ဝၢႆးလင် ၸွမ်ၸိၵ်းသိုၵ်းမိၼ်းဢွင်ႇလၢႆႇယိုတ်းဢၢမ်းၼၢတ်ႈ သိမ်းဝၢၼ်ႈမိူင်းယဝ်ႉ ၼႂ်းမိူင်းႁူမ်ႈတုမ် ပဵၼ်ပၼ်ႁႃယုင်ႈ ယၢင်ႈ ႁဵတ်းႁႂ်ႈၵိူတ်ႇပဵၼ်ပၢင်တိုၵ်းသိုၵ်းသိူဝ်မႃး။ ၾၢႆႇၼိုင်ႈၵေႃႈ ၵိုင်ႉၵၢင်ႉ လႆႈႁၼ် လူင်ပွင်ၸိုင်ႈမိူင်းၶႄႇ ၸႂ်ႉလၢႆးတၢင်း ႁမ်ႉပေႃးၸွတ်ႇၸေးမဵဝ်းမၼ်းသေ ၶတ်းၸႂ်ၶဝ်ႈၵႄႈၵၢင် ငူပ်ႉငီႉ ပၼ် သိုၵ်းမၢၼ်ႈ တင်း သိုၵ်းၸၢဝ်းၶိူဝ်းၶဝ်မႃးယူႇဢမ်ႇ ထၢတ်ႇ။ ဢၼ်ၾၢႆႇမိူင်းၶႄႇ ၶတ်းၸႂ်ႁႂ်ႈသိုၵ်းမၢၼ်ႈ တင်း ၸုမ်းသိုၵ်းၸၢဝ်းၶိူဝ်းၶဝ် ဢုပ်ႇဢူဝ်းငူပ်ႉငီႉ...

ၶိူဝ်းၵူၼ်းၼႂ်းလုမ်ႈၾႃႉၼႆႉ ၵမ်ႈၼမ် ၶိူဝ်းၵျပၼ်ႊ တေပဵၼ်ၶိူဝ်းဢၼ်မီးပၢႆးယူႇလီၶိုၵ်ႉၶႅမ်ႉလႄႈ ဢွၵ်းဢေႃ လႅတ်းၽၢႆ ၼႆ ၽႂ်ၽႂ်ၵေႃႈတေၵႆႉလႆႈဢၢၼ်ႇမႅၼ်ႈႁၼ်မႅၼ်ႈ ၼႂ်းလိၵ်ႈၼႂ်းလၢႆးယူႇ။   ၽူႈၶူၼ်ႉၶႂႃႉလၢႆတူၼ် လၢႆၸဝ်ႈတိုၼ်းယိုၼ်ယၼ်မႃးပီယၢဝ်းၶၢဝ်းႁိုင်။ထိုင်မိူဝ်ႈလဵဝ် မိူင်းၵျပၼ်ႊ တိုၵ်ႉပဵၼ်မိူင်းဢၼ်လုမ်ႈၾႃႉ လႆႈယွင်ႈဢၢမ်းၶွႆ ၼႂ်းလွင်ႈလုမ်းလႃးပၢႆးယူႇလီ ။ ၼႂ်းၶိူဝ်းၵူၼ်းၵျပၼ်ႊၵမ်ႈၼမ်ၼႆႉ ပွင်ႇၸႂ်ၼိူဝ် လွၵ်းပိူင် ဢီႊၶီႊၵႃႊဢိ ၼၼ်ႉလီလီလႄႈ ဝၢၼ်ႈမိူင်းၵေႃႈၸင်ႇၶိုၼ်ႈယႂ်ႇၶိုတ်းၵၢပ်ႈၶိုတ်းၸၼ်ႉယူႇထိုင်ယၢမ်းလဵဝ်။   ၵၢပ်ႈယၢမ်းလဵဝ် ႁဵတ်းသင်ၵေႃႈ...

