ၽူႈလၵ်ႉ

ၶၢဝ်းတၢင်းၸမ် 3 လိူၼ်မႃးၼႆႉ သိုၵ်းမၢၼ်ႈသီႇပေႃႉ ပိုၼ်ၽၢဝ်ႇၸႂ်ႉတိုဝ်း မၢႆမီႈ ႁၢမ်ႈဢွၵ်ႇ ၼွၵ်ႈႁိူၼ်း ယၢမ်းၵၢင်ၶိုၼ်း ၵူၼ်းမိူင်းသီႇပေႃႉလၢတ်ႈဝႃႈ ဢမ်ႇမီးလွင်ႈႁူမ်ႇလူမ်ႈလႄႈ လွင်ႈဢုၼ်ႇၸႂ် မိူၼ်ပၼ် တိုဝ်ႉတၢင်းၽူႈလၵ်ႉၵူၼ်းၸူၼ်လိူင်ႇၼမ်ၵူၺ်းယဝ်ႉ  ဝႃႈၼႆ။ ၽူႈၵွၼ်းၸႄႈဝဵင်းသီႇပေႃႉ တႂ်ႈသိုၵ်းမၢၼ်ႈၸႂ်ႉတိုဝ်းမၢႆမီႈ ႁၢမ်ႈဢွၵ်ႇႁိူၼ်း ယၢမ်းၵၢင်ၶိုၼ်းၼႆႉ  တင်ႈတႄႇဝၼ်းတီႈ 8/6/2022  မႃး တေႃႇထိုင်ယၢမ်းလဵဝ်  ႁိုင်မႃး ၶၢဝ်းတၢင်းၸမ်...

ၵူၼ်းမိူင်းလွၵ်ႉၸွၵ်ႇ ႁႃၵိၼ်လဵင်ႉတွင်ႉယၢပ်ႇ ၵူၼ်းလုၵ်ႉတၢင်ႇတီႈသီႇလႅၼ်မႃးယူႇသဝ်းၵေႃႈၼမ်  ၽူႈလၵ်ႉၸၵ်ႉၶုတ်ႈ လိူင်ႇ   ၶဝ်ႈၸူၼ်ပႃးၼႂ်းၵျွင်းမုၼ်ၸဝ်ႈ။ တႄႇဢဝ် လိူၼ်ဢေႃႊၵတ်ႊသ်ၼႆႉမႃး ၸွမ်းဝၢၼ်ႈၼွၵ်ႈၼႃးပၢင်ႇ/ သၢပ်ႇဝဵင်း ၼႂ်းၸႄႈဝဵင်းလွၵ်ႉၸွၵ်ႇ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း မီးၽူႈလၵ်ႉၸၵ်ႉၶုတ်ႈလိူင်ႇၼမ်ႁႅင်း ရူတ်ႉၶိူင်ႈ ၶူဝ်းၶွင်ႁိူၼ်းယေး ဢၼ်မီးၵႃႈၶၼ်ၸိူဝ်းၼႆႉ ၵႆႉႁၢႆ   ဢမ်ႇမီးလွင်ႈႁူမ်ႇလူမ်ႈ ဢုၼ်ႇၸႂ် ၾၢႆႇပလိၵ်ႈ/ သိုၵ်းမၢၼ်ႈ ၸိူဝ်းၼႆႉၵေႃႈ ဢမ်ႇဢဝ်ပုၼ်ႈၽွၼ်း တူၺ်းထိုင်ပၼ်သင်။ ၵူၼ်းလွၵ်ႉၸွၵ်ႇ...

