ၸႄႈဝဵင်းတႃႈၶီႈလဵၵ်း

မၢၵ်ႇတႅၵ်ႇတီႈႁိမ်းၼၢႆႉၵလၢပ်ႉ  ႁၢၼ်ႉၵိၼ်ၵျေႃႇသိူဝ်းမူၼ်ႈၵၢင်ၶိုၼ်း   ၵျီးမျၢတ်ႉတေႃးသူၺ်ႇမျိၼ်း  ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆး ပွတ်းဢွၵ်ႇၶူင်း မီးလွင်ႈပိုတ်းယိုဝ်းၵၼ် သေ မၢၵ်ႇတႅၵ်ႇ 2 လုၵ်ႈထပ်းၵၼ် ဝႃႈၼႆ။ မိူဝ်ႈဝႃး ဝၼ်းတီႈ 6/6/2021 ယၢမ်းၵၢင်ၶမ်ႈမွၵ်ႈ 8 မူင်းၶိုင်ႈၼႆႉ မၢၵ်ႇတႅၵ်ႇတီႈ ၵျီးမျၢတ်ႉတေႃးသူၺ်ႇမျိၼ်း  (King Horse Fly Pub 6888)...

ဝၢႆးသေ ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ယိုတ်းဢႃႇၼႃႇ ၸိုင်ႈမိူင်းမႃး ၽူႈလၵ်ႉၵူၼ်းၸူၼ် လိူင်ႇၼမ် ၼႂ်းၸႄႈဝဵင်းတႃႈၶီႈလဵၵ်း ၽူႈမီးပုၼ်ႈၽွၼ်း ပလိၵ်ႈယေး ဢမ်ႇတွၼ်ႉတီႉၺွပ်းလႆႈ တူဝ်ၵူၼ်းႁၢႆႉသေပွၵ်ႈ    ၵူၼ်းမိူင်း မႆႈၸႂ် ယွၼ်ႉဢမ်ႇမီးလွင်ႈႁူမ်ႇလူမ်ႈ ၼႆယဝ်ႉ။ ၵူၼ်းၼုမ်ႇ   တႃႈၶီႈလဵၵ်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈသိုၵ်းမၢၼ်ႈ ပႆႇယိုတ်းဢႃႇၼႃႇၼၼ်ႉ ၵူၼ်း လၵ်ႉ/ၸူၼ်ၼႆႉ...

ၶွမ်ႊပၼီႊႁူင်ပင်း  တဵၵ်းဢဝ်လၢႆ တီႈလိၼ် ၵူၼ်းမိူင်းတႃႈၶီႈလဵၵ်းၵူၺ်းဢမ်ႇၵႃး ၼႄးဝႃႈၸဝ်ႈ သြႃႇ ဝတ်ႉႁွင်ႈလိုၵ်ႉ   ဢွၼ်ႁူဝ်ၵူၼ်းဝၢၼ်ႈ ယႃႉႁူဝ်ႉတီႈလိၼ်ၶဝ်ၼႆသေ ဢဝ်လိူင်ႈၸွႆးတြႃးထႅင်ႈ။ မိူဝ်ႈဝၼ်းတီႈ 24/5/2021 ၼႆႉ ၾၢႆႇသင်ၶၼႃႇယၵ ဝတ်ႉသၢႆမိူင်း လႆႈသူင်ႇလိၵ်ႈၸူး ၸဝ်ႈသြႃႇပၢၼ်းသူၺ်ႇ ၽူႈၵွၼ်းဝတ်ႉ ႁွင်ႈလိုၵ်ႉဝၢၼ်ႈႁွင်ႇ ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ။ တႅမ်ႈဝႆႉဝႃႈ ၵဵဝ်ႇလူၺ်ႈလွင်ႈ ၸဝ်ႈသြႃႇဢွၼ်ႁူဝ်ၵူၼ်းဝၢၼ်ႈ...

