်ႈသိုၵ်းမႃး ။ ထိုင်မႃး မိူဝ်ႈဝၼ်းတီႈ 25 လိူၼ် ၼိူဝ်ႊဝႅမ်ႊပိူဝ်ႊ ပီ 1960 ၼၼ်ႉၶဝ်ပီႈၼွင်ႉလႆႈထုၵ်ႇႁဵတ်းႁၢႆႉ ၶႃႈႁႅမ်တၢႆ ၊ လွင်ႈၼႆႉႁဵတ်းႁႂ်ႈပဵၼ်ႁႅင်းဢီး ၵၢၼ်လုၵ်ႉၽိုၼ်ႉၸဝ်ႈဢႃၼႃႇသိုၵ်း တူင်ႉတိုၼ်မႃးတႄႉတႄႉလႄႈ ...

ၵူၼ်းၵိၼ်လဝ်ႈ ၵိၼ်ယႃႈဢူၼ်မေႃး ၽွင်းၵၢင်ၶမ်ႈၵၢင်ၶိုၼ်း တီႈဝၢၼ်ႈဝေႃႇၼဵင်ႈ (ဝေါ်နိမ်) ၼႂ်းပွၵ်ႉ 1 ဝဵင်းၵဵင်းတုင် ၸိုင်ႈတႆးပွတ်းဢွၵ်ႇ ဢမ်ႇမီးၸုမ်းလႂ် ၸွႆႈၵႄႈပၼ်လႄႈ ႁဵတ်းႁႂ်ႈ ၵူၼ်းပိုၼ်ႉတီႈ ဢမ်ႇၸၢင်ႈလိုဝ်ႈၸၢင်ႈၼွၼ်း လႄႈ ဢမ်ႇမီးလွင်ႈႁူမ်ႇလူမ်ႈ ၼႆယဝ်ႉ။ ၼၢင်းယိင်းၼႂ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -  “ၼႂ်းပွၵ်ႉ1 ၼၼ်ႉ မီးၵူၼ်းၶၢႆယႃႈ လႄႈ ဢွၼ်ၵၼ်မႃးသိုဝ်ႉၵိၼ်ၵၼ် ၊...

သိုၵ်းမၢၼ်ႈႁူမ်ႈ ပျီႇတူႉၸိတ်ႉပဢူဝ်း PNO ပွႆႇမၢၵ်ႇလူင် ၼႂ်းၸႄႈဝဵင်းၾၢႆၶုၼ်  ၸၢၵ်ႇမၢၵ်ႇ တိူဝ်ႉသႂ်ႇ ၼၢင်းယိင်း ၵူၼ်းပၢႆႈၽေးသိုၵ်း တၢႆ  ထင်တီႈ 3 ၵေႃႉ ဝႃႈၼႆ ။ ၼႂ်းဝၼ်းတီႈ 22 /11/2025 ယၢမ်းၵၢင်ၼႂ် 10 မူင်း သိုၵ်းမၢၼ်ႈႁူမ်ႈပျီႇတူႉၸိတ်ႉပဢူဝ်း PNO လၢမ်းပွႆႇမၢၵ်ႇလူင် ႁိမ်းဝၢၼ်ႈဝေႃႉယၢၼ်...

တႄႇဝၼ်းတီႈ 14 လိူၼ်ၼူဝ်ႊဝႅမ်ႊပိူဝ်ႊမႃး သိုၵ်းမၢၼ်ႈ တင်း သိုၵ်းၵဝ်ႈၵၢင်ႉ ၶႅင်ႇၵၼ်ပိၵ်ႉၶူဝ်ဢိုတ်းသဵၼ်ႈတၢင်းလူင်ႁၢႆးဝေးတီႈဝဵင်းသီႇပေႃႉ ဢၼ်မီးၵႄႈၵၢင် ဝဵင်းလိူဝ်ႇ-လႃႈသဵဝ်ႈ- မူႇၸေႊၼၼ်ႉသေ ၵူၼ်းမိူင်း ၸိူဝ်း လႄႈ ၸဝ်ႈရူတ်ႉၵႃး ၸိူဝ်းၸႂ်ႉတိုဝ်းသဵၼ်ႈတၢင်းၼၼ်ႉ ဢွၼ်ၵၼ်ႁူပ်ႉတၢင်းယၢပ်ႇၽိုတ်ႇႁၢဝ်ႈႁႅင်း။ ႁၢၼ်ႉတေႃႇထိုင်ဝၼ်းမိူဝ်ႈၼႆႉ (22/11/2025) ၵေႃႉ ပႆႇပိုတ်ႇပၼ်သဵၼ်ႈတၢင်း ၼႆယဝ်ႉ။ မိူဝ်ႈဝၼ်းတီႈ 21 လိူၼ်ၼူဝ်ႊဝႅမ်ႊပိူဝ်ႊ ပလူင်ႈဢၼ်တေႃႉဢဝ်...

