ၶိူင်ႈမိၼ်ယိုဝ်းသိုၵ်း ၶွင်သိုၵ်းမၼ်ႈယိုတ်းမိူင်း တူၵ်းၵွႆတီႈဝၢၼ်ႈဢူင်းတေႃး တိူင်းၸႄႈၵႅင်း ႁွင်ႈၵၢၼ်ၶၢဝ်ႇ မျႃႉဝတီႇ ၶွင်ၸုမ်းသိုၵ်းမၢၼ်ႈပိုၼ်ၽၢဝ်ႇ။ ၶၢဝ်ႇမျႃႉဝတီႇဢွၵ်ႇမိူဝ်ႈၼႆႉၵၢင်ဝၼ်းဝႃႈ - ၶိူင်ႈမိၼ်ယိုဝ်းသိုၵ်း သိုၵ်းမၢၼ်ႈဢၼ် လုၵ်ႉတီႈတပ်ႉလူမ်း တတႃးဢူး ၼၼ်ႉ မိၼ်ၶိုၼ်ႈၵႂႃႇ ၾိုၵ်းသွမ်ႉၵၼ်သိုၵ်း တၢင်းၵၢင်ႁၢဝ် ၊ တူၵ်းလူင်းၼႂ်းၼွင်တီႈၾၢႆႇဢွၵ်ႇဝၢၼ်ႈဢူင်းတေႃး တိူင်းၸႄႈၵႅင်း မိူဝ်ႈၼႆႉ 16/2/2022 ယၢမ်းၵၢင်ၼႂ် 10 မူင်း...

SHRF ဢွၵ်ႇလိၵ်ႈပိုၼ်ၽၢဝ်ႇၸီႉၸမ်ႉတူၵ်ႇတၵ်းသိုၵ်းမၢၼ်ႈ ႁႂ်ႈႁပ်ႉပုၼ်ႈႉၽွၼ်းတူၺ်းလူလႄႈ သၢႆႈတႅၼ်းပၼ်ၶိုၼ်းၵႃႈႁူဝ် ၵူၼ်းဝၢၼ်ႈပၢႆႈၽေးသိုၵ်း ဢၼ်လူႉတၢႆၵႂႃႇဝၢႆးလင်ၶဝ်တီႉၺွပ်းၵႂႃႇဝၼ်းၼိုင်ႈ။ မိူဝ်ႈၼႆႉ ဝၼ်းတီႈ 15/2/2022  ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF ဢွၵ်ႇၽိုၼ်တၢမ်းငဝ်းလၢႆးဝႃႈ  ၾၢႆႇၸွပ်ႇသိုၵ်းမၢၼ်ႈ  တီႉၺွပ်းပေႃႉထုပ်ႉ  ၸၢႆးထုၼ်းဝိၼ်း ဢႃယု 44 ပီ   ၵူၼ်းပၢႆႈၽေးသိုၵ်း မႃးသွၼ်ႈယူႇဝႆႉ တီႈႁိူၼ်းပီႈဢၢႆႈမၼ်းၸၢႆး တီႈပွၵ်ႉ 9 ၸႄႈ...

လိူၼ်ၾႅပ်ႊပိဝ်ႊရီႊ ဝၼ်းတီႈ 12 ပီ 2022 ၼႆႉ ဝၼ်းမိူင်းႁူမ်ႈတုမ် ဢၼ်ၾၢႆႇမၢၼ်ႈဝႃႈ (ပြည်ထောင်စုနေ့) ၼၼ်ႉ ၶွပ်ႈႁွပ်ႈထိုင်မႃး 75 ၶူပ်ႇ ယဝ်ႉ။ ၼႂ်းဝၼ်းၼၼ်ႉ ယူႇတီႈၶွင်ႇသီႇသိုၵ်းမၢၼ်ႈ ဢၼ်ယိုတ်းမိူင်းၼႆႉ မွၵ်ႇႁွင်ႉထိုင်ၸုမ်းၸၢဝ်းၶိူဝ်းမႅၵ်ႇၵွင်ႈ လုၵ်ႉၽိုၼ်ႉ ၸိူဝ်းဢၼ်ဢမ်ႇပႃးၼႂ်းသဵၼ်ႈ ၸိုဝ်ႈ ၸုမ်းၼွၵ်ႈၶွပ်ႇမၢႆမီႈၼၼ်ႉ တင်းသဵင်ႈ ႁႂ်ႈလႆႈၶိုၼ်ႈႁွတ်ႈပၢင်ၵႅဝ်ႈ ဝၼ်းမိူင်းႁူမ်ႈတုမ်...

