ဝၼ်းတီႈ 14/05/2025 ယၢမ်းၵၢင်ၼႂ် 8 မူင်း တပ်ႉသိုၵ်းဝႃႉ UWSA ပၼ်တၢမ်ႇတၢႆ ၵူၼ်းသိုၵ်းဝႃႉၶဝ် ၵေႃႉလၵ်ႉဢဝ်ၶိူင်ႈၵွင်ႈၵၢင်ႇၵႂႃႇၶၢႆၼၼ်ႉ တီႈဝဵင်းပၢင်သၢင်း ၼႂ်းထုင်ႉတပ်ႉသိုၵ်းဝႃႉၵုမ်းၵမ် ၸိုင်ႈတႆးပွတ်းႁွင်ႇ။ ၵဵဝ်ႇလူၺ်ႈလွင်ႈၼႆႉ ၾၢႆႇပွင်ၵၢၼ်တပ်ႉသိုၵ်းဝႃႉ UWSA ပိုၼ်ၽၢဝ်ႇဢွၵ်ႇဝႃႈ - တီႈပၢင်ပၼ်တူတ်ႈတၢမ်ႇ တၢႆၵူၼ်းသိုၵ်းၼၼ်ႉ ႁႂ်ႈလုၵ်ႈႁဵၼ်း ၼႂ်းႁူင်းႁဵၼ်းသွၼ်လိၵ်ႈ ဢၼ်မီးၼႂ်းဝဵင်းပၢင်သၢင်းတင်းသဵင်ႈလႄႈ ပေႃႈမႄႈၵူၼ်းမိူင်းမႃးၶဝ်ႈႁူမ်ႈ တူၺ်းၸွမ်းၵႂႃႇ...

သိုၵ်းဝႃႉ UWSA တီႉၺွပ်းလႆႈရူတ်ႉတေႃႉၶိူင်ႈၶူဝ်း ၶွင်ၸုမ်းၵျႃးၽႅၼ်ႉ ဢၼ်လုၵ်ႉတၢင်းဝဵင်းႁူဝ်ပၢင်ႇ တေမုင်ႈၼႃႈၵႂႃႇတၢင်း ၼႃႈတီႈၵုမ်းၵမ် တပ်ႉသိုၵ်းၵဝ်ႈၵၢင်ႉ MNDAA ဝႃႈၼႆ။ ပူၼ်ႉမႃး ႁူဝ်လိူၼ်မၢတ်ႊၶျ်ၼႆႉ ၽူႈမီးပုၼ်ႈၽွၼ်းၾၢႆႇတပ်ႉသိုၵ်းဝႃႉ ဢၼ်ပႂ်ႉၵူတ်ႇထတ်းတီႈၶူဝ်ၽႅၼ် (ဖောင်ဆိပ်တံတား) ယၢၼ်ၵႆၵၼ်တင်း ဝဵင်းႁူဝ်ပၢင်ႇ မွၵ်ႈ 2 လၵ်းပၢႆၼၼ်ႉ တီႉၺွပ်းလႆႈ ၾူၼ်းၶိူင်ႈၸႂ်ႉတိုဝ်း ၼႂ်းၵၢၼ်ၵျႃးၽႅၼ်ႉ တႃႇရူတ်ႉၼိုင်ႈလမ်း တီႈၸႄႈဝဵင်းႁူဝ်ပၢင်ႇ...

ဝၢႆးလင် သိုၵ်းမၢၼ်ႈတင်း သိုၵ်းၵဝ်ႈၵၢင်ႉ လႆႈၶေႃႈတူၵ်းလူင်း ၵိုတ်းသိုၵ်းယဝ်ႉ လူင်ပွင်ၸိုင်ႈမိူင်းၶႄႇ ပိုတ်ႇ ပၼ်သဵၼ်ႈတၢင်း ၵၢၼ်တေႃႉသူင်ႇ ၼမ်ႉမၼ်းၸိူဝ်ႉၾႆးလႄႈ ၶူဝ်း ၵုၼ်ႇၵူႈၸိူဝ်းၸိူဝ်း ၸွမ်းလႅၼ်လိၼ် တိတ်းၸပ်းၼႃႈလိၼ်ၶိုၵ်ႉတွၼ်း မၢႆ 4 တပ်ႉသိုၵ်းမိူင်းလႃး NDAA လႄႈ တပ်ႉသိုၵ်းၵဝ်ႈၵၢင်ႉ MNDAA သေတႃႉ ၼႂ်းၼႃႈလိၼ်သိုၵ်းဝႃႉ UWSA...

