မိူင်းၵိုင်

ၽူႈၵွၼ်းဢိူင်ႇ ပၢင်ႇၵေႇတု ၵေႃႉဢၼ်တူင်ႉၼိုင်သႂ်ႇႁႅင်းၸွႆႈထႅမ်ၵူၼ်းပၢႆႈၽေးသိုၵ်းမႃးတႃႇသေႇၼၼ်ႉ ထုၵ်ႇၵူၼ်းဢမ်ႇႁူႉၾၢႆႇ 2 ၵေႃႉ ၶဝ်ႈယိုဝ်းထိုင်ၼႂ်းႁိူၼ်း မၢတ်ႇၸဵပ်းႁၢဝ်ႈႁႅင်း လႆႈႁၢမ်တူဝ်သူင်ႇႁူင်းယႃ။ လုၵ်ႈလၢင်းၵူၼ်းႁိူၼ်းလုင်းၵျီႇတဵင်း ၽူႈၵွၼ်းဢိူင်ႇပၢင်ႇၵေႇတု လၢတ်ႈဝႃႈ ၵူၼ်းသွင်ၵေႃႉၶဝ်ႈမႃးယိုဝ်းပေႃႈၶဝ်  ထိုင်ၼႂ်းႁိူၼ်း မိူဝ်ႈဝၼ်းတီႈ 11/12/2021 ယၢမ်းႁူဝ်ၶမ်ႈ မွၵ်ႈ 6 မူင်း။ ၵူၼ်းႁၢႆႉၼၼ်ႉ ပဵၼ်ၽႂ်ဢမ်ႇႁူႉ ၵူၺ်းၵႃႈလၢတ်ႈၵႂၢမ်းတႆးတေႃႇၶဝ် ဝႃႈၼႆ။  “ ၽွင်းၼၼ်ႉ...

မိူဝ်ႈၼႆႉ ဝၼ်းတီႈ 9/12/2021 ယၢမ်းၵၢင်ၼႂ် RCSS တင်း SSPP  ယိုဝ်းၵၼ် ႁိမ်းဝၢင်ႈမိူင်းလႄႈ ၵူၼ်းဝၢၼ်ႈ ဢၼ်ပၢႆႈၽေးမႃးမီး တီႈၵျွင်းမုၼ်ၸဝ်ႈ ဝၢင်ႈမိူင်းၼၼ်ႉ သိုပ်ႇပၢႆႈၵႂႃႇတၢင်း ႁၢမ်းငၢႆး - ဢၼ်မီးၼႂ်းၵႄႈ ၵေးသီး - မိူင်းၵိုင်။ မိူဝ်ႈဝႃး တင်းမိူဝ်ႈၼႆႉ သိုၵ်းသွင်ၸုမ်း တိုၵ်းတေႃးၵၼ် ၼႂ်းၵႄႈ...

တႃႇႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ယႃႇႁႂ်ႈတိတ်းၸပ်းၵၼ်ၼႆသေ ႁူင်းႁဵၼ်းၸၼ်ႉသုင် မိူင်းၵိုင် ယႅၵ်ႈၶၢဝ်းယၢမ်း သွင်ၶၢဝ်းသေ ပူင်သွၼ်ပၼ်လုၵ်ႈႁဵၼ်းၵႂႃႇ  2 ၶၢဝ်းယၢမ်း ။ တႄႇဢဝ် ဝၼ်းတီႈ 6/12/2021 (ဝၼ်းၸၼ်) ၼႆႉမႃး ႁူင်းႁဵၼ်းၸၼ်ႉသုင် ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ယႅၵ်ႈ ၶၢဝ်းယၢမ်း ပဵၼ်သွင်တွၼ်ႈ/ သွင်ၶၢဝ်းသေ ၸိူဝ်းယူႇၸၼ်ႉၵၢင်တႄႉ...

