ၽူႈၵွၼ်းပၢႆးပၺ်ႇၺႃႇ ၸႄႈဝဵင်းသႅၼ်ဝီ လၵ်ႉသူင်ႇၶၢဝ်ႇၸူးၶွင်ႇသီႇသိုၵ်းမၢၼ်ႈ မိူၵ်ႈမႂ်ႈလႄႈ ထုၵ်ႇၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း သူင်ႇလိၵ်ႈလွၵ်ႈငိုတ်ႈ။   ဝၼ်းတီႈ 25/6/2021 တေႃႇတူႇသႃႇဢေး ၽူႈၵွၼ်းပၢႆးပၺ်ႇၺႃႇ ၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်း ႁွင်ႇ လၵ်ႉသူင်ႇၶၢဝ်ႇ လွင်ႈၵူၼ်းၼုမ်ႇၵူၼ်းမိူင်းၸိူဝ်းသၢၼ်ၶတ်းသိုၵ်းယိုတ်းမိူင်းၼၼ်ႉ  ၸူးၶွင်ႇသီႇသိုၵ်းမၢၼ်ႈ လႄႈ  ထုၵ်ႇၸုမ်းယိပ်းၵွင်ႈၵၢင်ႇၸၢဝ်းၶိူဝ်း တပ်ႉသိုၵ်းၶၢင် KIA တင်း ၵူဝ်းၵၢင်ႉ...

ၼႂ်းဝၼ်းတီႈ 24/6/2021 ၼႆႉ ၵဵဝ်ႇလူၺ်ႈၽူႈယႂ်ႇၵူၼ်းလူင် ဢၼ်ဢဝ်ပုၼ်ႈၽွၼ်း လၢႆလၢႆတီႈ ၼႂ်း NUG  လႄႈ CRPH ၼၼ်ႉတႅမ်ႈတၢင်ႇမႃးလိၵ်ႈၽိုၼ် ၼိုင်ႈသေယဝ်ႉ ႁဵတ်းႁႂ်ႈပေႃႈမႄႈၵူၼ်းမိူင်း ၸိူဝ်းပဵၼ် ၵူၼ်းၸၢဝ်းၶိူဝ်း ၸိူဝ်း ဢမ်ႇၸႂ်ႈမၢၼ်ႈ  ဢဝ်ၸဵမ်ၽူႈႁၢပ်ႇၵၢၼ်ၶုၼ် ဢိၵ်ႇလူၺ်ႈပႃးတင်း ၽူႈမေႃဝူၼ်ႉ၊ မေႃတႅမ်ႈ၊ မေႃထတ်းသၢင်ၶဝ်  ပေႃးပဵၼ်သူၼ်ႈသဵၼ်းသၢၼ်ဢူၼ်ဢၢၼ်ပၼ်းမေႃးလူင်ၵႂႃႇသေ  ႁဵတ်းႁႂ်ႈပေႃးတႅၵ်ႇယႅၵ်ႈၵၼ်ၵႂႃႇ၊...

ၽွင်းသိုၵ်းမၢၼ်ႈ မိူၵ်ႈမႂ်ႈ ယိုတ်းမိူင်းၵူၼ်းမိူင်းဢမ်ႇၸၢင်ႈႁဵတ်းၵၢၼ်ႁႃၵိၼ်လဵင်ႉတွင်ႉလီလီၼႆႉ တၢင်းပဵၼ် ၶူဝ်ႊဝိတ်ႉ 19 သမ်ႉၽႄႈလၢမ်းမႃးထႅင်ႈပွၵ်ႈၵမ်း 3 လႄႈ ပႃးၸဵမ်ၸဝ်ႈရူတ်ႉၵႃးဢၼ်လဵၼ်ႈႁပ်ႉၸၢင်ႈ တၢင်ႇၵူၼ်း/ ၶူဝ်းၵုၼ်ႇ တၢင်းပွတ်းႁွင်ႇ ၵေႃႈ ဢွၼ်ၵၼ် ထူပ်းတၢင်းယၢပ်ႇ ၽိုတ်ႇ ၵၢၼ်ႁႃၵိၼ်လဵင်ႉတွင်ႉၵၼ်မႃး ႁၢဝ်ႈႁႅင်း။ ဝၢႆးသေ ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ယိုတ်းဢႃႇၼႃႇၸိုင်ႈမိူင်းမႃး မိူဝ်ႈဝၼ်းတီႈ 1/2/2021...

ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ဢဝ်ႁူမ်ႇလူမ်ႈၸွမ်းတၢင်းၵႃးလူင် ၼႂ်းၵႄႈ မိူင်းၼွင် - ၵေးသီး တင်းၼမ်လၢႆ ဝႃႈၼႆ။ ဝၼ်းတီႈ 23-24/6/2021 ၶၢဝ်းတၢင်း 2 ဝၼ်းမႃးၼႆႉ ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ထႅမ်ႁႅင်းၵူၼ်း ဢဝ်ႁူမ်ႇလူမ်ႈ ၸွမ်းသဵၼ်ႈ တၢင်းလူင် ၼႂ်းၵႄႈမိူင်းၼွင် - ၵေးသီး ၼႂ်းၸႄႈဝဵင်းၵေးသီး ၸႄႈတွၼ်ႈလွႆလႅမ်...

ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ပိုၼ်ၽၢဝ်ႇမၢပ်ႈၼႄးဝႃႈ ၵူၼ်းမိူင်းတႆးပွတ်းႁွင်ႇ 4 ၵေႃႉ တၢႆတီႈ ဝဵင်းလိူဝ်ႇ မိူဝ်ႈဝႃးၼႆႉၼၼ်ႉ ပဵၼ်ၵူၼ်း ၼႂ်းၸုမ်း PDF ဝႃႈၼႆ။ မိူဝ်ႈဝၼ်းတီႈ 22/6/2021 ၶွင်ႇသီႇသိုၵ်းမၢၼ်ႈ ၶဝ်ႈယိုဝ်း ၸုမ်းသိုၵ်းၵူၼ်းၼုမ်ႇ PDF ၼႂ်းၵၢင်ဝဵင်း ဝဵင်းလိူဝ်ႇ၊ တီႉၺွပ်းၵူၼ်းမိူင်းပႃးတင်းၼမ်။ ၼႂ်းၼၼ်ႉ   ၵူၼ်းမိူင်းတႆး ပွတ်းႁွင်ႇ...

ၵူၼ်းပၢႆႈၽေးသိုၵ်း တီႈဝတ်ႉၼွင်သွမ်း ႁူဝ်ၵူၼ်း 400 ပၢႆ ၼႂ်းၼၼ်ႉ တႃႇ 95 ၵေႃႉ လူဝ်ႇတၢင်းၸွႆႈထႅမ် ၽႃႈႁူမ်ႇၶူဝ်း ၼွၼ်းၵၼ် ယွၼ်ႉပႆႇၵုမ်ႇလုမ်ႇၵၼ်။ တႄႇဢဝ် ဝၼ်းတီႈ 1/6/2021 မႃးတေႃႇထိုင်ယၢမ်းလဵဝ် ၵူၼ်းဝၢၼ်ႈလၵ်း၊ ၼမ်ႉဢူပ်းလႄႈ ဝၢၼ်ႈမၢၵ်ႇဝၢဝ်း ဢၼ်ပၢႆႈမႃး သွၼ်ႈဝႆႉတီႈဝတ်ႉၼွင်သွမ်း ၸႄႈဝဵင်းၵေးသီး ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း...