ယၢမ်းလဵဝ် သိုၵ်းဝႃႉ UWSA ဢၼ်မီးဝႆႉၼႂ်းၸႄႈဝဵင်းတၢင်ႉယၢၼ်းၼႆႉ ယိပ်းၵွင်ႈၵၢင်ႇ သႂ်ႇၶူဝ်းသိုၵ်းတဵမ်တူဝ်သေ ထၢင်ႇႁၢင်ႈတူင်ႉၼိုင်ၵႂႃႇမႃး လွတ်ႈလႅဝ်း ႁဵတ်းႁႂ်ႈၵူၼ်းမိူင်းမႆႈၸႂ် ၵူဝ်ပဵၼ်ပၢင်တိုၵ်း - ၵူၼ်းပိုၼ်ႉတီႈလၢတ်ႈ။ ၸႄႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇၼႆႉ ယူႇတီႈ တပ်ႉသိုၵ်းဝႃႉ UWSA ၶဝ်ႈမႃးယိုတ်းၵုမ်းဝႆႉ ၸဵမ်မိူဝ်ႈလိူၼ်ၵျူႊလၢႆႊ ပီ 2024 ၼၼ်ႉမႃးသေ ႁၢၼ်ႉတေႃႇထိုင်ယၢမ်းလဵဝ် ဝႃႈၼႆ။ ၵွပ်ႈၼႆလႄႈ...

ၾၢႆႇၸဝ်ႈၼႃႈတီႈထႆး သင်ႇႁႂ်ႈတပ်ႉပၢင်သဝ်း သိုၵ်းဝႃႉ UWSA  9 ဢွင်ႈတီႈ ဢၼ်မီးဝႆႉၸွမ်းလႅၼ် လိၼ်ထႆး ႁိမ်းမိူင်းပၢႆး ၸႄႈဝဵင်းမႄႈႁွင်ႈသွၼ် ၸိုင်ႈထႆးၼၼ်ႉ ႁႂ်ႈထွႆထွၼ် ဢွၵ်ႇၼႂ်းၶၢဝ်းတၢင်းၼိုင်ႈ လိူၼ် ဝႃႈၼႆ။ ပၼ်ႁႃသိုၵ်းဝႃႉ တၢင်းလႅၼ်လိၼ်ထႆး ဢမ်ႇယၢမ်ႈယႂ်ႇလူင်မႃး ၸိူင်ႉၼႆႁိုင်ၼၢၼ်းယဝ်ႉ။  ၵူၼ်းပိုၼ်ႉတီႈ တင်းသွင်ၾင်ႇၸိုင်ႈမိူင်း လၢတ်ႈဝႃႈ ပိူင်ပဵၼ် ၵမ်းၼႆႉ...

ၸူဝ်ႈသိုၵ်းဝႃႉၵုမ်း ဢိူင်ႇမိူင်းၵႅတ်ႈ ၸႄႈဝဵင်းလႃႈသဵဝ်ႈ မႃးၼႆႉ ဢိင်ၼိူဝ်ၶေႃႈၸီႉသင်ႇ ၸဝ်ႈၸႄႈဝဵင်း ၵမ်းသိုဝ်ႈ သေ လွင်ႈၵၢႆႇၶူဝ်မႄးတၢင်း ပူၵ်းပွင်ဝၢၼ်ႈဢိူင်ႇ မီးၽွင်ႈယူႇသေတႃႉ ၸူဝ်ႈၸဝ်ႈၸႄႈဝဵင်း ဢမ်ႇယူႇၼႆႉ ၵႅမ်ၸဝ်ႈၸႄႈဝဵင်း ဢၼ်ၵိုတ်းဝႆႉၼႂ်းပိုၼ်ႉတီႈ ၸီႉသင်ႇၵူၼ်းဝၢၼ်ႈႁႂ်ႈသႂ်ႇသဵၼ်ႈၸိုဝ်ႈ တႃႇၾိုၵ်းၵၢၼ်သိုၵ်းလႄႈ ႁဵတ်းႁႂ်ႈၵူၼ်းမိူင်းၵႅတ်ႈ ဢမ်ႇယူႇသႃႇၵိၼ်းၸႂ်။  တႄႇလိူၼ်ဢွၵ်ႊထူဝ်ႊပိူဝ်ႊမႃး ၵႅမ်ၸဝ်ႈၸႄႈဝဵင်း (ၾၢႆႇၽွင်းငမ်း) သိုၵ်းဝႃႉ UWSA တီႈဢိူင်ႇမိူင်းၵႅတ်ႈ...