မိူဝ်ႈၼႆႉ ဝၼ်းတီႈ 8/12/2021 ယၢမ်းၵၢင်ၼႂ် သဵင်ၵွင်ႈတႅၵ်ႇႁိမ်းဝၢၼ်ႈပၢင်ႇၵွင်းမူးသၢႆးလႄႈ ဝၢၼ်ႈၵုင်းၶမ်း ၼႂ်းၵႄႈဢိူင်ႇႁၢမ်းငၢႆး - ဢိူင်ႇဝၢင်ႈမိူင်း ၼႂ်းၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း  ၵူၼ်းမိူင်း  လၢႆလၢႆဝၢၼ်ႈ ႁူဝ်ၵူၼ်းႁဵင်ပၢႆ လႆႈပၢႆႈၽေးသိုၵ်း  ။ ၵူၼ်းမိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ တေႃႇထိုင်ယၢမ်းလဵဝ် သဵင်ၵွင်ႈတိုၵ်ႉတႅၵ်ႇယူႇၶႃႈ။  ပဵၼ် SSPP...

ၼႂ်းၸႄႈဝဵင်းမိူင်းၵိုင် ၵူတ်ႇထတ်းႁၼ် ၵူၼ်းတိတ်းၸပ်း ၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ၸမ် 400 လူႉတၢႆ 9 ၵေႃႉယဝ်ႉ ဝႃႈၼႆ။   တၢင်းပဵၼ်ၶူဝ်ႊဝိတ်ႉ 19 ပွၵ်ႈၵမ်းသၢမ် ၼႂ်းၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ႁၢၼ်ႉတေႃႇထိုင် ဝၼ်းတီႈ 1/12/2021 ၼႆႉ ၵူတ်ႇထတ်းႁၼ် ၵူၼ်းတိတ်းၸပ်းၸိူဝ်ႉမႅင်းမီးၵႂႃႇ 393...

ၵူၼ်းပၢႆႈၽေးသိုၵ်း တီႈဢိူင်ႇပၢင်ႇၵေႇတု ဝဵင်းမိူင်းၵိုင် ႁူဝ်ၵူၼ်း မွၵ်ႈ 300 ပၢႆႈမႃး ၸမ်သွင်လိူၼ်ယဝ်ႉ ပႆႇလႆႈ ပွၵ်ႈၶိုၼ်းႁိူၼ်းယေး  ၼႂ်းပိုၼ်ႉတီႈ တိုၵ်ႉမီးလွင်ႈၶဵင်ႈၶႅင်ၵၢၼ်သိုၵ်း ၵၼ်ယူႇ။ ၵူၼ်းပၢႆႈၽေးသိုၵ်းၼႆႉပဵၼ် ၵူၼ်းဝၢၼ်ႈၵုင်းလႅင်း မႃးယူႇဝႆႉၼႂ်းဢိူင်ႇပၢင်ႇၵေႇတု ၸႄႈဝဵင်းမိူင်းၵိုင်  ။ ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈမိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ - “ၵိုတ်းဝႆႉ မွၵ်ႈ 300...

ၵူၼ်းမိူင်းၵိုင် ႁူဝ်ၵူၼ်း 170 ပၢႆ ပၢႆႈၽေးသိုၵ်း ႁွတ်ႈထိုင် တီႈဝဵင်းၵဵင်းတွင်း ၸမ်လိူၼ်ယဝ်ႉ လူဝ်ႇၶဝ်ႈၼမ်ႉတၢင်းၵိၼ်လႄႈ ၶူဝ်းဢုၼ်ႇဝႃႈၼႆ။ မိူဝ်ႈဝၼ်းတီႈ 27/11/2021 ပူၼ်ႉမႃးၼႆႉ ယူႇတီႈသင်ၶၸဝ်ႈ၊ ၽူႈၵွၼ်းပွၵ်ႉ/ ဢိူင်ႇ၊ ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းၵဵင်းတွင်း ႁူမ်ႈၵၼ်သေ လူင်းပိုၼ်ႉတီႈ လူႇၶၢမ်ႇ တီႈၽူႈမီးၼမ်ႉၸႂ်ၸေႇတႃႇၼ ပီႈၼွင်ႉၼႂ်းဝဵင်းသေ ႁူမ်ႈၵၼ်ၸွႆႈထႅမ် ၵူၼ်းပၢႆႈၽေးသိုၵ်း...

