မိူဝ်ႈၼႆႉ ဝၼ်းတီႈ 01/10/2025 ယၢမ်းဝၢႆးဝၼ်း သိုၵ်းမၢၼ်ႈ ၶဝ်ႈယိုဝ်းသိုၵ်းတဢၢင်း TNLA ၼႂ်းဝဵင်းၵျွၵ်ႉမႄးသေ ၶဝ်ႈပုတ်ႈဢဝ်တီႈယူႇတႅၼ်းဝႆႉၶိုၼ်း- ထၢႆႇႁၢင်ႈတူင်ႉ ၶႅပ်းႁၢင်ႈလွင်ႈၵူၼ်းၸိူဝ်းၵမ်ႉထႅမ်ၶဝ်ပႂ်ႉႁပ်ႉတွၼ်ႈမူၼ်ႈမူၼ်ႈသိူဝ်းသိူဝ်းသေ ပိုၼ်ၽႄႈတၢင်းသိုဝ်ႇၼႅင်ႈသၢၼ်လၢႆလၢႆတၢင်း ၼႄၾၢင်ႁၢင်ႈၶဝ်ၶိုၼ်းၵုမ်းဝဵင်းၵျွၵ်ႉမႄးယဝ်ႉ။ သိုၵ်းမၢၼ်ႈၼႆႉ လုၵ်ႉတၢင်းဝၢၼ်ႈၶူဝ်မုင်း ၶဝ်ႈၵႂႃႇထိုင်ပၢႆႉတၢင်းၶဝ်ႈဝဵင်းၵျွၵ်ႉမႄးသေ သိုပ်ႇၶဝ်ႈၵႂႃႇပၵ်းတပ်ႉပၢင်သဝ်းထိုင် ၼႂ်းဝဵင်းၵျွၵ်ႉမႄးၶိုၼ်း။ သိုၵ်းတဢၢင်း (TNLA) တႄႉ လုၵ်ႉတၢင်းတူဝ်းၵဵၵ်ႉဝဵင်းၵျွၵ်ႉမႄး ဢွၵ်ႇၵႂႃႇတၢင်းဝဵင်းသီႇပေႃႉဝႆႉလႄႈ ၵူၼ်းဝၢၼ်ႈၸိူဝ်းယူႇသဝ်းဝႆႉ ၵႄႈၵၢင်ဝဵင်းၵျွၵ်ႉမႄး- သီႇပေႃႉ...

ၶၢဝ်းတၢင်း ၽႅၼ်ယၼ်ႇသိုၵ်း 1027 တႄႇမီးမႃးၼၼ်ႉသေ လုၵ်ႈၸုမ်းဢူၺ်းလီပွတ်းႁွင်ႇ 3 ၸုမ်း ယိုတ်းလႆႈလၢႆဝဵင်းၼႂ်းမိူင်းတႆးပွတ်းႁွင်ႇ။ ၸဵမ်ဢဝ်ပိူင်ၵဵပ်းၶွၼ်ႇၸိူဝ်းၼႆႉၵေႃႈ ၽႂ်ပေႉၵေႃႈမၼ်းၵဵပ်း။ ၵူၼ်းမိူင်းတႄႉ ယၢပ်ႇၵိၼ်းၼႂ်းၵႄႈမၼ်း။ တီႈၸႄႈဝဵင်းၼမ်ႉၶမ်းၼႆႉၵေႃႈ မိူဝ်ႈလဵဝ် သိုၵ်းတဢၢင်း လူင်းၵဵပ်းၶွၼ်ႇတႃႇပီ 2026 ဝႃႈၼႆထႅင်ႈ။ ၵူၼ်းမိူင်းလူမ်ၸႂ်ႁႃႉ ဢမ်ႇလူမ်ၸႂ်ၵေႃႈဢမ်ႇတူၺ်း။ ႁူႉဝႃႈ ၵဵပ်းၶွၼ်ႇၵူၺ်းလႄႈ ၸဝ်ႈႁၢၼ်ႉၸဝ်ႈသႅင်ႇမၢင်ၸိူဝ်း ယၢပ်ႇၸႂ်တႃႇတေသိုပ်ႇၵႂႃႇမိူဝ်းၼႃႈတႄႉတႄႉ။ ၸဵမ်မိူဝ်ႈ ၸုမ်းဢူၺ်းလီပွတ်းႁွင်ႇ...

