ၸႄႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ ပိုၼ်ႉတီႈဢၼ်မီးသိုၵ်းၸၢဝ်းၶိူဝ်းတူင်ႉၼိုင်ၵႂႃႇမႃးသေၵႆႉၵႆႉပိုတ်းယိုဝ်းၵၼ်ၼၼ်ႉ ၵူၼ်းမိူင်းၵႂႃႇႁဵတ်းၵၢၼ်သူၼ် ၵႆႉၵႆႉ ယဵပ်ႇၺႃးမၢၵ်ႇမႅင်းၾင်လိၼ်တႅၵ်ႇတိူဝ်ႉသႂ်ႇ သေမၢတ်ႇၸဵပ်းလူႉတၢႆ ၊ ၵူၼ်းမိူင်းဢမ်ႇၸၢင်ႈၵႂႃႇႁဵတ်းၵၢၼ်တိူၵ်ႇႁႆႈလွၵ်းၼႃးလႆႈလွတ်ႈလႅဝ်း။  ဝၼ်းတီႈ 16/5/2021 ယၢမ်းၵၢင်ဝၼ်း မွၵ်ႈ 12 မူင်း  ၸၢႆးသၢၼ်း ဢႃယု 35 ပီ လႄႈမေးၼၢင်းမၼ်း ၵူၼ်းဝၢၼ်ႈပၢင်လူင် ၵႂႃႇႁဵတ်းသူၼ် တၢင်းဝၢၼ်ႈၼမ်ႉမၢဝ်း ဢၼ်မီးၾၢႆႇတူၵ်းဝၢၼ်ႈပၢင်လူင်၊ ၾၢႆႇႁွင်ႇဝၢၼ်ႈယေႇဢူဝ်း...

ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ၼႂ်းမိူင်းတႆး ၶဝ်ႈၵဵပ်းၶွၼ်ႇ ၸွမ်းႁၢၼ်ႉၶၢႆၶူဝ်း ႁၢၼ်ႉယႂ်ႇ/ ႁၢၼ်ႉလဵၵ်ႉ ဢမ်ႇဝႆႉ ၵဵပ်းၵူႈႁၢၼ်ႉ ၵူၼ်းမိူင်း ႁူပ်ႉလွင်ႈယၢပ်ႇၽိုတ်ႇ ၵိၼ်းၸႂ် လိူဝ်ႁႅင်း။ တႄႇဢဝ် ႁူဝ်ပီ 2021 ၼႆႉမႃး ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ၼႂ်းမိူင်းတႆး ၶဝ်ႈၵဵပ်းၶွၼ်ႇၵူၼ်းမိူင်း ၸွမ်းၼႂ်းႁၢၼ်ႉယႂ်ႇ ႁၢၼ်ႉလဵၵ်ႉ မိူၼ်ၼင်ႇ ႁၢၼ်ႉၶၢႆတၢင်းၵိၼ်ယႅမ်ႉ၊...

ၼႂ်းၶၢဝ်းတၢင်း သွင်ဝၼ်းထပ်းၵၼ်မႃးၼႆႉ ၾၢႆႇပၢႆးယူႇတီႈ ၸႄႈဝဵင်းၵဵင်းတုင် ထုၵ်ႇၶွင်ႇသီႇသိုၵ်းမၢၼ်ႈ  ပိုၼ်ၽၢဝ်ႇ ပိုတ်ႇလိူင်ႈၸွႆးတြႃး 505 (က) မီး 4 ၵေႃႉယဝ်ႉ။ မိူဝ်ႈၼႆႉ ဝၼ်းတီႈ 14/5/2021 ယၢမ်းၵၢင်ဝၼ်း 11 မူင်း ယူႇတီႈႁွင်ႈၵၢၼ်ၶၢဝ်ႇ TV မျႃႉဝတီႇ ၶွင်ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ပိုၼ်ၽၢဝ်ႇသဵၼ်ႈၸိုဝ်ႈ ၵူၼ်းမိူင်းႁူမ်ႈတုမ်...

