တႄႇၵၢင်လိူၼ် ၾႅပ်ႉပိဝ်ႊရီႊၼႆႉမႃး ၵၢင်ႉၵႄႇႁူမ်ႈ သိုၵ်းမၢၼ်ႈ ၵူတ်ႇထတ်းသဵၼ်ႈမၢႆၶႅၵ်ႇယဝ်ႉ တီႉၺွပ်းၵူၼ်းၼုမ်ႇ ယၢမ်းၵၢင်ၶမ်ႈၵၢင်ၶိုၼ်း ႁၢဝ်ႈႁႅင်း တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ။ ၵၢင်ႉၵႄႇႁူမ်ႈသိုၵ်းမၢၼ်ႈ ၶဝ်ႈၵူတ်ႇထတ်းသဵၼ်ႈမၢႆၶႅၵ်ႇ တီႈပွၵ်ႉၼႂ်းယွမ်သေ  ၊  ၵၢင်ၶမ်ႈ 8 မူင်းထိုင် 11မူင်း ပႂ်ႉၵူတ်ႇထတ်းတီႉၺွပ်းၵူၼ်းၼုမ်ႇၸွမ်းတႃႈၸွမ်းတၢင်း  ။ ပိူင်ယႂ်ႇ တေပႂ်ႉၵူတ်ႇထတ်းၵူၼ်းၼုမ်ႇ ၸိူဝ်းၵႂႃႇၼင်ႈၵိၼ်ၵျေႃႇ တီႈႁၢၼ်ႉၶၢႆလဝ်ႈ ပီႊယႃႊသေ...

ပူဝ်ႇၼၵႃး (ထိၼ်ႇလိၼ်း) ဢၼ်ပဵၼ်ႁူဝ်ၼႃႈ တပ်ႉသိုၵ်းၸိူဝ်ႉၸၢတ်ႈမၢၼ်ႈ BNRA ၼၼ်ႉ ပႃးၶိူင်ႈၵွင်ႈၵၢင်ႇဢိတ်းဢီႈ ဢဝ်တင်းလုၵ်ႈလၢင်းမေးၼၢင်းလႄႈၵူၼ်းႁိူၼ်းသေ ၵႂႃႇဝၢင်းၶိူင်ႈပၼ်သိုၵ်းမၢၼ်ႈ။ ႁွင်ႈၵၢၼ်ၾၢႆႇပိုၼ်ၽၢဝ်ႇ ထီႊဝီႊမၢၼ်ႈပိုၼ်ၽၢဝ်ႇဢွၵ်ႇၶမ်ႈၼႆႉ 18/02/2026 ၼႆႉဝႃႈ ပူဝ်ႇၼၵႃး ၽူႈၼမ်းၸုမ်းယိပ်းၵွင်ႈၵၢင်ႇမၢၼ်ႈ ဢၼ်ပၵ်းတပ်ႉငဝ်ႈငုၼ်းဝႆႉတီႈ ၸႄႈဝဵင်းယိၼ်းမႃႇပိၼ်ႇ တိူင်းၸႄႈၵႅင်းၼၼ်ႉ ဢဝ်တၢင်းၵွင်ႈပွတ်းၵွင်ႈယၢဝ်းၵမ်ႈၽွင်ႈသေ ဝၢင်းၶိူင်ႈပၼ်သိုၵ်းမၢၼ်ႈယဝ်ႉဝႃႈၼႆ။ ပူဝ်ႇၼၵႃးၼႆႉ ပဵၼ်ၸုမ်းလုၵ်ႉၽိုၼ်ႉတေႃႇသိုၵ်းမၢၼ်ႈၸုမ်းၼိုင်ႈ မီးဢဵၼ်ႁႅင်းသိုၵ်း 100 ပၢႆ ယူႇၼႂ်းတိူင်းၸႄႈၵႅင်း...