ၽွင်းသိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼႆႉ ၾၢႆႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇပႃးလႄႈ ႁဵတ်းႁႂ်ႈၵူၼ်းမိူင်း ဢွၼ်ၵၼ်တူၵ်းၸႂ်ၵူဝ်ႁႄ မႆႈၸႂ်လွင်ႈႁူမ်ႇလူမ်ႈ ၼႆယဝ်ႉ။ ၵူၼ်းပၢႆႈၽေးသိုၵ်း တီႈဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ -“မိူဝ်ႈတႄႇမၼ်းတႄႉ ပဵၼ်တၢင်းၼွင်ၶဵဝ်ၵူၺ်း။ တိုၵ်ႉယူႇငၢႆႈယူႇ တီႈၵျွၵ်ႉမႄးၼႆႉ ၽိူဝ်ႇၼွင်ၶဵဝ်ၵေႃႈတူၵ်းၼႂ်းမိုဝ်းမၢၼ်ႈ ၶိုၼ်းယဝ်ႉ ဢမ်ႇႁိုင်ဢမ်ႇၼၢၼ်း...

ဝၢႆးလင် မိၼ်းဢွင်ႇလၢႆႇ ၸွမ်ၸိၵ်းသိုၵ်းမၢၼ်ႈယိုတ်းမိူင်း ဢွၵ်ႇၶၢဝ်းတၢင်းၵႂႃႇၶဝ်ႈႁူမ်ႈပၢင်ပွႆးမၢႆတွင်း ၵျပၼ်ႊထွၼ်သိုၵ်းဢွၵ်ႇမိူင်းၶႄႇ တဵမ် 80 ပီ တီႈမိူင်းၶႄႇႁိုင်ၶၢဝ်းတၢင်းမွၵ်ႈ 2 ဝူင်ႈသေ ပွၵ်ႈမႃးၶိုၼ်းၼႆႉ သိုၵ်းမၢၼ်ႈ သိုပ်ႇၸတ်းႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းပိုၼ်ႉတီႈသိုၵ်းတဢၢင်းၵုမ်းၵမ်ၸူဝ်ႈၶၢဝ်း။ မိူဝ်ႈၼႆႉ ဝၼ်းတီႈ 09/09/2025 ယၢမ်းၵၢင်ၼႂ်ၸဝ်ႉ 12 မူင်းၶိုင်ႈ တေႃႇ 1 မူင်းၼၼ်ႉ...

သိုၵ်းမၢၼ်ႈတင်း သိုၵ်းတဢၢင်း TNLA တိုၵ်ႉသိုပ်ႇပဵၼ်ပၢင်တိုၵ်းၵၼ်ႁၢဝ်ႈႁႅင်း ႁိမ်းထုင်ႉၼွင်ပိင် ၸႄႈဝဵင်းၵျွၵ်ႉမႄးယူႇလႄႈ ၵူၼ်းမိူင်းတႃႇ 20 ဝၢၼ်ႈပၢႆ လႆႈၶၢႆႉဢွၵ်ႇၵႂႃႇယူႇဝႆႉတၢင်းဝၢၼ်ႈပုင်ႇဝူဝ်း၊ ႁၢႆးၵုၺ်၊ ၼမ်ႉႁၢင်ႈၶိူင်ႈ ၸိူဝ်းၼႆႉ ႁိုင်ၶၢဝ်းတၢင်းသွင်ဝူင်ႈပၢႆ ယၢမ်းလဵဝ် လူဝ်ႇတၢင်းၸွႆႈထႅမ်ဝႆႉထႅင်ႈ ၼႆယဝ်ႉ။ ၵူၼ်းမိူင်းၼိုင်ႈမိုၼ်ႇၵေႃႉပၢႆ ၸိူဝ်းပၢႆႈၽေးပၢင်တိုၵ်းဝႆႉၼၼ်ႉ ယၢမ်းလဵဝ် လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ်၊ ၶိူင်ႈယႃႈယႃ ၸိူဝ်းၼႆႉၵူၺ်းဢမ်ႇၵႃး တွၼ်ႈတႃႇလုၵ်ႈဢွၼ်ႇလႄႈ...

