ပၢၼ်ပဵၼ်ၵူၼ်းမိူင်းႁူမ်ႈတုမ်မၢၼ်ႈၼႆႉ ၸဵမ်မိူဝ်ႈလၢႆၸူဝ်ႈၵူၼ်းမႃး ဢမ်ႇတွၼ်ႉလႆႈယူႇ လူၺ်ႈတၢင်းၵတ်းယဵၼ်လွတ်ႈၶဵၼ်သေပွၵ်ႈ။ ထၢမ်တူၺ်း ၵူၼ်းသႅၼ်းလႂ်ၵေႃႈ ႁူပ်ႉထူပ်းလွင်ႈႁၢႆႉၸႃႉ ၼႂ်းဝၢၼ်ႈၼႂ်းမိူင်းမႃးတႃႇသေႇ။ ၽွင်းသိုၵ်းၸၢဝ်းၶိူဝ်းၼႂ်းမိူင်း တိုၵ်ႉတိုၵ်းတေႃး သိုၵ်းမၢၼ်ႈယူႇၼႆႉၵေႃႈ ၵူၼ်းမိူင်းလႆႈမႆႈၸႂ်လၢႆလွင်ႈ ယူႇမိူင်းလႂ်ၵေႃႈယၢပ်ႇၸႂ် မိူင်း ၼၼ်ႉ။ ၵူၼ်းၸိူဝ်းယူႇၸွမ်းလႅၼ်လိၼ်တႆး - ၶၢင် မိူၼ်ၼင်ႇ ၸႄႈဝဵင်းမၢၼ်ႈၸေႊ၊ မၢၼ်ႈဝဵင်းလူင် ၸိူဝ်းၼႆႉ ၺႃးသိုၵ်းၶၢင်တဵၵ်းၵဵပ်းသိုၵ်းလႄႈ ယူႇယၢပ်ႇၵိၼ်းၸႂ်ဝႆႉ ဝႃႈၼႆ။ တႄႇၸဵမ်မိူဝ်ႈ...

တိုၵ်းသူၼ်းပၼ်ႁႅင်း ႁႂ်ႈၵူၼ်းၵူႈၵေႃႉၵူႈမိူင်းမိူင်း ၼႂ်းလုမ်ႈၾႃႉ လႆႈသုၼ်ႇသွၼ်ႁဵၼ်းလိၵ်ႈၼႆသေ ဝၼ်းတီႈ 08/09/2025 ၼႆႉ မၵ်းမၼ်ႈဝႆႉ ပဵၼ်ဝၼ်းတေလႆႈမေႃလိၵ်ႈ။ ၼႂ်းမိူင်းမၢၼ်ႈပတ်းပိုၼ်ႉတႄႉ ဝၢႆးသိုၵ်းမၢၼ်ႈယိုတ်းမိူင်းယဝ်ႉ လုၵ်ႈဢွၼ်ႇႁၢမ်းသုၼ်ႇသွၼ်ႁဵၼ်း ၼမ်ၶိုၼ်ႈမႃးၵူႈပီလႄႈ ယၢမ်းလဵဝ် တေမီးမွၵ်ႈ 7 လၢၼ်ႉၵေႃႉ ဝႃႈၼႆ။ မိူဝ်ႈပီ 2019 ၼၼ်ႉ ၸုမ်းၾၢႆႇသဵၼ်ႈမၢႆႁူဝ်ၵူၼ်းလႄႈ ၾၢႆႇငိုၼ်းၵွင်ၵၢင် ၸၢတ်ႈၸိုင်ႈ UNFPA...