မိူဝ်ႈၼႆႉ ဝၼ်းတီႈ 22/8/2022 ယၢမ်းၵၢင်ၼႂ် 4 မူင်းၶိုင်ႈ ၽူႈၸၢႆး ၵေႃႉၼိုင်ႈ လၵ်ႉၶၢမ်ႈႁူဝ်ႉၶဝ်ႈႁိူၼ်းၵူၼ်းဝၢၼ်ႈ တီႈပွၵ်ႉမႄႈၶၢဝ် ၸႄႈ ဝဵင်းတႃႈၶီႈလဵၵ်းဢဝ်ၼမ်ႉမၼ်းၸိူဝ်ႉၾႆး ပုင်းၼိုင်ႈ။ ၵူၼ်းလၵ်ႉၼၼ်ႉ ပဵၼ်ၽူႈႁၢပ်ႇၵၢၼ် ၾၢႆႇပၢႆးၸၢၵ်ႈ လူင်ပွင်ၸိုင်ႈ ဝႃႈၼႆ။ ၵူၼ်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈၽွင်းမၼ်းမႃးလၵ်ႉၼၼ်ႉ ၾူၼ်တူၵ်းႁႅင်းလႄႈ ဢမ်ႇလႆႈငိၼ်းသဵင်မၼ်း/ မၼ်းၵၼ်းၶိုၼ်ႈႁူဝ်ႉသေ ၶဝ်ႈမႃးလၵ်ႉဢဝ်...

ၽူႈလၵ်ႉၸၵ်ႉၶုတ်ႈ လိူင်ႇၼမ် ၼႂ်းဝဵင်းၼွင်ၶဵဝ် သၢႆၾႆးၵေႃႈ ဢမ်ႇဝႆႉ လၵ်ႉၵႅတ်းဢဝ်ၵႂႃႇၶၢႆ ပလိၵ်ႈ/သိုၵ်းမၢၼ်ႈ ဢမ်ႇဢဝ်လိူင်ႈ ဢမ်ႇတီႉၺွပ်းႁဵတ်းသင်ပၼ်။ မိူဝ်ႈဝႃး ဝၼ်းတီႈ 17/7/2022 ယၢမ်းၵၢင်ၶိုၼ်း သၢႆၾႆးၾႃႉ  ၵူၼ်းဝၢၼ်ႈ ပွၵ်ႉပၢင်ႁၵ်ႉ ၸႄႈဝဵင်းၼွင်ၶဵဝ် ၸႄႈတွၼ်ႈၵျွၵ်ႉမႄး  ထုၵ်ႇလၵ်ႉၵႅတ်းဢဝ်ၵႂႃႇၶၢႆ ။ ၵူၼ်းၼွင်ၶဵဝ် လၢတ်ႈတီႈၽူႈတွႆႇႁွၵ်ႈဝႃႈ - “ၽိူဝ်ႇမႃးႁၼ် မိူဝ်ႈၼႆႉ ၵၢင်ၼႂ်...

မိူဝ်ႈၼႆႉ ဝၼ်းတီႈ 23/5/2022 ယၢမ်းၵၢင်ဝၼ်း 12 မူင်းပၢႆ ၽူႈလၵ်ႉၶဝ်ႈ ႁိူၼ်းၵူၼ်းဝၢၼ်ႈ လင်ၼိုင်ႈ တီႈပွၵ်ႉ 5 ၼႂ်းၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ  သုမ်းရူတ်ႉၶိူင်ႈလမ်းၼိုင်ႈလႄႈ ၾူၼ်းလုၵ်ႈၼိုင်ႈ ဝႃႈၼႆ။ ၵူၼ်းၵူတ်ႉၶၢႆ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ပဵၼ်ႁိူၼ်း  ၵလႃး လင်ၼိုင်ႈ တီႈႁိမ်းဝတ်ႉ...

