ၼႂ်းႁၢင်လိူၼ်ဢေႃႊၵတ်ႊသ်ပူၼ်ႉမႃးၼႆႉ ယိင်းသၢဝ် မေႃသွၼ်လိၵ်ႈၶႄႇ တီႈႁူင်းႁဵၼ်းၶႄႇ ထုၵ်ႇၵၼ်ႉၸၼ်လူလၢႆယဝ်ႉ ၶႃႈႁႅမ်တၢႆပႅတ်ႈ ၼႂ်းၸႄႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ။ မေႃသွၼ်လိၵ်ႈၶႄႇ ၵေႃႉထုၵ်ႇၶႃႈႁႅမ်တၢႆၼၼ်ႉ ပဵၼ်ၵူၼ်းဝၢၼ်ႈမၢၼ်ႈပၢင်ႇ ႁိမ်းဝၢၼ်ႈပၢင်ၼႃး ယၢၼ်ၵႆၵၼ်တင်း ဝဵင်းသႅၼ်ဝီမွၵ်ႈ 6 လၵ်း။ လွင်ႈပိူင်ပဵၼ်တႄႉပဵၼ်ၸိူင်ႉႁိုဝ် ၽႂ်ၵေႃႉလူလၢႆၶႃႈႁႅမ်တၢႆၵႂႃႇၼႆၼၼ်ႉ ၾၢႆႇသိုၵ်းၵဝ်ႈၵၢင်ႉၶဝ် ဢိုတ်းၶၢဝ်ႇဝႆႉ ဢမ်ႇပၼ်ၶၢဝ်ႇႁူဝ်ႈဢွၵ်ႇၼႆ - ၵူၼ်းမိူင်း ၵေႃႉယူႇဝႆႉၼႂ်းဝဵင်းသႅၼ်ဝီ လၢတ်ႈၼႄတီႈၸုမ်းၶၢဝ်ႇၽူႈတွႆႇႁွၵ်ႈၼင်ႇၼႆ။ “လွင်ႈၼႆႉ...

မိူဝ်ႈႁၢင်လိူၼ်ဢေႃႊၵတ်ႊသ် ပူၼ်ႉမႃးၼႆႉ သိုၵ်းမၢၼ်ႈ ယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းၸႄႈဝဵင်းၵျွၵ်ႉမႄးသေ ႁဵတ်းႁႂ်ႈၵူၼ်းမိူင်း လႆႈပၢႆႈၽေးသိုၵ်းၵႂႃႇသွၼ်ႈဝႆႉ တီႈဝဵင်း သီႇပေႃႉ ၼပ်ႉႁူဝ်ပၢၵ်ႇ ယၢမ်းလဵဝ် ထူပ်းတၢင်းယၢပ်ႇၽိုတ်ႇဝႆႉ လွင်ႈၶဝ်ႈၼမ်ႉတၢင်းၵိၼ်လႄႈ ၶိူင်ႈၸႂ်ႉတိုဝ်းသုၼ်ႇတူဝ် ၼၢင်းယိင်း ၸိူဝ်းၼႆႉ။ ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈဝဵင်းသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ - “တၢင်းၸွႆႈထႅမ်ၼႆႉ လူဝ်ႇၼႃႇၶႃႈ...