ဝၼ်းတီႈ 28/08/2024 ၽူႈၵွၼ်းတပ်ႉ 318 ၵေႃႉၵဝ်ႇလႄႈ ႁူဝ်ၼႃႈ ႁွင်ႈၵၢၼ်ၽွင်းလူင် ၾၢႆႇၵေႃႇသၢင်ႈ UWSA တႃႉ ဢၢႆႈရူင် (ပဝ်ႉယၢၼ်ရူင် ) လႆႈလူႉသဵင်ႈ။ ၵဵဝ်ႇလူၺ်ႈလွင်ႈၼႆႉ ၵူၼ်းပိုၼ်ႉတီႈ လၢတ်ႈဝႃႈ - “တႃႉဢၢႆႈရူင် (ပဝ်ႉယၢၼ်ရူင်) ၼႆႉ ဢမ်ႇယူႇလီမႃး  ႁိုင်ယဝ်ႉ ၸင်ႇလႆႈလူႉသဵင်ႈၵႂႃႇ ၼႂ်းဝၼ်းတီႈ...

ၸဵမ်မိူဝ်ႈသိုၵ်းမၢၼ်ႈ ယိုတ်းမိူင်း ဢွၵ်ႇပိူင်ၵဵပ်းသိုၵ်း ႁူဝ်ပီ 2024 ၼၼ်ႉမႃး ၵူၼ်းၼုမ်ႇ ၼႂ်းမိူင်းႁူမ်ႈတုမ် ဢွၼ်ၵၼ်ပၢႆႈ ဢွၵ်ႇမိူင်းတင်းၼမ်တင်းလၢႆ။ ၵူၼ်းၼုမ်ႇ ၼႂ်းမိူင်းတႆး လၢႆပိုၼ်ႉတီႈၵေႃႈ ၼွၵ်ႈလိူဝ်လႆႈၵူဝ်သိုၵ်းမၢၼ်ႈ ၵဵပ်းသိုၵ်းယဝ်ႉ လႆႈၵူဝ်ပႃး သိုၵ်းၸၢဝ်းၶိူဝ်း ၵဵပ်းသိုၵ်း၊ မၢင်ၸုမ်း လူင်းၵဵပ်း သိုၵ်းထိုင်ၼႂ်းပိုၼ်ႉတီႈ၊ မၢင်ၸုမ်းပႂ်ႉ ၵဵပ်းၵၢင်တၢင်း။ ယၢမ်းလဵဝ် မိူင်းတႆးပွတ်းဢွၵ်ႇ...

လၢၼ်ႇလႅၼ်လိၼ်ၶႄႇ - မၢၼ်ႈ တီႈဝၢၼ်ႈမၢၼ်ႈၶႃး ဢၼ်မီးတီႈ ဝဵင်းၼမ်ႉတိုၵ်း ၼႃႈလိၼ်ဝႃႉၵုမ်းၵမ် ၼႂ်းၸိုင်ႈတႆးပွတ်းႁွင်ႇၼၼ်ႉ ၶႄႇၵိုင်ႉၵၢင်ႉသင်ႇပိၵ်ႉဢိုတ်းလႄႈ ၵၢၼ်ၵႃႉၶၢႆတေႃႉသူင်ႇၶူဝ်းၶွင် ၵိုတ်းၶၢတ်ႇဝႆႉ။ လၢၼ်ႇလႅၼ်လိၼ် မၢၼ်ႈၶႃးၼႆႉ တႄႇပိၵ်ႉၼႂ်းဝၼ်းတီႈ 24/08/2024  သေ လၢၼ်ႇပၢင်သၢင်းလႄႈ လၢၼ်ႇယႂ်ႇႁိမ်းႁွမ်း ၼၼ်ႉၵေႃႈ ၸဝ်ႈၼႃႈတီႈၾင်ႇမိူင်းၶႄႇလႄႈ မိူင်းတႆး ၵူတ်ႇထတ်းရူတ်ႉၵႃး/ ၵူၼ်းၵႂႃႇမႃး ႁၢဝ်ႈႁႅင်း ၵူၼ်းၵႃႉ...

