မိူဝ်ႈၼႆႉ ဝၼ်းတီႈ 19/3/2021 ယၢမ်းၵၢင်ဝၼ်း ၶွင်ႇသီႇသိုၵ်းမၢၼ်ႈ လမ်းတီႉၺွပ်း ၵူၼ်းမိူင်းၼႄၵၢင်ၸႂ် သၢၼ်ၶတ်းတေႃႇ သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်း တင်းမူတ်း 6 ၵေႃႉ ဝႃႈၼႆ။
ၵူၼ်းပိုၼ်ႉတီႈ တႃႈၶီႈလဵၵ်း လၢတ်ႈဝႃႈ – “သိုၵ်းမၢၼ်ႈ လမ်းတီႉ ၵူၼ်းၼုမ်ႇ/ ၵူၼ်းမိူင်း ၼႄၵၢင်ၸႂ်မႃးၼႆႉ မီးၶၢဝ်း တၢင်း 2 ဝၼ်းယဝ်ႉ။ လႆႈႁူႉတႄႉ ၶဝ်တီႉၺွပ်းၵႂႃႇ မိူဝ်ႈၼႆႉ 6 ၵေႃႉ။ ဢၼ်ၶဝ်တီႉၵႂႃႇ မီးၼမ်လိူဝ်ၼႆႉၶႃႈ။ ၵူၺ်းၵႃႈႁဝ်းၶႃႈ ပႆႇလႆႈႁူႉသဵၼ်ႈမၢႆမၼ်း”- ဝႃႈၼႆ။
ပၢင်ၼႄၵၢင်ၸႂ် တီႈၸႄႈဝဵင်းတႃႈၶီႈလဵၵ်းၼႆႉ ယူႇတီႈၶွင်ႇသီႇသိုၵ်းမၢၼ်ႈ ၸႂ်ႉလၢႆးႁုၵ်ႉႁၢႆႉ ၵူႈလၢႆးသေ ၸွမ်းယႃႉၾုင်ၼႄ ၵၢင်ၸႂ် ၵူၼ်းၼုမ်ႇ ဢၼ်သၢၼ်ၶတ်းတေႃႇသိုၵ်းမၢၼ်ႈမႃး ႁၢဝ်ႈႁႅင်း။ ယူႇတီႈ ၵူၼ်းၼုမ်ႇ ဢွၼ်ၵၼ်ဢွၵ်ႇၼႄၵၢင်ၸႂ် သၢၼ်ၶတ်းမႃး ၵူႈဝၼ်း ဢမ်ႇၵိုတ်း ဢမ်ႇလိုဝ်ႈ မီးၶၢဝ်းတၢင်း 40 ဝၼ်းပၢႆယဝ်ႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