ၼႂ်းႁၢင်လိူၼ်ဢေႊပရိူဝ်ႊၼႆႉ သိုၵ်းၵဝ်ႈၵၢင်ႉ MNDAA ၵႂႃႇလိုပ်ႈၵူၼ်းၶၢႆၵုၼ်ႇလႄႈ ၽၵ်းယိူဝ်ႈၼၢင်းၶဵဝ် ဢွၵ်ႇၵၢတ်ႇ ႁဵတ်းႁႂ်ႈၵူၼ်းၶၢႆၵၢတ်ႇၵေႃႉၼိုင်ႈ တူၵ်းၸႂ်ၵူဝ်သေ လိုမ်းတူဝ်ၵႂႃႇ တီႈၼႂ်းၵၢတ်ႇလူင်ဝဵင်းသႅၼ်ဝီ ၸိုင်ႈတႆးပွတ်းႁွင်ႇ။ ဝၢႆးလင် သိုၵ်းမၢၼ်ႈ ဢဝ်ၶိူင်ႈမိၼ် ပွႆႇမၢၵ်ႇသႂ်ႇ တီႈၵၢတ်ႇလူင်ဝဵင်းသႅၼ်ဝီ ဢၼ်မီးၼႂ်းၵၢင်ဝဵင်းၼၼ်ႉ သိုၵ်းၵဝ်ႈၵၢင်ႉ ဢမ်ႇမူၼ်ႉမႄးပၼ်ၶိုၼ်းၵၢတ်ႇလူင် ႁႂ်ႈၵူၼ်းမိူင်းလႆႈၵႃႉငၢႆႈၶၢႆလီလႄႈ ၵူၼ်းမိူင်းလႆႈပၢႆးၶၢႆ ၶူဝ်းၵုၼ်ႇလႄႈ ၽၵ်းၶဵဝ် ႁိမ်းသွင်ၾၢၵ်ႇၶၢင်ႈတၢင်းလူင် သႅၼ်ဝီ...

ဝၢႆးသိုၵ်းၵဝ်ႈၵၢင်ႉ ထွႆဢွၵ်ႇတီႈဝဵင်းမိူင်းယႆ ၵမ်ႈၽွင်ႈယဝ်ႉ ၸဝ်ႈႁၢၼ်ႉၶၢႆၵုၼ်ႇယွႆႈ တီႈဢိူင်ႇႁူဝ်ယ ၸႄႈဝဵင်းမိူင်းယႆ ဢွၼ်ၵၼ်ၶၢင်းပွင်ႉ ယွၼ်ႉသိုၵ်းၶဝ် ၸိုၵ်းၵိၼ်ၶူဝ်းၵုၼ်ႇယဝ်ႉ ဢမ်ႇတၼ်းသၢႆႈၼီႈ တင်းမူတ်းမွၵ်ႈ 10 ႁၢၼ်ႉ။ မိူဝ်ႈဝၼ်းတီႈ 18/04/2025 ၼၼ်ႉ သိုၵ်းၵဝ်ႈၵၢင်ႉ MNDAA ဢၼ်ပႂ်ႉၵဵတ်ႉတီႈဝၢၼ်ႈၼွင်မူဝ် ၼႂ်းဢိူင်ႇႁူဝ်ယ ၸႄႈဝဵင်းမိူင်းယႆ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ ၸိုၵ်းၵိၼ်ၶူဝ်းၵုၼ်ႇ ၵူၼ်းဝၢၼ်ႈလူင်...