ၼႂ်းလိူၼ်ဢေႃႊၵတ်ႊသ်ၼႆႉ သိုၵ်းမၢၼ်ႈ ၸီႉသင်ႇလူင်းတီႈၽူႈၵွၼ်းပွၵ်ႉ၊ ၵွၼ်းဢိူင်ႇ ၼႂ်းၸႄႈဝဵင်းမူႇၸေႊ ႁႂ်ႈလူင်းၵူတ်ႇထတ်းသဵၼ်ႈမၢႆႁူဝ်ၼပ်ႉၵူၼ်းမိူင်း ၸိူဝ်းယူႇသဝ်းဝႆႉတင်းသဵင်ႈၼၼ်ႉၵူၺ်းဢမ်ႇၵႃး ၵူၼ်းတၢင်ႇဝၢၼ်ႈတၢင်ႇမိူင်း ၸိူဝ်းၵႂႃႇႁဵတ်းၵၢၼ်ၸွမ်းလႅၼ်လိၼ်မိူင်းမၢၼ်ႈ - မိူင်းၶႄႇသေ ယူႇသဝ်းဝႆႉ ၼႂ်းၸႄႈဝဵင်းမူႇၸေႊၼၼ်ႉၵေႃႈ ႁႂ်ႈၵႂႃႇႁဵတ်းဝႂ်မုင်ႉႁေႃႁိူၼ်း တီႈႁွင်ႈၵၢၼ် ၾၢႆႇၵူတ်ႇထတ်း ၵူၼ်းၶဝ်ႈဢွၵ်ႇမိူင်း ၼႆယဝ်ႉ။ တႃႇၸတ်းႁဵတ်းပၢင်လိူၵ်ႈတင်ႈ ၼႂ်းၸႄႈဝဵင်းမူႇၸေႊၼႆႉ သိုၵ်းမၢၼ်ႈလႄႈ ၶႃႈႁၢပ်ႇၵၢၼ်ၶုၼ် ၸုမ်းလူင်ပွင်ၸိုင်ႈ တႂ်ႈသိုၵ်းမၢၼ်ႈၵုမ်းၵမ် တိုၵ်ႉႁၢင်ႈႁႅၼ်း...

ပျီႇတူႉၸိတ်ႉ ပဢူဝ်း PNO ၵဵပ်းငိုၼ်း ၼပ်ႉႁူဝ်သိပ်းသႅၼ်ပျႃး တီႈၵူၼ်းပၢႆႈၽေးသိုၵ်း ၸိူဝ်းပွၵ်ႈၶိုၼ်း ႁိူၼ်းယေး  တီႈဝၢၼ်ႈၽြႃးလွႆ ထုင်ႉၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း   ။ တႄႇႁူဝ်လိူၼ် ဢေႃးၵတ်ႉသ်ၼႆႉမႃး ၵူၼ်းပၢႆႈၽေးသိုၵ်းဝၢၼ်ႈၽြႃးလွႆ ဢွၼ်ၵၼ်ပွၵ်ႈမိူဝ်းၶိုၼ်း ႁိူၼ်းယေး ၽႂ်မၼ်း ၊ ပျီႇတူႉၸိတ်ႉပဢူဝ်း PNO ၵဵပ်းငိုၼ်းၵူၼ်းပၢႆႈၽေးသိုၵ်း ၸိူဝ်းပွၵ်ႈမႃးယူႇၶိုၼ်း ၊...

ပေႃးထိုင်မႃး ႁၢင်လိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈ တေၸတ်းႁဵတ်းပၢင်လိူၵ်ႈတင်ႈ ပတ်းပိုၼ်ႉၸိုင်ႈမိူင်းႁူမ်ႈတုမ်ၼႆလႄႈ မိူဝ်ႈဝႃး ဝၼ်းတီႈ 28/08/2025 ယၢမ်းၵၢင်ၶမ်ႈ ၶွမ်ႊမသျိၼ်ႊ ၵၢၼ်လိူၵ်ႈတင်ႈ မိူင်းႁူမ်ႈတုမ် ဢၼ်ယူႇတႂ်ႈသိုၵ်းမၢၼ်ႈ ၵုမ်းၵမ်ၼၼ်ႉ ပိုၼ်ၽၢဝ်ႇဢွၵ်ႇမႃး သဵၼ်ႈၸိုဝ်ႈ ပႃႇတီႇၵၢၼ်မိူင်း ၸိူဝ်းတေၶဝ်ႈၸွမ်းပၢင်လိူၵ်ႈတင်ႈၵႂႃႇ ပဵၼ်တၢင်းၵၢၼ် ႁႂ်ႈတႅတ်ႈတေႃး။ ပႃႇတီႇၵၢၼ်မိူင်း ၸိူဝ်းတေၶဝ်ႈႁူမ်ႈၸွမ်းပၢင်လိူၵ်ႈတင်ႈ ဢၼ်သိုၵ်းမၢၼ်ႈ ယိုတ်းမိူင်းဢွၼ်ၼမ်း ၸတ်းႁဵတ်းၼႆႉ...

