ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈ ၸုမ်းဢွၼ်ႁူဝ်ဢုပ်ႇဢူဝ်းၵၢၼ်မိူင်း PPST  ၸုမ်းၵိုတ်းတိုၵ်းတူဝ်ႈမိူင်း NCA-S EAO ၸတ်းႁဵတ်း ပၢင်ၵုမ်လူင် တၢင်း Online သေ မွၵ်ႇလၢတ်ႈၶေႃႈၵႂၢမ်းဝႃႈ - “တေယူႇၾၢႆႇပေႃႈမႄႈၵူၼ်းမိူင်း၊ တေႁူမ်ႈမိုဝ်းၸွမ်း ၸုမ်းဢၼ် ၸုၵ်းမၼ်ႈႁဵတ်းသၢင်ႈ တႃႇပေႃႈမႄႈၵူၼ်းမိူင်းၵႂႃႇ”- ဝႃႈၼႆ။ ဝၼ်းတီႈ 11-12/3/2021 ယူႇတီႈ ၸုမ်းယိပ်းၵွင်ႈၵၢင်ႇ...

ဝၼ်းမိူဝ်ႈၼႆႉ 9/3/2021 ယၢမ်းဝၢႆးဝၼ်း ၶွင်ႇသီႇဢဝ်ၶိုၼ်းၸိုင်ႈတႆး တပ်ႉသိုၵ်းၸိုင်ႈတႆး RCSS/SSA တင်း ၶွမ်ႊမတီႊတႅၼ်းတၢင်သၽႃးမိူင်းႁူမ်ႈတုမ် CRPH ႁူပ်ႉထူပ်းၵၼ် တင်းဢွၼ်ႊလၢႆႊ  လူၺ်ႈဢမ်ႇပဵၼ်တၢင်းၵၢၼ်။ ပၢင်ႁူပ်ႉထူပ်းဢုပ်ႇဢူဝ်းၵၼ်ၼၼ်ႉ ၸဝ်ႈသိုၵ်းလူင်ၸၢႆးငိုၼ်း ၽူႈၼမ်းၼႂ်း (2) ၶွင်ႇသီႇဢဝ်ၶိုၼ်းၸိုင်ႈတႆး RCSS/SSA ဢွၼ်ႁူဝ်သေ မီးၽူႈၶဝ်ၵေႃပွင်ၵၢၼ်ငဝ်ႈငုၼ်း ၸဝ်ႈသိုၵ်းၸၢႆးႁၢၼ်၊ ၸၢႆးလႅင်း ၶဝ်ႈႁူမ်ႈၸွမ်း။ ထႅင်ႈၾၢႆႇၼိုင်ႈသမ်ႉ ၽူႈၶဝ်ၵေႃပွင်ၵၢၼ်ငဝ်ႈငုၼ်း ပႃႇတီႇၼူၵ်ႉယုင်း...

လိၵ်ႈဢၼ် ၸႂ်ႉၸိုဝ်ႈႁွင်ႈၵၢၼ်ၾၢႆႇၼွၵ်ႈမိူင်း RCSS ယိုၼ်ႈထိုင် တွၵ်ႊတိူဝ်ႊသႃႊသႃႊ ၵဵဝ်ႇၵပ်းလွင်ႈတေႁူမ်ႈမိုဝ်းၵၼ်ႁဵတ်းၵၢၼ်ၵႂႃႇၼၼ်ႉ ဢမ်ႇၸႂ်ႈၶေႃႈၸီႉသင်ႇ ႁူဝ်ပဝ်ႈ RCSS ၸွမ်သိုၵ်းလူင်ယွတ်ႈသိုၵ်း ဝႃႈၼႆ။ ဝၼ်းတီႈ 6/3/2021 မိူဝ်ႈၼႆႉမီးလိၵ်ႈၽိုၼ်ႈၼိုင်ႈ ယိုၼ်ႈထိုင် တွၵ်ႊတိူဝ်ႊသႃႊသႃႊ ၽူႈတႅၼ်းတၢင်မိူင်းမၢၼ်ႈ CRPH ၵဵဝ်ႇလူၺ်ႈၸၢတ်ႈၸိုင်ႈလုမ်ႈၾႃႉၵဵဝ်ႇၵပ်းလွင်ႈတႃႇသၢၼ်မိုဝ်းၵၼ်ႁဵတ်းၵၢၼ်ၵႂႃႇ။ တီႈၽိုၼ်လိၵ်ႈၼၼ်ႉ တွၵ်ႇဝႆႉမၢႆ (လူဝ်ႊၵူဝ်ႊ) ႁွင်ႈၵၢၼ်ၾၢႆႇၼွၵ်ႈမိူင်း ၶွင်ႇသီႇဢဝ်ၶိုၼ်းၸိုင်ႈတႆးတပ်ႉသိုၵ်းၸိုင်ႈတႆး RCSS/SSA...

