ၼႂ်းၸႄႈမိူင်းတႆး ၵူၼ်းမိူင်းဢမ်ႇႁဵတ်းၸွမ်းလွင်ႈပၵ်းပိူင်မၢႆမီႈ ႁၢမ်ႈဢွၵ်ႇၼွၵ်ႈႁိူၼ်းယေး ၽွင်းၵၢင်ၶမ်ႈၵၢင်ၶိုၼ်း ထုၵ်ႇတီႉၺွပ်းဢဝ်လိူင်ႈလၢဝ်း ပၼ်တူတ်ႈတၢမ်ႇ 40 ပၢႆ။
ယူႇတီႈလူင်ပွင်ၸိုင်ႈၸႄႈမိူင်းတႆး ဢွၵ်ႇလိၵ်ႈပိုၼ်ၽၢဝ်ႇ ႁၢမ်ႈတပ်ႉ ၵူၼ်းမိူင်းဢွၵ်ႇၼွၵ်ႈႁိူၼ်းယေး ယၢမ်းၵၢင်ၶိုၼ်း 10 မူင်း ထိုင်ၵၢင်ၼႂ် 4 မူင်း မိူဝ်ႈဝၼ်းတီႈ 20/4/2020 ၼၼ်ႉမႃး ယွၼ်ႉတႃႇ ၵုမ်းၵမ် တၢင်းပဵၼ်ၶူဝ်ႊဝိတ်ႉ – 19 ပေႃးတေ ဢမ်ႇလၢမ်းၽႄႈႁၢဝ်ႈႁႅင်း။
ဢူးၽိဝ်းမိၼ်းထႅၵ်ႉ ၽူႈၵွၼ်းၸႄႈဝဵင်းတူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ- “ၵူၼ်းမိူင်း 40 ပၢႆ ဢၼ်ပူၼ်ႉပႅၼ်မၢႆမီႈၼၼ်ႉ ပႆႇဢဝ်လိူင်ႈလၢဝ်းတင်းမူတ်း။ မၢင်ၵေႃႉတႄႉၵေႃႈ လႆႈပၼ်တၢမ်ႇဝႆႉၵေႃႈ မီးယဝ်ႉ။ မၢင်ၵေႃႉသမ်ႉ ဢႃယု ပႆႇတဵမ်ၵေႃႈမီး။ ၵမ်ႈၼမ်တႄႉ ဢဝ်လိူင်ႈလၢဝ်းသေ ပၼ်တၢမ်ႇၵႂႃႇယဝ်ႉ” ဝႃႈၼႆ။
ၵူၼ်းမိူင်းဢၼ်ပူၼ်ႉပႅၼ်မၢႆမီႈ ၸိူဝ်းၼၼ်ႉ တင်းမူတ်းပဵၼ်ၵူၼ်းဝဵင်းတူၼ်ႈတီး၊ ဢေးသႃႇယႃႇလႄႈ ယွင်ႁူၺ်ႈ ၸိူဝ်းၼႆႉ။
ဢူးၽိဝ်းမိၼ်ႉထႅၵ်ႉ သိုပ်ႇလၢတ်ႈဝႃႈ “ ၶႂ်ႈဝႃႈၵူႈတီႈၶႃႈယဝ်ႉ ၵူၼ်းမိူင်းၸိူဝ်းပူၼ်ႉပႅၼ်မၢႆမီႈ ၸိူဝ်းၼၼ်ႉ တူၼ်ႈတီး၊ ဢေးသႃႇယႃႇလႄႈ ယွင်ႁူၺ်ႈ ၸိူဝ်းၼႆႉ။ ၵူၼ်းတၢင်းသၢႆၼွၵ်ႈတႄႉ ႁဵတ်းၸွမ်းမၢႆမီႈ ၶႅမ်ႉလႅပ်ႈလီ။ ၵူၺ်းၵႃႈ ဢၼ်ပူၼ်ႉပႅၼ် ၸိူဝ်းၼၼ်ႉသမ်ႉ ပဵၼ်ၵူၼ်းၼႂ်းဝဵင်းၵမ်ႈၼမ်” ဝႃႈၼႆ။
ပိူဝ်ႈတႃႇ တေၵုမ်းၵမ်လႆႈတၢင်းပဵၼ်ၶူဝ်ႊဝိတ်ႉ – 19 ပေႃးတေဢမ်ႇၽႄႈလၢမ်းႁၢဝ်ႈႁႅင်းၼၼ်ႉ ယူႇတီႈလူင်ပွင်ၸိုင်ႈ မိူင်းတႆး ပိုၼ်ၽၢဝ်ႇ ႁၢမ်ႈတပ်ႉ ၵူၼ်းမိူင်းဢွၵ်ႇတၢင်းၼွၵ်ႈၵၼ် ၽွင်းၵၢင်ၶမ်ႈၵၢင်ၶိုၼ်း တႃႇၶၢဝ်းတၢင်း 2 လိူၼ်-ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