ႁူဝ်ပဝ်ႈ သင်ႇၶႃႇၸိုင်ႈတႆးပွတ်းဢွၵ်ႇ ႁဵတ်းတၢင်းလီၵုသူလ် တႃႇမၢႆတွင်းၼႂ်းဝၼ်းၵိူတ်ႇၸဝ်ႈ ၶွပ်ႈတဵမ် 53 ပီ  လူႇ တၢၼ်းထႅမ် ငိုၼ်းၾူၼ်းပၼ် တၵ်ႉၵႃႇသတ်ႉထႃး ၼပ်ႉႁူဝ်ပၢၵ်ႇၶိူင်ႈ ဝႃႈၼႆ။ ဝၼ်းတီႈ 21/11/2020 ၼၼ်ႉ ၸဝ်ႈၶူးလူင် ၺႃႇၼသီႇရိ ႁူဝ်ပဝ်ႈငဝ်ႈငုၼ်းမုၵ်ႉၸုမ်း လူင်သင်ႇၶႃႇၸိုင်ႈတႆး ပွတ်းဢွၵ်ႇၶူင်း တႃႇမၢႆတွင်းဝၼ်းၵိူတ်ႇၸဝ်ႈ ၶွပ်ႈတဵမ် 53 ပီ...

ၶူဝ်ၽႅၼ်ၵဝ်ႇ ဢၼ်မီးဢႃယု 100 ပီပၢႆ ဢၼ်ၵၢႆႇၼႂ်ႈၵႄႈ မိူင်းတႆးတင်း မိူင်းၶၢင်ၼၼ်ႉ ၽင်ႉၶၢတ်ႇ ယၢတ်ႇတူၵ်းၼမ်ႉမၢဝ်း ပႅတ်ႈတင်းမူတ်းယဝ်ႉ ဝႃႈၼႆ။ ၶူဝ်လဵၵ်းၽႅၼ်ၼႆႉ  လုၵ်ႉၸႄႈဝဵင်းၼမ်ႉၶမ်း ၶၢမ်ႈၼမ်ႉမၢဝ်းၵၢႆႇၸူး  ၸႄႈဝဵင်းမၢၼ်ႈမေႃႇ ၸႄႈမိူင်းၶၢင်။  မိူဝ်ႈၼႆႉ ဝၼ်းတီႈ 23/11/2020 ယၢမ်းၵၢင်ဝၼ်း  လႆႈလူႉၵွႆပုတ်းၶၢတ်ႇယၢတ်ႇတူၵ်းၼမ်ႉမၢဝ်းပႅတ်ႈတင်းလင်ယဝ်ႉယွၼ်ႉ  ၸိူၵ်ႈလဵၵ်းၽင်ႉၵွႆလႅဝ်မူတ်း။ ၸၢႆးမၢဝ်း ၵူၼ်းၼမ်ႉၶမ်းလၢတ်ႈဝႃႈ - “ႁူး...

ၵူၼ်းတိတ်းၸပ်းတၢင်းပဵၼ်ပုင်ႈၶိုၼ်ႈလိူဝ်ႁႅင်းလႄႈ ၸဝ်ႈၼႃႈတီႈ ၼႂ်းၸႄႈဝဵင်းယႂႃႇငၢၼ်ႇ ပိၵ်ႉဢိုတ်းLock Down ဝႆႉ ဝၢၼ်ႈမဵဝ်ႉၵျီး၊ ႁဵတ်းႁႂ်ႈၵူၼ်းဝၢၼ်ႈ ႁႃၵိၼ်လဵင်ႉတွင်ႉယၢပ်ႇ၊ ၸုမ်းတူင်ႉၼိုင်တူင်ႇဝူင်းၵူၼ်း ႁူမ်ႈၵၼ်ၵဵပ်းငိုၼ်းတွင်း လႄႈၶူဝ်းၶွင်ၵိၼ်ယမ်ႉ တီႈဝဵင်းတူၼ်ႈတီး တႃႇၵႂႃႇၵမ်ႉၸွႆႈလူႇတၢၼ်း ။ ၵူၼ်းၸပ်းတၢင်းပဵၼ်ၶူဝ်ႊဝိတ်ႉ-19 ၼႂ်းၸိုင်ႈတႆးၼမ်မႃးၵူႈမိုဝ်ႉၵူႈဝၼ်း  တင်ႈဢဝ် ဝၼ်းတီႈ 29/10/2020 တေႃႇထိုင် ဝၼ်းတီႈ 16/11/2020 မိူဝ်ႈၼႆႉ တီႈဝဵင်းယႂႃႇငၢၼ်ႇ...

