ဝၼ်းတီႈ 8/8/2026 ယၢမ်းၵၢင်ၼႂ်ၸဝ်ႉမွၵ်ႈ 4 မူင်း ပလိၵ်ႈထႆး တီႈလၢၼ်ႇမႄႈထူဝ်ႊ ၸႄႈတွၼ်ႈတၢၵ်ႇ ႁႄႉၵူတ်ႇထတ်းရူတ်ႉလမ်းၼိုင်ႈ တၢင်ႇမႃးၶိူင်ႈၻရူၼ်ႊ 24 သႅၼ်းၼႆ ၸဝ်ႈ ၼႃႈတီႈပလိၵ်ႈထႆး ပိုၼ်ၽၢဝ်ႇဝႆႉၼင်ႇၼႆ။
ၼႂ်းၶိူင်ႈၻရူၼ်ႊ ဢၼ်ဢမ်ႇမီးဝႂ်ၶွၼ်ႇလၢႆႊသိၼ်ႊၸိူဝ်းၼၼ်ႉပဵၼ်သႅၼ်းၸၢၵ်ႈတီႉ ထီႊဝီႊ GPRC 4 ဢၼ်၊ FPV ၸၢၵ်ႈတီႉသၢႆၻရူၼ်ႊ မိၵ်ႈ SKYZONE 2 ဢၼ်၊ ၽတ်ႉလူမ်း ၶိူင်ႈၻရူၼ်ႊ 499 ၶျုတ်ႉ၊ ဝႅၼ်ႈမုင်ႈၵႆ (မၢၼ်ႇပျွင်း) LPVO မိၵ်ႈ T-EAGLE Optics 1 ဢၼ်၊ ႁိူၼ်းၻရူၼ်ႊ 10 ဢၼ်၊ ၽတ်ႉလူမ်းမိၵ်ႈ GEMFAN၊ ၼႃႈၵျေႃးၸၢၵ်ႈတူၺ်းၻရူၼ်ႊ 3 ၶျုတ်ႉ ဢိၵ်ႇၶိူင်ႈမိုဝ်းၸၢၵ်ႈ 3D Printer ၼိုင်ႈဢၼ်ၸဵမ်ၸိူဝ်းၼႆႉ။ ၽိူဝ်ႇပလိၵ်ႈထႆး ၵူတ်ႇထတ်းတူၺ်းၸိုင် ၶိူင်ႈမိုဝ်းၸိူဝ်းၼၼ်ႉဢမ်ႇမီးဝႂ်ၵမ်ႉထႅမ်ဢၼ် ၶွမ်ႊမသျိၼ်ႊၾၢႆႇပွႆႇငဝ်း ႁၢင်ႈသဵင် NBTC ၶဝ်ဢွၵ်ႇဝႆႉပဵၼ်တၢင်းၵၢၼ်။ ၵွပ်ႈၼႆ ပလိၵ်ႈယိုတ်းဝႆႉတႃႇၵူတ်ႇထတ်းတူၺ်းငဝ်ႈႁၢၵ်ႈမၼ်းထႅင်ႈ ဝႃႈပဵၼ်ၶွင်ၽႂ် ဢဝ်တီႈလႂ်မႃးသေတေဢဝ်ၵႂႃႇတၢင်းလႂ်ၸဵမ်ၸိူဝ်း ၼႆႉ ဝႃႈၼႆ။
ၵူၼ်းတေႃႉၶိူင်ႈၻရူၼ်ႊၶဝ်ႈမႃးၵေႃႈ သမ်ႉမႅၼ်ႈၵၼ်တင်းၸဝ်ႈၼႃႈတီႈပလိၵ်ႈထႆး တင်ႈလၢၼ်ႇတႃႇၵူတ်ႇထတ်း ယႃႈမဝ်းၵမ်ဢဝ်လီလီလႄႈ ၸင်ႇၺႃးတီႉၺွပ်းၵူတ်ႇထတ်းဝႆႉလႆႈႁူႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