မိူဝ်ႈဝႃး ဝၼ်းတီႈ 24 လိူၼ်ၾႅပ်ႉပိဝ်ႊရီႇ ယၢမ်းတၢမ်းၶမ်ႈ မွၵ်ႈ 5 မူင်း ၵူၼ်းယိပ်းၵွင်ႈပွတ်းသၢမ်ၵေႃႉ ၶီႇၵႃးသီၶၢဝ်မႃးသေ ၶဝ်ႈၵႂႃႇၼႂ်းႁၢၼ်ႉၶၢႆၵုၼ်ႇၵူႈသႅၼ်းသႅၼ်း တီႈပွၵ်ႉ 5 ဝဵင်းလႃႈသဵဝ်ႈ တီႉၺွပ်း ႁွင်ႉဢဝ်တူဝ်ၸဝ်ႈႁၢၼ်ႉၵႂႃႇၵူၺ်းဢမ်ႇၵႃး ၸူၼ်ဢဝ်ၵႂႃႇပႃးတူဝ်ငိုၼ်း ဝႃႈၼႆ။ ၼႂ်းၶလိပ်ႉငဝ်းႁၢင်ႈတူင်ႉ ဢၼ်ၽႄႈၶိုၼ်ႈမႃးၼိူဝ်သိုဝ်ႇတူင်ႇဝူင်းၵူၼ်း (ဢွၼ်ႊလၢႆႊ) ၼႆႉ - မီးၵူၼ်းၸၢႆးပူၵ်ႉၼႃႈတႃသၢမ်ၵေႃႉ ၶဝ်ႈၵႂႃႇၼႂ်းႁၢၼ်ႉၶၢႆၵုၼ်ႇယွႆႈ...

ၼၢင်းယိင်းဢွၼ်ႇ ဢႃႇယု 21 ပီ ၵေႃႉၼိုင်ႈ ယူႇပႃႇလႅင် ပွၵ်ႉ 1 ဝဵင်းတႃႈၶီႈလဵၵ်း ၵႂႃႇဢႅဝ်ႇႁူင်းပျေႃႇမူၼ်ႈ KTV သေ ႁႆၢၵႂႃႇလႆႈ 3 ဝၼ်း ၽိူဝ်ႇထူပ်းၵၼ်ၶိုၼ်း ၶၢပ်ႈတူဝ်တၢႆ ၺႃးၽဝ်ဝႆႉ ၵူၼ်းႁိူၼ်းဢမ်ႇႁူႉတေလႆႈၸႂ်ယႂ်ႇပိုင်ႈဢိင်ၽႂ်။ မိူဝ်ႈဝၼ်းတီႈ 13/2/2026 ၼၢင်းယိင်းဢွၼ်ႇဢႃႇယု 21 ပီ ၵေႃႉၼိုင်ႈ...

ဝၼ်းတီႈ 10 လိူၼ်ၾႅပ်ႉပိဝ်ႊရီႊၼႆႉ ၸုမ်းပလိၵ်ႈ CIB မိူင်းထႆး ႁဵတ်းပၢင်သပ်းၸႅင်ႈၶၢဝ်ႇၵႂႃႇဝႃႈ တီႉၺွပ်းလႆႈၸုမ်းၵျႃႊၽျႅၼ်ႉ ဢၼ်ႁဵတ်း Application TikTok ဢၼ်ပွမ်သေ လႄႇႁႃလွၵ်ႇလႅၼ်ႁူၺ်းသူၼ်း ႁႂ်ႈလူင်းတိုၼ်းလၢင်း တီႈၼႂ်းမိူင်းထႆး ဝႃႈၼႆ။ ၸုမ်းၶဝ်ၼႆႉ ၸႂ်ႉတိုဝ်းသိုဝ်ႇတူင်ႇဝူင်း မိူၼ်ၼင်ႇ LINE/Facebook ၸိူဝ်းၼႆႉသေ ႁႃတူဝ်ယိူဝ်ႇ၊ ဢုပ်ႇလၢတ်ႈ ႁႂ်ႈမိုတ်ႈၵိုဝ်းၸမ်ၸႂ်ၵၼ်ယဝ်ႉ ႁူၺ်းသူၼ်း...