ပတိၵ်ႈၶၢတ်ႈ ဢၼ်ပဵၼ်ယူႇ ၼႂ်းမိူင်းမၢၼ်ႈတင်း မိူင်းတႆးၼႆႉ ႁႂ်ႈဢဝ်လၢႆးႁူပ်ႉထူပ်းဢုပ်ႇဢူဝ်းၵၼ်သေ ၵႄႈလိတ်ႈၵႂႃႇ ၼႆ သိုၵ်းဝႃႉ UWSA ပိုၼ်ၽၢဝ်ႇတိုၵ်းသူၼ်းဢွၵ်ႇမႃး ၼႂ်းဝၼ်းတီႈ 30 လိူၼ်ၵျူႊလၢႆႊၼႆႉ ၼင်ႇၼႆ။ တႃႇပူၵ်းပွင်ၵၢၼ်မိူင်း ဢၼ်လူႉလႅဝ်ၵႂႃႇယွၼ်ႉပၢင်တိုၵ်း တႃႇၵူၼ်းမိူင်း ၸိူဝ်းပၢႆႈၽေးသိုၵ်း တေပွၵ်ႈၶိုၼ်းႁိူၼ်းယေးသေ မီးလွင်ႈႁူမ်ႇလူမ်ႈၼၼ်ႉ ထုၵ်ႇလီဢဝ်လၢႆးငမ်းယဵၼ် ဢုပ်ႇဢူဝ်းၵႄႈလိတ်ႈၵႂႃႇ ဝႃႈၼႆ။ ယၢမ်းလဵဝ် ၼႂ်းမိူင်းမၢၼ်ႈ ပတ်းပိုၼ်ႉၼႆႉ...

တပ်ႉသိုၵ်းဝႃႉ UWSA ၶဝ်ႈမႃးၵုမ်းထိင်း ၸႄႈဝဵင်းတၢင်ႉယၢၼ်းယဝ်ႉ ၶႅၼ်ႈသေဝၼ်းၼိုင်ႈ ဝၼ်းတီႈ13 လိူၼ်ၵျူႊလၢႆႊၼႆႉ တပ်ႉသိုၵ်းတႆး SSPP/SSA  ၶဝ်ႈလူမ်ႇ ၸႄႈဝဵင်းမိူင်းယႆ ၸဵမ်ႁူဝ်ၼႂ်ၸဝ်ႉၼႆလႄႈ ႁဵတ်းႁႂ်ႈၵူၼ်းၸိူဝ်းပၵ်းတႃပႂ်ႉတူၺ်း လၢႆးၵၢၼ်တိုၵ်းတၢင်းမိူင်းတႆးပွတ်းႁွင်ႇၼၼ်ႉ ၵႂင်ႁူၵႂင်တႃၵႂႃႇ တႄႉယဝ်ႉ။ ၸုမ်းဝႃႉ ဢၼ်လူင်းမႃးၵုမ်းထိင်းတၢင်ႉယၢၼ်းၼၼ်ႉ ဝႆႉၼၵ်းပၵ်းတပ်ႉယူႇၸွမ်း ၼႂ်းၼႃႈတီႈတိတ်းၸပ်း လႅၼ်လၢပ်ႈလႃႈသဵဝ်ႈၼၼ်ႉသေ မိူၼ်တေႁၢမ်ႈ ၸုမ်းၵဝ်ႈၵၢင်ႉလႄႈ တၢင်ႇၸုမ်း ဢၼ်လေႃႇတိုၵ်းတေႃႇ...

တပ်ႉသိုၵ်ႉဝႃႉ UWSA ဢၼ်ၵုမ်းဝႆႉ ဝဵင်းႁူဝ်ပၢင်ႇၼႆႉ တေယုၵ်ႉဢဝ် ၶိုၼ်ႈပဵၼ် ၸၼ်ႉၸႄႈတွၼ်ႈၵႂႃႇ ၼႆယဝ်ႉ။ ဝၼ်းတီႈ 01/07/2024 ဢၼ်တေထိုင်ၼႆႉ တပ်ႉသိုၵ်းမိူင်းဝႃႉ ၽွမ်ႉႁူမ်ႈ (UWSA) တေယုၵ်ႉဢဝ် ဝဵင်းႁူဝ်ပၢင်ႇ ၸိုင်ႈတႆးပွတ်းႁွင်ႇ ဢၼ်ယိုတ်းၵုမ်းလႆႈဝႆႉ ၽွင်းပၢင်ယၼ်ႇသိုၵ်း 1027 ၼၼ်ႉ ၶိုၼ်ႈမႃးပဵၼ် ၸၼ်ႉၸႄႈတွၼ်ႈ ၶွင်တပ်ႉသိုၵ်းဝႃႉ (UWSA)...