ယၢမ်းလဵဝ် တႃႇတေႃႉၶူဝ်းၵုၼ်ႇတၢင်းလႅၼ်လိၼ်တႆး - ထႆး ၶဝ်ႈမႃးၼႂ်းမိူင်းၼႆႉ သိုၵ်းမၢၼ်ႈ သင်ႇပိၵ်ႉဢိုတ်းႁႄႉႁၢမ်ႈ ၵူတ်ႇထတ်းႁၢဝ်ႈႁႅင်းလႄႈ ႁဵတ်းႁႂ်ႈၵူၼ်းဢွၵ်ႇတႃႈပႆတၢင်းလူတ်းယွမ်း ၵူၼ်းႁေႃႈရူတ်ႉၵႃးၵေႃႈ လႆႈၵိုတ်းယၢင်ႉၼႃႈၵၢၼ်ၽႂ်မၼ်းတင်းၼမ် ၼႆယဝ်ႉ။ ၵူၼ်းႁေႃႈရူတ်ႉၵႃး တႃႈၶီႈလဵၵ်း - လၢႆးၶႃႈ လၢတ်ႈတီႈၽူႈတွႆႇႁွၵ်ႈဝႃႈ - “လုၵ်ႉတႃႈၶီႈလဵၵ်း တေမိူဝ်းမိူင်းတႆးလၢႆတီႈၼႆႉ ၸဝ်ႈၵႃးၶဝ် ၵိုတ်းပႅတ်ႈၼမ်ႁႅင်းၼႃႇ မၢင်ၵေႃႉၼႆႉသမ်ႉပေႃး ဢမ်ႇၸၢင်ႈဢွၵ်ႇၵႃးယဝ်ႉ။ ယွၼ်ႉသင်လႄႈ...

တႃႇပဵၼ်မႃးၸိုင်ႈမိူင်းၼိုင်ႈလုၵ်ႈၼႆႉ ပိူင်လူင်မၼ်းလႆႈတူၺ်းလၢႆၶၵ်ႉတွၼ်ႈ မိူၼ်ၼင်ႇ တၢင်းၵႂၢင်ႈၽႅၼ်ႇလိၼ်၊ တင်းၼမ်ႁူဝ်မိူင်းလႄႈ သိင်ႇဝႅတ်ႉလွမ်ႉၾိင်ႈတိုၼ်းပဵၼ် ၸိူဝ်းၼႆႉ။ ၵွပ်ႈၼၼ် ႁႄႈ၊ ၸိုၼ်း၊ ငိုၼ်း၊ ၶမ်း ဢၼ်ဢွၵ်ႇၸွမ်းသၽႃႇဝၾိင်ႈတိုၼ်းပဵၼ် ၸိူဝ်းၼႆႉၵေႃႈ ပဵၼ်တွၼ်ႈဢၼ်လမ်ႇလွင်ႈတႃႇဝၢၼ်ႈမိူင်းတႄႉတႄႉ။ ၸိုင်ႈမိူင်းၼိုင်ႈလုၵ်ႈၼႆႉ သင် ၺႃးၸဝ်ႈၸိၵ်းၸဝ်ႈၸွမ်ၶဝ် ႁၼ်ပုၼ်ႈသုၼ်ႇတူဝ်သေ ဢမ်ႇဝႆႉၵႃႈၶၼ် ဢမ်ႇတူၺ်းႁၼ်ၵႂၢင်ႈၸိုင် ၸၢင်ႈမူၺ်ႉႁၢႆၼၼ်ႉယဝ်ႉ။ ၼႂ်းမိူင်းတႆးၼႆႉ ပႆႇထိုင်တီႈမူၺ်ႉႁၢႆသေတႃႉ ယွၼ်ႉဢမ်ႇမီးလွင်ႈမႅင်ႇၸႅၵ်ႇပၼ်ၶူဝ်းပူၺ်ႈၵိုၵ်းမိူင်း...

