Friday, March 29, 2024

ၵူၼ်းမိူင်း လၢႆလၢႆ ဝဵင်း တွႆႇမေႃႈတွႆႇၵၢၵ်ႇၼႄၵၢင်ၸႂ်သၢၼ်ၶတ်း သိုၵ်းယိုတ်းဢႃႇၼႃႇ

Must read

ၸိူင်ႉၼင်ႇ ဝဵင်းယႂ်ႇဝဵင်းလူင် လၢႆလၢႆဝဵင်း တွႆႇမေႃႇ တွႆႇၵၢၵ်ႇ ၼႄၵၢင်ၸႂ် ဢမ်ႇၽွမ်ႉၸွမ်း ဢၼ်ၸုမ်းသိုၵ်းမၢၼ်ႈ  ယိုတ်းဢႃႇၼႃႇၸိုင်ႈမိူင်းၼၼ်ႉ ၵူၼ်းမိူင်းၸိူဝ်း ၵမ်ၼမ် ဢမ်ႇၽွမ်ႉၸွမ်း တွႆႇမေႃႈတွႆႇဢၢင်ႇ ၼႄၵၢင်ၸႂ် ၸွမ်းလူၺ်ႈလၢႆးၵတ်းယဵၼ်။

ဝၼ်းတီႈ 4/2/2021 ယၢမ်းၵၢင်ၶမ်ႈ 8 မူင်း ၵူၼ်းမိူင်း ၼႂ်းၸႄႈဝဵင်းတႃႈၶီႈလဵၵ်း၊ တူၼ်ႈတီး၊ လႃႈသဵဝ်ႈ၊ မူႇၸေႊ ၸိူဝ်းၼႆႉ ဢွၼ်ႇၵၼ် တွႆႇမေႃႈ တွႆႇၵၢၵ်ႇ ၼႄၵၢင်ၸႂ် လူၺ်ႈလၢႆးၵတ်းယဵၼ် သၢၼ်ၶတ်း ၸုမ်းသိုၵ်းမၢၼ်ႈ ဢၼ်ယိုတ်းဢဝ် ဢႃႇၼႃႇ ၸိုင်ႈမိူင်း။ ဝဵင်းယႂ်ႇဝဵင်းလူင် တၢင်းမိူင်းမၢၼ်ႈ တူင်ႈပဵင်း လၢႆလၢႆ ဝဵင်းၵေႃႈ တွႆႇမေႃႈ တွႆႇဢၢင်ႇ တွႆႇပုင်း မိူၼ်ၵၼ်။

- Subscription -

ၵူၼ်းတႃႈၶီႈလဵၵ်း ၵေႃႉၼိုင်ႈ လၢတ်ႈဝႃႈ – “မိူဝ်ႈၶမ်ႈဝႃး ယၢမ်းၵၢင်ၶမ်ႈ 8 မူင်းၼႆႉ ၸွမ်းပွၵ်ႉ ၼႂ်းၵိဝ်ႇ ၼႂ်းယွမ်ႇ ၼႂ်းဝဵင်းတႃႈ ၶီႈလဵၵ်း သဵင်တွႆႇပူင်းမေႃႈပၼ်း ၵမ်ႉၼိုင်ႈဢေႃႈ၊ မိူဝ်ႈၼႆႉၵေႃႈတွႆႇထႅင်ႈၶႃႈဢေႃႈ။ ဢၼ်ဝႃႈ တွႆႇမိူၼ်ဝဵင်းယႂ်ႇဝဵင်းလူင် မိူၼ်တႃႈၵုင်ႈ၊ မၼ်းတလေး ၸိူဝ်ႉ ၼၼ်တႄႉ ဢမ်ႇမိူၼ်ၶႃႈ”- ဝႃႈၼႆ။

သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်း မိူဝ်ႈဝၼ်းတီႈ 1/2/2021 ယၢမ်းၵၢင်ၼႂ်ၸဝ်ႉ၊ ထိုင်မႃး ယၢမ်းၵၢင်ၶမ်ႈမွၵ်ႈ 8 မူင်းၼႆႉ ၵူၼ်းမိူင်း ၼႂ်းဝဵင်းလူင်တႃႈၵုင်ႈ ဝဵင်းလိူဝ်ႇ ၸိူဝ်းၼႆႉ ဢွၼ်ၵၼ်တွႆႇမေႃႈ၊ တွႆႇပုင်း၊ ၼဵၵ်းႁွၼ်းၵႃး၊ မိူၼ်လိုပ်ႈႁေႃႈ ၽီႁၢႆႉ ၽွင်းၵူပ်းၵိၼ်လိူၼ်ၵိၼ်ဝၼ်းသႄ ၼႄၾၢင်ႁၢၼ်ႈ သၢၼ်ၶတ်းၸုမ်းသိုၵ်းယိုတ်းဢႃႇၼႃႇ။   

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း