ၾိင်ႈၵၢၼ်ပဵၼ်ယူႇဢၼ်ၶဝ်ႈမႃးထိုင်ၵၢပ်ႈပၢၼ်လုမ်ႈၾႃႉ ပိၼ်ႇပႅင်လႅၵ်ႈလၢႆႈဝၼ်းမိူဝ်ႈၼႆႉ ဢမ်ႇဝႃႈတူင်ႇဝူင်းၵူၼ်း ဢမ်ႇဝႃႈၵၢၼ်မၢၵ်ႈမီး ၵၢၼ်မိူင်း ၵၢၼ်ၾိင်ႈငႄႈႁိတ်ႈႁွႆး ၸိူဝ်းၼႆႉတၵ်းႁူႉဝႄႈဢမ်ႇပူၼ်ႉ။ ၵၢၼ်တုမ်ႉယွၼ်ႈ လၢႆသိင်ႇ လၢႆယၢင်ႇ ဢၼ်တေႁဵတ်းႁႂ်ႈမီးၵၢၼ် လႅၵ်ႈလၢႆႈပိၼ်ႇပႅင်ၸွမ်းၵၢပ်ႈပၢၼ် တၵ်းမီးလွင်ႈလီလႄႈလွင်ႈၸႃႉ လႄႈတိုၼ်းမီးလွင်ႈလႅၵ်ႈလၢႆႈၸၢတ်ႈပၢၼ်ၵူၼ်း ။ ဢၼ်ၶဝ်ႈမႃးလႅၵ်ႈလၢႆႈလုမ်ႈၾႃႉလႄႈတူင်ႇဝူင်းၵူၼ်းၼႆႉ ပဵၼ်သင်။ လမ်ႇလွင်ႈမွၵ်ႈႁိုဝ် ။ ၵၢၼ်ႁဵၼ်းႁူႉလွင်ႈၸၢတ်ႈပၢၼ်ၵူၼ်းတင်းလုမ်ႈၾႃႉ ဢမ်ႇၸႂ်ႉတိုဝ်း ထႅၵ်ႊၼူဝ်ႊလေႃႊၵျီႊ မႂ်ႇမႂ်ႇတိုၼ်းဢမ်ႇလႆႈ။ ထႅၵ်ႊၼူဝ်ႊလေႃႊၵျီႊ ႁဵတ်းႁႂ်ႈၵူၼ်းလႆႈႁူႉလႆႈယိၼ်းလႆႈႁၼ်သေ...

ဝၢႆးလင်သိုၵ်းမၢၼ်ႈယိုတ်းမိူင်း ႁိုင်မႃးၶၢဝ်းတၢင်း သီႇပီပၢႆၼႆႉ ဢႃႇၼႃႇပၢၼ်ႇပွင်ၸိုင်ႈမိူင်း ၼႂ်းမိူင်းႁူမ်ႈတုမ် ၵိုင်ႉၵၢင်ႉ လႅၵ်ႈလၢႆႈၵႂႃႇႁႅင်းတေႉတေႉ။ ဢႃႇၼႃႇသိုၵ်းမၢၼ်ႈၵေႃႈ ၵိုင်ႉၵၢင်ႉယူပ်ႈလူင်းၵႂႃႇသေ ငဝ်းလၢႆးၵၢၼ်မိူင်း ၵၢၼ်သိုၵ်းၸွမ်း ၼႂ်းၼႃႈလိၼ် ၸုမ်းသိုၵ်းၸၢဝ်းၶိူဝ်းၵုမ်းၵမ်ၵေႃႈ လႅၵ်ႈလၢႆႈၵႂႃႇပႃးၸွမ်းၵမ်းလဵဝ်။ ယွၼ်ႉႁႅင်းဢႃႇၼႃႇ လွၵ်းပိူင် ၵၢၼ်လဵၼ်ႈၸိူင်း ၵၢၼ်မိူင်း ပိူဝ်ႈတႃႇ ၵၢၼ်မၢၵ်ႈမီး လူင်ပွင်ၸိုင်ႈမိူင်းၶႄႇသေ ၶူဝ်းႁႄႈတိုၼ်းလၢင်း ဢၼ်မီးၵႃႈၶၼ်ယႂ်ႇ ၼႂ်းမိူင်းတႆးတင်းသဵင်ႈၵေႃႈ...