မိူင်းၶႄႇႁဵတ်းၶဵဝ်ယူႇၵၢင်သေ ၸတ်းပၢင်ၵုမ် ႁႂ်ႈသိုၵ်းမၢၼ်ႈတင်း သိုၵ်းတဢၢင်း TNLA ႁူပ်ႉၵၼ် တီႈၶုၺ်ႊမိင်ႊ မိူင်းၶႄႇ တႄႇဝၼ်းတီႈ 26/08/2025 ၼႆႉ ထႅင်ႈပွၵ်ႈၼိုင်ႈ။ ၽွင်းတင်းသွင်ၾၢႆႇႁူပ်ႉဢုပ်ႇၵၼ် ပႆႇမီးၶေႃႈတူၵ်းလူင်ၵၼ်ဢွၵ်ႇမႃးပဵၼ်တၢင်းၵၢၼ်ၼၼ်ႉ တင်းသွင်ၾၢႆႇ ယိုဝ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၵျွၵ်ႉမႄး။ ငႃးသိုၵ်းမၢၼ်ႈ ၸိူဝ်းထူဝ်းသိုၵ်းၶဝ်ႈမႃးတၢင်းၼႂ်းထုင်ႉၼွင်ပိင် ႁၢင်ႇၵႆၵၼ်တင်းဝဵင်းၵျွၵ်ႉမႄး မွၵ်ႈ 15 လၵ်းၼၼ်ႉ သိုပ်ႇၸတ်းငႃးသိုၵ်းမုင်ႈၼႃႈၶဝ်ႈၸူးဝဵင်းၵျွၵ်ႉမႄးထႅင်ႈ။ ၼႂ်းၶၢဝ်းတၢင်းတူဝ်တႅၼ်း...

ၶူဝ်ဢၼ်သုင်သုတ်းၼႂ်းဢေႊသျႃႊ ဢၼ်ၵိုၵ်းပိုၼ်းမႃး ၼႂ်းၶၢဝ်းတၢင်း 125 ပီ ၊ ဢၼ်တႆးႁွင်ႉဝႃႈ ၶူဝ်ၵိုတ်ႈၼႆၼၼ်ႉ လူႉၵွႆယွၼ်ႉၼမ်ႉမိုဝ်းၸုမ်းယိပ်းၵွင်ႈၵၢင်ႇၶဝ်ၵႂႃႇ ၼႂ်းဝၼ်းတီႈ 24/08/2025 ။ ဢိင်ၼိူဝ် လွင်ႈၶူဝ်ၵိုၵ်းပိုၼ်းမိူင်းတႆး လူႉၵွႆၼႆႉသေ ၵူၼ်းမိူင်းဢွၼ်ၵၼ် တႅမ်ႈတၢင်ႇလွင်ႈမၼ်းၼိူဝ်သိုဝ်ႇ ဢွၼ်ႊလၢႆႊပေႃးလၢႆးၸၢႆႉၸၢႆႉ။ ၼိုင်ႈၵေႃႉ ႁၼ်ထိုင်ၼိုင်ႈလွင်ႈလႄႈ ၸင်ႇဢွၵ်ႇၶေႃႈထဵင်ၵၼ်မႃး။ ၵူၼ်းမိူင်းမၢၼ်ႈထုင်ႉပဵင်းၵေႃႈ ႁၼ်ထိုင်လွင်ႈၼိုင်ႈ ၵူၼ်းမိူင်းတႆးသၼ်လွႆၵေႃႈ...

