Thursday, March 28, 2024

ၵူၼ်းမိူင်းၵိုင် ၸပ်းတၢင်းပဵၼ်ၶူဝ်ႊဝိတ်ႉ 19 ၵူႈဝၼ်း

Must read

မိူဝ်ႈၼႆႉ ဝၼ်းတီႈ 26/11/2021 ၼႆႉ ၾၢႆႇပၢႆးယူႇလီ ၸႄႈဝဵင်းမိူင်းၵိုင် ၵူတ်ႇထတ်း တၢင်းပဵၼ် ၶူဝ်ႊဝိတ်ႉ 19 မိူဝ်ႈၼႆႉ ထူပ်းႁၼ်  ၵူၼ်းတိတ်းၸပ်း တၢင်းပဵၼ် ထႅင်ႈ 4 ၵေႃႉ။

Photo Mong Kung Township – ၾၢႆႇပၢႆးယူႇလီ ၵူတ်ႇထတ်းတၢင်းပဵၼ်ၶူဝ်ႊဝိတ်ႉပၼ်ၵူၼ်းမိူင်းၵိုင်

ၼႂ်းၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၵူၼ်းၽႄႈၸပ်းတၢင်းပဵၼ် ၶူဝ်ႊဝိတ်ႉ မီးၵူႈဝၼ်း။ ဢၼ်ၽႄႈၸပ်း ၼႂ်းဝၼ်းမိူဝ်ႈၼႆႉ ပႃးဢွၼ်ႇၸၢႆး ဢႃယု 13 ပီ ၵေႃႉၼိုင်ႈ၊ မၢဝ်ႇႁၢႆးဢွၼ်ႇ ဢႃယု  17 ပီ ၵေႃႉၼိုင်ႈ။ ၽူႈႁၢပ်ႇၵၢၼ်လူင်ပွင်ၸိုင်ႈ  2 ၵေႃႉ ။

- Subscription -

ၵူၼ်းမိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ -“တၢင်းပဵၼ်ၶူဝ်ႊဝိတ်ႉ 19 တီႈမိူင်းၵိုင်ၼႆႉ ၽႄႈယူႇတိၵ်းတိၵ်းၶႃႈယဝ်ႉ။ ၼိုင်ႈဝၼ်းလႂ် ၵူၼ်း တိတ်းၸပ်း 4-5 ၵေႃႉ ႁၼ်ယူႇၵူႈဝၼ်းၶႃႈဢေႃႈ”- ဝႃႈၼႆ။

တၢင်းပဵၼ်ၶူဝ်ႊဝိတ်ႉ 19 ၽႄႈပွၵ်ႈၵမ်းသၢမ်ၼႆႉ ၼႂ်းၸႄႈဝဵင်းမိူင်းၵိုင် မီးၵူၼ်းၸပ်း 386 ၵေႃႉ၊ လူႉတၢႆ 6 ၵေႃႉ၊ ယႃၶႅၼ်း 364 ၵေႃႉလႄႈ တိုၵ်ႉယူတ်းယႃဝႆႉ 16 ၵေႃႉ ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း