ၽွင်းသိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼႆႉ ၾၢႆႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇပႃးလႄႈ ႁဵတ်းႁႂ်ႈၵူၼ်းမိူင်း ဢွၼ်ၵၼ်တူၵ်းၸႂ်ၵူဝ်ႁႄ မႆႈၸႂ်လွင်ႈႁူမ်ႇလူမ်ႈ ၼႆယဝ်ႉ။ ၵူၼ်းပၢႆႈၽေးသိုၵ်း တီႈဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ -“မိူဝ်ႈတႄႇမၼ်းတႄႉ ပဵၼ်တၢင်းၼွင်ၶဵဝ်ၵူၺ်း။ တိုၵ်ႉယူႇငၢႆႈယူႇ တီႈၵျွၵ်ႉမႄးၼႆႉ ၽိူဝ်ႇၼွင်ၶဵဝ်ၵေႃႈတူၵ်းၼႂ်းမိုဝ်းမၢၼ်ႈ ၶိုၼ်းယဝ်ႉ ဢမ်ႇႁိုင်ဢမ်ႇၼၢၼ်း...

တင်ႈတႄႇပဵၼ်ပၢင်တိုၵ်း ၽႅၼ်ၵၢၼ်ယၼ်ႇသိုၵ်း 1027 မႃး ယေးငိုၼ်း (ပၢၼ်ႇ) တီႈဝဵင်းလႃႈသဵဝ်ႈ လႆႈဢိုတ်းဝႆႉ ႁိုင်ၶၢဝ်းတၢင်းၸမ် 2 ပီလႄႈ ၸဝ်ႈၵၢၼ်ပၢႆးမၢၵ်ႈမီးဢွၼ်ႇ ၸိူဝ်းပဵၼ်ၵူၼ်းၵႃႉၵူၼ်းၶၢႆ၊ ၵူၼ်းလႅၵ်ႈငိုၼ်း ၼႂ်းမိူင်းတႆးပွတ်းႁွင်ႇ ႁူပ်ႉတၢင်းယၢပ်ႇ တႃႇလႆႈတူဝ်ငိုၼ်းလႄႈ ထွၼ်ထႅမ်သႂ်ႇငိုၼ်းၼႂ်းပၢၼ်ႇ ဝႃႈၼႆ။ တႃႇလႆႈတူဝ်ငိုၼ်း ဢမ်ႇၼၼ် ထႅမ်ထွၼ် လႅၵ်ႈငိုၼ်းသႂ်ႇၼႂ်းယေးငိုၼ်း ၸဝ်ႈၵဝ်ႇလႆႈၼၼ်ႉ ယၢပ်ႇၵိၼ်းႁႅင်းၼႃႇၼႆ...

ယၢမ်းလဵဝ် ၵူၼ်းပၢႆႈၽေးသိုၵ်း တီႈဝဵင်းယွင်ႁူၺ်ႈ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း မီးၶၢဝ်းတၢင်းလိူၼ်ပၢႆယဝ်ႉသေတႃႉ ယွၼ်ႉႁိူၼ်းယေးၵူၼ်းမိူင်းလူႉၵွႆ မိူဝ်ႈၽွင်းပၢင်တိုၵ်း ၼၼ်ႉၼမ်လႄႈ တေႃႇထိုင်ယၢမ်းလဵဝ် တႃႇမႄးၶိုၼ်းႁိူၼ်းယေး တီႈယူႇတၼ်းသဝ်း ၸိူဝ်းၼၼ်ႉ တိုၵ်ႉမီးလွင်ႈယၢပ်ႇၽိုတ်ႇဝႆႉ။ ၵူၼ်းပိုၼ်ႉတီႈ ၼႂ်းၸႄႈဝဵင်းယွင်ႁူၺ်ႈ လၢတ်ႈတီႈၽူႈတွႆႇႁွၵ်ႈဝႃႈ -“ၵူၼ်းပၢႆႈၽေးသိုၵ်း တီႈဝဵင်းယွင်ႁူၺ်ႈတႄႉ ႁွတ်ႈမိူဝ်းႁိူၼ်းၵၼ်ၵူႈၵေႃႉယဝ်ႉ။ ၵူၺ်းၵႃႈ ႁွတ်ႈၽႅဝ်ႁိူၼ်းၶိုၼ်း ၵေႃႈ တေႃႉတႄႉလႆႈမႃး မႄးလုမ်းလႃးႁိူၼ်းယေးမွၵ်ႈၼၼ်ႉၵူၺ်း။ ႁိူၼ်းယေးၸိူဝ်းၺႃးမၢၵ်ႇတႅၵ်ႇသႂ်ႇၸိူဝ်းၼၼ်ႉၵေႃႈ...

