မိူဝ်ႈၼႆႉ ဝၼ်းတီႈ 17/04/2025 ဝၼ်းပီမႂ်ႇသွၼ်းၼမ်ႉ  သိုၵ်းမၢၼ်ႈပိုၼ်ၽၢဝ်ႇ ပွႆႇၵူၼ်းတူၵ်းၶွၵ်ႈ   4893 ၵေႃႉ  လူၺ်ႈတၢင်းၶေႃႈၼွင်ႇငိူၼ်ႈၶႆ ၾိင်ႈမိူင်းၽိတ်းပၵ်းပိူင် တွၼ်ႈ 401 တွၼ်ႈၽႄ 1   “သင်ဝႃႈ ပူၼ်ႉပႅၼ် တၢင်းၽိတ်း ထႅင်ႈၸိုင် တေလႆႈၺႃးတူတ်ႈတၢမ်ႇ ၵဝ်ႇၵွႆးဢမ်ႇၵႃး တၢမ်ႇမႂ်ႇၵေႃႈ တေလႆႈသိုပ်ႇႁပ်ႉဢဝ်ထႅင်ႈ” ဝႃႈၼႆ။ ၵူၼ်းတူၵ်းၶွၵ်ႈ ၸိူဝ်းဢၼ်သိုၵ်းမၢၼ်ႈပွႆႇဢွၵ်ႇမႃး...

မိူဝ်ႈဝၼ်းတီႈ 16/04/2025 မုၵ်ႉၸုမ်းၼၢင်းယိင်းမိူင်းႁူမ်ႈတုမ် (Burmese Women’s Union) ဢွၵ်ႇၽိုၼ် ႁၢႆးငၢၼ်း  ဝႃႈ ၼႂ်းလိူၼ်မၢတ်ႉၶျ် ၶၢဝ်းတၢင်းလိူၼ်လဵဝ်ၵွႆး သိုၵ်းမၢၼ်ႈ ပူၼ်ႉပႅၼ်သုၼ်ႇလႆႈၵူၼ်း ၶႃႈႁႅမ် ၼၢင်းယိင်းတၢႆ 66 ၵေႃႉ မၢတ်ႇၸဵပ်း 88 ၵေႃႉ ဝႃႈၼႆ။ ၼႂ်းၽိုၼ်လိၵ်ႈႁၢႆးငၢၼ်းၼၼ်ႉ ပိူင်းၼႄပႃးဝႆႉဝႃႈ “ၼႂ်းလိူၼ်မၢတ်ႉၶျ် ပီ...

သိုၵ်းမၢၼ်ႈပိုၼ်ၽၢဝ်ႇၵိုတ်းတိုၵ်းဝႆႉ 10 ဝၼ်းဝႃႈၼႆသေတႃႉ သိုပ်ႇဢဝ်ၶိူင်ႈမိၼ်ပိုတ်းယိုဝ်းၼႂ်းဢိူင်ႇ ၼႂ်းဝၢၼ်ႈယူႇၵူႈဝၼ်း။ တင်ႈတႄႇပိုၼ်ၽၢဝ်ႇၵိုတ်းတိုၵ်း ဝၼ်းတီႈ 2/4/2025 မႃးတေႃႇထိုင်ဝၼ်းတီႈ 15/4/2025 ၶၢဝ်းတၢင်း 13 ဝၼ်းၼႆႉ သိုၵ်းမၢၼ်ႈဢဝ်ၶိူင်ႈမိၼ် ပိုတ်းယိုဝ်း 68 ၵမ်းယဝ်ႉ ၼႆ လူမ်းႁွင်ႈၵၢၼ်ၽွင်းလူင်မိူင်းႁူမ်ႈတုမ် NUG ပိုၼ်ၽၢဝ်ႇၼင်ႇၼႆ။  ၽွင်းၵူၼ်းမိူင်းထူပ်းၽေးၽႅၼ်ႇလိၼ်ဝႆ ယူႇၼႆႉ သိုၵ်းမၢၼ်ႈဢဝ်ၶိူင်ႈမိၼ်ၵျႅတ်ႉ၊ ဢဝ်ၸွင်ႈမိၼ် (Paramotor)...