ၽွင်းၵၢၼ်မိူင်းတိုၵ်ႉသုၵ်ႉ ၵူၼ်းမိူင်းၺႃးသိုၵ်းမၢၼ်ႈတီႉၺွပ်းၶႃႈႁႅမ်တၢႆယူႇၵူႈဝၼ်းၼႆႉ တၢင်းပဵၼ်ၶူဝ်ႊဝိတ်ႉ 19 သမ်ႉၽႄႈလၢမ်းမႃးထႅင်ႈလႄႈ ႁူင်းႁဵၼ်းပိုတ်ႇလႆႈ လိူၼ်ၼိုင်ႈယဝ်ႉသေတႃႉ ပေႃႈမႄႈယိင်ႈၶႅၼ်းဢမ်ႇႁတ်းဢဝ်လုၵ်ႈလၢင်းၵႂႃႇသူင်ႇႁူင်းႁဵၼ်း။ တႄႇဢဝ် ႁူဝ်လိူၼ်ၵျုၼ်ႊ 2021 မႃး တေႃႇထိုင်ယၢမ်းလဵဝ် လုၵ်ႈဢွၼ်ႇ  ၼႂ်းမိူင်းတႆး ဢမ်ႇပႆႇႁတ်းၵႂႃႇ ႁူင်းႁဵၼ်းလူင်ပွင်ၸိုင်ႈ  ဢၼ်ယူႇတီႈၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ဢထမ်ႇမ တဵၵ်းၸႂ်ႉပိုတ်ႇမႃး ။  ယၢမ်းလဵဝ် တၢင်းပဵၼ်ၶူဝ်ႊဝိတ်ႉ 19...

 သိုၵ်းမၢၼ်ႈ ယိုတ်းမိူင်းမႃးၶၢဝ်းတၢင်း 4 လိူၼ်ပၢႆ  ဝၢၼ်ႈမိူင်းပႆႇ ၼိမ်ယဵၼ် ၊   ၶူဝ်ႊဝိတ်ႉ 19 ၵေႃႈ ၽႄႈလၢမ်းႁၢဝ်ႈႁႅင်းမႃးႁွပ်ႈသၢမ် ၵူၼ်းတိတ်းၸပ်းတၢင်းပဵၼ်တီႈလႃႈသဵဝ်ႈ ၸိုင်ႈတႆးပွတ်းႁွင်ႇ မီး 100 ပၢႆ  တုမ်ႉတိူဝ်ႉၵၢၼ်ႁႃၵိၼ်လဵင်ႉတွင်ႉ ၵူၼ်းမိူင်းပွတ်းလႃႈသဵဝ်ႈ လိူဝ်ႁႅင်း။  တၢင်းပဵၼ်ၶူဝ်ႊဝိတ်ႉ 19   ၽႄႈလၢမ်းမႃးႁွပ်ႈသၢမ်ၼႆႉ ၽႄႈလၢမ်းၼႂ်းဝဵင်းလႃႈသဵဝ်ႈ ၶႂ်ႈဝႃႈၵူႈပွၵ်ႉယွမ်ႇ ၵူၼ်းတိတ်းၸပ်းတၢင်းပဵၼ်...

ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ တင်း ၸုမ်းသိုၵ်းဢူၺ်းလီ ပွတ်းႁွင်ႇ ပဵၼ်ပၢင်တိုၵ်းၵၼ် တီႈ ႁိမ်းလွႆသူႉၶိၼ်းတွင်ႇ ၼႂ်းၸႄႈဝဵင်း ၵူတ်ႉၶၢႆ ။ မိူဝ်ႈဝႃး ဝၼ်းတီႈ 21/6/2021 ယၢမ်းႁူဝ်ၶမ်ႈ ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ တင်း ၸုမ်း ဢူၺ်းလီ ပွတ်းႁွင်ႇ ပဵၼ်ပၢင်တိုၵ်း ၵၼ် ၼႂ်းၵႄႈသူႉၶိၼ်းတႃႇလႄႈ မၢၼ်ႈလူင်...