မိူဝ်ႈၼႆႉ ဝၼ်းတီႈ 26/11/2021 ၼႆႉ ၾၢႆႇပၢႆးယူႇလီ ၸႄႈဝဵင်းမိူင်းၵိုင် ၵူတ်ႇထတ်း တၢင်းပဵၼ် ၶူဝ်ႊဝိတ်ႉ 19 မိူဝ်ႈၼႆႉ ထူပ်းႁၼ်  ၵူၼ်းတိတ်းၸပ်း တၢင်းပဵၼ် ထႅင်ႈ 4 ၵေႃႉ။ ၼႂ်းၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၵူၼ်းၽႄႈၸပ်းတၢင်းပဵၼ် ၶူဝ်ႊဝိတ်ႉ မီးၵူႈဝၼ်း။ ဢၼ်ၽႄႈၸပ်း ၼႂ်းဝၼ်းမိူဝ်ႈၼႆႉ...

ၵူၼ်းၼႂ်းဢိူင်ႇပၢင်ႇၵေႇတု မီးႁူဝ်ၵူၼ်း 4,000 ပၢႆ ဢၼ်လႆႈႁပ်ႉသမ်းယႃႁႄႉၵင်ႈၶူဝ်ႊဝိတ်ႉ 19 ၵႂႃႇယဝ်ႉ ပွၵ်ႈၵမ်းၼိုင်ႈ ၼၼ်ႉ မီးမွၵ်ႈ 1,000 ၵေႃႉၵူၺ်း ယင်းတိုၵ်ႉလႆႈမႆႈၸႂ် ၵူဝ်တၢင်းပဵၼ်ၽႄႈလၢမ်းတေႃႇၵမ်။ တႄႇဢဝ် ဝၼ်းတီႈ 24/11/2021 ၼႆႉၵႂႃႇ တီႈႁွင်ႈယူတ်းယႃ ၼႂ်းဢိူင်ႇပၢင်ႇၵေႇတု ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း တႄႇသမ်းယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19...

  ၵူၼ်းပၢႆႈၽေးသိုၵ်း တီႈဢိူင်ႇပၢင်ႇၵေႇတု တိုၵ်ႉၵိုတ်းႁူဝ်ၵူၼ်း 300 ပၢႆ ပႆႇၸၢင်ႈမိူဝ်း၊ထူပ်းတၢင်းယၢပ်ႇၽိုတ်ႇ ၶဝ်ႈၼမ်ႉတၢင်းၵိၼ်   ဝႃႈၼႆ။ ၵူၼ်းပၢႆႈၽေးသိုၵ်း ဝၢၼ်ႈၵုင်းလႅင်း ဢၼ်ပၢႆႈမႃးသွၼ်ႈဝႆႉ တီႈဢိူင်ႇပၢင်ႇၵေႇတု ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ႁူဝ်ၵူၼ်း 300 ပၢႆ လင်ႁိူၼ်း 90 လင် ယၢမ်းလဵဝ် ထူပ်းတၢင်းယၢပ်ႇၽိုတ်ႇ ၵိၼ်းၸႂ် လွင်ႈၶဝ်ႈၼမ်ႉတၢင်းၵိၼ်...

ၼႂ်းၸႄႈဝဵင်းမိူင်းၵိုင် ၵူတ်ႇထတ်းႁၼ် ၵူၼ်းတိတ်းၸပ်း ၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 မီးၵႂႃႇ 295 ၵေႃႉ၊ လူႉတၢႆ 6 ၵေႃႉ ၊ လုၵ်ႈႁဵၼ်းၸၼ်ႉ 7 ၵေႃႈတိတ်းၸပ်းၵေႃႉၼိုင်ႈ။ မိူဝ်ႈဝႃး ဝၼ်းတီႈ 11/11/2021 ၼႂ်းၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၵူတ်ႇထတ်းႁၼ် ၵူၼ်းတိတ်းၸပ်း ၸိူဝ်ႉမႅင်း တင်းမူတ်း...