ႁူဝ်လိူၼ်ဢေႊပရိူဝ်ႊၼႆႉ သိုၵ်းမၢၼ်ႈသင်ႇႁႂ်ႈၵူၼ်းဝၢၼ်ႈၼမ်ႉၽိူၵ်ႇ(တွင်ႇထီႇပႂႃႇ) ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ၶဝ်ႈႁၢပ်ႇၵၢၼ်သိုၵ်း ၽွင်းၵူၼ်းမိူင်းၵပ်ႉၵိၼ်းတႃႇယူႇတႃႇၵိၼ်။ ၵူၼ်းမိူင်းပိုၼ်ႉတီႈလၢတ်ႈတီႈၽူႈတွႆႇႁွၵ်ႈဝႃႈ- “ ပၢႆလိူဝ်ႁႃၵိၼ်ယၢပ်ႇသေ သိုၵ်းမၢၼ်ႈၵေႃႈ ၵဝ်းယူႇၾၢႆႇၼိုင်ႈ။ သိုၵ်းမၢၼ်ႈၶဝ်ယွၼ်းမႃး ၸဵမ်မိူဝ်ႈႁူဝ်လိူၼ် ၼႆႉယဝ်ႉ။ ၼႂ်းဝၢၼ်ႈတွင်ႇထီႇပႂႃႇၼႆႉ ႁႂ်ႈလႆႈၵႂႃႇႁၢပ်ႇ ၵၢၼ်သိုၵ်း 2 ၵေႃႉ ၵူၼ်းလူင်ၼႂ်း ဝၢၼ်ႈၼမ်ႉ ၵႂႃႇဢဝ်ငိုၼ်းတွင်းပၼ်သေ လႆႈယွၼ်းငူပ်ႉငီႉ ၵႄႈတူဝ်ဝႆႉ” ဝႃႈၼႆ။ လိူဝ်ၼၼ်ႉ...

တႄႇတီႈၽႅၼ်ယၼ်ႇသိုၵ်း လွပ်ႈသွင် 1027 ၼၼ်ႉမႃး မိူင်းၶႄႇ မိပ်ႇငႅၼ်းတေႃႇ ၸုမ်းဢူၺ်းလီသၢမ်ပီႈၼွင်ႉႁၢဝ်ႈႁၢဝ်ႈႁႅင်းႁႅင်း၊ ၾၢႆႇၼိုင်ႈသမ်ႉ တၢမ်တူဝ်ၶုၼ်ၽွင်းလူင်ဝၢင်ယီႈ မႃးၽႅဝ်ၼေႇပျီႇတေႃႇသေ ၼႄလွင်ႈၶဝ်ၸုၵ်းမၼ်ႈၸွမ်း ၸုမ်းသိုၵ်းယိုတ်းမိူင်း။ ၸင်ႇၼၼ် MNDAA ႁိမ်လႆႈလႃႈသဵဝ်ႈ ပႆႇတၼ်းႁိုင် သမ်ႉပေႃးလႆႈပိုၼ်ၽၢဝ်ႇဝႃႈ တေဢမ်ႇၵပ်းသိုပ်ႇၸွမ်း NUG ၊ တေဢမ်ႇၽၢတ်ႇဢွၵ်ႇၼႂ်းမိူင်းႁူမ်ႈတုမ်၊ ယဝ်ႉသမ်ႉ ၵမ်းၵမ်းလႆႈၺႃးႁွင်ႉၵႂႃႇဢုပ်ႇ တင်းၸုမ်းသိုၵ်းယိုတ်းမိူင်းသေ ၸႂ်ႉၵိုတ်းတိုၵ်းပႅတ်ႈ...