တႄႇႁူဝ်ပီ 2025 ၼႆႉမႃး လူင်ပွင်ၸိုင်ႈမိူင်းၶႄႇ ပိုၼ်ၽၢဝ်ႇပၼ်ၶႂၢင်ႉပိုတ်ႇၵၢၼ်ၵႃႉၶၢႆ ၼႂ်းၼႃႈလိၼ်ဝႃႉလႄႈ ၵဝ်ႈၵၢင်ႉ ၵုမ်းၵမ်ၸိူဝ်းၼၼ်ႉသေ လုမ်းတၢင်မိူင်းမၢၼ်ႈ ဢၼ်ပၵ်းဝႆႉၼႂ်းမိူင်းၶႄႇၵေႃႈ ၸင်ႇတႄႇ ပိုတ်ႇသဵၼ်ႈတၢင်းလတ်းၽၢၼ်ႇ သဵၼ်ႈတၢင်း ႁူဝ်ပၢင်ႇလႄႈ ၵုၼ်လူင်ၶိုၼ်း လွတ်ႈလွတ်ႈလႅဝ်းလႅဝ်း။ တီႈၽၵ်းတူလႅၼ်လိၼ် မိူင်းတႆး - မိူင်းၶႄႇ ဝဵင်းၼမ်ႉၽႃႈ (ၶျိၼ်ႊသူၺ်ႇႁေႃႇ) ၼႆႉ သိုၵ်းၵဝ်ႈၵၢင်ႉ ၵုမ်းၵမ်လႆႈ...

မိူဝ်ႈဝႃး ဝၼ်းတီႈ 23/04/2025 ၼႆႉ သိုဝ်ႇၵဝ်ႈၵၢင်ႉ The Kokang တႅမ်ႈတၢင်ႇဝႆႉဝႃႈ ၵူၼ်းၸိူဝ်းတၢင်ႇတီႈသီႇလႅၼ် ဢၼ်မႃးယူႇသဝ်းဝႆႉ ၼႂ်းၼႃႈတီႈၵုမ်းၵမ် တပ်ႉသိုၵ်းၵဝ်ႈၵၢင်ႉ MNDAA တီႈဝဵင်းလၢဝ်ႇၵၢႆးၼႆႉ တၵ်းလႆႈႁဵတ်းဝႂ်ၶႂၢင်ႉယူႇသဝ်း။ ၵူၼ်းပိုၼ်ႉတီႈ ဝဵင်းလၢဝ်ႇၵၢႆး လၢတ်ႈတီႈၽူႈတွႆႇႁွၵ်ႈဝႃႈ - “တႃႇတေႁဵတ်းဝႂ်ၶႂၢင်ႉယူႇသဝ်း ၼႂ်းပိုၼ်ႉတီႈၼႆႉ ၾၢႆႇပလိၵ်ႈၶဝ် ၸုမ်းသိုၵ်းၵဝ်ႈၵၢင်ႉၶဝ် တေႁဵတ်းပၼ်တီႈလုမ်းပလိၵ်ႈ...

တႄႇႁူဝ်လိူၼ်ဢေႊပရိူဝ်ႊမႃး သိုၵ်းၵဝ်ႈၵၢင်ႉ MNDAA သင်ႇႁၢမ်ႈၸႂ်ႉလိၵ်ႈတႆးတင်း လိၵ်ႈဢိင်းၵလဵတ်ႈ ၸွမ်းပၢႆႉႁၢၼ်ႉၶၢႆၵုၼ်ႇလႄႈ ပၢႆႉၵၢတ်ႇ ၼႂ်းဝဵင်းသႅၼ်ဝီ ၸိုင်ႈတႆးပွတ်းႁွင်ႇ။ ၼႂ်းႁူဝ်ပီ 2025 မႃးၼႆႉ သိုၵ်းၵဝ်ႈၵၢင်ႉ ၵမ်ၵိၼ်းၼိူဝ်ၵူၼ်းမိူင်းသႅၼ်ဝီ ၵူႈၾၢႆႇသေ ပူၼ်ႉပႅၼ်သုၼ်ႇလႆႈၵူၼ်း တဵၵ်းႁႂ်ႈၶၢတ်ႈပၼ်ဢွင်ႈတီႈလိၼ်၊ တဵၵ်းၶၢၼ်းၸႂ်ႉၵူၼ်းမိူင်း၊ တဵၵ်းၵဵပ်းၵူၼ်းသိုၵ်းမႂ်ႇလႄႈ ႁႂ်ႈၵူၼ်းမိူင်းသႂ်ႇၶွၼ်ႇ ၵႃႈယႂ်ႇၶၼ်လူင် ၸဵမ်ၸိူဝ်းၼႆႉၵူၺ်းဢမ်ႇၵႃး ယၢမ်းလဵဝ်သမ်ႉ ႁၢမ်ႈယႃႇႁႂ်ႈၵူၼ်းမိူင်း ၸႂ်ႉတိုဝ်းလိၵ်ႈတႆးထႅင်ႈၼႆ -...