ပၢင်ၼႄၵၢင်ၸႂ် တီႈမိူင်းၼီႇပေႃးၼၼ်ႉ ထိုင်တီႈၸွမ်ၽွင်းလူင် ၵေႇပီႇသျႃႇမႃႇဢူဝ်ႇလီ ထွၼ်တူဝ်ဢွၵ်ႇၵႂႃႇယဝ်ႉသေတႃႉ တိုၵ်ႉသိုပ်ႇပဵၼ်ႁၢဝ်ႈႁႅင်းၼႂ်းမိူင်းထႅင်ႈလၢႆလၢႆတီႈ ၸဵမ်လုမ်းလူင်ပွင်ၸိုင်ႈ၊ သၽႃးလႄႈ ႁိူၼ်းယေးႁူဝ်ၼႃႈၽူႈတူင်ႉၼိုင်ၵၢၼ်မိူင်း ၸိူဝ်းၼၼ်ႉ ၺႃးၾႆးၽဝ်လူႉၵွႆတင်းၼမ်။ ပၢင်ၼႄၵၢင်ၸႂ် တီႈမိူင်းၼီႇပေႃးၼၼ်ႉ ပဵၼ်မႃးယွၼ်ႉလူင်ပွင်ၸိုင်ႈ ပိုၼ်ၽၢဝ်ႇပိၵ်ႉဢိုတ်းပႅတ်ႈ လွင်ႈသိုဝ်ႇတူင်ႇဝူင်းၵူၼ်း Social Media လႄႈ ႁဵတ်းႁႂ်ႈၵူၼ်းမိူင်းၵူၼ်းၼုမ်ႇ ဢမ်ႇ ႁၢၼ်ႉၸႂ်ၼိူဝ် လၢႆးႁဵတ်းသၢင်ႈၸုမ်းလူင်ပွင်ၸိုင်ႈသေ ဢွၼ်ၵၼ်လုၵ်ႉႁိုၼ်ႇၼႄၵၢင်ၸႂ်၊ ၾၢႆႇႁူမ်ႇလူမ်ႈပလိၵ်ႈ...

ၶၢဝ်းတၢင်း ၽႅၼ်ယၼ်ႇသိုၵ်း 1027 တႄႇမီးမႃးၼၼ်ႉသေ လုၵ်ႈၸုမ်းဢူၺ်းလီပွတ်းႁွင်ႇ 3 ၸုမ်း ယိုတ်းလႆႈလၢႆဝဵင်းၼႂ်းမိူင်းတႆးပွတ်းႁွင်ႇ။ ၸဵမ်ဢဝ်ပိူင်ၵဵပ်းၶွၼ်ႇၸိူဝ်းၼႆႉၵေႃႈ ၽႂ်ပေႉၵေႃႈမၼ်းၵဵပ်း။ ၵူၼ်းမိူင်းတႄႉ ယၢပ်ႇၵိၼ်းၼႂ်းၵႄႈမၼ်း။ တီႈၸႄႈဝဵင်းၼမ်ႉၶမ်းၼႆႉၵေႃႈ မိူဝ်ႈလဵဝ် သိုၵ်းတဢၢင်း လူင်းၵဵပ်းၶွၼ်ႇတႃႇပီ 2026 ဝႃႈၼႆထႅင်ႈ။ ၵူၼ်းမိူင်းလူမ်ၸႂ်ႁႃႉ ဢမ်ႇလူမ်ၸႂ်ၵေႃႈဢမ်ႇတူၺ်း။ ႁူႉဝႃႈ ၵဵပ်းၶွၼ်ႇၵူၺ်းလႄႈ ၸဝ်ႈႁၢၼ်ႉၸဝ်ႈသႅင်ႇမၢင်ၸိူဝ်း ယၢပ်ႇၸႂ်တႃႇတေသိုပ်ႇၵႂႃႇမိူဝ်းၼႃႈတႄႉတႄႉ။ ၸဵမ်မိူဝ်ႈ ၸုမ်းဢူၺ်းလီပွတ်းႁွင်ႇ...