ၵူၼ်းမိူင်းၸိူဝ်းလုၵ်ႉတၢင်း ဝဵင်းၼွင်ၶဵဝ်၊ ၼွင်ပိင်၊ ၵျွၵ်ႉမႄးသေ ပၢႆႈၽေးပၢင်တိုၵ်းၵႂႃႇသွၼ်ႈယူႇဝႆႉ ၼႂ်းၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ လူဝ်ႇတၢင်းၵမ်ႉၸွႆႈႁၢဝ်ႈႁႅင်း ၼႆယဝ်ႉ။ ယၢမ်းလဵဝ် ၵူၼ်းမိူင်း လဵၵ်ႉၼုမ်ႇထဝ်ႈယိင်းၸၢႆး တႃႇ 2000 ၵေႃႉပၢႆ ယၢပ်ႇၽိုတ်ႇတႃႇ ၶဝ်ႈၼမ်ႉတၢင်းၵိၼ်ႁၢဝ်ႈႁႅင်းယူႇ ၼႂ်းၸႄႈဝဵင်း သီႇပေႃႉၼႆ ၸုမ်းၾၢႆႇၸွႆႈထႅမ်ၵူၼ်းပၢႆႈၽေးပၢင်တိုၵ်း လၢတ်ႈၼႄတီႈၽူႈတွႆႇႁွၵ်ႈၼင်ႇၼႆ။ “လမ်ႇလွင်ႈသုတ်းတႄႉ ပဵၼ်ၶဝ်ႈၼမ်ႉတၢင်းၵိၼ်ဢေႃႈ။ ၵူၼ်းၸိူဝ်းၵမ်ႉၸွႆႈမႃး တိုၵ်ႉဢေႇႁႅင်းၼႃႇလႄႈ ၵိၼ်းၸႂ်ဝႆႉဢေႃႈ။...

ၼႂ်းဝၼ်းတီႈ 02/09/2025 ၼႆႉ ၽူႈပွင်ၵၢၼ်သိုၵ်း သုင်သုတ်း (စစ်ဦးစီးချုပ်) တပ်ႉသိုၵ်း မိူင်းဢိတ်ႉသ်ရေႊ Eyal Zamir လၢတ်ႈဝႃႈ - ၵွၼ်ႇပႆႇႁွတ်ႈထိုင်ယိူင်းမၢႆၼႆႉ တိုၼ်းတေဢမ်ႇၵိုတ်းပၢင်တိုၵ်း ဝႃႈၼႆ။ မၼ်းၸၢႆးလၢတ်ႈၵႂႃႇ တီႈၼႂ်းတပ်ႉပၢင်သဝ်းသိုၵ်းၼၼ်ႉဝႃႈ - “ႁဝ်းၶႃႈ ႁၢင်ႈႁႅၼ်းဝႆႉတွၼ်ႈတႃႇ ပၢင်တိုၵ်း ဢၼ်တိုၵ်ႉသိုပ်ႇပဵၼ်ဝႆႉၼႆႉယူႇ။ လိူဝ်ၼၼ်ႉ တေတိူဝ်းႁဵတ်းသၢင်ႈ ၵၢၼ်တိုၵ်းတေႃးၵႂႃႇထႅင်ႈ။...