ၼႂ်းၸႄႈဝဵင်းၼမ်ႉၶမ်း ၽူႈလၵ်ႉၵူၼ်းၸူၼ် လိူင်ႇၼမ် တေႃႈၼင်ႇ သၢႆၾႆးၾႃႉတီႈသဝ်လၵ်းၾႆးၵေႃႈ ဢမ်ႇဝႆႉ ၵႅတ်း(တတ်း) ၶၢတ်ႇသေ ၵႄႈဢဝ် သဵၼ်ႈတွင်းတၢင်းၼႂ်းမၼ်း ၵႂႃႇၶၢႆ။ တႄႇဢဝ် ၼႂ်းလိူၼ်ဢေႊပရိူဝ်ႊ 2022 မႃးတေႃႇထိုင်ယၢမ်းလဵဝ် ၼႂ်းၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ မီးၵူၼ်းလၵ်ႉ ၵႅတ်း သၢႆၾႆးၾႃႉ  ၵူၼ်းမိူင်း ၸွမ်းၼႂ်းပွၵ်ႉ/ ယွမ်ႇ ။...

ၽူႈလၵ်ႉၵူၼ်းၸူၼ် လိူင်ႇၼမ်  ၼႂ်းၸႄႈဝဵင်းတႃႈၶီႈလဵၵ်း ႁဵတ်းႁႂ်ႈ ၵူၼ်းမိူင်းပိုၼ်ႉတီႈ ဢမ်ႇမီးလွင်ႈႁူမ်ႇလူမ်ႈ ဢမ်ႇမီးလွင်ႈဢုၼ်ႇၸႂ်  ဢမ်ႇႁတ်းၼွၼ်းလပ်းၼွၼ်းလီ။   ဝၼ်းတီႈ 16/5/2022 ယၢမ်းၵၢင်ၼႂ်ၸဝ်ႉ မွၵ်ႈ 4 မူင်း မီးၽူႈလၵ်ႉၵူၼ်းၸူၼ် ၽူႈၸၢႆး 2 ၵေႃႉ ၶိုင်ယႃႉၽၵ်းတူလဵၵ်း ႁိူၼ်းယေး ၵူၼ်းဝၢၼ်ႈ တီႈပွၵ်ႉမႄႈၶၢဝ် ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း...

မိူဝ်ႈၼႆႉ ဝၼ်းတီႈ 16/5/2022 ယၢမ်းၵၢင်ၼႂ်ၸဝ်ႉ မွၵ်ႈ 3 မူင်းပၢႆ ႁၢၼ်ႉၶၢႆၶူဝ်း ပၢၼ်မႂ်ႇ (fashion) ဢၼ်ပိုတ်ႇၶၢႆဝႆႉ တီႈၼိူဝ်သဵၼ်ႈတၢင်းပိဝ်ႇႁႃႇ (ဗျူဟာလမ်း) ပွၵ်ႉ 1 ၼႂ်းၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ႁၢၼ်ႉၶၢႆၶူဝ်း 3 ႁၢၼ်ႉ/ လၢၼ်ႉ တင်းမူတ်း လူႉသုမ်းၵႂႃႇ မွၵ်ႈ...

မိူဝ်ႈၼႆႉ ဝၼ်းတီႈ 2/5/2022 ယၢမ်းၵၢင်ၼႂ် ၽူႈလၵ်ႉၶဝ်ႈႁိူၼ်းၵူၼ်းဝၢၼ်ႈပွၵ်ႉတေႃႇယွတ်ႈ ဝဵင်းမူႇၸေႊ လၵ်ႉဢဝ်ရူတ်ႉၶိူင်ႈ  ၸဝ်ႈႁိူၼ်းၵႂႃႇ 3 လမ်း ။ ၵူၼ်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ပဵၼ်ႁိူၼ်းၸၢႆးယုၼ်ႉ ပွၵ်ႉတေႃႇယွတ်ႈ။ မိူဝ်ႈၼႆႉ ၵၢင်ၼႂ်လုၵ်ႉမႃး ၽၵ်းတူ တီႈသိုင်ႇ ဝႆႉၵႃးၶဝ်ၼၼ်ႉ ၽုၺ်ႇဝႆႉ။ ရူတ်ႉၶိူင်ႈၶဝ် 3...