ဝၢႆးလင် သိုၵ်းၵဝ်ႈၵၢင်ႉ MNDAA တေႃႉၶူဝ်းၶွင် ၶိူင်ႈၸႂ်ႉတိုဝ်း ၼႂ်းႁူင်းယႃလူင်ဢွၵ်ႇဝဵင်းလႃႈသဵဝ်ႈယဝ်ႉ တဵၵ်းၶၢၼ်းႁႂ်ႈၵူၼ်းမိူင်းသႅၼ်ဝီ ၼိုင်ႈဝၢၼ်ႈလႂ် ဢေႇသုတ်း 5 ၵေႃႉ ၵႂႃႇတီႇၽဵဝ်ႈ တီႈႁူင်းႁဵၼ်းၸၼ်ႉသုင် မၢႆ 2 ႁိမ်းတပ်ႉၵဝ်ႇ သိုၵ်းမၢၼ်ႈ ၶလယ 69 ဢွင်ႈတီႈပဵၼ်ပၢင်တိုၵ်း 1027 ဝဵင်းသႅၼ်ဝီ ၸိုင်ႈတႆးပွတ်းႁွင်ႇ။ ဢွင်ႈတီႈႁူင်းႁဵၼ်းၼၼ်ႉ ယင်းပႆႇလႆႈၽဵဝ်ႈပႅတ်ႈမၢၵ်ႇမႅင်း...

မိူဝ်ႈၼႆႉ ဝၼ်းတီႈ 18/04/2025 ယၢမ်းၵၢင်ၼႂ် သိုၵ်းၵဝ်ႈၵၢင်ႉ MNDAA ဢဝ်ၵႃး 10 လမ်းပၢႆ လုၵ်ႉလႃႈသဵဝ်ႈ ၵႂႃႇႁပ်ႉၵူၼ်းၼင်ႈလုမ်း ၶွင်လူင်ပွင်ၸိုင်ႈမၢၼ်ႈ တီႈမိူင်းယႆ တႃႇမႃးၼင်ႈလုမ်းၶိုၼ်း တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၵူၼ်းပိုၼ်ႉတီႈ ဝဵင်းမိူင်းယႆ ဢၼ်ႁၼ်တႂ်ႈၼႃႈတႂ်ႈတႃ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈၼႆႉ ၵၢင်ၼႂ်မွၵ်ႈ 6:30...

သိုၵ်းၵဝ်ႈၵၢင်ႉ MNDAA ႁွင်ႉဢဝ်ႁၢႆးသိုၵ်း (သိုၵ်းမၢၼ်ႈ ၸိူဝ်းၺႃးတီႉၺွပ်း မိူဝ်ႈၽႅၼ်ယၼ်ႇသိုၵ်း 1027) ၼၼ်ႉသေ ၺႃးတူၵ်းၶွၵ်ႈဝႆႉ တီႈဝဵင်းလႃႈသဵဝ်ႈ ထိုင်မႃးၶၢဝ်းသွၼ်းၼမ်ႉ ပီ 2025 ၼႆႉ လႆႈၶၢႆႉၵႂႃႇတၢင်း ဝဵင်းလၢဝ်ႇၵၢႆး ၸိုင်ႈတႆးပွတ်းႁွင်ႇ။ သိုၵ်းၵဝ်ႈၵၢင်ႉၼႆႉ တႄႇထွႆဢွၵ်ႇၶိုၼ်းဝဵင်းလႃႈသဵဝ်ႈ မိူဝ်ႈႁၢင်လိူၼ်မၢတ်ႊၶျ်ၼၼ်ႉသေ ယၢမ်းလဵဝ်သမ်ႉ တေႃႉဢဝ်ႁၢႆးသိုၵ်း ၸိူဝ်းၺႃးတီႉၺွပ်းဝႆႉၼႂ်းၶွၵ်ႈလူင် ဝဵင်းလႃႈသဵဝ်ႈၼၼ်ႉ လတ်းဝဵင်းသႅၼ်ဝီ...