ၼေႃႇၽူႈတႅၼ်းသၽႃး ပႃႇတီႇႁူဝ်သိူဝ် SNLD ၸႄႈဝဵင်းတႃႈၶီႈလဵၵ်း ၵေႃႉၼိုင်ႈ ထုၵ်ႇၶွင်ႇသီႇသိုၵ်းမၢၼ်ႈ ၸွႆးတြႃးလူၺ်ႈ မတ်ႉတႃ 505 (က)  ။ မိူဝ်ႈဝၼ်းတီႈ 12/4/2021 ယၢမ်းၵၢင်ၶမ်ႈ ယူႇတီႈၶွင်ႇသီႇသိုၵ်းမၢၼ်ႈမိူၵ်ႈမႂ်ႈ ပိုၼ်ၽၢဝ်ႇ သဵၼ်ႈၸိုဝ်ႈ ၵူၼ်းမိူင်းႁူမ်ႈတုမ် ၸိူဝ်းထုၵ်ႇၸွႆးတြႃးလူၺ်ႈ မတ်ႉတႃ 505 (က) ။ ၼႂ်းၼၼ်ႉ ပႃးသဵၼ်ႈၸိုဝ်ႈၼၢင်းပိၼ်းတိပ်ႉ...

ၵူၼ်းၼုမ်ႇဝဵင်းတူၼ်ႈတီး ပိုၼ်ၽၢဝ်ႇႁၢမ်ႈလဵၼ်ႈၼမ်ႉ သၢင်ႈၵျၢၼ်ႇ လိူၼ်ႁႃႈ ဢၼ်သိုၵ်းမၢၼ်ႈယိုတ်းမိူင်းဢွၼ်ၼမ်းၸတ်းႁဵတ်း။ ၼႂ်းဝူင်ႈတေမႃး တႄႇဢဝ် ဝၼ်းတီႈ 13-17/4/2021 ပဵၼ်ၶၢဝ်းသွၼ်းၼမ်ႉလိူၼ်ႁႃႈလႄႈ သိုၵ်းမၢၼ်ႈ  ႁၢင်ႈႁႅၼ်း တႃႇၸတ်းႁဵတ်းပၢင်ပွႆးလဵၼ်ႈၼမ်ႉသွၼ်းၼမ်ႉမူၼ်ႈၵျေႃႇ။  ပဵၼ်ၽွင်းၵူၼ်းမိူင်း ပတ်းပိုတ်ႉ ၸိုင်ႈ မိူင်း တိုၵ်ႉဢွၵ်ႇၼႄၵၢင်ၸႂ်သၢၼ်ၶတ်းသိုၵ်းယိုတ်းဢႃႇၼႃႇသေ တိုၵ်ႉဢွၼ်ၵၼ်ၶတ်းၸႂ် တႃႇၻီႊမူဝ်ႊၶရေႊသီႊယူႇ လႄႈ ၵူၼ်းၼုမ်ႇဝဵင်းတူၼ်ႈတီး  ဢွၵ်ႇလိၵ်ႈ ပိုၼ်ၽၢဝ်ႇ တေဢမ်ႇပဵၼ်လဵၼ်ႈၼမ်ႉသၢင်းၵျၢၼ်ႇလိူၼ်ႁႃႈ...

မၢၵ်ႇတႅၵ်ႇႁိမ်းလုမ်းပလိၵ်ႈၸႄႈတွၼ်ႈ တႃႈၶီႈလဵၵ်းလႄႈ ပလိၵ်ႈပိၵ်ႉဢိုတ်းတၢင်း ၵူတ်ႇထတ်းၵူၼ်းၵႂႃႇမႃးႁၢဝ်ႈႁႅင်း။ မိူဝ်ႈဝႃး ဝၼ်းတီႈ 1/4/2021 ယၢမ်းႁူဝ်ၶမ်ႈ 6 မူင်းပၢႆ မၢၵ်ႇတႅၵ်ႇ 3 လုၵ်ႈ တီႈႁိမ်းလုမ်းပလိၵ်ႈမၢၼ်ႈ ၸႄႈတွၼ်ႈ ဢၼ် မီး ဝႆႉၼႂ်းပွၵ်ႉမႄႈၶၢဝ် ၸႄႈဝဵင်းတႃႈၶီႈလဵၵ်း ၸိုင်ႈတႆး ပွတ်းႁွင်ႇၶူင်း  ။ ၵူၼ်း  တႃႈၶီႈလဵၵ်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ...