လိူၼ်ႁူၵ်း လိူၼ်ၸဵတ်း လိူၼ်ပႅတ်ႇ ၶၢဝ်းၾူၼ်ၼႆႉၼႂ်းၵုၼ်ၶဵဝ်ဢေႊသျႃႊပဵၼ်ၶၢဝ်းၾူၼ်တူၵ်း။ ပေႃးၾူၼ်တူၵ်းၸိုင် လိၼ်ၸမ်ႉၼမ်ႉလိူင်ႇ လုမ်ႈၾႃႉၵေႃႈတေၶဵဝ်ႁၢင်ႈလီ။ ၵူၺ်းၵႃႈ ပေႃးပဵၼ်ၾူၼ်ပဵၼ်လူမ်းတၵ်းလႆႈၾၢင်ႉၽေး ၼမ်ႉထူမ်ႈၼမ်ႉၼွင်း၊ လိၼ်ၵူၼ်ႇလိၼ်ပင်း ၊ တၵ်းလႆႈၾၢင်ႉၽေးၾႃႉၽႃႇပႃး။ ၼွၵ်ႈလိူဝ်ၼၼ်ႉ ဢၼ်ဢမ်ႇထုၵ်ႇ လီလိုမ်းသမ်ႉ လူဝ်ႇလႆႈၾၢင်ႉ ပၢႆးယူႇလီၸဝ်ႈၵဝ်ႇ ။ တၢင်းပဵၼ်ဢၼ်မႃးၸွမ်းၶၢဝ်းၾူၼ်ၼႆႉပဵၼ်သင်လၢႆလၢႆ။   ပဵၼ်ဝတ်း ၸပ်းၵတ်း "Nasal fever" ဢၼ်ႁူႉလႆႈငၢႆႈသုတ်းပဵၼ်လွင်ႈပဵၼ်ဝတ်း...

ဝူင်ႈၵၢင် 2 ၸိုင်ႈမိူင်းထႆး - မိူင်းတႆး(မၢၼ်ႈ) ၼမ်ႉမႄႈသၢႆ ပဵၼ်မႄႈၼမ်ႉဢၼ်  တတ်းၶဵတ်ႇလႅၼ်လိၼ် ၼႂ်းၵႄႈ ဝဵင်းတႃႈၶီႈလဵၵ်း ၾင်ႇ(မိူင်းတႆး) လႄႈ ဝဵင်းမႄႈသၢႆ ၾင်ႇ(မိူင်းထႆး)။ ပဵၵ်ႉသမ်ႉထႆး-တႆး ပဵၼ်ၼိူဝ်ႉလိူတ်ႈၸမ်ၸႂ် ၵၼ်မႃး တင်ႈတႄႇမိူဝ်ႈလႂ် ပၢၼ်လႂ်ၵေႃႈ ၵူၼ်းမိူင်းတႆးသမ်ႉထုၵ်ႇဝႅင်ႇပဵၼ် သၼ်ၸၢတ်ႈ (ၵူၼ်းၵိုၵ်းမိူင်း) မိူင်းမၢၼ်ႈ ၵႂႃႇ...