ဝၢႆးလင် မီးၶၢဝ်ႇႁူင်လိုဝ်းဢွၵ်ႇမႃးဝႃႈ သိုၵ်းၵဝ်ႈၵၢင်ႉ MNDAA တေလႆႈထွႆဢွၵ်ႇဝဵင်းလႃႈသဵဝ်ႈသေ ပၼ်သိုၵ်းမၢၼ်ႈ မႃးၵုမ်းၵမ်ၶိုၼ်း ၼႂ်းဝဵင်းလႃႈသဵဝ်ႈ တႃႇ 12 ပွၵ်ႉၼႆယဝ်ႉ တႄႇမိူဝ်ႈၼၼ်ႉမႃး သိုၵ်းၵဝ်ႈၵၢင်ႉ တေႃႉဢဝ်ၶူဝ်းလဵင်း ၼႂ်းႁူင်းယႃလူင်ၵူၼ်းမိူင်းဝဵင်းလႃႈသဵဝ်ႈ ဢွၵ်ႇဝဵင်းၵူႈမိုဝ်ႉဝၼ်းသေ မိူဝ်ႈဝၼ်းတီႈ 17/04/2025 ယၢမ်းၵၢင်ၼႂ် သိုၵ်းၵဝ်ႈၵၢင်ႉ ဢိုတ်းႁူင်းယႃလူင်ၵႂႃႇတေႉတေႉယဝ်ႉ။ ၵူၺ်းၵႃႈတေႃႇထိုင် ဝၼ်းတီႈ 16/04/2025 ယၢမ်းၵၢင်ၶမ်ႈတႄႉ...

  ဝၼ်းတီႈ 15/4/2025 ယၢမ်းၵၢင်ၼႂ် ပလိၵ်ႈသိုၵ်းၵဝ်ႈၵၢင်ႉ MNDAA မႃးလိုပ်ႈၵူၼ်းၶၢႆၶူဝ်း ၶၢႆၽၵ်းၶဵဝ် ႁိမ်းၶၢင်ႈတၢင်း ၵၢတ်ႇၵဝ်ႇ ဝဵင်းသႅၼ်ဝီ  သေ ႁႂ်ႈၶၢႆႉၵႂႃႇၶၢႆတီႈၵၢတ်ႇမႂ်ႇ    ဝၢၼ်ႈပၢင်ႇလေႃႉပုၼ်ႉ - ၵူၼ်းမိူင်းဢမ်ႇၶႂ်ႈၵႂႃႇ- ဝႃႈၼႆ ။ ၵူၼ်းၶၢႆၶူဝ်းႁိမ်းၶၢင်ႈတၢင်း ၵၢတ်ႇၵဝ်ႇ ဝဵင်းသႅၼ်ဝီလၢတ်ႈၽူႈတွႆႇႁွၵ်ႈဝႃႈ -“ ၵူၼ်းမိူင်းဢၼ်မႃးၶၢႆၼႂ်းၵၢတ်ႇၼႆႉ တိုၵ်ႉမီး 3...

