“ ၵူၼ်းၼုမ်ႇၼႂ်းမိူင်းတႆးၵမ်ႈၼမ် တေမီးသၢမ်သႅၼ်း -  သႅၼ်းၼိုင်ႈၵႂႃႇမီးတီႈၼႂ်းၵျႃႊၽျႅၼ်ႉ - သႅၼ်းၼိုင်ႈသမ်ႉၵႂႃႇမီးတီႈၼႂ်းၸုမ်းလုၵ်ႉၽိုၼ်ႉ - ထႅင်ႈသႅၼ်းၼိုင်ႈၵေႃႈၵႂႃႇ ႁဵတ်းၵၢၼ်ၼွၵ်ႈမိူင်း ၼႂ်းမိူင်းတႆးၼႆႉၵူၼ်းၼုမ်ႇမူတ်းယဝ်ႉ ။ ဢမ်ႇမီးသင်ယဝ်ႉ ။...

ပေႃးဢဝ်ၶေႃႈသင်ႇသွၼ်ပုတ်ႉထဝႃႈတႄႉ တႃႇၵိူတ်ႇမႃးပဵၼ်ၵူၼ်းၼႆႉမၼ်းယၢပ်ႇၼႃႇ ၊ ၸင်ႇၼၼ်လႄႈ ပဵၼ်ၵူၼ်းမႃးၼိုင်ႈၵေႃႉယဝ်ႉၸိုင် တၵ်းလူဝ်ႇဝႆႉၵႃႈၶၼ်ၽဝပဵၼ်ၵူၼ်း။ ဝႃႈၼၼ်သေတႃႉ ၼႃႈႁိူၼ်းမၢင်ၸိူဝ်းသမ်ႉ ဢိင်ၼိူဝ်ငဝ်းလၢႆးသေ ၸၢင်ႈဢဝ်လုၵ်ႈဢွၼ်ႇဢၼ်ၵိူတ်ႇဢွၵ်ႇတွင်ႉမႃးၼၼ်ႉ ၵႂႃႇပိုၼ်ႉၵႂႃႇပွႆႇပႅတ်ႈ။ ၶၢဝ်းသိုၵ်းမၢၼ်ႈယိုတ်းမိူင်းလႄႈ ဝၢႆးပၢင်ယၼ်ႇသိုၵ်း 1027 ၼႆႉ လုၵ်ႈဢွၼ်ႇလႅင်ၸိူဝ်းၺႃးပွႆႇပႅတ်ႈၼမ်လိူဝ်မႃးဝႃႈၼႆ ။ လုၵ်ႈဢွၼ်ႇလႅင် ၵိူတ်ႇဢွၵ်ႇတွင်ႉမႃး ယင်းဢမ်ႇတၼ်းႁူႉၸၵ်းပေႃႈႁူႉၸၵ်းမႄႈ သမ်ႉပေႃးၺႃးပွႆႇပိုၼ်ႉပွႆႇပႅတ်ႈ ။ ၼႂ်းပီသွင်ပီမႃးၼႆႉ လုၵ်ႈဢွၼ်ႇလႅင် ၸိူဝ်းၺႃးပွႆႇပႅတ်ႈ...

ၵူၼ်းမိူင်းဢၼ်ဝႃႈၼႆႉ မီးသုၼ်ႇတႅပ်းတတ်း လွတ်ႈလွတ်ႈလႅဝ်းလႅဝ်းႁင်းၶေႃ။ တႃႇပၼ်သဵင် တွၼ်ႈၶႅပ်းၵၢင်ၸႂ် တဵၵ်းၼဵၵ်း  ၶိူင်ႈၸၢၵ်ႈ ၶတ်းလိူၵ်ႈၽူႈၼမ်းပႃႇတီႇၵၢၼ်မိူင်း မႃးပဵၼ် ၵူၼ်းၶတ်းႁူဝ်ႁိူဝ်း ႁဵတ်းပဵၼ် ၽူႈၼမ်း ၼႂ်းဝၢၼ်ႈ ၼႂ်းဢိူင်ႇ ၼႂ်းပွၵ်ႉ ၼႂ်းဝဵင်းႁဝ်းၼၼ်ႉၵေႃႈ ယူႇတီႈၵၢင်ၸႂ်ၸဝ်ႈၵဝ်ႇတင်းသဵင်ႈ။ ၶႂ်ႈၵႂႃႇ ၵေႃႈလႆႈ ဢမ်ႇၶႂ်ႈၵႂႃႇၵေႃႈလႆႈ။ ၽူႈလႂ်ၽႂ်သေဢမ်ႇဝႃႈ ဢမ်ႇမီးသုၼ်ႇမႃး တဵၵ်းတဵင် လွၵ်ႇငိုတ်ႈ...

