ဢွၼ်ႇယိင်း 14 ၵေႃႉ ၵူၼ်းဝၢၼ်ႈၵွင်လိူဝ်း ၸႄႈဝဵင်းပၢင်လွင်း ၺႃးၼၢႆးၼႃႈႁူၺ်းႁွင်ႉၵႂႃႇဝႃႈတေႁႃပၼ်ၵၢၼ်ၼႆသေ ဢဝ်ၵႂႃႇၶၢႆတီႈလႅၼ်လိၼ်တႆး-ၶႄႇၼၼ်ႉ ယၢမ်းလဵဝ်ပၢႆႈလွတ်ႈပွၵ်ႈမႃးထိုင်ႁိူၼ်းၶိုၼ်း 10 ၵေႃႉယဝ်ႉ တိုၵ်ႉႁၢႆဝႆႉယူႇ 4 ၵေႃႉ ။ တႄႇၼႂ်းၵၢင်လိူၼ်မတ်ႉၶျ်မႃးၼႆႉ ၼၢင်းယိင်းၵေႃႉၼိုင်ႈဢၼ်ပဵၼ် ၼၢႆးၼႃးပွႆးသႃး (မၼ်းလၢတ်ႈဝႃႈမၼ်းယူႇဝဵင်းလႃႈသဵဝ်ႈ) ၼႆၼၼ်ႉ  ႁူၺ်းႁွင်ႉဢွၼ်ႇယိင်းတီႈဝဵင်းပၢင်လွင်းၵႂႃႇ တၢင်းလႅၼ်လိၼ်တႆး-ၶႄႇ ၼၼ်ႉ 14  ၵေႃႉယဝ်ႉ။   ၼၢႆးၼႃႈ...

ႁူင်းၵဵပ်းယၢမ်း ၶွင်ၸုမ်းသိုၵ်းလွႆ (တဢၢင်း) TNLA ဢၼ်တင်ႈဝႆႉၼႂ်းၵၢင်ဝၢၼ်ႈၵွင်းတပ်ႉ ၾၢႆႇဢွၵ်ႇၵၢင်ဝဵင်း ၼမ်ႉၶမ်း ၵိုင်ႉၵၢင်ႉတႅၵ်ႇၽူင်ႉ ႁၢဝ်ႈႁႅင်းမိူဝ်ႈႁၢင်လိူၼ်မေႊပူၼ်ႉမႃးၼႆႉ ႁဵတ်းႁႂ်ႈႁိူၼ်းယေး လူႉၵွႆၵႂႃႇမွၵ်ႈ 1000 လင်လႄႈ ၵူၼ်းမိူင်းၸိူဝ်း ယူႇၼႂ်းပိုၼ်ႉတီႈ လူႉတၢႆမၢတ်ႇၸဵပ်းၵႂႃႇၸွမ်း 100 ပၢႆ ပႆႇလႆႈတၢင်းၸွႆႈထႅမ်တႃႇပူၵ်းပွင်ၶိုၼ်းတီႈယူႇႁိူၼ်းယေး။ မိူဝ်ႈဝၼ်းတီႈ 31/5/2026 ယၢမ်းၵၢင်ဝၼ်း 12 မူင်းၶိုင်ႈ ႁူင်းၵဵပ်းယၢမ်း...