သိုၵ်းမၢၼ်ႈတင်း သိုၵ်းတဢၢင်း TNLA  သိုပ်ႇပဵၼ်ပၢင်တိုၵ်းၵၼ်ႁၢဝ်ႈႁႅင်း   ၵူၼ်းမိူင်းၼႂ်းဢိူင်ႇ ၼွင်ပိင် ၸႄႈဝဵင်းၵျွၵ်ႉမႄး  တႃႇ 20 ဝၢၼ်ႈပၢႆ လႆႈၶၢႆႉပၢႆႈ  ၵူၼ်းဝၢၼ်ႈလူင်ၵဵင် (ၵျွင်းၵုင်း) ဢိူင်ႇပၢင်ပဝ်း ဝဵင်းၵျွၵ်ႉမႄး ၶမ်ႇဝႆႉၼႂ်းၵႄႈပၢင်တိုၵ်း   100 ပၢႆ   ဝႃႈၼႆ ။ တႄႇႁၢင်လိူၼ် ဢေႃႊၵတ်ႉသ် ၼႆႉမႃး သိုၵ်းမၢၼ်ႈႁႅၼ်းသိုၵ်းၶဝ်ႈဝၢၼ်ႈၵျွင်းၵုင်း  ယူႇၼႂ်းဝၢၼ်ႈသေပႂ်ႉ...

ယၢမ်းလဵဝ် ၵူၼ်းမိူင်းၵျွၵ်ႉမႄး ၸိူဝ်းပၢႆႈၽေးသိုၵ်းႁွတ်ႈထိုင်မႃး တီႈဝဵင်းလႃႈသဵဝ်ႈၼႆႉ မီးပႃးမႄးမၢၼ်ႈ (မႄႈပႃးတွင်ႉ)လႄႈ မႄႈလုၵ်ႈဢွၼ်ႇလႅင် မိူဝ်ႈၽွင်းပၢႆႈမႃးၼၼ်ႉ ဢမ်ႇလႆႈဢဝ်သင်မႃးလႄႈ မီးလွင်ႈယၢပ်ႇၽိုတ်ႇဝႆႉ တင်းၼမ်။ ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “လုၵ်ႈဢွၼ်ႇၼႆႉ ၸိူဝ်းမီး ဢႃယု 4-5 ၶူပ်ႇ လူင်းတႂ်ႈၵေႃႈမီး၊ ၸိူဝ်းတိုၵ်ႉၵိူတ်ႇလႆႈ 4 ဝၼ်းၵေႃႈမီးၵေႃႉၼိုင်ႈ။...

သိုၵ်းမၢၼ်ႈတင်း သိုၵ်းတဢၢင်း TNLA တိုၵ်ႉသိုပ်ႇပဵၼ်ပၢင်တိုၵ်းၵၼ်ႁၢဝ်ႈႁႅင်း ႁိမ်းထုင်ႉၼွင်ပိင် ၸႄႈဝဵင်းၵျွၵ်ႉမႄးယူႇလႄႈ ၵူၼ်းမိူင်းတႃႇ 20 ဝၢၼ်ႈပၢႆ လႆႈၶၢႆႉဢွၵ်ႇၵႂႃႇယူႇဝႆႉတၢင်းဝၢၼ်ႈပုင်ႇဝူဝ်း၊ ႁၢႆးၵုၺ်၊ ၼမ်ႉႁၢင်ႈၶိူင်ႈ ၸိူဝ်းၼႆႉ ႁိုင်ၶၢဝ်းတၢင်းသွင်ဝူင်ႈပၢႆ ယၢမ်းလဵဝ် လူဝ်ႇတၢင်းၸွႆႈထႅမ်ဝႆႉထႅင်ႈ ၼႆယဝ်ႉ။ ၵူၼ်းမိူင်းၼိုင်ႈမိုၼ်ႇၵေႃႉပၢႆ ၸိူဝ်းပၢႆႈၽေးပၢင်တိုၵ်းဝႆႉၼၼ်ႉ ယၢမ်းလဵဝ် လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ်၊ ၶိူင်ႈယႃႈယႃ ၸိူဝ်းၼႆႉၵူၺ်းဢမ်ႇၵႃး တွၼ်ႈတႃႇလုၵ်ႈဢွၼ်ႇလႄႈ...