ပေႃးတူၵ်ႇထိုင်ၽႅၼ်ယၼ်ႇသိုၵ်း ပၢင်တိုၵ်း 1027 ၼႆၸိုင် ၸုမ်းၸိူဝ်းဢၼ်ဢၢင်ႈၸိုဝ်ႈဝႃႈ သၢၼ်ၶတ်းသိုၵ်းမၢၼ်ႈၸိူဝ်းၼၼ်ႉ ႁၼ်လီႁူမ်ၸူမ်းၸွမ်းယႂ်ႇလူင်။ သမ်ႉပၢႆသေႉသွမ်း ၸုမ်းယိပ်းၵွင်ႈၵၢင်ႇ ၸိူဝ်းဢမ်ႇၶဝ်ႈႁူမ်ႈၸွမ်းပၢင်ယၼ်ႇသိုၵ်းၼၼ်ႉလူးၵွၼ်ႇ။ မိူဝ်ႈလဵဝ် ပၢင်ယၼ်ႇသိုၵ်းၵေႃႈ ႁိုင်ပီပၢႆယဝ်ႉလႄႈ ၵမ်ႈၼမ်ႁူႉၽွၼ်းယွၼ်ႈမၼ်းမႃး။ မၢင်ဝဵင်းလွတ်ႈ တႂ်ႈသိုၵ်းမၢၼ်ႈသေ သိုၵ်းၸၢဝ်းၶိူဝ်းၵုမ်းဝႆႉယဝ်ႉသေတႃႉ ၵူၼ်းမိူင်းပႆႇလွတ်ႈတၢင်းမႆႈ။ ပေႃးတူၺ်းတီႈ ဝဵင်းၼမ်ႉၶမ်းၼၼ်ႉ ၵူၼ်းမိူင်းလႆႈယူႇတႂ်ႈ သိုၵ်းတဢၢင်း TNLA ပဵၼ်သိုၵ်းၸၢဝ်းၶိူဝ်း ၵုမ်းၵမ်ဝႆႉယဝ်ႉ...

မိူဝ်ႈၼႆႉ ဝၼ်းတီႈ 23/08/2025 ယၢမ်းၵၢင်ဝၼ်း ၸုမ်းသိုၵ်းတဢၢင်း TNLA တီႉၺွပ်းလႆႈၽူႈလၵ်ႉၸၵ်ႉၶုတ်ႈ 5 ၵေႃႉ ဢၼ်ဢႅဝ်ႇလၵ်ႉၶူဝ်းၼႂ်းႁိူၼ်းယေးပိူၼ်ႈ၊ လၵ်ႉၶိူင်ႈၾူၼ်းၸွမ်းႁၢၼ်ႉလႄႈ လၵ်ႉရူတ်ႉၶိူင်ႈ ၸိူဝ်းၼႆႉ သိုၵ်းတဢၢင်း ပၼ်တၢမ်ႇၶဝ်ပၼ်ႇလဵပ်ႈၸွမ်း ၼႂ်းၵၢင်ဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ၼႆယဝ်ႉ။ ၵူၼ်းပိုၼ်ႉတီႈ ဝဵင်းၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ -“တေလႆႈဝႃႈ ၵူၼ်းၸိူဝ်းၼႆႉ ပဵၼ်ၵူၼ်းလၵ်ႉၶူဝ်းပိူၼ်ႈ ယႃႉႁိူၼ်းပိူၼ်ႈၼၼ်ႉၼႃႇ။...

ယၢမ်းလဵဝ် ၵူၼ်းပၢႆႈၽေးသိုၵ်း တီႈဝဵင်းၼွင်ၶဵဝ် ၵမ်ႈၼမ် ဢွၼ်ၵၼ်ပွၵ်ႈၶိုၼ်းႁိူၼ်းယေးသေ ထူပ်းတၢင်းယၢပ်ႇၽိုတ်ႇဝႆႉ လွင်ႈတီႈယူႇတၼ်းသဝ်း မိူဝ်ႈၽွင်းပဵၼ်ပၢင်တိုၵ်း သိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ၼၼ်ႉ ႁိူၼ်းယေးၵူၼ်းမိူင်း ၺႃးမၢၵ်ႇလူင်တူၵ်းသႂ်ႇလူႉၵွႆလႄႈ ၺႃးၾႆးၽဝ်ပႅတ်ႈ ၸိူဝ်းၼႆႉ တင်းၼမ်။ ၵူၼ်းပၢႆႈၽေးသိုၵ်း တီႈဝဵင်းၼွင်ၶဵဝ် လၢတ်ႈတီႈၽူႈတွႆႇႁွၵ်ႈဝႃႈ - “လႅဝ်ၼမ်ၼႃႇၶႃႈ ႁိူၼ်းယေးတႄႉ ဢၼ်ၵိုတ်းဝႆႉႁိူၼ်းပဵၼ်လင်တႄႉ...