တႄႇၵၢင်လိူၼ်ဢေႃႊၵတ်ႊသ်မႃး တေႃႇထိုင်ယၢမ်းလဵဝ်ၼႆႉ သိုၵ်းမၢၼ်ႈ ၸိူဝ်းပၵ်းတပ်ႉဝႆႉတီႈဝဵင်းၼမ်ႉ လၼ်ႈၼၼ်ႉ ၵူတ်ႇထတ်းရူတ်ႉၵႃးၸိူဝ်းတေႃႉတၢင်ႇၶူဝ်းၵုၼ်ႇ တၢင်းမိူင်းတႆးပွတ်းႁွင်ႇ - မိူင်းတႆးပွတ်းၸၢၼ်း လတ်းၽၢၼ်ႇၵဵတ်ႉလၢၼ်ႇ တီႈတၢင်းၶဝ်ႈတၢင်းဢွၵ်ႇ ဝဵင်းၼမ်ႉလၼ်ႈ ႁၢဝ်ႈႁႅင်း။   ၵူၼ်းပိုၼ်ႉတီႈ ဝဵင်းၼမ်ႉလၼ်ႈ ၵေႃႉၼိုင်ႈ လၢတ်ႈၼႄဝႃႈ -“မိူဝ်ႈလဵဝ် ၸဝ်ႈလႅင်းၵႃးၶဝ် တမ်ႉဢမ်ႇပေႃး လႆႈဢွၵ်ႇ။ ရူတ်ႉၵႃး ၸိူဝ်းလုၵ်ႉတၢင်းမိူင်းတႆးပွတ်းႁွင်ႇ -...

ယၢမ်းလဵဝ် ၵူၼ်းပၢႆႈၽေးသိုၵ်း ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး ႁူဝ်ၵူၼ်းမိုၼ်ႇပၢႆ ၸိူဝ်းလႆႈပၢႆႈၽေး ပၢင်တိုၵ်းဝႆႉၼၼ်ႉ ထူပ်းတၢင်းယၢပ်ႇၽိုတ်ႇလွင်ႈၶဝ်ႈၼမ်ႉတၢင်းၵိၼ်လႄႈ ယႃႈယႃ ၸိူဝ်းၼႆႉ ယွၼ်ႉပၢင်တိုၵ်းသေ ၵမ်ႈၽွင်ႈ ဢမ်ႇတၼ်းလႆႈႁၢင်ႈႁႅၼ်းသင် ၼႆယဝ်ႉ။ ၵူၼ်းပၢႆႈၽေးသိုၵ်း ထုင်ႉၼွင်ပိင် လၢတ်ႈတီႈၽူႈတွႆႇႁွၵ်ႈဝႃႈ - “ၶၼ်ၸႂ်ၶႃႈဢေႃႈ မၼ်းၵိုင်ႉၵၢင်ႉလႆႈပၢႆႈမႃးၶႃႈၼႃႇ မၢင်ၸိူဝ်းတၢင်းဢမ်ႇလႆႈမႃးၶူဝ်းလဵင်းၵွၼ်ႇဢေႃႈၼႆႉ။ မၼ်းၵိုင်ႉ ၵၢင်ႉပဵၼ်သေ ၵိုင်ႉၵၢင်ႉတူၵ်းၸႂ် ၼႃႇဢႃးလႃးၶႃႈဢေႃႈ။...

ၸူဝ်ႈယိုတ်းဢႃႇၼႃႇၸိုင်ႈမိူင်းမႃးၼႆႉ သိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း၊ ၶိူင်ႈတရူၼ်ႊ၊ ၶိူင်ႈၵွင်ႈလူင်ၵူႈသႅၼ်းသႅၼ်း လႄႈ ၸုတ်ႇၽဝ် ႁိူၼ်းယေးၵူၼ်းမိူင်း ။ ဢဝ်ၵူၼ်းမိူင်းႁဵတ်းပဵၼ်တူဝ်ယိူဝ်ႇ ၼႂ်းပၢင်တိုၵ်းသေ ယိုဝ်းၵူၼ်းမိူင်းတၢႆ မီးၸမ်မွၵ်ႈ 7000 ၵေႃႉ၊  ႁိူၼ်းၵူၼ်း မိူင်းလူႉၵွႆၵႂႃႇ သႅၼ်ပၢႆယဝ်ႉ ဝႃႈၼႆ။   ဝၼ်းတီႈ 25/08/2025  ၸုမ်းၸွႆႈထႅမ်ၵူၼ်းတူၵ်းၶွၵ်ႈ ၵၢၼ်မိူင်း AAPP...

