ၸဝ်ႈၼႃႈတီႈလူင်ပွင်ၸိုင်ႈမၢၼ်ႈတီႈမူႇၸေႊ တီႉလႆႈၵူၼ်းမိူင်းၶႄႇ လၵ်ႉၶဝ်ႈမိူင်း 8 ၵေႃႉ တီႉလႆႈပႃးၶိူင်ႈၵွင်ႈၵၢင်ႇထႅင်ႈ ဝႃႈၼႆ။ ဝၼ်းတီႈ 21/5/2020 ယၢမ်းၵၢင်ၶိုၼ်းမွၵ်ႈ 11 မူင်းၼႆႉ ၸဝ်ႈၼႃႈတီႈလူင်ပွင်ၸိုင်ႈမၢၼ်ႈ ပႂ်ႉၵူတ်ႇထတ်းတီႈႁိမ်းတူဝ်းၵဵတ်ႉ တၢင်းၶဝ်ႈဝဵင်းမူႇၸေႊ ၼိူဝ်သဵၼ်ႈတၢင်းလူင် မိူင်းႁူမ်ႈတုမ်။ ၵူတ်ႇထတ်းၵႃးႁပ်ႉသူင်ႇၵူၼ်းလမ်းၼိုင်ႈ ဢၼ်လုၵ်ႉတၢင်းမူႇၸေႊ တေဢွၵ်ႇၵႂႃႇတၢင်း 105 လၵ်း၊ ၼႂ်းၵႃးၼၼ်ႉတီႉလႆႈၵူၼ်းၸၢဝ်းၶႄႇ 8 ၵေႃႉ...

ႁိူၼ်းတိူၵ်ႈဢၼ်တိုၵ်ႉၵေႃႇသၢင်ႈယူႇလင်ၼိုင်ႈ ၵူၼ်ႇပင်း ၼႂ်းၼႃႈလိၼ်ၽွင်းငမ်းတူဝ်ၵဝ်ႇၵဝ်ႈၵၢင်ႉ ၸႄႈဝဵင်းလၢဝ်ႇၵၢႆးမီးၵူၼ်းလူႉတၢႆၸွမ်းၼိုင်ႈၵေႃႉ။ မိူဝ်ႈဝၼ်းတီႈ 21/5/2020 ႁိူၼ်းတိူၵ်ႈဢုတ်ႇ 2 ၸၼ်ႉ ဢၼ်ၶွမ်ႊပၼီႊၶႄႇ ဢၼ်ၼိုင်ႈ ဢဝ်ပုၼ်ႈၽွၼ်းသေ ၵေႃႇသၢင်ႈႁဵတ်းပၼ်တီႈပွၵ်ႉ 3 ၸႄႈဝဵင်းလၢဝ်ႇၵၢႆး ၸိုင်ႈတႆးပွတ်းႁွင်ႇၼၼ်ႉ ဢဝ်ၵူၼ်ႇပင်းပႅတ်ႈတင်းလင် ။ ၵူၼ်းပိုၼ်ႉတီႈၸႄႈဝဵင်းလၢဝ်ႇၵၢႆး ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ တိူၵ်ႈဢုတ်ႇဢၼ်တိုၵ်ႉၵေႃႇသၢင်ႈ 2 ၸၼ်ႉၼၼ်ႉ...

ၸဝ်ႈၼႃႈတီႈပလိၵ်ႈ တီႉလႆႈယႃႈမဝ်းၵမ်ၼႂ်းၸႄႈဝဵင်းမူႇၸႄႈ ၵႃႈၶၼ်ၼပ်ႉႁူဝ်ႁဵင်သႅၼ်၊ လိူဝ်သေၼၼ်ႉ တီႈလႆႈ ၶိူင်ႈၵွင်ႈၵၢင်ႇထႅင်ႈတင်းၼမ်။ ဝၼ်းတီႈ 17/5/2020 ယၢမ်းၵၢင်ၼႂ် မွင်ႇၸူဝ်းလႅင်ႇ တင်း မွင်ႇမိၼ်းထႅၵ်ႉ ၶီႇရူတ်ႉၶိူင်ႈမႃးၸွမ်းၵၼ်သေ ထုၵ်ႇပလိၵ်ႈၵူတ်ႇထတ်းတီႉလႆႈ ယႃႈမႃႉ WY တီႈသဵၼ်ႈတၢင်းယထၢႆႉ(ရထိုက်လမ်းဆုံ) ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ တင်းမူတ်း တီႉလႆႈမွၵ်ႈၶၼ်ငိုၼ်း 2,400 သႅၼ်ပျႃး ဝႃႈၼႆ။ ဢိင်ၼိူဝ်လွင်ႈၼႆႉသေ ယူႇတီႈပလိၵ်ႈ...