ၽူႈလၵ်ႉၵူၼ်းၸူၼ်လိူင်ႇၼမ် ၼႂ်းၸႄႈဝဵင်းလႃႈသဵဝ်ႈ ဝၢႆးလင်သွၼ်းၼမ်ႉ  ထိုင်တီႈပႃးမိတ်ႈပႃးလႅဝ်း ပႂ်ႉၸူၼ်/လမ်း ၽၼ်းၵူၼ်းမိူင်းၵႂႃႇမႃး ၶီႇရူတ်ႉ ၶီႇၵႃးယိင်ႈၶႅၼ်းလႆႈမႆႈၸႂ် ။ ၵူၼ်း လႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “ပူၼ်ႉမႃး 2-3 ဝၼ်းၼႆႉ တီႈႁိမ်းဝၢၼ်ႈၸၢင်ႉၽႅတ်းၼၼ်ႉ မီးၵူၼ်းပႂ်ႉ ၸူၼ်ရူတ်ႉၶိူင်ႈ ၵူၼ်းဝၢၼ်ႈ လႆႈၵႂႃႇလမ်းၼိုင်ႈ။ ၸဝ်ႈၶွင်ရူတ်ႉၺႃးၽၼ်း  မၢတ်ႇၸဵပ်း။ မိူဝ်ႈဝႃး တီႈႁိမ်းဝၢၼ်ႈၼွင်မွၼ်...

ၼႂ်းၶၢဝ်းတၢင်း 2 လိူၼ် ၼႂ်းပီ 2022 ၼႆႉၵူၺ်း တၢင်းၼႂ်းဢိူင်ႇၼႃးၶၢၼ် ၸႄႈဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း ၽူႈလၵ်ႉၵူၼ်းၸူၼ် လိူင်ႇၼမ် ရူတ်ႉၶိူင်ႈၵူၼ်းမိူင်း ပိုၼ်ႉတီႈႁၢႆယဝ်ႉ 4 လမ်း။ ၵူၼ်းပိုၼ်ႉတီႈ ၼႂ်းဢိူင်ႇၼႃးၶၢၼ် ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၼႂ်းပီၼႆႉၵူၺ်း တီႈဢိူင်ႇၼႃးၶၢၼ် ႁဝ်းၶႃႈၼႆႉ ရူတ်ႉၶိူင်ႈႁၢႆၵႂႃႇၼႆႉ...

ၼႂ်းၸႄႈဝဵင်းလၢင်းၶိူဝ်း တီႈပၵ်းလုမ်းၸႄႈတွၼ်ႈၼၼ်ႉ ၽူႈလၵ်ႉလိူင်ႇၼမ် ရူတ်ႉၶိူင်ႈ ၶူဝ်းၶွင်မီးၵႃႈၶၼ် ႁၢႆၵူႈဝၼ်း ဢမ်ႇတွၼ်ႉတီႉလႆႈၵူၼ်းလၵ်ႉသေပွၵ်ႈ၊ ၵူၼ်းၼုမ်ႇပိုၼ်ႉတီႈလၢတ်ႈဝႃႈ ယွၼ်ႉပိူဝ်ႈပၢင်လွင်း လိူင်ႇၼမ်ဝႃႈၼႆ။   မိူဝ်ႈဝႃး ဝၼ်းတီႈ 3/3/2022 ယၢမ်းႁူဝ်ၶမ်ႈ 6 မူင်းၶိုင်ႈ ရူတ်ႉၶိူင်ႈၼၢင်းမေႃယႃလုမ်းလႃးၵူၼ်းပဵၼ်ႁၢႆၵၢင်ဝဵင်း လမ်းၼိုင်ႈ ဢမ်ႇတီႉလႆႈၵူၼ်းႁၢႆႉလႄႈ ဢမ်ႇလႆႈၶိုၼ်းရူတ်ႉၶိူင်ႈ။  ၵူၼ်းၼုမ်ႇလၢင်းၶိူဝ်းၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ -“ ၸႂ်ႈၶႃႈဢေႃႈ ပဵၼ်ရူတ်ႉၶိူင်ႈ  သြႃႇမသမ်းၶဵမ်။...