သိုၵ်းတဢၢင်း TNLA ၸိူဝ်းၵုမ်းၵမ် ပၼ်ႇၵၢၼ်ၽွင်းငမ်းဝႆႉ ၼႂ်းၸႄႈဝဵင်းၼမ်ႉၶမ်း တဵၵ်းႁႂ်ႈၵူၼ်းမိူင်း ၵႂႃႇၶဝ်ႈႁၢပ်ႇၵၢၼ်သိုၵ်း၊ မိပ်ႇငႅၼ်းယွၼ်းၶွၼ်ႇတီႈ ပေႃႈမႄႈလုၵ်ႈႁဵၼ်း၊ လွၵ်ႇငိုတ်ႈယႃႇႁႂ်ႈၵႂႃႇယုင်ႈၵဵဝ်ႇ ၵမ်ႉထႅမ်ပၼ်ႁႅင်းသိုၵ်းတၢင်ႇၸုမ်း ၸိူဝ်းတူင်ႉၼိုင် ယူႇၼႂ်းၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။ ယၢမ်းလဵဝ် ၽူႈၵွၼ်းၸႄႈတွၼ်ႈ၊ ၽူႈၵွၼ်းၾၢႆႇ ႁွင်ႈၵၢၼ်ပလိၵ်ႈလႄႈ ၾၢႆႇႁွင်ႈၵၢၼ်ၵဵပ်းၶွၼ်ႇ သိုၵ်းတဢၢင်း TNLA ဢဝ်ႁႅင်းသိုၵ်း ႁွၼ်ႈထဝ်ႇတူင်ႉၼိုင်ၵႂႃႇမႃး ၼႂ်းၸႄႈဝဵင်းၼမ်ႉ ၶမ်း ၶိုၼ်းႁၢဝ်ႈႁႅင်းထပ်းၵၼ်ဝႆႉ။...

မိူဝ်ႈၼႆႉ ဝၼ်းတီႈ 16 လိူၼ်ဢေႃးၵၢတ်ႉသ် ၶႃႈႁၢပ်ႇၵၢၼ် ၼႂ်းၸုမ်းသိုၵ်းတဢၢင်း TNLA လူင်းတဝ်ၼႂ်းဝၢၼ်ႈ တဵၵ်းၵဵပ်းသဵၼ်ႈမၢႆႁူဝ်ၼပ်ႉၵူၼ်း ၼႂ်းထုင်ႉမၢၼ်ႈၸၢမ် ၸႄႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇသေ လွၵ်ႇငိုတ်ႈ တဵၵ်းႁႂ်ႈႁဵတ်းမၢႆၾၢင် ၼိုင်ႈႁိူၼ်းလႂ်ၼိုင်ႈၵေႃႉ ။ ၾၢႆႇၶႃႈႁၢပ်ႇၵၢၼ် ၸုမ်းသိုၵ်းတဢၢင်း လွၵ်ႇငိုတ်ႈလၢတ်ႈတီႈ ၵူၼ်းမိူင်းၼႂ်းပိုၼ်ႉတီႈဝႃႈ သင်ဢမ်ႇယွမ်းၵႂႃႇႁဵတ်းမၢႆၾၢင်တဢၢင်းၸိုင် ပေႃးလတ်းၸွမ်းၵဵၵ်ႉ လၢၼ်ႇဢၼ်မီးသိုၵ်းတဢၢင်းပႂ်ႉၵူတ်ႇထတ်းၼၼ်ႉ သင်ၵူတ်ႇထတ်းလႄႈ...