ၵူၼ်းၼုမ်ႇ ၽူႈၸၢႆး ဢႃယု 18 ပီ ၵေႃႉၼိုင်ႈ ထုၵ်ႇၾၼ်းတၢႆ ယဵပ်ႈမူၵ်းယုမ်းဝႆႉ တီႈဝဵင်းလႃႈသဵဝ်ႈ။ ဝၼ်းတီႈ 17/5/2020 ယၢမ်းႁူဝ်ၶမ်ႈ ၸုမ်းပရႁိတ ၵႂႃႇဢဝ်တူဝ်တၢႆၵူၼ်းၼုမ်ႇ ၽူႈၸၢႆး ဢႃယု 18 ပီ ၵေႃႉၼိုင်ႈ တၢႆမူၵ်းယုမ်းဝႆႉ ၼၼ်ႉဢွၵ်ႇမႃး။ တူဝ်တၢႆၽူႈၸၢႆးၵေႃႉၼႆႉ မီးၼႂ်းၵႄႈၾၢႆ ႁူးမူၼ်ႈလႄႈ  ၾၢႆၵွၵ်ႉၵူၺ်းၸႄႈဝဵင်းလႃႈသဵဝ်ႈ...

ၵူၼ်းမိူင်းၶႄႇ 3 ၵေႃႉ ၶဝ်ႈၸူၼ်ႁၢၼ်ႉၶၢႆၶမ်း၊ ၶႃႈႁႅမ်ပႃး ၸဝ်ႈၶွင်လၢၼ်ႉၼႂ်းၼႃႈလိၼ်ၽွင်းငမ်းတူဝ်ၵဝ်ႇဝႃႉ လႄႈ ယူႇတီႈၸဝ်ႈၼႃႈတီႈဝႃႉ ပၼ်တၢမ်ႇတၢႆၸွမ်းၼင်ႇ ပၵ်းပိူင်မၢႆမီႈ ၼႂ်းပိုၼ်ႉတီႈမီးဝႆႉၼၼ်ႉ။ မိူဝ်ႈဝၼ်းတီႈ 3/5/2020 ၼၼ်ႉ ၵူၼ်းမိူင်းၶႄႇ 3 ၵေႃႉ ၶဝ်ႈၸူၼ်ႁၢၼ်ႉၶၢႆၶမ်း တီႈၸႄႈဝဵင်းၼမ်ႉတိုၵ်း ၼႃႈလိၼ်ၽွင်းငမ်းတူဝ်ၵဝ်ႇဝႃႉ ၸိုင်ႈတႆးပွတ်းဢွၵ်ႇၶူင်း။ လိူဝ်သေၸူၼ်ႁိမ်ဢဝ်ၶမ်းယဝ်ႉ ၶႃႈႁႅမ်ပႃး ၸဝ်ႈၶွင်ႁၢၼ်ႉၶၢႆၶမ်း ထႅင်ႈသေ...

ၵႃးတမ်ၽႃႇ ႁုၼ်ႇႁၢင်ႈပဵတ်း ဢၼ်မီးတီႈၼမ်ႉႁူးပဵတ်း တၢင်းၶဝ်ႈဝဵင်းမိူင်းၼၢႆးၼၼ်ႉ လူႉၵွႆလႅဝ်ၽွင် ။ ဝၼ်းတီႈ 11/5/2020 ယၢမ်းဝၢႆးဝၼ်း 2 မူင်းၶိုင်ႈၼၼ်ႉ ၵႃးလမ်းၼိုင်ႈ ၽႃႇတမ်သႂ်ႇ ႁုၼ်ႇႁၢင်ႈပဵတ်း ဢၼ်မီးတီႈ ၼမ်ႉႁူးပဵတ်း မီးႁိမ်းတပ်ႉၵွင်ႈလူင် 363 မီးၾၢႆႇၸၢၼ်းဝဵင်းမိူင်းၼၢႆး တၢင်းဢွၵ်ႇမိူဝ်းလၢင်းၶိူဝ်း ။ ႁုၼ်ႇႁၢင်ႈပဵတ်းၼၼ်ႉ မီးဢႃယု 600 ပီပၢႆ...