ၵူၼ်းၸိူဝ်းဢၼ်ဝႃႈ မိူင်းတႆး ယူႇသဝ်းႁင်းၶေႃၵူၺ်းၼႆႉဢမ်ႇပဵၼ်ၵၢၼ် - ၼႆၼၼ်ႉ ပဵၼ်ၵူၼ်းဢမ်ႇမီးပၢႆးဝူၼ်ႉၵၢၼ်မိူင်းၵူၺ်း။ တူၺ်းဢဝ်မိူင်း သိင်ႊၵပူဝ်ႊ ပရူႊၼၢႆႊ သီႊလင်ႊၵႃႊ လႄႈ ၼီႊပေႃႊ ၸိူဝ်းၼႆႉ လဵၵ်ႉလိူဝ်မိူင်းတႆးပဵၼ်လၢႆပုၼ်ႈ  ပိူၼ်ႈယင်းပဵၼ်မိူင်းၵွၼ်းၶေႃ - ၶိုၼ်ႈယႂ်ႇလိူဝ်မိူင်းႁူမ်ႈတုမ်မၢၼ်ႈၵႅၵ်းၼႆႉ ပဵၼ်ပၢၵ်ႇပုၼ်ႈ။ ၽြႃးပဵၼ်ၸဝ်ႈၵေႃႈဝႃႈ -ၸဝ်ႈၵဝ်ႇတၵ်းလႆႈပိုင်ႈဢိင်ၸဝ်ႈၵဝ်ႇ၊ ၵွၼ်းတူဝ်ၸဝ်ႈၵဝ်ႇ၊ ဢမ်ႇတၢပ်ႈပိုင်ႈဢိင်ပိူၼ်ႈ ( ဢတ်ႉတႁိ ဢတ်ႉတၼေႃး ၼႃထေႃး)...

ၸွမ်ၸိုင်ႈ သိုၵ်းမၢၼ်ႈယိုတ်းမိူင်း မိၼ်းဢွင်ႇလၢႆႇ လၢတ်ႈၼႂ်းပၢင်ၵုမ်ၸုမ်းလူင်ပွင်ၸိုင်ႈ ဢၼ်ၸတ်းႁဵတ်းတီႈၼေႇပျီႇတေႃႇ ဝၼ်းတီႈ 27 လိူၼ်မေႊ ၼႆႉဝႃႈ ၼႂ်းၶၢဝ်းတၢင်း 5 ပီၼႆႉ တေဢၢၼ်းၶတ်းၸႂ် ႁဵတ်းႁႂ်ႈလႆႈလွင်ႈငမ်းယဵၼ်။ ယၢမ်းလဵဝ်ၵေႃႈ လႆႈမွၵ်ႇႁွင်ႉတႃႇဢုပ်ႇၵုမ်လွင်ႈငမ်းယဵၼ်ဝႆႉ ၼႂ်းၶၢဝ်းတၢင်းၽႅၼ်ၵၢၼ် 100 ဝၼ်း၊ မီးလွင်ႈဢုပ်ႇၵုမ်ၵၼ်တင်းၽူႈမီးပုၼ်ႈၽွၼ်း ၼႂ်းၸုမ်းယိပ်းၵွင်ႈၵၢင်ႇၸၢဝ်းၶိူဝ်း (EAO) ၵမ်ႈၽွင်ႈဝႆႉယူႇ ဝႃႈၼႆ။ ၸွမ်ၸိုင်ႈ...

ၵူၼ်းမိူင်းဝၢၼ်ႈၺွင်ႇပိၼ်ႇ ၸိူဝ်းယူႇသဝ်းဝႆႉ ၾၢႆႇၸၢၼ်းႁိမ်းၵျွင်းၼွင်တဝ်း ၸႄႈဝဵင်းႁူဝ်ပူင်း ၸိုင်ႈတႆးပွတ်းၸၢၼ်းၼၼ်ႉ ထုၵ်ႇလုမ်းၽွင်းငမ်းပဢူဝ်း ဢၼ်ယူႇတႂ်ႈသိုၵ်းမၢၼ်ႈ ၸႂ်ႉၶၢႆႉ   ဝၼ်းတီႈ 27/5/2026  ႁႂ်ႈယဝ်ႉတူဝ်ႈ ဝႃႈၼႆ။   လင်ႁိူၼ်း ဢၼ်မီးၾၢႆႇၸၢၼ်းၵျွင်းၼွင်တဝ်း ဢၼ်တေလႆႈၶၢႆႉၼၼ်ႉ မီး 70-80 လင် ။ လွင်ႈၼႆႉ ယူႇတီႈ ႁွင်ႈၵၢၼ်ၾၢႆႇၽွင်းငမ်း သိုၵ်းမၢၼ်ႈလႄႈ ၊...