တႄႇၵၢင်လိူၼ်ၵျူႊလၢႆႊမႃး ဝၢႆးသိုၵ်းမၢၼ်ႈယိုတ်းၵုမ်းၶိုၼ်း ၸႄႈဝဵင်းၼွင်ၶဵဝ် တႂ်ႈသိုၵ်းတဢၢင်းၵုမ်းၵမ် ဝႆႉၼၼ်ႉ သိုၵ်းမၢၼ်ႈၵူတ်ႇထတ်း ၵူၼ်းပၢႆႈၽေးသိုၵ်း ၸိူဝ်းပွၵ်ႈမႃးယူႇ ၶိုၼ်းႁိူၼ်းၼၼ်ႉသေ သင်ဢမ်ႇၸႂ်ႈၵူၼ်းယိပ်းမၢႆၾၢင် ဝဵင်းၼွင်ၶဵဝ်ဝႆႉၸိုင် ဢမ်ႇပၼ်ၶဝ်ႈၶိုၼ်း ၼႂ်းဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ သိုၵ်းမၢၼ်ႈမၢပ်ႇၼႄး ၵူၼ်းမိူင်းၸိူဝ်းပၢႆႈၽေးပၢင်တိုၵ်း ၼႂ်းၸႄႈဝဵင်းၼွင်ၶဵဝ် ဢွၵ်ႇၵႂႃႇယူႇဝႆႉဢွင်ႈတီႈ လွတ်ႈၽေးဝႆႉၵမ်ႈၽွင်ႈ ၼၼ်ႉဝႃႈ ပဵၼ်ၵူၼ်းၵမ်ႉထႅမ် သိုၵ်းတဢၢင်း TNLA ၊ သိုၵ်းထၼူႉ...

သိုၵ်းမၢၼ်ႈယိုတ်းမိူင်း ၽႅၼ်ၸတ်းၵၢၼ်သိုၵ်း တိုၵ်းတပ်ႉသိုၵ်းတဢၢင်း TNLA သေ ယိုတ်းၵုမ်းဢဝ်လႆႈၶိုၼ်း ဝဵင်းၼွင်ၶဵဝ်တင်းသဵင်ႈယဝ်ႉၼၼ်ႉ ယၢမ်းလဵဝ် သိုပ်ႇၸတ်းငႃးသိုၵ်း လုၵ်ႉတၢင်းလႅၼ်လိၼ် ဝဵင်းပၢင်ႇဢူႈလူင် - ၼွင်ၶဵဝ် ၶိုၼ်ႈၸွမ်းသဵၼ်ႈတၢင်း ၵႂႃႇဝဵင်းမိူင်းၵုတ်ႈၼၼ်ႉလႄႈ ႁဵတ်းႁႂ်ႈပဵၼ်ပၢင်တိုၵ်းၵၼ်တင်း သိုၵ်းတဢၢင်း TNLA လႄႈ PDF ၸိူဝ်းတူင်ႉၼိုင်ယူႇ ၼႂ်းထုင်ႉၸႄႈဝဵင်းမိူင်းၵုတ်ႈၼၼ်ႉ ၼႆယဝ်ႉ။ တႄႇၵၢင်လိူၼ်ၵျူႊလၢႆႊၼၼ်ႉမႃး သိုၵ်းမၢၼ်ႈ...

ၼႂ်းၶၢဝ်းတၢင်း 11 ဝၼ်းၼႆႉ သိုၵ်းမၢၼ်ႈ ယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇၼႂ်းၼႃႈတီႈတပ်ႉသိုၵ်း ပူတ်းပွႆႇၸိူဝ်ႉၸၢတ်ႈတဢၢင်း TNLA ၵုမ်းၵမ် ၼႂ်းၸိုင်ႈတႆးပွတ်းႁွင်ႇၼႆႉ ၸၢၵ်ႇမၢၵ်ႇတိူဝ်ႉၺႃးၵူၼ်းမိူင်း လူႉတၢႆ 13 ၵေႃႉ မၢတ်ႇၸဵပ်း 31 ၵေႃႉၼႆ - ယူႇတီႈ ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး ဢွၵ်ႇၽိုၼ်တၢမ်း ငဝ်းလၢႆးဝႆႉ...