လိူၼ်ၵျုၼ်ႊၼႆႉပဵၼ်လိူၼ်ဢၼ် ပေႃႈမႄႈလႄႈလုၵ်ႈဢွၼ်ႇ တိုၼ်ႇတဵၼ်ႈ တႃႇၶိုၼ်ႈႁူင်းႁဵၼ်း ။ ၽွင်းလူဝ်ႇၶိုၼ်ႈႁဵၼ်းၸၼ်ႉမႂ်ႇလႄႈ ဢွၼ်ၵၼ်ႁၢင်ႈႁႅၼ်းၶူဝ်းႁူင်းႁဵၼ်းမႂ်ႇမႂ်ႇသေ  ၵႂႃႇသူင်ႇလုၵ်ႈၵႂႃႇႁူင်းႁဵၼ်း။     ၵူၺ်းၵႃႈယၢမ်းလဵဝ် ၸူဝ်ႈသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းမႃးၼႆႉ  ၶၢဝ်းၶိုၼ်ႈႁူင်းႁဵၼ်းၸိူင်ႉၼႆ ၵူၼ်းမိူင်းဢမ်ႇမီးတၢင်းသိူဝ်းသႂ်သေပီ။  ၽွင်းပၢင်တိုၵ်းပဵၼ်တူဝ်ႈမိူင်းၸိူင်ႉၼႆ  ပိုၼ်ႉတီႈဢၼ်သိုၵ်းမၢၼ်ႈၵုမ်း ပႃးၸဵမ်ပိုၼ်ႉတီႈဢၼ်သိုၵ်းၸၢဝ်းၶိူဝ်းၵုမ်းၼၼ်ႉ ၶိုင်ပွင်တေပိုတ်ႇႁူင်းႁဵၼ်းပၼ်လုၵ်ႈဢွၼ်ႇယူႇသေတႃႉၵေႃႉ ၽႂ်ဢမ်ႇမီးတၢင်းသိူဝ်းၸႂ်တႃႇၵႂႃႇႁူင်းႁဵၼ်း။ ၵွပ်ႈၼၼ်လႄႈ  မိူဝ်းၼႃႈ လုၵ်းႁဵၼ်း ၸိူဝ်းၶိုၼ်ႈႁဵၼ်းဝႆႉယူႇတႂ်ႈ မုၵ်ႉၸုမ်းဢၼ်ဢမ်ႇၸႂ်ႈ  လူင်ပွင်ၸိုင်ႈတႄႉ မႃးၽွင်းငမ်းဝၢၼ်ႈမိူင်းၼၼ်ႉ တေသိုပ်ႇပဵၼ်ႁိုဝ်ၵႂႃႇ...

ၼုမ်ႇၸၢႆးၼုမ်ႇယိင်းဢွၼ်ႇ သႅၼ်းပၢၼ်သိၵ်းႁိၵ်းၼႆႉ ပဵၼ်ၽွင်းလူဝ်ႇလဵပ်ႈႁဵၼ်းလွင်ႈၵူၼ်း ၵူႈလွင်ႈလွင်ႈ တူင်ႇဝူင်းၵူၼ်းၵေႃႈ ယုၵ်ႉယွင်ႈဢဝ်မုၼ်ဝႆႉဝႃႈ ၼေႃႇတႅၼ်းၶိူဝ်းမိူဝ်းၼႃႈ ၼႆဝႆႉ။ ၵွပ်ႈၼႆ ယူႇတီႈ ၼုမ်ႇ ယိင်းၸၢႆး ၼေႃႇတႅၼ်းၶိူဝ်းၵေႃႈဢွၼ်ၵၼ်မီး ယိူင်းဢၢၼ်း၊ မီးတၢင်းမုင်ႈမွင်းဝႆႉ တွၼ်ႈတႃႇ မိူဝ်းၼႃႈ ၸၢတ်ႈပၢၼ်ၸဝ်ႈၵဝ်ႇၽႂ်မၼ်း။ ပေႃးပဵၼ်ဝဵင်းယႂ်ႇဝဵင်းလူင် ယင်းမီးတိုဝ်ႉတၢင်းႁႃတၢင်းႁူႉသႂ်ႇတူဝ်ယူႇ။ ပေႃးပဵၼ်ပိုၼ်ႉတီႈ ဝၢၼ်ႈၼွၵ်ႈ ၼႃးပၢင်ႇ တီႈဢၼ်ယၢၼ်ၵႆဝဵင်း၊ သမ်ႉထူပ်းၽေးသိုၵ်း ...