ၵူၼ်းပၢႆႈၽေးသိုၵ်း ႁူဝ်ၵူၼ်း 500 ပၢႆ ဢၼ်မီးတီႈၼႂ်းၸႄႈဝဵင်း ပၢင်လွင်း - ၾၢႆၶုၼ်  ၸိုင်ႈတႆးပွတ်းၸၢၼ်း လူဝ်ႇတၢင်းၸွႆႈထႅမ် ၶူဝ်း လႄႈ ယႃႈယႃ ။ ၼႂ်းလိူၼ် သႅပ်ႊထႅမ်ႊပိူဝ်ႊ ပူၼ်ႉမႃးၼႆႉ  သိုၵ်းမၢၼ်ႈႁူမ်ႈပျီႇတူႉၸိတ်ႉပဢူဝ်း ထူဝ်းသိုၵ်းၶဝ်ႈ ၼႂ်းဝၢၼ်ႈဝေႃႉယၢၼ်ႇ ဢၼ်မီးၾၢႆႇႁွင်ႇ ၾၢႆၶုၼ်ၼၼ်ႉသေ တုမ်ႉတိူဝ်ႉပဵၼ်ပၢင်တိုၵ်းၵၼ် တင်းၸုမ်းလုၵ်ႉၽိုၼ်ႉႁၢဝ်ႈႁႅင်း  ႁဵတ်းႁႂ်ႈ...

တႄႇႁၢင်လိူၼ်ဢွၵ်ႉထူဝ်ႊပိူဝ်ႊၼၼ်ႉမႃး ပျီႇတူႉၸိတ်ႉ PNO တဵၵ်းၶၢၼ်းၵူၼ်းဝၢၼ်ႈထီႇရီး ၊ ၼမ်ႉပွၼ် ၊ ၼမ်ႉဢုၼ်ႇဢၼ်မီးၼႂ်းထုင်ႉၸၢမ်ၵႃး ၸႄႈဝဵင်းယွင်ႁူၺ်ႈၾိုၵ်းၵၢၼ်သိုၵ်း ၼႆသေ တဵၵ်းဢဝ် သူင်ႇၼႃႈသိုၵ်း ဝႃႈၼႆ ။ ပျီႇတူႉၸိတ်ႉပဢူဝ်း လွၵ်ႇငိုတ်ႈလၢတ်ႈဝႃႈ ၽႂ်ဢမ်ႇၵႂႃႇတေတီႉၺွပ်းၼႆလႄႈ ၵူၼ်းဝၢၼ်ႈၼႂ်းထုင်ႉၸၢမ်ၵႃး လႆႈၵႂႃႇၼႃႈသိုၵ်းၼိုင်ႈဝၢၼ်ႈ 20 ၵေႃႉ ၼႂ်းၸႄႈဝဵင်းပၢင်လွင်း- ၾၢႆႇၶုၼ် လႅၼ်လိၼ် တႆး-...