လုၵ်ႈဢွၼ်ႇယိင်းၵေႃႉၼိုင်ႈ ဢႃယု 16 ပီယူႇဝဵင်းၵၢတ်ႇလေႃႉၸိုင်ႈတႆးပွတ်းၸၢၼ်းလုၵ်ႉတီႈႁိူၼ်းၶဝ်သေ တေၵႂႃႇႁိူၼ်းၼၢႆးၶဝ်ၼႆသေႁၢႆပႅတ်ႈၵၢင်တၢင်း ၵူၼ်းႁိူၼ်းတိတ်းတေႃႇဢမ်ႇလႆႈ ပဵၼ်ဢၼ်မႆႈၸႂ်။ ဝၼ်းတီႈ 7 /9 / 2025 ယၢမ်းၵၢင်ဝၼ်း 2 မူင်း လုၵ်ႈဢွၼ်ႇယိင်း ၵူၼ်းပွၵ်ႉ 1 ဝဵင်းၵၢတ်ႇလေႃႉ ဢၢၼ်းတေ ၵႂႃႇ ႁိူၼ်းၼၢႆးၶဝ် ဢၼ်ယူႇတီႈပွၵ်ႉ 10 ။...

ၵၢတ်ႇၵၢင်ၶမ်ႈ ဢၼ်မီးတီႈၼႂ်းပွၵ်ႉ တပိၼ်သူၺ်ႇထီး ( ႁိမ်းႁေႃသဝ်ယၢမ်းမူင်း ) တင်းၼႃႈ City Square Shopping Centre တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ  ယူႇတီႈႁွင်ႈၵၢၼ်ၾၢႆႇလိူမ်ႈလႆႇ ၶၢႆပၼ်တီႈၶွမ်ႊပၼီႊသေ တေဢၢင်းသၢင်ႈ ႁိူၼ်းတိုၵ်းၼႆလႄႈ ၸဝ်ႈႁၢၼ်ႉတၢင်းၵိၼ်ၵူၼ်းပိုၼ်ႉတီႈပဵၼ်ဢၼ်မႆႈၸႂ်  ။  ၼၢင်းယိင်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၸႂ်ႈဢေႃႈ ၊ သင်ၸိူဝ်ႉဝႃႈ ၸႂ်ႉပိၵ်ႉၼႆ တွၼ်ႈတႃႇ...

ဝၼ်းတီႈ 08/09/2025 ၼႆႉ ၵူၼ်းမိူင်းၼီႇပေႃး ဢွၼ်ၵၼ်ဢွၵ်ႇၼႄၵၢင်ၸႂ်တေႃႇ လွင်ႈလူင်ပွင်ၸိုင်ႈ ပိၵ်ႉဢိုတ်းပႅတ်ႈသိုဝ်ႇတူင်ႇဝူင်းၵူၼ်း (Social Media)၊ လွင်ႈၵိၼ်သူးၵိၼ်လၢပ်ႈလႄႈ လွင်ႈပိုၼ်ၽႄႈမူႇဝႃႇတၾၢႆႇလဵဝ် ၸိူဝ်းၼႆႉ။ သိုဝ်ႇၶၢဝ်ႇ The Guardian ႁၢႆးငၢၼ်းဝႃႈ - ၸုမ်းပလိၵ်ႈၶဝ် ၸႂ်ႉတိုဝ်းဢဵၼ်ႁႅင်းတင်းၼမ်သေ ႁႄႉႁၢမ်ႈ ၵူၼ်းမိူင်းၸိူဝ်းၼႄၵၢင်ၸႂ်ၼၼ်ႉ မီးလွင်ႈလူႉတၢႆ ဢမ်ႇယွမ်း 19 ၵေႃႉ၊...

ၽွင်းသိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼႆႉ ၾၢႆႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇပႃးလႄႈ ႁဵတ်းႁႂ်ႈၵူၼ်းမိူင်း ဢွၼ်ၵၼ်တူၵ်းၸႂ်ၵူဝ်ႁႄ မႆႈၸႂ်လွင်ႈႁူမ်ႇလူမ်ႈ ၼႆယဝ်ႉ။ ၵူၼ်းပၢႆႈၽေးသိုၵ်း တီႈဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ -“မိူဝ်ႈတႄႇမၼ်းတႄႉ ပဵၼ်တၢင်းၼွင်ၶဵဝ်ၵူၺ်း။ တိုၵ်ႉယူႇငၢႆႈယူႇ တီႈၵျွၵ်ႉမႄးၼႆႉ ၽိူဝ်ႇၼွင်ၶဵဝ်ၵေႃႈတူၵ်းၼႂ်းမိုဝ်းမၢၼ်ႈ ၶိုၼ်းယဝ်ႉ ဢမ်ႇႁိုင်ဢမ်ႇၼၢၼ်း...

