မိူဝ်ႈဝၼ်းတီႈ 14 လိူၼ်တီႊသႅမ်ႊပိူဝ်ႊ ယၢမ်းၵၢင်ၼႂ် သိုၵ်းမၢၼ်ႈယိုတ်းမိူင်း ၸတ်းပၢင်သပ်းၸႅင်ႈၶၢဝ်ႇ ၵဵဝ်ႇ လွင်ႈၵၢၼ်ၽဵဝ်ႈမူၺ်ႉ ၸုမ်းႁဵတ်းၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊ (ၵျႃႊၽျႅၼ်ႉ) ၼႂ်းမိူင်းႁူမ်ႈတုမ် လႄႈ ၸွမ်းလႅၼ်လိၼ် မိူင်းမၢၼ်ႈ- မိူင်းထႆး။
ဢိင်ၼိူဝ် ၵၢၼ်ၽဵဝ်ႈမူၺ်ႉ ၸုမ်းၵျႃႊၽျႅၼ်ႉၼႆႉသေ သိုၵ်းမၢၼ်ႈယိုတ်းမိူင်း ဢိုပ်းပႅတ်ႈ မၢႆယေးငိုၼ်း (Bank Account) တႃႇ 149 ဢၼ် လႄႈ Sim Card မၢႆၾူၼ်း တႃႇ 2300 ဢၼ် ၸိူဝ်းၵဵဝ်ႇၵွင်ႉတင်း ၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊ ၼႆယဝ်ႉ။
ၼႂ်းဝၼ်းပၢင်သပ်းၸႅင်ႈၶၢဝ်ႇၼၼ်ႉ ၽူႈၵွၼ်းပလိၵ်ႈ မိူင်းႁူမ်ႈတုမ် ၵျေႃႇလိၼ်း လၢတ်ႈၵႂႃႇဝႃႈ – “ၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊၼႆႉ ပဵၼ်ၼိူဝ်ၾဵတ်ႉသ်ပုၵ်ႉ (Facebook) ၊ ထႄႊလီႊၵရမ်ႊ (Telegram) လႄႈ ထိၵ်းထွၵ်ႉ (Tiktok) ၸိူဝ်းၼႆႉ။ ၵျႃႊၽျႅၼ်ႉၼႆႉ ၸႂ်ႉမၢႆၾူၼ်း ဢၼ်တၢင်ႇမၢႆၾၢင်ပွမ် ၼၼ်ႉသေ ပိုတ်ႇဝႆႉမီးတင်းၼမ်။ ယွၼ်ႉ ၼၼ် ၾၢႆႇႁဝ်းလႆႈဢိုတ်းပႅတ်ႈ မၢႆၾူၼ်း တႃႇ 2300 လုၵ်ႈပၢႆယဝ်ႉ။ မၢႆယေးငိုၼ်း ၸိူဝ်းၵွင်ႉၵၢႆႇၸွမ်းမၢႆၾူၼ်း လႄႈ ၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊၸိူဝ်းၼႆႉ တိုၵ်ႉသိုပ်ႇ ၵူတ်ႇထတ်းဝႆႉယူႇ။ ဢၼ်တေလႆႈဢိုတ်းပႅတ်ႈၼႆႉ ၵိုတ်းယူႇတင်းၼမ်” ဝႃႈၼႆ။
တႄႇလိူၼ်တီႊသႅမ်ႊပိူဝ်ႊ ဝူင်ႈတီႈသွင်မႃးၼႆႉ သိုၵ်းမၢၼ်ႈယိုတ်းမိူင်း ႁူပ်ႉဢုပ်ႇတင်း တူဝ်တႅၼ်းလူင်ပွင် ၸိုင်ႈ မိူင်းၶႄႇ၊ မိူင်းထႆးသေ ဢုပ်ႇဢူဝ်း ၶွတ်ႇၽွတ်ႈၸုမ်းၽဵဝ်ႈမူၺ်ႉ ၵျႃႊၽျႅၼ်ႉ ထိုင်ၶၵ်ႉတွၼ်ႈၸိူဝ်ႉၸၢတ်ႈ။
တႃႇၶွတ်ႇၽွတ်ႈ National Anti-Scam Center ၼႆႉ သိုၵ်းမၢၼ်ႈယိုတ်းမိူင်း ဢၢၼ်းၸႂ်ႉငိုၼ်းဢၼ်မီးၼႂ်း ပီၵၢၼ်ငိုၼ်း 2026-2027 ၼႆႉၵႂႃႇဝႃႈၼႆသေတႃႉ တေၸႂ်ႉတိုဝ်းတၢင်းၼမ် ၵႃႈႁိုဝ်ၼႆတႄႉ ပႆႇလႆႈႁူႉႁူဝ်ယွႆႈ တႅတ်ႈတေႃး။
ၵၢၼ်ၽဵဝ်ႈမူၺ်ႉၸုမ်းႁဵတ်းၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊ ၵျႃႊၽျႅၼ်ႉၼႆႉ ထုၵ်ႇလီႁဵတ်းၵႂႃႇၸွမ်းလႅၼ်လိၼ် ႁႂ်ႈပေႃးယဝ်ႉတူဝ်ႈလီငၢမ်း၊ ယႃႇႁႂ်ႈလႆႈထိုင်ၸၼ်ႉမႃးၽဵဝ်ႈ မူၺ်ႉၼႂ်းမိူင်းၶိုၼ်းႁၢဝ်ႈႁၢဝ်ႈႁႅင်း ႁႅင်းၼႆ ၽွင်းလူင်ၼႂ်းမိူင်း ၸွမ်သိုၵ်း ထုၼ်းထုၼ်းၼွင်ႇၵေႃႈလၢတ်ႈဝႆႉၼင်ႇၼႆ။
တႄႇလိူၼ်တီႊသႅမ်ႊပိူဝ်ႊ ဝူင်ႈတီႈသွင်မႃးၼႆႉ သိုၵ်းမၢၼ်ႈယိုတ်းမိူင်း ႁူပ်ႉဢုပ်ႇတင်း တူဝ်တႅၼ်းလူင်ပွင် ၸိုင်ႈ မိူင်းၶႄႇ၊ မိူင်းထႆးသေ ဢုပ်ႇဢူဝ်း ၶွတ်ႇၽွတ်ႈ ၸုမ်းၽဵဝ်ႈမူၺ်ႉၵျႃႊ ၽျႅၼ်ႉ ထိုင်ၶၵ်ႉတွၼ်ႈၸိူဝ်ႉၸၢတ်ႈ။
တႃႇၶွတ်ႇၽွတ်ႈ National Anti-Scam Center ၼႆႉ သိုၵ်းမၢၼ်ႈယိုတ်းမိူင်း ဢၢၼ်းၸႂ်ႉငိုၼ်းဢၼ်မီးၼႂ်းပီၵၢၼ်ငိုၼ်း 2026-2027 ၼႆႉၵႂႃႇဝႃႈၼႆသေတႃႉ တေၸႂ်ႉတိုဝ်းတၢင်းၼမ် ၵႃႈႁိုဝ်ၼႆတႄႉ ပႆႇလႆႈႁူႉႁူဝ်ယွႆႈ တႅတ်ႈတေႃး။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