သိုၵ်းမၢၼ်ႈတီႉဢဝ်တူဝ်တေႃႇဢွင်ႇသၢၼ်းၸူႉၵျီႇသေ ၵုမ်းၶင် လပ်ႉႁူလပ်ႉတႃၵူၼ်း လုမ်ႈၾႃႉဝႆႉ ။ တေႃႈၼင်ႇ လုၵ်ႈဢွၵ်ႇတွင်ႉဢွၵ်ႇသႆႈတႄႉတႄႉ ယင်းဢမ်ႇမီးသုၼ်ႇလႆႈႁူႉၶၢဝ်ႇငၢဝ်းမၼ်းၼၢင်းသေဢိတ်း ။ ထိုင်မိူဝ်ႈလဵဝ် လူႉတၢႆႁႃႉလိပ်းၶီး ဢမ်ႇမီးၽႂ်ႁူႉ ။ ၶၢဝ်ႇဢၼ်ႁူဝ်ႈဢွၵ်ႇမႃးၵေႃႈ ၵႆႉမီးဝႃႈ ပၢႆးယူႇလီမၼ်းၼၢင်း ဢမ်ႇတဵမ်ထူၼ်ႈ ။ မၢင်ပွၵ်ႈ ငိၼ်းဝႃႈ လီမႆႈၸႂ်ႁႅင်းၼႆၸိူဝ်းၼႆႉ ။ ၸုမ်းၵဵဝ်ႇၶွင်ႈ ၼႂ်းမိူင်းၼွၵ်ႈမိူင်းၵေႃႈ...

ပၢင်လိူၵ်ႈတင်ႈဢၼ်သိုၵ်းမၢၼ်ႈတေၶိၼ်ၸတ်း ၵိုတ်းသိပ်းဝၼ်းပၢႆၵူၺ်းယဝ်ႉသေတႃႉ ၾၢႆႇၼိုင်ႈၵေႃႈ သိုၵ်းမၢၼ်ႈတိုၵ်ႉဢဝ်မၢၵ်ႇလူင်မၢၵ်ႇဢွၼ်ႇၸွမ်းပွႆႇသႂ်ႇၼႃႈလိၼ်ၸုမ်းလုၵ်ႉၽိုၼ်ႉတူင်ႉၼိုင်ယူႇ ။ ဢၼ်တုမ်ႉတိူဝ်ႉမၢတ်ႇၸဵပ်းလူႉတၢႆသမ်ႉ ဢမ်ႇၸႂ်ႈၵူၼ်းသိုၵ်းၵူၺ်း ပဵၼ်ၵူၼ်းမိူင်းလွၼ်ႉလွၼ်ႉ ။ ဢိင်ၼိူဝ်လွင်ႈသိုၵ်းမၢၼ်ႈ ပႆႇၵိုတ်းလွင်ႈႁၢႆႉၸႃႉၸိူဝ်းၼႆႉသေ သမ်ႉတေၶိုင်ႁဵတ်းပၢင်လိူၵ်ႈတင်ႈယူႇလႄႈ ၵူၼ်းၼုမ်ႇၸိူဝ်းလုၵ်ႉၽိုၼ်ႉသိုၵ်းမၢၼ်ႈၼႂ်းမိူင်းတႆး ဢွၼ်ၵၼ်သၢၼ်ၶတ်း ။ ဢမ်ႇၶႂ်ႈႁႂ်ႈၵူၼ်းမိူင်းၵႂႃႇတွတ်ႈပၼ် ၶႅပ်းၵၢင်ၸႂ်ဢၼ်ဢမ်ႇထုၵ်ႇၸွမ်းၾိင်ႈမိူင်း ။ ဝၼ်းတီႈ 28/12/2025 ၼႆႉ သိုၵ်းမၢၼ်ႈ မၵ်းမၼ်ႈပဵၼ် ဝၼ်း ၸတ်းပၢင်လိူၵ်ႈတင်ႈ...