ထုင်းၵႂၢမ်းတႄႉမီးဝႃႈ ယၢႆႈၵၼ်ႁႅင်းယွမ်း ၽွမ်ႉၵၼ်ႁႅင်းယႂ်ႇၼႆလႄႈ ၸူဝ်ႈတႆးပႆႇၽွမ်ႉၵၼ်ၼႆႉတႄႉ ၶိူဝ်းတႆး တိုၼ်းတေယၢႆႈယူႇတိၵ်းတိၵ်း။ သဵၼ်ႈတၢင်း တႃႇတႆးတေၽွမ်ႉၵၼ် ၵေႃႈ ပႆႇႁၼ်။ ယွၼ်ႉႁဝ်းတႅၵ်ႇၵၼ်လႄႈ ၵူၼ်းတႆး ၼႂ်းမိူင်းတႆးၵေႃႈ ထုၵ်ႇပိူၼ်ႈပေႉၵိၼ်လူလၢႆ။ တႆးၸိူဝ်းပႃးၵႂႃႇၸွမ်း ၼႃႈလိၼ်ဢၼ်ထုၵ်ႇၸႅၵ်ႇပၼ် တၢင်ႇၸၢဝ်းၶိူဝ်းၼၼ်ႉၵေႃႈ လႆႈၼႃႈလဵၵ်ႉတႃဢွၼ်ႇ ထုၵ်ႇပိူၼ်ႈတဵၵ်းတဵင်လူလၢႆ ဢမ်ႇလႆႈယူႇၵတ်းယဵၼ်မႃးသေပွၵ်ႈ။  မိူၼ်ၼင်ႇ ဝဵင်းၽႃၵၢၼ်ႉ ဢၼ်ယူႇပွတ်းတွၼ်ႈၼိူဝ် မိူင်းႁူမ်ႈတုမ်မၢၼ်ႈၼႆႉၵေႃႈ ယၢမ်ႈပဵၼ်တီႈပီႈၼွင်ႉတႆး...

ယၢမ်းလဵဝ် ၵူၼ်းပၢႆႈၽေးသိုၵ်း ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး ႁူဝ်ၵူၼ်းမိုၼ်ႇပၢႆ ၸိူဝ်းလႆႈပၢႆႈၽေး ပၢင်တိုၵ်းဝႆႉၼၼ်ႉ ထူပ်းတၢင်းယၢပ်ႇၽိုတ်ႇလွင်ႈၶဝ်ႈၼမ်ႉတၢင်းၵိၼ်လႄႈ ယႃႈယႃ ၸိူဝ်းၼႆႉ ယွၼ်ႉပၢင်တိုၵ်းသေ ၵမ်ႈၽွင်ႈ ဢမ်ႇတၼ်းလႆႈႁၢင်ႈႁႅၼ်းသင် ၼႆယဝ်ႉ။ ၵူၼ်းပၢႆႈၽေးသိုၵ်း ထုင်ႉၼွင်ပိင် လၢတ်ႈတီႈၽူႈတွႆႇႁွၵ်ႈဝႃႈ - “ၶၼ်ၸႂ်ၶႃႈဢေႃႈ မၼ်းၵိုင်ႉၵၢင်ႉလႆႈပၢႆႈမႃးၶႃႈၼႃႇ မၢင်ၸိူဝ်းတၢင်းဢမ်ႇလႆႈမႃးၶူဝ်းလဵင်းၵွၼ်ႇဢေႃႈၼႆႉ။ မၼ်းၵိုင်ႉ ၵၢင်ႉပဵၼ်သေ ၵိုင်ႉၵၢင်ႉတူၵ်းၸႂ် ၼႃႇဢႃးလႃးၶႃႈဢေႃႈ။...