ၶွင်ႇသီႇသိုၵ်းမၢၼ်ႈ   တီႉၺွပ်း ၼၢင်းယိင်း ၵေႃႉၼိုင်ႈ တီႈဝဵင်းတူၼ်ႈတီး ယွၼ်ႉၵူၼ်းၸမ်တူဝ်သူင်ႇၶၢဝ်ႇၸူးသိုၵ်းမၢၼ်ႈ ။ မိူဝ်ႈၼႆႉ ဝၼ်းတီႈ 13/5/2021 ယၢမ်းၵၢင်ၼႂ် သိုၵ်းမၢၼ်ႈၶဝ်ႈတီႉၼၢင်းယိင်းဢွၼ်ႇၵေႃႉၼိုင်ႈတီႈႁိူၼ်းမၼ်းၼၢင်းဢၼ်မီးတီႈ   ပွၵ်ႉမေႇၽိဝ်ႇ ၸႄႈဝဵင်းတူၼ်ႈတီး ၸိုင်ႈတႆး ပွတ်းၸၢၼ်း ။  ၵူၼ်းၼႂ်းပွၵ်ႉလၢတ်ႈဝႃႈပဵၼ် ယွၼ်ႉမႄႈဝၢၼ်ႈ/ ၵူၼ်းႁဵတ်းၵၢၼ်ႁိူၼ်း  ပဵၼ်ၻလၢၼ်ႇ လၵ်ႉပွင်ႇၶၢဝ်ႇၸူးသိုၵ်းမၢၼ်ႈသေ သိုၵ်းမၢၼ်ႈၸင်ႇႁူႉတႅတ်ႈတေႃး ထိုင်တီႈၶဝ်ႈတီႉထိုင်ၼႂ်းႁိူၼ်း ဝႃႈၼႆ။ ၵူၼ်းၼႂ်းပွၵ်ႉမေႇၽိဝ်ႇ...

ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈတင်း ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ပဵၼ်ပၢင်တိုၵ်းၵၼ်ထႅင်ႈ တီႈၸႄႈဝဵင်းၵူတ်ႉၶၢႆ  ၵူၼ်းမိူင်းဢမ်ႇၸၢင်ႈႁဵတ်းၵၢၼ်ႁႃၵိၼ်လဵင်ႉတွင်ႉ။ မိူဝ်ႈၼႆႉ ဝၼ်းတီႈ 13/5/2021 ယၢမ်းၵၢင်ၼႂ် မွၵ်ႈ 9 မူင်းၶိုင်ႈ သိုၵ်းမၢၼ်ႈ တင်း ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ပဵၼ်ပၢင် တိုၵ်းၵၼ် ထႅင်ႈမွၵ်ႈ 20 မိၼိတ်ႉ တီႈႁိမ်းၼမ်ႉၸလၢပ်ႈ ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆး...

ဢိင်ၼိူဝ် ပၢင်တိုၵ်း ၶွင်ႇသီႇသိုၵ်းမၢၼ်ႈ တင်း သိုၵ်းၶၢင် KIA ပဵၼ်ပၢင်တိုၵ်းၵၼ် ႁၢဝ်ႈႁႅင်း ၼႂ်းၸႄႈဝဵင်းမိူင်းမွၵ်ႇသေ ၵူၼ်း မိူင်းၸၢဝ်းတႆး ႁူဝ်ၵူၼ်း ၸမ် 5 ႁဵင်ပၢႆ ပၢႆႈၽေးသိုၵ်း ပႆႇၸၢင်ႈပွၵ်ႈႁိူၼ်းယေး မီးၶၢဝ်းတၢင်း လိူၼ်ပၢႆယဝ်ႉ။ တႄႇဢဝ် ဝၼ်းတီႈ 10/4/2021 ၼၼ်ႉမႃး တေႃႇထိုင်ယၢမ်းလဵဝ် ပီႈၼွင်ႉၸၢဝ်းတႆး...

သိုၵ်းမၢၼ်ႈပိုၼ်ၽၢဝ်ႇသဵၼ်ႈၸိုဝ်ႈ ၽူႈႁၢပ်ႇၵၢၼ် လူင်ပွင်ၸိုင်ႈ တႃႇဢဝ်တၢင်းၽိတ်းလူၺ်ႈမတ်ႉတႃ 505 ၼႂ်းမိူင်းတႆး ပႃး 5 ၵေႃႉ ဝႃႈၼႆ။ မိူဝ်ႈၼႆႉ ဝၼ်းတီႈ 13/5/2021 ယၢမ်းၵၢင်ဝၼ်း 11 မူင်း ယူႇတီႈႁွင်ႈၵၢၼ်ၶၢဝ်ႇ TV မျႃႉဝတီႇ ၶွင်ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ပိုၼ်ၽၢဝ်ႇဢွၵ်ႇမႃး ၵူၼ်းမိူင်း/ ၵူၼ်းၼုမ်ႇ ထုၵ်ႇၸွႆးတြႃးလူၺ်ႈမတ်ႉတႃ...

ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ၶဝ်ႈတီႉၺွပ်းၵူၼ်းၼုမ်ႇ မူႇၸေႊ 2 ၵေႃႉ ၼႂ်းၼၼ်ႉ ပႃးၵူၼ်းၼုမ်ႇ ဢႃယု ပႆႇတဵမ် 18 ပီ ၵေႃႉ ၼိုင်ႈ ၵူၺ်းၵႃႈ သိုၵ်းမၢၼ်ႈပိုၼ်ၽၢဝ်ႇၶေႃႈမုလ်းၽိတ်းပိူင်ႈသေဢမ်ႇၵႃး ဢဝ်တၢင်းၽိတ်းပူဝ်ႉသႂ်ႇထႅင်ႈဝႃႈ တီႉလႆႈပႃး ၶိူင်ႈၵွင်ႈၵၢင်ႇလႄႈ မၢၵ်ႇမိုဝ်ႉၸိုၼ်းယၢမ်း ဝႃႈၼႆ။ မိူဝ်ႈဝႃး ဝၼ်းတီႈ 12/5/2021 ယၢမ်းၵၢင်ၶမ်ႈ...

ၶွင်ႇသီႇသိုၵ်းမၢၼ်ႈ ယိုတ်းမိူင်း ပိုၼ်ၽၢဝ်ႇသေ  ၵူတ်ႇထတ်းတီႉၺွပ်း ရူတ်ႉၵႃး ဢမ်ႇမီးၶွၼ်ႇ/ ဝႂ် ၼႂ်းမိူင်းတႆးလၢႆလၢႆဝဵင်း  ။ မိူဝ်ႈၼႆႉ ဝၼ်းတီႈ 12/5/2021 ယၢမ်းၵၢင်ၼႂ် 6 မူင်း ၶွင်ႇသီႇသိုၵ်းမၢၼ်ႈ ပလိၵ်ႈမၢၼ်ႈ ပလိၵ်ႈၾၢႆႇၵူတ်ႇထတ်းရူတ်ႉ   တႄႇၵူတ်ႇထတ်း တီႉၺွပ်းရူတ်ႉၵႃး ၵူၼ်းမိူင်းၵႂႃႇမႃး ႁၢဝ်ႈႁႅင်း တၢင်းၶဝ်ႈဢွၵ်ႇဝဵင်းတူၼ်ႈတီး ယၢၼ်ဝဵင်း မွၵ်ႈ...

သိုၵ်းမၢၼ်ႈ ယိုဝ်းၵွင်ႈ လွၵ်ႇၵူၼ်းဝၢၼ်ႈ ၼႂ်းၸႄႈမိူင်းၶၢင် ႁဵတ်းႁႂ်ႈၵူၼ်းဝၢၼ်ႈ ဢမ်ႇၸၢင်ႈႁဵတ်းၵၢၼ် ႁဵတ်းငၢၼ်း ဢမ်ႇ ႁတ်းၵႂႃႇဢဝ် ၶူဝ်းၼႂ်းသူၼ်ၼႂ်းၼႃး ဝႃႈၼႆ။ ၶွင်ႇသီႇသိုၵ်းမၢၼ်ႈ  ယိုဝ်းၵွင်ႈ  ၵူႈႁူးၵူႈတၢင်း  ၵူၼ်းဝၢၼ်ႈၵူၼ်းသူၼ် ၼႂ်းၸႄႈဝဵင်းမိူင်းမွၵ်ႇ ၸႄႈမိူင်း ၶၢင် တူၵ်းၸႂ်ၵူဝ်ယၢၼ်ႈ၊ ယၢမ်းလဵဝ်သမ်ႉ ပဵၼ်ၶၢဝ်း ဢဝ်ထူဝ်ႇလိၼ် ၶဝ်ႈၵၢပ်ႇ ၶူဝ်းသူၼ်ၶူဝ်းႁႆႈယဝ်ႉလႄႈႁဵတ်းႁႂ်ႈၵူၼ်းဝၢၼ်ႈ  ယၢပ်ႇ...

ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း လၢႆမူႇၸုမ်း သၢင်ႉသိုၵ်းမႂ်ႇ ထိုင်ၼႂ်းႁိူၼ်းယေးၼႂ်းၸိုင်ႈတႆးပွတ်းႁွင်ႇ၊ ဢၼ်လႆႈပၢႆႈတင်းမုင်ႉႁေႃႁိူၼ်းၵေႃႈမီး    ဝႃႈၼႆ။   တႄႇဢဝ် ႁူဝ်ပီ 2021 ၼႆႉမႃး ၵူၼ်းမိူင်း ထုင်ႉပွတ်းမိူင်းယေႃ ၸႄႈဝဵင်းလႃႈသဵဝ်ႈ ၸိုင်ႈတႆး ပွတ်းႁွင်ႇ ထုၵ်ႇၸုမ်းယိပ်းၵွင်ႈ ၵၢင်ႇၸၢဝ်းၶိူဝ်း ၼႂ်းမိူင်းတႆး ဢၼ်တူင်ႉၼိုင် ဝႆႉတၢင်း ပွတ်းတွၼ်ႈၼၼ်ႉ သၢင်ႉသိုၵ်းမႂ်ႇ ၶဝ်ႈတီႉၺွပ်း...

