ပၢင်ၶဝ်ႈဝၢတ်ႈ/ တိုဝ်းၵမ် သင်ၶၸဝ်ႈ ၸိုင်ႈတႆးပွတ်းဢွၵ်ႇၶူင်း ပွၵ်ႈထူၼ်ႈ 71 ၼႆႉ တေၸတ်းႁဵတ်းတီႈဝတ်ႉဝၢၼ်ႈငႅၼ်း ဝဵင်း ၸႄႈၵဵင်းတုင်။ တႄႇဢဝ် ဝၼ်းတီႈ 26/12/2022 တေႃႇထိုင် 6/1/2023 ယူႇတီႈသင်ၶၸဝ်ႈလႄႈ တၵ်ႉၵႃႇသတ်ႉထႃး ဝၢၼ်ႈငႅၼ်း ဢိူင်ႇ ၵၢတ်ႇတဝ်ႇ ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်းသေ တေဢွၼ်ႁူဝ်ၼမ်းၼႃႈ ၸတ်းႁဵတ်းပၢင်ၶဝ်ႈဝၢတ်ႈတိုဝ်းၵမ် တႃႇသင်ၶၸဝ်ႈ...

ၵႃးတၢင်ႇၵူၼ်းလမ်းၼိုင်ႈ လုၵ့်ၵဵင်းတုင် ၵႂႃႇ တူၼ်ႈတီး ပဵၼ်ၽေးၵိုင့်ၵၢင့် တီႈတၢင်းလူင်းလွႆမိူင်းၵႃ  မိူဝ်ႈဝၼ်းတီႈ 18/11/2022 ယၢမ်းၵၢင်ၶိုၼ်းလိုၵ်း 11 မူင်းၶိုင်ႈ  ။ ၸုမ်းၸွႆႈတူင်ႇဝူင်းၵူၼ်း တူင်ႈတႃႈ ၵေႃ့ၼိုင်ႈ လၢတ်ႈတီႈ ၽူႈတွႆႇႁွၵ်ႈဝႃႈ _” ၸႂ်ႈဢေႃႈ မီးၵူၼ်းထူဝ်းမႃးလၢတ်ႈဝႃႈ ၵႃးပိၼ်ႈၼႆၼႃႇ ႁဝ်းၵႂႃႇ ပေႃးလိုၵ်းယဝ့်ဢေႃႈ တီႈတၢင်းၶဝ်ႈ တူင်ႈတႃႈ...

မိူဝ်ႈၼႆႉ ဝၼ်းတီႈ 9/11/2022 ယၢမ်းၵၢင်ၼႂ်မွၵ်ႈ 9 မူင်း ၽူႈၸၢႆးၵေႃႉၼိုင်ႈ ထုၵ်ႇယိုဝ်းတၢႆ တီႈႁိမ်းၸၼ်ႉၸွမ် ၵဵင်းတုင် ဝၢၼ်ႈၼႃႈၶမ်း ဢိူင်ႇယၢင်းလေႃး ဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း ၊ ပဵၼ်ယွၼ်ႉသင် ၼမ်ႉမိုဝ်းၽႂ် ၸိူဝ်း ၼႆႉ ပႆႇႁူႉ တူဝ်ၵူၼ်းႁၢႆႉၼၼ်ႉၵေႃႈ ပႆႇတီႉၺွပ်းလႆႈ။ ၵူၼ်းၼုမ်ႇ ပိုၼ်ႉတီႈ ဝဵင်းၵဵင်းတုင်...

ၾၢင်ႁၢင်ႈလီငၢမ်း ဝဵင်းဢၼ်မီးၸိုဝ်ႈႁဵၵ်ႈၶၢၼ်ၼၢမ်း  3 ၸွမ် 7 ၵဵင်း 11 ၼွင် 12 ၽၵ်းတူဝဵင်း ပၢႆႁူမူၽၵ်းတူယၢင်းၶမ်း ဝဵင်းဢၼ်မၢၵ်ႇၶဝ်ႈတဝ်ႈၼမ်ႉလိူင်ႇမၢၵ်ႈၼမ်ၵိုၼ်း ဝဵင်းဢၼ်ငိုၼ်းၶွၼ်ႈၶမ်းၼမ် ဝဵင်းဢၼ်ပေႃႈၵႃႉ မိုတ်ႈသူင် လႆၶဝ်ႈလႆဢွၵ်ႇတီႈၵူၼ်းၵိုၼ်း၊ ပဵၼ်သဵၼ်ႈတၢင်းၵၢၼ်ၵႃႉၶၢႆ မီးၽၵ်းတူၶဝ်ႈဢွၵ်ႇၵႂႃႇမႃးသူႇတဝ်ႈ ၶဝ်ႈဢွၵ်ႇၸူး မိူင်းထႆး၊ မိူင်းလၢဝ်း၊ မိူင်းၶႄႇ ပဵၼ်မိူင်းၵဝ်ႇၵႄႇဢႃယုၸဵတ်းပၢၵ်ႇပီပၢႆ ပဵၼ်ဢွင်ႈတီႈဢႅဝ်ႇတွင်ႈတဵဝ်း...