ၸူဝ်ႈယိုတ်းဢႃႇၼႃႇၸိုင်ႈမိူင်းမႃးၼႆႉ သိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း၊ ၶိူင်ႈတရူၼ်ႊ၊ ၶိူင်ႈၵွင်ႈလူင်ၵူႈသႅၼ်းသႅၼ်း လႄႈ ၸုတ်ႇၽဝ် ႁိူၼ်းယေးၵူၼ်းမိူင်း ။ ဢဝ်ၵူၼ်းမိူင်းႁဵတ်းပဵၼ်တူဝ်ယိူဝ်ႇ ၼႂ်းပၢင်တိုၵ်းသေ ယိုဝ်းၵူၼ်းမိူင်းတၢႆ မီးၸမ်မွၵ်ႈ 7000 ၵေႃႉ၊  ႁိူၼ်းၵူၼ်း မိူင်းလူႉၵွႆၵႂႃႇ သႅၼ်ပၢႆယဝ်ႉ ဝႃႈၼႆ။   ဝၼ်းတီႈ 25/08/2025  ၸုမ်းၸွႆႈထႅမ်ၵူၼ်းတူၵ်းၶွၵ်ႈ ၵၢၼ်မိူင်း AAPP...

ၶူဝ်ဢၼ်သုင်သုတ်းၼႂ်းဢေႊသျႃႊ ဢၼ်ၵိုၵ်းပိုၼ်းမႃး ၼႂ်းၶၢဝ်းတၢင်း 125 ပီ ၊ ဢၼ်တႆးႁွင်ႉဝႃႈ ၶူဝ်ၵိုတ်ႈၼႆၼၼ်ႉ လူႉၵွႆယွၼ်ႉၼမ်ႉမိုဝ်းၸုမ်းယိပ်းၵွင်ႈၵၢင်ႇၶဝ်ၵႂႃႇ ၼႂ်းဝၼ်းတီႈ 24/08/2025 ။ ဢိင်ၼိူဝ် လွင်ႈၶူဝ်ၵိုၵ်းပိုၼ်းမိူင်းတႆး လူႉၵွႆၼႆႉသေ ၵူၼ်းမိူင်းဢွၼ်ၵၼ် တႅမ်ႈတၢင်ႇလွင်ႈမၼ်းၼိူဝ်သိုဝ်ႇ ဢွၼ်ႊလၢႆႊပေႃးလၢႆးၸၢႆႉၸၢႆႉ။ ၼိုင်ႈၵေႃႉ ႁၼ်ထိုင်ၼိုင်ႈလွင်ႈလႄႈ ၸင်ႇဢွၵ်ႇၶေႃႈထဵင်ၵၼ်မႃး။ ၵူၼ်းမိူင်းမၢၼ်ႈထုင်ႉပဵင်းၵေႃႈ ႁၼ်ထိုင်လွင်ႈၼိုင်ႈ ၵူၼ်းမိူင်းတႆးသၼ်လွႆၵေႃႈ...

ရတ်ႉသျႃး ၸႂ်ႉတိုဝ်းၶိူင်ႈတရူၼ်ႊလႄႈ မၢၵ်ႇၼူၾႆးတၢင်းၼမ်သေ တိုၵ်းတေႃးၶဝ်ႈၼႂ်းပွတ်းတူၵ်း မိူင်းယူႊၶရဵၼ်ႊ၊ ပဵၼ်လွင်ႈတိုၵ်းတေႃး ဢၼ်ႁၢဝ်ႈႁႅင်းလိူဝ်ပိူၼ်ႈၼႂ်းဝူင်ႈဝၢင်ႈၼႆႉ - ၽူႈမီးပုၼ်ႈၽွၼ်း ၾၢႆႇမိူင်းယူႊၶရဵၼ်ႊ လၢတ်ႈၼင်ႇၼႆ။ ယွၼ်ႉလွင်ႈတိုၵ်းတေႃးၼႆႉသေ ၼႂ်းပိုၼ်ႉတီႈ ၸႃႇပူဝ်ႇရိတ်ႉၸီးယိူဝ်း၊ တီႇၼီႇပရူဝ်ႇပႅတ်ႉရွပ်ႉလႄႈ လႃႇပိတ်ႉ ၸိူဝ်းၼႆႉ မီးလွင်ႈတုမ်ႉတိူဝ်ႉလူႉသုမ်း၊ ၵူၼ်းမိူင်းလူႉတၢႆ ၵေႃႉၼိုင်ႈ။ တပ်ႉသိုၵ်း မိူင်းယူႊၶရဵၼ်ႊ လၢတ်ႈဝႃႈ - ရတ်ႉသျႃး ၸႂ်ႉတိုဝ်းၶိူင်ႈတရူၼ်ႊ၊...

