ၼႂ်းၶၢဝ်းတၢင်းယိုတ်းဢႃႇၼႃႇၸိုင်ႈမိူင်းမႃး 4 ပီပၢႆၼႆႉ ႁိူၼ်းယေးၵူၼ်းမိူင်း ၸိူဝ်းၺႃးၸုတ်ႇၽဝ်လူႉၵွႆ မီး 1 သႅၼ်ပၢႆယဝ်ႉၼႆ ၸုမ်း Data for Myanmar ၵဵပ်းၶေႃႈမုလ်ႊ ပိုၼ်ၽၢဝ်ႇဝႆႉၼင်ႇၼႆ။
ၼႂ်းဝၼ်းတီႈ 23/11/2025 ၸုမ်း Data for Myanmar ပိုၼ်ၽၢဝ်ႇဝႆႉဝႃႈ – တႄႇဢဝ်ၼႂ်းဝၼ်းတီႈ 1/5/2021 တေႃႇထိုင် ဝၼ်းတီႈ 31/5/2025 (ၶၢဝ်းတၢင်း 4 ပီပၢႆ)ၼႆႉ ႁိူၼ်းယေးၵူၼ်းမိူင်း ၸိူဝ်းၺႃး ၸုမ်းသိုၵ်းမၢၼ်ႈ ၸုတ်ႇၽဝ်လူႉၵွႆၵႂႃႇၼႆႉ မီး 116,897 လင်ယဝ်ႉ ဝႃႈၼႆ။
ၼႂ်းၼၼ်ႉ ႁိူၼ်းယေးၵူၼ်းမိူင်း ၼႂ်းတိူင်းၸႄႈၵႅင်း ၺႃးသိုၵ်းမၢၼ်ႈ ၸုတ်ႇၽဝ်လူႉၵွႆ ၼမ်လိူဝ်ပိူၼ်ႈသုတ်း မီး 76990 လင် (မီးတႃႇ 65% တူဝ်ႈမိူင်းမၢၼ်ႈပတ်းပိုၼ်ႉ)။
လိူဝ်ၼၼ်ႉ ပဵၼ်ၼႂ်းတိူင်းမၵူၺ်း၊ တိူင်းမၢၼ်းတလေး၊ မိူင်းၶၢင်၊ မိူင်းရၶႅင်ႇ လႄႈ မိူင်းၶျၢင်း ၸိူဝ်းၼႆႉ။
ၼႂ်းသဵၼ်ႈမၢႆ ဢၼ်ၸုမ်း Data for Myanmar ၶဝ် ပိုၼ်ၽၢဝ်ႇဢွၵ်ႇဝႆႉၼႆႉ ပဵၼ်သဵၼ်ႈမၢႆ ဢၼ်ၵဵပ်းလႆႈၵူၺ်း၊ ၼႂ်းပိုၼ်ႉတီႈၸိူဝ်းဢမ်ႇယိုၼ်းထိုင်လႆႈလႄႈ ၼႃႈတီႈပဵၼ်ပၢင်တိုၵ်းသိုၵ်းသိူဝ်ၵၼ်ႁၢဝ်ႈႁႅင်းၼၼ်ႉ ႁူဝ်ၼပ်ႉ တေၸၢင်ႈၼမ်လိူဝ်ၼႆႉထႅင်ႈယူႇ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