တႄႇႁူဝ်လိူၼ်ဢေႊပရိူဝ်ႊမႃး မီးၶၢဝ်ႇဢွၵ်ႇမႃးဝႃႈ ၾၢႆႇလူင်ပွင်ၸိုင်ႈ မိူင်းၶႄႇ မိပ်ႇငႅၼ်းပၼ်ႁႅင်းဢီး ႁႂ်ႈသိုၵ်းၵဝ်ႈၵၢင်ႉ တေလႆႈထွႆဢွၵ်ႇပၼ် ၼႂ်းဝဵင်းလႃႈသဵဝ်ႈ ဝၼ်းတီႈ 22/04/2025 ပဵၼ်လိုၼ်းသုတ်းၼႆသေ ၾၢႆႇသိုၵ်းၵဝ်ႈၵၢင်ႉၵေႃႈ ၵိုင်ႉၵၢင်ႉႁိပ်ႈၼႅတ်ႈ တေႃႉဢဝ်ၶိူင်ႈၸႂ်ႉတိုဝ်းၶူဝ်းၶွင် ၸိူဝ်းမီးၵႃႈၶၼ်လဵၵ်ႉယႂ်ႇတင်းသဵင်ႈ ဢၼ်ၶဝ်ႈတၢင်းတိုဝ်း ၼၼ်ႉ ဢွၵ်ႇဝဵင်းၵႂႃႇ။  မိူဝ်ႈတိုၵ်းၵၼ်ၵေႃႈ တိုၵ်းၵၼ်မိူင်းပေႃးလႅဝ် ၵူၼ်းမိူင်း ၸိူဝ်းဢမ်ႇၶွင်ႉၵဵဝ်ႇၸွမ်းၽႂ်ၸုမ်းလႂ်ၼၼ်ႉၵေႃႈ လႆႈတၢႆ လႆႈမၢတ်ႇ လႆႈပၢႆႈ...

ၸုမ်းပီႈၼွင်ႉၶျၢင်းတင်း ၸုမ်းဢူၺ်းလီၶဝ် ႁူမ်ႈၵၼ်ယိုတ်းၵုမ်းလႆႈ ဝဵင်းၽလၢမ်း (ဝဵင်းဢၼ်ယႂ်ႇလိူဝ်ပိူၼ်ႈထီႉသွင်) ၼႂ်းမိူင်းၶျၢင်း မိူဝ်ႈဝၼ်းတီႈ 09/04/2025 ၼႆႉ ပိုၼ်ၽၢဝ်ႇဝႃႈ ၼႂ်းဝဵင်းၽလၢမ်း ဢမ်ႇမီးသိုၵ်းမၢၼ်ႈယဝ်ႉ ဝႃႈၼႆ။ ၵွပ်ႈၼၼ်လႄႈ ၼႂ်းပၢင်လုၵ်ႉၽိုၼ်ႉၶၢဝ်းႁွင် (ၼူၺ်ႇဢူးတေႃႇလၢၼ်ႇယေး) ၼႆႉ ဝဵင်းဢၼ်ၸုမ်းလုၵ်ႉၽိုၼ်ႉ ယိုတ်းၵုမ်းလႆႈဝႆႉ တင်းမူတ်းမီး 96 ဝဵင်းယဝ်ႉ။ ၸုမ်းပီႈၼွင်ႉၶျၢင်းလႄႈ ၸုမ်းလုၵ်ႉၽိုၼ်ႉၶဝ် တႄႇပိုတ်ႇၼႃႈသိုၵ်းတိုၵ်းတေႃးသိုၵ်းမၢၼ်ႈမႃး ၸဵမ်မိူဝ်ႈၼႂ်းလိူၼ်ၼူဝ်ႊဝႅမ်ႊပိူဝ်ႊ...