ၸုမ်းသိုၵ်းမၢၼ်ႈတင်ႈၵဵတ်ႉလၢၼ်ႇၵူတ်ႇထတ်းၶူဝ်းၵုၼ်ႇၶဝ်ႈ/ဢွၵ်ႇ တီႈဝဵင်းမိူင်းပွၼ် ဝၼ်းဝၼ်းၶိုၼ်းၶိုၼ်း ႁဵတ်းႁႂ်ႈ ရူတ်ႉၵႃးတၢင်ႇၶူဝ်းၵုၼ်ႇ တိတ်းၶမ်ယိုတ်ႈယၢဝ်းပဵၼ်ထႅဝ် ။ သိုၵ်းမၢၼ်ႈတႄႇၵူတ်ႇထတ်းၵႃးတၢင်ႇၶူဝ်းၵုၼ်ႇၼႆႉ တႄႇဢဝ်ၵၢင်လိူၼ် ၼူဝ်ႊဝႅမ်ႊပိူဝ်ႊၼႆႉမႃး။ ၾၢႆႇၼိုင်ႈၵေႃႈၼိူဝ်သဵၼ်ႈတၢင်း လွႆလႅမ်- မိူင်းပွၼ် သမ်ႉတိုၵ်ႉမႄးၶုတ်း/သိူဝ်ႇသဵၼ်ႈတၢင်းၵႃးလႄႈယိင်ႈၶႅၼ်းႁဵတ်းႁႂ်ႈၵႃးတိတ်းၶမ်ယၢဝ်း ၼႆၵူၼ်းႁေႃႈရူတ်ႉၵႃးတၢင်ႇၵုၼ်ႇ တူၼ်ႈတီး-လွႆလႅမ်ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈၼင်ႇၼႆ။ “ၶဝ်ပႂ်ႉၵူတ်ႇထတ်းၾၢႆႇတူၵ်းမိူင်းပွၼ်ၼၼ်ႉဢေႃႈ။ ၶဝ်ၸႂ်ႉဢဝ်ၶူဝ်းၵုၼ်ႇလူင်းရူတ်ႉသေၵူတ်ႇထတ်းထိုင် တၢင်းၼႂ်းပႃး။ ၶူဝ်းမၢင်ၸိူဝ်းၵေႃႈ ၶဝ်တီႉဝႆႉ ဢမ်ႇပၼ်ဢဝ်တၢင်ႇၵႂႃႇပႃး။ ၸိူဝ်းၼႆႉႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇ။ ၶဝ်သမ်ႉမႄးတၢင်းပႃးလႄႈသဵၼ်ႈတၢင်းၵေႃႈပဵၼ်ၵူမ်ႇပဵၼ်ဢုင် ရူတ်ႉၵႃးတိတ်းၶမ်” တီႈသဵၼ်ႈတၢင်းလူင် တူၼ်ႈတီး−လွႆလႅမ်ၼႆႉ...