ၽွင်းဝၢၼ်ႈမိူင်းသုၵ်ႉသၵ်ႉ ၵၢၼ်ႁႃၵိၼ်လဵင်ႉတွင်ႉယၢပ်ႇၽိုတ်ႇမႃးၼႆႉ ၼႂ်းၶၢဝ်းတၢင်း ဝူင်ႈလဵဝ် ၵူၼ်းၸၢႆး ၸိုင်ႈတႆးပွတ်းၸၢၼ်း သွင်ၵေႃႉ ထုၵ်ႇႁဵတ်းႁၢႆႉၶႃႈႁႅမ်တၢႆ   ။ ၼႂ်းဝၼ်းတီႈ  14/02/2026  ယၢမ်းၵၢင်ၼႂ်ၸဝ်ႉ မီးၵူၼ်းၸၢႆးၵေႃႉၼိုင်ႈၵပ်းသိုပ်ႇလၢတ်ႈဝႃႈ ၶႂ်ႈတူၺ်းၵႃးၼႆသေ ႁွင်ႉႁူၺ်းဢဝ်ၸၢႆးသွင်ပီႈၼွင်ႉ (ၵူၼ်းၵႃႉၶၢႆၵႃး) တီႈဝဵင်းဢွင်ႇပၢၼ်း ၸိုင်ႈတႆးပွတ်းၸၢၼ်း ။ ၽွင်းသွင်ပီႈၼွင်ႉ ဢဝ်ၵႃးၵႂႃႇၼႄၼၼ်ႉ ၽူႈႁူၺ်းႁွင်ႉၼၼ်ႉ ဢဝ်မိတ်ႈတႅင်းတၢႆၵေႃႉၼိုင်ႈ ၸိုဝ်ႈႁွင်ႉ ၵူဝ်ႇတႅတ်ႉမေႃႇထူး...

ၼႂ်းပီ 2026 ၼႆႉ ၶႄႇ လႄႈ ၵူၼ်းႁဵတ်းၵၢၼ်ၵျႃႊၽျႅၼ်ႉ ၼႂ်းၸႄႈဝဵင်းမိူင်းသၢတ်ႇ လႄႈ မိူင်းတူၼ် ၼမ်ၶိုၼ်ႈမႃးႁႅင်းလိူဝ်ၵဝ်ႇတေႉတေႉဝႃႈဝႃႈ တီႈမိူင်းတႆးပွတ်းဢွၵ်ႇ ဝႃႈၼႆ။ ၵူၼ်းႁဵတ်းၵၢၼ်ၵျႃႊၽျႅၼ်ႉ ၸၢဝ်းၶိူဝ်းၶႄႇ ဢၼ်မီးယူႇၼႂ်းၸႄႈဝဵင်းမိူင်းသၢတ်ႇၼၼ်ႉ လုၵ်ႉတၢင်းဝဵင်းတႃႈၶီႈလဵၵ်း ၶၢႆႉၵႂႃႇတင်ႈတူဝ် ႁဵတ်းၵၢၼ်လွၵ်ႇလႅၼ်ၵိၼ်ငိုၼ်းယူႇၼႆ ၵူၼ်း မိူင်းပိုၼ်ႉတီႈ လၢတ်ႈၼင်ႇၼႆ။ ၵူၼ်းမိူင်းၵေႃႉယူႇၼႂ်းပိုၼ်ႉတီႈလၢတ်ႈဝႃႈ “မိူဝ်ႈလဵဝ်ၶႄႇၵေႃႈၼမ်မႃးႁႅင်းတေႉတေႉ။ ပေႉလုၵ်ႉတၢင်းလႂ်ၶၢႆႉ မႃးၵေႃႈဢမ်ႇႁူႉယဝ်ႉ။...

သိုၵ်းမၢၼ်ႈယိုတ်းမိူင်းပိုၼ်ၽၢဝ်ႇဢွၵ်ႇဝႃႈ တီႉၺွပ်းလႆ ၵူၼ်း လႄႈ ၶိူင်ႈၸႂ်ႉတိုဝ်း ၼႂ်းၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆး (ၵျႃႊၽျႅၼ်ႉ) 300 ၵေႃႉပၢႆ တီႈႁိမ်းဝၢၼ်ႈႁၢႆးပူႉ ၸႄႈဝဵင်းမိူင်းယႆ မိူင်းတႆးပွတ်းႁွင်ႇ ၼႆယဝ်ႉ။ မိူဝ်ႈဝၼ်းတီႈ 3 ယၢမ်းၵၢင်ၼႂ် လိူၼ်ၾႅပ်ႉပိဝ်ႊရီႇ သိုၵ်းမၢၼ်ႈ တင်း သိုၵ်းဝႃႉ ႁူမ်ႈၵၼ်ၵႂႃႇၶဝ်ႈသွၵ်ႈ ၼႂ်းသုမ်ႉၽႃႈယၢင် ဢၼ်သၢင်ႈဝႆႉၾၢႆႇၸၢၼ်းဝဵင်းမိူင်းယႆ ႁိမ်းဝၢၼ်ႈႁၢႆးပူႉၼၼ်ႉ တီႉလႆႈၵူၼ်းၸၢဝ်း...