မိူဝ်ႈၼႆႉ ဝၼ်းတီႈ 11/11/2021 ယၢမ်းၵၢင်ၼႂ် မွၵ်ႈ 5 မူင်းပၢႆ သဵင်ၵွင်ႈတႅၵ်ႇၼႂ်းဢိူင်ႇ ပၢင်ႇၵေႇတု၊ ႁၢမ်းငၢႆးလႄႈ တူင်ႇလၢဝ်း ၼႂ်း ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း  ။ ပၢင်တိုၵ်းဢၼ်ပဵၼ် ၼႂ်းဢိူင်ႇပၢင်ႇၵေႇတု တႄႉ တၢင်းဝၢၼ်ႈၵုင်းပဝ်း၊ ၵုင်းလႅင်းလႄႈ လွႆယွႆး 3 ဝၢၼ်ႈ။ ယွၼ်ႉပၢင်တိုၵ်းသေ...

ယၢမ်းလဵဝ် ၵူၼ်းပၢႆႈၽေးသိုၵ်း တီႈဢိူင်ႇပၢင်ႇၵေႇတု ႁူဝ်ၵူၼ်း 327 ၵေႃႉ ပႆႇႁတ်းပွၵ်ႈႁိူၼ်းယေးၵၼ် ယွၼ်ႉၼႂ်းပိုၼ်ႉတီႈ ပႆႇမီးလွင်ႈၼိမ်သဝ်း တိုၵ်ႉမီးသိုၵ်းတူင်ႉၼိုင် ၶဵင်ၶႅင်ႈၵၼ်ယူႇ။ မိူဝ်ႈၼႆႉ ဝၼ်းတီႈ 10/11/2021 ၵူၼ်းဝၢၼ်ႈၵုင်းပဝ်း၊ ပၢင်ႇၵွင်းမူး၊ ၼမ်ႉႁူးလႄႈ ၼွင်လႅဝ် ႁူဝ်ၵူၼ်း 105 ၵေႃႉ လင်ႁိူၼ်း 34 လင် ဢၼ်ပၢႆႈ...

လုၵ်ႈဢွၼ်ႇမိူင်းၵိုင် ၵႂႃႇလၢမ်ႈၵႂၢႆးတီႈႁႆႈ  ၽႃႇၺႃးမၢၵ်ႇ ၸွမ်းသဵၼ်ႈတၢင်း  မၢတ်ႇၸဵပ်းလူႉတၢႆတင်းၵူၼ်းတင်းၵႂၢႆး။ မိူဝ်ႈဝႃး ဝၼ်းတီႈ 2/11/2021 ယၢမ်းဝၢႆးဝၼ်း 2 မူင်းပၢႆ ၸၢႆးထုၼ်းဢေး ဢႃယု 17 ပီ ၵူၼ်းဝၢၼ်ႈလွႆယွႆး ပွၵ်ႉႁွင်ႇ ဢိူင်ႇပၢင်ႇၵေႇတု ၸႄႈဝဵင်း မိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း  ၶီႇၵႂၢႆးသေ တေၵႂႃႇလၢမ်ႈ/ လဵင်ႉၼႂ်းႁႆႈ...

ၵူၼ်းပၢႆႈၽေးသိုၵ်း ဢၼ်တိုၵ်ႉၵိုတ်းဝႆႉတီႈဢိူင်ႇပၢင်ႇၵေႇတု ႁူဝ်ၵူၼ်း 670 ပၢႆၼၼ်ႉ ယၢမ်းလဵဝ် လူဝ်ႇတၢင်း ၸွႆႈထႅမ်ၶဝ်ႈၼမ်ႉ တၢင်းၵိၼ် ႁၢဝ်ႈႁႅင်း။ တႄႇဢဝ် ႁၢင်လိူၼ်သႅပ်ႊထႅမ်ႊပိူဝ်ႊမႃး တေႃႇထိုင် ဝၼ်းတီႈ 2/11/2021  ၼႂ်းၶၢဝ်းတၢင်း လိူၼ်ပၢႆ  ၵူၼ်းပၢႆႈၽေးသိုၵ်း  တီႈဢိူင်ႇပၢင်ႇၵေႇတု ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ႁူဝ်ၵူၼ်း 674 ၵေႃႉ...