ၵေႃႉယၢမ်ႈပဵၼ်ၸၼ်ႉၽူႈၼမ်း ၼႂ်းတပ်ႉသိုၵ်းဝႃႉ ဝိူၺ်ႉသႅဝ်ႇလူင် လူႉသဵင်ႈသုတ်းမုၼ်၊ ၽူႈၼမ်းဝႃႉ ႁူဝ်ပဝ်ႈလူင် ပဝ်းယဵဝ်ႇသျႅင် ဢွၼ်ႁူဝ်ၼမ်းၼႃႈ ၸတ်းပၢင်ၸႃပၼ လုမ်းလႃးပူၼ်ႉၶၢပ်ႈတူဝ်။ မိူဝ်ႈဝၼ်းတီႈ 13/11/2020 ၼၼ်ႉ ယူႇတီႈ ပႃႇတီႇမိူင်းဝႃႉၽွမ်ႉႁူမ်ႈ / တပ်ႉသိုၵ်းမိူင်းဝႃႉၽွမ်ႉႁူမ်ႈ (UWSP, UWSA) ပိုၼ်ၽၢဝ်ႇဝႃႈ -ဝိူၺ်ႉသႅဝ်ႇလူင် (ဝိူၺ်ႉသႄႂလူင်) လူႉသဵင်ႈသုတ်းမုၼ်ၵႂႃႇ လူၺ်ႈတၢင်းပဵၼ် မိူဝ်ႈဝၼ်းတီႈ...

တႃႇမွပ်ႈသူးၸဝ်ႈသုၸၼ်ႇတီႇပၼ်ၵူၼ်းၼုမ်ႇၽူႈဢွၼ်ႁူဝ်ၵေႃႉထူၼ်ႈ 13 ၼၼ်ႉ ၶွမ်ႊမတီႊတႄႇပိုတ်ႇပၼ် ႁႂ်ႈၵူၼ်းၼုမ်ႇတႆးလႆႈတၢင်ႇယိုၼ်ႈဝႂ်  ။ ယူႇတီႈၸဝ်ႈၼၢင်းသုၸၼ်ႇတီႇ (မႁႃႇတေႇဝီႇၸဝ်ႈၾႃႉလူင်မိူင်းသီႇပေႃႉ) လႆႈမွပ်ႈယိုၼ်ႈသူး ပၼ်ၵူၼ်းၼုမ်ႇၼႂ်းၸိုင်ႈတႆး ၸိူဝ်းမီးလွင်ႈၶတ်းၸႂ် ဢဝ်ပုၼ်ႈ ၽွၼ်းဢွၼ်ႁူဝ် တူင်ႉၼိုင်ၼႂ်းၵၢၼ်ႁဵတ်းသၢင်ႈ လွင်ႈၶိုၼ်ႈယႂ်ႇ၊ ငမ်းယဵၼ် ၼႂ်းတူင်ႇဝူင်းၵူၼ်း၊ ႁၵ်ႉသႃ ၾိင်ႈငႄႈ၊ ၸိူဝ်ႉၸၢတ်ႈ ၸဝ်ႈၵဝ်ႇမႃးၵူႈပီ။ ၼင်ႇႁိုဝ် တေပဵၼ်ႁႅင်းတွၼ်ႈတႃႇ ၵူၼ်းၼုမ်ႇၸိူဝ်းတိုၵ်ႉၶတ်းၸႂ် တႃႇၵူၼ်းတင်းၼမ်။...

ဝတ်ႉတိုၼ်းလႅင်း လွႆသၢမ်သိပ်း လႅၼ်လိၼ်တႆး - ထႆး တေမႄးၵေႃႇၵုမ်းလုမ်းလႃးၶိုၼ်းၼႆသေ ယွၼ်းတုင်းႁပ်ႉလူႇၶၢမ်ႇ ၸူး တီႈၽူႈမီးၼမ်ႉၸႂ် ၽိူၵ်ႇၸိုၼ်ႈၶၢဝ်သႂ်ၸေႇတႃႇၼ တီႈၸမ်/ ၵႆ တႃႇတေမေးၵေႃႇသၢင်ႈလုမ်းလႃးၶိုၼ်း ဢၼ်မႂ်ႇ ၼႆ ယဝ်ႉ။ ပေႃးထိုင်မႃး ၼႂ်းလိူၼ်မၢတ်ႊၶျ် - ဢေႊပရိူဝ်ႊ ပီ 2021 ၸိုင် ယူႇတီႈသင်ၶၸဝ်ႈလႄႈ ၵေႃၵမ်ၵၢၼ်...