တႄႇႁူဝ်လိူၼ်ဢေႊပရိူဝ်ႊမႃး မီးၶၢဝ်ႇဢွၵ်ႇမႃးဝႃႈ ၾၢႆႇလူင်ပွင်ၸိုင်ႈ မိူင်းၶႄႇ မိပ်ႇငႅၼ်းပၼ်ႁႅင်းဢီး ႁႂ်ႈသိုၵ်းၵဝ်ႈၵၢင်ႉ တေလႆႈထွႆဢွၵ်ႇပၼ် ၼႂ်းဝဵင်းလႃႈသဵဝ်ႈ ဝၼ်းတီႈ 22/04/2025 ပဵၼ်လိုၼ်းသုတ်းၼႆသေ ၾၢႆႇသိုၵ်းၵဝ်ႈၵၢင်ႉၵေႃႈ ၵိုင်ႉၵၢင်ႉႁိပ်ႈၼႅတ်ႈ တေႃႉဢဝ်ၶိူင်ႈၸႂ်ႉတိုဝ်းၶူဝ်းၶွင် ၸိူဝ်းမီးၵႃႈၶၼ်လဵၵ်ႉယႂ်ႇတင်းသဵင်ႈ ဢၼ်ၶဝ်ႈတၢင်းတိုဝ်း ၼၼ်ႉ ဢွၵ်ႇဝဵင်းၵႂႃႇ။  မိူဝ်ႈတိုၵ်းၵၼ်ၵေႃႈ တိုၵ်းၵၼ်မိူင်းပေႃးလႅဝ် ၵူၼ်းမိူင်း ၸိူဝ်းဢမ်ႇၶွင်ႉၵဵဝ်ႇၸွမ်းၽႂ်ၸုမ်းလႂ်ၼၼ်ႉၵေႃႈ လႆႈတၢႆ လႆႈမၢတ်ႇ လႆႈပၢႆႈ...

ဝၢႆးၽႅၼ်ယၼ်ႇသိုၵ်း 1027 ယဝ်ႉ ၼႂ်းၶၢဝ်းတၢင်း သိုၵ်းၵဝ်ႈၵၢင်ႉ MNDAA ၵုမ်းၵမ်မႃးပီပၢႆ ၵူၼ်းမိူင်းၸိူဝ်းယူႇသဝ်း ၼႂ်းဝဵင်းသႅၼ်ဝီ ဢမ်ႇမီးၵၢၼ် တႃႇႁဵတ်းႁႃၵိၼ်လဵင်ႉတွင်ႉငၢႆႈလူမ်မိူၼ်ဢွၼ်တၢင်းသေ ပၢႆးမၢၵ်ႈ မီးဢမ်ႇၶႅမ်ႉ ႁႃၵိၼ်ၸၢင်ႈႁဵတ်းၵၢၼ်ၵေႃႈ လႆႈၵႃႈႁႅင်းဢေႇ ၶၢႆၶူဝ်းၵုၼ်ႇၵူႈၸိူဝ်းလႄႈ ၽၵ်းၶဵဝ်ၵေႃႈ ဢမ်ႇလႆႈၼမ်ႉတွၼ်းၼမ်။ ၽွင်းၵူၼ်းမိူင်း ပႆႇတင်ႈတူဝ် ၵၢၼ်မၢၵ်ႈမီးပႆႇၶႅမ်ႉလႅပ်ႈႁင်းၽႂ်မၼ်း ယင်းတိုၵ်ႉလႆႈယၢပ်ႇၵိၼ်းၸႂ် တႃႇႁႃလဵင်ႉမုင်ႉႁေႃႁိူၼ်းယူႇၼၼ်ႉ ၾၢႆႇသိုၵ်းၵဝ်ႈၵၢင်ႉ MNDAA...