ဝၢႆးလင် မိၼ်းဢွင်ႇလၢႆႇ ၸွမ်ၸိၵ်းသိုၵ်းမၢၼ်ႈယိုတ်းမိူင်း ဢွၵ်ႇၶၢဝ်းတၢင်းၵႂႃႇၶဝ်ႈႁူမ်ႈပၢင်ပွႆးမၢႆတွင်း ၵျပၼ်ႊထွၼ်သိုၵ်းဢွၵ်ႇမိူင်းၶႄႇ တဵမ် 80 ပီ တီႈမိူင်းၶႄႇႁိုင်ၶၢဝ်းတၢင်းမွၵ်ႈ 2 ဝူင်ႈသေ ပွၵ်ႈမႃးၶိုၼ်းၼႆႉ သိုၵ်းမၢၼ်ႈ သိုပ်ႇၸတ်းႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းပိုၼ်ႉတီႈသိုၵ်းတဢၢင်းၵုမ်းၵမ်ၸူဝ်ႈၶၢဝ်း။ မိူဝ်ႈၼႆႉ ဝၼ်းတီႈ 09/09/2025 ယၢမ်းၵၢင်ၼႂ်ၸဝ်ႉ 12 မူင်းၶိုင်ႈ တေႃႇ 1 မူင်းၼၼ်ႉ...

တႄႇႁူဝ်လိူၼ် သႅပ်ႊထႅမ်ႊပိူဝ်ႊ ၼႆႉမႃးသိုၵ်းမၢၼ်ႈ တင်းသိုၵ်းတဢၢင်း TNLA  သိုပ်ႇပဵၼ်ပၢင်တိုၵ်းႁၢဝ်ႈႁႅင်း ၼႂ်းဝၢၼ်ႈၼွင်ပႅတ်း ထုင်ႉၼွင်ပိင်ႇ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ႁဵတ်းႁႂ်ႈၵူၼ်းဝၢၼ်ႈႁိမ်းႁွမ်းပၢင်တိုၵ်းၼၼ်ႉၵိုတ်းၶမ်ဝႆႉ ၼႂ်းဝၢၼ်ႈဢမ်ႇၸၢင်ႈၵႂႃႇၸူးၵၼ်တႃႇၸွႆႈထႅမ်ၶဝ်ႈၼမ်ႉတၢင်းၵိၼ် ။ ၼၢင်းယိင်း ၵူၼ်းထုင်ႉၼွင်ပိင် ဢၼ်ပၢႆႈၽေးသိုၵ်းဝႆႉလၢတ်ႈၽူႈတွႆႇႁွၵ်ႈဝႃႈ-“သိုၵ်းတဢၢင်း ယူႇၾၢႆႇၼိုင်ႈ သိုၵ်းမၢၼ်ႈယူႇၾၢႆႇၼိုင်ႈသေ ယိုတ်းၵၼ်ၼႂ်းဝၢၼ်ႈၼွင်ပဵတ်း ပၢင်တိုၵ်းပဵၼ်ႁၢဝ်ႈႁႅင်းဝႆႉ ၊ ၵူၼ်းဢၼ်ဢမ်ႇပၢႆႈဢွၵ်ႇလႆႈၶမ်ဝႆႉၼႂ်းဝၢၼ်ႈ ၊ ႁိမ်းဝၢၼ်ႈၸိူဝ်းၼၼ်ႉၵေႃႈ ထိုင်တလဵဝ် ဢမ်ႇၸၢင်ႈဢွၵ်ႇ...