ဝၼ်းတီႈ 31   ႁၢင်လိူၼ်ဢွၵ်ႉထူဝ်ႊပိူဝ်ႊ  ပီ 2020 ၼႆႉ ပဵၼ်ဝၼ်းဢွၵ်ႇဝႃႇသႃ(တၢင်းမိူင်းတႆး၊ မိူင်းမၢၼ်ႈ)။ မိူင်းထႆး မိူင်းလၢဝ်းတႄႉ ဢွၵ်ႇတႄႇမိူဝ်ႈဝၼ်းတီႈ 02 တူၼ်ႈလိူၼ်ဢွၵ်ႉထူဝ်ႊပိူဝ်ႊ ပူၼ်ႉမႃးၼၼ်ႉ။ ၵွပ်ႈ မိူင်းထႆး မိူင်းလၢဝ်း ပဵၼ်ပီပႅတ်ႇလဵဝ် လႄႈၼႂ်းပိုၼ်ႉတီႈ တႆးၶိုၼ် တႆးလိုဝ်ႉ တႆးလႅမ်း ပဵၼ်ပီၵဝ်ႈလဵဝ်။ တၢင်းမိူင်းတႆး၊...

ၵူၼ်းမိူင်း ၸိူဝ်းယူႇၸွမ်းသၢပ်ႇၼမ်ႉတူႈ ဢွၼ်ၵၼ်ႁူမ်ၸူမ်းၸွမ်း လွင်ႈၶွမ်ႊပၼီႊမိူင်းသဝိတ်ႊၸိူဝ်ႊလႅၼ်ႊ ထွၼ်ဢွၵ်ႇ ၼႂ်းပိုၼ်ႉတီႈ ၶူင်းၵၢၼ်သၢင်ႈၾၢႆယေးယႂႃႇတွၼ်ႈၼိူဝ် ဝႃႈၼႆ။ ဝၼ်းတီႈ 27/10/2020 ယူႇတီႈၵေႃၵပ်းသၢၼ်တူင်ႉၼိုင်မႄႈၼမ်ႉ ၼႂ်းၸိုင်ႈတႆး ဢွၵ်ႇၶေႃႈပိုၼ်ၽၢဝ်ႇ လွင်ႈၵူၼ်းမိူင်းၼႂ်း ပိုၼ်ႉတီႈႁူမ်ၸူမ်းၸွမ်း လွင်ႈၶွမ်ႊပၼီႊ Stucky SA မိူင်းသဝိတ်ႊၸိူဝ်ႊလႅၼ်ႊ ထွၼ်ဢွၵ်ႇၼႂ်းပိုၼ်ႉတီႈ ၶူင်းၵၢၼ်သၢင်ႈ ၾၢႆ ယေးယႂႃႇတွၼ်ႈၼိူဝ် ၼႂ်းမႄႈၼမ်ႉတူႈ ၸႄႈဝဵင်းၵျွၵ်ႉမႄး...

ၵူၼ်းၸၢဝ်းၶိူဝ်း မိူင်းသၼ်လွႆၼႆႉ တိုဝ်ႉတၢင်းႁဵၼ်းပၢႆးပၺ်ၺႃ တိုၵ်ႉမီးဢႄႇႁႅင်းၼႃႇလႄႈ ၵူၼ်းဢၢၼ်ႇလႆႈတႅမ်ႈလႆႈ တိုၵ်ႉမီးဢႄႇ။ တီႈဢၼ်ပၢႆးပၺ်ၺႃ ဢမ်ႇတဵမ်ထူၼ်ႈၼၼ်ႉ သုၼ်ႇလႆႈလႄႈ ၵၢၼ်ဝၢၼ်ႈမိူင်း ၵၢၼ်ၸိူဝ်ႉၸၢတ်ႈၵေႃႈဢမ်ႇတဵမ်ထူၼ်ႈ။ ၼႂ်းဝၼ်းမိူဝ်းၼႃႈ  ၼင်ႇႁိုဝ်ဝၢၼ်ႈမိူင်းလႄႈၸိူဝ်ႉၸၢတ်ႈၸဝ်ႈၵဝ်ႇတေၶိုၼ်ႈယႂ်ႇၶိုတ်းၵၢပ်ႈပဵင်းမိူင်းလုမ်ႈၾႃႉၼႆႉ တၵ်းလႆႈယုၵ်ႉမုၼ်းပၢႆးပၺ်ၺႃပိုၼ်ႉတီႈ။ လုင်းၸၢႆးလူင် ၼေႃႇၽူႈတႅၼ်းပႃႇတီႇႁူဝ်သိူဝ် သၽႃးၸိူဝ်ႉၸၢတ်ႈ ၶဵတ်ႇလိူၵ်ႈတင်ႈမၢႆ 3   ၵေႃႈလၢတ်ႈဝႃႈ  မီးယိူင်းဢၢၼ်း တေသိူဝ်ႇတၢင်း ပၢႆးပၺ်ၺႃပၼ် ၵူၼ်းၼုမ်ႇ...