သိုၵ်းမၢၼ်ႈၵုမ်းဝဵင်းၾၢႆၶုၼ် ၸိုင်ႈတႆးပွတ်းၸၢၼ်း ပႂ်ႉၸွမ်းသဵၼ်ႈတၢင်းၵူတ်ႇထတ်းၵူၼ်းၶဝ်ႈဢွၵ်ႇဝၢၼ်ႈ/ဝဵင်း ၵူၼ်းမိူင်းယၢပ်ႇၽိုတ်ႇတႃႇၵႂႃႇႁဵတ်းၵၢၼ်သူၼ်ႁႆႈၼႃး။ ႁၢင်လိူၼ်ၼူဝ်ႊဝႅမ်ႊပိူဝ်ႊၼႆႉမႃး သိုၵ်းမၢၼ်ႈတႄႇၶဝ်ႈၵုမ်းဝဵင်းၾၢႆၶုၼ်ၶိုၼ်း။ ဝၢႆးၼၼ်ႉတဵၵ်းႁႂ်ႈ ၵူၼ်းပၢႆႈၽေးသိုၵ်း ပွၵ်ႈယူႇၶိုၼ်းႁိူၼ်းယေး။ၵူၺ်းၵႃႈဝဵင်းမိူင်းပၢႆးသမ်ႉ တိုၵ်ႉပဵၼ်ပၢင်တိုၵ်းယူႇတေႃႇထိုင်ယၢမ်းလဵဝ်။ ၼုမ်ႇၸၢႆးတႆးၵူၼ်းမိူင်းဝဵင်းၾၢႆၶုၼ် လၢတ်ႈတီႈၽူႈတွႆႇႁွၵ်ႈဝႃႈ-“ယၢမ်းလဵဝ်ၼႆႉသိုၵ်းမၢၼ်ႈပႂ်ႉႁူဝ်ဝဵင်းႁၢင်ဝဵင်းသေ ၵူတ်ႇထတ်းၵူၼ်းၼႂ်းဝဵင်းၶဝ်ႈဢွၵ်ႇၵႂႃႇမႃး။ထၢမ်တိၵ်းတိၵ်းထၢမ်ၵူႈၵမ်းလႄႈ ႁဝ်းၶႃႈၵူၼ်းမိူင်းယၢပ်ႇၽိုတ်ႇဢေႃႈ။ မိူၼ်ၼင်ႇဝၢၼ်ႈလႁႄႇၼႆ 4 မူင်းၶိုင်ႈဝၢႆးဝၼ်းၼႆႉ တေလႆႈထိုင်ၶိုၼ်းႁိူၼ်းၼႆၶႃႈလူးသိုၵ်းမၢၼ်ႈ သင်ႇဝႆႉ။ ၵွပ်ႈၼႆလႄႈ  ဢမ်ႇယဝ်ႉၵၢၼ်ၵေႃႈ ၵႃႈလႆႈဝႆႉၵၢၼ်ဝႆႉငၢၼ်းသေပွၵ်ႈႁိူၼ်းၶိုၼ်း ႁႂ်ႈၶိုတ်းၶၢဝ်းယၢမ်း ၼၼ်ႉယဝ်ႉၶႃႈ။ ပေႃးမိူၼ်ၼႆမႃး ဢၼ်ႁဝ်းဢဵၼ်းဢၢၼ်းဝႆႉၼၼ်ႉဢမ်ႇယဝ်ႉဢမ်ႇတူဝ်ႈ...

မိူဝ်ႈဝႃး ဝၼ်းတီႈ 13/11/2025 ယၢမ်းဝၢႆးဝၼ်း  4 မူင်း ၵူၼ်းမိူင်းဝၢၼ်ႈၸၢမ်ၽိူၵ်ႇ ၼႂ်းၸႄႈသီႇပေႃႉ ၸိုင်ႈတႆးပွတ်းႁွင်ႇ ယဵပ်ႇၺႃးမၢၵ်ႇ မၢတ်ႇၸဵပ်းတီႈတိၼ်ၶႂႃလႄႈ ၶႅၼ်ၶႂႃ ႁၢဝ်ႈႁႅင်း ဝႃႈၼႆ ။ ၵေႃႉဢၼ်ယဵပ်ၺႃးမၢၵ်ႇၼၼ်ႉ ပဵၼ် လုင်းၵေႃးလိယ ဢႃယု 64 ပီ ။ ပဵၼ်ပူႇပၢၼ်း ဢဝ်ပုၼ်ႈၽွၼ်းပႂ်ႉသုမ်ႉလူႇၶၢမ်ႇ ႁိမ်းမူၵ်ႉဢူး...

သိုၵ်းမၢၼ်ႈၶဝ်ႈတီႉၺွပ်းၵူၼ်းမိူင်း 7 ၵေႃႉ တီႈဝၢၼ်ႈငႂ်ႈ (ယႂႃႇငၢၼ်ႇ )  ၸိုင်ႈတႆးပွတ်းၸၢၼ်း ထိုင်ဝၼ်းမိူဝ်ႈၼႆႉ ပႆႇပွႆႇပၼ်ၶိုၼ်း   ။ တႄႇၼႂ်းႁူဝ်လိူၼ် ၼူဝ်ႊဝႅမ်ႊပိူဝ်ႊမႃး သိုၵ်းမၢၼ်ႈၶဝ်ႈၼႂ်းႁိူၼ်းၵူၼ်းဝၢၼ်ႈ ၼပၢၼ်းၵျီး  သေတီႉၺွပ်း ၵူၼ်းဝၢၼ်ႈ 2 ၵေႃႉ ထိုင်ဝၼ်းမိူဝ်ႈၼႆႉ ပႆႇလႆႈႁူႉဝႃႈ တီႉယွၼ်ႉသင်။ ၼၢင်းယိင်းၼႂ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ သိုၵ်းမၢၼ်ႈၶဝ်ႈတီႉထိုင်ႁိူၼ်း ၊ ယွၼ်ႉသင်လႄႈ...