ၼႂ်းလိူၼ်တီႊသႅမ်ႊပိူဝ်ႊ ႁၢင်ပီ 2025 ၼႆႉ သိုၵ်းမၢၼ်ႈႁၢင်ႈႁႅၼ်း တေတႄႇၸတ်းႁဵတ်း ပၢင်လိူၵ်ႈတင်ႈ ၵႂႃႇ ၵမ်းၶၵ်ႉၵမ်းတွၼ်ႈ။ သိုၵ်းမၢၼ်ႈလၢတ်ႈဝႃႈ ပၢင်လိူၵ်ႈတင်ႈ ဢၼ်တေၸတ်းႁဵတ်းၵမ်းၼႆႉ ၼင်ႇႁိုဝ်ဝၢၼ်ႈမိူင်း တေမီးလွင်ႈ ၼိမ်ယဵၼ် ၊ ၼင်ႇႁိုဝ်ၽူႈဢွၼ်ႁူဝ်ၵူၼ်းမိူင်း တေၶဝ်ႈပႃးမႃးၶိုၼ်း တီႈၼႂ်းၵၢၼ်ဢုပ်ႉပိူင်ၽွင်းငမ်း လႄႈ ၼင်ႇႁိုဝ် တေႁွတ်ႈၵႂႃႇထိုင်ၶိုၼ်း တီႈၼိူဝ်သဵၼ်ႈတၢင်း တီႊမူဝ်ႊၶရေႊၸီႊ ဝႃႈၼႆ။ ၽူႈလဵပ်ႈႁဵၼ်းၶဝ်တႄႉ...

သိုၵ်းမၢၼ်ႈၼႆႉ ႁူႉဝႃႈၶႂ်ႈၸတ်းႁဵတ်းပၢင်လိူၵ်ႈတင်ႈၵူၺ်း ဢမ်ႇဝူၼ်ႉသွၼ်ႇပၼ် လွင်ႈႁူမ်ႇလူမ်ႈလႄႈ လွင်ႈလွတ်ႈၽေး ၵူၼ်းမိူင်း ။ ၸုမ်းပႃႇတီႇၸိူဝ်းပၼ်သဵၼ်ႈမၢႆတေၶဝ်ႈလိူၵ်ႈတင်ႈၵေႃႈ ဢမ်ႇၸၢင်ႈႁႃသဵင်လီလီ ။ ၽူႈထတ်းသၢင်ၵၢၼ်မိူင်းၶဝ်လၢတ်ႈဝႃႈ သိုၵ်းယိုတ်းမိူင်းတေၸတ်းပၢင်လိူၵ်ႈတင်ႈၼႆႉ မၼ်းမိူၼ်ငဝ်းလၢႆးမိူဝ်ႈပီ 1951 – 1952 ။ တေၸႅၵ်ႇၸတ်းၵႂႃႇပဵၼ်ပွတ်းပဵၼ်တွၼ်ႈ ။ ပိူင်မၼ်းၵေႃႈယုင်ႈ ၊ လၢႆးသူၼ်းတုမ်ၵေႃႈ သိုၵ်းမၢၼ်ႈႁႄႉႁၢမ်ႈၵမ်ၵိၼ်းဝႆႉလၢႆလွင်ႈ ။ ယႃႇဝႃႈ...