ၵူၼ်းမိူင်းဝဵင်းလႃႈသဵဝ်ႈ ၵေႃႉပၢႆႈၽေးပၢင်တိုၵ်းၵႂႃႇသွၼ်ႈယူႇဝႆႉ တီႈပွၵ်ႉ 1 ဝဵင်းဢေးတႃႇယႃႇ ၸႄႈဝဵင်းတူၼ်ႈတီးၼၼ်ႉ ၺႃးၸုမ်းပလိၵ်ႈမၢၼ်ႈတီႉၺွပ်း ယွၼ်ႉတႅမ်ႈတၢင်ႇ ထတ်းသၢင် လွင်ႈသိုၵ်းမၢၼ်ႈလႄႈပၢင်လိူၵ်ႈတင်ႈၼႆသေ ထုၵ်ႇဢဝ်လိူင်ႈဝႆႉဝႃႈၼႆ။ ဢိင်ၼိူဝ် ငဝ်းႁၢင်ႈသဵင် ၵူၼ်းမိူင်းၼႂ်းဝဵင်းလႃႈသဵဝ်ႈ ၺႃးၵူၼ်းၸၢႆးသွင်ၵေႃႉ ၸူၼ်ဢဝ်ၵႃးၵႂႃႇ ၼၼ်ႉသေ မၼ်းၸၢႆး တႅမ်ႈတၢင်ႇ ၼိူဝ်ၾဵတ်ႉသ်ပုၵ်ႉဝႃႈ - “ၵၢၼ်ၽွင်းငမ်းၶဝ် ဢမ်ႇၶႅမ်ႉ၊ သိုၵ်းမၢၼ်ႈမႃးၵုမ်းၵမ်ၶိုၼ်းၵေႃႈ ဢမ်ႇမီးလွင်ႈႁူမ်ႇလူမ်ႈ၊...

ပျီႇတူႉၸိတ်ႉပဢူဝ်း PNO ၸီႉသင် ႁႂ်ႈၵူၼ်းၶၢႆၵၢတ်ႇၼႂ်းၵၢတ်ႇၼွင်ထဝ် ယႃႉႁၢၼ်ႉၶၢႆၶူဝ်း ဢၼ်မီးၼႂ်းၵၢတ်ႇၼွင်ထဝ် ၸႄႈဝဵင်းသီႇသႅင် ၸိုင်ႈတႆးပွတ်းၸၢၼ်း ဝႃႈၼႆ။ ဝၢႆးလင် ပျီႇတူႉၸိတ်ႉပဢူဝ်း PNO ႁူမ်ႈသိုၵ်းမၢၼ်ႈ ပဵၼ်ပၢင်တိုၵ်းၵၼ်တင်း တပ်ႉသိုၵ်း ပူတ်းပွႆႇၸိူဝ်ႉၸၢတ်ႈပဢူဝ်း PNLA ၼႂ်းဝၼ်းတီႈ 9/8/2025 ၼၼ်ႉယဝ်ႉ ပျီႇတူႉၸိတ်ႉၶဝ်ႈၵုမ်းၵမ် လႆႈၶိုၼ်း ၼႂ်းဝၢၼ်ႈၼွင်ထဝ် ၸႄႈဝဵင်းသီႇသႅင်ႇၶိုၼ်း ။  တႄႇႁၢင်လိူၼ်ဢေႃႊၵတ်ႉသ်ၼႆႉမႃး ပျီႇတူႉၸိတ်ႉပဢူဝ်း...

သိုၵ်းမၢၼ်ႈယိုတ်းမိူင်း ၵူတ်ႇထတ်းသဵၼ်ႈမၢႆႁူဝ်ႁိူၼ်း တီႈၵူၼ်းပၢႆႈၽေးသိုၵ်း ဢၼ်ပွၵ်ႈမိူဝ်းယူႇၶိုၼ်း တီႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇသေ ႁွင်ႉၵူၼ်းၼုမ်ႇ ၵူၼ်းၸၢႆး သူင်ႇၾိုၵ်းၵၢၼ်သိုၵ်း ဝႃႈၼႆ။ ၼႂ်းႁၢင်လိူၼ်ဢေႃးၵတ်ႉသ်ၼႆႉ ယၢမ်းၵၢင်ၶမ်ႈၵၢင်ၶိုၼ်း သိုၵ်းမၢၼ်ႈၶဝ်ႈၵူတ်ႇထတ်းႁိူၼ်းယေးၵူၼ်းမိူင်း တၢင်းဝၢၼ်ႈ မႆႉပူၵ်ႇ၊ တွင်ႇသျေႇ၊ သူၺ်ႇမူၵ်ႉတေႃး၊ ၵၢၼ်ႇၵျီး ဢိၵ်ႇပႃးထႅင်ႈလၢႆလၢႆဝၢၼ်ႈ ၼႂ်းၸႄႈဝဵင်းၼွင်ၶဵဝ်။ ၵူၼ်းပိုၼ်ႉတီႈလၢတ်ႈဝႃႈ-“ၵူၼ်းလုၵ်ႉတၢင်းဝၢၼ်ႈၵၢၼ်ႇၵျီးသေ ပွၵ်ႈၶိုၼ်းယူႇတၢင်းဝၢၼ်ႈတွင်းၶမ်းၸိူဝ်းၼၼ်ႉၺႃးထဵတ်ႈထၢမ်။သိုၵ်းမၢၼ်ႈၶိုၼ်ႈႁိူၼ်းလူင်းႁိူၼ်းသေထၢမ် ၼႂ်းၵူၼ်းႁိူၼ်း ၸွင်ႇမီးၽႂ်ၵႂႃႇႁူမ်ႈတင်း PDF သိုၵ်းထၼု၊...