ၵူၼ်းမိူင်းၼမ်ႉတူႈ ႁူဝ်ၵူၼ်း 70 ပၢႆ ဢၼ်ပၢႆႈႁွတ်ႈထိုင်ဝႆႉ တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ လူဝ်ႇတၢင်းၸွႆႈထႅမ် ၶူဝ်းၼုင်ႈတၢင်းဝႆ  ၽႃႈၵၢင်/ သုတ်းမုင်းၸိူဝ်းၼႆႉ ဝႃႈၼႆ။ ၵူၼ်းဝၢၼ်ႈပၢင်လူင် ပၢင်ႁၢတ်ႇ လႄႈ ၼႃးၶူဝ်လႅင် ၼႂ်းၸႄႈဝဵင်းၼမ်ႉတူႈ ႁူဝ်ၵူၼ်း 70 ပၢႆ ပၢႆႈႁွတ်ႈထိုင်ဝႆႉတီႈ ဝတ်ႉႁူမ်ႈ ယဵၼ် ပွၵ်ႉ 8...

ၵူၼ်းၼုမ်ႇ ၸႄႈဝဵင်းမိူင်းၽျၢၵ်ႈ 2 ၵေႃႉ ထုၵ်ႇၶွင်ႇသီႇသိုၵ်းမၢၼ်ႈ တီႉၺွပ်းၵႂႃႇ ၼႂ်းၼၼ်ႉ ပႃးၵူၼ်းၼုမ်ႇ/ လုၵ်ႈႁဵၼ်း ဢႃ ယု ပႆႇတဵမ် 18 ပီ ၵေႃႉၼိုင်ႈ  ။ ဝၼ်းတီႈ 10-11/5/2021 ၶၢဝ်းတၢင်း 2 ဝၼ်းထပ်းၵၼ်မႃးၼႆႉ ၶွင်ႇသီႇသိုၵ်းမၢၼ်ႈ   ၸႂ်ႉလၢႆးႁုၵ်းႁၢႆႉသေ ၶဝ်ႈတီႉ ၺွပ်း...

ၽူႈၸၢႆး ဢႃယု 21 ပီ ၵူၼ်းမိူင်းၼမ်ႉတူႈ ၵႂႃႇႁဵတ်းၵၢၼ်သူၼ် ၵႂႃႇယဵပ်ႇၺႃးမၢၵ်ႇၾင်လိၼ် လူႉတၢႆ ထင်တီႈ ၵေႃႉၼိုင်ႈ  ။ မိူဝ်ႈဝႃး ဝၼ်းတီႈ 9/5/2021 ယၢမ်းဝၢႆးႁူဝ်ၶမ်ႈ မွၵ်ႈ 5 မူင်း   ၸၢႆးဢၢႆႈတႄႉ ဢႃယု 21 ပီ ၵႂႃႇထႆသူၼ် ဢၼ်မီးၾၢႆႇ တူၵ်းဝၢၼ်ႈသၢမ်ၶႃ...

 ၾၢႆႇၼိုင်ႈပဵၼ်ၶၢဝ်းႁူဝ်ၾူၼ်သေဢမ်ႇၵႃး ၾၢႆႇၼိုင်ႈၵေႃႈ မီးဝႆႉပႃးတၢင်းပဵၼ်ၵူၼ်းထဝ်ႈလႄႈ ၵူၼ်းပၢႆႈၽေးသိုၵ်း ႁွတ်ႈထိုင်ၼမ်ႉတူႈ လူႉတၢႆၵေႃႉၼိုင်ႈ  ။ မိူဝ်ႈဝႃး ဝၼ်းတီႈ 9/5/2021 ယၢမ်းၵၢင်ၼႂ် လုင်းၸၢႆးထုၼ်း ဢႃယု 60 ပၢႆ ၵူၼ်းပၢႆႈၽေးသိုၵ်း  လူႉတၢႆတီႈဝၢၼ်ႈၵွင်းႁူင်း ဢိူင်ႇမိူင်းမူႉ ၸႄႈဝဵင်းၼမ်ႉတူႈ  ။ လုင်းၸၢႆးပႃႉၺၢၼ်ႇ ၵႅမ်ႁူဝ်ပဝ်ႈ ၶွမ်ႊမတီႊၸွႆႈထႅမ်ၵူၼ်းပၢႆႈၽေးသိုၵ်း တီႈၼမ်ႉတူႈ လၢတ်ႈတီႈၽူႈတွႆႇႁွၵ်ႈဝႃႈ -...