ၼႂ်းၵၢင်လိူၼ်ဢေႃႊၵတ်ႊသ်ၼႆႉ သိုၵ်းမၢၼ်ႈ ၸႂ်ႉၶိူင်ႈၵွင်ႈလူင်၊ ႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၸွမ်းဝတ်ႉဝႃးၽႃသိူဝ်ႇ၊ ႁိူၼ်းယေးၵူၼ်းမိူင်း ၸိူဝ်းမီးၵူၼ်းမိူင်းယူႇသဝ်းလႄႈ ၸိူဝ်းၵူၼ်းမိူင်းဝဵင်းၼွင်ၶဵဝ်၊ ၵျွၵ်ႉမႄး ဢၼ်ပၢႆႈၽေးသိုၵ်းမႃးသွၼ်ႈယူႇဝႆႉ ၼႂ်းထုင်ႉၼွင်ပိင် ၸိူဝ်းၼႆႉၵေႃႈ တိူဝ်ႉၺႃးၸၢၵ်ႇမၢၵ်ႇ ထိုင်တီႈလႆႈလူႉတၢႆမၢတ်ႇၸဵပ်းၵႂႃႇ ဢမ်ႇယွမ်း 60 ၵေႃႉ။ ယၢမ်းလဵဝ် ၵူၼ်းမိူင်းၼႂ်းထုင်ႉၼွင်ပိင်လႄႈ ၵူၼ်းပၢႆႈၽေးသိုၵ်းၸိူဝ်းၼႆႉ ဢွၼ်ၵၼ်ပၢႆႈဢွၵ်ႇၼႂ်းထုင်ႉ ၼွင်ပိင်ၵႂႃႇၵူႈၾၢႆႇၵူႈတၢင်း။ ၵမ်ႈၽွင်ႈ ပၢႆႈၵႂႃႇတၢင်း...

သိုၵ်းမၢၼ်ႈယိုတ်းမိူင်းသေ ဝၢၼ်ႈမိူင်းသုၵ်ႉယုင်ႈဢူၼ်ၵဝ်း၊ ၸုမ်းသိုၵ်းၼႂ်းမိူင်းၼင်ႇၵၼ် ႁိမ်ၸိင်းဢွင်ႈတီႈၵၼ် ၸုမ်းလႂ်ၵေႃႈၶႂ်ႈမီးဢႃႇၼႃႇယႂ်ႇလူင်သေဢဝ်ပေႉပုၼ်ႈၵဝ်ပုၼ်ႈမႂ်း။ ၵူၼ်းမိူင်းတႄႉ တေယူႇၵေႃႈၵူဝ် တေပၢႆႈသမ်ႉဢမ်ႇလွတ်ႈတုၵ်ႉ။ မိူၼ်ၼင်ႇ ၵူၼ်းမိူင်းတႆးပွတ်းႁွင်ႇၼႆႉ ၸဵမ်မိူဝ်ႈၽႅၼ်ယၼ်ႇသိုၵ်း 1027 တႄႇၼၼ်ႉသေ ၵူၼ်းမိူင်းၵမ်ႈၼမ် ႁိူၼ်းဢမ်ႇလႆႈယူႇ ၵူႇဢမ်ႇလႆႈၼွၼ်း ၵုမ်ႇလႆႈပၢႆႈၽေးသိုၵ်းၵူၺ်း။ ၵၢၼ်ႁႃၵိၼ်လဵင်ႉတွင်ႉၵေႃႈ ဢမ်ႇၸၢင်ႈႁဵတ်းႁႃသင်လႄႈ ၸိူဝ်းပၢႆႈသွၼ်ႈယူႇၼႂ်းမိူင်းၶႄႇၵေႃႈ မီးတင်းၼမ်။ ၵူၼ်းၸိူဝ်းႁွတ်ႈ မိူင်းၶႄႇၵေႃႈ ဢမ်ႇလွတ်ႈတၢင်းမႆႈၸႂ်။ တႃႇတေယူႇလွတ်ႈလႆႈၵႂႃႇၵူႈဝၼ်းဝၼ်းၵေႃႈ...