မိူဝ်ႈၼႆႉ ဝၼ်းတီႈ 20/10/2022 ယၢမ်းဝၢႆးဝၼ်းမွၵ်ႈ 1 မူင်း ၾႆးမႆႈႁိူၼ်း လုင်းသၢမ်ၼွႆႉ - ၼၢင်းသဝ် ဝၢၼ်ႈပၢင်လေႃႉ(တႂ်ႈ) ဢိူင်ႇမိူင်းၸဵမ်း ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း ၶူဝ်းၶွင်ႁိူၼ်းယေး ဢမ်ႇတၼ်းလႆႈသင် လွင်ႈတုမ်ႉတိူဝ်ႉ ၵူၼ်း မၢတ်ႇၸဵပ်းလူႉတၢႆတႄႉ ဢမ်ႇမီး။ ၵူၼ်းပိုၼ်ႉတီႈ ဝဵင်းၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ - “ၸဝ်ႈႁိူၼ်းတႄႉ...

မိူဝ်ႈဝႃးဝၼ်းတီႈ 16/10/2022 ၵၢင်ၶိုၼ်း 11 မူင်းပၢႆ ၵႃးလမ်းၼိုင်ႈ လုၵ်ႉတႃႈၶီႈလဵၵ်း ၵႂႃႇတူၼ်ႈတီး  ပဵၼ်ၽေးၵိုင်ႉၵၢင်ႉ ပိၼ်ႈတၢင်းလူင်းလွႆ တီႈၼိုင်ႈၼႂ်းၵႄႈ တူၼ်ႈတီး - ၵဵင်းတုင် မီးၵူၼ်းမၢတ်ႇၸဵပ်း 3 ၵေႃႉ။ ၸုမ်းၸွႆႈထႅမ်ႈတူင်ႇဝူင်းၵူၼ်းၵေႃႉၼိုင်ႈလၢတ်ႈဝႃႈ “ ၸႂ်ႈဢေႃႈ ပိၼ်ႈတီႈ လွႆသပႄႇသျႄႇ ၼၼ်ႉဢေႃႈ ။ ၶဝ်ႁေႃႈဝႆး...

ၶွမ်ႊပၼီႊၾၢႆႇလိူမ်ႈလႆႇ ၸဵင်ႇယေႇၵၢၼ်ႇၸႄႈဝဵင်းၵဵင်းတုင် မိူင်းတႆးပွတ်းဢွၵ်ႇ ဢၼ်လႆႈၶႂၢင်ႉ(လၢႆႊသိၼ်ႊ) ဝႆႉတီႈ လူင်ပွင်ၸိုင်ႈမၢၼ်ႈၼၼ်ႉ  ဢမ်ႇၵဵပ်းၽဵဝ်ႈယုၵ်းယၢၵ်းၸွမ်းၶၢဝ်းယၢမ်းမၢၼ်ႇမႅၼ်ႈ ဢမ်ႇႁဵတ်းလွင်ႈမူတ်းသႂ် သေ ဢမ်ႇၵႃး ယင်းပၢႆၶိုၼ်ႈၵႃႈၵဵပ်းယုၵ်းယၢၵ်းထႅင်ႈလူးၵွၼ်ႇ ၵူၼ်းၵဵင်းတုင်ၶၢင်းပွင်ႉၼင်ႇၼႆ။ ၸဝ်ႈၶွင်လၢၼ်ႉၶၢႆၶူဝ်း ၼႂ်းၵၢတ်ႇဝဵင်းၵဵင်းတုင်ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ မိူဝ်ႈဝႃး ဝၼ်းတီႈ 16 ၼႆႉ မႃးၵဵပ်းတီႈ ႁိူၼ်းႁဝ်းဢေႃႈ။  ၵူႈပွၵ်ႈတႄႉ လိူၼ် 3000...