ၼႂ်းဝၼ်းတီႈ 09/04/2025 ယၢမ်းဝၢႆးဝၼ်းမွၵ်ႈ 3 မူင်း ၶိူင်ႈမိၼ်သိုၵ်းမၢၼ်ႈပွႆႇမၢၵ်ႇ တီႈဝၢၼ်ႈ ၼမ်းၶမ်း ဝဵင်းသိူဝ် ၼႂ်းတိူင်းၸႄႈၵႅင်း ၵူၼ်းမိူင်းတၢႆ မွၵ်ႈ 30 ၵေႃႉ မၢတ်ႇၸဵပ်းထႅင်ႈတင်းၼမ် ၼႂ်းၼၼ်ႉ ပႃးလုၵ်ႈဢွၼ်ႇလႄႈ ၼၢင်းယိင်း။   ၼႂ်းဝၼ်းၼၼ်ႉ ယၢမ်းဝၢႆးဝၼ်း 3 မူင်း ၶိူင်ႈမိၼ်သိုၵ်းမၢၼ်ႈတိုၵ်း (Jet...

ယၢမ်းလဵဝ် ၵဵတ်ႉလၢၼ်ႇသိုၵ်းမၢၼ်ႈ တီႈမိူင်းပၢတ်ႇ ၼႂ်းၸႄႈဝဵင်းတၢင်ႉယၢၼ်း ဢၼ်မီးၼိူဝ်သဵၼ်ႈတၢင်း ၵႂႃႇၸူးဝဵင်းလႃႈသဵဝ်ႈၼၼ်ႉ သိုၵ်းမၢၼ်ႈ ၵဵပ်းၶွၼ်ႇႁၢဝ်ႈႁႅင်းၼမ်မႃးလိူဝ်ၵဝ်ႇလႄႈ ႁဵတ်းႁႂ်ႈၸဝ်ႈၵႃးၶဝ် ထူပ်းတၢင်းယၢပ်ႇ။ ၸဝ်ႈၵႃး ၵေႃႉၼိုင်ႈ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ -“မိူဝ်ႈလဵဝ် ပေႃးဢွၵ်ႇဝဵင်းတၢင်းယၢၼ်း တေၵႂႃႇဝဵင်းလႃႈသဵဝ်ႈ ၽွင်းထိုင်တီႈၵဵတ်ႉသိုၵ်းမၢၼ်ႈ တီႈမိူင်းပၢတ်ႇၼၼ်ႉ ၶဝ်ၵူတ်ႇထတ်းၸႅတ်ႈထၢမ်ႁၢဝ်ႈႁႅင်း ၶူဝ်းၵုၼ်ႇဢၼ်တေႃႉတၢင်ႇမႃးၵေႃႈ ထုၵ်ႇၸႅတ်ႈမူတ်း လိူဝ်ၼၼ်ႉ ယင်းတဵၵ်းယွၼ်းငိုၼ်းထႅင်ႈလူးၵွၼ်ႇ။ ငိုၼ်းၼႆႉ ၵမ်ႈၽွင်ႈ...

ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ လၢတ်ႈဝႃႈ - ႁိူၼ်းယေး၊ ႁိူၼ်းတိူၵ်ႈ၊ ႁူင်းႁႅမ်း လူႉၵွႆၼမ် ၽွင်းၽႅၼ်ႇလိၼ်ဝႆ (ဢိင်ႇသၼ်ႇ) ၼႆႉ ပဵၼ်ယွၼ်ႉၵၢၼ်ၵေႃႇသၢင်ႈ ဢမ်ႇႁဵတ်းၸွမ်းၼင်ႇမၵ်းမၼ်ႈဝႆႉ ဝႃႈၼႆ။ ဝၼ်းတီႈ 08/04/2025 ၼႆႉ ယူႇတီႈ ႁူဝ်ၼႃႈ သိုၵ်းမၢၼ်ႈယိုတ်းမိူင်း ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ လူင်းပိုၼ်ႉတီႈ ၵႂႃႇၵူတ်ႇထတ်းႁူင်းယႃလူင် ဢၼ်ၶဝ်ႈၵူႇ...