မိူဝ်ႈၼႆႉ ဝၼ်းတီႈ 2 လိူၼ်ၾႅပ်ႉပိဝ်ႊရီႇ မိူင်းၶႄႇပိုၼ်ၽၢဝ်ႇဝႃႈ ပၼ်တၢမ်ႇတၢႆ လုၵ်ႈၸၢႆးႁူဝ်ပဝ်ႈၵဝ်ႇ ၸုမ်းသိုၵ်းၵဝ်ႈၵၢင်ႉ ပၢႆသဝ်ၶျိုင် လႄႈ ဢိၵ်ႇထႅင်ႈၵူၼ်းၼႂ်းၶိူဝ်းႁိူၼ်းၶဝ်ႁူမ်ႈသဵၼ်ႈ 4 ၵေႃႉ ပဵၼ်ၵူၼ်း ၸိူဝ်းၵဵဝ်ႇၶွင်ႈတင်း ၵၢၼ်ၵျႃႊၽျႅၼ်ႉသေ ၺႃးလုမ်းတြႃးမိူင်းၶႄႇ ပူင်တူတ်ႈတၢမ်ႇတၢႆဝႆႉ ၼႂ်းမိူင်းၶႄႇ တင်းသဵင်ႈ ၼႆယဝ်ႉ။ လုၵ်ႈၸၢႆးပၢႆသဝ်ၶျိုင် ပၢႆယိင်ၶျိုင် လႄႈ ယၢင်လီႇၶျၢင်ႊ...

ဝၼ်းတီႈ 1/2/2026 ယၢမ်းၵၢင်ဝၼ်း ၵူၼ်းၸူၼ်ၶဝ်ႈႁိူၼ်းၸၢင်ႈၶမ်းလင်ၼိုင်ႈ တီႈပွၵ်ႉ 4 ၼႂ်းဝဵင်းလႃႈသဵဝ်ႈ မိူင်းတႆးပွတ်းႁွင်ႇ ၊ ပႃးၵႂႃႇၶမ်း မွၵ်ႈ 5 ၸွႆႉ လႄႈ တူဝ်ငိုၼ်း မွၵ်ႈ 1000 သႅၼ်ပျႃး ဝႃႈၼႆ။ ႁိူၼ်းၸၢင်ႈၶမ်းဢၼ်ၺႃးၸူၼ်ၶဝ်ႈၼႆႉ မီးၾၢႆႇလင် ၵျွင်းမုၼ်ၸဝ်ႈမႁႃႇပေႃးၻႃႉယူင်ႇ ဢၼ် သင်ၶၸဝ်ႈၺႃးၶႃႈႁႅမ်တၢႆၵႂႃႇ ၼႂ်းဝူင်ႈပူၼ်ႉ...

ၵူၼ်းၵေႃႉၶႃႈႁႅမ်သင်ႇၶၸဝ်ႈတူၼ်ၼိုင်ႈ တီႈၵျွင်းမႁႃပေႃးၻႃႉယူင်ႇ ဢၼ်မီးတီႈ ပွၵ်ႈ 4 ဝဵင်းလႃႈသဵဝ်ႈ မိူင်းတႆးပွတ်းႁွင်ႇ လူႉလွၼ်ႇၵႂႃႇၼၼ်ႉ ပဵၼ်ၵူၼ်းၸၢႆးၼုမ်ႇ သႅၼ်းႁုၼ်ႈမႂ်ႇဢႃႇယု ပႆႇတဵမ် 20 ပီ ၼႆယဝ်ႉ။ ၵူၼ်းၸၢႆးၼုမ်ႇၵေႃႉႁဵတ်းၽိတ်းပၵ်းပိူင်သေ ၶႃႈႁႅမ်မုၼ်ၸဝ်ႈလွၼ်ႇၵႂႃႇၼၼ်ႉ ပဵၼ်ၸၢဝ်းၶိူဝ်းၶႄႇ ယူႇပွၵ်ႉ 5 ဝဵင်းလႃႈသဵဝ်ႈ တိုၵ်ႉပဵၼ်ၽွင်းၶိုၼ်ႈႁူင်းႁဵၼ်းသေ ထိုင်ဝႆႉၸၼ်ႉ 7 တီႈႁူင်းႁဵၼ်းလင်ၼိုင်ႈ ၼႂ်းပွၵ်ႉ...