ၸုမ်းၸွႆႈထႅမ်ၶဝ်ႈၼမ်ႉတၢင်းၵိၼ် ၸၢတ်ႈၸိုင်ႈလုမ်ႈၾႃႉ (WFP) လၢတ်ႈဝႃႈ - ၼႂ်းၵူၼ်းမိူင်းႁူမ်ႈတုမ်မၢၼ်ႈ 3 ၵေႃႉၼၼ်ႉ တႃႇ 1 ၵေႃႉ ၺႃးၽေးဢိုပ်းယၢၵ်ႈ၊ ဢမ်ႇလႆႈၵိၼ်တၢင်းၵုမ်ႇထူၼ်ႈ၊ မိူင်းမၢၼ်ႈၼႆႉ ပဵၼ်မိူင်းဢၼ်လႆႈႁူပ်ႉၺႃးၽေးဢိုပ်းယၢၵ်ႈ ၼမ်လိူဝ်ပိူၼ်ႈသုတ်းထီႉ 5 ၼႂ်းလုမ်ႈၾႃႉ ဝႃႈၼႆ။ ၵူၼ်းမိူင်းႁူမ်ႈတုမ်မၢၼ်ႈ တႃႇႁူဝ်ၼပ်ႉၵူၼ်း 16.7 လၢၼ်ႉၼႆႉ လႆႈႁူပ်ႉဝႆႉ ပၼ်ႁႃၶဝ်ႈၼမ်ႉတၢင်းၵိၼ်...

ၽွင်းသဵၼ်ႈတၢင်းၵၢၼ်ၵႃႉၶၢႆ တီႈလႅၼ်လိၼ်ယၢင်းၽိူၵ်ႇ - ထႆး ၺႃးဢိုတ်းႁၢမ်ႈၵၢၼ်တေႃႉၶူဝ်းၵုၼ်ႇတီႈ ၶူဝ်လႅၼ်လိၼ်မၢႆ (2) ဝဵင်းမျႃႉဝတီႇယဝ်ႉၼၼ်ႉ သိုၵ်းမၢၼ်ႈ တႄႇၵူတ်ႇထတ်းၶူဝ်းၵုၼ်ႇ ဢၼ်လုၵ်ႉတၢင်းမိူင်းထႆး ၶဝ်ႈၵႂႃႇၼႂ်းမိူင်းမၢၼ်ႈၼၼ်ႉႁၢဝ်ႈႁႅင်းသေ ဢိုတ်းႁၢမ်ႈသဵၼ်ႈတၢင်းတေႃႉၶူဝ်းၵုၼ်ႇၵႂႃႇ တၢင်းမိူင်းမၢၼ်ႈထုင်ႉပဵင်းလႄႈ မိူင်းတႆးပတ်းပိုၼ်ႉ ၼႆယဝ်ႉ။ မိူဝ်ႈပူၼ်ႉမႃး ဝၼ်းတီႈ 18/08/2025 ၼၼ်ႉ သိုၵ်းမၢၼ်ႈ ဢိုတ်းပႅတ်ႈၶူဝ်မၢႆ (2) တီႈလႅၼ်လိၼ်မႄႈသွတ်ႈ -...

တင်ႈတႄႇပဵၼ်ပၢင်တိုၵ်း ၽႅၼ်ၵၢၼ်ယၼ်ႇသိုၵ်း 1027 မႃး ယေးငိုၼ်း (ပၢၼ်ႇ) တီႈဝဵင်းလႃႈသဵဝ်ႈ လႆႈဢိုတ်းဝႆႉ ႁိုင်ၶၢဝ်းတၢင်းၸမ် 2 ပီလႄႈ ၸဝ်ႈၵၢၼ်ပၢႆးမၢၵ်ႈမီးဢွၼ်ႇ ၸိူဝ်းပဵၼ်ၵူၼ်းၵႃႉၵူၼ်းၶၢႆ၊ ၵူၼ်းလႅၵ်ႈငိုၼ်း ၼႂ်းမိူင်းတႆးပွတ်းႁွင်ႇ ႁူပ်ႉတၢင်းယၢပ်ႇ တႃႇလႆႈတူဝ်ငိုၼ်းလႄႈ ထွၼ်ထႅမ်သႂ်ႇငိုၼ်းၼႂ်းပၢၼ်ႇ ဝႃႈၼႆ။ တႃႇလႆႈတူဝ်ငိုၼ်း ဢမ်ႇၼၼ် ထႅမ်ထွၼ် လႅၵ်ႈငိုၼ်းသႂ်ႇၼႂ်းယေးငိုၼ်း ၸဝ်ႈၵဝ်ႇလႆႈၼၼ်ႉ ယၢပ်ႇၵိၼ်းႁႅင်းၼႃႇၼႆ...