တႄႇႁူဝ်လိူၼ်ဢေႊပရိူဝ်ႊမႃး သိုၵ်းၵဝ်ႈၵၢင်ႉ MNDAA ပၼ်ႁႅင်းဢီး တဵၵ်းႁႂ်ႈၵူၼ်းမိူင်း ၼႂ်းဝဵင်းလၢဝ်ႇၵၢႆး(လဝ်ႉၵႆႇ) ပိုတ်ႇႁၢၼ်ႉတၢင်းၶၢႆၵုၼ်ႇ ၵူႈၸိူဝ်းၸိူဝ်းၶိုၼ်း၊ ႁၢၼ်ႉတၢင်းၶၢႆ ၸိူဝ်းဢမ်ႇပိုတ်ႇၼၼ်ႉ တေၺႃးဢိုတ်း ဢမ်ႇၼၼ် ၾၢႆႇသိုၵ်းၶဝ် တေၶိုၼ်းသိုပ်ႇၶၢတ်ႈပၼ်တၢင်ႇၵေႃႉပႅတ်ႈၼႆ - ၵူၼ်းမိူင်းၼႂ်းပိုၼ်ႉတီႈ လၢတ်ႈၼႄၼင်ႇၼႆ။ “မိူဝ်ႈလဵဝ် ၼႂ်းဝဵင်းတမ်ႉပႆႇပေႃးမီးၵူၼ်းသင်လႄႇ။ ဢမ်ႇမီးၵူၼ်းၸႂ်ႉငိုၼ်းၼမ်မိူၼ်မိူဝ်ႈဢွၼ်တၢင်းလူး။ ပေႃးပိုတ်ႇလၢၼ်ႉၵေႃႈ တမ်ႉဢမ်ႇၶၢႆလီ။ ပၢႆသေလိူဝ် လႆႈလူင်းဢလၢင်း (တိုၼ်းလၢင်း)...

မိူဝ်ႈဝၼ်းတီႈ 06/04/2025 ယၢမ်းၵၢင်ၼႂ် မွၵ်ႈ 10 မူင်း သိုၵ်းၵဝ်ႈၵၢင်ႉ တင်ႈလၢၼ်ႇ တီႈသဵၼ်ႈတၢင်းလူင် တီႈႁိမ်းပၢမ်ႉၼမ်ႉမၼ်းႁူဝ်ဝဵင်းသေ  ၵူတ်ႇထတ်း ရူတ်ႉၵႃး လႄႈ ၵူၼ်း ၶဝ်ႈဢွၵ်ႇ  ဝဵင်းသႅၼ်ဝီ ။    သိုၵ်းၵဝ်ႈၵၢင်ႉ ဢမ်ႇပိုၼ်ၽၢဝ်ႇ ဢမ်ႇၸႅင်ႈၶၢဝ်ႇဝႆႉဢွၼ်တၢင်းသေ ၵိုင်ႉၵၢင်ႉမႃးတင်ႈလၢၼ်ႇ ၵူတ်ႇထတ်းၵူၼ်း ၵႂႃႇမႃး ၸိူင်ႉၼႆ...

တႄႇဝၼ်းတီႈ 03/04/2025  မႃးသိုၵ်းၵဝ်ႈၵၢင်ႉ ဢဝ်ႁႅင်းၵူၼ်း ဢိၵ်ႇ ၶိူင်ႈၶူဝ်းၸႂ်ႉတိုဝ်း တီႈႁူင်းယႃလူင်ၵူၼ်းမိူင်း တင်း သဵင်ႈ ထွႆဢွၵ်ႇၵႂႃႇ ၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ  ၵူၼ်းပိုၼ်ႉတီႈလၢတ်ႈၼင်ႇၼႆ။ ၵူၼ်းၸမ်ၸႂ်တင်းသွင်ၾၢႆႇလၢတ်ႈဝႃႈ - သိုၵ်းၵဝ်ႈၵၢင်ႉလႄႈသိုၵ်းမၢၼ်ႈ တူၵ်းလူင်းၵၼ်ဝႆႉဝႃႈ ဝၼ်းတီႈ 17/04/2025 ၼႆႉဝႆႉပဵၼ်ဝၼ်းလိုၼ်းသုတ်းသေ ႁႂ်ႈဢွၵ်ႇဝဵင်းလႃႈသဵဝ်ႈယဝ်ႉ၊ ယွၼ်ႉပိူဝ်ႈဝႃႈ ဝၢႆးလင်ဝၼ်းတီႈ 20/04/2025 ၼႆႉသိုၵ်းမၢၼ်ႈတေယိုတ်းဢဝ်ၶိုၼ်း...