တႄႇၵၢင်လိူၼ်မေႊၼႆႉမႃး သိုၵ်းမၢၼ်ႈႁူမ်ႈပျီႇတူႉၸိတ်ႉ PNO ၶဝ်ႈၵူတ်ႇထတ်းသဵၼ်ႈမၢႆၶႅၵ်ႇ ၼႂ်းပွၵ်ႉၼႂ်းယွမ်ႇ  ၼႂ်းဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း သေဢမ်ႇၵႃး ၵူတ်ႇထတ်းၵူၼ်းၵႂႃႇမႃးႁၢဝ်းႁႅင်း  ။ ၵူၼ်းၸၢႆးၼႂ်းဝဵင်းယွင်ႁူၺ်ႈလၢတ်ႈၽူႈတွႆႇႁွၵ်ႈဝႃႈ -“ တလဵဝ်ၼႆႉ သိုၵ်းမၢၼ်ႈၶဝ်ႈ ၵူတ်ႇထတ်း သဵၼ်ႈမၢႆၶႅၵ်ႇသေ  တီႉၺွပ်းပႃး ၊ ၸွမ်းၵဵတ်ႉလၢၼ်ႇၸိူဝ်းၼၼ်ႉၵေႃႈ ၵူတ်ႇထတ်းၵူၼ်းၵႂႃႇမႃး  ႁၢဝ်ႈႁႅင်း  ယၢမ်းလဵဝ်ၼႆႉ ပေႃးဢမ်ႇၸႂ်ႈၵူၼ်းပိုၼ်ႉတီႈၼႆႉ လီၾၢင်ႉၵႂႃႇၾၢင်ႉမႃးၵၼ်ၼႃႇ ”-...

ပျီႇတူႉၸိတ်ႉPNO တီႉၺွပ်းၵူၼ်းသူႇသမ်းယႃႈ ၼႂ်းၸႄႈဝဵင်းပၢင်လွင်း ၊ ထုင်ႉပူင်း ၸိုင်ႈတႆးပွတ်းၸၢၼ်း  ပေႃႉထုပ်ႉ မႂ်ငိုၼ်းယဝ်ႉ  ပွႆႇပၼ်ၶိုၼ်း   ။  ၵၢင်လိူၼ်မေႊၼႆႉမႃး ပျီႇတူႉၸိတ်ႉ PNO တီႉၺွပ်းၵူၼ်းၼုမ်ႇၼႂ်းဝၢၼ်ႈတၵူးမိုဝ်ႉ ( တကူးမွူး) သေပေႃႉထုပ်ႉ မႂ်ယွၼ်းငိုၼ်း  ။ ၵူၼ်းၸၢႆးဝဵင်းပၢင်လွင်းလၢတ်ႈၽူႈတွႆႇႁွၵ်ႈဝႃႈ -“ ၸုမ်းPNOၶဝ်ၼႆႉယိပ်းၵွင်ႈသေ ပေႉၵိၼ်ၵူၼ်းမိူင်းၼႃႇ ၊ ၼႂ်းဝဵင်းပၢင်လွင်းတႄႉ ၶဝ်ဢမ်ႇပေႃးႁဵတ်းတႄႉတႄႉ...

မိူဝ်ႈၼႆႉဝၼ်းတီႈ 25/5/2026 ၸုမ်းၵူၼ်းၼုမ်ႇတႆး (Dai Youth Congress) ဢွၵ်ႇၽိုၼ်လိၵ်ႈႁၢႆးငၢၼ်း တုၵ်းယွၼ်း ႁႂ်ႈၸုမ်းသိုၵ်းၶႄႇၵဝ်ႈၵၢင်ႉ (MNDAA) မူၼ်ႉမႄးလၢႆးႁဵတ်းတၢင်းသၢင်ႈ လႄႈ ပိူင်ၵၢၼ်ၽွင်းငမ်း ဢၼ်ၸႂ်ႉ တိုဝ်းယူႇယၢမ်းလဵဝ် လႄႈ သၢၼ်ၶတ်းလွင်ႈၸုမ်းသိုၵ်းၶႄႇၵဝ်ႈၵၢင်ႉ ဢဝ်ၶေႃႈၵႂၢမ်းၵၢၼ်လုၵ်ႉ ၽိုၼ်ႉသေ ႁဵတ်းႁႂ်ႈၵူၼ်းမိူင်းလႆႈတုၵ်ႉယၢၵ်ႈ ၸူမ်ၶဝ်ႈၼႂ်းလုၵ်းလုမ်တၢင်းတုၵ်ႉၶ ၼႆယဝ်ႉ။ ဝၢႆးလင်ပၢင်တိုၵ်းၽႅၼ်ၵၢၼ်ယၼ်ႇသိုၵ်း 1027 ပွၵ်ႈၵမ်းၼိုင်ႈ...