ၼႂ်းၶၢဝ်းတၢင်းသွင်လိူၼ်ပူၼ်ႉမႃးၼႆႉ သၢႆၵၢၼ်မိၼ် ဢၼ်လုၵ်ႉတၢင်းတႃႈၵုင်ႈ ဢွၵ်ႇၶၢဝ်းတၢင်းမႃး ဝဵင်းတႃႈၶီႈလဵၵ်း လႅၼ်လိၼ်တႆး - ထႆးၼႆႉ မီးၵူၼ်းၼုမ်ႇ ၶီႇမႃးၸွမ်းၵူႈလမ်းလႄႈ ႁဵတ်းႁႂ်ႈဝႂ်ႁိူဝ်းမိၼ် ၶၢႆလီႁႅင်းသေ ၵူၼ်းၶၢႆဝႂ်ႁိူဝ်းမိၼ် ၸင်ႇဢဝ်တိုဝ်ႉတၢင်းၼႆႉ ၶိုၼ်ႈၵႃႈၶၼ်ဝႂ်ႁိူဝ်းမိၼ် တူပ်ႉၼႅပ်ႇ ၼႆယဝ်ႉ။ ၵႃႈၶၼ်ဝႂ်ႁိူဝ်းမိၼ် ဢၼ်ၶွမ်ႊပၼီႊသၢႆၵၢၼ်မိၼ်ၶဝ် မၵ်းမၼ်ႈဝႆႉၼၼ်ႉတႄႉ တႃႈၵုင်ႈ (ယၼ်ႇၵုင်ႇ) - တႃႈၶီႈလဵၵ်းၼႆႉ မီးယူႇမွၵ်ႈ...

ယၢမ်းလဵဝ် ၵူၼ်းပၢႆႈၽေးသိုၵ်း တီႈဝဵင်းယွင်ႁူၺ်ႈ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း မီးၶၢဝ်းတၢင်းလိူၼ်ပၢႆယဝ်ႉသေတႃႉ ယွၼ်ႉႁိူၼ်းယေးၵူၼ်းမိူင်းလူႉၵွႆ မိူဝ်ႈၽွင်းပၢင်တိုၵ်း ၼၼ်ႉၼမ်လႄႈ တေႃႇထိုင်ယၢမ်းလဵဝ် တႃႇမႄးၶိုၼ်းႁိူၼ်းယေး တီႈယူႇတၼ်းသဝ်း ၸိူဝ်းၼၼ်ႉ တိုၵ်ႉမီးလွင်ႈယၢပ်ႇၽိုတ်ႇဝႆႉ။ ၵူၼ်းပိုၼ်ႉတီႈ ၼႂ်းၸႄႈဝဵင်းယွင်ႁူၺ်ႈ လၢတ်ႈတီႈၽူႈတွႆႇႁွၵ်ႈဝႃႈ -“ၵူၼ်းပၢႆႈၽေးသိုၵ်း တီႈဝဵင်းယွင်ႁူၺ်ႈတႄႉ ႁွတ်ႈမိူဝ်းႁိူၼ်းၵၼ်ၵူႈၵေႃႉယဝ်ႉ။ ၵူၺ်းၵႃႈ ႁွတ်ႈၽႅဝ်ႁိူၼ်းၶိုၼ်း ၵေႃႈ တေႃႉတႄႉလႆႈမႃး မႄးလုမ်းလႃးႁိူၼ်းယေးမွၵ်ႈၼၼ်ႉၵူၺ်း။ ႁိူၼ်းယေးၸိူဝ်းၺႃးမၢၵ်ႇတႅၵ်ႇသႂ်ႇၸိူဝ်းၼၼ်ႉၵေႃႈ...