ၶူဝ်ဢၼ်သုင်သုတ်းၼႂ်းဢေႊသျႃႊ ဢၼ်ၵိုၵ်းပိုၼ်းမႃး ၼႂ်းၶၢဝ်းတၢင်း 125 ပီ ၊ ဢၼ်တႆးႁွင်ႉဝႃႈ ၶူဝ်ၵိုတ်ႈၼႆၼၼ်ႉ လူႉၵွႆယွၼ်ႉၼမ်ႉမိုဝ်းၸုမ်းယိပ်းၵွင်ႈၵၢင်ႇၶဝ်ၵႂႃႇ ၼႂ်းဝၼ်းတီႈ 24/08/2025 ။ ဢိင်ၼိူဝ် လွင်ႈၶူဝ်ၵိုၵ်းပိုၼ်းမိူင်းတႆး လူႉၵွႆၼႆႉသေ ၵူၼ်းမိူင်းဢွၼ်ၵၼ် တႅမ်ႈတၢင်ႇလွင်ႈမၼ်းၼိူဝ်သိုဝ်ႇ ဢွၼ်ႊလၢႆႊပေႃးလၢႆးၸၢႆႉၸၢႆႉ။ ၼိုင်ႈၵေႃႉ ႁၼ်ထိုင်ၼိုင်ႈလွင်ႈလႄႈ ၸင်ႇဢွၵ်ႇၶေႃႈထဵင်ၵၼ်မႃး။ ၵူၼ်းမိူင်းမၢၼ်ႈထုင်ႉပဵင်းၵေႃႈ ႁၼ်ထိုင်လွင်ႈၼိုင်ႈ ၵူၼ်းမိူင်းတႆးသၼ်လွႆၵေႃႈ...

သိုၵ်းမၢၼ်ႈ လၢမ်းယိုဝ်းမၢၵ်ႇၵွင်ႈလူင် ၾၢႆႇႁွင်ႇဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း ႁဵတ်းႁႂ်ႈၵူၼ်းမိူင်း တိုၼ်ႇသၢၼ်ႈတူၵ်းၸႂ် ဝႃႈၼႆ။ ဝၼ်းတီႈ 24/05/2025 သိုၵ်းမၢၼ်ႈ ထူဝ်းသိုၵ်းၶဝ်ႈၼႂ်းဝၢၼ်ႈ ဢၼ်မီးၾၢႆႇႁွင်ႇဝဵင်းယႂႃႇငၢၼ်ႇ လၢမ်းလိမ်းယိုဝ်းၵွင်ႈလူင် ၸွမ်းႁူၺ်ႈၸွမ်းလွႆ၊ ဢဝ်ၶိူင်ႈတရူၼ်ႊ ပၼ်ႇလဵပ်ႈၸွမ်းၼႂ်းဝၢၼ်ႈ ႁဵတ်းႁႂ်ႈၵူၼ်းမိူင်းပိုၼ်ႉတီႈ တိုၼ်ႇသၢၼ်ႈတူၵ်းၸႂ် ဢမ်ႇႁတ်းၵႂႃႇသူၼ်ႁႆႈ ဢမ်ႇမီးလွင်ႈႁူမ်ႇလူမ်ႈ ဝႃႈၼႆ။ ၼၢင်းယိင်း ဢႃယု 40 ပီ ၵူၼ်းမိူင်းဝဵင်းယႂႃႇငၢၼ်ႇ...