တီႈဝဵင်းမူႇၸေႊ ၵူၼ်းမိူင်းဢွၼ်ၵၼ်တူၵ်းၸႂ်တိုၼ်ႇသၢၼ်ႈ မိူဝ်ႈလႆႈငိၼ်းသဵင်မၢၵ်ႇတႅၵ်ႇတီႈပွၵ်ႉၸွၼ်ႊၸူဝ်ႇ၊ ဢွၼ်ၵၼ်ပွင်ႉၶၢင်းဝႃႈ ဢမ်ႇမီးလွင်ႈႁူမ်ႇလူမ်ႈ။ ဝၼ်းတီႈ 12/5/2020 ယၢမ်းၵၢင်ၶိုၼ်းမွၵ်ႈ 9:55 မူင်းၼၼ်ႉ မၢၵ်ႇတႅၵ်ႇတီႈပွၵ်ႉၸွၼ်ႊၸူဝ်ႇ ဝဵင်းမူႇၸေႊ ၸိုင်ႈတႆးပွတ်းႁွင်ႇ 2 လုၵ်ႈထပ်းၵၼ်၊ ႁဵတ်းႁႂ်ႈၵူၼ်းမူႇၸေႊ တူၵ်းၸႂ်တိုၼ်ႇသၢၼ်ႈ ။ မၢၵ်ႇတႅၵ်ႇၼၼ်ႉ ပဵၼ်ၼမ်ႉမိုဝ်းၽႂ် ၵေႃႉလႂ် မႃးႁၢင်ႈၵၢင်ဝႆႉ ဢၼ်ဝႃႈၼၼ်ႉ ဢမ်ႇပႆႇႁူႉ ဝႃႈၼႆ။ ၸၢႆးႁိၼ်လဵၵ်း...

သဵင်မၢၵ်ႇတႅၵ်ႇတီႈမူႇၸေႊထႅင်ႈ 2 ၵမ်းထပ်းၵၼ် တၢင်းပွၵ်ႉၸွၼ်ႊၸူဝ်ႇ ႁဵတ်းႁႂ်ႈၵူၼ်းမိူင်းတိုၼ်ႇသၢၼ်ႈ တူၵ်းၸႂ် ဝႃႈၼႆ။   မိူဝ်ႈၼႆႉ ဝၼ်းတီႈ 12/5/2020 ယၢမ်းၵၢင်ၶိုၼ်း မွၵ်ႈ 10 မူင်း (ၶၢဝ်းယၢမ်းမိူင်းတႆး) မၢၵ်ႇတႅၵ်ႇတီႈပွၵ်ႉၸွၼ်ႊၸူဝ်ႇ ၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ  2 ၵမ်းထပ်းၵၼ်။ ၵဵဝ်ႇလူၺ်ႈလွင်ႈၼႆႉ ယူႇတီႈၽူႈမီးပုၼ်ႈၽွၼ်း တိုၵ်ႉၵူတ်ႇထတ်းလွင်ႈတၢင်းမၼ်းယူႇ ဝႃႈၼႆ။ ၸၢႆးႁိၼ်လဵၵ်း...