ယၢမ်းလဵဝ် သိုၵ်းဝႃႉ UWSA ၶဝ်ႈၵုမ်း ၼႂ်းဢိူင်ႇမိူင်းၵႅတ်ႈ ၸႄႈဝဵင်းလႃႈသဵဝ်ႈဝႆႉသေ ပိုၼ်ၽၢဝ်ႇ ႁၢမ်ႈသိုၵ်းၸုမ်းလႂ် မႃးၵဵပ်းၶွၼ်ႇ တႃႇ 3 ပီ ဝႃႈၼႆ။ လိူၼ်မၢတ်ႊၶျ် 2024 ၼႆႉ ယူႇတီႈ ၸုမ်းဢူၺ်းလီ ပွတ်းႁွင်ႇ 3 ၸုမ်း မိူၼ်ၼင်ႇ - သိုၵ်းတဢၢင်း TNLA...

သိုၵ်းဝႃႉ UWSA ပိုၼ်ၽၢဝ်ႇႁႂ်ႈၵူၼ်းပၢႆႈၽေးသိုၵ်းဢၼ်မႃးသွၼ်ႈၼႂ်းလိၼ်သိုၵ်းဝႃႉ တူင်ႉၼိုင်ၵုမ်းၵမ်ၼၼ်ႉႁဵတ်းဝတ်းဝႂ်ယူႇသဝ်းၸူဝ်ႈၶၢဝ်း - ဝႃႈၼႆ။ ဝၼ်းတီႈ 3 တီႊသႅမ်ႊပိူဝ်ႊၶွမ်ႊမတီႊၾၢႆႇပၵ်းပိူင်မၢႆမီႈၶွင်တပ်ႉသိုၵ်းဝႃႉ ပိုၼ်ၽၢဝ်ႇဝႃႈ တႃႇႁႂ်ႈလႆႈယူႇၵတ်းယဵၼ်ႁူမ်ႈၵၼ်ၼၼ်ႉ - ၵူၼ်းၸိူဝ်းပၢႆႈၽေးသိုၵ်း မႃးပိုင်ႈယူႇသဝ်းတင်းသဵင်ႈ ႁႂ်ႈႁဵတ်းဝႂ်ယူႇသဝ်းၸူဝ်ႈၶၢဝ်း၊ ရူတ်ႉၵႃး ရူတ်ႉၶိူင်ႈဢၼ်ပႃးမႃးၸွမ်းၼၼ်ႉၵေႃႈႁႂ်ႈဢွၼ်ၵၼ်ဢဝ်ၵႂႃႇတီႈႁွင်ႈၵၢၼ်ၾၢႆႇၵုမ်းရူတ်ႉၵႃးသေ ၵႂႃႇႁဵတ်းဝတ်းဝႂ်ဝႆႉသေၵမ်း - ဝႃႈၼႆ။ ၵူၼ်းပၢႆႈၽေးသိုၵ်းႁွတ်ႈထိုင်ၼႂ်းၼႃႈလိၼ်သိုၵ်းဝႃႉတူင်ႉၼိုင်လၢတ်ႈတီႈၽူႈတွႆႇႁွၵ်ႈဝႃႈ - “ၶဝ်လၢတ်ႈႁဝ်းၶႃႈမိူဝ်ႈဝႃး (5/12/2023) ၶႃႈဢေႃႈ။ ႁႂ်ႈၵႂႃႇႁဵတ်းဝႂ်ၵူၼ်းဝႂ်ရူတ်ႉ...

တႄႇႁူဝ်လိူၼ် ဢေႊပရိူဝ်ႊ ၼႆႉမႃး တပ်ႉသိုၵ်းဝႃႉ UWSA ထႅမ်ႁႅင်းသိုၵ်း ၶၢမ်ႈၶူင်း ၶဝ်ႈၼႂ်းဢိူင်ႇမိူင်းယေႃ ၸႄႈဝဵင်းလႃႈသဵဝ်ႈ ဢမ်ႇယွမ်း 300  ၸုမ်းယိပ်းၵွင်ႈဢၼ်ပၵ်းသဝ်းဝႆႉၼႂ်းမိူင်းယေႃသမ်ႉလႆႈထွႆဢွၵ်ႇ လႆႈႁူႉၼင်ႇၼႆ။ ၵူၼ်းမိူင်းယေႃၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ သိုၵ်းဝႃႉၶဝ် လုၵ်ႉတၢင်းပွတ်းဢွၵ်ႇပုၼ်ႉမႃးႁေ မႃး ထိုင်သႂ်ႇ ၼွင်လႅင် ၊ၼွင်ၽႃ ၾၢႆႇတၢင်းတၢင်ႉယၢၼ်းၼႆႉယဝ်ႉၵေႃႈ ပူၼ်ႉမႃးထိုင်...