မိူဝ်ႈဝၼ်းတီႈ 08/04/2025 ၽူႈၼမ်းၼႂ်း ၾၢႆႇၵၢၼ်ဢုပ်ႉပိူင်ႇသိုၵ်းမၢၼ်ႈ ၸွမ်သိုၵ်းလူင် ဢွင်ႇလိၼ်းတူၺ်း (အောင်လင်းဒွေး) ပိုၼ်ၽၢဝ်ႇ လူင်းလၢႆးမိုဝ်း မွပ်ႈပုၼ်ႈၽွၼ်းပၼ် ဢူးတၢၼ်းၸူဝ်း (ဦးသန်းစိုး) ၽူႈၶဝ်ႈၸုမ်း ၶွမ်ႊမသျိၼ်ႊ ၵၢၼ်လိူၵ်ႈတင်ႈ မိူင်းႁူမ်ႈတုမ် ၶိုၼ်ႈပဵၼ်ၵႅမ်ႁူဝ်ပဝ်ႈ ၶွမ်ႊမသျိၼ်ႊ ၵၢၼ်လိူၵ်ႈတင်ႈမိူင်းႁူမ်ႈတုမ်ၵႂႃႇ ၸွမ်းၼင်ႇ ပိူင်ငဝ်ႈပိုင်းမိူင်း 2008 တွၼ်ႈ 419...

ၽွင်းသိုၵ်းမၢၼ်ႈတင်း သိုၵ်းၶၢင်လႄႈ ၸုမ်းလုၵ်ႉၽိုၼ်ႉ ပိုၼ်ၽၢဝ်ႇၵိုတ်းတိုၵ်းပဵၼ်တၢင်းၵၢၼ်ၼႆႉ ၼႂ်းဝၼ်းတီႈ 07/04/2025 ယၢမ်းၵၢင်ၶမ်ႈ ၸုမ်းလုၵ်ႉၽိုၼ်ႉ ယိုတ်းၵုမ်းလႆႈဝဵင်းဢိၼ်းတေႃႇ ၼႂ်းတိူင်းၸႄႈၵႅင်း ဢၼ်မီးတီႈလႅၼ်လိၼ် တိတ်းၸပ်းတင်းမိူင်းၶၢင် ဝႃႈၼႆ။ ၸုမ်းလုၵ်ႉၽိုၼ်ႉတင်း သိုၵ်းၶၢင် KIA ႁူမ်ႈၵၼ်သေ ယိုတ်းၵုမ်းလႆႈ။ ၼႂ်းဝၼ်းၼၼ်ႉ ယၢမ်းဝၢႆးဝၼ်း ၽွင်းပၢင်တိုၵ်းပဵၼ်ႁၢဝ်ႈႁႅင်းၼၼ်ႉ သိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း မႃးပွႆႇမၢၵ်ႇသႂ်ႇဢမ်ႇယွမ်း 40...

တႃႇႁၢပ်ႇၵၢၼ်သိုၵ်း ၸုပ်ႈ 12 ၼႆႉ ၵၢင်ႉၵႄႇၼႂ်းပွၵ်ႉ ဝဵင်းတူၼ်ႈတီး ၸိုင်ႈတႆးပွတ်းၸၢၼ်း ၸႂ်ႉၵူၼ်းမိူင်း ၸူၵ်းမႄး၊ ၽႂ်ၸူၵ်းလႆႈၵေႃႈ တၵ်းလႆႈၵႂႃႇၾိုၵ်းၵၢၼ်သိုၵ်း ငိူင်ႉဝႄႈဢမ်ႇလႆႈ ဝႃႈၼႆ။ ဝၼ်းတီႈ 07/04/2025 ယၢမ်းၵၢင်ၼႂ် ၵၢင်ႉၵႄႇၼႂ်းပွၵ်ႉ ရတၼႃႇသီႇရိ ၊ ၵျွင်းၵျီးၸူႉ ၊ ၸဵင်ႇပၢၼ်း ဝဵင်းတူၼ်ႈတီး ႁွင်ႉဢဝ် ၵူၼ်းၼုမ်ႇၸိူဝ်းပႃးၼႂ်းသဵၼ်ႈၸိုဝ်ႈ...