ၵူၼ်းမိူင်း မွၵ်ႈ 300 တီႈၸႄႈဝဵင်းၵျွၵ်ႉမႄး ၶမ်ၼႂ်းၵႄႈပၢင်တိုၵ်းသေ လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ် ႁၢဝ်ႈႁႅင်း ဝႃႈၼႆ။  ၸုမ်း ဢူၺ်းလီ ပွတ်းႁွင်ႇ TNLA, SSPP ပိုတ်းယိုဝ်းၵၼ်တင်း RCSS တၢင်းၾၢႆႇႁွင်ႇ ၸႄႈဝဵင်းၵျွၵ်ႉမႄး   ၵူၼ်းဝၢၼ်ႈ တေႃႉသၢင်ႇ ႁူဝ်ၵူၼ်း 180 ၵေႃႉ တင်း...

ၸုမ်းယိပ်းၵွင်ႈ ၸၢဝ်းၶိူဝ်း ၼႂ်းမိူင်းတႆး ၼင်ႇၵၼ် ယိုဝ်းၵၼ် ၼႂ်း ၸႄႈဝဵင်းၼမ်ႉတူႈ ထပ်းၵၼ်မႃးလၢႆ ဝၼ်း။ မၢၵ်ႇလူင်တူၵ်းသႂ်ႇႁိူၼ်းယေးၾႆးမႆႈတင်းလင် ၊ ၺႃးၸၢၵ်ႇ ၺႃးမၢၵ်ႇလႄႈ ၵူၼ်းမိူင်းလူႉတၢႆ ၵေႃႈမီး။ မိူဝ်ႈဝၼ်းတီႈ 3/3/2021 ၼႆႉ ၼၢင်းဢေးၼၢင်း ဢႃႇယု 35 ၊ ၵူၼ်းဝၢၼ်ႈၼွင်ဢေႃႈ ဢိူင်ႇၼမ်ႉတွင်ႈၵူင်း...

ၵေႃလိၵ်ႈလၢႆး လႄႈၾိင်ႈငႄႈတႆး ၸၼ်ႉၸွမ်တင်းလူင် ပတ်းပိုၼ်ႉ မိူင်းႁူမ်ႈတုမ် ဢွၵ်ႇလိၵ်ႈပိုၼ်ၽၢဝ် တုၵ်းယွၼ်းႁႂ်ႈႁူဝ်ၼႃႈ တပ်ႉသိုၵ်းတႆး 2 ၸုမ်း ႁူပ်ႉထူပ်းဢုပ်ႇဢူဝ်းၵၼ်။ မိူဝ်ႈဝၼ်းတီႈ 18/2/2021 ပူၼ်ႉမႃးၼႆႉ ယူႇတီႈၵေႃလိၵ်ႈလၢႆးလႄႈၾိင်ႈငႄႈတႆး ၸၼ်ႉၸွမ်တင်းလူင် မိူင်းႁူမ်ႈတုမ် ႁူမ်ႈၵၼ် ဢွၵ်ႇလိၵ်ႈ တႅမ်ႈထွင်ၸူး တပ်ႉသိုၵ်းၸိုင်ႈတႆး သွင်ၸုမ်း ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/SSA...

ပၢင်တိုၵ်းၼႂ်းၵႄႈသိုၵ်းဢူၺ်းလီပွတ်းႁွင်ႇလႄႈ RCSS ပိုတ်းယိုဝ်းၵၼ်ၼႂ်းၸႄႈဝဵင်းၼမ်ႉတူႈ၊ ၸၢၵ်ႇမၢၵ်ႇတိူဝ်ႉၺႃး ၼၢင်းယိင်း 2ၵေႃႉ တၢႆၵေႃႉၼိုင်ႈလႄႈယူတ်းယႃတူဝ်ဝႆႉ ၵေႃႉၼိုင်ႈ ။ မိူဝ်ႈၼႆႉဝၼ်းတီႈ3/3/2021 ပၢင်တိုၵ်းပဵၼ်တီႈမၢၼ်ႈၸၢမ်ႁၢဝ်ႈႁႅင်း ။  မၢၵ်ႇလူင်တူၵ်းႁိမ်းမၼ်းၼၢင်းၽွင်းယူႇၼႂ်းသူၼ် ၸၢၵ်ႇမၢၵ်ႇတိူဝ်ႉၸႂ်ႇၼႃႈၽၢၵ်ႇလႄႈ ၸွမ်းတူဝ်။ ယၢမ်းလဵဝ်သူင်ႇယူတ်းယႃတူဝ်ဝႆႉတီႈႁူင်းယႃသိုၵ်း ဝဵင်းလႃႈသဵဝ်ႈ။ ၵူၼ်းမၢၼ်ႈၸၢမ်ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -“ ၸိုဝ်ႈမၼ်းႁွင်ႉဢေးၼၢင်း ပဵၼ်ၵူၼ်းဝၢၼ်ႈၼွင်ဢေႃႈ  ဢိူင်ႇၼမ်ႉတွင်ႈၵူင်း ။ ဢႃယုတေမီးမွၵ်ႈ 35 ပီ။ မၢၵ်ႇတူၵ်းသႂ်ႇႁိမ်းမၼ်းၽွင်းမၼ်းၵဵပ်းမွၵ်ႇတီႈသူၼ်...