ၸုမ်းႁႅင်းၵၢၼ် MWG ပိုၼ်ၽၢဝ်ႇပၼ်ၾၢင်ႉၵႂႃႇ ၼႂ်းဝၼ်းတီႈ 18 လိူၼ်ၾႅပ်ႉပိဝ်ႊရီႊၼႆႉဝႃႈ သင်လူင်ပွင်ၸိုင်ႈမိူင်းထႆး ဢမ်ႇတူၺ်းလူလွမ်ပၼ်လုၵ်ႈဢွၼ်ႇႁႅင်းၵၢၼ် လူၺ်ႈပၵ်းပိူင် လီလီၸိုင် လုၵ်ႈဢွၼ်ႇ မွၵ်ႈ 80000 ၵေႃႉၼႆႉ တေၸၢင်ႈပဵၼ်ၵႂႃႇ ႁႅင်းၵၢၼ်လုၵ်ႈဢွၼ်ႇ ၸိူဝ်းဢႃယုဢမ်ႇတဵမ် ဝႃႈၼႆ။ ၼႂ်းမိူင်းထႆးၼႆႉ ႁႅင်းၵၢၼ်ယၢၼ်မိူင်း မီးမွၵ်ႈ 5 လၢၼ်ႉ၊ ပႃးႁႅင်းၵၢၼ်ၵူၼ်းမိူင်းႁူမ်ႈတုမ်မၢၼ်ႈ။ လုၵ်ႈဢွၼ်ႇႁႅင်းၵၢၼ်...

မိူဝ်ႈဝၼ်းတီႈ 16/02/2026 ၸၢႆးၾၢင်ဢိူင်ႇၾႃႉ ၵူၼ်းၼုမ်ႇတႆးၽူႈလူင်ႉလႅၼ်ႇၾၢႆႇလိၵ်ႈလၢႆး ပၢႆးမွၼ်းလႄႈ ဢၼ်ပဵၼ်ပႃး ၽူႈသိုဝ်ႇၶၢဝ်ႇၵူၼ်းမိူင်း (CJ) ၸုမ်းၶၢဝ်ႇၽူႈတွႆႇႁွၵ်ႈ ၵိုင်ႉ ၵၢင်ႉလူႉသဵင်ႈၵႂႃႇ ယွၼ်ႉတၢင်းပဵၼ်ထူၺ်ႈၸႂ်ၵပ်ႉ တီႈဢိူင်ႇဝၢၼ်ႈႁွင်ႇ ႁွင်ႈလိုၵ်ႉ ဝဵင်းတႃႈၶီႈလဵၵ်း မိူင်းတႆးပွတ်းဢွၵ်ႇ။ မၼ်းၸၢႆးၼႆႉပဵၼ်ၵူၼ်းၵတ်ႉၶႅၼ်ႇလူင်ႉလႅၼ်ႇ လွင်ႈဢၢႆႊထီႊ(IT) ၊ ယၢမ်းလဵဝ်ၵေႃႈယူႇၼႂ်းၸုမ်း ဢၢႆႊထီႊတႆးသေၶိုင်သၢင်ႈတႃႇယုၵ်ႉမုၼ်း လိၵ်ႈလၢႆးတႆးလႄႈၵၢၼ်ဢၢႆႊထီႊ။ မၼ်းၸၢႆးပဵၼ်ပႃးၽူႈတႅမ်ႈလိၵ်ႈ တႅမ်ႈပွင်ႈၵႂၢမ်းလီ ။ ၵဵဝ်ႇၵပ်းၵၢၼ်မိူင်း...

ဝၼ်းတီႈ 10 လိူၼ်ၾႅပ်ႉပိဝ်ႊရီႊၼႆႉ ၸုမ်းပလိၵ်ႈ CIB မိူင်းထႆး ႁဵတ်းပၢင်သပ်းၸႅင်ႈၶၢဝ်ႇၵႂႃႇဝႃႈ တီႉၺွပ်းလႆႈၸုမ်းၵျႃႊၽျႅၼ်ႉ ဢၼ်ႁဵတ်း Application TikTok ဢၼ်ပွမ်သေ လႄႇႁႃလွၵ်ႇလႅၼ်ႁူၺ်းသူၼ်း ႁႂ်ႈလူင်းတိုၼ်းလၢင်း တီႈၼႂ်းမိူင်းထႆး ဝႃႈၼႆ။ ၸုမ်းၶဝ်ၼႆႉ ၸႂ်ႉတိုဝ်းသိုဝ်ႇတူင်ႇဝူင်း မိူၼ်ၼင်ႇ LINE/Facebook ၸိူဝ်းၼႆႉသေ ႁႃတူဝ်ယိူဝ်ႇ၊ ဢုပ်ႇလၢတ်ႈ ႁႂ်ႈမိုတ်ႈၵိုဝ်းၸမ်ၸႂ်ၵၼ်ယဝ်ႉ ႁူၺ်းသူၼ်း...