ယၢမ်းလဵဝ် တၢင်းပွတ်းထုင်ႉမိူင်းယေႃ ၾၢႆႇဢွၵ်ႇဝဵင်းလႃႈသဵဝ်ႈၼၼ်ႉ ၽူႈလၵ်ႉၸၵ်ႉၶုတ်ႈလိူင်ႇၼမ် ၵူၼ်းမိူင်းၼႂ်း ပိုၼ်ႉတီႈဢမ်ႇလႆယူႇၵတ်းယဵၼ်ၸႂ် ဢမ်ႇၸၢင်ႈတမ်းၸႂ်ဝႆႉဝၢင်းႁိူၼ်းယေးၵႂႃႇႁဵတ်းၵၢၼ်တိူၵ်ႇႁႆႈလွၵ်းၼႃး။ မိူဝ်ႈဝၼ်းတီႈ 17/6/2021 ယၢမ်းၵၢင်ၼႂ်ၸဝ်ႉ မွၵ်ႈ 3 မူင်းၼႆႉ မီးၽူႈလၵ်ႉၸၵ်ႉၶုတ်ႈ ၶီႇၵႃးမႃးလမ်းၼိုင်ႈသေ ၶဝ်ႈယႃႉ ႁၢၼ်ႉၶၢႆၾူၼ်း ၼႂ်းမိူင်းယေႃ ဢိူင်ႇမိူင်းယေႃ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ၊  လၵ်ႉဢဝ်ၵႂႃႇ ၶူဝ်းၶွင်ၼႂ်းႁၢၼ်ႉ တူၵ်းမႅၼ်ႈ ငိုၼ်း...

ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ၶဝ်ႈတီႉၺွပ်း လုၵ်ႈၸုမ်းပရႁိတ တီႈၵျွၵ်ႉမႄး ၵေႃႉၼိုင်ႈ ထိုင်ယၢမ်းလဵဝ်ပႆႇပွႆႇတူဝ် ဝႃႈၼႆ။ မိူဝ်ႈဝၼ်းတီႈ 19/6/2021 ယၢမ်းၵၢင်ၶိုၼ်းလိုၵ်း မွၵ်ႈ 12 မူင်းၼၼ်ႉ ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ တင်း ပလိၵ်ႈ/ ယေး  ႁူမ်ႈၵၼ် ၶဝ်ႈတီႉၺွပ်း ၸၢႆးၵျေႃႇတဵင်း ဢႃယု မွၵ်ႈ 48...

မိူဝ်ႈၼႆႉ ဝၼ်းတီႈ 18/6/2021 ယၢမ်းၵၢင်ဝၼ်း မွၵ်ႈ 12 မူင်း ၵႃးလူင် 22 လေႃႉ 2 လမ်း ထုၵ်ႇၾႆးၽဝ် တီႈလွႆသိဝ်ႉၶိၼ်းတႃႇ ၼႂ်းၵႄႈၵူတ်ႉၶၢႆ - ၼမ်ႉၽၵ်းၵႃ ၸႄႈဝဵင်း ၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆး ပွတ်းႁွင်ႇ ဝႃႈၼႆ။ ၸဝ်ႈၵႃး ဢၼ်လႅၼ်ႈသဵၼ်ႈတၢင်းၼၼ်ႉ...

ငဝ်ႈငုၼ်းၵုမ်းၵမ်ၽႅၼ်ၵၢၼ်ယၼ်ႇသိုၵ်း ၸၵၶ 16 သႅၼ်ဝီ ယိုဝ်းၵွင်ႈလူင် ၵႂႃႇလၢႆႁူးလၢႆတၢင်း ႁဵတ်းႁႂ်ႈ ၵူၼ်းမိူင်း သႅၼ်ဝီ တူၵ်းၸႂ် လႆတိုၼ်ႇ ။ ဝၼ်းတီႈ 16/6/2021 ယၢမ်းၵၢင်ၼႂ် 8 မူင်း တပ်ႉၶွင်ႇသီႇသိုၵ်းမၢၼ်ႈ ၸၵၶ 16 သႅၼ်ဝီ ယိုဝ်းၵွင်ႈလူင် 4 လုၵ်ႈ လုၵ်ႉတၢင်းသႅၼ်ဝီသေ...