ၽူႈၼမ်းၼႂ်း ပႃႇတီႇႁူဝ်သိူဝ် (SNLD) ၸႄႈဝဵင်းသီႇပေႃႉ လူႉသဵင်ႈ ယွၼ်ႉတၢင်းပဵၼ်လိူတ်ႈၶိုၼ်ႈ  ။ မိူဝ်ႈၼႆႉ ဝၼ်းတီႈ 26/10/2020 ယၢမ်းဝၢႆးဝၼ်း မွၵ်ႈ 2 မူင်း ၸၢႆးသႅင်လီ ဢႃယု 41 ပီ ၽူႈၼမ်းၼႂ်းပႃႇတီႇႁူဝ်သိူဝ်ၸႄႈဝဵင်းသီႇပေႃႉ ၽွင်းၵႂႃႇၶဝ်ႈႁူမ်ႈပၢင်ၵႅဝ်ႈဝၼ်းၵေႃႇတင်ႈပႃႇတီႇၶွပ်ႈတဵမ် 32  သေပွၵ်ႈၶိုၼ်းႁိူၼ်းၼၼ်ႉ ႁႅင်းလိူတ်ႈၶိုၼ်ႈသုင်သေ လႆႈ လူႉသဵင်ႈ/...

ၸုမ်းၸိူဝ်ႉၸၢတ်ႈပဢူဝ်း PNO လူင်းပိုၼ်ႉတီႈ ၵႂႃႇႁႃသဵင် ၸွမ်းမူႇဝၢၼ်ႈ ၼႂ်းၸႄႈဝဵင်းသီႇသႅင်ႇ ၵႂႃႇၸူးတၢင်း ဝဵင်းဝၢၼ်ႈယဵၼ်ႇၼၼ်ႉ ၵႃးၶဝ်ၵႂႃႇပိၼ်ႈၸွမ်းတၢင်းလႄႈ ႁဵတ်းႁႂ်ႈၵူၼ်းၶီႇၵႃး လူႉတၢႆ ၸွမ်းၵၼ် 3 ၵေႃႉ။   ဝၼ်းတီႈ 22/10/2020 ယၢမ်းၵၢင်ၶမ်ႈ မွၵ်ႈ 6 မူင်းၼၼ်ႉ ရူတ်ႉၵႃး  သူၼ်းတုမ်ႁႃသဵင် ပႃႇတီႇၸိူဝ်ႉၸၢတ်ႈပ ဢူဝ်း (PNO)...

ၵူၼ်းၼမ်ႉလၼ်ႈ ပွၵ်ႈတႃႈၵုင်ႈမႃး ၺႃးၵုမ်းတူဝ်ယူႇဝႆႉၼႂ်းႁိူၼ်း 14 ဝၼ်းယဝ်ႉ  ၵူတ်ႇထတ်းထူပ်းႁၼ်  ၸိူဝ်ႉ မႅင်းတၢင်းပဵၼ်ၶူဝ်ႊဝိတ်ႉ 19    ယၢမ်းလဵဝ် တၢင်းႁိူၼ်းမၼ်းၼၢင်းထုၵ်ႇ Lockdown ပိၵ်ႉဢိုတ်းဝႆႉ။ ဝၼ်းတီႈ 21/10/2020  ၾၢႆႇပၢႆးယူႇလီ ပိုၼ်ၽၢဝ်ႇၵူၼ်းၸပ်းတၢင်းပဵၼ်ၶူဝ်ႊဝိတ်ႉ 19 တင်းမိူင်းပတ်းပိုၼ်ႉမီး 1194 ၵေႃႉ။ၼႂ်းၼၼ်ႉပႃးၵူၼ်းမိူင်းတႆး 16 ၵေႃႉ။  ၼႂ်း 16...