ၵူၼ်းမိူင်းၼႂ်းၸႄႈဝဵင်းမိူင်းယႆ ၺႃးၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ၼႂ်းပိုၼ်ႉတီႈ တီႉၺွပ်း မတ်ႉ ဢဝ်ၵွင်ႈငႃ ယဵတ်ႈသႂ်ႇၶွၵ်ႈၶင် လူၺ်ႈဢမ်ႇမီးတၢင်းၽိတ်းသင် ႁိုင်ၶၢဝ်းတၢင်း မွၵ်ႈ 3 ဝၼ်းယဝ်ႉ ၸင်ႇပွႆႇဢွၵ်ႇမႃးၶိုၼ်း ။ မိူဝ်ႈၵၢင်လိူၼ်မေႊၼႆႉ ၵူၼ်းမိူင်းယႆၵေႃႉၼိုင်ႈ ၵႂႃႇၸႂ်းၵေႃႉပဵၼ်ပေႃႈမၼ်းၸၢႆး ဢၼ်ၺႃးၸုမ်းယိပ်းၵွင်ႈၵၢင်ႇၼႂ်းပိုၼ်ႉတီႈ ၼႄးဝႃႈဢမ်ႇသႂ်ႇၶွၼ်ႇၼႆသေတီႉၺွပ်းၵုမ်းၶင်ၶွၵ်ႈဝႆႉ တီႈၼႂ်းဢိူင်ႇသႅၼ်တေႃ ။ ၽွင်းၼၼ်ႉ သိုၵ်း SSPP...

မိူဝ်ႈဝၼ်းတီႈ 19 /5/2026 ၸုမ်းၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဢွၵ်ႇၽိုၼ်လိၵ်ႈႁၢႆးငၢၼ်းဝႃႈ ၵူၼ်းၼုမ်ႇၸိူဝ်းႁႃၵၢၼ်ၼႂ်းဢွၼ်ႊလၢႆႊသေ ထိုင်ၵႂႃႇၼႂ်းၶွမ်ႊပၼီႊၶႄႇ (ဢၼ် ႁဵတ်းၵၢၼ်ၵျႃႊၽျႅၼ်ႉ) ၼႂ်းၸႄႈဝဵင်းတႃႈၶီႈလဵၵ်းၼၼ်ႉ ၺႃးပေႃႈလဵင်ႉၼႄးဝႃႈ လၵ်ႉငိုၼ်းၼႆသေ သူင်ႇတူဝ်ၵႂႃႇႁဵတ်းၵၢၼ်ၶုတ်းႁႄႈလိၼ် (Rare Earth) ၼႂ်းၼႃႈတီႈသိုၵ်းဝႃႉ UWSA ၵုမ်းၵမ် ဝႃႈၼႆ။ ၵူၼ်းၼုမ်ႇၸိူဝ်းၺႃး ၶွမ်ႊပၼီႊၶႄႇ (Chinese cyberscam company) ဢဝ်တူဝ်ၶဝ်သူင်ႇၶၢႆပၼ်...