လွင်ႈတုၵ်ႉလွင်ႈယၢပ်ႇ ၵူၼ်းၼိုင်ႈၵေႃႉၼၼ်ႉ ၽႂ်ၸမ်ၵေႃႈ မၼ်းၸွႆႈၵၼ်လႆႈ တိုတ်ႉတၢႆးၵၼ်လႆႈယူႇၼႆသေတႃႉ သင်ပဵၼ်မူႇပဵၼ်ၵေႃ ပဵၼ်ဝၢၼ်ႈပဵၼ်မိူင်းမႃးသမ်ႉ ယိင်ႈၶႅၼ်းလူဝ်ႇတၢင်းၸွႆႈထႅမ် တႃႇႁႂ်ႈၵုမ်ႇထူၼ်ႈ တူဝ်ႈထိုင် ၵူၼ်းၵူႈၵေႃႉၼၼ်ႉဢမ်ႇငၢႆႈ ။ ၸင်ႇၼၼ်လႄႈ ၵၢပ်ႈပၢၼ်မႂ်ႇၼႆႉ ၼင်ႇႁိုဝ် တေပိူင်းၼႄလႆႈ လွင်ႈတုၵ်ႉလွင်ႈၶီ လွင်ႈမႆႈလွင်ႈလိူတ်ႇ ၵူၼ်းတီႈလႂ်တီႈၼၼ်ႈၼၼ်ႉ ၸင်ႇဢွၼ်ၵၼ် ထၢႆႇငဝ်းတူင်ႉလႄႈသင် ၶႅပ်းႁၢင်ႈလႄႈသင် ၸိူဝ်းၼႆႉသေ ဢွၵ်ႇသဵင်တႅၼ်းပၼ်ၵူၼ်းၸိူဝ်းၼၼ်ႉမႃးၶိူဝ်းယႂ်း...

ဝၼ်းတီႈ 10 တီႊသႅမ်ႊပိူဝ်ႊ ၼႆႉပဵၼ်ဝၼ်း သုၼ်ႇလႆႈၵူၼ်းၵူႈၸၢတ်ႈၸိုင်ႈၼႂ်းလုမ်ႈၾႃႉ International Human Rights Day ။ ပဵၼ်ဝၼ်းဢၼ် ပၢင်ၵုမ်လူင်ၵူႈလွင်ႈလွင်ႈ ၸၢတ်ႈၸိုင်ႈလုမ်ႈၾႃႉ ပိုၼ်ၽၢဝ်ႇ Universal Declaration of Human Rights ဝႃႈ ၵူၼ်းၵူႈၵေႃႉ လႄႈၵူႈၸိူဝ်ႉၸၢတ်ႈ ၵူႈၸၢဝ်းၶိူဝ်း ၼႂ်းလုမ်ႈၾႃႉၼႆႉ...

ၸိုင်ႈမိူင်းလႂ် ၸိုင်ႈမိူင်းၼၼ်ႉ ၵူၼ်းမိူင်းမုင်ႈမွင်းၶႂ်ႈမီးလူင်ပွင်ၸိုင်ႈ ဢၼ်ပၼ်လွင်ႈႁူမ်ႇလူမ်ႈလႄႈ ပၼ်လွင်ႈထၢင်ႇႁၢင်ႈလႆႈၸတ်းလႆႈပွင် ၵၢမ်ႇၵျမ်ႇမႃႇတူဝ်ၵဝ်ႇ။ ဢမ်ႇဝႃႈ ၼႂ်းၵၢၼ်ယူႇၵၢၼ်ၵိၼ် ၵၢၼ်ႁဵၼ်းၵၢၼ်သွၼ် ၵၢၼ်ၵူႈလွင်ႈလွင်ႈ ၵူၼ်းမိူင်းၵေႃႉလႂ်ၵေႃႈ ၶႂ်ႈႁႂ်ႈမၼ်းၶိုၼ်ႈယႂ်ႇမႂ်ႇသုင်လွၼ်ႉလွၼ်ႉ ။ တိူၵ်ႈတီႈဝႃႈ တူၵ်းၵမ်းၵိၼ်းမႃးၵေႃႈ ႁႂ်ႈမီးလူင်ပွင်ၸိုင်ႈ လူလွမ်တူၺ်းထိုင်ပၼ် ။ ပေႃးတူၺ်းၼႂ်းမိူင်းၸိုင်ႈထႆးၼႆ ၵၢၼ်မိူင်းယုင်ႈယူႇသေတႃႉ လူင်ပွင်ၸိုင်ႈၶဝ် ဝႆႉၵူၼ်းမိူင်းလမ်ႇလွင်ႈလႄႈဝႆႉၵႃႈၶၼ်တႄႉတႄႉ ။ တႃႇတေလူတ်းယွမ်းလႆႈ လွင်ႈတုၵ်ႉလွင်ႈယၢၵ်ႈၵူၼ်းမိူင်းၼၼ်ႉ...