မၢၵ်ႇတႅၵ်ႇတီႈၵဵတ်ႉ/ လၢၼ်ႇ (တိုးဂိတ်) တၢင်းၶဝ်ႈဝဵင်းမူႇၸေႊ လုၵ်ႈၼိုင်ႈ လွင်ႈၵူၼ်းမၢတ်ႇၸဵပ်းလူႉတၢႆ ဢမ်ႇမီး ဝႃႈၼႆ။ ဝၼ်းတီႈ 11/5/2020 ယၢမ်းၵၢင်ၶမ်ႈ မွၵ်ႈ 8 မူင်းၶိုင်ႈၼႆႉ မၢၵ်ႇတႅၵ်ႇတီႈၵဵတ်ႉ/ လၢၼ်ႇ (တိုးဂိတ်) တၢင်းၶဝ်ႈဝဵင်း မူႇၸေႊ ၸိုင်ႈတႆးပွတ်းႁွင်ႇ လုၵ်ႈၼိုင်ႈ။ ဢိင်ၼိူဝ်လွင်ႈမၢၵ်ႇတႅၵ်ႇၼႆႉ ပဵၼ်ၼမ်ႉမိုဝ်းၽႂ် ၸုမ်းလႂ် မႃးႁၢင်ႈၵၢင်...

ၾႆးမႆႈႁၢၼ်ႉၶၢႆၶူဝ်းၶွင် တီႈသဵၼ်ႈတၢင်းဢွင်ႇသၢၼ်း ၼႂ်းဝဵင်းၵျွၵ်ႉမႄး မီးလွင်ႈလူႉသုမ်း ၼမ်လၢႆ။ ဝၼ်းတီႈ 6/5/2020 ယၢမ်းၵၢင်ၼႂ် မွၵ်ႈ 1:45 မူင်းၼၼ်ႉ ၾႆးမႆႈႁၢၼ်ႉၶၢႆၶူဝ်းၶွင် ပဵၼ်လၢႆႁွင်ႈ တီႈၼႂ်း ပွၵ်ႉ 4 ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ မႆႈယွၼ်ႉသင်ဢၼ်ဝႃႈၼၼ်ႉ ၽူႈမီးပုၼ်ႈၽွၼ်းပလိၵ်ႈ တိုၵ်ႉၵူတ်ႇထတ်းယူႇ ဝႃႈၼႆ။ ၸၢႆးထုၼ်းဝိၼ်း ၽူႈတႅၼ်းသၽႃးၸႄႈမိူင်းၶဵတ်ႇလိူၵ်ႈတင်ႈ မၢႆ 1...

ၼႂ်းၸႄႈမိူင်းတႆး ၵူၼ်းမိူင်းဢမ်ႇႁဵတ်းၸွမ်းလွင်ႈပၵ်းပိူင်မၢႆမီႈ ႁၢမ်ႈဢွၵ်ႇၼွၵ်ႈႁိူၼ်းယေး ၽွင်းၵၢင်ၶမ်ႈၵၢင်ၶိုၼ်း ထုၵ်ႇတီႉၺွပ်းဢဝ်လိူင်ႈလၢဝ်း ပၼ်တူတ်ႈတၢမ်ႇ 40 ပၢႆ။ ယူႇတီႈလူင်ပွင်ၸိုင်ႈၸႄႈမိူင်းတႆး ဢွၵ်ႇလိၵ်ႈပိုၼ်ၽၢဝ်ႇ ႁၢမ်ႈတပ်ႉ ၵူၼ်းမိူင်းဢွၵ်ႇၼွၵ်ႈႁိူၼ်းယေး ယၢမ်းၵၢင်ၶိုၼ်း 10 မူင်း ထိုင်ၵၢင်ၼႂ် 4 မူင်း မိူဝ်ႈဝၼ်းတီႈ 20/4/2020 ၼၼ်ႉမႃး ယွၼ်ႉတႃႇ ၵုမ်းၵမ် တၢင်းပဵၼ်ၶူဝ်ႊဝိတ်ႉ -...

လူင်ပွင်ၸိုင်ႈမၢၼ်ႈ ပွႆႇတူဝ်ၵူၼ်းထႆး - လၢဝ်း ဢၼ်ၵုမ်းၶင်ဝႆႉ တီႈၶွၵ်ႈၵဵင်းတုင် 27 ၵေႃႉ သူင်ႇပွၵ်ႈၶိုၼ်းၸူး ၸဝ်ႈၼႃႈတီႈထႆး တီႈၶူဝ်မိုတ်ႈၵိုဝ်းမၢႆ 2 တႃႈၶီႈလဵၵ်း - မႄႈသၢႆ လႅၼ်လိၼ်တႆး - ထႆး။ ၸဝ်ႈၼႃႈတီႈမၢၼ်ႈပွႆႇပၼ်တူဝ်ၵူၼ်းၼွၵ်ႈမိူင်းၸိူဝ်းၼၼ်ႉ မိူဝ်ႈဝၼ်းတီႈ 30/4/2020 ။ ပဵၼ်ၵူၼ်းမိူင်း ထႆး 26...