ၵၢတ်ႇၵၢင်ၶမ်ႈ တီႈပွၵ်ႉတပိၼ်ႇသူၺ်ႇထီး ႁိမ်းႁေႃသဝ်ယၢမ်းမူင်း (နာရီစင်) တၢင်းၼႃႈ ဢူဝ်းသျိၼ်း – City Square Shopping Centre ဢၼ်မီးၵၢင်ဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ ၸဝ်ႈႁၢၼ်ႉၶၢႆတၢင်းၵိၼ် လႆႈၶၢႆႉပၼ်ဢွင်ႈတီႈၶၢႆၵၢတ်ႇ   ။ ၸဝ်ႈႁၢၼ်ႉၶၢႆၵၢတ်ႇၵၢင်ၶမ်ႈ လႆႈၶၢႆႉဢွၵ်ႇပၼ်ဢွင်ႈတီႈ  ၼႂ်းဝၼ်းတီႈ 15/5/2026 သေ ထိုင်မႃးဝၼ်းတီႈ 17/5/2026  တႄႇယႃႉၵၢတ်ႇၵႂႃႇ ဝႃႈၼႆ...

ဢွၼ်ႇၸၢႆး ၵေႃႉၼိုင်ႈ မၢၵ်ႇ တႅၵ်ႇတိူဝ်ႉသႂ်ႇလႄႈ မၢတ်ႇၸဵပ်းႁၢဝ်ႈႁႅင်း ၽွင်းၽႃႇၽိုၼ်းယူႇၼႂ်းဝၢင်းႁိူၼ်ၸဝ်ႈၵဝ်ႇ တီႈဝဵင်းၼွင်ၶဵဝ် မိူင်းတႆးပွတ်းႁွင်ႇ။ မိူဝ်ႈဝၼ်းတီႈ 12/05/2026 ဢွၼ်ႇၸၢႆးၵေႃႉၼိုင်ႈ ၸိုဝ်ႈႁွင်ႉ ထႅတ်ႉဢွင်ႇၵူဝ်ႇ (ထက်အောင်ကို) ဢႃယု 19 ပီ ယူႇပွၵ်ႉပႃႇႁၵ်ႉ (ပါဟတ်ရပ်ကွက်) ဝဵင်းၼွင်ၶဵဝ် ၼင်ႈၽႃႇၽိုၼ်းယူႇၼႂ်းဝၢင်းႁိူၼ်းၼၼ်ႉ မၢၵ်ႇ(ဢၼ်ဢမ်ႇတႅၵ်ႇသေၶၢင်ႉၶမ်ဝႆႉၽွင်းပၢင်တိုၵ်းၼၼ်ႉ) ၵိုင်ႉၵၢင်ႉတႅၵ်ႇသႂ်ႇမၼ်းၸၢႆး ထိုင်တီႈလႆႈမၢတ်ႇၸဵပ်း။ မၢၵ်ႇတႅၵ်ႇတိူဝ်ႉသႂ်ႇ တိၼ်လႄႈမိုဝ်းမၼ်းၸၢႆး၊...

သွင်ၽူဝ်မႄး ယူႇပွၵ်ႉၵၢတ်ႇ (စျေးတန်းရပ်ကွက်) ဝဵင်းဝၢၼ်ႈငႂ်ႈ ( ယႂႃႇငၢၼ်ႇ ) ၸိုင်ႈတႆးပွတ်းၸၢၼ်း ထုၵ်ႇၸုမ်းဢမ်ႇႁူႉၾၢႆႇၶႃႈႁႅမ်တၢႆ ဝႃႈၼႆ ။ မိူဝ်ႈဝႃး ဝၼ်းတီႈ 13/5/2026 ယၢမ်းဝၢႆးဝၼ်း 4 မူင်းပၢႆၼၼ်ႉ ၸုမ်းဢမ်ႇႁူႉၾၢႆႇ ၶဝ်ႈမႃးတႅင်းသွင်ၽူဝ်မေးတၢႆ ထိုင်ၼႂ်းႁိူၼ်း။   ၵူၼ်းၸၢႆးဝဵင်းယႂႃႇငၢၼ်ႇလၢတ်ႈၽူႈတွႆႇႁွၵ်ႈဝႃႈ -“မိူဝ်ႈဝႃး ဝၢႆးဝၼ်းၼႆႉ ၶဝ်ၽူဝ်မေးထုၵ်ႇၶႃႈႁႅမ်တၢႆ ၊...

