ဝၼ်းတီႈ 17/4/2022 မိူဝ်ႈဝႃး သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇယုၵ်ႉယွင်ႈမွပ်ႈၸၼ်ႉၸုမ်ႈၶူးပၼ် ၽူႈလူင်ႉလႅၼ်ႇၾၢႆႇပၢႆးသိုၵ်းလႄႈ ၾၢႆႇပၢႆးမွၼ်း တႃႇၵူၼ်း 128 ၵေႃႉ ၼႂ်းၼၼ်ႉ တႆးပႃး 2 ၵေႃႉ ၸွမ်သိုၵ်းလူင်ယွတ်ႈသိုၵ်း ႁူဝ်ပဝ်ႈ RCSS လႄႈ ၸၢႆးမဵဝ်းတၢၼ်ႉ ၽူႈၶဝ်ႈၸုမ်းပၵ်းတႃလွင်ႈငမ်းယဵၼ် JMC-U ။
သိုၵ်းမၢၼ်ႈပိုၼ်ၽၢဝ်ႇဝႃႈ – ယူႇတီႈ ၶွင်ႇသီႇသိုၵ်းသေ လႆႈယုၵ်ႉယွင်ႈ ပၼ်ၸုမ်းၶူးၽူႈႁၢပ်ႇႁၢမ်ၵၢၼ်လီတွၼ်ႈတႃႇ ၵူၼ်းမိူင်းလႄႈ ၸိုင်ႈမိူင်း ၼႂ်းၶၢဝ်းတၢင်း 75 ပီ ဝၢႆး မိူင်းမၢၼ်ႈလႆႈလွင်ႈလွတ်ႈလႅဝ်းၵွၼ်းၶေႃ တီႈ သိုၵ်းဢိင်းၵလဵတ်ႈၶႂၢၵ်ႈမိူင်းမႃးၼႆႉ – ဝႃႈၼႆသေ ပိုၼ်ၽၢဝ်ႇသဵၼ်ႈၸိုဝ်ႈ တႃႇ 128 ၵေႃႉ။
ပဵၼ်ၸုမ်ႈ (ဂုဏ်ထူးဆောင်ဘွဲ့၊ ဂုဏ်ထူးဆောင်တံဆိပ်) ၵတ်ႉၶႅၼ်ႇၶိုၵ်ႉတွၼ်း ၸွမ်းၼင်ႇ ဢၼ်ပၼ်ၼႂ်းၸၼ်ႉပွင်ၵၢၼ်သိုၵ်းလႄႈ ၵၢၼ်တူင်ႇဝူင်းၵူၼ်း ဢၼ်သိုၵ်းယၢမ်ႈပၼ်မႃးမိူၼ်ၼင်ႇ- အဂ္ဂ မဟာ သီရိသုဓမ္မ ၊ သတိုး သီရိ သုဓမ္မ၊ အဂ္ဂ မဟာသရေစည်သူဘွဲ့၊ သတိုးမဟာသရေ စည်သူဘွဲ့၊ မဟာသရေ စည်သူဘွဲ့၊ သရေ စည်သူဘွဲ့၊ စည်သူဘွဲ့၊ ဇေယျ ကျော်ထင်ဘွဲ့၊ ဝဏ္ဏကျော်ထင်ဘွဲ့၊ အလင်္ကာကျော်စွာဘွဲ့၊ လူမှုထူးချွန်တံဆိပ်၊ အနုပညာထူးချွန်တံဆိပ်၊ – ၸိူဝ်းၼႆႉ။။ပႃးၽူႈၼမ်းသိုၵ်းယိုတ်းမိူင်းပၢၼ်သိုပ်ႇပၢၼ်၊ ၽူႈၼမ်းၸၼ်ႉပွင်ၵၢၼ်မိူင်းပၢၼ်သိုပ်ႇပၢၼ် ၸိူဝ်းလူႉတၢႆၵႂႃႇလႄႈၸိူဝ်းတိုၵ်ႉလိပ်းၶီး ။