ၵူၼ်းၼုမ်ႇတႆးလႃႈသဵဝ်ႈ  ဢၼ်ၺႃးသိုၵ်းမၢၼ်ႈတီႉၺွပ်းၽွင်းပၢင်ၼႄၵၢင်ၸႂ် ၼၼ်ႉ လုမ်းတြႃးထတ်းထွင်ယဝ်ႉသေ ပၼ်တူတ်ႈတၢမ်ႇ ယဵတ်ႈၶွၵ်ႈ 2 ပီ၊ ပဵၼ်ၵူၼ်းၼုမ်ႇတႆး ဢၼ်ၺႃးသိုၵ်းမၢၼ်ႈသူင်ႇၶင်ၶွၵ်ႈၵေႃႉႁႅၵ်ႈ။ မိူဝ်ႈဝႃး ဝၼ်းတီႈ 16/6/2021 ၶွင်ႇသီႇသိုၵ်းမၢၼ်ႈ ဢဝ် ၸၢႆးသၢႆဝၼ်းဢူး (ႁွင်ႉ) ၵျေႃႇတႅတ့်ဢူး ၵူၼ်းၼုမ်ႇတႆး ဝဵင်းလႃႈသဵဝ်ႈ ၸိုင်ႈတႆး ပွတ်းႁွင်ႇ    ၶိုၼ်ႈလုမ်းတြႃး ထဵတ်ႈထၢမ်ဢမုၶတီး ယဝ်ႉသေ...

မၢႆတွင်း ဝၼ်းသုၼ်ႇလႆႈ ၸိူဝ်ႉၸၢတ်ႈတႆးၼႆႉသေ ၵူၼ်းၼုမ်ႇတႆး ပတ်းပိုၼ်ႉလုမ်ႈၾႃႉ၊ ၵူၼ်းမိူင်းတႆးၼွၵ်ႈမိူင်းၼႂ်းမိူင်းၽွမ်ႉၵၼ်ႁဵတ်းလွင်ႈတူင်ႉၼိုင်ၽဵင်ႇၵၼ်၊ တႆႈတဵၼ်းယွၼ်းသူးပၼ်ၵူၼ်းမိူင်းတႆးၸိူဝ်ထုၵ်ႇပူၼ်ႉပႅၼ်သုၼ်ႇလႆႈသေ လႆႈလူႉသဵင်သုတ်းမုၼ်ၵႂႃႇ ပၢၼ်သိုပ်ႇပၢၼ်။ မိူဝ်ႈဝႃး ဝၼ်းတီႈ 16/6/2021 တူၵ်ႈမႅၼ်ႈဝၼ်းသုၼ်ႇလႆႈၸိူဝ်ႉၸၢတ်ႈတႆးသေ ၼုမ်ႇႁၢႆးၸၢႆးယိင်း ဝဵင်းပင်လူင် ၸႄႈ ဝဵင်းလွႆလႅမ် ၸိုင်ႈတႆးပွတ်းၸၢၼ်းၵေႃႈ  ႁူမ်ႈၵၼ်ႁဵတ်းသၢင်ႈလွင်ႈတူင်ႉၼိုင်ဢၼ်လီလီ ၊ လူင်းပိုၼ်ႉတီႈၸႅၵ်ႇလဵင်ႉတၢင်းၵိၼ်လုၵ်ႈဢွၼ်ႇ ၸွမ်းႁူင်းႁဵၼ်းဝၢၼ်ႈ ၼွၵ်ႈၼႃးပၢင်ႇ ၊ ႁူမ်ႈၵၼ်...