ၵႃးလူင် ႁပ်ႉၸၢင်ႈတၢင်ႇၵူၼ်း Express လမ်းၼိုင်ႈ လုၵ်ႉၵဵင်းတုင်  တေၵႂႃႇတူၼ်ႈတီး ပရိတ်ႈၵႃးၶၢတ်ႇ လေႃႈၽႃႇတမ်သႂ်ႇ လွႆ ၸဝ်ႈၵႃး တၢႆထင်တီႈ ၵူၼ်းၼႂ်းၵႃး မၢတ်ႇၸဵပ်းၸွမ်း 4 ၵေႃႉ။ မိူဝ်ႈဝႃး ဝၼ်းတီႈ 4/10/2022 ယၢမ်းဝၢႆးဝၼ်း ၵႃးလူင် ႁပ်ႉၸၢင်ႈတၢင်ႇၵူၼ်း ဢၼ်မီးၸိုဝ်ႈဝႃႈ (တောင်ပြာတန်း) လမ်း ၼိုင်ႈ...

မိူဝ်ႈၼႆႉ ဝၼ်းတီႈ 1/10/2022 ယၢမ်းၵၢင်ၼႂ် ၵႃးလမ်းၼိုင်ႈ လုၵ်ႉတၢင်းၵဵင်းတုင်မႃး ပဵၼ်ၽေးၵိုင်ႉၵၢင်ႉ ပိၼ်ႈတူၵ်းၼႂ်း  ၼမ်ႉလဵၼ်း ႁိမ်းဝၢၼ်ႈပၢင်ၶႃးၼွႆႉ ၼိူဝ်သဵၼ်ႈတၢင်းလူင် ၼႂ်းၵႄႈတႃႈလိူဝ်ႇ - ၵဵင်းတုင် ၼႂ်းဝဵင်းတႃႈလိူဝ်ႇ ၸႄႈဝဵင်းတႃႈၶီႈ လဵၵ်း ၸိုင်ႈတႆးပွတ်းဢွၵ်ႇၶူင်း ၵူၼ်းမႃးၸွမ်းၼႂ်းၵႃး လူႉတၢႆ 4 ၵေႃႉ။ ၸုမ်းၸွႆႈထႅမ် ဝဵင်းတႃႈလိူဝ်ႇ လၢတ်ႈတီႈၽူႈတွႆႇႁွၵ်ႈဝႃႈ...

ၵႃးႁပ်ႉၸၢင်ႈ တၢင်ႇၵူၼ်း 3 လမ်း ၺႃးၸူၼ် ႁိမ်းဝဵင်းတူင်ႈတႃႈ လႆႈၵႂႃႇငိုၼ်းမွၵ်ႈ 30 သႅၼ်လႄႈ ၾူၼ်း 9 ၶိူင်ႈ။ ဝၼ်းတီႈ 23/9/2022 ယၢမ်းၵၢင်ၶိုၼ်း မွၵ်ႈ 10 မူင်း မီးၵူၼ်းၸုမ်းၼိုင်ႈ ဢဵၼ်ႁႅင်းမွၵ်ႈ 7 ၵေႃႉ ပႂ်ႉၸူၼ်ၵႃး    တီႈၼိူဝ်သဵၼ်ႈတၢင်းၵဵင်းတုင် -...

မိူဝ်ႈၼႆႉ ဝၼ်းတီႈ 9/9/2022 ယၢမ်းဝၢႆးဝၼ်း ၵႃးတင်း ရူတ်ႉၶိူင်ႈ ၽႃႇၵၼ် တီႈႁိမ်းတူဝ်းၵဵၵ်ႉ တၢင်းၶဝ်ႈၵဵင်းတုင် ၼိူဝ်သဵၼ်ႈ တၢင်းလူင် တႃႈၶီႈလဵၵ်း - ၵဵင်းတုင် ၼႂ်းၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း ၵူၼ်းၼုမ်ႇ 2 ၵေႃႉ သွၼ်ႉရူတ်ႉၶိူင်ႈမႃး ၸွမ်းၵၼ်ၼၼ်ႉ ပဵၼ်ၽေးဢုပၢတ်ႈသေ လူႉတၢႆထင်တီႈ။   ၵူၼ်းၵဵင်းတုင်...

ၼႂ်းၸႄႈဝဵင်းမိူင်းတူၼ် ၽူႈလၵ်ႉၸၵ်ႉၶုတ်ႈ ၵေႃႈလိူင်ႇ ၵူၼ်းသူႇသမ်းၵိၼ်ယႃႈမဝ်းၵမ် ၵေႃႈလိူင်ႇၼမ် ရူတ်ႉၶိူင်ႈၵူၼ်းမိူင်း တၢင်း ၼႃးၵွင်းမူး - ပုင်ႇပႃႇၶႅမ် ႁၢႆၵူႈဝၼ်း ဢမ်ႇယွမ်း 15 လမ်းယဝ်ႉ။ ႁူဝ်လိူၼ်သႅပ်ႊထႅမ်ႊပိူဝ်ႊ 2022 ၼႆႉ ရူတ်ႉၶိူင်ႈၵူၼ်းပုင်ႇပႃႇၶႅမ် ႁၢႆ 2 လမ်း  ၽွင်းၵိုတ်းဝႆႉၶၢင်ႈႁႆႈၼႃး သူၼ်ႁိူၵ်ႈ ၽွင်းၵႂႃႇႁဵတ်းၵၢၼ်။ ၵူၼ်းပိုၼ်ႉတီႈဝႃႈ...