ၵူၼ်းၼုမ်ႇထုင်ႉဢီႇၼၢႆး ဝဵင်းလႃႈသဵဝ်ႈ ၺႃးသိုၵ်းၵဝ်ႈၵၢင်ႉ MNDAA ၼႄးဝႃႈၵဵဝ်ႇၵွင်ႉယႃႈမဝ်းၵမ်ၼႆသေ တီႉၺွပ်းၵႂႃႇလႆႈၽၢၵ်ႇလိူၼ်သၢဝ်းဝၼ်းယဝ်ႉယင်းပႆႇပွႆႇမႃးၶိုၼ်း- ပေႃးပီႈၼွင်ႉဢမ်ႇၵႂႃႇထုတ်ႇၸိုင် တေဢဝ်ၵႂႃႇႁဵတ်းလွၼ်ႉသိုၵ်း ၵဝ်ႈၵၢင်ႉ ၼႆလႄႈ ၸိူဝ်းဢမ်ႇမီးငိုၼ်း ဢမ်ႇမီးပီႈၼွင်ႉပဵၼ်ဢၼ်မႆႈၸႂ်။ ၵူၼ်းၼုမ်ႇထုင်ႉဢီႇၼၢႆးၼႆႉ ၺႃးတီႉၺွပ်းၵႂႃႇၸဵမ်မိူဝ်ႈဝၼ်းတီႈ 21/04/2026။ ပဵၼ်ၵူၼ်းပွတ်းဝၼ်ႈ 12 လၵ်း၊ 13 လၵ်း၊ မၢၼ်ႈတွင်း(ပလွင်ႈ)၊ ဝၢၼ်ႈဢီႇၼၢႆးၸိူဝ်းၼႆႉ တင်းမူတ်း 70 ပၢႆ...

ဝၼ်းတီႈ 30/04/2026 ၶမ်ႈဝႃးၼႆႉ သိုၵ်းမၢၼ်ႈပိုၼ်ၽၢဝ်ႇဝႃႈ ၶၢႆႉ ၻေႃႇဢွင်ႇသၢၼ်းၸူႉၵျီႇ ႁူဝ်ၼႃႈပႃႇတီႇၼူၵ်ႉယုင်း NLD  ဢွၵ်ႇၶွၵ်ႈသေ ဢဝ်မႃးၵုမ်းၶင်ၵိုၵ်းႁိူၼ်း  ဝႆႉယဝ်ႉ- ဝႃႈၼႆ။  သိုၵ်းမၢၼ်ႈပိုၼ်ၽၢဝ်ႇဝႃႈ “ ဢဝ်ဢွင်ႇသၢၼ်းၸူႉၵျီႇ ဢွၵ်ႇၶွၵ်ႈမႃးၵုမ်းၶင်ၵိုၵ်းႁိူၼ်းယဝ်ႉ” ဝႃႈၼႆသေတႃႉ ဢဝ်ဢွၵ်ႇၶွၵ်ႈဢၼ်လႂ်- လုၵ်ႉတီႈလႂ်သေတေဢဝ်  မႃးၵုမ်းၶင်ၵိုၵ်းႁိူၼ်းတီႈလႂ်ၼႆၸိူဝ်းၼႆႉ သိုၵ်းမၢၼ်ႈဢမ်ႇလၢတ်ႈပႃး။ၵူၺ်းၵႃႈ သိုၵ်းမၢၼ်ႈပိုၼ်ၽၢဝ်ႇပႃးဝႃႈ - တူတ်ႈတၢမ်ႇဢၼ်မၼ်းၼၢင်းလႆႈႁပ်ႉၼၼ်ႉ တေႁႂ်ႈသိုပ်ႇႁပ်ႉၽွင်းၵုမ်းၶင်ၵိုၵ်းႁိူၼ်းၼၼ်ႉပႃးယူႇ...