ၽၵ်းတူ ၶဝ်ႈဢွၵ်ႇ လႅၼ်လိၼ်တႆး - ထႆး ဢၼ်ပဵၼ်တၢင်း ၵၢႆႇၸူး ၶၢမ်ႈၶဝ်ႈဢွၵ်ႇ ၵႂႃႇမႃးႁႃၵၼ် တီႈတႃႈၶီႈလဵၵ်း - မႄႈသၢႆ ၼၼ်ႉ တႃႇႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ၼႆသေၾၢႆႇထႆးပိၵ်ႉဢိုတ်းမႃး မီးၶၢဝ်းတၢင်း ၼိုင်ႈပီတဵမ် မိူဝ်ႈၼႆႉ   ယင်းပႆႇပိုတ်ႇပၼ်ၶိုၼ်း။ တႄႇဢဝ်ဝၼ်းတီႈ 23/3/2020 မႃး တေႃႇထိုင် ဝၼ်းတီႈ...

မိူဝ်ႈၼႆႉ ဝၼ်းတီႈ 19/3/2021 ယၢမ်းၵၢင်ဝၼ်း ၶွင်ႇသီႇသိုၵ်းမၢၼ်ႈ လမ်းတီႉၺွပ်း ၵူၼ်းမိူင်းၼႄၵၢင်ၸႂ် သၢၼ်ၶတ်းတေႃႇ သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်း တင်းမူတ်း 6 ၵေႃႉ ဝႃႈၼႆ။ ၵူၼ်းပိုၼ်ႉတီႈ တႃႈၶီႈလဵၵ်း လၢတ်ႈဝႃႈ - “သိုၵ်းမၢၼ်ႈ  လမ်းတီႉ ၵူၼ်းၼုမ်ႇ/ ၵူၼ်းမိူင်း ၼႄၵၢင်ၸႂ်မႃးၼႆႉ မီးၶၢဝ်း...

ပၢင်ၼႄၵၢင်ၸႂ် တီႈမူႇၸေႊ မိူဝ်ႈၼႆႉ ပလိၵ်ႈ/ သိုၵ်းမၢၼ်ႈ  တႄႇၸႂ်ႉလၢႆးႁုၵ်ႉႁၢႆႉ ယိုဝ်းၵွင်ႈ မၢၵ်ႇယၢင် ပွႆႇမၢၵ်ႇၵႅတ်ႉသ် ၼမ်ႉတႃ တေႃႇ ၵူၼ်းမိူင်းၼႄၵၢင်ၸႂ်   ။ မိူဝ်ႈၼႆႉ ဝၼ်းတီႈ 8/3/2/2021 ယၢမ်းၵၢင်ၼႂ် ၵူၼ်းမိူင်းမူႇၸေႊ ႁူမ်ႈၵၼ်ၼႄၵၢင်ၸႂ် ထႅင်ႈ။ ဢဵၼ်ႁႅင်းၵူၼ်းမိူင်းမီးၼမ်လိူဝ်တၢင်ႇဝၼ်း။  ပလိၵ်ႈ/ သိုၵ်း မၢၼ်ႈ တႄႇၸႂ်ႉလၢႆးႁုၵ်ႉႁၢႆႉ...