ၵၢၼ်သုၵ်ႉယုင်ႈဢူၼ်မေႃးႁၢဝ်ႈႁႅင်းၼႂ်းမိူင်းမၢၼ်ႈဢမ်ႇၼိမ်သဝ်း ၼပ်ႉၶၢဝ်းတၢင်းယိုတ်ႈယၢဝ်းမႃးၸမ် 80 ပီ ။ မူႇၸုမ်းၸိူဝ်းၸဝ်ႈငိုၼ်းသႃး ဢၼ်ႁူမ်ႈၵၼ်တင်းလူင်ပွင်ၸိုင်ႈ /ၽူႈၼမ်းၸိုင်ႈမိူင်းၸိူဝ်းဢမ်ႇဝူၼ်ႉၶွပ်ႈထိုင် ၵူၼ်းမိူင်းမိူဝ်းၼႃႈၼၼ်ႉ ဢွၼ်ၵၼ်ပၵ်းတႃႁႃတူၺ်းၶူဝ်းၶွင်သၽႃႇဝဢၼ်ဢွၵ်ႇၼိူဝ်လိၼ်တႂ်ႈလိၼ် ၼႂ်းၼႃႈလိၼ်ၸၢဝ်းၶိူဝ်းလႄႈမိူင်းႁူမ်ႈတုမ်။ တႃႇႁႃၼမ်ႉတွၼ်းၽွၼ်းလႆႈ ၽွင်းငုမ်းပႃမိူဝ်ႈၼမ်ႉၶုၼ်ႇ ။   မိူၼ်ၼင်ႇ ၸုမ်းယိပ်းၵွင်ႈၵၢင်ႇလၢႆမူႇလၢႆၸုမ်းဢၼ်ဝႃႈႁဵတ်းတႃႇသုၼ်ႇလႆႈၸိူဝ်ႉၸၢတ်ႈၸၢဝ်းၶိူဝ်းၼႆၼၼ်ႉၵေႃႉ ပဵၵ်ႉသမ်ႉမီးမၵ်းမၢႆဢဵၼ်းဢၢၼ်းပူတ်းပွႆႇၸိူဝ်ႉၸၢတ်ႈလႄႈၵွပ်ႈၵူႈၽႅၼ်ႇလိၼ်တူဝ်ၵဝ်ႇ တႃႇ ၵၢၼ်လွတ်ႈလႅဝ်း ထၢင်ႇႁၢင်ႈ ႁိုဝ် မိူင်းၵွၼ်းၶေႃၼႆသေတႃႉ ၾၢႆႇၼိုင်ႈၵေႃႈ တိုၼ်းႁဵတ်းတႃႇသၢင်ႈဢဵၼ်ႁႅင်းဢူငဝ်းၼႃႈတႃတူဝ်ၵဝ်ႇ- ၼႆၽႂ်တေထဵင်လႆႈ။ ၼႂ်းၵႄႈငဝ်းလၢႆးသုၵ်ႉယုင်ႈလူင်ၵၢၼ်မိူင်းဝၼ်းမိူဝ်ႈၼႆႉ...