ၽွင်းဝၢၼ်ႈမိူင်းသုၵ်ႉသၵ်ႉ ၵၢၼ်ႁႃၵိၼ်လဵင်ႉတွင်ႉယၢပ်ႇၽိုတ်ႇမႃးၼႆႉ ၼႂ်းၶၢဝ်းတၢင်း ဝူင်ႈလဵဝ် ၵူၼ်းၸၢႆး ၸိုင်ႈတႆးပွတ်းၸၢၼ်း သွင်ၵေႃႉ ထုၵ်ႇႁဵတ်းႁၢႆႉၶႃႈႁႅမ်တၢႆ   ။ ၼႂ်းဝၼ်းတီႈ  14/02/2026  ယၢမ်းၵၢင်ၼႂ်ၸဝ်ႉ မီးၵူၼ်းၸၢႆးၵေႃႉၼိုင်ႈၵပ်းသိုပ်ႇလၢတ်ႈဝႃႈ ၶႂ်ႈတူၺ်းၵႃးၼႆသေ ႁွင်ႉႁူၺ်းဢဝ်ၸၢႆးသွင်ပီႈၼွင်ႉ (ၵူၼ်းၵႃႉၶၢႆၵႃး) တီႈဝဵင်းဢွင်ႇပၢၼ်း ၸိုင်ႈတႆးပွတ်းၸၢၼ်း ။ ၽွင်းသွင်ပီႈၼွင်ႉ ဢဝ်ၵႃးၵႂႃႇၼႄၼၼ်ႉ ၽူႈႁူၺ်းႁွင်ႉၼၼ်ႉ ဢဝ်မိတ်ႈတႅင်းတၢႆၵေႃႉၼိုင်ႈ ၸိုဝ်ႈႁွင်ႉ ၵူဝ်ႇတႅတ်ႉမေႃႇထူး...

မိူဝ်ႈဝႃး ဝၼ်းတီႈ 16 လိူၼ်ၾႅပ်ႉပိဝ်ႊရီႇ ယၢမ်းဝၢႆးဝၼ်းမွၵ်ႈ 3 မူင်းၶိုင်ႈ ၾႆးမႆႈႁၢၼ်ႉၶၢႆၵုၼ်ႇ ၼႂ်းၵၢတ်ႇလူင်ဝဵင်းလႃႈသဵဝ်ႈ ၼႂ်းၶၢဝ်းယၢမ်းလဵဝ်ၵၼ် သၢမ်တီႈ ၵူၼ်းမိူင်းတၼ်းၶႄ ၶိုတ်းၶၢဝ်းယၢမ်းလႄႈ ဢမ်ႇတၼ်းလူႉသုမ်းၶူဝ်းၶွင် ၼမ် ဝႃႈၼႆ။ ၵူၼ်းမိူင်းၵေႃႉယူႇဝဵင်းလႃႈသဵဝ်ႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ပဵၼ်ၽွင်းႁဝ်းတိုၵ်ႉမီးၼႂ်းၵၢတ်ႇ၊ တိုၵ်ႉႁႃသိုဝ်ႉၶူဝ်းယူႇ။...

