မိူဝ်ႈၼႆႉဝၼ်းတီႈ 20/4/2022 ယၢမ်းၵၢင်ၼႂ် သိုၵ်းမၢၼ်ႈယိုဝ်းသိုၵ်းၵႅတ်ႇၶႄၵူၼ်းမိူင်း တီႈဝဵင်းမိူင်းပၢႆး ၸႄႈဝဵင်းၾၢႆၶုၼ် မၢၵ်ႇၵွင်ႈလူင်တိူဝ်ႈၺႃးႁိူၼ်းၵူၼ်းဝၢၼ်ႈလူႉၵွႆၼမ် သိုၵ်းၵႅတ်ႇၶႄၵူၼ်းမိူင်း မိူင်းပၢႆးပိုၼ်ၽၢဝ်ႇဝႆႉၼင်ႇၼႆ။
ၼႂ်းလိၵ်ႈပိုၼ်ၽၢဝ်ႇၼၼ်ႉတႅမ်ႈဝႆႉဝႃႈ သိုၵ်းမၢၼ်ႈ လၢမ်းလိမ်းယိုဝ်းၶိူင်ႈၵွင်ႈလူင်လႄႈ တုမ်ႉတိူဝ်ႉႁိူၼ်းယေးၵူၼ်းဝၢၼ်ႈ။ လွင်ႈမၢတ်ႇၸဵပ်းလူႉတၢႆၸွမ်းတႄႉ မီးဢမ်ႇမီးပႆႇလႆႈႁူႉဝႃႈၼႆဝႆႉ။
လိူဝ်ၼၼ်ႉ သိုၵ်းၵႅတ်ႇၶႄၵူၼ်းမိူင်း ပၼ်ၾၢင်ႉၵူၼ်းမိူင်းဝႆႉပႃးဝႃႈ ႁႂ်ႈၵူၼ်းမိူင်းသွၼ်ႈယူႇတီႈဢၼ်လွတ်ႈၽေးဝႆႉၸူဝ်ႈၶၢဝ်း၊ ယႃႇပေၽူမ်ႈၵႂႃႇမႃး ၼႂ်းၼႃႈလိၼ်ပၢင်တိုၵ်းသိုၵ်းသိူဝ်ဝႃႈၼႆ။