သိုၵ်းမၢၼ်ႈဢဝ်ၶေႃႈဢၢင်ႈဝႃႈ ပၢင်လိူၵ်ႈတင်ႈ 2020 ၼၼ်ႉ ယွၼ်ႉႁူဝ်ၼပ်ႉသဵၼ်ႈမၢႆၶႅပ်းၵၢင်ၸႂ်ဢမ်ႇတႅတ်ႈတေႃး လႄႈ ႁဵတ်းႁႂ်ႈပဵၼ်မႃးပၼ်ႁႃၵၢၼ်မိူင်း ။ ၸင်ႇၼၼ်လႄႈ ပၢင်လိူၵ်ႈတင်ႈ ဢၼ်ၶဝ်တေလိူၵ်ႈတင်ႈ ပၢႆပီ 2025 ၼႆႉ တေၸႂ်ႉၶိူင်ႈၾႆးၾႃႉသေတွတ်ႈၶႅပ်းၵၢင်ၸႂ် ။ သင်ၸႂ်ႉၶိူင်ႈၸၢၵ်ႈဢၼ်ၼႆႉ တေတႅတ်ႈတေႃး သေ လႆႈတမ်းၸႂ် တေဢမ်ႇမီးလွင်ႈပႅတ်ႉလွင်ႈမၢပ်ႇၵၼ်ၼႆသေ ၶွမ်ႊမသျိၼ်ႊပၢင်လိူၵ်ႈတင်ႈသိုၵ်းမၢၼ်ႈ ႁူၺ်းသူၼ်းဝႆႉၼင်ႇၼႆ ။ သိုၵ်းမၢၼ်ႈ...

သိုၵ်းလုမ်ႈၾႃႉပွၵ်ႈၵမ်း 2 ၽၢၼ်ႇပူၼ်ႉမႃးၶၢဝ်းတၢင်း 80 ပီ။  ၼႂ်းၵႄႈၵၢင်ၼႆႉ ၼႂ်းလူၵ်ႈလုမ်ႈၾႃႉၼႆႉယင်းမီးသိုၵ်း လၢႆသိင်ႇ လၢႆယၢင်ႇ တင်းသိုၵ်းယဵၼ် သိုၵ်းၵၢၼ်မၢၵ်ႈမီး သိုၵ်းဢၼ်တိုၵ်းလူၺ်ႈၶၢဝ်ႇ တိုၵ်းလူၺ်ႈၵူႈၸေးလၢႆးပဵၼ်မႃးၶိူဝ်းယႂ်း။ သိုၵ်းလုမ်ႈၾႃႉပွၵ်ႈ 2 ယဝ်ႉတူဝ်ႈယဝ်ႉၵေႃႈ လွင်ႈႁိမ်ၼႃႈလိၼ်ၵၼ်ၼႆႉ လၢႆလၢႆမိူင်းၼႂ်းလုမ်ႈၾႃႉ ပႃးၸဵမ်ၼႂ်းမိူင်းတႆး မီးမႃးဢမ်ႇသိုပ်ႇဢမ်ႇဝၢႆး ။ တေႃႇထိုင်မႃးပဵၼ်သိုၵ်းယႂ်ႇၼႂ်းဝၼ်းတီႈ 24/02/2022 မိူင်းရတ်ႉသျႃႊ ၶဝ်ႈတိုၵ်းပိုတ်းယိုဝ်းတႃႇလႆႈလိၼ်မိူင်း...

“ပၢင်လိူၵ်ႈတင်ႈၼႆႁႃႉ ႁဝ်းတႄႉတိုၼ်းဢမ်ႇဝူၼ်ႉတႃႇၵႂႃႇပၼ်မႄးႁႄဢိတ်းလႃႈ။ သူၼ်ၵေႃႈ ဢမ်ႇသူၼ်ၸႂ်၊ ဢမ်ႇတိုၼ်ႇတဵၼ်ႈၸွမ်းသင်။ ၵၢင်ၸႂ်ဢၼ်ၶႂ်ႈသႂ်ႇၶႅပ်းၵၢင်ၸႂ်ပၼ်တေႉတေႉၼၼ်ႉၵေႃႈ ဢမ်ႇမီးသေဢိတ်း” ၼႆ ၼၢင်းမၢတ်ႈ ၵူၼ်းၼုမ်ႇၵေႃႉတူင်ႉၼိုင်ႁဵတ်းၵၢၼ်တူင်ႇဝူင်းၵူၼ်း ၼႂ်းမိူင်းတႆးပွတ်းႁွင်ႇၵေႃႉၼိုင်ႈ ပိုတ်ႇဢူၵ်းပိုတ်ႇၸႂ် ပၢႆးၼႄတၢင်းႁၼ်ထိုင်မၼ်းဝႆႉၼင်ႇၼႆ။ သိုၵ်းမၢၼ်ႈယိုတ်းမိူင်း ဢၼ်မိၼ်းဢွင်ႇလၢႆႇဢွၼ်ႁူဝ်ဝႆႉၼႆႉ ဢဝ်ၶေႃႈဢၢင်ႈလွင်ႈဝၢၼ်ႈမိူင်းသုၵ်ႉဢူၼ် ပဵၼ်ပၢင်တိုၵ်းသိုၵ်းသိူဝ် ဢၼ်ၵိူတ်ႇပဵၼ်ပတ်းပိုၼ်ႉတူဝ်ႈၸိုင်ႈမိူင်းၼၼ်ႉ ႁဵတ်းၼႃႈတိူဝ်ႈသေ ၶိုင်ပွင်ၸတ်းႁဵတ်း ပၢင်လိူၵ်ႈတင်ႈ ပီ 2025 ၼႆႉ...