ငိုၼ်းတႃႇၵမ်ႉထႅမ်ၵူၼ်းၸိူဝ်းၵႂႃႇၾိုၵ်းၵၢၼ်သိုၵ်းၼႆ သိုၵ်းမၢၼ်ႈၸႂ်ႉၵၢင်ႉၵႄႇၼႂ်းထုင်ႉပူင်း  ၵဵပ်းတီႈၵူၼ်းမိူင်းၵူႈလိူၼ်ယူႇၵေႃႈ ၵမ်းၼႆႉသမ်ႉဝႃႈဢမ်ႇမီးၵူၼ်းၵႂႃႇၾိုၵ်းၵၢၼ်သိုၵ်းယဝ်ႉၼႆသေ တေႁႂ်ႈၵူၼ်းသႂ်ႇငိုၼ်းၸိူဝ်းၼၼ်ႉမႃးၸူၵ်းမႄးတႃႇၵႂႃႇၾိုၵ်းၵၢၼ်သိုၵ်းၼႆထႅင်ႈ။ ၵၢင်ႉၵႄႇလၢတ်ႈဝႃႈ    တႄႇဢဝ်ၼႂ်းလိူၼ် တီႊသႅမ်ႊပိူဝ်ႊ ပီ 2025 ၼႆႉၵႂႃႇ ၵူၼ်းၸၢႆး ၼႂ်းထုင်ႉပူင်း ဢႃယု  18 ၶိုၼ်ႈၼိူဝ် တေလႆႈၸူၵ်းမႄး တႃႇၵႂႃႇႁၢပ်ႇ ၵၢၼ်သိုၵ်းမၢၼ်ႈ ။ ဢိူင်ႇဢၼ်တေလႆႈၸူၵ်းမႄးတႃႇၵႂႃႇႁၢပ်ႇၵၢၼ်သိုၵ်းမၢၼ်ႈၼၼ်ႉ ပဵၼ်ၼႂ်း ဢိူင်ႇဢတူင်းတေႃႇ ၊ ဢိူင်ႇၼႃးႁီး ၊...

ၸုမ်းၵူၼ်းၼုမ်ႇတႆး “တီႇတၢင်း (ตี่ตาง)” ဢၼ်ၸွႆႈထႅမ် တႃႇၵႄႈလိတ်ႈပၼ်ႁႃလွင်ႈဝတ်းဝႂ်ၼႂ်းမိူင်းထႆး လႆႈႁဵတ်းလိၵ်ႈယိုၼ်ႈယွၼ်းၸူးၸုမ်းသုၼ်ႇလႆႈၵူၼ်း တႃႇၸွႆႈၵႄႈလိတ်ႈလွင်ႈ “ၵူၼ်းၸိူဝ်းယိပ်းဝတ်းဝႂ်သႅၼ်း ၵူၼ်းဢမ်ႇမီးမိူင်း stateless persons ၼႂ်းမိူင်းထႆး ထုၵ်ႇႁၢမ်ႈသိုဝ်ႉ/ၵႄႈၶေႃႈမုလ်း မၢႆၾူၼ်း(သိမ်ႊၵၢတ်ႉ) မိူင်းထႆး”။ လိၵ်ႈၽိုၼ်ၼႆႉ ၸုမ်း“တီႇတၢင်း” လႆႈယိုၼ်ႈလိၵ်ႈ ထိုင်တီႈ ၶုၼ်ႊၵိတ်ႊတိၽွၼ်ႊ ပုၼ်ႊဢမ်ႊ ၸုမ်းသုၼ်ႇလႆႈၵူၼ်းၼႂ်းမိူင်းထႆး ၸဵမ်မိူဝ်ႈဝၼ်းတီႈ 28 လိူၼ်ဢွၵ်ႉထူဝ်ႊပိူဝ်ႊ။...