ပပ်ႉၶၢမ်ႈမိူင်းသီလႅင် မိူင်းႁူမ်ႈတုမ် ဢၼ်ၸႂ်ႉတိုဝ်းဝႆႉယူႇယၢမ်းလဵဝ်ၼၼ်ႉ ၾၢႆႇႁွင်ႈၵၢၼ်ၽွင်းလူင်ၼႂ်းမိူင်းၶဝ် ႁၢင်ႈႁႅၼ်းၸတ်းၽႅၼ်တေလၢႆႈပိူင်သေ ၶိုၼ်ႈၸၼ်ႉႁဵတ်းပဵၼ် Digital Passport/E-Passport ပိူဝ်ႈတႃႇႁႂ်ႈ မီး လွင်ႈႁူမ်ႇလူမ်ႈၼႅၼ်ႈၼႃမႃးလိူဝ်ၵဝ်ႇ ၼႆယဝ်ႉ။ ပပ်ႉၶၢမ်ႈမိူင်းသီလႅင် ဢၼ်ၵူၼ်းမိူင်းႁူမ်ႈတုမ်ဢၼ်ၵူႈၵေႃႉၸႂ်ႉတိုဝ်းယူႇယၢမ်းလဵဝ်ၼႆႉ ႁွင်ႈၵၢၼ်ၽွင်းလူင် ၵူတ်ႇထတ်းၵူၼ်းၶဝ်ႈ/ဢွၵ်ႇမိူင်းၶဝ် ဢမ်ႇၸၢင်ႈၵူတ်ႇထတ်း ၶေႃႈမုလ်း ၵူၼ်းၸႂ်ႉတိုဝ်းတႅတ်ႈတေႃးလႄႈ ၸင်ႇႁၢင်ႈႁႅၼ်းတႃႇလႅၵ်ႈလၢႆႈပိူင်ၵၢၼ်ၸႂ်ႉတိုဝ်း လႄႈ ႁဵတ်းဢွၵ်ႇပပ်ႉၶၢမ်ႈမိူင်းဢၼ်မႂ်ႇယူႇ ဝႃႈၼႆ။ ၽူႈမီးၸၼ်ႉ ၵေႃႉဢၼ်ၸမ်ၸႂ်ၵၼ်တင်း ၽူႈယႂ်ႇၵူၼ်းလူင်ၼႂ်းႁွင်ႈၵၢၼ်ၽွင်းလူင်ၼႂ်းမိူင်းၼၼ်ႉ...

ႁွင်ႈၵၢၼ်ၾၢႆႇၵုမ်းထိင်းတၢင်းပဵၼ် (DDC) မိူင်းထႆး ပိုၼ်ၽၢဝ်ႇဢွၵ်ႇမႃးဝႃႈ - မီးႁႅင်းၵၢၼ်ၸၢႆး ၵူၼ်းမိူင်းမၢၼ်ႈၵေႃႉၼိုင်ႈ ယူႇၼႂ်းၸႄႈတွၼ်ႈရယွင်း၊ မိူင်းထႆး တၢႆယွၼ်ႉတၢင်းပဵၼ်မႃမႃႈၼႂ်းပီ 2026 ၼႆႉဝႃႈၼႆ။ ၵေႃႉတၢႆယွၼ်ႉတၢင်းပဵၼ်မႃမႃႈ မိူဝ်ႈဝၼ်းတီႈ 13/02/2026 ၼႆႉ ဢႃယုမၼ်းၸၢႆးတိုၵ်ႉမီး 36 ပီ ၊ မိူဝ်ႈလိူၼ်တီႊသႅမ်ႊပိူဝ်ႊ 2025 ပူၼ်ႉမႃးၼႆႉ မၼ်းၸၢႆးႁႃး...