ၾူၼ်တူၵ်းႁႃႇယႂ်ႇၼမ်ႉႁူၺ်ႈၼမ်ႉလွႆ လႆလုပ်ႇထူမ်ႈ ႁိူၼ်းယေး ဝၢၼ်ႈ သူၼ်ႁႆႈၼႃးႁိူၼ်းယေ ႁၢဝ်ႈႁႅင်း ႁဵတ်းႁႂ်ႈၵူၼ်းပိုၼ်ႉတီႈ ယၢပ်ႇၽိုတ်ႇ။ ဝၼ်းတီႈ 5/9/2022 ယၢမ်းၵၢင်ၼႂ် ၼမ်ႉႁူၺ်ႈၽႅမ်း လႆထူမ်ႈႁိူၼ်းယေး ၵူၼ်းဝၢၼ်ႈဝေႃႇၶူၵ်ႉၵဝ်ႇ - ဝေႃႇၶူၵ်ႉဝဵင်းမႂ်ႇ ၼႂ်းဢိူင်ႇ ယၢင်းလေႃး ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း ႁၢဝ်ႈႁႅင်း ၼႆယဝ်ႉ။ ၵူၼ်းၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ -“ၶမ်ႈဝၼ်းတီႈ 4...

ဝၼ်းတီႈ 5/9/2022 ၼၼ်ႉ ၾူၼ်တူၵ်းႁႅင်းလႄႈ ၼမ်ႉထူမ်ႈတီႈ ဝဵင်းၵဵင်းတုင် လႄႈတႃႈၶီႈလဵၵ်းၶိုၼ်းထႅင်ႈၵမ်းၼိုင်ႈ ၵူၼ်းမိူင်းတူၵ်းၸႂ်။ “ပေႃးၾူၼ်တူၵ်းၵေႃႈၼမ်ႉၶိုၼ်းထူမ်ႈထႅင်ႈၵမ်းၼိုင်ႈယဝ်ႉၶႃႈ။ မႆႈၸႂ်ဢေႃႈ။ မိူဝ်ႈဝႃးၼႆႉ ၼမ်ႉထူမ်ႈၶႂ်ႈဝႃႈသုင်ဝႆႉဢေႃႈ။ၼႂ်ၼႆႉတႄႉၶိုၼ်းယွမ်းၵႂႃႇဢိတ်းဢိတ်းယဝ်ႉၶႃႈ။ ဢမ်ႇမီးလွင်ႈလုသုမ်းၼမ်ပဵၼ်မိူဝ်ႈဝူင်ႈပူၼ်ႉသေတႃႉ လွင်ႈမႆႈၸႂ်တႄႉမီးဢေႃႈ” - ၵူၼ်းမိူင်းတႃႈၶီႈလဵၵ်းၵေႃႉၼိုင်ႈလၢတ်ႈၼင်ႇၼႆ။   ဝၢႆးလင် ၼမ်ႉထူမ်ႈ မိူဝ်ႈဝူင်ႈပူၼ်ႉမႃးယဝ်ႉၼၼ်ႉ ႁွင်ႈၵၢၼ်ၾၢႆႇၶႄၽေးသၽႃႇဝ  တႃႈၶီႈလဵၵ်း ဢွၼ်ၼမ်းၸတ်းႁဵတ်းပၢင်သွၼ် ၶႄၽေးၽွင်းၼမ်ႉထူမ်ႈ ၶၢဝ်းတၢင်း 2 ဝၼ်း။...

ၼႂ်းၸႄႈဝဵင်းၵဵင်းတုင် ၵူတ်ႇထတ်းႁၼ် ၵူၼ်းတိတ်းၸပ်းၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ 19 ၸမ် 40 ၵေႃႉ ၼႂ်းၼၼ်ႉ လူႉတၢႆ 1 ၵေႃႉ သိုဝ်ႇၶၢဝ်ႇပိုၼ်ႉတီႈ ဢွၵ်ႇဝႆႉၼင်ႇၼႆ။ တႄႇဢဝ် ဝၼ်းတီႈ 1/8/2022 တေႃႇထိုင် ဝၼ်းတီႈ 4/9/2022 ၶၢဝ်းတၢင်း လိူၼ်ပၢႆၼႆႉ ၼႂ်းၸႄႈဝဵင်း ၵဵင်းတုင် ၸိုင်ႈတႆး...