မိူဝ်ႈၼႆႉ ဝၼ်းတီႈ 29 လိူၼ်ထူၼ်ႈၼိုင်ႈ သိုဝ်ႇလူင်ပွင်ၸိုင်ႈမိူင်းၶႄႇ ႁၢႆးငၢၼ်းဢွၵ်ႇမႃးဝႃႈ ပၼ်တၢမ်ႇတၢႆ ၵူၼ်းႁူမ်ႈႁိူၼ်း ၶိူဝ်းႁိူၼ်း မိင် ႁူဝ်ၼႃႈပျီႇတူႉၸိတ်ႉၵဝ်ႈၵၢင်ႉ ႁူမ်ႈသဵၼ်ႈ 11 ၵေႃႉ ဝႃႈၼႆ။ ၸိူဝ်းၶဝ်ၼႆႉ ၵဵဝ်ႇၶွင်ႈလွင်ႈလွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊ (ၵျႃႊၽျႅၼ်ႉ)၊ လိူင်ႈၶႃႈႁႅမ်ၵူၼ်းတၢႆ၊ လိူင်ႈတေႃႇလွင်းၸိူဝ်းၼႆႉသေ လုမ်းတြႃးမိူင်းၶႄႇ ပူင်တၢမ်ႇတၢႆဝႆႉ ၸဵမ်မိူဝ်ႈ လိူၼ်ထူၼ်ႈၵဝ်ႈ ပီၵၢႆ...

မိူဝ်ႈၼႆႉ ဝၼ်းတီႈ 28 /1/2026 ယၢမ်းၵၢင်ၼႂ် 6 မူင်းၶိုင်ႈ  သင်ၶၸဝ်ႈတူၼ်ၼိုင်ႈ  တီႈၵျွင်းမႁႃႇ ပေႃးၻႃႉယူင်ႇ ဢၼ်မီးၼႂ်းပွၵ်ႉ 4  တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ထုၵ်ႇၵူၼ်းဢမ်ႇႁူႉၾၢႆႇ ၶႃႈႁႅမ် လႄႈလႆႈ လူႉလွၼ်ႇၵႂႃႇ- ဝႃႈၼႆ ။ ၽွင်းၵူၼ်းႁိမ်းႁွမ်းလႄႈ ၸုမ်းပရႁိတ ၵႂႃႇႁၼ်ၶၢပ်ႈတူဝ်သင်ၶၸဝ်ႈပႃးၼၼ်ႉ   မီးႁွႆးမိတ်ႈတႅင်းဝႆႉၸွမ်း  တွင်ႉ...

ဝၢႆးလင်ပၢင်လိူၵ်ႈတင်ႈ ပွၵ်ႈၵမ်းသွင်ယဝ်ႉ တေႃႇထိုင်ဝၼ်းတီႈ 19 လိူၼ်ၵျႅၼ်ႊၼိဝ်ႊရီႊ ပီ 2026 ၼႆႉ ၵူၼ်းမိူင်း ၸိူဝ်းၺႃးသိုၵ်းမၢၼ်ႈတီႉၺွပ်းဢဝ်လိူင်ႈ ယွၼ်ႉသေႃႇသူၼ်း ယႃႉ ၵဝ်း ပၢင်လိူၵ်ႈတင်ႈ မီးၵႂႃႇ 404 ၵေႃႉယဝ်ႉ ဝႃႈၼႆ။ လွင်ႈၼႆႉ ၽွင်းလူင်ၾၢႆႇၼႂ်းမိူင်း ၸွမ်သိုၵ်း ထုၼ်းထုၼ်းၼွင်ႇ လၢတ်ႈၵႂႃႇတီႈၼႂ်းပၢင်ၵုမ်...