ဝၢႆးလင်သိုၵ်းၵဝ်ႈၵၢင်ႉ တင်း သိုၵ်းတဢၢင်း ပဵၼ်ပၼ်ႁႃၵၼ် လွင်ႈၵၢၼ်ၽွင်းငမ်းဝဵင်းၵူတ်ႉၶၢႆ ၼၼ်ႉယဝ်ႉ သိုၵ်းၵဝ်ႈၵၢင်ႉ ၸိူဝ်းတူင်ႉၼိုင်ယူႇသဝ်း ၸွမ်းၸႄႈဝဵင်းသႅၼ်ဝီတင်ႈၵဵတ်ႉလၢၼ်ႇသေပႂ်ႉၵူတ်ႇထတ်းရူတ်ႉၵႃး လႄႈ ၵူၼ်းၸိူဝ်းလတ်းၶဝ်ႈၵႂႃႇၼႂ်းဝဵင်းႁၢဝ်ႈႁႅင်းလၢႆတီႈ မိူင်းတႆးပွတ်းႁွင်ႇ ။ သိုၵ်းၵဝ်ႈၵၢင်ႉ တင်ႈၵဵတ်ႉလၢၼ်ႇမႂ်ႇထႅင်ႈသေ ၵူတ်ႇထတ်းရူတ်ႉၵႃး လႄႈ ၵူၼ်းမိူင်းၸိူဝ်းၶဝ်ႈဢွၵ်ႇ ဝဵင်းႁၢဝ်ႈႁႅင်း ၼိူဝ်သဵၼ်ႈတၢင်းလူင်ဝဵင်းသႅၼ်ဝီ-ၵူတ်ႉၶၢႆ-မူႇၸေႊ၊ သႅၼ်ဝီ-ၵၢတ်ႇ ၵဝ်ႇ (လၢဝ်ႇၵၢႆး)...

ၶူဝ်ၼႂ်းႁူၺ်ႈၵိုတ်ႈ ၼိူဝ်သဵၼ်ႈတၢင်းလူင်ၵၢၼ်ၵႃႉၶၢႆ မိူင်းမၢၼ်ႈ- မိူင်းၶႄႇ ၵႄႈၵၢင် ဝဵင်းၼွင်ၶဵဝ် - ဝဵင်းၵျွၵ်ႉမႄး ဢၼ်လူႉၵွႆၵႂႃႇၽွင်းပၢင်တိုၵ်း သိုၵ်းမၢၼ်ႈ တင်း သိုၵ်းတဢၢင်း (TNLA) ယိုဝ်းၵၼ် ၼႂ်းမိူင်းတႆးပွတ်းႁွင်ႇၼၼ်ႉ ၾၢႆႇသိုၵ်းမၢၼ်ႈမူၼ်ႉမႄး ႁဵတ်းသၢင်ႈမႂ်ႇၶိုၼ်းသေ ယဝ်ႉတူဝ်ႈလီငၢမ်းၵႂႃႇ ၼႂ်းႁူဝ်လိူၼ်ၾႅပ်ႉပိဝ်ႊရီႇၼႆႉ ၼႆယဝ်ႉ။ မိူဝ်ႈၼႆႉဝၼ်းတီႈ 12/2/2026 တႄႇယၢမ်းၵၢင်ၼႂ် 9 မူင်း...

ၸၢႆးမွင်ႇတဵင်းလၢႆႇ ဢႃယု 29 ပီ ၵူၼ်းဝၢၼ်ႈသူပ်းသၢႆမႂ်ႇ ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ ႁၢႆၵႂႃႇၽွင်းသိုၵ်းမၢၼ်ႈတင်ႈလၢၼ်ႇၵူတ်ႇထတ်းၼႂ်းဝဵင်းတႃႈၶီႈလဵၵ်း - ႁၢႆလႆႈ 2 ဝူင်ႈပၢႆ  ၵူၼ်းဢၢၼ်ႇၶၢဝ်ႇၽူႈတွႆႇႁွၵ်ႈ ထူပ်းႁၼ်တူဝ်မၼ်းၸၢႆးသေ ၶိုၼ်းၵပ်းသိုပ်ႇႁႃၵူၼ်းတၢင်းႁိူၼ်းလႄႈ ယၢမ်းလဵဝ်လႆႈပွၵ်ႈၶိုၼ်းႁိူၼ်းယေးယဝ်ႉဝႃႈၼႆ။ ၸၢႆးမွင်ႇတဵင်းလၢႆႇ ၼႆႉ  ဢွၵ်ႇႁိူၼ်းၵႂႃႇ မိူဝ်ႈဝၼ်းတီႈ 24/1/2026 ။  ထိုင်မႃးဝၼ်းတီႈ 6/2/2026 ၸင်ႇမီးၵူၼ်းထူပ်းႁၼ်မၼ်းၸၢႆးတီႈဝဵင်းမိူင်းၽျၢၵ်ႈ...