မိူင်းတႆး ပွတ်းဢွၵ်ႇၶူင်း 10 ၸႄႈဝဵင်း ဢၼ်ႁႅင်းပႃႇတီႇသၢင်ႇသီႈလႄႈၼူၵ်ႉယုင်းၼမ်ၼၼ်ႉ မၢႆတွင်းဝၼ်း 2 ႁႃႈတူဝ်ၼႆသေ ဢွၵ်ႇၼႄၵၢင်ၸႂ်သၢၼ် ၶတ်းတေႃႇသိုၵ်းမၢၼ်ႈယိုတ်းဢႃႇၼႃႇ ၸွမ်းလၢႆလၢႆဝဵင်းပတ်းပိုၼ်ႉၸိုင်ႈမိူင်း တႃႇ  2 ၸႄႈဝဵင်း   ။ မိူဝ်ႈၼႆႉ ဝၼ်းတီႈ 22/2/2021  ၼႆႉ 2  ၸႄႈဝဵင်းပွတ်းဢွၵ်ႇၶူင်း ဢၼ်ဢွၵ်ႇၼႄၵၢင်ၸႂ်သၢၼ်ၶတ်းသိုၵ်းမၢၼ်ႈတႄႉပဵၼ်  ၸႄႈဝဵင်းတႃႈၶီႈလဵၵ်း တင်း ၸႄႈဝဵင်းၵဵင်းတုင်။ ၵူၼ်းမိူင်းတႃႈၶီႈလဵၵ်းလၢတ်ႈတီႈၽူႈတွႆႇႁွၵ်ႈဝႃႈ...

ၸိူင်ႉၼင်ႇ ဝဵင်းယႂ်ႇဝဵင်းလူင် လၢႆလၢႆဝဵင်း တွႆႇမေႃႇ တွႆႇၵၢၵ်ႇ ၼႄၵၢင်ၸႂ် ဢမ်ႇၽွမ်ႉၸွမ်း ဢၼ်ၸုမ်းသိုၵ်းမၢၼ်ႈ  ယိုတ်းဢႃႇၼႃႇၸိုင်ႈမိူင်းၼၼ်ႉ ၵူၼ်းမိူင်းၸိူဝ်း ၵမ်ၼမ် ဢမ်ႇၽွမ်ႉၸွမ်း တွႆႇမေႃႈတွႆႇဢၢင်ႇ ၼႄၵၢင်ၸႂ် ၸွမ်းလူၺ်ႈလၢႆးၵတ်းယဵၼ်။ ဝၼ်းတီႈ 4/2/2021 ယၢမ်းၵၢင်ၶမ်ႈ 8 မူင်း ၵူၼ်းမိူင်း ၼႂ်းၸႄႈဝဵင်းတႃႈၶီႈလဵၵ်း၊ တူၼ်ႈတီး၊ လႃႈသဵဝ်ႈ၊ မူႇၸေႊ...

သဵၼ်ႈတၢင်းၶဝ်ႈဢွၵ်ႇဝဵင်း ၼႂ်းမိူင်းတႆး လၢႆတီႈလႄႈ ၸွမ်းလႅၼ်လိၼ် သိုၵ်းမၢၼ်ႈ ပိၵ်ႉဢိုတ်း ဢမ်ႇပၼ်ၶဝ်ႈဢွၵ်ႇၵႂႃႇမႃး  ။ မိူဝ်ႈၼႆႉ ဝၼ်းတီႈ 1/2/2021 ယၢမ်းၵၢင်ၼႂ်ၸဝ်ႉမွၵ်ႈ 5 မူင်းၶိုင်ႈ သိုၵ်းမၢၼ်ႈ ဢဝ်တီႈယူႇဝႆႉ ၸွမ်းတၢင်းၶဝ်ႈဢွၵ်ႇဝဵင်း ၼႂ်း မိူင်းတႆး ပဵၼ်လၢႆတီႈ ႁၢမ်ႈၵူၼ်းမိူင်း ၶဝ်ႈဢွၵ်ႇၵႂႃႇမႃး မိူၼ်ၼင်ႇၼႂ်းၸႄႈဝဵင်းမူႇၸေႊ၊ လႃႈသဵဝ်ႈ၊...