တႄႇႁူဝ်ပီ 2025 မႃး ၸုမ်းယိပ်းၵွင်ႈၵၢင်ႇ ၸိူဝ်းၵုမ်းၵမ်ဝႆႉ ၼိူဝ်သဵၼ်ႈတၢင်းလူင် ဝဵင်းလိူဝ်ႇ - မိူင်းၵုတ်ႈ - မူႇၸေႊ ယွၼ်းငိုၼ်း (ၵဵပ်းၶွၼ်ႇ) တီႈၸဝ်ႈရူတ်ႉၵႃး ၸိူဝ်းတေႃႉတၢင်ႇၶူဝ်းၵုၼ်ႇ သူင်ႇၶဝ်ႈၸူးမိူင်းတႆးပွတ်းႁွင်ႇ ၼမ်လူၼ်ႉႁႅင်းလႄႈ ႁဵတ်းႁႂ်ႈမီးတၢင်းယၢပ်ႇၵိၼ်း ၼႂ်းၵၢၼ်ဢွၵ်ႇၶၢဝ်းတၢင်း ၵႄႈၵၢင်ဝဵင်းလိူဝ်ႇ- မူႇၸေႊ။ ၼိူဝ်သဵၼ်ႈတၢင်း ဝဵင်းလိူဝ်ႇ - မိူင်းၵုတ်ႈ...

ၸဝ်ႈဢႃႇၼႃႇၼႆႉ ၼွၵ်ႈလိူဝ်တေလႆႈဢႃႇၼႃႇ မၼ်းဢမ်ႇဝႆႉၼၵ်းၼိူဝ်လွင်ႈလႂ်၊ ပိူဝ်ႈတႃႇလႆႈဢႃႇၼႃႇၼၼ်ႉ လႆႈႁဵတ်းမိူၵ်ႈႁဵတ်းႁၢႆႉၸိူင်ႉႁိုဝ်ၵေႃႈ မၼ်းတိုၼ်းတူဝ်ႈတၼ်းယဝ်ႉ။ ၵွပ်ႈၼၼ် ၼႃႈတီႈယိုတ်းမိူင်းၼၼ်ႉ မိၼ်းဢွင်ႇလၢႆႇ ၸင်ႇလၢတ်ႈဝႃႈ “ဢၼ်ၵဝ်ၶႃႈ ဢမ်ႇႁတ်းႁဵတ်း ဢမ်ႇမီးသင်” ၼႆယဝ်ႉ။ တႃႇတေဝၵ်ႉငမ်ဝႆႉဢႃႇၼႃႇၼႆၵေႃႈ မၼ်းတိုၼ်းဝႆႉ ၼၵ်းပၵ်းၸႂ် ၼင်ႇၵၢၼ်ပႂ်ႉ ပႃးသၢႆၸႂ်တူဝ်ၵဝ်ႇယဝ်ႉ ဢမ်ႇဝႃႈၸဝ်ႈဢႃႇၼႃႇ ၼႂ်းမိူင်းၼွၵ်ႈမိူင်း တိုၼ်းမိူၼ်ၵၼ်ၵူႈၵေႃႉ ၵူႈသိုပ်ႇၵူႈပၢၼ်ယဝ်ႉ။ မိူဝ်ႈပီ 2008 ၸုမ်းသိုၵ်းၼဢၽ...