ႁႅင်းၵၢၼ်ၵူၼ်းမိူင်းႁူမ်ႈတုမ်မၢၼ်ႈ 2 ပီႈၼွင်ႉ ယူႇတီႈဝဵင်းႁၢတ်ႇယႂ်ႇ မိူင်းထႆး တိူဝ်ႉထီႇ(ႁူၺ်လူင်ပွင်ၸိုင်ႈထႆး) သုင်သုတ်း 2ဝႂ် လႆႈငိုၼ်းသူး 12 လၢၼ်ႉဝၢတ်ႇ ဝႃႈၼႆ။
ႁႅင်းၵၢၼ် သွင်ပီႈၼွင်ႉၼၼ်ႉ ယူႇတီႈ ၸႄႈဝဵင်း ရတေႉတွင်ႇ မိူင်းရၶႅင်ႇသေ ၵႂႃႇႁဵတ်းၵၢၼ်ၵေႃႇသၢင်ႈဝႆႉ တီႈဝဵင်းႁၢတ်ႇယႂ်ႇ မိူင်းထႆး။
ပူၼ်ႉမႃး လၢႆဝၼ်းၼႆႉ ၺႃးၽေးၼမ်ႉထူမ်ႈႁၢဝ်ႈႁႅင်း။ ၾၢႆႇၸွႆႈထႅမ်ၽေးၼမ်ႉ ၼၢင်းယိင်းၵေႃႉၼိုင်ႈ ၸွႆႈပၼ်ငိုၼ်း 500 ဝၢတ်ႇ။
သွင်ပီႈၼွင်ႉၵေႃႈ လႆႈပၢႆႈၽေးၼမ်ႉသေ ၵႂႃႇသေႃႉယူႇတီႈ တႃႈႁိူဝ်းမိၼ်ႁၢတ်ႇယႂ်ႇ။ ဝၢႆးၼၼ်ႉ ဢၢၼ်းတေၵႂႃႇႁႃႁဵတ်းၵၢၼ် တီႈဝဵင်းလူင်ၵုင်းထဵပ်ႈၼႆသေ ဢွၵ်ႇမႃးတီႈ တႃႈရူတ်ႉၵႃး။ ၽွင်းထိုင်တႃႈရူတ်ႉၵႃးၼၼ်ႉ မီးဢွၼ်ႇယိင်းၶၢႆထီႇၵေႃႉၼိုင်ႈ ယိုၼ်ႈၶၢႆထီႇပၼ်။
မၼ်းၼၢင်းလၢတ်ႈဝႃႈ – ၼမ်ႉၼွင်းထူမ်ႈလႄႈ ဢမ်ႇၶၢႆလီ ႁႂ်ႈပၼ်ႁႅင်းထီႇၽွင်ႈ။ သွင်ၶႃပီႈၼွင်ႉၵေႃႈ လႆႈသိုဝ်ႉထီႇထႆး 2 ဝႂ် ပဵၼ်မၢႆ 461252။ ၼႂ်းဝၼ်းတီႈ 1 လိူၼ်တီႊသႅမ်ႊပိူဝ်ႊ ထီႇသွင်ဝႂ်ၼၼ်ႉ တိူဝ်ႉသူးရၢင်ႊဝၼ်ႊသုင်သုတ်းသေ လႆႈငိုၼ်းထႆး 12 လၢၼ်ႉဝၢတ်ႇ ဝႃႈၼႆ။
ၼႂ်းဝၼ်းတီႈ 3 ဝၼ်းပုတ်ႉၼႆႉ ၸုမ်းၸွႆႈထႅမ်ႁႅင်းၵၢၼ်ၵူၼ်းမိူင်းမၢၼ်ႈ ၼႂ်းမိူင်းထႆး AAC လႆႈၸွႆႈၶႃသွင်ပီႈၼွင်ႉ ၵႂႃႇထုၵ်ႈငိုၼ်းတီႈငဝ်ႈငုၼ်းလုမ်းထီႇ ဝဵင်းၵုင်းထဵပ်ႈ ယဝ်ႉတူဝ်ႈလီငၢမ်း ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