ဢိင်ၼိူဝ် လွင်ႈၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၼႂ်းမိူင်းတႆး ပိုတ်းယိုဝ်းၵၼ် ႁၢဝ်ႈႁႅင်း သေ ၵူၼ်းပၢႆႈၽေးသိုၵ်း တီႈဢိူင်ႇ တေႃႉသၢင်ႇ ႁူဝ်ၵူၼ်း ၸမ်သွင်ပၢၵ်ႇ လူဝ်ႇတၢင်း ၸွႆႈထႅမ် ႁၢဝ်ႈႁႅင်း  ။ တႄႇဢဝ် ၵၢင်လိူၼ်ၾႅပ်ႊၿိဝ်ႊရီႊ 2021 မႃး တေႃႇထိုင် ယၢမ်းလဵဝ် ၸုမ်းဢူၺ်းလီ ပွတ်းႁွင်ႇ TNLA, SSPP...

ဢိင်ၼိူဝ် ၸုမ်းဢူၺ်းလီပွတ်းႁွင်ႇ TNLA, SSPP တင်း RCSS ပဵၼ်ပၢင်တိုၵ်းၵၼ် မႃးႁၢဝ်ႈႁႅင်းသေ မၢၵ်ႇလူင် တူၵ်းသႂ်ႇ ၼႂ်းဝၢင်းႁိူၼ်းယေး ၵူၼ်းဝၢၼ်ႈ တီႈဝဵင်းၼမ်ႉတူႈ ထႅင်ႈလုၵ်ႈၼိုင်ႈ ဢမ်ႇတၼ်းတႅၵ်ႇ ဝႃႈၼႆ။ ဝၼ်းတီႈ 28/2/2021 မၢၵ်ႇလူင် တူၵ်းသႂ်ႇ ၼႂ်းဝၢင်းႁိူၼ်း ၵူၼ်းဝၢၼ်ႈၼွင်ဢေႃႈ လုၵ်ႈၼိုင်ႈ ဢၼ်မီးတၢင်းၾၢႆႇႁွင်ႈ မၢၼ်ႈ...

ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈဝတ်ႉ/ ၵျွင်းၶမ်းမုင်ႈသႃႇ တင်း ဝတ်ႉပူပ်ႉပႃႇရူင်ႇ ႁူဝ်ၵူၼ်း 150 ပၢႆ လူဝ်ႇတၢင်းၸွႆႈထႅမ်ၶဝ်ႈၼမ်ႉတၢင်းၵိၼ် ႁၢဝ်ႈႁႅင်း ။ ဝၼ်းတီႈ 28/2/2021   ၸုမ်းဢူၺ်းလီပွတ်းႁွင်ႇ TNLA, SSPP တင်း RCSS ပဵၼ်ပၢင်တိုၵ်းၵၼ်ႁၢဝ်ႈႁႅင်းၼႂ်းဢိူင်ႇမၢၼ်ႈၸၢမ်၊ ၵူၼ်းဝၢၼ်ႈ ပွၵ်ႉႁွင်ႇ တင်း ပွၵ်ႉၸၢၼ်း  ၵႂႃႇ သွၼ်ႈဝႆႉတၢင်းမိူင်းမူႉ၊...

ဝၼ်းတီႈ 28/2/2021 ယၢမ်းၵၢင်ဝၼ်း မွၵ်ႈ 12 မူင်း မၢၵ်ႇလူင်လုၵ်ႈၼိုင်ႈ တူၵ်းတႅၵ်ႇ သႂ်ႇၼႂ်းဝၢင်းႁိူၼ်းယေးၵူၼ်း ဝၢၼ်ႈ တီႈမၢၼ်ႈၸၢမ် ပွၵ်ႉႁွင်ႇ ၸႄႈဝဵင်းၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ယွၼ်ႉသိုၵ်း TNLA, SSPP တင်း RCSS ပိုတ်းယိုဝ်းၵၼ် ႁၢဝ်ႈႁႅင်း ၼႆယဝ်ႉ။ ၵူၼ်းမၢၼ်ႈၸၢမ် ၵေႃႉၼိုင်ႈ...