ပျီႇတူႉၸိတ်ႉပဢူဝ်း (PNO) တဵၵ်းယွၼ်းၵဵပ်းငိုၼ်း ၵူၼ်းမိူင်းပိုၼ်ႉတီႈ ၼႂ်းထုင်ႉၼွင်ႁၢႆးယႃႈ ၸႄႈဝဵင်းယွင်ႁူၺ်ႈ မိူင်းတႆးပွတ်းၸၢၼ်း ၼိုင်ႈၵေႃႉလႂ် ၼိုင်ႈလိူၼ် 5 သႅၼ်ပျႃး။ ၵူၼ်းၸိူဝ်းဢမ်ႇမီးငိုၼ်းပၼ်လႆႈၼၼ်ႉ ၺႃးပျီႇတူႉၸိတ်ႉပဢူဝ်းႁွင်ႉၵႂႃႇၾိုၵ်းၵၢၼ်သိုၵ်းသေ သူင်ႇၵႂႃႇၼႃႈသိုၵ်း ၸွမ်းဢွင်ႈတီႈပဵၼ်ပၢင်တိုၵ်းၵမ်းသိုဝ်ႈ ၼႆယဝ်ႉ။ တႄႇလိူၼ်ဢေႃးၵၢတ်ႉသ် ဝူင်ႈထီႉၼိုင်ႈမႃး ႁၢၼ်ႉတေႃႇထိုင်ဝၼ်းမိူဝ်ႈၼႆႉ (8/11/2025)  ၵူၼ်းမိူင်းပိုၼ်ႉတီႈ ၸိူဝ်းယူႇတီႈဝၢၼ်ႈၽြႃးလွႆ၊ ဝၢၼ်ႈၼမ်ႉမႆႈ၊ ဝၢၼ်ႈလိၼ်ပူၵ်ႇတႅၵ်ႇ ၸိူဝ်းပၢႆႈၽေးပၢင်တိုၵ်းယဝ်ႉသေ...

ၸူဝ်ႈသိုၵ်းမၢၼ်ႈၶဝ်ႈၵုမ်းပၼ်ႇၵၢၼ်ၽွင်းငမ်းၶိုၼ်း ၼႂ်းၸႄႈဝဵင်းၵျွၵ်ႉမႄးၼႆႉ ၼႄးဝႃႈပဵၼ်ၵူၼ်းၵဵဝ်ႇၶွင်ႉၸွမ်းသိုၵ်းတဢၢင်း (TNLA)လႄႈ ၸုမ်းသိုၵ်းၵူၼ်းၼုမ်ႇမၢၼ်ႈ (PDF) ၶဝ် ၼႆသေ ဢႅဝ်ႇႁႃတီႉၺွပ်းၵူၼ်းပိုၼ်ႉတီႈ ဢဝ်ၵႂႃႇၵုမ်းၶင်ဝႆႉ ၊ ၶူဝ်းၶွင်ႁိူၼ်းယေးၵေႃႈ ၺႃးယိုတ်းပႃး။ တႄႇႁူဝ်လိူၼ်ဢွၵ်ႉထူဝ်ႊပိူဝ်ႊမႃး သိုၵ်းမၢၼ်ႈၶဝ်ႈၵုမ်းၵမ်ၶိုၼ်း ၼႂ်းၸႄႈဝဵင်းၵျွၵ်ႉမႄးတင်းသဵင်ႈသေ ၸတ်းၵၢၼ်ဝၢင်းၽႅၼ် ၸွမ်းသွၵ်ႈႁႃ တီႉၺွပ်းဢဝ်ၵူၼ်းမိူင်း ၸိူဝ်းဢၼ်ၶဝ်ထၢင်ႇထိူမ်ဝႃႈ ၵွင်ႉၵၢႆႇႁဵတ်းၵၢၼ်ပၼ် ၸုမ်းသိုၵ်းလုၵ်ႉၽိုၼ်ႉ ၼႆဢမ်ႇထၢတ်ႇဢမ်ႇဝၢႆး ၵူၼ်းမိူင်း ၵေႃႉယူႇၼႂ်း...