ဝၼ်းတီႈ 22/10/2020 ယၢမ်းႁူဝ်ၶမ်ႈ ၵႃးသူၼ်းတုမ်ႁႃသဵင် ပႃႇတီႇႁူဝ်သိူဝ် ၸႄႈဝဵင်းတႃႈၶီႈလဵၵ်း ထုၵ်ႇၵူၼ်း ဢဝ် မၢၵ်ႇၵၢင်ႇၵွၼ် ပိုတ်းသႂ်ႇ ရူတ်ႉၵႃး တီႈဝၢၼ်ႈၼႃးဢွၼ်ႇ ဢိူင်ႇၼႃးယၢဝ်း ၵိင်ႇၸႄႈဝဵင်းတႃႈလိူဝ်ႇ ၸႄႈဝဵင်းတႃႈၶီႈလဵၵ်း ၸိုင်ႈတႆး ပွတ်းဢွၵ်ႇၶူင်း။ ငဝ်ႈငုၼ်းၻီႇမူဝ်ႇၶရေၸီႇ ၸိူဝ်ႉၶိူဝ်းတႆး SNLD ႁိုဝ် ပႃႇတီႇႁူဝ်သိူဝ် ၸႄႈဝဵင်းတႃႈၶီႈလဵၵ်းသမ်ႉ လူင်းသူၼ်းတုမ်ႁႃသဵင် တၢင်းပွတ်းၵိင်ႇၸႄႈဝဵင်းတႃႈလိူဝ်ႇ၊...

ၼႂ်းၸႄႈဝဵင်းၼမ်ႉတူႈ မိူင်းတႆးပွတ်းႁွင်ႇၼၼ်ႉ ၵူၼ်းဝၢၼ်ႈၵႂႃႇ ထူပ်းႁၼ်တူဝ်တၢႆ ၵူၼ်းမိူင်း 3 ၵေႃႉ၊ သွင်ၵေႃႉၽူဝ်မေးတၢႆ ၵိုၵ်းႁိူၼ်း၊ ထႅင်ႈၵေႃႉ ႞ သမ်ႉ တၢႆၼႂ်းသူၼ်ၶဝ်ႈၵၢပ်ႇ တူဝ်ၶဝ်ပေႃးလၢၼ်ႈ၊ ပေႃးတူႇဝႆႉ၊ တၢႆယွၼ်ႉသင် ယင်းဢမ်ႇႁူႉလွင်ႈ တၢင်း။ ဝၼ်းတီႈ 21/10/2020 ယၢမ်းဝၢႆးဝၼ်းမွၵ်ႈ 1 မူင်းၶိုင်ႈၼၼ်ႉ ၵူၼ်းဝၢၼ်ႈ ထူပ်းႁၼ်...

လုၵ်ႈဢွၼ်ႇ ဢႃယု 5 ၶူပ်ႇ ဢၼ်ပႃးၼႂ်းၵႃး ၸုမ်းသူၼ်းတုမ်ႁႃသဵင် ပႃႇတီႇႁူဝ်သိူဝ် တီႈၸႄႈဝဵင်းမူႇၸေႊ လႆႈပဵၼ်ၽေးဢုပၢတ်ႈ တူၵ်းၵႂႃႇၼႂ်းၼမ်ႉမၢဝ်းၼၼ်ႉ တေႃႇထိုင်ယၢမ်းလဵဝ် ပႆႇႁၼ်တူဝ်တၢႆ မၼ်းၸၢႆး ဝႃႈၼႆ။ ၸုမ်းသွၵ်ႈႁႃတူဝ်တၢႆ ၸၢႆးၸိုၼ်ႈၶိူဝ်း ဢႃယု 5 ၶူပ်ႇ ဢၼ်ပႃးၵႂႃႇၸွမ်းၵႃးၸုမ်းသူၼ်းတုမ် ပႃႇတီႇႁူဝ်သိူဝ် ၊ ဢၼ်တူၵ်းၵႂႃႇၼႂ်းၼမ်ႉမၢဝ်း ၼၼ်ႉ သေႃႉႁႃမႃး...