ၵူၼ်းဝၢၼ်ႈလၵ်ႉတတ်းမႆႉ ဢမ်ႇယွမ်းပၼ်ၸဝ်ႈၼႃႈတီႈ RCSS ၵူတ်ႇထတ်းသေဢမ်ႇၵႃး သမ်ႉၶိုၼ်းႁိမ်ၵွင်ႈၸဝ်ႈၼႃႈ တီႈလႄႈထိုင်တီႈလႆႈယိုဝ်းၵၼ်တၢႆ။ ဝၼ်းတီႈ 27/4/2020 ပူၼ်ႉမႃးၼႆႉ ၵူၼ်းဝၢၼ်ႈၶျိတ်ႉထူႇ ပွၵ်ႇလွႆတေႃႇၶမ်း ဝဵင်းတႃႈၶီႈလဵၵ်း ၵႂႃႇတႅပ်းမႆႉ ၼႂ်းထိူၼ်ႇပွတ်း RCSS တူင်ႉၼိုင်ၼၼ်ႉ ၺႃးၸဝ်ႈၼႃႈတီႈ RCSS ႁွင်ႉၵိုတ်းၵူတ်ႇထတ်း ၊ ၵူၼ်းဝၢၼ်ႈ ဢမ်ႇယွမ်းၵိုတ်း ၶိုၼ်းႁိမ်ၵွင်ႈ ၸဝ်ႈၼႃႈတီႈလႄႈ ၺႃးယိုဝ်း...

ၽူႈၸၢႆး ဢႃယု 48 ပီ ၵေႃႉၼိုင်ႈ ၸူမ်ၼမ်ႉတဵင်းတၢႆ တီႈဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်း။ ဝၼ်းတီႈ 29/4/2020 ယၢမ်းၵၢင်ၼႂ် မွၵ်ႈ 8 မူင်းပၢႆၼႆႉ ပလိၵ်ႈလႄႈၸုမ်းၶၢႆႇၶႃပႄလႅင် ဝဵင်းလၢင်းၶိူဝ်း လႆႈၵႂႃႇၸွႆႈ ဢဝ်တူဝ် တၢႆ ၽူႈၸၢႆးဢႃယု 48 ပီ ၶၢင်ႉၶမ်ဝႆႉတီႈ လၵ်းမၢႆႈလူင်ၼႂ်းၼမ်ႉတဵင်း တိုဝ်ႉပွၵ်ႉၼမ်ႉဝၢၼ်ႈတႂ်ႈ...

မီးၵူၼ်းယိပ်းၵွင်ႈၸုမ်းၼိုင်ႈဢမ်ႇႁူႉၾၢႆႇၶဝ်ႈယိုဝ်း ဢွင်ႈတီႈပျီႇတူႉၸိတ်ႉပၢၼ်းသေး တီႈပွၵ်ႉၸွၼ်ၸေႃႇ ၸႄႈဝဵင်း မူႇၸေႊ ၸိုင်ႈတႆးပွတ်းႁွင်ႇ။ ဝၼ်းတီႈ 23/4/2020 ယၢမ်းၵၢင်ၶမ်ႈ မွၵ်ႈ 7 မူင်းၶိုင်ႈၼၼ်ႉ မီးၵူၼ်း/ ၸုမ်း ဢမ်ႇႁူႉၾၢႆႇၶဝ်ႈယိုဝ်း ဢွင်ႈတီႈၸုမ်းပျီႇတူႉ ၸိတ်ႉပၢၼ်းသေး ၵုမ်းၵမ်ဝႆႉၼၼ်ႉ တီႈပွၵ်ႉၸွၼ်ၸေႃႇ ၼႂ်ႈၵႄႈမၢၼ်ႈပၢင်ႇၶမ်း - ပွၵ်ႉၸွၼ်ၸေႃႇ ၵႄႈသဵၼ်ႈတၢင်း ၼမ်ႉၶမ်း -...