ပလိၵ်ႈမၢၼ်ႈတင်း သိုၵ်းမၢၼ်ႈ ႁူမ်ႈၵၼ် ပႂ်ႉၵူတ်ႇထတ်းၵူၼ်းၵႂႃႇမႃး ၼိူဝ်သဵၼ်ႈတၢင်းလူင် ၼႂ်းၵႄႈၼမ်ႉတူႈ - လႃႈသဵဝ်ႈ ႁၢဝ်ႈႁႅင်း ၵူၼ်းမိူင်း ၵႂႃႇမႃး ယၢပ်ႇၽိုတ်ႇၶၢၼ်ၸႂ်။ ဝၢႆးသေ ၶွင်ႇသီႇသိုၵ်းမၢၼ်ႈ ယိုတ်းမိူင်းမႃးၼႆႉ တီႈၵဵတ်ႉလၢၼ်ႇတၢင်းၶဝ်ႈ/ ဢွၵ်ႇဝဵင်းလႃႈသဵဝ်ႈ၊ တီႈၶူဝ်ဢီႇၼၢႆးလႄႈ တီႈတၢင်းၽႄမိူင်းယဵၼ် ၼိူဝ်သဵၼ်ႈတၢင်းလူင် ၼမ်ႉတူႈ - လႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ ယူႇတီႈပလိၵ်ႈမၢၼ်ႈတင်း...

ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဢွၵ်ႇလိၵ်ႈပိုၼ်ၽၢဝ်ႇ ႁႂ်ႈသိုၵ်းမၢၼ်ႈ ဢဝ်ပုၼ်ႈၽွၼ်းသၢႆႈတႅၼ်း လွင်ႈၶဝ် ႁေႃႈၵႃးၽႃႇ ၵူၼ်းမိူင်းသူႈ တၢႆၵေႃႉၼိုင်ႈ ။ မိူဝ်ႈၼႆႉ ဝၼ်းတီႈ 7/2/2022 ယူႇတီႈၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF ဢွၵ်ႇၽိုၼ်တၢမ်း ငဝ်းလၢႆးဝႃႈ ႁႂ်ႈသိုၵ်းမၢၼ်ႈ ႁပ်ႉဢဝ် ပုၼ်ႈၽွၼ်း သၢႆႈတႅၼ်း ဢၼ်ႁေႃႈၵႃးၽႃႇ ၸၢႆးမွင်ႇၺူဝ်ႇ ပွၵ်ႉ 3...

မိူဝ်ႈၼႆႉ ဝၼ်းတီႈ 7/2/2022 ယၢမ်းၵၢင်ၼႂ် သိုၵ်းမၢၼ်ႈ ဢဝ်ႁိူဝ်မိၼ် ယိုဝ်းသိုၵ်းလေႃႇတိုၵ်း ၸုမ်းဢူၺ်းလီပွတ်းႁွင်ႇ ၸွမ်းသၼ်လွႆ ၾၢႆႇဢွၵ်ႇ မိူင်းယေႃ (ၾၢႆႇဢွၵ်ႇ ဝဵင်းလႃႈသဵဝ်ႈ 40 လၵ်း) ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၵူၼ်း မိူင်းယေႃ လၢတ်ႈတီႈၽူႈတွႆႇႁွၵ်ႈ - “ပၢင်တိုၵ်းၼႆႉ တႄႇပဵၼ်ၵၼ်မႃး မိူဝ်ႈၼႆႉ ၵၢင်ၼႂ်...