သိုၵ်းမၢၼ်ႈလၢမ်းယိုဝ်းၵွင်ႈလူင် ၼႂ်းၸႄႈဝဵင်းၾၢႆၶုၼ်  ၸၢၵ်ႇမၢၵ်ႇ တိူဝ်ႉသႂ်ႇၵူၼ်းမိူၼ်းလူႉတၢႆ မၢတ်ႇၸဵပ်း  2 ၵေႃႉဝႃႈၼႆ ။   မိူဝ်ႈၼႆႉ ဝၼ်းတီႈ 6/2/2026 ယၢမ်းၵၢင်ၼႂ် 10 မူင်း ဢမ်ႇပဵၼ်ပၢင်တိုၵ်းသင်သေ သိုၵ်းမၢၼ်ႈလၢမ်းပွႆႇမၢၵ်ႇၵွင်ႈလူင် ႁဵတ်းႁႂ်ႈ တူၵ်းတိုဝ်ႉ ၵူၼ်းဝၢၼ်ႈလႃႉတဵင်း ၾၢႆႇတူၵ်းဝဵင်းၾၢႆၶုၼ် 2 ၵေႃႉ လူႉတၢႆမၢတ်ႇၸဵပ်းၼႆယဝ်ႉ ။  ၵူၼ်းၸၢႆးဢၼ်လႆႈ လူႉတၢႆၵႂႃႇၼၼ်ႉ...

တီႈဝဵင်းၼမ်ႉၽၵ်းၵႃ ၸိုင်ႈတႆးပွတ်းႁွင်ႇၼၼ်ႉ လုၵ်ႈဢွၼ်ႇၵႂႃႇၵဵပ်းမၢၵ်ႇပွမ်း မႃးလဵၼ်ႈလႄႈ တႅၵ်ႇတိူဝ်ႉ မၢတ်ႇၸဵပ်း 3 ၵေႃႉတၢႆထင်တီႈ ၵေႃႉၼိုင်ႈ ။ မိူဝ်ႈဝၼ်းတီႈ 3/2/2026 ယၢမ်းၵၢင်ဝၼ်း မၢၵ်ႇပွမ်းတႅၵ်ႇသႂ်ႇလုၵ်ႈဢွၼ်ႇ ၼႂ်းပွၵ်ႉ 3 ဝဵင်းၼမ်ႉၽၵ်းၵႃ ။ ၵူၼ်းပိုၼ်ႉတီႈလၢတ်ႈဝႃႈ - “ ၸိူဝ်းၶဝ်ၵႂႃႇဢဝ်မၢၵ်ႇပွမ်းတီႈလႂ်မႃးတႄႉဢမ်ႇလႆႈႁူႉ...

ပၢင်ၵုမ်လူင် ၺီႇလႃႇၶၢမ်ႇ မႁႃႇသတိပထၢၼ်ႇ ၵမ်မထၢၼ်း သင်ႇၶႃႇၸဝ်ႈ ပွၵ်ႈၵမ်း 61 တေၸတ်းႁဵတ်းတီႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇ ဝႃႈၼႆ။ ပၢင်ၵုမ်လူင် ၺီႇလႃႇၶၢမ်ႇ မႁႃႇသတိပထၢၼ်ႇ ၵမ်မထၢၼ်း ပွၵ်ႈၵမ်း 60 ၼႆႉတႄႉ ပီႈၼွင်ႉၵူၼ်းမိူင်းဢိူင်ႇၼမ်ႉသၢႆး ႁပ်ႉပဵၼ်ၸဝ်ႈတႃႇၼယႂ်ႇသေ ၸတ်းႁဵတ်းၵႂႃႇဝၼ်းတီႈ 31/1/2026 ထိုင် ဝၼ်းတီႈ 4/2/2026...