ၼႂ်းဝၼ်းတီႈ 16 လိူၼ်ၵျႅၼ်ႊၼိဝ်ႊရီႊၼႆႉ ယေးငိုၼ်းငဝ်ႈငုၼ်း (ပႁူဝ်ႇပၢၼ်ႇ) တႂ်ႈသိုၵ်းမၢၼ်ႈယိုတ်းမိူင်းပိုၼ်ၽၢဝ်ႇဝႃႈ လႆႈပိၵ်ႉဢိုတ်းဝႆႉ ဢၵွင်ႉယေးငိုၼ်း ၵူၼ်းၸိူဝ်းႁဵတ်းၵၢၼ်လႅၵ်ႈငိုၼ်းၼွၵ်ႈမိူင်း ဢမ်ႇၶဝ်ႈတၢင်းၵၢၼ် တႃႇ 1342 ၵေႃႉ ဝႃႈၼႆ။ တွၼ်ႈတႃႇတေၵုမ်းလႆႈ ၶၼ်ငိုၼ်းတေႃႊလႃႊ ၼႂ်းလွၵ်းၵၢတ်ႇၵႃႉၶၢႆလႅၵ်ႈငိုၼ်းမိူင်းမၢၼ်ႈၼႆသေ ယေးငိုၼ်းငဝ်ႈငုၼ်း (ပႁူဝ်ႇပၢၼ်ႇ) တႂ်ႈသိုၵ်းမၢၼ်ႈ ၸင်ႇတိူဝ်းၶဵင်ႈၶႅင်မႃးၼိူဝ် ၵူၼ်းၸိူဝ်းႁဵတ်းၵၢၼ်လႅၵ်ႈငိုၼ်းၼွၵ်ႈမိူင်းၶဝ် ႁၢဝ်ႈႁႅင်း။ ၸွမ်းၼင်ႇၶေႃႈပိုၼ်ၽၢဝ်ႇ ယေးငိုၼ်းငဝ်ႈငုၼ်း...

ၶႃႈႁၢပ်ႇၵၢၼ်ၶုၼ်တႂ်ႈသိုၵ်းမၢၼ်ႈယိုတ်းမိူင်း ၸိူဝ်းတူင်ႉၼိုင်ပၼ်ႇၵၢၼ်ၽွင်းငမ်းယူႇ ၼႂ်းဝဵင်းတူၼ်ႈတီး လႄႈ ဝဵင်းၼမ်ႉၸၢင် ပႂ်ႉၸွမ်းသဵၼ်ႈတၢင်းလူင် ၼႂ်းပွၵ်ႉၼႂ်းဢိူင်ႇသေ တီႉ ၺွပ်းရူတ်ႉၵႃးၸိူဝ်းဢမ်ႇမီးဝႂ်ပဵၼ်တၢင်းၵၢၼ်ၼၼ်ႉ ႁိုင်မွၵ်ႈ 8 လိူၼ်ပၢႆ ႁၢၼ်ႉထိုင်ယၢမ်းလဵဝ်ၵေႃႈ ပႆႇၵိုတ်းလႄႈ ႁဵတ်းႁႂ်ႈၵူၼ်းမိူင်းၸိူဝ်းယူႇၼႂ်းပိုၼ်ႉတီႈ ၵႂႃႇမႃးယၢပ်ႇၽိုတ်ႇ ၼႆ ယဝ်ႉ။ ဝၼ်းတီႈ 17-18/01/2026 ၶၢဝ်းတၢင်းသွင်ဝၼ်းၼႆႉ ၾၢႆႇၸဝ်ႈၼႃႈတီႈပလိၵ်ႈသိုၵ်းမၢၼ်ႈ ပႂ်ႉၼႂ်းၵၢင်ဝဵင်းၼမ်ႉၸၢင်သေ...

ၶူးသွၼ်ၸၢႆး တီႈႁူင်းႁဵၼ်းၸၼ်ႉသုင် ဢွင်ႇမျေႇတိတ်ႉ (အောင်မြေသစ် ကိုယ်ပိုင်ကျောင်း) ဢၼ်မီးတီႈ ၼႂ်းပွၵ်ႉပႃႇမႆႉ (သစ်တောရပ်ကွက်) ၼႂ်းဝဵင်းတူၼ်ႈတီး မိူင်းတႆးပွတ်း ၸၢၼ်းၼၼ်ႉ လွၵ်ႇငိုတ်ႈလုၵ်ႈဢွၼ်ႇႁဵၼ်းယိင်းၵေႃႉၼိုင်ႈသေ ၵၼ်ႉၸၼ်လူလၢႆၵႂႃႇ ဝႃႈၼႆ။ လွင်ႈၼႆႉပဵၼ်ၵႂႃႇမိူဝ်ႈဝၼ်းတီႈ 15/01/2026 ယၢမ်းၵၢင်ဝၼ်း မွၵ်ႈ 1 မူင်းၼၼ်ႉသေ ယၢမ်းလဵဝ် ၾၢႆႇၸဝ်ႈၼႃႈတီႈပလိၵ်ႈၶဝ် တီႉၺွပ်းဢဝ် ၶူးသွၼ်ၸၢႆးၵေႃႉၼၼ်ႉ ယဵတ်ႈသႂ်ႇၶွၵ်ႈ...