သိုၵ်းမၢၼ်ႈ မဝ်းလဝ်ႈသေ ႁေႃႈၵႃး ၽႃႇၺႃး ၵူၼ်းမိူင်းသူႈ တၢႆ လႆႈ 6 ဝၼ်း ၼႂ်းဝၼ်းမိူဝ်ႈၼႆႉ သေတႃႉ ပႆႇမႃးၸွႆႈထႅမ် လွင်ႈလူႉသုမ်းသင် တီႈၵူၼ်းႁိူၼ်း ၵူၼ်းယေး ၸိူဝ်းၵိုတ်းတၢင်းလင်။ ၸၢႆးမွင်ႇၺူဝ်ႇ (ႁွင်ႉ) ၸၢႆးၼေႃႇၶမ်း ဢႃယု 28 ပီ ၺႃးၵႃးသိုၵ်းမၢၼ်ႈ ၽႃႇတမ်တၢႆ တီႈဝၢၼ်ႈလူင်...

ဝၢႆးသေ မၢၵ်ႇတႅၵ်ႇ ၼႂ်းပၢင်ၵမ်ႉထႅမ် တပ်ႉသိုၵ်းမၢၼ်ႈ တီႈဝဵင်းတႃႈၶီႈလဵၵ်းမႃးယဝ်ႉၼၼ်ႉ ၾၢႆႇသိုၵ်းမၢၼ်ႈ ဢမ်ႇမီးလၵ်းထၢၼ်ၼႅၼ်ႈၼႃသင်သေ ထၢင်ႇထိူမ်ၵူၼ်းၵေႃႉလႂ်ၵေႃႈ ၶဝ်ႈၵူတ်ႇထတ်းၸႅတ်ႈထၢမ် တီႉၺွပ်း ပေႃႉထုပ်ႉထႅင်ႈႁၢဝ်ႈႁႅင်း ဢမ်ႇဝႃႈၽူႈၸၢႆး/ ၼၢင်းယိင်း။ မိူဝ်ႈဝၼ်းတီႈ 1/2/2022 ယၢမ်းၵၢင်ၶမ်ႈ/ ၶိုၼ်း ၶွင်ႇသီႇသိုၵ်းမၢၼ်ႈ ယိုတ်းမိူင်း ၶဝ်ႈၵူတ်ႇထတ်း ၸႅတ်ႈထၢမ် တီႉၺွပ်း ပေႃႉထုပ်ႉ ၵူၼ်းမိူင်းပိုၼ်ႉတီႈမႃးႁၢဝ်ႈႁႅင်း ၸွမ်းၼႂ်းပွၵ်ႉ/...

  ၼႂ်းဝၼ်းသိုၵ်းမၢၼ်ႈ ႁိမ်ၸိင်းယိုတ်းဢႃႇၼႃႇဝၢၼ်ႈမိူင်းတဵမ်ပီၼၼ်ႉ မၢၵ်ႇတႅၵ်ႇလၢႆလၢႆတီႈၼႂ်းၸႄႈဝဵင်းတူၼ်ႈတီး  ၊ သိုၵ်းမၢၼ်ႈပႂ်ႉၵူတ်ႇထတ်းၵူၼ်းမိူင်းၵႂႃႇမႃး ဢၼ်တီႉၺွပ်းၵႂႃႇၵေႃႈမီးၼမ်။   မိူဝ်ႈဝႃး ဝၼ်းတီႈ 1/2/2022 ယၢမ်းႁူဝ်ၶမ်ႈ မၢၵ်ႇတႅၵ်ႇ ၼႂ်းဝဵင်းတူၼ်ႈတီး  လၢႆတီႈလၢႆၵမ်း။ ဝၢႆးၼၼ်ႉ သိုၵ်းမၢၼ်ႈ ထႅမ်ႁႅင်းၶဝ်ႈဝဵင်း ပႂ်ႉတီႈတၢင်းၶွႆႈ တင်းၽႄ ၵူႈတီႈသေ ႁႄႉၵူတ်ႇထတ်းၵူၼ်းၵႂႃႇမႃး။ ပိူင်လူင်ၵူတ်ႇထတ်းၵူၼ်းၼုမ်ႇ။ ၵူတ်ႇထတ်းမိုဝ်းထိုဝ်။ ၵူၼ်းမိူင်း သုၵ်ႉၸႂ်၊ ၵႂႃႇမႃးဢမ်ႇလွတ်ႈလႅဝ်း။ ၵူၼ်းၼုမ်ႇ...