ၵူၼ်းဝၢၼ်ႈဢမ်ႇၵႂႃႇသႂ်ႇၵႃႈၾႆးၾႃႉလႄႈ ၼႆသေ ၾၢႆႇၾႆးၾႃႉ တတ်းၾႆးၵူၼ်းဝၢၼ်ႈႁၢႆးယႃႈ ၊ ၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း၊ ၸူဝ်ႈဢမ်ႇမီးၾႆးၾႃႉၼႆႉ ၽူႈလၵ်ႉလိူင်ႇၼမ် ၵူၼ်းမိူင်း ဢမ်ႇလႆႈၼွၼ်းလီ ဢမ်ႇလႆႈၵိၼ်လီ။  ၾၢႆႇၾႆးၾႃႉ တႄႇတတ်းၾႆးၵူၼ်းဝၢၼ်ႈႁၢႆးယႃႈ တင်ႈတႄႇ ဝၼ်းတီႈ 13/11/2021 မႃး တေႃႇထိုင်ယၢမ်းလဵဝ် ႁဵတ်းႁႂ်ႈလွင်ႈလၵ်ႉလွင်ႈၸူၼ်ၵၼ် လိူင်ႇၼမ်မႃး။   ၵူၼ်းဝၢၼ်ႈႁၢႆးယႃႈ လၢတ်ႈတီႈၽူႈတွႆႇႁွၵ်ႈဝႃႈ -...

ဝၢႆးသေ ၶွင်ႇသီႇသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်း 8 လိူၼ်ပၢႆ ၵူၼ်းမိူင်းႁႃၵိၼ် လဵင်ႉတွင်ႉ ယၢပ်ႇၽိုတ်ႇ ၵိၼ်းၸႂ်  လိူဝ်ႁႅင်း ၼႂ်းၸႄႈဝဵင်းၼမ်ႉတူႈ ၽူႈလၵ်ႉၵူၼ်းၸူၼ်လိူင်ႇ။   ၼႂ်းၸႄႈဝဵင်းၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇၼႆႉ   ၶူဝ်းၵုၼ်ႇၶိုၼ်ႈ၊ ၵၢၼ်ငၢၼ်း ဢမ်ႇပေႃးမီး၊ ယႃႈမဝ်းၵမ်ၵေႃႈ လိူင်ႇၼမ် ၼွၵ်ႈလိူဝ်ၼၼ်ႉ တၢင်းပဵၼ်ၶူဝ်ႊဝိတ်ႉ 19...

ၼႂ်းၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ  ၽူႈလၵ်ႉၵူၼ်းၸူၼ်လိူင်ႇၼမ်ႁႅင်း ထိုင်တီႈ လမ်းပေႃႉထုပ်ႉ ၽၼ်းတႅင်း ဢွၵ်ႇလိူတ်ႈယၢင် ၸူၼ်လိပ်းမီးၵူႈဝၼ်းလႄႈၵူၼ်းမိူင်းတူၵ်းၸႂ်ဢမ်ႇႁတ်းဢွၵ်ႇၼွၵ်ႈႁိူၼ်း ယၢမ်းလပ်းသိင်ႇၸွမ်ႉႁွမ်ႉၵေႃႈပိၵ်ႉၽၵ်းတူႁိူၼ်းယူႇႁင်းၽႂ်မၼ်း ။ မိူဝ်ႈဝၼ်းတီႈ 29/8/2021 ယၢမ်းႁူဝ်ၶမ်ႈ ပူၼ်ႉမႃးၼႆႉ တီႈပွၵ်ႉ 5 ၸႄႈဝဵင်းလႃႈ သဵဝ်ႈ ၼၢင်းယိင်း ၵေႃႉၼိုင်ႈ ၶီႇရူတ်ႉ ၶိူင်ႈမႃး ထုၵ်ႇၵူၼ်းၸူၼ် ၶီႇရူတ်ႉၶိူင်ႈ လမ်းမႃးၸွမ်းတၢင်းလင်...