ၸူဝ်ႈသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းမႃးၼႆႉ ငဝ်းလၢႆးၼႂ်းၵႄႈၵၢင် ၽူႈမီးၸၼ်ႉသိုၵ်းမၢၼ်ႈ တီႈၼေႇပျီႇတေႃႇၶဝ်ယၢမ်းလဵဝ် မိူၼ်ၵႂႃႇၶိုၼ်းမိူဝ်ႈ 15 ပီပူၼ်ႉမႃးၼၼ်ႉထႅင်ႈၵမ်းၼိုင်ႈယဝ်ႉၼႆ ၽႂ်တေဢမ်ႇၸၢင်ႈထဵင်ႈလႆႈ။ မိူဝ်ႈပၢင်လိူၵ်ႈတင်ႈ ပီ 2010 ပူၼ်ႉမႃးၼၼ်ႉ လွင်ႈဢၼ်ၼႂ်းတူင်ႇဝူင်း ၽူႈမီးၸၼ်ႉသိုၵ်းမၢၼ်ႈၶဝ် ၶႂ်ႈႁူႉ လိူဝ်ပိူၼ်ႈၼၼ်ႉၵေႃႈပဵၼ် ၽႂ်တေလႆႈယူႇၵိုတ်းဝႆႉတီႈၼႂ်းတပ်ႉသိုၵ်း လႄႈ ၽႂ်တေလႆႈၶဝ်ႈၶေႉၶဵင်ႇၼႂ်းပၢင် လိူၵ်ႈတင်ႈ ၼႆယဝ်ႉ။ ယၢမ်းလဵဝ်ၵေႃႈ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တႄႇယွၼ်းသဵၼ်ႈမၢႆ ၽူႈမီးၸၼ်ႉ...

ၵိူတ်ႇပဵၼ်ၵူၼ်းမႃး ၼိုင်ႈၵေႃႉ ၊ ပဵၼ်ၵူၼ်းမႃးၼိုင်ႈၸူဝ်ႈၼိုင်ႈၸၢတ်ႈၼႆႉ တူဝ်ၸဝ်ႈၵဝ်ႇ မီးၽွၼ်းလီ တႃႇတူဝ်ၵဝ်ႇၸိူင်ႉႁိုဝ်လႄႈ မီးၽွၼ်းလီတႃႇတူင်ႇၵူၼ်းၸိူင်ႉႁိုဝ်ၼႆ ၵမ်ႈၼမ် တေဢမ်ႇတၼ်းဝူၼ်ႉ သွၼ်ႇထတ်းတူၺ်း ။ ၵုမ်ႇမိုင်ႉၸိုၼ်ႇ ႁဵတ်းသၢင်ႈဢၼ်ၼႃႈၵၢၼ် ၸဝ်ႈၵဝ်ႇၵူႈဝၼ်းဝၼ်းၼၼ်ႉၵူၺ်း။  မၢင်ပွၵ်ႈဢမ်ႇၶႆႈဢမ်ႇၼၢဝ်ၵေႃႈ မိူၼ်ႁၢင်ႈဢမ်ႇမီးႁႅင်းၸႂ်တေႃႇသူႈၵႂႃႇမိူဝ်းၼႃႈၵေႃႈ ၵႆႉယၢမ်ႈမီး ၵၼ်ယူႇ။လွင်ႈၸိူဝ်းၼႆႉ မၼ်းပဵၼ်တၢင်းပဵၼ်ယူႇသႅၼ်းၼိုင်ႈလူၺ်ႈတူဝ်ၵဝ်ႇဢမ်ႇႁူႉတူဝ် တၵ်းလူဝ်ႇၸႂ်ႉလၢႆးတၢင်းယႃၸႂ် Well- being (ၸူဝ်ႈပၢၼ်လီ)...

ၼႂ်းလိူၼ်ၵျုၼ်ႊ ပီ 2025 ၼႆႉ သိုၵ်းမၢၼ်ႈ ႁႅၼ်းသိုၵ်း ၶဝ်ႈလေႃႇတိုၵ်း တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ၸိူဝ်းၵုမ်းၵမ်ယူႇသဝ်း တူင်ႉၼိုင်ၵႂႃႇမႃး ပၵ်းတပ်ႉပၢင်သဝ်းယူႇတီႈ ၼႂ်းထုင်ႉတွင်းၶမ်း လႄႈ ၸွမ်းဝၢၼ်ႈၸွမ်းသူၼ် ၼႂ်းၸႄႈဝဵင်းၼွင်ၶဵဝ် လႄႈ ႁဵတ်းႁႂ်ႈၵူၼ်းမိူင်းၼပ်ႉႁူဝ်ႁဵင်ၵေႃႉ လႆႈပၢႆႈၶၢမ်ႈႁူၺ်ႈၵိုတ်ႈၵႂႃႇသွၼ်ႈယူႇတီႈ ၼႂ်းၸႄႈဝဵင်းၵျွၵ်ႉမႄး၊ လႃႈသဵဝ်ႈ လႄႈ ဝဵင်းပၢင်ႇဢူႈလူင် (ပျိၼ်ႇဢူးလုၼ်ႇ)...