ၶွင်ႇသီႇသိုၵ်းမၢၼ်ႈ ယိုတ်းမိူင်းတင်း သိုၵ်းၶၢင် KIA ပဵၼ်ပၢင်တိုၵ်းၵၼ် ႁၢဝ်ႈႁႅင်း ၼႂ်းၸႄႈဝဵင်းၵူတ်ႉၶၢႆ ၾၢႆႇသိုၵ်းမၢၼ်ႈ လမ်းလိမ်း ယိုဝ်းၵွင်ႈ လူင် ၵူႈႁူးၵူႈတၢင်းသေ တႅၵ်ႇတိူဝ်ႉသႂ်ႇ  ၵူၼ်းပိုၼ်ႉတီႈမၢတ်ႇၸဵပ်း 1 ၵေႃႉလႄႈ ႁိူၼ်းယေး လူႉၵွႆၸွမ်း ၽွင်ႈ။ မိူဝ်ႈဝႃး ဝၼ်းတီႈ 1/2/2022   သိုၵ်းၶၢင် KIA ပိုတ်းယိုဝ်းတပ်ႉပၢင်သဝ်းသိုၵ်းမၢၼ်ႈ...

ၾၢႆႇၽွင်းငမ်း ၸႄႈဝဵင်းလၢင်းၶိူဝ်း ၶၢၼ်းႁွင်ႉၵူၼ်းမိူင်းၼႂ်းဝဵင်းလၢင်းၶိူဝ်း ၼိုင်ႈပွၵ်ႉ 10 ၵေႃႉ  မႃးၸွႆႈၵၢၼ်ဢွၵ်ႇႁႅင်း(လုပ်အားပေး) ၼႆသေ ၸႂ်ႉၵူၼ်းမိူင်းၵႂႃႇၼႄၵၢင်ၸႂ်ၵမ်ႉထႅမ်သိုၵ်းယိုတ်းမိူင်း ။ မိူဝ်ႈၼႆႉ ဝၼ်းတီႈ 1/2/2022 ၾၢႆႇၽွင်းငမ်း ၸႄႈဝဵင်းလၢင်းၶိူဝ်း  ၶၢၼ်းၵူၼ်းမိူင်း ႁႂ်ႈႁွတ်ႈတီႈႁူင်းႁေႃး ၼွႆႇဝတီႇၶၢၼ်းမ 9 မူင်းၵၢင်ၼႂ် ။ ၽွင်းၵူၼ်းမိူင်းထိုင်မႃးၼၼ်ႉ သိုၵ်းမၢၼ်ႈၸႂ်ႉယိပ်းပၢႆႉၽႅၼ်ႇဢၼ်ပႃးတူဝ်လိၵ်ႈဝႃႈ ၵမ်ႉထႅမ်သိုၵ်းမၢၼ်ႈယိုတ်းမိူင်း ၼႆၼၼ်ႉသေ...

မိူဝ်ႈၼႆႉ ဝၼ်းတီႈ 1/2/2022 ယၢမ်းၵၢင်ၼႂ် မွၵ်ႈ 8 မူင်း သိုၵ်းမၢၼ်ႈ သၶၢၼ်းတိတ်ႉၵူင်း ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈ တႆးပွတ်းႁွင်ႇ  ယိုဝ်းမၢၵ်ႇလူင် ဢမ်ႇယွမ်း 10 ၵမ်း ၵူၼ်းၶၢႆၶူဝ်းၼႂ်းၵၢတ်ႇ ၼမ်ႉၶမ်း  တူၵ်းၸႂ် တိုၼ်ႇသၢၼ်ႈၵူဝ်ႁႄ ၼႅတ်ႈသိမ်း ၶူဝ်းပိၵ်ႉႁၢၼ်ႉ  ပွၵ်ႈႁိူၼ်း...