ၵူၼ်းဝၢၼ်ႈလၵ်ႉတေႃႉယႃႈမဝ်းၵမ်ၼႂ်းၸႄႈဝဵင်းတႃႈၶီႈလဵၵ်ႉ ၺႃးတီႉ၊ ပလိၵ်ႈသိုပ်ႇလမ်းၸွမ်းၶိူဝ်းၶၢႆႇ တီႉလႆႈထႅင်ႈတင်းၼမ် ႁူမ်ႈပႃးၶိူင်ႈၵွင်ႈၵၢင်ႇ။ ဝၼ်းတီႈ 6/1/2021 ယၢမ်းၵၢင်ၶမ်ႈ ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ၵူတ်ႇထတ်း  ၵႃး Honda Fit  ဢၼ်ၸၢႆးယွတ်ႈ တီႈဝၢၼ်ႈၵႅဝ်ႈလူင် ဢိူင်ႇႁူၺ်ႈလိၼ်လမ် (ဖန်မင်ကျေးရွာအုပ်စု) ၼႂ်းၸႄႈဝဵင်းတႃႈၶီႈလဵၵ်း  ႁေႃႈမႃး၊ တီႉလႆႈ ယႃဢႆႊသ် 1 ၵီႊလူဝ်ႊ၊ ၵွင်ႈပွတ်း 1...

ၼၢင်းယိင်း ၵေႃႉၼိုင်ႈ ၶိုင်လၵ်ႉလုၵ်ႈဢွၼ်ႇလႅင်ဢႃယု 45 ဝၼ်း၊ ၵူၼ်းဝၢၼ်ႈတၼ်းၸွႆႈၵၼ်တီႉလႆႈ တူဝ်ၵူၼ်းလၵ်ႉ ၼၼ်ႉလႆႈ ဝႃႈၼႆ။ မိူဝ်ႈၼႆႉ ဝၼ်းတီႈ 30/11/2020 ယၢမ်းၵၢင်ၼႂ် မွၵ်ႈ 9 မူင်း ၼၢင်းယိင်းၵေႃႉၼိုင်ႈ ပႆၶဝ်ႈႁိူၼ်းၵူၼ်းဝၢၼ်ႈ တီႈဝၢၼ်ႈတေႃႇၵေႃႉၼႂ်း  ဢိူင်ႇဝဵင်းၵႅဝ်ႈ ၸႄႈဝဵင်းတႃႈၶီႈလဵၵ်း ၸိုင်ႈတႆး ပွတ်းဢွၵ်ႇၶူင်းသေ ဢၢၼ်းၶဝ်ႈမိူဝ်းလၵ်ႉလုၵ်ႈဢွၼ်ႇလႅင်ပိူၼ်ႈ။ ၵူၼ်းႁိမ်းႁိူၼ်းႁၼ်လႄႈ...

တီႈၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း မီးၵူၼ်းတိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 ဢမ်ႇယွမ်း 30 ၵေႃႉယဝ်ႉ။ မိူဝ်ႈၼႆႉ ဝၼ်းတီႈ 30/11/2020 ယၢမ်းၵၢင်ၼႂ်ၼႆႉၵူၺ်း တီႈၸႄႈဝဵင်းတႃႈၶီႈလဵၵ်း ၸိုင်ႈတႆး ပွတ်းဢွၵ်ႇၶူင်း မီးၵူၼ်း တိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 ၽိူမ်ႉၶိုၼ်ႈထႅင်ႈ 11 ၵေႃႉယဝ်ႉ။ ပဵၼ်ၽူႈၸၢႆး 4 ၵေႃႉလႄႈ...