မိူင်းတႆးပွတ်းႁွင်ႇ ၼႂ်းၸႄႈဝဵင်းၼမ်ႉတူႈ ၼၼ်ႉ ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၼႂ်းမိူင်းတႆးၼင်ႇၵၼ် ယိုဝ်းၵၼ် မၢၵ်ႇလူင် တူၵ်းသႂ်ႇႁိူၼ်းၵူၼ်းဝၢၼ်ႈ လင်ၼိုင်ႈ လူႉၵွႆ ဝႃႈၼႆ။ ဝၼ်းတီႈ 24/2/2021 ယၢမ်းၵၢင်ၶမ်ႈမွၵ်ႈ 8 မူင်းၼႆႉ ၸုမ်းသိုၵ်းဢူၺ်းလီပွတ်းႁွင်ႇ ဢၼ်မီးသိုၵ်း TNLA , SSPP တင်း ၸုမ်းသိုၵ်း RCSS ဝႅတ်ႉလွမ်ႉလေႃႇတိုၵ်းၵၼ်၊ မၢၵ်ႇလူင်တူၵ်းသႂ်ႇႁိူၼ်းၵူၼ်းမိူင်း...

ၵူၼ်းပၢႆႈၽေးသိုၵ်း တီႈၵျွၵ်ႉမႄး ႁူဝ်ၵူၼ်း 1,000 ပၢႆ ထိုင်ယၢမ်းလဵဝ် ပႆႇၸၢင်ႈပွၵ်ႈႁိူၼ်းယေး   ၸုမ်းယိပ်းၵွင်ႈၵၢင်ႇၼင်ႇၵၼ် ၶဵင်ႈၶႅင်ၵၢၼ်သိုၵ်းတေႃႇၵၼ်ယူႇ ဝႃႈၼႆ။ တႄႇဢဝ် ၵၢင်လိူၼ်ၾႅပ်ႊၿိဝ်ႊရီႊ 2021 ၼႆႉမႃး ၸုမ်းဢူၺ်းလီပွတ်းႁွင်ႇ TNLA, SSPP တင်း RCSS ပဵၼ်ပၢင်တိုၵ်းၵၼ် ႁၢဝ်ႈႁႅင်း တၢင်းပွတ်းဢိူင်ႇတေႃႉသၢင်ႇ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။...

ပၢင်ၼႄၵၢင်ၸႂ်သၢၼ်ၶတ်းတေႃႇသိုၵ်းမၢၼ်ႈယိုတ်းဢႃႇၼႃႇ ဢၼ်ပဵၼ်ယူႇ သင်ဝႃႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၶဝ်ႈပႃး ဢဝ်ႁူမ်ႇလူမ်ႈပၼ်ၵူၼ်းမိူင်းၸိုင် တေၸၢင်ႈတူၵ်းလွၵ်းသိုၵ်းမၢၼ်ႈၵႂႃႇ တၢင်းၾၢႆႇ RCSS လၢတ်ႈ။ ဝၢႆးသေ သိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းမႃး မိူဝ်ႈဝၼ်းတီႈ 1/2/2021 ၼၼ်ႉသေ ယူႇတီႈၵူၼ်းမိူင်း ၼႂ်းမိူင်းႁူမ်ႈတုမ် ပတ်းပိုၼ်ႉ ႁူမ်ႈပႃး ၼႂ်းမိူင်းတႆး ဢွၼ်ၵၼ်ဢွၵ်ႇ ၼႄၵၢင်ၸႂ် သၢၼ်းၶတ်းတေႃႇသိုၵ်းမၢၼ်ႈမႃး ႁၢဝ်ႈႁႅင်း ယူႇတီႈၾၢႆႇပ...

သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃးလႆႈ 20 ဝၼ်းပၢႆၼႆႉ သိုၵ်းမၢၼ်ႈႁႅၼ်းသိုၵ်းလေႃႇတိုၵ်း RCSS ၼႂ်းၸိုင်ႈတႆးပွတ်းႁွင်ႇ ႁၢဝ်ႈႁႅင်း   ၾၢႆႇသိုၵ်းမၢၼ်ႈ မီးလွင်ႈမၢတ်ႇၸဵပ်းလူႉတၢႆၼမ် ၽူႈၶၢၼ်ပၢၵ်ႇ RCSS လၢတ်ႈ။ မိူဝ်ႈၼႆႉ ဝၼ်းတီႈ 22/2/2021 ယူႇတီႈၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ဢွၵ်ႇလိၵ်ႈပိုၼ်ၽၢဝ်ႇ လွင်ႈငဝ်းလၢႆးဝၢႆးသိုၵ်းမၢၼ်ႈ ယိုတ်းဢႃႇၼႃႇမႃး ။  လိၵ်ႈပိုၼ်ၽၢဝ်ႇၼၼ်ႉမီး...