သိုၵ်းမၢၼ်ႈ ၸႂ်ႉၶိူင်ႈမိၼ် လေႃႇတိုၵ်း ပိုတ်းယိုဝ်းတပ်ႉပၢင်သဝ်း ၸုမ်းသိုၵ်းၶႄႇၵူဝ်းၵၢင်ႉ MNDAA ဢၼ်ပၵ်းသဝ်း တူင်ႉၼိုင် တၢင်းမိူင်းယေႃ ၼၼ်ႉ မၢတ်ႇၸဵပ်းလူႉတၢႆၼမ်။ ဝၼ်းတီႈ 28/1/2022 ယၢမ်းၵၢင်ဝၼ်း သိုၵ်းမၢၼ်ႈ ဢဝ်ၶိူင်ႈမိၼ်မႅင်းမီႈ 2 လမ်း ပိုတ်းယိုဝ်းသႂ်ႇ တီႈတပ်ႉပၢင်သဝ်း ၸုမ်းဢူၺ်းလီပွတ်းႁွင်ႇ ႁိမ်းဝၢၼ်ႈလူင်မူၼ်း ၸဵင်ႇၸၢၼ်းဝၼ်းတူၵ်း မိူင်းယေႃ ယၢၼ်မွၵ်ႈ...

ၾၢႆႇၽွင်းငမ်း ၸႄႈဝဵင်းမိူင်းတူၼ် ၶၢၼ်းၵူၼ်းမိူင်း ဢွၵ်ႇၼႄၵၢင်ၸႂ်ၵမ်ႉထႅမ် ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလႅင်ႇ ဢၼ်ယိုတ်းဢႃႇၼႃႇ ၵုမ်းၵႅဝ်ဝၢၼ်ႈမိူင်းဝႆႉ။ မိူဝ်ႈၼႆႉ ဝၼ်းတီႈ 31/1/2022 ယၢမ်းၵၢင်ၼႂ် ၵူၼ်းမိူင်းတူၼ် ႁူဝ်ၵူၼ်း 1,000 ပၢႆ ၺႃးၾၢႆႇၽွင်းငမ်း ၸႄႈဝဵင်း ပွၵ်ႉယွမ်ႇဝၢၼ်ႈဢိူင်ႇ ၶၢၼ်းႁွင်ႉ ဢွၵ်ႇၼႄၵၢင်ၸႂ် ၵမ်ႉထႅမ်ႁၼ်လီ ၸုမ်းသိုၵ်းမၢၼ်ႈ ယိုတ်းဢႃႇၼႃႇ၊ ယိပ်းပၢႆႉ...

ၵူၼ်းၶၢႆၵၢတ်ႇလႄႈ ၵူၼ်းပိုတ်ႇႁၢၼ်ႉ ၸွမ်းပွၵ်ႉ/ ယွမ်ႇ ၼႂ်းဝဵင်းမိူင်းပၼ်ႇ ၼႂ်းဝၼ်းတီႈ 1 ၼႆႉ ပလိၵ်ႈမၢၼ်ႈတဵၵ်းၸႂ်ႉပိုတ်ႇႁၢၼ်ႉ ပိုတ်ႇႁိူၼ်း ၊ ၽႂ်ပိၵ်ႉၽၵ်းတူ  တေၺႃးၶွၵ်ႈ 3 ပီတေၺႃးယိုတ်းႁိူၼ်းဝႃႈၼႆ။   ဢၼ်ပလိၵ်ႈမၢၼ်ႈႁၢမ်ႈပိၵ်ႉႁၢၼ်ႉၼႆႉဢမ်ႇၸႂ်ႈဝၼ်းတီႈ 1/2/2022 ဝၼ်းလဵဝ်ၵူၺ်း။ တၵ်းလႆႈပိုတ်ႇၶၢႆဢမ်ႇထၢတ်ႇတေႃႇထိုင်ဝၼ်းတီႈ 13/2/2022 - ၾၢႆႇလိူမ်ႈလႆႇ ၵေႃႈၸႂ်ႉၸဝ်ႈၶွင်ႁၢၼ်ႉ လူင်းလၢႆးမိုဝ်းပႃးထႅင်ႈၼင်ႇၼႆ။ ၵူၼ်း...