“မႄႈၼမ်ႉၵူၵ်း ပဵၼ်သၢႆၸႂ်၊ မႄႈၼမ်ႉၵူၵ်း ၺႃးငူၼ်ႉၵွင်ႉ၊ မႄႈၼမ်ႉတၢႆ ၵေႃႈ သၢႆၸႂ်ႁၢႆ၊ ၵၢင်ၸႂ်ႁဝ်းၵူၼ်းမိူင်းၶႂ်ႈတုၵ်း ယွၼ်း ၶေႃႈလဵဝ်  ပိၵ်ႉဢိုတ်းၶူင်းၵၢၼ်ၶုတ်းႁႄႈ၊ ၶုတ်းၶမ်း ၼႂ်းမိူင်းတႆးတင်းသဵင်ႈၶႃႈ”ၼႆသေ ၼၢင်းယိင်းတႆး ဢႃႇယု 40 ပၢႆ ၵေႃႉလႆႈ ယၢၼ်ပၢႆႈၽေးပၢင်တိုၵ်းၼႂ်းမိူင်းတႆးသေ မႃးပိုင်ႈႁူမ်ႈၽူၺ်းယူႇ ၼႂ်းဝဵင်းတႃႈတွၼ်း ၸႄႈဝဵင်းမႄႈဢၢႆး ၸႄႈတွၼ်ႈၵဵင်းမႂ်ႇ ၸိုင်ႈထႆးပွတ်းႁွင်ႇ...

လုၵ်ႉတိုၼ်ႇၸိုၼ်ႇၽိုၼ်ႉ ၶႆႈၶိုၼ်းပိုၼ်း ဝၼ်းလင်ပူၼ်ႉမႃး ႁဝ်းႁႃးလႆႈထူပ်းၺႃးသင် လွင်ႈပိူၼ်ႈမင်ပေႃႉ သေႃႉပၢႆႈလွတ်ႈယၢပ်ႇ ႁၢပ်ႇလွင်ႈသုၵ်ႉၸႂ် ၽႂ်ဝူၼ်ႉထိုင်ၽွင်ႈ ၶီမွင်ၸႂ် ၼႅၼ်ႇ သဵင်သႅၼ်ႇႁွင်ႉႁႆႈ လႆႈယၢၼ်ႁိူၼ်းယေး ၽႄၽၢတ်ႇထုင်ႉတူင်ႈသဝ်း ႁွပ်ႇဢဝ်ၶူဝ်းတဵင်ႇလႅၼ်ႈ ထုၵ်ႇပူၼ်ႉပႅၼ်သုၼ်ႇၵူၼ်း ပၢႆႈဢမ်ႇပူၼ်ႉထိုင်တၢႆထင်တီႈ ထုၵ်ႇတီႉၸၼ် ၽၼ်းတႅင်းထုပ်ႉပေႃႉ ႁေႃႈလိုပ်ႈလမ်းယိုဝ်းသႂ်ႇ ၽႂ်ၽူႈလႂ်ၵေႃႉလႆႈၶၢမ်ႇၼၼ်ႉ ပဵၼ်ပီႈၼွင်ႉတႆးႁဝ်း လုင်းပႃႈဢႃၼႃႉ ပူႇမွၼ်ႇၼၢႆးယႃႈ ႁဝ်းၶႃႈတင်းသဵင်ႈယဝ်ႉၶႃႈ။ တႃႇတေဢမ်ႇလိုမ်း...