ဢဝ်ၶေႃႈဢၢင်ႈဝႃႈ တႃႇၽဵဝ်ႈမူၺ်ႉၸုမ်းၵျႃႊၽျႅၼ်ႉၼႆသေ သိုၵ်းမၢၼ်ႈတင်းတပ်ႉပႂ်ႉလႅၼ်လိၼ် ထႅမ်ႁႅင်းယႃႉၵူၼ်ႇပင်းပႅတ်ႈ တိုၵ်းယႂ်ႇလူင်ၼႂ်းမျႃႉဝတီႇၼပ်ႉႁူဝ်ပၢၵ်ႇလင် ။ ၽူႈထတ်းသၢင်ငဝ်းလၢႆးလုမ်ႈၾႃႉၶဝ်တႄႉ ထတ်းသၢင်ဝႆႉဝႃႈ ဢၼ်ယႃႉၵူၼ်ႇပင်းပႅတ်ႈၸိူင်ႉၼႆ ၸိုဝ်ႈၸႂ်ႈမႅၼ်ႈၸွမ်းပိူင်တင်းမူတ်းၼႆႉ ဢမ်ႇလၢတ်ႈလႆႈ ။ ယွၼ်ႉဝႃႈ ငဝ်ႈႁၢၵ်ႈလၵ်းထၢၼ်ႇဢၼ်ၸုမ်းၵျႃႊၽျႅၼ်ႉႁဵတ်းဝႆႉၸိူဝ်းၼၼ်ႉ မၼ်းၸၢင်ႈယူႇၼႂ်းဢွင်ႈတီႈၸိူဝ်းၼႆႉ။ သိုၵ်းမၢၼ်ႈသမ်ႉၵိုင်ႉၵၢင်ႉယႃႉလူႉလႅဝ်ၸိူင်ႉၼႆ မိူၼ်တင်းႁူမ်ႇပိၵ်ႉ ၶေႃႈမုလ်းလမ်ႇလွင်ႈ ၼင်ႇႁိုဝ် လုမ်ႈၾႃႉတေဢမ်ႇၸၢင်ႈဢဝ်လိူင်ႈပၼ်တူတ်ႈတၢမ်ႇၸုမ်းၵျႃႊၽျႅၼ်ႉၵူၺ်း ။ မိူၼ်တင်းပေႃႉၽၵ်းတီမဵတ်ႉႁႂ်ႈၸိူဝ်ႉၽၼ်းတႅၵ်ႇၽူင်ႉလၢမ်းၽႄႈပဵၼ်တူၼ်ႈပဵၼ်ပႃႇၵူၺ်းႁိုဝ်ၼႆ ၸုမ်းပၵ်းတႃလွင်ႈၽဵဝ်ႈမူၺ်ႉၵျႃႊၽျႅၼ်ႉလၢႆလၢႆၸဝ်ႈၵေႃႈလၢတ်ႈဝႆႉၼင်ႇၼႆ။ ယၢမ်းလဵဝ် ၾၢႆႇဢမေႊရိၵၼ်ႊၵေႃႈ သမ်ႉၽွတ်ႈၸုမ်း Strike...