ဢၼ်ပဵၼ်ၽူႈၼမ်းၵၢၼ်သိုၵ်း ၵၢၼ်မိူင်းၼႂ်းၸၢဝ်းၶိူဝ်း တႄႉပႃးၼႂ်းၸၼ်ႉၸုမ်ႈၶူး ဝဏ္ဏကျော်ထင်ဘွဲ့ 25 ၵေႃႉ။ ၼႂ်းၼၼ်ႉတႆး ပႃး 2 ၵေႃႉ ။ ၽူႈၼမ်းတပ်ႉသိုၵ်း RCSS ၸွမ်သိုၵ်းလူင်ယွတ်ႈသိုၵ်းလႄႈ ၽူႈၶဝ်ႈၸုမ်းပၵ်းတႃလွင်ႈငမ်းယဵၼ်ၸၼ်ႉမိူင်းႁူမ်ႈတုမ် JMC-U ၸၢႆးမဵဝ်းတၢၼ်ႉ။
လိူဝ်ၼၼ်ႉပဵၼ် ႁူဝ်ပဝ်ႈသိုၵ်းယၢင်း KNU မူႇတူးသေးးၽူဝ်း၊ ၸုမ်းရၶႅင်ႇ ALP ဢူးၶၢႆႇၸူဝ်းၼၢႆႇဢွင်ႇ၊
NMSP ဢူးၼၢႆႇထေႃးမုၼ်ႇ ၊ ၼၢႆႇသူၺ်ႇၵျိၼ်ႇ၊ PNLO ၶုၼ်ႇဢူၵ်ႉၵႃႇ၊ KNU/KNLA-PC ပဵၼ်ၸွမ်သိုၵ်းထေးမွင်ႇ၊ KIO ဢူးလသၢၼ်ႇဢွင်ႇဝႃႇ၊ KNU ၽတူဝ်ႇဢွင်ႇသၢၼ်း၊ KNU ၸေႃးၾႄႇရီႇမူဝ်း၊ၸေႃးတမူႇႁႄး ၸဵမ်ၸိူဝ်းၼႆႉ။ လိူဝ်ၼၼ်ႉ မိူၼ်ၼင်ႇၽူႈၼမ်း NDAK သၶူင်ႇတဵင်ႇယဵင်း၊ ပဢူဝ်း ဢွင်ႇၶွမ်းထီႇ၊ လွႆ ဢူးဢၢႆႈမူင်ႉ၊ ယၢင်းလႅင် KNG ဢူးၵေႇပရႄႇပျၢၼ်ႇ၊ ဢူးၸၼ်ႇတႃႇ၊ DKBA သမ်ႉ မျႅင်ႇၵျီးငူႇ သယႃႇတေႃႇ ဢူးသုၸၼ၊ ၸေႃးႁၼ်ႇတႃႇ သႃႇမူၺ်း၊ LDU လႃးႁူႇ ၵျႃႇၶုၼ်းသႃႇ ၸိူဝ်းၼႆႉၵေႃႈပႃး။
ဢၼ်လၢၵ်ႇလၢႆးၼႆႉ ယုၵ်ႉယွင်ႈပၼ်ပႃး တင်း ၸွမ်ၽွင်းလူင်ၵဝ်ႇ ဢူးၼု၊ ၸွမ်ၸိုင်ႈၵဝ်ႇ ဢူးၸၢၼ်းယု၊ ၸေႃးမွင်ႇ ၊ၼေႇဝိၼ်း ၵူၼ်းၸိူဝ်းတၢႆၵႂႃႇယဝ်ႉၸိူဝ်းၼၼ်ႉၵူၺ်းဢမ်ၵႃး ၸွမ်ၸိၵ်းသိုၵ်းမၢၼ်ႈ တၢၼ်းသူၺ်ႇ ၵေႃႈပႃး။ တူဝ်သိုၵ်းယိုတ်းမိူင်း ၸွမ်ၸိၵ်းသိုၵ်းလူင်မိၼ်းဢွင်ႇလၢႆႇ (မဢလ) ၵေႃႈၶိုၼ်းပၼ်သူးတူဝ်ၸဝ်ႈၵဝ်ႇၶိုၼ်း။ ၶဝ်ႈပႃးႁပ်ႉၸုမ်ႈပဵၼ် 3-4 တီႈ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