ပေႃးထိုင်ၶၢဝ်း လိူၼ်ႁူၵ်း/ လိူၼ်ၸဵတ်း/ လိူၼ်ပႅတ်ႇ  (June/July) မႃးၼႆ တေလႆႈႁၼ် မွၵ်ႇၶဵတ်ႉလႃး ၵီႈပူင်း တဵမ်တူၼ်ႈ သမ်ႉပေႃးႁွမ်လူင်ဝႆႉ ။ မွၵ်ႇၶဵတ်ႉလႃးၼႆႉ မိူဝ်ႈၵီႈမီးယူႇ တီႈၼိူဝ်တူၼ်ႈၵေႃႈႁွမ် ၊ ႁူင်ႈတူၵ်းလူင်း သႂ်ႇ ၼိူဝ်လိၼ်တေႃႇထိုင် ပေႃးႁႅင်ႈႁဵဝ်ႇၵေႃႈ ယင်းတိုၵ်ႉႁွမ် ။ ဢၼ်လီဢၢမ်းထႅင်ႈ လွင်ႈၼိုင်ႈသမ်ႉ...

ၵၢၼ်ၵၢဝ်ႉၼႃႈတၢင်းၼႃႈတီႈၵၢၼ်ငၢၼ်း ပဵၼ်ၵၢၼ်လမ်ႇလွင်ႈလူင်ၶွင်ၵူၼ်းၵူႈၵေႃႉတၵ်းယုၵ်ႉမုၼ်း တူဝ်ၵဝ်ႇယူႇၵူႈမိူဝ်ႈၵူႈယၢမ်း မၢင်ၵေႃႉ မိူဝ်ႈႁွတ်ႈထိုင်ၼႂ်းပိုၼ်ႉတီႈလီငၢမ်းယဝ်ႉ တေၶဝ်ႈၸႂ်ဝႃႈၸဝ်ႈၵဝ်ႇ ယူႇၼႂ်းၸုတ်းတီႈသုင်သုတ်းယဝ်ႉၼႆႉၵေႃႈပဵၼ်လႆႈ။ လူၺ်ႈၵႂၢမ်းၶဝ်ႈၸႂ် ၸုတ်းသုင်သုတ်း ဢၼ်ဝႃႈၼၼ်ႉ ပဵၼ်တီႈလႂ်။ ဝၼ်းမိူဝ်ႈၼႆႉလူၵ်ႈလုမ်ႈၾႃႉပိၼ်ႇပႅင်လႅၵ်ႈလၢႆႈႁမ်ႉဝႆးၽႅဝ်လႄႈသိင်ႇပႅၵ်ႇလၢၵ်ႇၵိူတ်ႇမႂ်ႇၼႂ်းၵၢပ်ႈပၢၼ်ပၢႆးသၢႆႊၵူၼ်းႁဝ်း ၼႂ်းၵၢၼ်ၶေႉၶဵင်ႇၶႅင်ႇၶၼ်လွင်ႈၶိုၼ်ႈယႂ်ႇမႂ်ႇသုင်။ ဢမ်ႇဝႃႈ ၵၢၼ်ႁႃၵိၼ်လဵင်ႉတွင်ႉ ၵၢၼ်မိူင်း ၸိူဝ်းၼႆႉ မီးၵူၼ်း သၢႆႇသၢင်ႁဵတ်းတႃႇႁုၼ်ႈမုၼ်းၶိုၼ်ႈယႂ်ႇယူႇတႃႇသေႇ ။   ပုၼ်ႈတႃႇၽူႈမီးပၢႆးဝူၼ်ႉၵၢဝ်ႉၼႃႈၼၼ်ႉ ၵွပ်ႈဝူၼ်ႉလွင်ႈ လီလီယူႇၵူႈမိူဝ်ႈလႄႈသိင်ႇဢၼ်လႆႈမႃးၵေႃႈပဵၼ်လွင်ႈလီငၢမ်းၵူႈယၢင်ႇ ၼွၵ်ႈၼိူဝ်သေႁတ်းဝူၼ်ႉ ႁတ်းႁဵတ်း...